පුවත්

පොලිස් නිලධාරීන්ට පැළඳීම සඳහා ශරීර කැමරා (Body Cameras) මිලදී ගැනීමේ ප්‍රසම්පාදන ක්‍රියාවලිය තුළ බරපතළ අක්‍රමිකතාවයක් සිදු වන බවට සැක සහිත යැයි ජන අරගල ව්‍යාපාරයේ වසන්ත මුදලිගේ පැවැසීය.

2027 වසරේදී ජාත්‍යන්තර මූල්‍ය අරමුදලේ විස්තීරණ ණය පහසුකම අවසන් වූ පසු, සමස්ත ජනතාවට හිතකර අනුප්‍රාප්තික IMF ගිවිසුමක් රටට අවශ්‍ය බවත්, 

පවතින ගිවිසුම තුළ ඇති ජනතා පීඩනය නැති කර ජනතාවට හිතකර ආර්ථික තත්ත්වයක් නිර්මාණය කළ හැකි අනුප්‍රාප්තික IMF ගිවිසුමක් කරා රජය යොමුවිය යුතු බව විපක්ෂ නායක සජිත් ප්‍රේමදාස පවසනවා.

මේ වනවිට රිමාන්ඩ් බන්ධනාගාරගතව පසුවෙන පාර්ලිමේන්තු මන්ත්‍රී නාමල් රාජපක්ෂට සෙත් ප්‍රාර්ථනා කරමින් ඊයේ (25) රාත්‍රියේ කැලණිය රජමහා විහාරයේදී  බෝධි පූජා පිංකමක් පැවැත්විණි.

2026 UI GreenMetric ලෝක විශ්වවිද්‍යාල ශ්‍රේණිගත කිරීම්වලට අනුව ශ්‍රී ලංකාවේ ප්‍රථම ස්ථානය හිමිකර ගැනීමට පේරාදෙණිය විශ්වවිද්‍යාලය නැවත වරක් සමත්ව තිබේ.

මෙරට සුභාවිත ගීතය පුනර්ජීවනයට මාහැඟි මෙහෙවරක් කළ සිංග්ලංකා සමාගමේ නිර්මාතෘ ආනන්ද ගනේගොඩ අභාවප්‍රාප්ත වී තිබේ.

විදේශ  අමාත්‍ය විජිත හේරත් 2026 සැප්තැම්බර් 27 සිට 30 වැනි දින දක්වා පැවැත්වෙන 81 වැනි එක්සත් ජාතීන්ගේ මහා මණ්ඩල සැසිවාරය (UNGA) සඳහා ශ්‍රී ලංකා දූත පිරිසට නායකත්වය ලබා දෙන බව විදේශ කටයුතු අමාත්‍යංශය නිවේදනය කර සිටියි.

ඉදිරි අයවැයෙන් පොත් සඳහා පනවා ඇති වැට් බදුවල වෙනසක් සිදු කිරීම කෙරෙහි රජයේ අවධානය යොමුවී ඇති බව අග්‍රාමාත්‍ය ආචාර්ය හරිනි අමරසූරිය ප්‍රකාශ කළාය.

බැංකු ගිණුමක් අලුතින් ආරම්භ කිරීම ඇතුළු නිශ්චිත කාර්යයන් 8කට ලබන නොවැම්බර්  01 වැනිදා සිට TIN සහතිකය  (Taxpayer Identification Number) අනිවාර්ය යැයි දේශීය ආදායම් දෙපාර්තමේන්තුව පවසයි.

22 වැනි ආණ්ඩුක්‍රම ව්‍යවස්ථා සංශෝධන පනත් කෙටුම්පත දෙවනවර කියවීම විශේෂ බහුතර ඡන්දයෙන් පාර්ලිමේන්තුවේදී සම්මත විය.

ආබාධිත පුද්ගලයෙකුට නිවාස ආධාර ලබාදීමේ කටයුතු කඩිනමින් ඉටු කර දීම සඳහා රුපියල් 25000/- ක අල්ලසක් ලබා ගැනීමේ චෝදනාවට වරදකරු වූ හිටපු ග්‍රාම නිලධාරීවරයෙකුට කොළඹ මහාධිකරණය විසින් පනවනු ලැබූ බරපතළ වැඩ සහිත වසර 05ක සිරදඬුවම ශ්‍රේෂ්ඨාධිකරණය විසින් අද ස්ථිර කළා.

පාස්කු ඉරුදින ත්‍රස්ත ප්‍රහාර සිද්ධිය සම්බන්ධයෙන් රාජ්‍ය බුද්ධි සේවයේ හිටපු අධ්‍යක්ෂ සුරේෂ් සලේ මහතා ත්‍රස්තවාදය වැළැක්වීමේ පනත යටතේ අත්අඩංගුවට ගෙන රඳවා ගැනීම අභියෝගයට ලක් කරමින් විශ්‍රාමික ගුවන් හමුදා නිලධාරියෙකු වන ශාන්ත ජයතිලක මහතා විසින් ඉදිරිපත් කළ මූලික අයිතිවාසිකම් පෙත්සමක් ඉල්ලා අස්කර ගැනීමෙන් පසුව එය නිෂ්ප්‍රභ කිරීමට ශ්‍රේෂ්ඨාධිකරණය අද තීන්දු කළා.

දුෂණ චෝදනාවක් සම්බන්ධයෙන් අල්ලස් කොමිසම අත්අඩංගුවට ගත් ලංකා ඛනිජ වැලි සමාගමේ හිටපු සභාපති උදේනි දසනායක  ඇප මත මුදා හරින ලෙස කොළඹ ප්‍රධාන මහේස්ත්‍රාත් අසංග එස් බෝදරගම අද (25) නියෝග කළා.

පොස්පේට් ආනයනය කරන සමාගම් තුනකින් රුපියල් ලක්ෂ 81ක මුදලක් අල්ලසක් ලෙස ඉල්ලා සිය බැංකු ගිණුමට බැර කරවා ගත්තේ යැයි සිද්ධියට අදාලව  අත්අඩංගුවට ගත් හිටපු අමාත්‍ය හා බදුල්ල දිස්ත්‍රික් පාර්ලිමේන්තු මන්ත්‍රී චාමර සම්පත්ගේ හිටපු ලේකම් ලබන 9 දක්වා යළිත්  රක්ෂිත බන්ධනාගාරගත කිරිමට කොළඹ ප්‍රධාන මහේස්ත්‍රාත් අසංග එස් බෝදරගම අද(25) නියෝග කළා.

අධිකරණ නියෝගයක් ප්‍රසිද්ධ රැස්වීමකදී අපහාසයට ලක් කරමින් හිටපු අමාත්‍ය විමල් වීරවංශ අධිකරණයට අවමානයක් සිදුකිරීම සම්බන්ධයෙන් විමර්ශනයක් ආරම්භ කළ බව මධ්‍යම අපරාධ විමර්ශන කාර්යාංශය (CCIB) කොළඹ අතිරේක මහේස්ත්‍රාත් ලියාන් වරුෂවිතාන හමුවේ දැනුම් දුන්නේය.

ආණ්ඩුක්‍රම ව්‍යවස්ථාවේ 22 වන සංශෝධන පනත් කෙටුම්පත සම්මත කරගැනීම සඳහා අද (25) පස්වරුවේ පැවැත්වීමට නියමිත ඡන්ද විමසීමේදී, තම හෘද සාක්ෂියට එකඟව ඡන්දය භාවිත කරන ලෙස ‘දිනන දකුණ’ සාමූහිකය පාර්ලිමේන්තු මන්ත්‍රීවරුන්ගෙන් ඉල්ලීමක් කරයි.

මුලතිව් දිස්ත්‍රික් මහ රෝහලේ යටිතල පහසුකම් සංවර්ධනය කිරීමට සහ සේවා කාර්යක්ෂමතාව ඉහළ නැංවීමට කඩිනම් පියවර ගන්නා බව සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස පවසයි.

ශ්‍රී ලංකා යුද්ධ හමුදාවේ 77 වන සංවත්සරයට සමගාමීව ඓතිහාසික ජය ශ්‍රී මහා බෝධීන් වහන්සේ අභියසදී යුද්ධ හමුදා ධජයන්ට සෙත් පැතීමේ උත්සවය යුද්ධ හමුදාධිපතිගේ ප්‍රධානත්වයෙන් පැවැත්විණ.

අධිකරණ සේවා කොමිෂන් සභාව යටතේ ක්‍රියාත්මක වන “e-Courts” ව්‍යාපෘතිය යටතේ ක්‍රියාත්මක කෙරෙන අධිකරණ පද්ධතිය ඩිජිටල්කරණය කිරීමේ දීපව්‍යාප්ත වැඩසටහන යටතේ සියලු දිසා අධිකරණවල විභාගවන නඩු සඳහා ගැළපෙන පරිදි විද්‍යුත් ගොනු කිරීමේ පද්ධති හදුන්වාදීමට පියවර ගෙන ඇති අතර, ඒ යටතේ එම පහසුකම පළමු වරට හදුන්වාදුන් කොළඹ 07, අතිරේක දිසා අධිකරණ, සුළු හිම්කම් අධිකරණයේ නඩු ගොනු කිරීමේ පද්ධතිය ගරු අගවිනිසුරු ප්‍රිති පද්මන් සුරසේන විසින් ඊයේ (23) පස්වරුවේ නිරීක්ෂණය කරන ලදී.