පුවත්

ශ්‍රී ලංකා තැපැල් දෙපාර්තමේන්තුව වෙත මහා භාණ්ඩාගාරය විසින් ලබා දුන් ආදායම් ඉලක්කය පසුගිය වසරේ දී ඉක්මවා යාමට සමත්වු බව එම දෙපාර්තමේන්තුව පවසයි.

ගල්අඟුරු මිලදීගැනිමේ දී එතෙක් පැවති ටෙන්ටර් පටිපාටි වෙනස් කර Trident Chemphar සමාගමට එම ටෙන්ඩරය ලබා දුන්නේ ප්‍රසම්පාදන මාර්ගෝපදේශ උල්ලංඝනය කරමින් ද යන්න සැක සහිත යැයි පෙරටුගාමී සමාජවාදී පක්ෂයේ අධ්‍යාපන ලේකම් පුබුදු ජයගොඩ පැවසී ය.

මාලිමා ආණ්ඩුව පත් කිරීම වෙනුවෙන් තමන් වෙහෙස මහන්සි වුව ද ආණ්ඩුවේ නව අධ්‍යාපන ප්‍රතිසංස්කරණ සඳහා සහයෝගය දැක්විය නොහැකි බව ප්‍රකාශ කරමින් මහාචාර්ය අර්ජුන පරාක්‍රම දක්වා තිබිණ.

ආණ්ඩුවේ නව අධ්‍යාපන ප්‍රතිසංස්කරණවලට එරෙහිව ජනවාරි (ඊ‌යේ) 10 මහරගම දී, මතුගම දී, මහනුවර දී සහ පොළොන්නරුවේ දී ජන අරගල ව්‍යාපාරය විසින් උද්ඝෝෂණ මාලාවක් පවත්වනු ලැබීය. මේ මහරගම උද්ඝෝෂණයේ ඡායාරූප කිහිපයකි.

අධ්‍යාපන ප්‍රතිසංස්කරණ වෙනස් කරනවා නම් ඒවා වෙනස් කළ යුත්තේ අපේකම රැකගෙන සභ්‍යත්වය සංස්කෘතිය රැකගෙන වුව ද මේ යන ආකාරයට නම් අධ්‍යාපනයට අනාගතයක් නැතැයි විපක්ෂ නායක සජිත් ප්‍රේමදාස පැවසී ය.

වෙනත් පක්ෂවලට සහයෝගය ලබා දුන් ශ්‍රී ලංකා නිදහස් පක්ෂයේ පළාත් පාලන මන්ත්‍රීවරු සියලු දෙනාගේ මන්ත්‍රීධූර අහෝසි කරන බව ශ්‍රී ලංකා නිදහස් පක්ෂ ජාතික සංවිධායක චාමර සම්පත් දසනායක පැවසී ය.

අධ්‍යාපනය වෙනුවෙන් ජාතික ප්‍රතිපත්තියක් අවශ්‍ය බවත්, එය පාර්ලිමේන්තුවේ සියලු දෙනාගේ ම සහභාගිත්වයෙන් සිදුකරනවා නම් එයට සහයෝගය පළකිරීමට ශ්‍රී ලංකා නිදහස් පක්ෂය කටයුතු කරන බවත් පක්ෂයේ භාණ්ඩාගාරික ලසන්ත අලගියවන්න පැවසී ය.

දෙවන ලෝක යුද්ධයේ සිට මේ දක්වා පැවති ලෝක ව්‍යුහය මේ වන විට අවසන්ව ඇතැයි දේශපාලන සහ සමාජ විශ්ලේෂක මිලින්ද මොරගොඩ පැවසී ය.

නව අධ්‍යාපන ප්‍රතිසංස්කරණ යටතේ හඳුන්වා දී ඇති 6 ශ්‍රේණියේ ඉංග්‍රීසි භාෂා මොඩියුලයේ ඇති නුසුදුසු යොමු කිරීම් සම්බන්ධයෙන් රජය සමඟ සාකච්ඡා කිරීමට කිසිවක් නොමැති බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී නාමල් රාජපක්ෂ පැවසීය.

ශ්‍රී ලාංකික තරුණ ප්‍රජාව සඳහා ජපානයේ විදුලි කාර්මික ක්ෂේත්‍රයේ රැකියා අවස්ථා ලබා දෙන අවබෝධතා ගිවිසුමක් ජපානයේ එන්ටර්ප්‍රයිසස් යුනයිටඩ් කෝපරේටිව් ආයතනය සහ ශ්‍රී ලංකා විදේශ රැකියා ඒජන්සිය අතර පසුගිය බදාදා ශ්‍රී ලංකා විදේශ සේවා නියුක්ති කාර්යාංශයේ දී අත්සන් තැබුණා.

දස වන පාර්ලිමේන්තුවේ ආරක්ෂක කටයුතු පිළිබඳ අමාත්‍යයංශයීය උපදේශක කාරක සභාව ජනාධිපති අනුර කුමාර දිසානායකගේ ප්‍රධානත්වයෙන් පසුගිය 07වන දා පස්වරුවේ රැස් විය.

මේ වන විට වැටෙමින් පවතින ලංකා ආර්ථිකය යළි ගොඩ නගන ආණ්ඩුව බිහිවන්නේ එක්සත් ජාතික පක්ෂ සහ සමගි ජන බලවේග එකතුවකින් බව එක්සත් ජාතික පක්ෂ සභාපති වජිර අබේවර්ධන පැවසීය.

එක්සත් ජාතික පක්ෂය සහ සමගි ජන බලවේගය ඒකාබද්ධව ක්‍රියා කර රටේ ආර්ථිකයත්, සමාජ ප්‍රශ්නත් විසඳීම සඳහා ක්‍රියා කරන බව අබේවර්ධන කීය.

එක්සත් ජාතික පක්ෂ සභාපති වජිර අබේවර්ධන මේ බව කීවේ එක්සත් ජාතික පක්ෂයේ සහ සමගි ජන බලවේගයේ එකතුව සම්බන්ධයෙන් මාධ්‍යයට ප්‍රකාශයක් කරමිනි.

එක්සත් ජාතික පක්ෂයත් සමගි ජන බලවේගයත් එකට ක්‍රියා කිරීමට කිසිදු බාධාවක් නොමැති බව කී එජාප සභාපතිවරයා, එකම මතයක් දරන කණ්ඩායම් පක්ෂ දෙක නියෝජනය කරන නිසා එකතුව ඉදිරියට ගෙනයාමට කිසිඳු බාධාවක් කිසි විටෙකත් මතුනොවන බව ස්ථිර යැයි කීය.

මාධ්‍යවේදී ලසන්ත වික්‍රමතුංග ඝාතනය කර ඊයේ දිනය වන විට දාහත් වසරකි. ඔහු ඝාතනය කරන්නට ආසන්න ම හේතුව වන්නේ එවකට රාජ්‍ය ආරක්ෂක ලේකම් ලෙස කටයුතු කළ ගෝඨාභය රාජපක්ෂ විසින් සිදු කරන ලද මිග් යානා ගනුදෙනුව පිළිබඳ කරුණු හෙළිදරව් කිරීම යැයි අදහසක් පවතී.

නිදහස් අධ්‍යාපනය රැකගැනීම වෙනුවෙන් හෙට (10) සවස 02:00 ට මතුගම CWW කන්නන්ගර පිළිරුව අසල දී සර්වපාක්ෂික විරෝධයක් පැවැත්වෙන බව සර්වජන බලය මහ ලේකම් නීතිඥ රංජන් සෙනවිරත්න පැවසී ය.

මැණික් හා ස්වර්ණාභරණ ක්ෂේත්‍රය තුළ රටක් ලෙස අත්කර ගත් ප්‍රගතිය දැක අතිශයින්ම සතුටට පත්වන බවත්, තව දුරටත් මැණික් හා ස්වර්ණාභරණ ක්ෂේත්‍රය දිරි ගැන්වීමට ඇති රෙගුලාසි ලිහිල් කර මේ ක්ෂේත්‍රය වෙනුවෙන් ලබා දිය හැකි ඉහළ ම උත්තේජක ලබා දීමට රජය කටයුතු කළ යුතු බවත් විපක්ෂ නායක සජිත් ප්‍රේමදාස පැවසී ය.

ව්‍යසනයෙන් අහිමි වූ ජීවිත යළි ලබා දිය නොහැකි වුව ද බිඳ වැටුණු ජන ජීවිතය යළි ආරම්භ කිරීම වෙනුවෙන් රජයෙන් ලබා දිය හැකි සෑම අනුග්‍රහයක්ම ලබා දෙන බව ජනාධිපති අනුර කුමාර දිසානායක පැවසී ය.

ශ්‍රී ලංකාවේ දිගු කාලීන විදුලි ජනන සැලැස්ම අනුව 2030 වන විට මෙරට බලශක්ති අවශ්‍යතාවෙන් 70%ක් පුනර්ජනනීය බලශක්තියෙන් සපුරා ගැනීමේ සැලසුම් ඉතා සාර්ථකව ක්‍රියාත්මක වන බව ප්‍රකාශිත ය.

ජනාධිපති අනුර කුමාර දිසානායක අද (09) රාජාංගණය, වැවේ පන්සල අසදී පැවති අනුරාධපුර දිස්ත්‍රික්කයේ: රාජාංගනය, තලාව, නොච්චියාගම, මහවිලච්චිය, පදවිය, කැබිතිගොල්ලෑව, මිහින්තලය, රඹෑව යන ප්‍රාදේශීය ලේකම් කොට්ඨාසවල ආපදාවෙන් පූර්ණ හානි සිදු වූ නිවාස වෙනුවෙන් වන්දි ප්‍රදාන වැඩසටහනට සඳහා එක්විය.