පුවත්

දුෂණ චෝදනාවක් සම්බන්ධයෙන් අල්ලස් කොමිසම අත්අඩංගුවට ගත් ලංකා ඛනිජ වැලි සමාගමේ හිටපු සභාපති උදේනි දසනායක  ඇප මත මුදා හරින ලෙස කොළඹ ප්‍රධාන මහේස්ත්‍රාත් අසංග එස් බෝදරගම අද (25) නියෝග කළා.

පොස්පේට් ආනයනය කරන සමාගම් තුනකින් රුපියල් ලක්ෂ 81ක මුදලක් අල්ලසක් ලෙස ඉල්ලා සිය බැංකු ගිණුමට බැර කරවා ගත්තේ යැයි සිද්ධියට අදාලව  අත්අඩංගුවට ගත් හිටපු අමාත්‍ය හා බදුල්ල දිස්ත්‍රික් පාර්ලිමේන්තු මන්ත්‍රී චාමර සම්පත්ගේ හිටපු ලේකම් ලබන 9 දක්වා යළිත්  රක්ෂිත බන්ධනාගාරගත කිරිමට කොළඹ ප්‍රධාන මහේස්ත්‍රාත් අසංග එස් බෝදරගම අද(25) නියෝග කළා.

අධිකරණ නියෝගයක් ප්‍රසිද්ධ රැස්වීමකදී අපහාසයට ලක් කරමින් හිටපු අමාත්‍ය විමල් වීරවංශ අධිකරණයට අවමානයක් සිදුකිරීම සම්බන්ධයෙන් විමර්ශනයක් ආරම්භ කළ බව මධ්‍යම අපරාධ විමර්ශන කාර්යාංශය (CCIB) කොළඹ අතිරේක මහේස්ත්‍රාත් ලියාන් වරුෂවිතාන හමුවේ දැනුම් දුන්නේය.

ආණ්ඩුක්‍රම ව්‍යවස්ථාවේ 22 වන සංශෝධන පනත් කෙටුම්පත සම්මත කරගැනීම සඳහා අද (25) පස්වරුවේ පැවැත්වීමට නියමිත ඡන්ද විමසීමේදී, තම හෘද සාක්ෂියට එකඟව ඡන්දය භාවිත කරන ලෙස ‘දිනන දකුණ’ සාමූහිකය පාර්ලිමේන්තු මන්ත්‍රීවරුන්ගෙන් ඉල්ලීමක් කරයි.

මුලතිව් දිස්ත්‍රික් මහ රෝහලේ යටිතල පහසුකම් සංවර්ධනය කිරීමට සහ සේවා කාර්යක්ෂමතාව ඉහළ නැංවීමට කඩිනම් පියවර ගන්නා බව සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස පවසයි.

ශ්‍රී ලංකා යුද්ධ හමුදාවේ 77 වන සංවත්සරයට සමගාමීව ඓතිහාසික ජය ශ්‍රී මහා බෝධීන් වහන්සේ අභියසදී යුද්ධ හමුදා ධජයන්ට සෙත් පැතීමේ උත්සවය යුද්ධ හමුදාධිපතිගේ ප්‍රධානත්වයෙන් පැවැත්විණ.

අධිකරණ සේවා කොමිෂන් සභාව යටතේ ක්‍රියාත්මක වන “e-Courts” ව්‍යාපෘතිය යටතේ ක්‍රියාත්මක කෙරෙන අධිකරණ පද්ධතිය ඩිජිටල්කරණය කිරීමේ දීපව්‍යාප්ත වැඩසටහන යටතේ සියලු දිසා අධිකරණවල විභාගවන නඩු සඳහා ගැළපෙන පරිදි විද්‍යුත් ගොනු කිරීමේ පද්ධති හදුන්වාදීමට පියවර ගෙන ඇති අතර, ඒ යටතේ එම පහසුකම පළමු වරට හදුන්වාදුන් කොළඹ 07, අතිරේක දිසා අධිකරණ, සුළු හිම්කම් අධිකරණයේ නඩු ගොනු කිරීමේ පද්ධතිය ගරු අගවිනිසුරු ප්‍රිති පද්මන් සුරසේන විසින් ඊයේ (23) පස්වරුවේ නිරීක්ෂණය කරන ලදී.

තිලක් සේනාසිංහ විසින් රචිත අලුත්ම ගවේෂණාත්මක ග්‍රන්ථය වන ‘පැරණි මත ගැන අලුත් දැනුමක්’ එළඹෙන 27වන දා ප.ව. 2.00ට කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලා පරිශ්‍රයේ එළිමහන් පීඨිකාවේ දී ජනගත කිරීමට නියමිත ය.

වර්තමාන ජාතික ජනබලවේග ආණ්ඩුව පෙරළීමට ශක්තිය ඇති එකම බලවේගය සමගි ජනබලවේගය පමණක් බව සහතික කර පෙන්වීමට (24) හැකිවූ බවත්, ඒ වෙනුවෙන් පොල්දූව මංසන්ධියට පැමිණි රටේ ජනතාවට උත්තමාචාරය පුදකරන බවත් පාර්ලිමේන්තු මන්ත්‍රී එස්.එම්.මරික්කාර් පවසයි.

රුසියානු ලේඛක බියන්කි විතාලි වැලෙන්ටිනෝවිච් රචිත, ජනප්‍රිය රුසියානු චිත්‍ර ශිල්පීනී ඕල්ගා සූරිනා ගේ මනරම් ළමා සිතුවම්වලින් හැඩ වුණ ''සීන්කාගේ කැලැන්ඩරය'' නමැති ළමා කතාව Swan Books ආයතනයේ ප්‍රකාශනයක් ලෙස නිකුත් වී තිබේ.

දැනට පවතින ත්‍රස්තවාදය වැළැක්වීමේ පනත වෙනුවට නව නීතියක් හඳුන්වාදීම වෙනුවෙන් සකස් කළ ත්‍රස්තවාදයෙන් රාජ්‍ය ආරක්ෂා කිරීමේ පනත් කෙටුම්පත අධිකරණ සහ ජාතික ඒකාබද්ධතා අමාත්‍ය, නීතිඥ හර්ෂණ නානායක්කාර ගේ නියමය පරිදි 2026 සැප්තැම්බර් 22 වන දින ගැසට් මගින් පළ කිරීමට අධිකරණ සහ ජාතික ඒකාබද්ධතා අමාත්‍යාංශය පියවර ගෙන ඇත.

ප්‍රධාන විපක්ෂය වන සමගි ජන බලවේගය (සජබ) යෝජිත 22 වැනි ආණ්ඩුක්‍රම ව්‍යවස්ථා සංශෝධනය වහා හකුළා ගන්නා ලෙස රජයට බලකරමින් සංවිධානය කළ විරෝධතා පාගමන සහ ජන රැළිය අද (24) බත්තරමුල්ල පොල්දූව මංසන්ධියේ දී පැවැතිවිණි.

රාජ්‍ය දෘශ්‍ය කළා උළෙල සඳහා නිර්මාණ බාර ගැනීමේ අවසාන දිනය 2026 සැප්තෙම්බර් 30 රාත්‍රී 12 අවසන් වේ.

උතුරු පළාතේ, මුලතිවු දිස්ත්‍රික්කයේ මාන්කුලම් ප්‍රදේශයේ  පිහිටා ඇති මාන්කුලම් මූලික රෝහල (Base Hospital - Mankulam) සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස ගේ නිරීක්ෂණයට පසුගිය දා ලක්විය.

පළාත් 8ක ඉලෙක්ට්‍රොනික ආදායම් බලපත්‍ර නිකුත් කිරීමේ සේවා තාවකාලිකව අත්හිටු වීමට තීරණය කර ඇත.

ගල්ගමුව ප්‍රදේශයේ සැරිසරන කාවන්තිස්ස ඇතා ගේ පාදයකට වෙඩි වැදී ඇති බවට සැක පළ වී ඇති අතර, පාදයේ දණහිස ආශ්‍රිතව ඉදිමීමක් හේතුවෙන් ඇතාට ඇවිදීමට අපහසු තත්ත්වයක් උද්ගත වී ඇතැයි වාර්තා වේ. මේ හේතුවෙන් ඇතා ගේ ජීවිතය සම්බන්ධයෙන් දැඩි අවධානයක් යොමු වී තිබේ. සැප්තැම්බර් 21 සහ 22 අතර කාලය තුළ මෙම තුවාලය සිදුවන්නට ඇතැයි සැක කෙරෙන බවත්, ඇතා ගේ පාදයක දක්නට ලැබෙන ආබාධය හේතුවෙන් එය දැඩි වේදනාවකින් පසුවන බවත් පරිසරවේදීහු පෙන්වා දෙති. කෙසේ වෙතත්, ඇතාගේ තුවාලයට නිශ්චිත හේතුව සහ එහි බරපතළකම පශු වෛද්‍ය පරීක්ෂණයකින් තහවුරු කළ යුතු ය.

ශ්‍රී ලංකාවේ සහ ඉන්දුනීසියා ජනරජයේ විදේශ කටයුතු අමාත්‍යාංශ අතර පළමු දේශපාලන උපදේශන සාකච්ඡා වටය 2026 සැප්තැම්බර් 22 වැනි දින කොළඹ දී පැවැත්විණි. මෙය දෙරට අතර දිගුකාලීන හා මිත්‍රශීලී සබඳතාවල වැදගත් සන්ධිස්ථානයක් සනිටුහන් කළේ ය.

ශ්‍රී ලංකාවේ කාර්මික නිෂ්පාදන ධාරිතාව, ප්‍රාදේශීය ආයෝජන අවස්ථා සහ තිරසාර නිෂ්පාදන ක්ෂේත්‍රය පිළිබඳ ජාත්‍යන්තර අවධානය තවදුරටත් ඉහළ නැංවීමේ අරමුණින්, ශ්‍රී ලංකා ආයෝජන මණ්ඩලය සහ විදේශ කටයුතු අමාත්‍යාංශය එක්ව කොළඹ පිහිටි විදේශ තානාපති කාර්යාල නියෝජනය කරන රාජ්‍යතාන්ත්‍රිකයින් 25 දෙනෙකුගෙන් සමන්විත නියෝජිත කණ්ඩායමක් සඳහා නැගෙනහිර පළාතේ තෙදින සංචාරයක් සංවිධානය කරන ලදී.