පුවත්

නිලධාරි තන්ත්‍රය සමග කටයුතු කළ නොහැකි යැයි ආණ්ඩුව පවසන දෑ සත්‍ය වුව ද මාලිමා ආණ්ඩුව, ඔවුන් ගේ අසමත්කම් වසා ගැනීම සඳහා හේතුවක් ලෙස නිරන්තරයෙන් මෙම ප්‍රකාශය කරන්නේ යැයි මාධ්‍යවේදි, දේශපාලන විශ්ලේෂක කුසල් පෙරේරා පැවසී ය.

ඉදිකිරීම් සහ ඉඩම් පරිහරණය, කෘෂිකර්මාන්තය සහ සත්ව පාලනය, පරිසර සංරක්ෂණය ආදී ක්ෂේත්‍රවලට අදාළ ආයතන වියුක්තව ක්‍රියාත්මක වීම දිට්වා සුළි කුණාටුවෙන් විනාශයට පත් මධ්‍යම කඳුකරය යථා තත්ත්වයට පත් කිරීමේ දී බාධාවක් බවත්, මධ්‍යම කඳුකරය කඩිනමින් සුරක්ෂිත කර යළි ගොඩනැගීම වෙනුවෙන් අදාළ සියලු පාර්ශ්ව ඒකාබද්ධ කරගත් නව ව්‍යුහයක් ස්ථාපිත කිරීමට කටයුතු කරන බවත් ජනාධිපති අනුර කුමාර දිසානායක පැවසී ය.

අක්‍රමවත් ලෙස සිදුකරන ස්ථානමාරු කිරීම්වලට විරෝධය පළ කරමින් අද (22) දින කොළඹ ජාතික අක්ෂි රෝහලේ වෛද්‍යවරුන් වැඩවර්ජනයක නිරත වන බව රජයේ වෛද්‍ය නිලධාරීන්ගේ සංගමය පවසයි.

වරාය සේවකයින්, වෘත්තිය සමිති, ආගමික නායකයින් සහ බහුජන සංවිධාන සිවිල් අරගලයක් කර ජාතියට රැකදුන් කොළඹ වරායේ නැගෙනහිර පර්යන්තයේ ප්‍රධානම උපකරණය වන ‘ස්ට්‍රැඩල් කැරියර්ස් (Straddle Carriers) මිලදී ගැනීමට ටෙන්ඩර් පහක් කැඳවා හතරක් අවලංගු කර ඇත.

ඉන්දියාවේ ඉතාම ප්‍රකට සිනමා උළෙලක් වන කේරල ජාත්‍යන්තර සිනමා උලෙළ 30වන වරට කේරලයේ ත්‍රිවේන්ද්‍රපුරම්හිදී දෙසැම්බර් මස 12 සිට 19 දක්වා දිනවල ඉතා උත්කර්ෂවත් ලෙස පැවැත්විණ.

පෙර පැවති බෝගම්බර බන්ධනාගාරය සහ නුවර රිමාන්ඩ් බන්ධනාගාරය විතැන් කරමින් කාන්තා රැඳවියන් 400 ක් සහ පිරිමි රැඳවියන් 2500ක් රැඳවීමට පහසුකම් සැපයීමට සහ නිලධාරීන් සඳහා නිල නිවාස 102ක් සහිතව දුම්බර බන්ධනාගාරය ඉදිකිරීමට සැලසුම් කර ඇති බවත්, එහි ප්‍රතිශෝධිත ඇස්තමේන්තුව අනුව, සමස්ත පිරිවැය රුපියල් මිලියන 4363ක් බවත්, මෙම ව්‍යාපෘතියේ සැලසුම් හා වැඩ අධීක්ෂණ කටයුතු ඉංජිනේරු උපදේශක සමාගම (ECL) ආයතනය මගින් සිදු කරන බවත් අධිකරණ සහ ජාතික ඒකාබද්ධතා අමාත්‍ය නීතිඥ හර්ෂණ නානායක්කාර පැවසි ය.

ඊනියා අධ්‍යාපන ප්‍රතිසංස්කරණ වහා නතර කළ යුතු වීම සහ විධිමත් අධ්‍යාපන ප්‍රතිසංස්කරණයක අවශ්‍යතාව පිළිබඳව ජනතාව දැනුවත් කිරීම සඳහා පෙරටුගාමී සමාජවාදී පක්ෂය රට පුරා ප්‍රධාන නගරවල අත්පත්‍රිකා බෙදීමේ වැඩසටහනක් දියත් කරයි.

ආචාර්ය ප්‍රේමසිරි කේමදාස ගේ 89වන ජන්ම දිනය නිමිති කරගනිමින් පුවත් පත් ලිපි ඇසුරෙන් නිර්මාණය කර ඇති ග්‍රන්ථය ජනගත කිරීම ජනවාරි 25වන දින පස්වරු 03.00ට ජාතික පුස්තකාල ශ්‍රවණාගාරයේ දී සිදු කෙරේ.

නීතිපති ජනාධිපති නීතිඥ පාරින්ද රණසිංහට සහය පළ කිරීම සඳහා “Free Lawyers ” සංවිධානයේ නීතිඥවරුන් 75 දෙනකුගෙන් පමණ සමන්විත පිරිසක් නීතිපති දෙපාර්තමේන්තුවට පැමිණ නීතිපතිවරයා සමග ඊයේ (21දා) දින සාකච්ඡාවක් පවත්වා තිබේ.

රජය විකිරණ විද්‍යා තාක්ෂණවේදීන් ගේ සංගමය ඊයේ උදෑසන 8ට ආරම්භ කළ වර්ජන ක්‍රියාමාර්ගය අද උදෑසන 8 සිට දින 7කට තාවකාලිකව  අත්හිටුවා ඇත.

සේපාලි මායාදුන්නේ විසින් විරචිත අලුත්ම නවකතාව 'රාජ වල්ලිය' පිළිබඳව පාඨක - විචාරක සංවාදයක් ජනවාරි 24වන සෙනසුරාදා උදේ 10.00 ට ගම්පහ විශාඛා පාරේ ආසියානු සාහිත්‍ය නිවහනේ දී පැවත්වීමට නියමිත ය. 

කොළඹ නිදහස් ජනමාධ්‍යවේදීන්ගේ සංගමය සිව්වෙනි වරට සංවිධානය කරන වාර්ෂික සුහද ක්‍රිකට් තරගය සහ සුහද හමුව මේ මස 25වන ඉරිදා ශ්‍රී ජයවර්ධනපුර කෝට්ටේ අංගම්පටිය ක්‍රීඩාංගනයේ දී පැවැත්වේ.

සමාජ මාධ්‍ය ඔස්සේ නිතිපතිවරයාට සහ නීතිපති දෙපාර්තමේන්තුව ඉලක්ක කරගෙන සංවිධානාත්මකව අසත්‍ය, අපහාසකාරී හා වෛරයෙන් යුත් content දිගින් දිගටම පළ කිරීම් සිදුවන බව තම සංවිධානය නිරීක්ෂණය කර ඇති බවත්, එවැනි අසත්‍ය සහ උපක්‍රමශීලී ලෙස විකෘති කළ තොරතුරු ජනතාව අතර පැතිරවීම මගින් වෛරය සහ සමාජ ගෞරවයට හානි කිරීම ඔවුන්ගේ පුරුද්දක් බවත් Free Lawyers සංවිධානය පෙන්වා දෙයි.

ඡන්දයට පෙර වතු ප්‍රදේශවලට පැමිණි අනුර දිසානායක ජනාධිපතිවරයා, සියලු වතු කම්කරුවන්ට ජීවත් වීම සඳහා ඉඩමක් නිවසක් ලබා දෙන බවට පොරොන්දු වුව ද මේ වන තුරු ඒ කිසිවක් කර නැතැයි සම අයිතිය ව්‍යාපාරයේ කැඳවුම්කරු පෙරටුගාමී සමාජවාදී පක්ෂයේ මධ්‍යමකාරක සභික ඉන්ද්‍රානන්ද ද සිල්වා පැවසී ය.

අද පැවැත්වෙන නීතිපතිවරයාට එරෙහි උද්ඝෝෂණය මේ රටේ ස්වාධීන යුක්තිය පසඳලීමේ ක්‍රියාවලිය මාලිමාකරණයට ලක් කිරීමේ එක පියවරක් ලෙස දකින බවත්, තම කණ්ඩායම ඒම උද්ඝෝෂණය හෙලා දකිනවා සේ ම ස්වාධීන යුක්තිය පසඳලීමේ ක්‍රියාවලියක් වෙනුවෙන් නීතිපතිවරයා වෙනුවෙන් පෙනී සිටින බව ද පිවිතුරු හෙළ උරුමයේ නායක නීතිඥ උදය ගම්මන්පිල පැවසී ය.

මේ වනවිට රට තුළ ගල් අඟුරු වංචාවක් සම්බන්ධයෙන් දැඩි කතා බහක් ඇතිවී තිබෙන අතර ගල් අඟුරු වංචාව පිළිබඳව සිද්ධිය ද යටගසන්න ආණ්ඩුව උත්සාහයක නිරතවන බවක් පෙනෙන්න තිබෙන බවත්, ටෙන්ඩර් පටිපාටිය යටතේ ආනයනය කළ ගල් අඟුරු තොගයේ ප්‍රමිතිය පිළිබඳව ප්‍රශ්නයක් පැන නැගී ඇති බවත් සමගි ජන බලවේගය පාර්ලිමේන්තු මන්ත්‍රී නීතිඥ චිත්‍රාල් ප්‍රනාන්දු පැවසී ය.

පූර්ණ හානි සඳහා ලක්ෂ 50ක සහනයක්, අර්ධ හානි සඳහා රු. ලක්ෂ 25ක සහනයක් දෙනවා යැයි පැවසුව ද අවම වශයෙන් මරණයක් සඳහා වන රු. ලක්ෂ 10 හෝ නිසි පරිදි ලබා දි නැතැයි විපක්ෂ නායක සජිත් ප්‍රේමදාස පැවසී ය.

පාර්ලිමේන්තුවේ ස්ථාවර නියෝග අනුව කිසිදු මන්ත්‍රීවරයකුට සිය පාර්ලිමේන්තු කතාවක් තුළ තවත් මන්ත්‍රීවරුන්ට අපහාසාත්මක ලෙස කතා කළ නොහැකි බව සඳහන් වුව ද සභානායකවරයා ගේ කතාවේ දී විපක්ෂයේ මන්ත්‍රීවරුන් 5 ශ්‍රේණිය අසමත් යැයි පැවසූ බැවින් එය අපහාසයක් යැයි විපක්ෂ නායක සජිත් ප්‍රේමදාස පැවසී ය.