පුවත්

ක්‍රිෂ් ගනුදෙනුවට අදාළව භාවිත කර ඇති මුදල් මුදල් විශුද්ධිකරණයෙන් උපයා ගත් මුදල් බවට ඉන්දීය රජය දැනුම් දී ඇති බව අල්ලස් හෝ දූෂණ චෝදනා විමර්ශන කොමිෂන් සභාව අද (29) කොළඹ ප්‍රධාන මහේස්ත්‍රාත් අධිකරණය හමුවේ කරුණු දක්වමින් කියා සිටියේය.

මහජනතාවට වඩාත් කඩිනම්, කාර්යක්ෂම සහ විනිවිදභාවයෙන් යුත් රාජ්‍ය සේවාවක් සහතික කිරීම අරමුණු කරගනිමින් රජය ක්‍රියාත්මක කරන ඩිජිටල් පරිවර්තන වැඩසටහන යටතේ පළාත් පාලන ආයතන සහ ප්‍රාදේශීය ලේකම් කාර්යාල ඩිජිටල්කරණය කිරීමේ වැඩසටහන්වල ප්‍රගති සමාලෝචන සාකච්ඡාවක් ජනාධිපති අනුර කුමාර දිසානායකගේ ප්‍රධානත්වයෙන් අද (29) පස්වරුවේ ජනාධිපති කාර්යාලයේදී පැවැත්විණි.

මඩකලපුවේදී පුද්ගලයින් 05 දෙනෙකු ඝාතනය කිරීමේ සිද්ධිය සම්බන්ධයෙන් අත්අඩංගුවට ගෙන සිටින හිටපු රාජ්‍ය අමාත්‍ය සිවනේසතුරෙයි චන්ද්‍රකාන්තන් හෙවත් පිල්ලෙයාන්, හමුදා බුද්ධි අංශයේ තොරතුරුකරුවන් දෙදෙනෙකු ඇතුළු තිදෙනා යළි රක්ෂිත බන්ධනාගාරගත කර තිබේ.

පාර්ලිමේන්තුවේදී සම්මත වී දැනට ශ්‍රී ලංකා නීතියේ කොටසක් බවට පත්ව ඇති 22 වැනි ආණ්ඩුක්‍රම ව්‍යවස්ථා සංශෝධනය ඉදිරියේදී පත්වන අලුත් පාර්ලිමේන්තුවක් මගින් සම්පූර්ණයෙන්ම අවලංගු කිරීමට පූර්ණ බලය මෙන්ම යුතුකමක් සහ වගකීමක්ද පවතින බව මහාචාර්ය ජී. එල්. පිරීස් පවසනවා.

2011 වසරේදී යාපනයේදී අතුරුදන් වූ ලලිත් කුමාර් වීරරාජු සහ කුගන් මුරුගානන්දන් යන ක්‍රියාකාරීන් දෙදෙනා පිළිබඳ නඩුවට අදාළව, හිටපු ජනාධිපති සහ හිටපු ආරක්ෂක ලේකම් ගෝඨාභය රාජපක්ෂ අද (සැප්තැම්බර් 29) කොළඹ මහේස්ත්‍රාත් අධිකරණයේ සිට මාර්ගගත (Online) ක්‍රමවේදය ඔස්සේ සාක්ෂි ලබා දුන් බව වාර්තා වේ.

ඉඩම් හිමිකම් නිරවුල් කිරීමේ දෙපාර්තමේන්තුවේ කොමසාරිස් (විමර්ශන) ලෙස කටයුතු කරමින් නිල බලය අයුතු ලෙස යොදා ගෙන ආයතනයේ ලිපි ශීර්ෂ භාවිතා කර විධිමත් නොවන විමර්ශන අංකයක් යටතේ නිකුත් කර ඇති විමර්ශන වාර්තාවකින්,

බොරැල්ල එලියට් පාරේ වරිපනම් අංක 30 ස්ථානයේ, ප්‍රමාණයෙන් හෙක්ටයාර් 1.0982 ක් වන, වෙළඳපල වටිනාකම රු.1,586,000,000/-ක් (රුපියල් එකසිය පනස්අට කෝටි හැට ලක්ෂයක්) වන රජයේ ඉඩම, පෞද්ගලික පාර්ශවයක් සතු ඉඩමක් ලෙසට ඒත්තු ගන්වා එමඟින් රජයට පාඩුවක් මෙන් ම වෙනත් තැනැත්තෙකුට වාසියක් සිදු කිරීම මඟින් දුෂණය නැමැති වරද සිදු කිරීම යන චෝදනාව මත ඉඩම හිමිකම් නිරවුල් කිරීමේ දෙපාර්තමේන්තුවේ හිටපු කොමසාරිස්වරයෙකු (විමර්ශන) වූ මලේ පතිරණගේ නිශාන්ත මෝහන් වික්‍රමසිංහ යන අය 2026.09.29 වන දින පෙ.ව.9.45 ට පමණ අල්ලස් හෝ දුෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් අත්අඩංගුවට ගන්නා ලදී

එයාර් බස් ගනුදෙණුව සම්බන්ධයෙන් සිදු කරනු ලබන විමර්ශනයකට අදාලව අල්ලස් කොමිසම විසින් අත්අඩංගුවට ගෙන රක්ෂිත බන්ධනාගාරගත  කර සිටින  පාර්ලිමේන්තු මන්ත්‍රී නාමල් රාජපක්ෂ⁣ විසින් කරන ලද ඇප ඉල්ලීම කොළඹ ප්‍රධාන මහේස්ත්‍රාත් අසංග එස් බෝදරගම අද (29) ප්‍රතික්ෂේප කළා.

ඕස්ට්‍රේලියානු ජාතික ව්‍යාපාරිකයකුට අයත් සමාගම් කොටස් අයුතු ලෙස පරිහරණය කර රුපියල් මිලියන 21 ක් සාපරාදී විශ්වාසය කඩ කළ බවට චෝදනා ලබා සිටි හිටපු අමාත්‍ය උදය ගම්මන්පිල මහතා නිදොස් කොට නිදහස් කරන ලෙස කොළඹ මහාධිකරණය නියම කළා.

ප්‍රජාතන්ත්‍රවාදය දුර්වල කරන සහ ජනතා විශ්වාසය බිඳ දමන දූෂණයට එරෙහිව, පුද්ගල පසුබිම හෝ සමාජ තත්ත්වය නොසලකා කිසිදු බියක් හෝ පක්ෂග්‍රාහීත්වයකින් තොරව නීතිය ක්‍රියාත්මක කිරීමට රජය අඛණ්ඩව කටයුතු කරන බව විදේශ කටයුතු, විදේශ රැකියා සහ සංචාරක අමාත්‍ය විජිත හේරත් මහතා පැවසීය.

රජයේ බලධාරීන් අත්තනෝමතික ආකාරයට නෙට් මීටරින් නෙට් එකවුන්ටින් ඉවත් කර නෙට් ප්ලස් ක්‍රමවේදය ඉදිරිපත් කිරීම නිසා ඉන්ධන හා තාප බලාගාර මාෆියාවට සුවිශේෂ ශක්තියක් ලබා දී ඇති බවත්, නමට පුනර්ජනනීය බලශක්තිය ගැන කතා කළත් ක්‍රියාව සෘජුව හා වක්‍රව තාප හා ඉන්ධන බලාගාර මාෆියාව ප්‍රවර්ධනය කරන්න රජය දරන උත්සාහයට විරුද්ධව සුනිත්‍ය බලශක්තිය රැක ගන්න මහජන උපයෝගීතා කොමිසම හමුවට පැමිණි බවත් විපක්ෂ නායක සජිත් ප්‍රේමදාස පැවසීය.

සෞදි අරාබි රාජධානි ඉතිහාසයේ ප්‍රථම වරට එරටට වැඩම  කළ  ප්‍රථම  බෞද්ධ භික්‍ෂූන් වහන්සේ වශයෙන්  තමන් වහන්සේ, සෞදි අරාබි ගරු අධිකරණය විසින් මරණය දණ්ඩනය නියම කර ඇති අනෝජන් සිවරාසාට සමාව ලබා දෙන ලෙස,  සෞදි අරාබි රාජධානියේ මහරජතුමන් වන සල්මාන් බින් අබ්දුලාසිස් අල් සෞද් රජතුමා ගෙන් ඉල්ලා සිටින බව  ශ්‍රී ලංකා මහා බෝධි සංගමයේ සභාපති සහ ජපානයේ ප්‍රධාන සංඝනායක බානගල  උපතිස්ස නාහිමියෝ  ප්‍රකාශ කළහ.

ශ්‍රී ලංකාවේ නව චීන තානාපති Wei Huaxiang මහතා සහ තරුණ කටයුතු හා ක්‍රීඩා අමාත්‍ය සුනිල් කුමාර ගමගේ  අතර හමුවක් අද (28දා) පැවැත්විණි.

පසුගියදා අනුරාධපුරයේ පැවති රැළියට නොදෙවෙනි රැළියක් පැවැත්වීම සම්බන්ධයෙන් සාකච්ඡා පවත්වා ඇති බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී ඩී.වී. චානක මහතා පවසනවා. එම රැළිය මගින් වත්මන් ආණ්ඩුව ජනතාවට ලබාදුන් පොරොන්දු ඉටු කරන ලෙස බල කිරීමට අපේක්ෂා කරන බවයි ඔහු සඳහන් කළේ.

විදේශ ශ්‍රමිකයන් සඳහා ශක්තිමත් සමාජ ආරක්ෂණ ක්‍රමවේද, ආරක්ෂිත විදේශ රැකියා අවස්ථා සහ ආර්ථික සුරක්ෂිතතාවක් තහවුරු කිරීමේ අවශ්‍යතාව අවධාරණය කරමින්, විදේශ කටයුතු, විදේශ රැකියා සහ සංචාරක වැඩබලන අමාත්‍ය අරුන් හේමචන්ද්‍ර  අද (28) කොළඹ කිංග්ස්බරි හෝටලයේදී පැවති ‘Protecting Those Who Move: Advancing Social Protection in the South Asia–Gulf Migration Corridor’ යන තේමාව යටතේ පැවති ජාත්‍යන්තර කම්කරු සංවිධානයේ (ILO) STREAM හඳුන්වාදීමේ පුහුණු වැඩසටහනේ සමාරම්භක අවස්ථාව අමතමින් මේ බව ප්‍රකාශ කළේය.

දූෂිතයින් නීතිය හමුවට ගෙන එන බවත්, නීතිය සැමට සමානව ක්‍රියාත්මක වන බවත්, ජනාධිපතිවරයා ඊයේ ගම්පහදී කළ ප්‍රකාශය පදනම් කර ගනිමින් පාර්ලිමේන්තු මන්ත්‍රී හර්ෂණ රාජකරුණා මහතා ජනාධිපතිවරයාට අද ගැටළු කිහිපයක් යොමු කළා.

" ස්වාමිනි, මට අවස්ථා දෙකකදීම සයනයිඩ් ගහන්න හැදුවා. වැලිසර බන්ධනාගාරයේ නිසි ආරක්‍ෂාවක් නැහැ. මරණ තර්ජන තියෙනවා. නිසි ආරක්‍ෂාවක්  ලබා දෙන ලෙස මම අධිකරණයෙන් ඉල්ලනවා" යනුවෙන් ප්‍රබල පතාල කල්ලි නායකයෙක් බව කියන කෙහෙල්බද්දර පද්මේ අද(28) කොළඹ ප්‍රධාන මහේස්ත්‍රාත් අසංග එස්. බෝදරගම හමුවේ ඉල්ලා සිටියා.

අම්බලන්ගොඩ ඓතිහාසික මෝදර දේවාලයේ 82 වන වාර්ෂික මහා පෙරහැර පැවැත්වීම සඳහා අවසර ලබා නොදෙන බව පවසමින් අම්බලන්ගොඩ ස්ථානාධිපතිවරයා විසින් ගෙන තිබූ තීරණය අභියෝගයට ලක් කරමින් දේවාලයේ පෙරහැර කමිටුව විසින් අභියාචනාධිකරණය හමුවේ ගොනු කර තිබූ රිට් පෙත්සම අද දිනයේ සලකා බලන ලදි.

එක්සත් ජාතික පක්ෂයට වසර 80ක් පිරෙන මෙම අවස්ථාවේ, අනාගත පරම්පරාවට රට භාරදෙන ආකාරය සහ ඉදිරි වසර 20 සඳහා වන පොදු ප්‍රතිපත්ති රාමුවක් සකස් කිරීමේ අරමුණින් "හරිත පත්‍රිකාව" නමැති ලියවිල්ල ඉදිරිපත් කිරීමට එක්සත් ජාතික පක්ෂය කටයුතු කර තිබෙනවා.