V2025

පුවත්

නායකයින් නීතිමය රාමුවක් තුළ රටේ ආර්ථිකයට වගකියන පදනම හදලා තියෙන්නේ - සාගල

රට කරවන නායකයින් නීතිමය රාමුවක් තුළ රටේ ආර්ථිකයට වගකියන පසුබිම සැකසීමට වත්මන් රජය අඩිතාලම යොදා ඇති බව ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක සහ ජනාධිපති කාර්ය මණ්ඩල ප්‍රධානී සාගල රත්නායක පැවසීය.

ඔහු මේ බව සඳහන් කළේ වත්තල, දික්ඕවිට ධීවර වරාය සංකීර්ණයේ ස්ථාපනය කෙරුණු Northwest Marine Lanka Pvt Ltd හි නව බෝට්ටු අංගනයට මුල්ගල් තැබීමේ අවස්ථාවට පසුගියදා එක්වෙමිනි.

ආර්ථික කළමනාකරණයේදී නොගැළපෙන තීන්දු තීරණ ගැනීමේ ප්‍රතිවිපාක අද අප රටක් ලෙස අත්විඳිමින් සිටින බව පෙන්වා දුන් සාගල රත්නායක මහතා ඉන් ගොඩඒමට දරණ වෑයමේ දී පෞද්ගලික අංශයේ දායකත්වය ඉතා අගය කරන බව සඳහන් කළේය.

ජනතා පීඩනය ලිහිල් කර රට දියුණු කිරීම ජනාධිපතිවරයාගේ වැඩපිළිවෙළ බව පැවසූ සාගල රත්නායක මහතා ජාත්‍යන්තර මූල්‍ය ආයතනවලින් සඳහන් කරන කරණුවලට එහා ගොස් ජනතාව වෙනුවෙන් වූ වගකීම ඉටුකිරීම ජනාධිපතිවරයාගේ අපේක්ෂාව බව ද පැවසීය.

ශ්‍රී ලංකාව දියුණු කළ හැක්කේ අපනයන කර්මාන්තය දියුණු කිරීම තුළින් බවත් විදේශ අයෝජන ඉහළ නංවා ගනිමින් ඒ සඳහා අවශ්‍ය පසුබිම සැකසීමේ වැඩපිළිවෙළ මේ වන විට රජය ආරම්භ කර තිබෙන බවත් ඒ මහතා කියා සිටියේය.

ශ්‍රී ලංකා අපනයන සංවර්ධන මණ්ඩලයේ සභාපති සුරේෂ් ද මෙල්, සීනෝර් පදනමේ සභාපති ඒ.පී. රාජ්, Northwest Marine Lanka Pvt Ltd හි සභාපති ජගත් උදයකුමාර, අධ්‍යක්ෂ ෂෙවන්ත රොද්‍රිගෝ ඇතුළු පිරිසක් මෙම අවස්ථාවට එක්ව සිටියහ.

IMG 20221112 WA0014

IMG 20221112 WA0017

සත්‍යය කවදා හෝ ජය ගනී : පුෂ්පිකා ආයෙත් කරළියේ !

සෑම කාන්තාවකටම මේ ලෝකයේ ජීවත් වෙන්නට සාධාරණ අයිතියක් ඇත. ඒ කාන්තාව මවක් නම් ඇය වඩාත් ශක්තිමත් කෙනෙකි. ගැහැණු පිරිමි අප සියලු දෙනාම ගැටි ගැටී අරගල කරන්නේ සටන් කරන්නේ අපේ ජීවිතවල සිදුවන අසාධාරනකම් වලට එරෙහි ව, ලැබිය යුතු සාධාරණත්වය වෙනුවෙනි. මමද එසේ මා වෙනුවෙන් කළ සටනකින් අනතුරුව, පසුගිය වසරේ පැවති ශ්‍රී ලංකා විවාහක රූ රැජින තරඟාවලියේ දී මා දිනාගත් කිරුළ, ඉතාමත් අසාධාරණ සහ අපකීර්තිමත් ලෙස ලෝකයක් අභියස ගලවා ඉවත් කර, සිව් වරක් ම අපේ රට නියෝජනය කරමින් ජාත්‍යන්තරයට පවා ගිය මගේ කීර්ති නාමයට බරපතළ හානි සිදු කොට, මාධ්‍ය හරහා ඒ කිරුළ මට හිමි නොවන බවට ප්‍රකාශ නිකුත් කරමින්, විශාල අපහාසාත්මක සිදුවීම් සිදුකල පාර්ශවයන්ට එරෙහිව අධිකරණය මගින් ඊයේ (2022. නොවැම්බර් 10) දින අතුරු තහනම් නියෝගයක් නිකුත් කොට ඇත.

සෑම කාන්තාවක්ම තමන් වෙනුවෙන්, තමන්ගේ දරුවන් වෙනුවෙන් ඕනෑම තත්ත්වයක් යටතේ පවා ශක්තිමත් සහ ධෛර්යමත් විය යුතුය. එවැනි කාන්තාවකගේ ධෛර්යය කිසිවකුට බිඳ දමන්නට නොහැකි ය.

සෑම කාන්තාවක්ම තවත් කාන්තාවක් වැටෙන මොහොතක දී ඇයට නැගී සිටින්නට අත දිගු කල යුතුය. එසේ නො කර තවත් අම්මා කෙනෙක්, සොයුරියක්, මිතුරියක් වන ගැහැණියක් පාගා දමන්නට උත්සාහ කිරීම, ඕනෑම කෙනෙකු විසින් දැන දැනම සිදුකරන මහා පවකි.

සැබෑ රැජිනක් සිය ජීවිතයේ ජයග්‍රහණ සතුටින් බාර ගන්නා අතර, පරාජය ද සාමකාමීව බාරගනී. කිසිවකු විනාශ කරන්නට උත්සාහ නොකරයි. මම නිතරම, "...සැබෑ රැජිණක් යනු අනෙක් කාන්තාවගේ කිරුල ගලවන අයෙකු නො ව, රහසේ ඇයගේ කිරුල සකසන අයෙක්.." යැයි කියන්නේ ඒ නිසා ය. සියල්ලටම ඉහලින් ඇති සොබාදහම සහ දෙවියන් වහන්සේගේ ආශිර්වාදය සමග මම දිනෙන් දින තව තවත් ශක්තිමත් වෙමි.

පුෂ්පිකා ද සිල්වාIMG 20221112 WA0019

රටේ ආරක්ෂාව ගැන නොහිතුවොත් අනාගතයක් නෑ - ජනාධිපති

අපනයනය ඉලක්ක කරගත් තරගකාරී ආර්ථිකයක් ශ්‍රී ලංකාවේ අපේක්ෂාව වන බැවින් එහිදී ත්‍රිවිධ හමුදාවේ ආරක්ෂක කුසලතා සහ උපායමාර්ගික කුසලතා ප්‍රයෝජනයට ගත යුතු බවත් ඒ සඳහා ප්‍රතිපාදන ඉහළ නැංවීමේ වැදගත්කමත් ජනාධිපති රනිල් වික්‍රමසිංහ අවධාරණය කළේය .

ජනාධිපති රනිල් වික්‍රමසිංහ මේ බව සඳහන් කර සිටියේ ඊයේ (11) පස්වරුවේ කොළඹ බණ්ඩාරනායක ජාත්‍යන්තර සම්මන්ත්‍රණ ශාලාවේ පැවති ශ්‍රීමත් ජොන් කොතලාවල ආරක්ෂක විශ්වවිද්‍යාලයේ 2022 උපාධි ප්‍රදානෝත්සවය අමතමිනි.

සන්නද්ධ හමුදාව කෙරෙහි සහ 2030 ආරක්ෂාව සම්බන්ධයෙන් රජය මෙතරම් අවධානයක් යොමු කරන්නේ මන්දැයි ඇතැමුන් ප්‍රශ්න කළ හැකි නමුත් එසේ සිදු නොක‍ළහොත් රටට අනාගතයක් නොමැති බවත් ජනාධිපතිවරයා පැවසීය.

අද අප ජීවත්වන්නේ අප ඉපදුණු යුගයේ ලෝකයට වඩා වෙනස් ලෝකයක බව පැවසූ ජනාධිපති රනිල් වික්‍රමසිංහ , අප ඉපදෙන විට ඉන්දියන් සාගරය සම්බන්ධයෙන් ගැටලුවක් නොතිබූ අතර ඉන්දියන් සාගරය පිළිබඳ කිසිවෙකුගේ අවධානය යොමු වී නොතිබූ බව ද සිහිපත් කළේය.

නාවික ගමනාගමනය නිදහසේ සිදු කළ නොහැකි නම් අපනයන ආර්ථිකයේ ඉලක්කගත අරමුණු සපුරාගත නොහැකි බව පැවසූ ජනාධිපතිවරයා භාණ්ඩ ප්‍රවාහනයේදී බාධා පැමිණියහොත් සිදුවන්නේ කුමක්දැයි ද විමසා සිටියේය.

2021 වසරේදී ජනතාවට මෙරටින් පිටවීමට නොහැකි වූ සහ ගොඩබිමෙන් හෝ මුහුදෙන් භාණ්ඩ ප්‍රවාහනය කිරීමට නොහැකී වූ අවස්ථාවේ අත්දැකීම් ද සිහිපත් කළ ජනාධිපති රනිල් වික්‍රමසිංහ , අප සිටින පරිසරය අපේ පාලනයෙන් ගිලිහුණු අවස්ථාවකදී වුවද භාණ්ඩ ප්‍රවාහනය කිරීමට ඇති හැකියාව මත රටේ අනාගතය රඳා පවතින බව පෙන්වා දුන්නේය.

අන්‍ය පාර්ශවයන්හි ක්‍රියාවන් ශ්‍රී ලංකාවට බලපා හැකි නමුත් එහිදී දේශපාලන සහ රාජ්‍යතාන්ක්‍රික නිපුණතාවන් මෙන්ම හමුදා කුසලතාවන් භාවිතා කර අපේ සංක්‍රමණික අයිතියට සහ ගොඩබිමෙන් හා මුහුදෙන් ගමන් කිරීමට ඇති අයිතියට කුමන හෝ අන්දමින් බාධා ඇති නොවීමට වගබලාගත යුතු බවත් ජනාධිපති රනිල් වික්‍රමසිංහ අවධාරණය කළේය.

සාමාන්‍ය විශ්වවිද්‍යාලයකට ඇතුළත්වීමට වඩා ශ්‍රීමත් ‍ජොන් කොතලාවල විශ්වවිද්‍යාලයට ඇතුළත්වීමට බොහෝ දෙනා කැමැත්තක් දක්වන බව පැවසූ ජනාධිපතිවරයා ඒ පිළිබඳ සිය ප්‍රසාදය පළ කළ අතර සමාජීය විෂයන් සඳහා වන ශ්‍රීමත් ජෝන් කොතලාවල ආරක්ෂක විශ්වවිද්‍යාලයේ තවත් මණ්ඩපයක් කුරුණෑගල ආරම්භ කිරීමට තමා මුදල් අමාත්‍යාංශයට සහ ආරක්ෂක ලේකම්වරයා වෙත උපදෙස් දුන් බවද පැවසීය.

අධ්‍යාපන අමාත්‍ය සුසිල් ප්‍රේමජයන්ත, ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන්, ආරක්ෂක අමාත්‍යාංශයේ ලේකම් (විශ්‍රාමික) ජෙනරල් කමල් ගුණරත්න, ආරක්ෂක මාණ්ඩලික ප්‍රධානී ජෙනරල් ශවේන්ද්‍ර සිල්වා ඇතුළු ත්‍රිවිධ හමුදාපතිවරුන්ද, පොලිස්පති සහ කොතලාවල ආරක්ෂක විශ්වවිද්‍යාලයේ කුලපති ජෙනරල් ජෙරාඩ් ද සිල්වා, උපකුලපති මේජර් ජෙනරල් මිලින්ද පීරිස් මෙන්ම කොතලාවල ආරක්ෂක විශ්වවිද්‍යාලයේ අධ්‍යයන සහ අනධ්‍යන කාර්ය මණ්ඩල මෙම අවස්ථාවට එක්ව සිටියහ.

IMG 20221112 WA0012

මැති ඇමති 92 ක ගෙන් : නිල නිවාසවලට කෝටියේ පොල්ලක් !

මැති ඇමැතිවරුන් අනූ දෙදෙනෙකු සිය නිල නිවාස වෙනුවෙන් රුපියල් කෝටියකට ආසන්න මුදලක් ගෙවීම පැහැර හැර ඇතැයි ජාතික විගණන කාර්යාලය නිකුත් කළ වාර්තාවක සඳහන් වේ.

ඉන් රුපියල් ලක්ෂ පනස් දෙකකට වැඩි මුදලක් 2012 වර්ෂයේ සිට 2020 වර්ෂය දක්වා මැති ඇමැතිවරුන් හැත්තෑ දෙදෙනකුගේ අය නොවී පවතින ශේෂය බවද එම වාර්තාවේ දැක්වේ.

මේ අතර සමුළු නිවාස සහ කැප්පිටිපොල නිවාස ලබාගත් 97 දෙනකුගෙන් රුපියල් පනස් ලක්ෂයකට ආසන්න මුදලක් පසුගිය වසරේ දෙසැම්බර් මස 31 වෙනි දිනට අය විය යුතුව තිබූ බව විගණන අංශ පවසයි.

ඉන් ජයවඩනගම නිවාසවල පදිංචිව සිටි විසිහතර දෙනකුගෙන් 2021 වර්ෂයේ දී අය විය යුතුව තිබූ මුදල රුපියල් කෝටියකට ආසන්නය. එසේම 2012 වර්ෂයට පෙර සිට 2020 වර්ෂය දක්වා විසි එක් දෙනෙකුගේ ණය නොවී පවතින ශේෂය රුපියල් අසූ අට ලක්ෂයක් බව විගණන කාර්යාලය පවසයි.

මේ තොරතුරු සඳහන් වන්නේ රාජ්‍ය පරිපාලන අමාත්‍යාංශයේ 2021 කාර්ය සාධන වාර්තාවට ඇතුළත් කරනු ලැබ ඇති විගනණ වාර්තාවේය.

- lankadeepa

එන වසරේ සිට එක වසරේ සිට කඩ්ඩ පොලිෂ් වෙයි !

දරුවන් තුළ පළමු වසරේ සිට ඉංග්‍රීසි කථන හැකියාව ශක්තිමත් කිරීමට ලබන වසරේ සිට පියවර ගන්නා බව අධ්‍යාපන අමාත්‍ය සුසිල් ප්‍රේම ජයන්ත ප්‍රේමජයන්ත පැවසීය.

ඒ අනුව සියලු පළාත් නියෝජනය වන පරිදි රජයේ පාසල්වල පළමු සහ දෙවැනි ශ්‍රේණි නියෝජනය කරන ගුරුවර ගුරුවරියන් ආසන්න වශයෙන් 13,500 ක් එළඹෙන නොවැම්බර් 18 සහ 19 දෙදින තුළ පුහුණු කරුවන් ලෙස ජාතික අධ්‍යාපන ආයතනය විසින් පුහුණු කිරීමට සියලු කටයුතු සූදානම් කර ඇති බවද අමාත්‍යවරයා සඳහන් කළේය.

මේ අතර පසුගියදා තරුණ ප්‍රජාව සමග පැවති සූම් සාකච්ඡාවකදී ජනාධිපති රනිල් වික්‍රමසිංහ ද පෙන්වා දුන්නේ ඉංග්‍රීසි ප්‍රධාන භාෂාව ලෙස යොදා ගැනීමට හැකි වුවහොත් බොහෝ ප්‍රශ්න මෙන්ම ජාත්‍යන්තරය සමග කටයුතු කරමින් ඉදිරියට යාමට එය ශක්තියක් වන බවය.

ජාති ආගම් දේශපාලන පක්ෂවල ලයිෂන් කැන්සල් ?

ජාති ආගම් කුල භේද දේශපාලන පක්ෂ වලින් ඉවත් කිරීම සඳහා ඒවායේ නායකයන් සමඟ සම්මුතියක් ඇති කර ගැනීමට සාකච්ඡා පවත්වන බව මැතිවරණ කොමිෂන් සභාවේ සභාපති නීතිඥ නිමල් ජී පුංචිහේවා පවසයි .

පක්ෂවලට රිංගවා ඇති ජාති ආගම් කුලභේද බොහෝ ගැටළු වලට හේතුවක් බවද ඔහු සඳහන් කර ඇත .

මේ සම්බන්ධයෙන් අදහස් දක්වමින් දේශපාලන විචාරකයන් පවසන්නේ මැතිවරණ කොමිසමේ මේ උත්සාහය කාලෝචිත මෙන්ම ඓතිහාසික වටිනාකමක් ඇති කටයුත්තක් බවය.

ජාතිවාදය සහ ආගමික කල්ලි වාදය මෙරට දේශපාලන ආර්ථික සහ සමාජීය ව්‍යසනයේ තීරණාත්මක සාධකය වූ බවත් එකී ප්‍රවේශයන්ට දේශපාලන බලය ලැබීම අහිමි කිරීම ප්‍රජාතන්ත්‍රවාදයේ සහ ශිෂ්ට සමාජයේ ජයග්‍රහණයක් වනු ඇති බවත් ඔවුන් පවසයි .

ඩීසල් භූමිතෙල් මිල ඉහළට : නොවැම්බරයේ නැවත මිල ඉහළ දැමීමක් නෑ !

ඩීසල් ලීටරයක් රුපියල් 15.00 කින් සහ භූමිතෙල් ලීටරයක් රුපියල් 25.00 කින් අද (11) මධ්‍යම රාත්‍රීයේ සිට ඉහළ දැමූ බව ලංකා ඛනිජ තෙල් සංස්ථාව සඳහන් කරයි.

නව මිල අද මධ්‍යම රාත්‍රීයේ සිට ක්‍රියාත්මක වන බවත් ඒ අනුව ඩීසල් ලීටරයක නව මිල රුපියල් 430.00 ක් ද, භූමිතෙල් ලීටරයක නව මිල රුපියල් 365. 00ක් ද, වන බවද ලංකා ඛනිජ තෙල් සංස්ථාව සඳහන් කරයි.

සුපිරි ඩීසල් ලීටරයක් සහ ඔක්ටේන් 95 පෙට්‍රල් ලීටරයක් රුපියල් 510 ක ද, ඔක්ටේන් 92 පෙට්‍රල් ලීටරයක් රුපියල් 370 ක ද, කාර්මික භූමිතෙල් ලීටරයක් රුපියල් 464 ක ද, ලෙස තව දුරටත් පැරණි මිල යටතේ පවතින බව ද ඛනිජ තෙල් සංස්ථාව පවසන අතර නොවැම්බර් මස තුළ නැවත ඉන්ධන මිල සංශෝධනය කිරීමට අපේක්‍ෂා නොකරන බව ද පවසයි .

පළාත් රැසකට ගිගුරුම් සහිත වැසි

බස්නාහිර, සබරගමුව, මධ්‍යම, වයඹ, ඌව සහ නැගෙනහිර පළාත්වලත්, ගාල්ල සහ මාතර දිස්ත්‍රික්කවලත් අද (නොවැ. 12) සවස් කාලයේදී හෝ රාත්‍රී කාලයේදී වැසි හෝ ගිගුරුම් සහිත වැසි ඇති වන බව කාලගුණ විද්‍යා දෙපාර්තමේන්තුව පවසයි.

බස්නාහිර සහ වයඹ පළාත්වලත්, ගාල්ල සහ මාතර දිස්ත්‍රික්කවලත් උදය කාලයේදී ද වැසි ඇති විය හැක.

ඌව පළාතේ සහ අම්පාර දිස්ත්‍රික්කයේ ඇතැම් ස්ථානවලට මි.මී 75ක පමණ තරමක තද වැසි ඇති විය හැක.

නව තානාපතිවරු හත් දෙනෙක් සහ මහකොමසාරිස්වරයෙක් ජනපතිට අක්ත පත්‍ර භාර දෙති !

ශ්‍රී ලංකාව වෙනුවෙන් පත්ව පැමිණි නව තානාපතිවරු හත් දෙනෙක් සහ මහකොමසාරිස්වරයෙක් අද (11) පෙරවරුවේ ජනාධිපති කාර්යාලයේ දී ජනාධිපති රනිල් වික්‍රමසිංහ වෙත සිය අක්ත පත්‍ර භාර දුන්හ.

මෙක්සිකෝ, භූතානය, පැරගුවා, ලක්ෂම්බර්ග්, රුසියාව, ඕමානය සහ ප්‍රංශය සඳහා නව තානාපතිවරුන් ද ඝානා රාජ්‍ය සඳහා මහකොමසාරිස්වරයෙක් ද මෙලෙස පත්ව සිටිති.

ඒ අනුව ශ්‍රී ලංකාවේ මෙක්සිකෝ නව තානාපති ලෙස ෆෙඩෙරිකෝ සලාස් ලොට්ෆේ (Federico Salas Lotfe) , ශ්‍රී ලංකාවේ භූතාන නව තානාපතිවරයා ලෙස රින්චෙන් ක්වෙන්සිල් (Rinchen Kuentsyl) , ශ්‍රී ලංකාවේ පැරගුවා නව තානාපතිවරයා ලෙස ෆ්ලෙමින් රවුල් ඩෝටේ (Fleming Raul Duatre), ඝානා රාජ්‍යයේ නව මහකොමසාරිස් ලෙස ක්වාකු අසෝමා චෙරමේ (Kwaku Asomah Cheremeh) , ලක්ෂම්බර්ග් රාජ්‍යයේ නව තානාපතිනිය ලෙස පෙගි ෆැන්සන් (Peggy Frantzen) , රුසියා නව තානාපති ලෙස ලෙවාන් Zගාරියන් (Levan Dzhagaryan), නව ඕමාන තානාපතිවරයා ලෙස අහමඩ් අලී සයිඩ් අල් රෂ්ඩි (Ahmed Ali Saeed Al Rashdi) හා ප්‍රංශ නව තානාපතිවරයා ලෙස ජෝන් ෆ්‍රැන්කෝ පැක්ටේ Jean-Francois Pactet මහතාත් කටයතු කරනු ඇත.

View the embedded image gallery online at:
http://www.newstube.lk/news?start=108#sigProId3d2b733c5c

කැබිනට් එකෙන් පත්කළ කමිටුවට සරත් රිංගුවේ කොහොමද ?

කැබිනට් එකෙන් පත් කරපු කමිටුවට, සරත් වීරසේකර රිංගුවේ කොහොමද? ගැසට් එකට පිටින් ගිහින් , බිත්තරයක් 05කින් වැඩි කරන්න, තීන්දු කළේ කාගෙන් අහලද? වීරසේකර මෙහෙම වැඩ කරන්නේ, කාගේ හයිය අතට අරන්ද?

ඔන්න සරත් වීරසේකරට ආයෙත් දේශපාලන බාල්දියක්..

කැබිනට් අනුමැතිය මත පත් කරපු , ආහාර ප්‍රතිපත්ති කමිටුවේ,, සාකච්ජාවලට , සරත් වීරසේකර මන්ත්‍රී තුමත් සහභාගී වෙලා ලු.. සහභාගී වෙලා විතරක් නෙමෙයි , පාලන මිලත් ඉක්මවා යන ආකාරයට, බිත්තරයක මිල රුපියල් 5කින් වැඩි කරන්න කියලත් උපදෙසුත් දීල ලු..

ඔය කියන ආහාර ප්‍රතිපත්ති කමිටුව පත්කරලා තියෙන්නේ , කැබිනට් එකෙන්.... ආහාර සුරක්ෂිතතාව සම්බන්ධ අමාත්‍යාංශ ලේකම්වරුන් තමයි, ඔය කමිටුව නියෝජනය ‍කරනවයි කියන්නේ. ඒ කමිටුවේ ප්‍රධානීයා, ජනාධිපති ලේකම් සමන් ඒකනායක..

ඒ විදියට ලේකම්වරුන්ගෙන් සැදුම්ලත් කමිටුවකට ගිහින් , සරත් විරසේකර ,මේවගේ සංවේදී තීරණයක් ගත්තේ කොහොමද ? වෙළඳ ඇමැතිටත් ප්‍රශ්නයක් ලු..

රටේ දරුවන් මන්දපෝෂණයෙන් පෙළෙද්දී, දරුවන්ගේ පැත්ත නොගෙන,, සරත් වීරසේකර , බිත්තර නිෂ්පාදකයින්ගේ පැත්ත ගත්තු එක ගැන, සමහර අමාත්‍යංශ ලේකම්වරුන් පවා, අප්‍රසාදය පළකරලා කියල තමයි වාර්තා වෙන්නේ..

ජනාධිපතිවරයා ප්‍රමුඛ රජය කෙරෙහි ජනතාව විශාල බලාපොරොත්තුවක් තබා තිබෙනවා - සාගල

ආර්ථික අර්බුදය ඇතුළු රටේ මතුව ඇති ගැටලුවලට විසඳුම් සෙවීමේ දී ජනාධිපතිවරයා ප්‍රමුඛ රජය කෙරෙහි ජනතාව විශාල බලාපොරොත්තුවක් තබා ඇති බව ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක සහ ජනාධිපති කාර්ය මණ්ඩල ප්‍රධානී සාගල රත්නායක පැවසීය.

ඔහු මේ බව සඳහන් කළේ කොළඹ ග්‍රෑන්ඩ්පාස්හි ශාන්ත ජෝෂප් විද්‍යාලයේ පසුගියදා පැවති විශේෂ පෝෂණ වැඩසටහනකට එක් වෙමිනි.

රටේ ඇතිවූ ආර්ථික අර්බුදයත් සමග පීඩිත පංතිය වැඩිවීමට පටන්ගත් නිසා දරුවන්‍ගේ පෝෂණ තත්ත්වය ආරක්ෂා කිරීමට රජය මෙවන් වැඩසටහන් පිළිබඳ විශේෂ අවධානය යොමු කර තිබෙන බවද ඔහු පැවසීය.

ජනාධිපතිතුමාගේ මගපෙන්වීමෙන් පසුගියදා ආරම්භ කළ ආහාර සුරක්ෂිතා සහ පෝෂණය සහතික කිරීමේ වැඩසටහන මෙහිදී මහගු ශක්තියක් බව පෙන්වා දුන් ඒ මහතා පෞද්ගලික මට්ටමින් මෙවන් පෝෂණ වැඩසටහන් සංවිධානය කිරීම ද ඇගයීමට ලක් කළේය.

ජනාධිපතිතුමාගේ වැඩපිළිවෙළ අනුව මේ රට ඉදිරියේ දී දියුණු රටක් බවට පත්කළ හැකි බවත්, ඒ සඳහා යම් කාල සීමාවක් අවශ්‍ය බවත් සාගල රත්නායක  පැවසීය.

නිසි දැක්මක් ඔස්සේ රට සංවර්ධනය කරා ගෙන යාමට නම් වෙනස් නොවන ප්‍රතිපත්ති රාමුවක් සකස් කරගත යුතු බවත් අවශ්‍යතාවය අනුව එය නීතිගත කර ඉදිරියට ගෙනයාමට ජනාධිපතිවරයා කටයුතු කරන බවත් ඒ වැඩිදුරටත් පැවසීය.

කොළඹ නියෝජ්‍ය නගරාධිපති මොහොමඩ් ඉක්බාල්, නාගරික මන්ත්‍රීවරුන් වන එම්. සරෆ්ඩීන්, කලීල් රහුමාන්, ඒ.ආර්.එම්. සෆාන් යන මහත්වරු සහ ශාන්ත ජෝෂප් විද්‍යාලයේ විදුහල්පති ප්‍රසාද් සමරතුංග ඇතුළු පිරිසක් මෙම අවස්ථාවට එක්ව සිටියහ.

c153270f f8c0 4e10 943c 75a33e3282fa

ccdca7d7 56a3 4f1d a34e 12a08f7f0a24

විශ්‍රාම වැටුපේ ප්‍රමාදය අවසන් !

විශ්‍රාම පාරිතෝෂිකය ගෙවීමේදී පසුගිය කාලයේ සිදුවූ ප්‍රමාදය නිවැරදි කිරීමට වැඩපිළිවෙළක් ආරම්භ කර ඇති බව අග්‍රාමාත්‍ය දිනේෂ් ගුණවර්ධන පවසයි.

පාර්ලිමේන්තුවේ පැවති රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍යාංශයීය උපදේශක කාරක සභා රැස්වීමේදී අග්‍රාමාත්‍යවරයා මෙම අදහස් පළකර තිබේ.

මේ සම්බන්ධයෙන් අමාත්‍ය මණ්ඩල පත්‍රිකාවක්ද ඉදිරිපත් කර ඇති අතර ඒ අනුව භාණ්ඩාගාර අනුමැතිය ලබාගැනීමෙන් පසුව කොටස් දෙකක් වශයෙන් මෙම ගෙවීම් සිදුකිරීම සඳහා කටයුතු සලසන බව අග්‍රාමාත්‍යවරයා වැඩිදුරටත් ප්‍රකාශ කර ඇත.

ආර්ථික අර්බුදය මත භාණ්ඩාගාරය මගින් මුදල් නිදහස් කිරීමේ ප්‍රමාදය හේතුවෙන් විශ්‍රාමික පාරිතෝෂිකය අපේක්ෂාවෙන් විශාල පිරිසක් පොරොත්තු ලේඛනයේ සිටින බව විශ්‍රාම වැටුප් අධ්‍යක්ෂ ජනරාල්වරයා එහිදී ප්‍රකාශ කළ බව පාර්ලිමේන්තු සන්නිවේදන දෙපාර්තමේන්තුව පැවසුවේය.

මේ වනවිට 2022 ජනවාරි දක්වා සියලු ගෙවීම් සිදු කර ඇති අතර ජනවාරි සිට ඉතිරි කාලය දක්වා ගෙවීම් සඳහා අවශ්‍ය මුදල් නිදහස් කිරීමට භාණ්ඩාගාරය මේ වනවිට එකඟතාව පළ කර ඇති බවත් විශ්‍රාම වැටුප් අධ්‍යක්ෂ ජනරාල්වරයා එහිදී සඳහන් කර තිබේ.

රාජිත ආණ්ඩුවට එනවා !

සමගි ජන බලවේගය පාර්ලිමේන්තු මන්ත්‍රී රාජිත සේනාරත්න ඇතුළු විපක්ෂ මන්ත්‍රීවරුන් ගණනාවක් ආණ්ඩුවට එක්වීමට සූදානමින් සිටින බව ජනාධිපති වෘත්තීය සමිති අධ්‍යක්ෂ ජෙනරාල් හිටපු පාර්ලිමේන්තු මන්ත්‍රී සමන් රත්නප්‍රිය සඳහන් කරයි.

ඔහු මේ බව කියා සිටියේ සිරිකොත දී පැවති මාධ්‍ය හමුවක් අමතමිනි.
 
අදාළ මන්ත්‍රී කණ්ඩායම  අයවැය ආසන්නයේ හෝ ඉන්පසුව ආණ්ඩුවට එක් වනු ඇතැයි ද පැවසු සමන් රත්නප්‍රිය එම මන්ත්‍රීවරුන් සඳහා ලබාදෙන අමාත්‍යධුර සම්බන්ධයෙන් ජනාධිපතිවරයා තීරණය කරනු ඇති බවද පැවසීය.

පවතින තත්ත්වය මත මෙම මන්ත්‍රී කණ්ඩායමට විවිධ වගකීම් භාර ගැනීමට සිදු ඇති බවද පැවසූ ඔහු  ආර්ථිකය, සෞඛ්‍ය, අධ්‍යාපන, කෘෂිකර්ම ඇතුළු ක්‍ෂෙත‍්‍ර කළමනාකරණය කළ යුතුව ඇති බව ද සඳහන් කළේය.

රාජිත සේනාරත්න මන්ත්‍රීවරයා  ජනාධිපතිවරයා සම්බන්ධයෙන් දක්වන්නේ සාධනීය හැඟීමක් බව ද පැවසූ ඔහු ජනාධිපතිවරයා ගැන පැහැදී ආණ්ඩුවට විශාල පිරිසක් එක් වීමට කැමැත්තෙන් සිටියද ඒ තරම් ප්‍රමාණයකට වගකීම් දීගත නොහැකි තත්ත්වයක් ඇති වී තිබෙන බවද කියා සිටියේය.

හිමි ඥානසාර නඩුවකින් නිදහස් !

රාජගිරිය නාවල පාරේ මාර්ග බාධකයක මත්ද්‍රව්‍ය වැටලීම් රාජකාරියේ යෙදී සිටි පොලිස් නිලධාරියකුගේ රාජකාරියට බාධා කරමින් සාපරාධී බියගැන්වීමක් සිදුකළැයි කියන සිද්ධියකට අදාළව බොදුබල සේනා සංවිධානයේ මහ ලේකම් ගලගොඩ අත්තේ ඥාණසාර හිමිට එරෙහි නඩුවෙන් උන්වහන්සේ නිදහස් කිරීමට කොළඹ අතිරේක මහේස්ත්‍රාත් හර්ෂණ කැකුණාවල අද (11) නියෝග කළේය.

ඒ මෙම සිද්ධියට අදාළ නඩුවේ පැමිණීලිකරු නඩු විභාගයට දිගින් දිගටම පෙනී නොසිටිම හේතුවෙන්ය.

මෙම සිද්ධියට අදාළව සංවිධානාත්මක අපරාධ නිවාරණ කොට්ඨාසය පූජ්‍ය ගලගොඩඅත්තේ ඥාණසාර හිමියන්ට එරෙහිව නිතිපතිවරයාගේ උපදෙස් ප්‍රකාරව සංශෝධිත චෝදනා පත්‍රයක් ඉදිරිපත් කරනු ලැබූවේ ඉකුත් ඔක්තෝම්බර් මස 14 වැනිදාය. එහිදී එම චෝදනාවට තමන් නිවැරදිකරු බව ඥාණසාර හිමි පවසා තිබිණ.

ජනපති මැදුරේ තිබු මුදල් ගැන ගෝඨාගෙන් ප්‍රකාශයක් ගන්න නියෝගයක් !

අරගලය පැවැති දිනයේදී ජනාධිපති මන්දිරයේ තිබී හමු වූ රුපියල් එක්කෝටි හැත්තෑ අට ලක්ෂයක මුදල සම්බන්ධයෙන් හිටපු ජනාධිපති ගෝඨාභය රාජපක්ෂගෙන් ප්‍රකාශයක් ලබා ගන්නා ලෙස අධිකරණ නියෝගයක් නිකුත්කර ඇත.

කොළඹ කොටුව මහේස්ත්‍රාත් තිළිණ ගමගේ අද (11) කොටුව පොලීසිය වෙත මෙම නියෝගය සිදුකර ඇත.

මහේස්ත්‍රාත්වරයා මෙම නියෝගය සිදුකර සිටියේ අදාළ මුදල හිටපු ජනාධිපති ගෝඨාභය රාජපක්ෂගේ නිල කාමරයේ තිබී හමු වූ අතර, එය අල්ලසක් ලෙස හෝ වෙනත් කාරණයක් සදහා ලැබී තිබුණේද යන්න සම්බන්ධයෙන් විමර්ශනය සිදු කිරීම සදහා හිටපු ජනාධිපතිවරයාගෙන් ප්‍රකාශයක් සටහන් කර ගන්නා ලෙසට කොටුව පොලීසියට නියෝගක් නිකුත් කරන්නැයි ජනාධිපති නීතිඥ රියෙන්සි අර්සකුලරත්න අධිකරණයෙන් කළ ඉල්ලීම සලකා බැලීමෙන් අනතුරුවය.

එතනෝල් ආනයන බද්ද යළි ඉහළට

එතනෝල් ආනයන බද්ද යළි සාමාන්‍ය මට්ටම දක්වා ඉහළ දැමීමට තීරණය කළ බව මුදල් රාජ්‍ය අමාත්‍ය, ආචාර්ය රංජිත් සියඹලාපිටිය පවසයි.

කොවිඩ්-19 වසංගත සමයේදී විෂබීජ නාශක දියර නිෂ්පාදනය සඳහා යොදා ගැනීම හේතුවෙන් එතනෝල් ආනයන බද්ද පහත දමා තිබිණි.

බද්ද යළි ඉහළ දැමීමත් සමග රජයේ රුපියල් බිලියන 1.6ක බදු ආදායමක් අපේක්ෂා කරයි.

කොවිඩ්-19 වසංගත තත්ත්වය හේතුවෙන් විශබීජ නාශක දියර විශාල වශයෙන් නිෂ්පාදනය කෙරුණු අතර ඊට යොදා ගැනුණු එතනෝල් බද්ද 2020 අප්‍රේල් 30 සහ ජූනි 9 යන දිනවලදී අවස්ථා දෙකකදී පහත දමා තිබිණි.

මේ අතර, රා ලීටරයක් සඳහා අය කෙරුණු රුපියල් 25ක සුරා බද්ද රුපියල් 50 දක්වා යළි ඉහළ දැමීමට තීරණය කර තිබේ.

ඉකුත් ජනවාරි මාසයේදී එය රුපියල් 25ක් දක්වා පහත දැමුව ද එම වාසිය පාරිභෝගිකයාට නොලැබීම හේතුවෙන් යළි බද්ද පෙර පැවති මට්ටමට ඉහළ දැමීමට පියවර ගෙන ඇත.

රාජ්‍ය ඇමතිනි ඩයනා ගමගේට විදෙස් ගමන් තහනමක්

රාජ්‍ය අමාත්‍ය ඩයනා ගමගේ මියට ලබන 17 වැනිදා දක්වා විදෙස් ගමන් තහනම් කරමින් කොළඹ ප්‍රධාන මහේස්ත්‍රාත් අධිකරණය අද (11) තහනම් නියෝගයක් නිකුත් කළේ ය.

ප්‍රධාන මහේස්ත්‍රාත් නන්දන අමරසිංහ  මෙම වාරණ නියෝගය නිකුත් කළේ , ගුණරත්න වන්නිනායක  ප්‍රමුඛ නීතිඥ මණ්ඩලයක් දිවුරුම් ප්‍රකාශයක් ඉදිරිපත් කර මෝසමක් මගින් නඩුව කැඳවා කළ ඉල්ලීමක් සලකා බැලීමෙන් අනතුරුවයි.

මේ වන විට ඩයනා ගමගේ ගේ විදෙස් ගමන් බලපත්‍රව සම්බන්ධයෙන් විමර්ශනයක් පවතින බැවින් ඇය විදෙස් ගතවීමේ තර්ජනයක් පවතින බව එහිදී නීතිඥ ගුණරත්න වන්නිනායක  අධිකරණයට පෙන්වා දුන්නේ ය.

තිළිණිගේ කතාවේ හොඳම ටික ඉස්සරහට !

තිලිණිලගේ කතාවේ ඉවරයක් නෑ . දවසින් දවස කොටස් විදියට තමයි, එලියට දාන්නේ.. ඔය හඬපට ලීක් වෙන්නෙත් සිස්ටම් එකකට.. .

පෙරේදා ජීවන් ටයි, එයාගේ නෝනා ෂෙරින් ටයි, සංගීත ටයි, නිව් මිඩියා වල, ලොකු ඉඩක් වෙන්කරලා තිබුනා. සමහර වෙබ් වල තිබුනේ , ''ප්‍රියමාලිගෙන් නළු නිලි වැල ඕපන් '' කියලා.

ඒ කිව්වත් වගේ , ඔන්න CID එක , ජනප්‍රිය රංගන ශිල්පි පුබුදු චතුරංග සහ, එයාගේ නෝනා මහත්තයා, රංගන ශිල්පිනි , මාෂි සිරිවර්ධන ගෙනුයි , ප්‍රශ්න කරන්න ලු යන්නේ..

බිලියන ගණනක මුදල් වංචා චෝදනා මත, දැනට රක්ෂිත බන්ධනාගාර ගත කරලා ඉන්න, තිළිණි ප්‍රියමාලි සම්බන්ධයෙන් සිදුකරන විමර්ශනවලට අදාලව ලු, ඒ දෙන්නගෙන් ප්‍රශ්න කරන්න හදන්නේ..

ආරංචිමාර්ග කියන විදියට, කොළඹ ශැංග්‍රිලා හෝටලයේ තිබිච්ච, ' මායා' චිත්‍රපටයේ මුහුරත් උළෙලට, තිලිණි මුදල් දීපු එක ගැන ලු , ඔය ප්‍රශ්න කරන්න යනවයි කියන්නේ..

මේ වෙනකොට, තිළිණි ප්‍රියමාලිගේ සිද්ධිය සම්බන්ධයෙන් , සේමිණි ඉද්දමල්ගොඩ, ජීවන් කුමාරතුංග, ශෙරින් කුමාරතුංග, පූර්ණිකා පීරිස් සහ පේශල මනෝජ් ඇතුළු සැහෙන කට්ටියකගෙන්, CID එක ප්‍රකාශ සටහන් කරගෙන...

ඒ අතරේ, තවත් එක් ප්‍රවීණ රංගන ශිල්පිනියක්, CID එක මඟ හරිමින් ඉන්නවා කියලත් ,ආරංචියි.. බලන් ඉමු එයා ගැනත් හෙට අනිද්දා වෙනකොට ලීක් වෙයි..

දේශපාලන වාර්තාකරු

Page 7 of 215