පුවත්

රට තුළ කිසිදු ආකාරයේ ගෑස් හිඟයක් ඇතිවීමට ඉඩ නොදෙන බව වෙළෙඳ වාණිජ හා ආහාර සුරක්ෂිතතා අමාත්‍ය වසන්ත සමරසිංහයා පවසයි.

මෙට්‍රික් ටොන් 3,900ක ගෑස් තොගයක් රැගත් නෞකාවක් අද (18) ලංකාවට ළඟා වීමට නියමිත බවත්, ඊට අදාළව  ඉදිරි දින තුන තුළ තවත් ගෘහස්ථ ගෑස් සිලින්ඩර 350,000ක් වෙළෙඳපොළට නිකුත් කිරීමට කටයුතු කරන බවත් අමාත්‍යවරයා පැවැසුවේය.

පසුගිය දින තුන තුළ ද ගෘහස්ථ ගෑස් සිලින්ඩර 350,000ක් වෙළෙඳපොළට නිකුත් කර ඇති බව සඳහන් කළ අමාත්‍යවරයා, අද දිනයේ ගොඩබෑමට නියමිත ගෑස් ප්‍රමාණය ඉදිරි දින සඳහා ප්‍රමාණවත් බැවින් අනවශ්‍ය ලෙස ගෑස් තොග රැස් කිරීමට කටයුතු නොකරන ලෙසත්, ගෑස් හිඟයක් ඇතිවේ යැයි අනිසි බියක් ඇති කර නොගන්නා ලෙසත් ජනතාවගෙන් ඉල්ලා සිටී.