පුවත්

2025.12.12වන දින පැවැත්වීමට නියමිත ශ්‍රී ලංකා නිදහස් පක්ෂ සමස්ත ලංකා කාන්තා පෙරමුණ ශ්‍රී ලංකා ව්‍යවස්ථාවේ දක්වා තිබෙන නීත්‍යනුකුල පදනමකින් තොරව පැවැත්වෙන්නක් යැයි ශ්‍රී ලංකා නිදහස් පක්ෂයේ ප්‍රධාන ලේකම් දයාසිරි ජයසේකර සඳහන් කරයි.

රටේ විදුලි පද්ධතිය ස්ථාපනය කළ දා සිට මේ වන තුරු ස්වභාවික ආපදා තත්ත්ව හේතුවෙන් විදුලි යටිතල පහසුම්වලට සිදුවූ බරපතළ ම බිඳ වැටීම දිත්වා සුළි කුණාටුව නිසා සිදුවූ බවත්, එහෙත් බිඳ වැටුණු සියලු ම යටිතල පහසුකම් පෙර පැවති තත්ත්වයටත් වඩා ඉහළින් සහ ශක්තිමත්ව යළි ගොඩනැගීමට කටයුතු කරන බවත් බලශක්ති අමාත්‍යවරයා පැවසී ය.

සර්වජන බලය නායක පා.ම ව්‍යවසායක දිලිත් ජයවීර පොරොන්දු වූ පරිදි ආපදාවට පත්ව විනාශ වී ගිය ලංකාවේ සියලු ම ආගමික ස්ථාන ප්‍රතිසංස්කරණය කිරීමේ කටයුතු සර්වජන හිතාය භික්ෂු එකමුතුව මූලිකත්වය ගනිමින් ඊයේ  මහනුවර ගැටඹේ රජෝපවනාරාමයෙන් ආරම්භ කළේ ය.

දේශපාලනඥයන් ඇතුළු විවිධ තරාතිරම්වල ප්‍රභූවරුන් මහවැලි ගඟ දෙපස (මහනුවර ප්‍රදේශයේ) නිසි අනවසරයෙන් තොරව පවත්වාගෙන යන හෝටල් සහ සංචාරක අවන්හල් දෙසීයකට වැඩි සංඛ්‍යාවක් පිළිබඳව පරිසර අංශවල විශේෂ අවධානය යොමුව ඇත.

මුදල් විශුද්ධිකරණය සම්බන්ධයෙන් සිදු කරන විමර්ශනයකට අදාළව ගොනුකර ඇති පැමිණිල්ලක සැකකරුවන් වශයෙන් නම්කර සිටින හිටපු මහ බැංකු අධිපති අර්ජුන් මහේන්ද්‍රන් ඇතුළු සැකකරුවන් දෙදෙනෙකු අත්අඩංගුවට ගෙන අධිකරණයට ඉදිරිපත් කරන ලෙස දන්වා යළි විවෘත වරෙන්තු නිකුත් කරන්නැයි කොළඹ මහේස්ත්‍රාත් අධිකරණය ඊයේ (11) අපරාධ පරීක්ෂණ දෙපාර්තමේන්තුවට නියෝග කර තිබේ.

හිටපු ජනාධිපති රනිල් වික්‍රමසිංහ විසින් සකස් කළ පිටු 200ක පශ්චාත් ආපදා සැලසුම කියවන්නැයි එක්සත් ජාතික පක්ෂයේ සභාපති වජිර අබේවර්ධන ආණ්ඩුවට කියා සිටියි.

සහන ක්‍රියාවලිය නිර්දේශපාලනීකරණය විය යුතු අතර රාජ්‍ය නිලධාරීන්ගේ සහතිකය පමණත් ප්‍රමාණවත් බවත්, සහන ලබාගැනීම සඳහා සිවිල් පුරවැසියන් ගේ නිර්දේශ ලබා ගැනීම අනවශ්‍ය දෙයක් බවත් විපක්ෂ නායක සජිත් ප්‍රේමදාස පැවසී ය.

ව්‍යසනයෙන් පසු ජන ජීවිතය සහ රට යළි ගොඩනැගීමට ජනාධිපතිවරයා ප්‍රමුඛ රජය ගෙන යන වැඩපිළිවෙළ ප්‍රශංසනීය බවත්, ඊට සිය ආශිර්වාදය පළ කරන බවත් මල්වතු, අස්ගිරි පාර්ශවයන්හි නියෝජ්‍ය ලේඛකාධිකාරි හිමිවරුන් ජනාධිපතිවරයා හමුවේ අද ප්‍රකාශ කර ඇත.

හානියට පත් යටිතල පහසුකම් කඩිනමින් ගොඩ නැගීම සඳහා එවැනි යටිතල පහසුකම් විෂය පථයන්ට අදාළව විදේශ අරමුදල් යටතේ දැනට ක්‍රියාත්මක වන ව්‍යාපෘතිවල හදිසි ප්‍රතිචාර සංරචකයන් සක්‍රීය කිරීම සඳහා කැබිනට් අනුමැතිය හිමිව තිබේ.

උදේනිගම කහටගස්පතන ඇටකුලා කන්ද ඉරිතලා පුපුරා ගොස් නායයාමේ අවදානමක ඇතයි බදුල්ල දිස්ත්‍රික් ලේකම් පණ්ඩුක ශ්‍රී ප්‍රභාත් අබේවර්ධන අද (11)පවසයි.

මෑතකදී ඇති වූ සුළි කුණාටුව සහ ගංවතුර තත්ත්වය හේතුවෙන් දරුණු බාධා එල්ල වී තිබියදීත්, තියුනු ලෙස ඉහළ දමා ඇති ආදායම් ඉලක්ක සපුරා ගැනීමට දේශීය ආදායම් දෙපාර්තමේන්තුව දරන උත්සාහයට නව බාධක මතු වී තිබේ.

ශ්‍රී ලංකාවේ පශ්චාත් සුළි කුණාටු ප්‍රතිසංස්කරණ ක්‍රියාවලිය අයහපත් අතට හැරීම සම්බන්ධයෙන් එක්සත් ජාතීන්ගේ සංවර්ධන වැඩසටහන (UNDP) අනතුරු ඇඟවීමක් කර තිබේ.

හදිසි ආපදා තත්ත්වය සමඟ ගංවතුර ඇති වන විට පේරාදෙණිය විශ්ව විද්‍යාලය තුළ සිසු සිසුවියන් එකොළොස් දහසක් පමණ (11000) සිටි බවත් ඔවුන් කිසිවෙකුටත් සීරීම් තුවාලයක්වත් සිදු නොවූ බවත් පේරාදෙණිය විශ්වවිද්‍යාලයේ උපකුලපති මහාචාර්ය ටෙරන්ස් මධුජිත් ප්‍රකාශ කරයි.

දිට්වා සුළි කුණාටුව සහ ගංවතුර තත්වය යටතේ මෙරට විදු බල පද්ධතියට විශාල හානියක් අත් පත් වූවත් ඉතා කඩිනමින් විනාශයට පත් විදුලි බල පද්ධතීන් අලුත් වැඩියා කර විදුලි බල සේවා අඛන්ඩව සැපයීමට විදුලි බල මණ්ඩලය සහ ඒ ආශ්‍රිත ආයතනය වල නිලධාරීන් සහ සේවක පිරිස් සමත් වුණා.

හිටපු ජනාධිපති ගෝඨාභය රාජපක්ෂට ජීවිත තර්ජන තිබේ නම් ඊට අදාල කරුණු දිවුරුම් ප්‍රකාශයක් මඟින් 2026 පෙබරවාරි මස 06 වැනිදා අධිකරණයට ඉදිරිපත් කරන ලෙස යාපනය මහේස්ත්‍රාත්වරයා විසින් ඊයේ (10) දින නියෝගයක් නිකුත් කරනු ලැබිය.

දිත්වා සුළි කුණාටුව හේතුවෙන් පැවති දැඩි වර්ෂාව සහිත අයහපත්  කාලගුණයෙන්  නුවරඑළිය නගරය සමීපයේ පිහිටි  ග්ලේන්ෆෝල් දිය ඇල්ල අවට ප්‍රදේශය දැඩි හානියට ලක්ව තිබේ.

2012 වස­රේදී ග්‍රීසියේ බැඳු­ම්ක­ර­වල ආයෝ­ජ­නය කිරී­මෙන් රුපි­යල් කෝටි 184ක මුද­ලක් රජ­යට අහිමි කිරීමේ චෝද­නාව යටතේ ශ්‍රී ලංකා මහ බැංකුවේ හිටපු අධි­පති අජිත් නිවාඩ් කබ්රාල්ට එරෙ­හිව ගොනු කරන ලද නඩුව නැවත නඩු පැව­රීමේ අයි­ති­යට යටත්ව ඉල්ලා අස්කර ගන්නා බව අල්ලස් හෝ දූෂණ කොමි­සම ඊයේ (10) දැනුම් දුන්නේය.

රට තුළ ඇතිවූ ආපදා තත්ත්වයන් සම්බන්ධයෙන් සමගි ජන බලවේගය ඊයේ කැඳවා තිබූ මාධ්‍ය හමුවකදී අදහස් පළ විය.