ගවේෂණාත්මක මාධ්‍යවේදී ලසන්ත රුහුණගේ විසින් රචිත "රාජපක්ෂ සමාගම" කෘතිය සහ මාධ්‍යවේදී තරිඳු උදුවරගෙදර සහ එම්.එෆ්.එම්. ෆසීර් විසින් රචිත "පාස්කු ප්‍රහාරයේ තොත්ත බබාලා" කෘතිය ජනගත කිරීම සැප්තැම්බර් 28 දින සවස 3.00ට ශ්‍රී ලංකා පදනම් ආයතනයේ දී පැවැත්වේ.
පවතින මතභේදාත්මක වාතාවරණය සැලකිල්ලට ගනිමින්, හෙට දින සැලසුම් කර තිබූ ඒකාබද්ධ විරෝධතා වැඩසටහනේ නිල සහභාගීත්වයෙන් ඉවත් වීමට නිදහස් සටන් මධ්‍යස්ථානය තීරණය කළ බව එම සංවිධානය සදහන් කරයි.
බම්බලපිටිය මැරීනෝ බීච් හෝටලය පිහිටි ඉඩම 2010 වසරේ දී දම්රෝ සමාගම වෙත විකිණීමේ දී රුපියල් බිලියනයකට ආසන්න මුදලක් සම්බන්ධයෙන් සාපරාධී විශ්වාසය කඩකළ බවට චෝදනා ලැබ සිටින බ්‍රිතාන්‍ය ජාතික කදිරවේලුපිල්ලෙයි සත්කුනම්ට එරෙහිව නීතිපතිවරයා කොළඹ මහාධිකරණය හමුවේ අධිචෝදනා ගොනුකර ඇත.
නව මහාධිකරණ විනිසුරුවරුන් තිදෙනෙකු ජනාධිපති අනුර කුමාර දිසානායක විසින් පත් කර ඇත.
එයාර් බස් ගනුදෙනුව සම්බන්ධයෙන් සිදුකරන විමර්ශයකට අදාළව රක්ෂිත බන්ධනාගාර ගත කර සිටින පාර්ලිමේන්තු මන්ත්‍රී නාමල් රාජපක්ෂ එළැඹෙන 30 වැනිදා දක්වා තවදුරටත් රිමාන්ඩ් භාරයේ තබන ලෙස කොටුව මහෙස්ත්‍රාත් අධිකරණය නියම කළේය.
හිටපු ජනාධිපති රනිල් වික්‍රමසිංහ මහතා ගේ බිරිඳගේ උපාධි ප්‍රදානෝත්සවය සඳහා රජයේ මුදල් වැය කළ බව කියන සිද්ධියට අදාළ නඩුකරය කැඳවන අවස්ථාවේ දී කොටුව මහේස්ත්‍රාත් අධිකරණය ඉදිරිපිට උද්ඝෝෂණය කළ බව කියන සිද්ධියකට ඇප මත මුදාහැර ඇති කෝට්ටේ නාගරික මන්ත්‍රී හර්ෂණී සදරුවනිට එරෙහිව ඇති නඩුවට අදාළව නීතිපති උපදෙස් සඳහා ලබන 2027 වසරේ මාර්තු මස 17වන දා කැඳවන ලෙස කොටුව මහේස්ත්‍රාත් පසන් අමරසේන අද (23) නියෝග කළේ ය.
ජනාධිපති රනිල් වික්‍රමසිංහ ගේ ධූර කාලයේ විශේෂ ව්‍යාපෘති අධ්‍යක්ෂක ජනරාල්වරයා වශයෙන් කටයුතු කරමින් රුපියල් කෝටි 22 අධික මුදලක් සාපරාධී සාවද්‍ය පරිහරණය, සාපරාධී විශ්වාසය කඩ කළ බවට සැක පිට රක්ෂිත බන්ධනාගාර ගත කර සිටින හිටපු ජනාධිපති ගෝඨාභය රාජපක්ෂ ගේ හිටපු පුද්ගලික ලේකම් සුගීෂ්වර බණ්ඩාර තවදුරටත් ලබන 7 තෙක් රක්ෂිත බන්ධනාගාර ගත කරන ලෙස කොටුව මහේස්ත්‍රාත් පසන් අමරසේන මහතා අද (23) නියෝග කළා.
2011 අංක 42 දරන මුදල් ව්‍යාපාර පනතේ 44 වැනි වගන්තිය යටතේ, සමාගම් හයක් සහ ඒවායේ අධ්‍යක්ෂවරුන්ට අයත් සියලු ම දේපළ හා වෙනත් වත්කම් පැවරීම, විකිණීම හෝ වෙනත් ආකාරයකින් ගනුදෙනු කිරීම තහනම් කරමින් ශ්‍රී ලංකා මහ බැංකුවේ බැංකු නොවන මුදල් ආයතන පරීක්ෂණ දෙපාර්තමේන්තුවේ අධ්‍යක්ෂවරයා විසින් අත්හිටුවීමේ නියෝග නිකුත් කර ඇත; එමෙන්ම, එම වත්කම් අත්හිටුවීමේ නියෝග කොළඹ මහා අධිකරණය විසින් තහවුරු කර දීර්ඝ කර ඇත.
මෙවර කොළඹ ජාත්‍යන්තර පොත් ප්‍රදර්ශනයට සමගාමීව පැවැත්වෙන ‘සංකථන මණ්ඩපය’ සංවාද අවකාශය තුළින් සාහිත්‍යමය, කලාත්මක හා සංස්කෘතික වැඩසටහන් රැසක් පාඨකයන් වෙත තිළිණ කිරීමට ශ්‍රී ලංකා පොත් ප්‍රකාශකයන්ගේ සංගමය කටයුතු යොදා තිබේ.
ශ්‍රී ලංකා ආර්ථිකයේ සුවිශේෂී හැරවුම් ලක්ෂ්‍යයක් සනිටුහන් කරමින් ජාත්‍යන්තර ණය ශ්‍රේණිගත කිරීමේ ආයතනයක් ෆිච් රේටින්ස් ආයතනය විසින් ඊයේ (22) ශ්‍රී ලංකාව ණය ශ්‍රේණිගත කිරීම B- දක්වා ඉහළ දමා ඇත.
ජනාධිපතිතුමා 4G කුලුනු දාහක් හදන්නට සූදානම් වුව ද මේ වන විට 5G තාක්ෂණය පැමිණ ඇති බව ජනාධිපතිතුමාට මතක් කරන්න යැයි ශ්‍රීලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ පැවසී ය.
පාස්කු ඉරුදින ත්‍රස්ත ප්‍රහාරයට සම්බන්ධ විත්තිකරුවන් 24 දෙනකුට එරෙහිව පවරා තිබූ දීර්ඝ නඩුවේ විත්තිකරුවන් 24 දෙනා අතුරින් 15 දෙනෙකු කොළඹ ස්ථිර ත්‍රිපුද්ගල මහාධිකරණ විනිසුරු මඩුල්ල විසින් වරදකරුවන් ලෙස නම් කර ඇත.
තරුණ කටයුතු සහ ක්‍රීඩා අමාත්‍ය සුනිල් කුමාර ගමගේ විසින් පාර්ලිමේන්තු අනුමැතිය සඳහා ඉදිරිපත් කරන ලද ශ්‍රී ලංකා ක්‍රිකට් ප්‍රතිසංවිධානය සඳහා වූ පනත් කෙටුම්පත් යෝජනාවට අමාත්‍ය මණ්ඩල අනුමැතිය ලැබී තිබේ.
ආණ්ඩුව විසින් ඉදිරිපත් කරන ලද උපරිමාධිකරණ විනිසුරුවරුන් ගේ විශ්‍රාම වයස දීර්ඝ කිරීමේ 22 වන ආණ්ඩුක්‍රම ව්‍යවස්ථා සංශෝධනය සම්මත කිරීම වෙනුවෙන් ජනමත විචාරණයක් අවශ්‍ය නොවන බව ශ්‍රේෂ්ඨාධිකරණය තීරණය කර ඇත.
ශ්‍රී ලංකාව මහජන සෞඛ්‍ය ක්ෂේත්‍රය තුළ අත්කරගත් සුවිශේෂී හා ඓතිහාසික ජයග්‍රහණයක් වන මාරාන්තික මැලේරියාවෙන් තොර රටක් බවට පත්වීමේ තත්ත්වය වසර දහයක් පුරා අඛණ්ඩව සුරක්ෂිත කර ගැනීමට සමත්වීම වෙනුවෙන් ලෝක සෞඛ්‍ය සංවිධානය (WHO) විසින් ශ්‍රී ලංකාව වෙත පිරිනමන ලද විශේෂ නිල ඇගයීම අභිමානවත් ලෙස සනිටුහන් කරමින්, එම ජයග්‍රහණය සාක්ෂාත් කර ගැනීම සඳහා දශක ගණනාවක් පුරා කැපවී සේවය කළ ජාතික මැලේරියා මර්දන ව්‍යාපාරයේ සෞඛ්‍ය වෘත්තිකයන් ඇගයීම සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස ගේ ප්‍රධානත්වයෙන් පසුගියදා එම අමාත්‍යාංශයේ දී සිදු කළේ ය.
යාපනය දිස්ත්‍රික්කයේ, පේදුරුතුඩුව මූලික රෝහලේ සේවයේ නියුතු හෙද කාර්ය මණ්ඩලය වෙනුවෙන් රුපියල් මිලියන 212ක මූල්‍ය ප්‍රතිපාදන වැය කරමින් ඉදිකිරීමට යෝජිත සිව්මහල් නව හෙද නිල නිවාස සංකීර්ණය සඳහා මුල්ගල තැබීම සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස ගේ ප්‍රධානත්වයෙන් පසුගියදා සිදු කළේ ය.
ජාතිය තීරණාත්මක සන්ධිස්ථානයක පවතින මේ මොහොතේ, පටු දේශපාලනික බෙදීම් අමතක කර අප සියල්ලන්ම එකට බැද තබන්නාවු අප මව් බිමේ ප්‍රජාතන්ත්‍රවාදී වටිනාකම් වෙත නැවත කැප වන ලෙස ට ශ්‍රී ලංකාවේ සියලු ම පුරවැසියන්ගෙන් ඉල්ලා සිටින්නේ යැයි නිදහස් ක්‍රියාන්විත මධ්‍යස්ථානය (Free Operation Centre) සඳහන් කරයි.
newstube.lk වෙබ් අඩවියේ පළවන සියළු ප්‍රවෘත්ති සහ විශේෂාංග ආශ්‍රිතව කිසිවකුට හානිකර යමක් පළ වී ඇත්නම් ඒ අගතියට පත් පාර්ශවයට ඊට ප්‍රතිචාර දැක්වීමට ඇති අයිතියට අපි ගරු කරමු.
ඔබගේ ප්‍රතිචාර
