පුවත්

රජය විසින් පාර්ලිමේන්තුවට ඉදිරිපත් කරන ලද ආණ්ඩුක්‍රම ව්‍යවස්ථාවේ 22 වන සංශෝධන පනත් කෙටුම්පත අභියෝගයට ලක් කරමින් ගොනු කර ඇති පෙත්සම් පිළිබඳ කරුණු සලකා බැලීම අද (01) ශ්‍රේෂ්ඨාධිකරණය හමුවේ ආරම්භ කළේ ය.

පාකිස්තානයේ සිට මොරොක්කෝව වෙත ප්‍රති-නැව්ගතකිරීමේ (Transshipment) මුවාවෙන් කොළඹ වරායට රැගෙන ආ බහලුමක සඟවා තිබූ රුපියල් කෝටි 800කට අධික වටිනාකමකින් යුත් අයිස් මත්ද්‍රව්‍ය කිලෝ 475ක පමණ විශාල තොගයක් සොයා ගැනීමට ඊයේ (31) මධ්‍යම අපරාධ විමර්ශන කාර්යාංශය සමත්ව ඇත.

ශ්‍රී ලංකාවේ අලංකාරයේ සංකේතය බඳු වූ නෙළුම් කුලුන රඟහලේ දී “Miss Earth Sri Lanka 2026” තරගයේ තානාපති පත්වීම් ප්‍රකාශයට පත් කිරීමේ විශේෂ මාධ්‍ය හමුව පසුගියදා (30 වනදා) උත්කර්ෂවත් අන්දමින් පැවැත්විණි.

ශ්‍රී ලංකාවේ ඉදිකිරීම් ක්ෂේත්‍රයේ කැපී පෙනෙන වර්ධනයක් පෙන්නුම් කරමින්, 2026 ජූලි මාසය සඳහා වන ඉදිකිරීම් අංශයේ ගැනුම් කළමනාකරුවන්ගේ දර්ශකය (PMI) හෙවත් සමස්ත ක්‍රියාකාරකම් දර්ශකය දර්ශකාංක 61.4ක අගයක් දක්වා ඉහළ ගොස් ඇති බව ශ්‍රී ලංකා මහ බැංකුව ප්‍රකාශ කරයි.

ජාතික ආර්ථිකයේ දියුණුවට උතුරු පළාතෙන් දැනට ලැබෙන දළ දේශීය නිෂ්පාදිතයේ (GDP) 4.6% ක දායකත්වය 10% දක්වා ඉහළ නැංවීමේ හැකියාව පවතින්නේ යැයි උතුරු පළාත් ආණ්ඩුකාර නාගලිංගම් වේදනායහම් පැවසී ය.

2026 ජාතික ඛනිජ ප්‍රතිපත්තියට අනුව මෙරට ඛනිජ කර්මාන්ත ක්ෂේත්‍රය සංවර්ධනය කිරීම පිළිබඳ සාකච්ඡාවකට ශ්‍රී ලංකා ඛනිජ වැලි සංගමය (SLMSA) සහ භූ විද්‍යා සමීක්ෂණ හා පතල් කාර්යාංශයේ නිලධාරීන් සමග ජනාධිපති අනුර කුමාර දිසානායක අද (31) ජනාධිපති කාර්යාලයේ දී සාකච්ඡාවක් පැවැත්වී ය.

සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස ගේ උපදෙස් පරිදි, වෛද්‍ය නිලධාරීන් සඳහා අතරමැදි ශ්‍රේණියක් (Intermediate Cadre) පිහිටුවීමේ යෝජනාව අධ්‍යයනය කිරීම සහ ඒ වෙනුවෙන් නිර්දේශ ඉදිරිපත් කිරීම සඳහා විශේෂඥ කමිටුවක් නිල වශයෙන් පත් කිරීමට සෞඛ්‍ය හා ජනමාධ්‍ය අමාත්‍යාංශයේ ලේකම් විශේෂඥ වෛද්‍ය අනිල් ජාසිංහ පියවර ගෙන ඇත.

පේරාදෙණිය විශ්වවිද්‍යාලයේ ප්‍රධාන ආරක්ෂක නිලධාරීයා නැවත සේවයේ පිහිටුවීම හා ඔහුට රුපියල් ලක්ෂ 56ක මුදලක් ගෙවීම නීති විරෝධී බව කෝප් කමිටුවේදී හෙළි වෙයි; එන්.කේ.සූරියබණ්ඩාර නමැති මෙම පුද්ගලයාට යන එන මං නැති වන බව මේ වන විට තහවුරු වී තිබේ.

22 වන ආණ්ඩුක්‍රම ව්‍යවස්ථා සංශෝධනය ශ්‍රී ලංකා ඉතිහාසයට එක්විය යුත්තේ විනිසුරුවරුන් ගේ විශ්‍රාම වයස වෙනස් කළ සංශෝධනයක් ලෙස ද... නැත්නම් ශ්‍රී ලංකාවේ ව්‍යවස්ථාමය අනාගතය වෙනස් කළ සංශෝධනයක් ලෙස ද?

පාන් පිටි කිලෝග්‍රෑමයක මිල රුපියල් 17කින් ඉහළ නැංවීමට ප්‍රිමා (Prima) සහ සෙරන්ඩිබ් (Serendib) යන පාන් පිටි ආනයන සමාගම් තීරණය කර තිබේ.

‘ජීවිතයට බිඳක්’ විශේෂ අභිප්‍රේරණ වැඩසටහන පසුගියදා (23) මත්තේගොඩ සණස සමිති ශාලාවේදී සාර්ථකව පැවැත්විණි. මත්තේගොඩ වෙළඳ සංගමයේ හිටපු සභාපති චමින්ද බඳවක ආරච්චිගේ යෝජනාවකට අනුව මත්තේගොඩ වෙළඳ සංගමය විිසින් සංවිධානය කරන ලද මෙම වැඩසටහන සඳහා මත්තේගොඩ වෙළඳ සංගමයේ වත්මන් සභාපති, ලේකම්, කාරක සභිකයින්, සමාජිකයින් ඇතුළු මත්තේගොඩ ප්‍රදේශයේ ජනතාව 200කට අධික පිරිසක් සහභාගි වූහ.

දේශයේ මුරදේවතාවෙකු ලෙස මවුබිම වෙනුවෙන් උතුම් වූ ජීවිත පරිත්‍යාගය කළ 7 වන සිංහ රෙජිමේන්තුවට අයත් පරම වීර විභූෂණ සම්මානයෙන් පිදුම් ලැබූ සැරයන් අනුර ඒ.එම් විරුවාණන්ගේ පවුලේ සාමාජිකයන්ගේ සුවදුක් සොයා බැලීම සඳහා යුද්ධ හමුදාධිපති ලුතිනන් ජෙනරාල් නිලන්ත ප්‍රේමරත්න පසුගියදා එම නිවස වෙත පැමිණියේය.

මහත් ආන්දෝලනයකට තුඩු දුන් අනුරාධුපර ශික්ෂණ රෝහලේ වෛද්‍යවරියක සිය නිල නිවාසය තුළදී බරපතළ ලිංගික හිංසනයකට ලක් කිරීමේ සිද්ධිය සම්බන්ධයෙන් අත්අඩංගුවට ගත් හිටපු යුද හමුදා සෙබෙළාට එරෙහිව අනුරාධපුර මහාධිකරණය හමුවේ පවතින නඩුවට අදාළව වින්දිත වෛද්‍යවරිය ගෙන් වැඩිදුර සාක්ෂි විමසීම ඔක්තෝබර් 19 වන දින සිදු කරන බවට උතුරු මැද පළාත් බද මහාධිකරණ විනිසුරු ඉන්දික අත්තනායක නියෝග කළේ ය.

මීගමුව බන්ධනාගාර ගැටුමෙන් 32 දෙදෙනෙකු මිය යෑම සම්බන්ධයෙන් සැකකරුවන් හඳුනා ගැනීමේ පෙරට්ටුව සඳහා ලබන සැප්තැම්බර් 8 වැනිදා මීගමුව අධිකරණය හමුවේ පෙනී සිටින ලෙස මීගමුව ප්‍රධාන ජේලර් ඇතුලු බන්ධනාගාර නිලධාරීන් 20 දෙනෙකුට නොතීසි නිකුත් කරන ලෙස මීගමුව ප්‍රධාන මහෙස්ත්‍රාත් ශිලනි පෙරේරා නියෝග කළාය.

Facebook ගිණුමක් සාදා, වසර දෙකක සිට දරුවන් ගේ සහ කාන්තාවන් ගේ අසභ්‍ය ඡායාරූප විකුණු බව කියන සිද්ධියක් සම්බන්ධයෙන් අත්අඩංගුවට ගත් තරුණයෙකු ලක්‍ෂ 10 බැගින් වු ශරීර ඇප දෙකක් මත මුදා හැරීමට කොළඹ අතිරේක මහේස්ත්‍රාත් ඕෂද මිගාර මහාරච්චි අද (28) නියෝග කළේය.

තදබල ආර්ථික හා ගෙවුම් ශේෂ අර්බුදයකින් පසු ශ්‍රී ලංකා ආර්ථිකය යථා තත්ත්වයට පත්වෙමින්, අර්බුදයට පෙර පැවති මට්ටම ආසන්නයට මේවන පැමිණ ඇති බව ශ්‍රී ලංකා මහ බැංකුවේ අධිපති ආචාර්ය පී. නන්දලාල් වීරසිංහ ප්‍රකාශ කළේ ය.

මහනුවර ඓතිහාසික ශ්‍රී දළදා මාළිගාවේ වාර්ෂික ඇසළ පෙරහර මංගල්‍යයේ කටයුතු සඳහා සහභාගි වීමට මහනුවරට පැමිණ සිටින ජනාධිපති අනුර කුමාර දිසානායක අද (27) පස්වරුවේ මල්වතු, අස්ගිරි මහා නාහිමිවරුන් ප්‍රමුඛ අනුනායක හිමිපාණන් වහන්සේ බැහැදැක ආශිර්වාද ලබා ගත්තේ ය.

පවතින වියළි කාලගුණික තත්ත්වය සහ අධික තාපය හමුවේ වනජීවීන්ගේ පැවැත්ම හා පරිසර පද්ධතියේ ආරක්ෂාව තහවුරු කිරීමේ අරමුණින්, රුහුණු (යාල) ජාතික උද්‍යානයේ I සහ II කලාප එළඹෙන 2026 සැප්තැම්බර් මස 14වැනිදා සිට ඔක්තෝබර් මස 15 වැනිදා දක්වා මාසයක කාලයකට සියලුම සංචාරකයින් සඳහා තාවකාලිකව වසා තැබීමට කටයුතු කරන බව වනජීවී සංරක්ෂණ දෙපාර්තමේන්තුව සදහන් කරයි.