අනුරාධපුර පූජා නගරයේ ඓතිහාසිකත්වය, පෞරාණික වටිනාකම සහ ආගමික පසුබිම සුරක්ෂිත කරමින් ප්‍රවේශ මාර්ග ප්‍රතිසංස්කරණය කිරීම, බැතිමතුන්ට සහ දෙස් විදෙස් සංචාරකයින්ට අවශ්‍ය පහසුකම් වැඩිදියුණු කිරීම, කසළ කළමනාකරණය ඇතුළු සංවර්ධන කටයුතු රැසක් ක්‍රියාත්මක කිරීමට අදාළ අනුරාධපුර පූජා භූමි සංවර්ධන ව්‍යාපෘතියේ කටයුතු සොයා බැලීමට ජනාධිපති අනුර කුමාර දිසානායක අද (23) පස්වරුවේ එම ප්‍රදේශයේ නිරීක්ෂණ චාරිකාවක නිරත වූයේය.
කොළඹ විහාර මහාදේවි උද්‍යානයේ පැවැත්වෙන සත්‍යග්‍රහයේ නිරත භික්ෂුන් වහන්සේලා ඇතුළු පිරිසට ඉවත් වෙන ලෙස කොළඹ ප්‍රධාන මහේස්ත්‍රාත් අධිකරණයෙන් ඊයේ ලබා දී තිබු ආඥාව වෙනස් කළ නොහැකි බවත්, අදාළ ආඥාවට එරෙහිව යම් දෙයක් සිදු වුවහොත් දණ්ඩ නිති සංග්‍රහයෙන් අවශ්‍ය පරිදි නීතිමය ක්‍රියාමාර්ග ගැනීමට පොලිසියට හැකි බව කොළඹ ප්‍රධාන මහේස්ත්‍රාත් අසංග එස් බෝදරගම අද (23) නියෝග කළේය.
දෙපාර්ශ්වයෙන්ම මෝසම් පත්‍ර දෙකක්
අදාළ ආඥාව පිළිබඳව විහාර මහා දේවී උද්‍යානයේ උද්ඝෝෂණය සිදුකරන පිරිස සහ නිතීපතිවරයා විසින් අද දින මෝසම් පත්‍ර දෙකක් ගොනු කර තිබුණා.
ඉන් උද්ඝෝෂණය නිරත පිරිස සිය මෝසම් පත්‍රය ගොනු කරමින් ඊයේ දින අධිකරණයෙන් ලබා දුන් ආඥාව ඉවත් කිරීමට හෝ වෙනස් කිරීමට මෙලෙස ඉල්ලා තිබුණා.
වරෙන්තු නිකුත් කිරීම අධිකරණය ප්‍රතික්ෂේප කරයි
නිතිපතිවරයා වෙනුවෙන් ඉල්ලා තිබු මෝසම් පත්‍රය මගින් දක්වා තිබුණේ ඊයේ දින අධිකරණයෙන් ලබා දුන් නියෝගය කියවා දුන් පසුත් එම ප්‍රදේශයේ රැදි සිටි පිරිස අත්අඩංගුට ගැනීමට වරෙන්තු නිකුත් කරන ලෙසයි.
එම අවස්ථාවේදි මහේස්ත්‍රාත්වරයා වරෙන්තු නිකුත් කිරීමට තරම් දෙයක් එම ස්ථානයේ සිදු වී නොමැති බව පවසා එම ඉල්ලීම ප්‍රතික්ෂේප කළා.
මෝසම ඉදිරිපත් කරමින් ජනාධිපති නීතිඥ මෛත්‍රී ගුණරත්න පවසා සිටියේ විරෝධතාවය පළ කිරීම මූලික මිනිස් අයිතිවාසිකමක් බවයි.
සිද්ධිය සම්බන්ධයෙන් වැඩිදුරටත් මෝසම ඉදිරිපත් කරමින් ජනාධිපති නීතිඥවරයා මෙලෙස පවසා සිටියා.
“ස්වාමීනි, විහාර මහාදේවී උද්‍යානයේ බුදුපිළිම පර්යන්තයේ තමයි අපි රැඳිලා ඉන්නේ පොදු දේපළ කිසිම දෙයකට හානියක් කරලා නැහැ. දවස් හතක් එක දිගට ඉන්නවා ඒක මූලික මිනිස් අයිතිවාසිකමක් විරෝධතාවය පළ කිරීම, නීතියට අවනතව අපි කටයුතු කරනවා.
එම අවස්ථාවේදී නීතිපතිවරයා වෙනුවෙන් අධිකරණයේ පෙනී සිටි රජයේ නීතිඥ කලණ බුද්ධදාස පවසා සිටියේ මෙම උද්ඝෝෂණය සම්බන්ධයෙන් ඊයේ දින 106 වගන්ති ප්‍රකාරව ආඥාවක් නිකුත් කර ඇති බවයි.
රජයේ නීතිඥ කලණ බුද්ධදාස වැඩිදුරටත් අධිකරණයට මෙලෙස කරුණු දැක්වූවා.
ඊයේ දින 106 වගන්තිය ප්‍රකාරව ආඥාවක් නිකුත් කරලා තිබෙනවා. මෙම සිද්ධියට අනුව පැමිණිල්ල ඇවිල්ල තියෙන්නෙ නාගරික කොමසාරිස්වරයාගෙන්. පැමිණිල්ලේ මුල් පිටපතක් ද අධිකරණයට ඉදිරිපත් කරනවා. ඊයේ දිනයේ දී එම නියෝගය කියවා දීමේ දී ශබ්ද විකාශන යන්ත්‍රය හරහා පිරිත් දලා කඩා කප්පල් කළා පොලිසිය සිද්ධිය පැහැදිලි කළා. මෙම ස්ථානයට දේශිය වගේම විදේශීය පුද්ගලයන් එනවා. පොදු ස්ථානයක්. විරෝධතා දක්වන එක මුලික අයිතිවාසිකමත් තමයි. හැබැයි මේ අය මෙතැන රැදි සිටින්නේ 16 වෙනිදා ඉදලා.
පොලිසිය විටින් විට කිව්වා එම ස්ථානයේ එක දිගට රැඳී සිටින්න බැහැ කියලා ස්වාමීන් වහන්සේලා විතරක් නෙවෙයි. උදේට දවල්ට දානෙ පිරිනමන කට්ටියත් එනවා. තවද මෙම ස්වාමීන් වහන්සේලා සමාජ මාධ්‍ය හරහා මෙම විරෝධයට විවිධාකාර පුද්ගලයන් එකතු කරගන්නවා. ආගමික නිදහස කියලා අන් අයට බාධා ඇති කරන්න බැහැ. දීර්ඝ කාලීන ලෙස මෙම ස්ථානවල රැදි සිටීමෙන් වෙනත් දේශපාලනික සහ මහජන කැළඹීමක් ඇතිවිය හැකියි."
මහේස්ත්‍රාත්වරයා
"එම ශබ්ද විකාශන භාවිතා කිරීම සම්බන්ධයෙන් කොළඹ මහ නගර සභාවෙන් අවසර ලබා ගෙන තිබේද?"
රජයේ නීතීඥවරයා
" නැත. ස්වාමීනි. එම ස්ථානයේ මහා සවන් යාගයකුත් කරලා. ඒ වගේ ක්‍රියාවලින් මහජනතාව පීඩාවට පත්වෙනවා."
මහේස්ත්‍රාත්වරයා
"මම ඊයේ ලබාදුන් නියෝගයේ තිබෙන්නේ අඛණ්ඩව රැඳී නොසිටින ලෙසත් පොදු දේපල වලට හානි නොකරන ලෙසයි"
විරෝධතාකරුවන් වෙනුවෙන් පෙනී සිටි ජනාධිපති නීතීඥ මෛත්‍රී ගුණරත්න
"පූජෝපාකාර වගේ දේවල් සිදු කරනවා. මහසෝන් යාගයත් කියන්නේ සංස්කෘතියේ දේවල්. බුදුපිළිම පර්යන්තයේ තමයි අපි සිටින්නේ. එසේ සිට විරෝධතා දැක්වීමට අපට අවසර ලබා දෙන්න."
මහේස්ත්‍රාත්වරයා
"දින කීයක් තව මේ විරෝධතාවය තිබේද?"
ජනාධිපති නීතිඥ මෛත්‍රී ගුණරත්න
"ඒක මම දන්නෑ ස්වාමීනී ස්වාමීන් වහන්සේලා තමයි ඒක තීරණය කරන්නේ."
නීතිපති වෙනුවෙන් පෙනී සිටි රජයේ නීතිඥවරයා.
" ස්වාමීනි මේ විරෝධතාවය කවදාවත් ඉවර වෙන්නේ නැති එකක්. මෙයාලා කියනවානේ මේක විරෝධතාවය යන්නේ වැඩසටහනක් කියලා වැඩසටහනක් ක්‍රියාත්මක කරනවා කරනවා නම් ඒ බල ප්‍රදේශයේ අයිති මහ නගර සභාවේ අවසර ගන්න ඕනෙ. තොවිලයක් නැටුවත් වැඩසටහනක්. මොකද ස්වාමීනි මෙම ස්ථානයට පිහිදෙකක් ඊයේ රැගෙන ඇවිල්ලා ඒ දෙන්නටද ඇප ලබා දීලා තිබෙනවා. විරෝධතා කරුවන්ටමයි මේවගෙන් ප්‍රශ්න ඇතිවෙන්නේ. දන්න නීති සංග්‍රහය 105 වගන්තියට අකීකරු වීම වරදක්. එම වගන්තියට කීකරු වී ඇවිල්ලා මෙහෙම ඉල්ලනවනම් කමක් නෑ. ස්වාමීනි මේක අධිකරණයට කරන ලද අපහාසයක්. එම නිසා එම ආඥාව ඉවත් නොකරන ලෙස මම අධිකරණයෙන් ඉල්ලා සිටිනවා.
ජනාධිපති නීතිඥ මෛත්‍රී ගුණරත්න
" ස්වාමීනි කඨින චීවර සකස් කිරීම තමයි මේ දවස්වල සිදුවන්නේ. ඒ සඳහා අවසර ලබා දෙන්න"
මහේස්ත්‍රාත්වරයා
"දෙපාර්ශවයේම ඉදිරිපත් වූ කරුණු සලකා බලනවා. මම ඊයේ දින ලබා දුන් 126 වගන්ති ප්‍රකාරය නියෝගය වෙනස් කිරීමකට ලක් කරන්නේ නැහැ. එහි දක්වා තිබෙන්නේ අඛණ්ඩව රැඳී සිටීමෙන් පොදු දේපල වලට හානි සිදුවීම සම්බන්ධයෙන්. මම දන්නෙ නෑ කඨින චීවර පිළිවෙල කිරීමට මෙම ස්ථානයේ සිදු කරන්නේ ඇයිද කියලා. යම්කිසි වැඩසටහනක් ක්‍රියාත්මක කරනවා නම් එම ආයතන භාර කෙනෙක් ඉන්නවා. එයාලගේ යම් යම් නීති තියෙනවා ඒවා ක්‍රියාත්මක කළ යුතුයි. මම මෙම නියෝගය ලබා දී තිබෙන්නේ මහජන සාමය ගැන සලකළා." එම නිසා ලබා දුන් නියෝගය වෙනස් කළ නොහැකි බව මහේස්ත්‍රාත්වරයා නියෝග කළා .
සිරදඬුවම් විඳිමින් සිටින පූජ්‍ය ගලගොඩඅත්තේ ඥානසාර හිමියන් නිදහස් කරන ලෙස බල කරමින් විහාරමහාදේවි උද්‍යාන පරිශ්‍රයේ අඛණ්ඩ සත්‍යග්‍රහයක නිරත පිරිස වෙත නිකුත් කළ අධිකරණ නියෝගයට එරෙහිව අද (23) පෙරවරුවේ කොළඹ ප්‍රධාන මහේස්ත්‍රාත් අධිකරණය හමුවේ මෝසමක් ගොනු කර තිබුණා.
මෙලෙස කරුණු වාර්තා කිරීම සඳහා පූජ්‍ය උලපනේ සුමංගල හිමි සහ පූජ්‍ය බලංගොඩ කස්සප හිමි ඇතුළු භික්ෂූන් වහන්සේලා සහ තවත් පිරිසක් අධිකරණ පරිශ්‍රය වෙත වැඩම කළහ. මීට අමතරව මිහින්තලා රාජමහා විහාරාධිපති ආචාර්ය පූජ්‍ය වලවාහැංගුණවැවේ ධම්මරතන හිමි, පූජ්‍ය තීනියාවල පාලිත හිමි මෙන්ම පූජ්‍ය විතාරන්දෙණියේ නන්ද හිමි යන හිමිවරුන් ද එම අවස්ථාවට වැඩම කර සිටියා.
අම්පාර දිස්ත්‍රික්කයේ සමන්තුරේ ප්‍රදේශයේදී හදිසියේ රෝගාතුරව ඇදවැටී සිටින වන අලියාගේ ජීවිතය බේරාගැනීම සඳහා වනජීවී නිලධාරීන්, පශු වෛද්‍ය කණ්ඩායම්, ශ්‍රී ලංකා යුද හමුදාව සහ පොලිසිය එක්ව ඒකාබද්ධව කටයුතු ආරම්භ කර ඇතැයි පරිසර අමාත්‍යංශය සඳහන් කරයි.
ගලගොඩඅත්තේ ඥානසාර හිමියන්ට නිදහස පතා මහනුවර සිට පාගමනින් වැඩම කර ජනාධිපති ලේකම් කාර්යාලය අසල රැඳී සිටි භික්ෂූන් වහන්සේලාට එරෙහිව ගත් උසාවි නියෝගයට ඇතුළත් කර තිබූ හිමිවරුන්ගේ නම් පසුව එම නියෝගයෙන් ඉවත් කිරීමට ගෙන තිබෙන තීරණය මගින්, ආණ්ඩුව හිතාමතාම බරපතල වරදක් කර ඇති බව එක්සත් ජාතික පක්ෂය පවසයි.
ශ්‍රී ලංකා රජය විසින් මාලදිවයින් රජය වෙත රුපියල් මිලියන 05 කට අධික වටිනාකමකින් යුත් අත්‍යවශ්‍ය ඖෂධ තොගයක් ප්‍රදානයක් සෞඛ්‍ය හා ජනමාධ්‍ය අමාත්‍යාංශයේදී සිදු කෙරිණි.
මේ මස 24 වැනි සෙනසුරාදා එනම් හෙට දින පෙ.ව.9.00 පැවැත්වීමට සුදානම් කොට තිබු තෝලංගමුව ඩඩ්ලි සේනානායක මධ්‍ය විද්‍යාලයේ ආදි ශිෂ්‍ය සංගමයේ වාර්ෂික මහා සභාව නොවැළැක්විය හැකි හේතුවක් නිසා කල් දමා තිබේ.
මත්ද්‍රව්‍ය ඇතුළු විවිධ ජාවාරම්වලින් උපයා ගන්නා ලද රුපියල් මිලියන 10,040ක (කෝටි 1,004ක) වත්කම් සහ දේපළ අක්‍රිය කිරීමට පියවර ගෙන ඇති බව මහජන ආරක්ෂක අමාත්‍ය ආනන්ද විජේපාල මහතා අද (23) පාර්ලිමේන්තුවේදී අනාවරණය කළේය.
රක්ෂිත බන්ධනාගාරගත කර සිටින පාර්ලිමේන්තු මන්ත්‍රී නාමල් රාජපක්ෂ වෙත ඔහුගේ පියා වන හිටපු ජනාධිපති මහින්ද රාජපක්ෂ විසින් ලිපියක් යොමු කර තිබේ.
රටේ ජාතික ස්වාභාවික උරුමයක් වූ කාවන්තිස්ස ඇතාගේ ඛේදජනක මරණය පිළිබඳ සත්‍ය හෙළිදරව් කර ගැනීමටත්, එම සිදුවීමට අදාළ සියලු පාර්ශ්ව සිය වගකීම් නිසි පරිදි ඉටු කර ඇත්ද යන්න තහවුරු කර ගැනීමටත්, එම ඇතා වෙනුවෙන් යුක්තිය ඉෂ්ට කර ගැනීමත් වෙනුවෙන් විපක්ෂය විසින් පාර්ලිමේන්තුවේ විශේෂ තේරීම් කාරක සභාවක් ඉල්ලා තිබේ.
හිටපු ජනාධිපති මහින්ද රාජපක්ෂගේ බිරිඳ වන ශිරන්ති රාජපක්ෂ හට සිදුකළ පළමු හෘද සැත්කම සාර්ථක බව පවුලේ ආරංචි මාර්ග සඳහන් කර සිටියි.
ක්‍රිෂ් ගනුදෙනුව සම්බන්ධයෙන් සිදු කරනු ලබන විමර්ශනයට අදාළව රක්ෂිත බන්ධනාගාරගත කර සිටින පාර්ලිමේන්තු මන්ත්‍රී නාමල් රාජපක්ෂ සහ එම සමාගමේ හිටපු අධ්‍යක්ෂිකා ජානකී සිරිවර්ධන ලබන 6 දක්වා තවදුරටත් රක්ෂිත බන්ධනාගාරගත කරන ලෙස කොළඹ ප්‍රධාන මහේස්ත්‍රාත් අසංග එස්. බෝදරගම අද (23) නියෝග කළේය.
පොස්පේට් ආනයනය කරන සමාගම් තුනකින් රුපියල් ලක්ෂ 84 ක මුදලක් අල්ලසක් ලෙස ඉල්ලා ලබා ගත් බව කියන සිද්ධියට අදාලව අල්ලස් කොමිසම විසින් අත්අඩංගුවට ගත් හිටපු අමාත්‍ය හා බදුල්ල දිස්ත්‍රික් පාර්ලිමේන්තු මන්ත්‍රී චාමර සම්පත් සහ ඔහුගේ හිටපු ලේකම් ලබන මස 6 වැනිදා දක්වා යළිත් රක්ෂිත බන්ධනාගාරගත කරන ලෙස කොළඔ ප්‍රධාන මහේස්ත්‍රාත් අසංග එස් බෝදරගම අද (23) නියෝග කළේය.
මාසයකට අධික කාලයක් පුරා වෙළඳපොළේ උපත් පාලන පෙති හිඟයක් ඇති බව වාර්තා වේ.
මෙරටදී සිදු කිරීමට අපහසු සහ අතිශය සංකීර්ණ හෘද රෝග වලින් පෙළෙන ශ්‍රී ලාංකික ළමා හෘද රෝගී දරුවන් 13 දෙනෙකු වෙනුවෙන් 'Take Heart Mercy Mission' විදේශීය විශේෂඥ වෛද්‍ය කණ්ඩායම විසින් ගාල්ල කරාපිටිය ජාතික රෝහලේ හෘද හා උරස් ශල්‍ය ඒකකයේදී නොමිලේ හෘද සැත්කම් සිදු කිරීමට පියවර ගෙන ඇත.
මෙය භික්ෂූන් වහන්සේලාගේ සටනක් බවත් එය ඉදිරියට ගෙන යාම පිළිබඳව තීරණය කරන්නේ උන්වහන්සේලා බවත්, බෞද්ධ දායකයෙක් ලෙස ස්වාමීන් වහන්සේලාගේ සටනට හැකි සෑම අයුරකින්ම දායකත්වය ලබා දීමට කටයුතු කරන බව පිවිතුරු හෙළ උරුමයේ නායක උදය ගම්මන්පිල පැවසීය.
අධිකරණයට බොරු තොරතුරු දීලා මේ රටේ අසරණ අහිංසක මිනිස්සුන්ව බොරු චෝදනා දාලා නඩු දාන එකට විරුද්ධව විනිශ්චකාරවරු තීන්දුවක් දුන්නම, ඒ තීන්දුව පැහැර හැරපු පොලිස්පතිවරයාට මොකක්ද වෙන්නේ කියන එකත් අපි බලාගෙන ඉන්නවා යැයි ශ්‍රීලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ පැවසීය.
අධිකරණයට අපහාස කිරීමේ චෝදනාවලට සිර දඬුවම් නියම වීමෙන් පසුව, පූජ්‍ය ගලගොඩ ඇත්තේ ඥානසාර හිමියන්ගේ චීවරය ඉවත් කිරීමට බන්ධනාගාර බලධාරීන් ගෙන තිබෙන තීරණය බල රහිත කිරීමේ තීන්දුවක් නිකුත්කරන ලෙස ඉල්ලා ගොනුකර තිබෙන පෙත්සම් යළි නොවැම්බර් මස 18 වනදා කැඳවන ලෙස අභියාචනාධිකරණය නියෝග කළේය.
තිරිඟු පිටි මිල ඉහළ දැමීම සම්බන්ධයෙන් පාරිභෝගික කටයුතු පිළිබඳ අධිකාරිය මගින් විශේෂ විමර්ශන හා වැටලීම් අරඹා තිබේ.
newstube.lk වෙබ් අඩවියේ පළවන සියළු ප්‍රවෘත්ති සහ විශේෂාංග ආශ්‍රිතව කිසිවකුට හානිකර යමක් පළ වී ඇත්නම් ඒ අගතියට පත් පාර්ශවයට ඊට ප්‍රතිචාර දැක්වීමට ඇති අයිතියට අපි ගරු කරමු.
ඔබගේ ප්‍රතිචාර
