පුවත්

ඊයේ (30) මධ්‍යම රාත්‍රියේ සිට වහා ක්‍රියාත්මක වන පරිදි සියලු ඉන්ධන මිල ගණන් ඉහළ දැමීමට ලංකා ඛනිජ තෙල් සංස්ථාව පියවර ගෙන ඇත. ඒ අනුව ලංකා සුදු ඩීසල් ලීටරයක මිල රුපියල් 15කින් ඉහළ දමා ඇත; එහි නව මිල රුපියල් 407කි. 

සුපිරි ඩීසල් ලීටරයක මිල රුපියල් 20කින් ඉහළ දැමීමට පියවර ගෙන ඇත. ඒ අනුව එහි නව මිල රුපියල් 478කි. ඔක්ටේන් 95 වර්ගයේ පෙට්‍රල් ලීටරයක මිල රුපියල් 25කින් ඉහළ දමා ඇත; එහි නව මිල රුපියල් ‍495කි. ඔක්ටේන් 92 වර්ගයේ පෙට්‍රල් ලීටරයේ මිල රුපියල් 24කින් ඉහළ දමා ඇත; එහි නව මිල රුපියල් 434කි. ලංකා භූමිතෙල් මිල රුපියල් 20කින් ඉහළ දැමීමට පියවර ගෙන ඇත. ඒ අනුව එහි නව මිල රුපියල් 285කි. මතු පළ වන්නේ නව මිළ ද ඇතුළත්ව ලංකා ඛනිජ තෙල් සංස්ථාව නිකුත් කළ නිවේදනය යි.