පුවත්

වර්තමාන ආණ්ඩුවට, දුර්වල මිනිස්සු ආරක්ෂා කිරීම සඳහා හැකියාවක් නැතුවා මෙන් ම අවශ්‍යතාවක් නැතැයි මාධ්‍යවේදී නන්දන වීරරත්න පැවසී ය.

ශ්‍රී ලංකාව සහ ප්‍රංශය අතර පැවැති දේශපාලන උපදේශන සාකච්ඡාවල දෙවන වටය 2026 ජුනි මස 9වන දා මාර්ගගත ක්‍රමය ඔස්සේ පැවැත්විණි. ශ්‍රී ලංකාවේ විදේශ කටයුතු, විදේශ රැකියා සහ සංචාරක අමාත්‍යංශයේ යුරෝපය සහ උතුරු ඇමරිකානු අංශයේ අධ්‍යක්ෂ ජනරාල් සුගීෂ්වර ගුණරත්න සහ ප්‍රංශ ජනරජයේ යුරෝපය සහ විදේශ කටයුතු අමාත්‍යාංශයේ ආසියාව සහ ඕෂනියා අංශයේ අධ්‍යක්ෂ බෙනොයිට් ගීඩේ යන අය විසින් මෙම සාකච්ඡාවල සම සභාපතිත්වය දරනු ලැබිණි.

නිල වාහනයක් හෝ ඉන්ධන දීමනාවක් ලබා ගත හැකි වුව ද වාහනයක් අවශ්‍ය නොමැති බව පවසමින් ඉන්ධන සහ දීමනාව ලෙස රුපියල් ලක්ෂ 31 අධික මුදලක් අවභාවිත කළ බව කියන සිද්ධියයට අදාළව අත්අඩංගුවට ගත් මාධ්‍යවේදී ප්‍රසාද් මංජු ලබන 24 තෙක් රක්ෂිත බන්ධනාගාර ගත කරන ලෙස කොටුව මහේස්ත්‍රාත් පසන් අමරසේන අද නියෝග කළේ ය.

ජනාධිපති අනුර කුමාර දිසානායක රටට පවසන මූල්‍ය තත්ත්වය සම්පූර්ණ අසත්‍යයක් යැයි සමගි ජන බලවේග ගම්පහ ආසන සංවිධායක වරුණ රාජපක්ෂ පැවසී ය. ඔහු මෙම අදහස් පළ කළේ සමගි ජන බලවේග ප්‍රධාන කාර්යාලයේ අද (10) පැවති මාධ්‍ය හමුවේ දී ය.

මෙම රෝහල් දෙකෙහි පිළිකා රෝගීන් ගේ විකිරණ ප්‍රතිකාර සිදුකරන ලීනියර් ඇක්සලරේට විකිරණ ප්‍රතිකාර යන්ත්‍ර දෙක බිඳවැටීම සිදුවී ඇති අතර ජුනි 04 වෙනිදා මඩකළපුව රෝහලේ යන්ත්‍රයත්, ජුනි 05 දා ගාල්ල ජාතික රෝහලේ යන්ත්‍රයත් බිඳ වැටී ඇත.

අනුරාධපුර සිද්ධිය සම්බන්ධයෙන් BBC සිංහල සේවය හෙළි කළ තොරතුරු මගින් මේ රටේ නීතියේ ආධිපත්‍යයට සහ රාජ්‍ය නිලධාරීන්ගේ ස්වාධීනත්වයට එල්ල වී ඇති බරපතළ තර්ජනයක් කරළියට පැමිණ තිබේ.

'රාජ්‍ය අපරාධකාරිත්වය බොරුවක් ද...?' යන මැයෙන් වූ මෙවර "සවිචාර සංවාද" කතිකාව ජුනි 14 වැනි ඉරිදා ලංකාවේ වේලාවෙන් රාත්‍රි 7.30ට සූම් තාක්ෂණය ඔස්සේ පැවැත්වීමට නියමිත ය.

මධ්‍යම පළාතේ ජෛව විවිධත්වය සහ සංස්කෘතික වටිනාකම් සහිත ස්ථාන කිහිපයක් සංචාරක ආකර්ෂණීය සහිත ස්ථාන වශයෙන් නම් කර එහි සංචාරක කර්මාන්තය ප්‍රවර්ධනය කිරීමට මධ්‍යම පළාත් සභාව සැලසුම් කර ඇත.

පොලිස් දෙපාර්තමේන්තුවේ අපකීර්තිමත්ම  පොලිස්පතිවරයා සිටින්නේ වර්තමානයේ බවත්  ඔහු කටයුතු කරන්නේ පැලවත්තට අවශ්‍ය ආකාරයට යැයි පොදු ජන එක්සත් පෙරමුණේ  නායකත්ව මණ්ඩල  සාමාජික සුගීස්වර බණ්ඩාර  පැවසී ය.

පාර්ලිමේන්තු  මන්ත්‍රී රවී කරුණානායක අද (09) පාර්ලිමේන්තුවේ දී, ශ්‍රී ලංකාව ජාත්‍යන්තර මූල්‍ය අරමුදලේ (IMF) වැඩසටහනේ ප්‍රතිඵල සහ වත්මන් විධිවිධානයෙන් ඔබ්බට රටේ ආර්ථික උපායමාර්ගය පිළිබඳව රජයෙන් පැහැදිලි කිරීමක් ඉල්ලා සිටියේය.

මහමග සිදුකරන උද්ඝෝෂණ මඟින් යුක්තිය පසිඳලීමේ ක්‍රියාවලියට බාධා නොකළ යුතු අතර, මාලිමා රජය ද අධිකරණ ක්‍රියාවලියට මැදිහත් නොවිය යුතු යැයි දිනන දකුණ සාමූහිකය සඳහන් කරයි.

ත්‍රස්තවාදය වැළැක්වීමේ පනත (PTA) යටතේ සිදු වන රඳවා ගැනීම්, වධහිංසන චෝදනා, මානව හිමිකම් උල්ලංඝන සහ එම පනත අහෝසි කිරීමේ අවශ්‍යතාව පිළිබඳ රයිට් ටු ලයිෆ් මානව හිමිකම් මධ්‍යස්ථානයේ ස්ථාවරය දක්වමින් මාධ්‍ය නිවේදනයක් නිකුත් කර ඇත.

අල්ලස් කොමිසම විසින් ගොනු කර තිබූ දූෂණ චෝදනා සම්බන්ධයෙන් නඩු හතරකට වරදකරු කෙරුණු  හිටපු නියෝජ්‍ය අමාත්‍ය සරණ ගුණවර්ධනට, එක් නඩුවට බරපතළ වැඩ සහිත වසර හතර බැගින් වසර 16ක  බරපතළ වැඩ සහිත  සිර දඬුවමක් කොළඹ මහාධිකරණය විසින් නියම කරනු ලැබ ඇත.

ශ්‍රී ලංකාව මතභේදාත්මක ත්‍රස්තවාදය වැළැක්වීමේ පනත (PTA) අඛණ්ඩව භාවිතා කිරීම සහ නීතිය යටතේ අඛණ්ඩව අත්අඩංගුවට ගැනීම් පිළිබඳව ක්ෂමා සංවිධානය නව කනස්සල්ලක් මතු කර ඇත.

හිටපු රාජ්‍ය බුද්ධි අංශ ප්‍රධානි සුරේෂ් සලේ කළ සියලු දෑ ගෝඨාභය රාජපක්ෂ දැනසිටිය යුතු බවත්, සලේ ගෝඨාභය ගේ අවසරයකින් තොරව වැසිකිළියට හෝ නොගිය බව හිටපු හමුදාපති ෆිල්ඩ් මාර්ෂල් සරත් ෆොන්සේකා පැවසී ය.

පාස්කු ඉරු දින ප්‍රහාරයට අදාළව සිදු වන විමර්ශන කටයුතුවලට අගතිදායක වන අයුරින් සහ බාධා කෙරෙන සැලසුම් සහගත ක්‍රියාදාමයක උදය ගම්මන්පිල, විමල් වීරවංශ, දිලිත් ජයවීර යන අය සමාජ මාධ්‍ය ඇතුළු මාධ්‍ය හරහා වක්‍රාකාරව නිරත වන බවත් ඊට අදාළව සුදුසු නියෝග සිදු කරන ලෙසත් අපරාධ පරීක්ෂණ දෙපාර්තමේන්තුව කොටුව මහේස්ත්‍රාත් පසන් අමරසේන හමුවේ කරුණු දක්වමින් ඉල්ලා ඇත.

මාලිමා ආණ්ඩුව, රණවිරුවන්ට සහ බුද්ධි අංශවලට නායකත්වය දුන් නිලධාරීන්ව  හිරගත කරනවා යැයි ශ්‍රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ පැවසී ය.