පුවත්

මෙවර 98වන ඔස්කාර් සම්මාන උලෙළෙහි හොඳම කැමරාකරණය (Best Cinematography) සම්මානය දිනාගත්තේ Autumn Durald Arkapaw කියන ඇමරිකානු ජාතික කැමරා අධ්‍යක්ෂවරිය.

ඉන්ධන හිඟය පවතින අවස්ථාවක දී එයට මුහුණ දිය යුත්තේ කෙසේ ද යන්න පිළිබදව අපි රටක් ලෙස පෙර පුහුණුව ලබා ඇති බැවින් ඒ සඳහා සුව පහසු (Comfortable) ලෙස මුහුණ දිය යුතු යැයි සමස්ත ලංකා ත්‍රි රෝද රථ රියදුරන් ගේ සංගමයේ සභාපති ලලිත් ධර්මසේකර පැවසී ය.

එළැඹෙන බදාදා (17) සිට සෑම සතියකම බදාදා දිනවල නිවාඩු ලබාදීමට රජය තීරණය කර ඇතැයි අත්‍යවශ්‍ය සේවා කොමසාරිස් ජනරාල් ප්‍රභාත් චන්ද්‍රකීර්ති පැවසී ය.

පවතින ඉන්ධන සපයා ගැනීමේ ගැටලුව සැලකිල්ලට ගෙන රජයේ සියලු පාසල් සෑම බදාදා දිනකම නිවාඩු ලබාදීමට තීරණය කළ බව අධ්‍යාපන අමාත්‍යාංශ ලේකම්, නාලක කලුවැව පවසයි.

ලෝකේ බොහෝ රටවල් මීට පෙර මෙවැනි තත්ත්වයක් සම්බන්ධයෙන් සූදානම් වූ බවත්, ප්‍රමාද වී හෝ ඒ සම්බන්ධයෙන් සූදානම් වීම පිළිබඳව සතුටු වන්නේ යැයි ශ්‍රී ලංකා පොදුජන පෙරමුණේ ජාතික සංවිධායක නාමල් රාජපක්ෂ පැවසී ය.

තිරිකුණාමලයේ තෙල් ටැංකි අලුත් වැඩියා කර සංවර්ධනය කිරීමට ගත් උත්සාහ තුනක් ම ව්‍යවර්ථ කළේ ජනතා විමුක්ති විමුක්ති පෙරමුණ යැයි එක්සත් ජාතික පක්ෂයේ සභාපති වජිර අබේවර්ධන පැවසී ය.

කයිවාරු වලින්, පුරාජේරු කතා වලින් හා උද්දච්චකම්වලින් හිස උදුම්මවාගෙන ඇමරිකානු හඬට හා අයි එම් එෆ් තාලවලට පාද තිය තියා නටමින් සිටි “හුණ්ඩු ආණ්ඩුව” අද මැද පෙරදිග හදිසි ලෝක තත්ත්වයන් මත නිර්මාණය වූ ඉන්ධන අර්බුදවලට මුහුණ දී ගත නොහැකිව ඉන්ධන ඉල්ලමින් රුසියාව පසුපස යන්නට පටන් ගෙන ඇතැයි විමල් වීරවංශ පවසයි.

රට තුළ පවතින ඕනෑම අර්බුදකාරි අවස්ථාවක දී වුව ද රෝහල් පද්ධතිය සහ එහි පාර්ශවකරුවන් ආරක්ෂා කරමින් අවශ්‍ය මූලික පහසුකම් සපයමින් නිදහස් සෞඛ්‍ය සේවාවේ අඛණ්ඩතාව ආරක්ෂා කිරීම ඕනෑම රජයක අත්හල නොහැකි වගකීමක් යැයි රජයේ වෛද්‍ය නිලධාරීන්ගේ සංගමය සඳහන් කරයි.

QR කෝඩ් එක දැමීමෙන් ලංකාවේ සංචාරක කර්මාන්තය, කෘෂි කර්මාන්තය, ධීවර කර්මාන්තය, ඌබර් කර්මාන්තය, resturant එදිනෙදා ව්‍යාපාර යනාදි සියල්ල කඩාගෙන වැටෙන බව පාර්ලිමේන්තු මන්ත්‍රී එස්. එම්. මරික්කාර් පැවසී ය.

එක්සත් ජාතික පක්ෂය මේ වනවිට ජාතික වශයෙන් කරන වැඩපිළිවෙළ ම ප්‍රාදේශීය වශයෙන් කරගෙන යෑමට සියලු වැඩකටයුතු සූදානම් කර තිබෙන බවත්, මේ දැනුවත් කිරීමේ දී සියලු දේශපාලන පක්ෂත් සමග ගමේ එකට වැඩ කිරීමේ ක්‍රියාවලියට සම්බන්ධ විය යුතු බවත්, එය ගමේ පවත්වන සමුපකාර ඡන්ද සහ ප්‍රාදේශීය ඡන්ද සියල්ලෙන් ම ජනතාව ඔප්පු කර ඇති බවත්, මහජනතාව එකට එකතු වී වර්තමාන පාලන තන්ත්‍රය පරාජය කරමින් පවතින්නේ යැයි එක්සත් ජාතික පක්ෂ සභාපති වජිර අබේවර්ධන පැවසී ය.

මේ වන විට පවතින යුදමය වාතාවරණය හේතුවෙන් ඉන්ධන අරපිරිමැස්මෙන් භාවිත කිරිම සඳහා රජය  QR කේතයක් හදුන්වා දී ඇති බවත් ඇතැම් වාහන හිමියන් පොලිමෙන් පිට පැමිණ ඉන්ධන ලබාගැනිමට උත්සාහ කරන බවත් ශ්‍රී ලංකා පොලිසිය පවසයි.

පසුගිය වසරේ මාර්තු 31වන දින දෙනියායේ පැවති රැස්වීමේ දී එම වසරේ අප්‍රේල් 21වන දිනට පෙර පාස්කු මහ මොළකරු හෙළි කරනවා යැයි පොරොන්දු වුව ද මේ වන විට වසරක් ගෙවී යැමට ආසන්නව තිබිය දී තවමත් පාස්කු මහ මොළකරු කවුදැයි හෙළි කරන්නට රජය අපොහොසත්ව ඇතැයි පිවිතුරු හෙළ උරුමය පක්ෂ නායක උදය ගම්මන්පිල පැවසී ය.

ජංගම දුරකතනයක් හෝ කැමරාවක් අත තිබූ පමණින් ම කිසිවකු මාධ්‍යවේදයකු වන්නේ නැතැයි ජනමාධ්‍ය නියෝජ්‍ය ඇමතිනි කෞෂල්‍යා ආරියරත්න පැවසුවා ය.

ලෝකයේ ආර්ථික අර්බුදයක් පවතින සමයක දී ඇතැම් වෙළෙන්දෝ තමා සන්තකයේ පවතින භාණ්ඩ හිටි අඩියේ මිල ඉහළ දමන්නේ නම් ඒ අය හඳුන්වන්නේ ''කළුකඩකාරයින්'' ලෙස බවත්, ආණ්ඩුව ද මේ වන විට කළුකඩකාරයින් ගේ තත්ත්වයට පත්ව ඇති බවත් හිටපු පාර්ලිමේන්තු මන්ත්‍රණී හිරුණිකා ප්‍රේමචන්ද්‍ර පැවසවා ය.

2026 වර්ෂය සඳහා අභිනවයෙන් පත්වූ ස්වීඩනයේ ශ්‍රී ලංකා සංගමයේ නව නිලධාරි මණ්ඩලය 2026 මාර්තු මස 13 වන දින පස්වරු 4.00ට ස්වීඩනයේ ශ්‍රී ලංකා තානාපති සමග සංගමයේ ඉදිරි වැඩ කටයුතු පිළිබඳ සාකච්ඡාවක් පැවැත්වූහ.

15වන දා සිට ක්‍රියාත්මක වන ඉන්ධන කෝටාව තම සේවා සැපයීම සඳහා ප්‍රමාණවත් නැතැයි  රජයේ වෛද්‍ය නිලධාරීන්ගේ සංගමයේ (GMOA) මාධ්‍ය ප්‍රකාශක ආචාර්ය චමිල් විජේසිංහ පැවසී ය.

මැදපෙරදිග යුද තත්වය හමුවේ ගත යුතු ඉදිරි පියවර පිළිබද විශේෂ සාකච්ඡාවක් ඊයේ (15) ජනාධිපති අනුර කුමාර දිසානායක ගේ ප්‍රධානත්වයෙන් පැවැත්විණි.

වෛද්‍ය සේවාව දීප ව්‍යාප්ත සේවාවක් වන බැවින් විශේෂඥ වෛද්‍යවරුන්, ශ්‍රේණිධාරි වෛද්‍යවරුන් සහ පරිපාලන වෛද්‍යවරුන් ඔ්නෑම මොහොතක සේවා අවශ්‍යතාව අනුව මුළු රට පුරාම ප්‍රතිකාර සේවා සපයන ලබන බවත්, එහි දී වෛද්‍යවරු: තම රාජකාරි, පොරොත්තු රාජකාරි සහ හදිසි ඇමතුම් රාජකාරි සඳහා ප්‍රවාහන පහසුකම් තමන් විසින් ම සලසාගනු ලබන අතර රාජ්‍ය සේවයේ අනෙක් සමාන්තර ඛාණ්ඩවලට මෙන් නිල වාහන හෝ ඉන්ධන දීමනා රජයෙන් ලබා දීමක් සිදු නොවන්නේ යැයි රජයේ වෛද්‍ය නිලධාරින්ගේ සංගමය (GMOA) සඳහන් කරයි.