ක්‍රිඩා

ශ්‍රී ලංකාවේ රුමේෂ් තරංග පිරිමි හෙල්ල විසි කිරීමේ ඉසව්වේ ලෝක ශ්‍රේණිගත කිරීම්වල පළමු ස්ථානයට පත්ව තිබෙනවා.

පසුගියදා ඕස්ට්‍රේලියාවේ Queensland ප්‍රාන්තයේ යෙපුන් නගරයේ පැවති Yeppoon Running Festival තරගාවලියේ දී වයස අවුරුදු 30ට අඩු කාණ්ඩයේ කිලෝමීටර් 21.1 KM ක අර්ධ මැරුතන් ධාවන තරගයේ රන් පදක්කම දිනා ගැනීමට ශ්‍රී ලංකාවේ ෂේන් අමරසිංහ සමත් විය.

2026 - පොදුරාජ්‍ය මණ්ඩල ක්‍රීඩා උළෙල ජූලි 23 දින සිට එක්සත් රාජධානියේ දී ආරම්භ වීමට නියමිත ය. ඒ සදහා ජිම්නාස්ටික් ඉසව් සඳහා ජාත්‍යන්තර විනිසුරුවරියක් ලෙස ශ්‍රී ලංකාවේ අමායා සිතුමිණි සහභාගී වන්නී ය.

මේ දිනවල බංගලාදේශයේ  ඩකා නුවර 10 වන දකුණු ආසියානු ක‍රාතේ තරගාවලිය පැවත්වේ. ඒ සදහා ශ්‍රී ලංකාව නියෝ­ජ­නය කරමින් -55KG බර පංතියේ කේවල කුමිතේ ඉසව්වේ ලෝකඩ පදක්කම දිනා ගැනීමට නිතාෂා තරුශදී ක්‍රීඩිකාව සමත්වූවා ය.

*"රොෂාන් රණසිංහ සමඟ පැවති නීතිමය සටනට පමණක් මිලියන 220ක්" - ක්‍රීඩාවේ සංවර්ධන අරමුදල් සහ නඩු කටයුතු අතර පැවති මූල්‍ය දෝලනය පිළිබඳ විග්‍රහයක්.

*පරිපාලන අර්බුද මැද මාධ්‍ය ආයතනවලට එරෙහිව වැය කළ මිලියන 81ක නඩු, එරාන් වික්‍රමරත්න ගේ නව කළමනාකාරිත්වය විසින් ඉල්ලා අස්කර ගනියි.

පසුගිය 2023-2025 කාලසීමාව තුළ ශ්‍රී ලංකා ක්‍රිකට් (SLC) ආයතනය විවිධ පරිපාලනමය, කොන්ත්‍රාත් සහ රාජ්‍ය මට්ටමේ නීතිමය ගැටලු වෙනුවෙන් රුපියල් මිලියන 681කට අධික දැවැන්ත මුදලක් වැය කර ඇති බව නිල මුදල් ගෙවීම් ලේඛන ඇසුරින් අනාවරණය වේ.

හිටපු සභාපති ශම්මි සිල්වා ගේ පරිපාලන සමයට අදාළ මෙම ගෙවීම් වවුචර (Payment vouchers) මඟින් පෙනී යන්නේ, එකල පැවති ක්‍රීඩා අමාත්‍යාංශය ඇතුළු පාර්ශව කිහිපයක් සමග ඇති වූ අඛණ්ඩ නීතිමය සටන් හේතුවෙන් ක්‍රිකට් අරමුදලට සැලකිය යුතු පිරිවැයක් දැරීමට සිදුව ඇති බවයි.

නීතිමය පිරිවැයේ වාර්ෂික බිඳවැටීම

වසර හතක් පුරා පැවති හිටපු ක්‍රිකට් පරිපාලනය, තමන් මුහුණ දුන් පරිපාලනමය අභියෝග සහ ආයතනික ස්ථාවරත්වය ආරක්ෂා කරගැනීම වෙනුවෙන් රුපියල් 681,171,261.89ක සමස්ත මුදලක් වසර තුනක් තුළ නීතිමය කටයුතු සඳහා පමණක් වෙන් කර ඇත.

2023 වසර: රුපියල් මිලියන 264.6ක්.

2024 වසර: රුපියල් මිලියන 250.5ක්.

2025 වසර: රුපියල් මිලියන 166ක් (මෙහිදී නීතිමය වියදම්වල පැහැදිලි අඩුවීමක් පෙන්නුම් කරයි).

අමාත්‍යාංශය සහ ක්‍රිකට් පාලක මණ්ඩල ගැටුම

හිටපු ක්‍රීඩා අමාත්‍ය රොෂාන් රණසිංහ සහ ක්‍රිකට් පාලක මණ්ඩලය අතර 2023 වසරේදී හටගත් දැඩි මතභේදාත්මක තත්ත්වය සහ කමිටුව විසුරුවා හැරීමට ගත් තීරණය, මෙම අධික නීතිමය පිරිවැයට ප්‍රධානතම හේතුව වී ඇත.

රොෂාන් රණසිංහ සම්බන්ධ නඩු:

රීට් ආයචනා, මහාධිකරණ ක්‍රියාදාමයන් සහ අපහාස නඩු වෙනුවෙන් පමණක් ක්‍රිකට් ආයතනය රුපියල් මිලියන 220කට ආසන්න මුදලක් වැය කර ඇත.

ප්‍රධාන නඩු ගාස්තු:

ශම්මි සිල්වා සහ රොෂාන් රණසිංහ අතර පැවති ප්‍රධාන අභියාචනාධිකරණ නඩුව (CA Writ 685/2023) වෙනුවෙන් ජ්‍යෙෂ්ඨ නීතිඥ මණ්ඩල සඳහා රුපියල් මිලියන 47ක් වැය වී ඇති අතර, හිටපු උප සභාපති රවීන් වික්‍රමරත්න ඉදිරිපත් කළ නඩුව වෙනුවෙන් රුපියල් මිලියන 18.1ක් වැය කර ඇත.

උසාවි තීන්දු සහ වත්මන් පරිපාලනයේ පියවර

මදිවානන් නඩුව (SC/FR/103/2025):

2025 වසරේ වාර්තා වූ ප්‍රධානතම වියදම වූයේ කේ. මදිවානන් විසින් පැවරූ මූලික අයිතිවාසිකම් නඩුවයි. ඒ සඳහා රුපියල් මිලියන 31.9ක් වැය වූ අතර, එහි දී එක් Reporting දිනයක දී ම ජ්‍යෙෂ්ඨ නීතිඥවරුන් වෙනුවෙන් මිලියන 25ක් ගෙවා තිබුණ ද පසුව ශ්‍රේෂ්ඨාධිකරණය විසින් එම නඩුව ප්‍රතික්ෂේප කළේ ය.

මාධ්‍ය නඩු හකුලා ගැනීම:

විවිධ මාධ්‍ය ආයතන සහ මාධ්‍යවේදීන්ට එරෙහිව පවරා තිබූ අපහාස නඩු වෙනුවෙන් රුපියල් මිලියන 81.89ක් වැය කර තිබූ අතර, එරාන් වික්‍රමරත්න ගේ සභාපතිත්වයෙන් පත් වූ වත්මන් නව කළමනාකාරිත්වය විසින් එම නඩු සියල්ල උපායමාර්ගිකව ඉල්ලා අස්කර ගැනීමට පියවර ගෙන ඇත.

වාණිජ සහ ජාත්‍යන්තර බදු:

දේශීය වාණිජ ටෙන්ඩර් මෙන්ම, නිදහස් කුසලාන තරගාවලියට අදාළව ඉන්දීය බදු නීති රීති නිරවුල් කරගැනීම වෙනුවෙන් ද 2024 වසරේ දී ඉන්දීය නීති උපදේශකයින්ට මිලියන 8.5කට අධික මුදලක් ගෙවීමට ක්‍රිකට් ආයතනය කටයුතු කර ඇත.

මුලාශ්‍රය  - Sri Lanka Cricket sets new record on legal fees

ලෝක යොවුන් ටේබල් ටෙනිස් ශ්‍රේණිගත කිරීම්වල නැවත වරක් ලොව අංක එකේ ක්‍රීඩකයා බවට තහවුරු කර ගැනීමට ශ්‍රී ලංකාවේ පුංචි ටාවි සමරවීර පසුගියදා පැවති ලෝක ශ්‍රේණිගත කිරීම් තරගවල දී ශූරතාවය දිනා ගැනීමට සමත් විය.

පසුගියදා කසකස්තානයේ පැවති WC50 AKTAU KPMG KPMG OPEN Wheelchair para tennis තරගාවලියේ විවෘත අංශයේ අනුශුරතාවය දිනා ගැනීමට සුරේෂ් ධර්මසේන සමත් විය. අවසන් තරගය සදහා මැලේසියානු ක්‍රීඩක Mohomad Yusoff ක්‍රීඩකයා සමග තියුණු තරගයකින් පසුව පලමු වටය 6 - 3 සහ දෙවැනි වටය 6 - 4 ලෙස සුරේෂ් ධර්මසේන අනුශුරතාවය දිනා ගනී.

හොංකො හි පැවැත්වෙන 22 වැනි ආසියානු කණිෂ්ඨ මලල ක්‍රීඩා තරගාවලියේ මීටර් 1,500 බාලිකා ධාවන තරගයේ රන් පදක්කම දිනා ගැනීමට තරුෂි අභිෂේකා සමත් විය.

12  වන  ශ්‍රී ලංකා ප්‍රවීණයින්ගේ මලල ක්‍රීඩා තරගාවලිය - 2026  මාලදිවයිනේ සහ ඉන්දිය ක්‍රිිඩක ක්‍රිිඩිකාවන් ද සහභාගීත්වයෙන් පසුගිය  මැයි 23 සහ 24 දිනවල කොළඹ සුගතදාස ක්‍රීඩාංගණයේ දී පැවැත්විණි.

2026 - එංගලන්ත සවි එසවීමේ ජාතික ශූරතාවලිය (England National Power Lifiting Championship 2026 ) පසුගියදා Southampton හි Untilit Bowl ශ්‍රවණාගාරයේ දී පැවත්විණි. එහි දී දැනට වර්තමාන එංගලන්ත කණ්ඩායම නියෝජනය කරන ශ්‍රී ලංකා සම්භවයක් සහිත සුරේන් පෙරේරා කිලෝගෑම් 59 බර පන්තියේ විවෘත Classic අංශයේ රන් පදක්කම දිනා ගැනීමට සමත් විය.

ඕස්ට්‍රේලියාවේ 2026 -  Bargara Sprint Distance Triathlon තරගය පසුගිය දා Queensland ප්‍රාන්තයේ Bargara නගරයේ දී  පැවැත්විණි. මෙම තරගයේ දී වයස් කාණ්ඩ  25-29 අංශයේ තරග කළ ෂේන් අමරසිංහ රන් පදක්කම දිනා ගැනීමට සමත් විය.

පසුගිය දා සැමෝවා රාජ්‍යයේ Apia නගරයේ 2026 Samoa IBFC Universal Weightlifting Cup බර ඉසිලීමේ ජාත්‍යන්තර තරගාවලිය පැවති අතර එහි දී කිලෝගෑම් 79KG බර පංතියේ ස්නැච් අංශයේ කිලෝගෑම් 135KG බරක් ඔසවමින් රිදී පදක්කම දිනාගැනීමට පසිදු මාලවන සමත් විය.

ශ්‍රී ලංකා සම්භවයක් පවතින කෙවින් නවෝද්‍ය ඕස්ට්‍රේලියාවේ වසර ගණනක සිට මෙම කඩුලු මතින් දිවීමේ දක්ශතා පෙන්නුම් කරයි.

නැගී එන හෙල්ල විසිකිරීමේ ක්‍රීඩක රුමේෂ් තරංග ට ශ්‍රී ලංකා ක්‍රිකට් ආයතනය රුපියල් මිලියන දහයක මූල්‍ය ආධාරයක් ලබා දුන්නා.