පුවත්

අගවිනිසුරු ප්‍රීති පද්මන් සූරසේන ඇතුළු ඉහළ අධිකරණ විනිසුරුවරුන් ගේ විශ්‍රාම වයස ස්ථිර වශයෙන් ම දිගු කරන බව ජනාධිපති අනුර කුමාර දිසානායක පවසා ඇතැයි වාර්තා වෙයි.

ඩී. එස්. සේනානායක විද්‍යාලයීය නව ක්‍රීඩාංගණයේ ගෘහස්ථ ක්‍රිකට් පුහුණු දැල් ගොඩනැඟිල්ලක් (Indoor Cricket Nets Building) ඉදිකිරීම් කටයුතු ආරම්භ කරන බව ඩී. එස්. සේනානායක විද්‍යාලය ඉහළ අභිමානයෙන් යුතුව නිවේදනය කර සිටියි. මෙම විශේෂ ව්‍යාපෘතිය ආරම්භ කරනු ලබන්නේ ඩී. එස්. සේනානායක විද්‍යාලයේ කීර්තිමත් ආදි ශිෂ්‍යයෙකු මෙන්ම ආදි ශිෂ්‍ය සංගමයේ හිටපු සභාපතිවරයෙකු ද වන,  මධුර වික්‍රමරත්න ගේ අනුග්‍රහය සහ මූලිකත්වය ඇතිව ය.

ග්‍රන්ථ නාමාවලිකරණයේ ශ්‍රී ලාංකීය සන්නාමය ලෙස හැඳින්වෙන ආචාර්ය එච්. ඒ. අයි. ගුණතිලක ගේ ශාස්ත්‍රීය වටිනාකම පිළිබිඹු කරනු වස් පැවැත්වෙන දේශනය ජුනි මස 05වන දා පො. ව. 09.00 සිට ප.ව. 12.30 දක්වා ජාතික පුස්තකාල ශ්‍රවණාගාරයේ දී පැවැත් වේ.

කපිල චන්ද්‍රසේන ගේ ජංගම දුරකථන FBI හරහා ඇමරිකාවේ ඇපල් සමාගම වෙත යොමු කිරීමට අධිකරණ අමාත්‍යාංශය හරහා පියවර ගනිමින් සිටිනවා යැයි කොළඹ අපරාධ කොට්ඨාසය අද කොළඹ කොටුව මහේස්ත්‍රාත් පසන් අමරසේන හමුවේ දන්වා සිටියේ ය.

සමාජ මාධ්‍යයේ දැඩි අවධානයට ලක්වූ කුලී රථ රියදුරෙකු කොල්ලකෑමේ සිද්ධියට සම්බන්ධ සැකකරුවන් තිදෙනෙකු පොලිසිය විසින් අත්අඩංගුවට ගෙන ඇත.

මවගෙන් දරුවාට මානව ප්‍රතිශක්ති ඌනතා වෛරසය ( HIV) හා උපදංශය (Syphilis) සම්ප්‍රේශණය වැළැක්වීමට රුධිරය පරීක්ෂා කිරීම කලක සිට ශ්‍රී ලංකාවේ ක්‍රියාත්මක විය. එම ද්විත්ව තුරන් කිරීමේ වැඩසටහන (Dual Elimination) සාර්ථක බවටත්, මවගෙන් දරුවාට මානව ප්‍රතිශක්ති ඌනතා වෛරසය ( HIV) හා උපදංශය (Syphilis) සම්ප්‍රේශණයවීම වැලැක්වු රටක් ලෙස වසර 2019 දී ලෝක සෞඛ්‍ය සංවිධානයේ සහතිකය ශ්‍රී ලංකාවට ලැබුණි. එසේම අඛණ්ඩව මෙම සාධනීය තත්වය පවත්වාගෙන යන රටක් ලෙස ශ්‍රී ලංකාවට ලෝක සෞඛ්‍ය සංවිධානයෙන් සහතිකය හා ප්‍රශංසාව හිමිවිය.

ශ්‍රී ලංකා ජාතික රෝහලේ (NHSL) රුපියල් මිලියන 99ක් වැය කර පූර්ණ ප්‍රතිසංස්කරණයකින් පසු පිහිටුවන ලද "ස්නායු රෝග විද්‍යා ආයතනය" (Institute of Neurology) සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතාගේ ප්‍රධානත්වයෙන් සහ සෞඛ්‍ය නියෝජ්‍ය අමාත්‍ය වෛද්‍ය හංසක විජේමුණි මහතාගේ සහභාගිත්වයෙන් අද (ජුනි 01) පෙරවරුවේ ජනතා අයිතියට පත් කළේ ය.

මේ වන විට ගත වූ මාස පහ ඇතුළත ඉන්ධන මිල හත්වෙනි වතාවටත් වැඩි කරලා ඇති බවත්, මෙවර එය සෑහෙන ප්‍රමාණයකින් වැඩි කර ඇති බවත්, මෙලෙස ඉන්ධන මිල ඉහළ දමන්නේ ජාත්‍යන්තර මූල්‍ය අරමුදල පනවලා තිබෙන අනිවාර්ය කොන්දේසි හේතුවෙන් යැයි හිටපු අමාත්‍ය මහාචාර්ය ජී. එල්. පීරිස් පැවසී ය.

අඛණ්ඩ ඛනිජ තෙල් සැපයුම මිල සම්බන්ධව බලශක්ති අමාත්‍ය අනුර කරුණාතිලක ගේ ප්‍රධානත්වයෙන් මාධ්‍ය සාකච්ඡාවක් ලංකා ඛනිජ තෙල් තොග පර්යන්ත සමාගමේ දී අද (01)  පැවැත්විණ.

මැයි මාසය තුළ පමණක් බොරතෙල් බැරලයක මිල ඩොලර් 30 කින් හෙවත් 26% කින් අඩු වී ඇතැයි පිවිතුරු හෙළ උරුමයේ නායක උදය ගම්මන්පිල පැවසී ය.

2012 වසරේදී ග්‍රීසිය දැඩි ආර්ථික අර්බුදයකට මුහුණදී සිටින බව දැනුවත්ව ම ග්‍රීක බැඳුම්කර මිලදී ගැනීම හරහා ශ්‍රී ලංකා රජයට රුපියල් 1,843.267,595.65 අධික පාඩුවක් සිදුකිරීමේ චෝදනාව මත හිටපු මහ බැංකු අධිපති අජිත් නිවාඩ් කබ්රාල්ට එරෙහිව අල්ලස් හෝ දූෂණ චෝදනා විමර්ශන කොමිසම විසින් පවරා තිබූ නඩුව අද විනිසුරු මනෝජ් තල්ගොඩපිටිය ගේ සභාපතිත්වය එක් යුත් ස්ථිර ත්‍රිපුද්ගල මහාධිකරණය හමුවේ අද (01) කැඳවිය.

දීප ව්‍යාප්තව සිලෝන් ටී ගම්මාන පන්සියයක් ආරම්භ කිරීමට වැවිලි සහ ප්‍රජා යටිතල පහසුකම් සංවර්ධන අමාත්‍යාංශය සහ ශ්‍රී ලංකා තේ මණ්ඩලය සැලසුම් කර ඇත.

අපරාධ පරීක්ෂන දෙපාර්තමේන්තුව භාරයේ රඳවා ප්‍රශ්න කරන  හිටපු බුද්ධි ප්‍රධානි තුවාන් සුරේෂ් සලේ ඇතුළු සැකකරුවන් 19 දෙනෙක් නිරීක්ෂණය කිරීම සඳහා කොළඹ කොටුව මහේස්ත්‍රාත් පසන් අමරසේන අපරාධ පරීක්ෂණ දෙපාර්තමේන්තුව වෙත ගොස් ඇත.

ජුනි 1වෙනි දා (අද) සවස ජනාධිපති අනුර කුමාර දිසානායක සහ අධිකරණ නිලධාරින්ගේ සංගමය අතර රැස්වීමක් ජනාධිපති කාර්යාලයේ දී පැවැත්වීමට නියමිත බව ද, එම රැස්වීමේ අවසාන භාගයේ දී අගවිනිසුරු ඇතුළු ඉහළ අධිකරණ විනිසුරුවරුන් ගේ විශ්‍රාම වයස දීර්ඝ කිරීමේ යෝජනාව ඉදිරිපත්වීමට නියමිත බව ද විශ්වාස කටයුතු ආරංචි මාර්ගවලින් දැනගන්නට තිබේ.

තෙල් මිල වැඩි කිරීමට ආණ්ඩුවට සිදු වී ඇත්තේ ඔවුන් ගෙන්වූ බාල ගල් අඟුරුවලින් රටට අවශය පමණට විදුලිය උත්පාදනය කිරීමට නොහැකිව ඒ වෙනුවට වැඩිපුර තෙල් දහනය කිරීමට සිදු වී ඇති බැවින් යැයි ශ්‍රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ පැවසී ය.

තේ අපනයනයෙන් ශ්‍රී ලංකාව උපයන ආදායම වර්ෂ 2030 වන විට ඩොලර් බිලියනයකින් ඉහළ නැංවීමට සැලසුම් කර ඇතැයි වැවිලි සහ ප්‍රජා යටිතල පහසුකම් සංවර්ධන අමාත්‍ය  සමන්ත විද්‍යාරත්න පවසයි.

ජාත්‍යන්තර මූල්‍ය අරමුදල පිහිටුවීමේ දී තිබූ අරමුණුවලින් දැන් ඉටු නොවන බවත්, ඔවුන්ගේ අරමුණ වී ඇත්තේ රටවල් සංවර්ධනය කිරීම නොවන ණය හිමියන් ගේ ප්‍රතිලාභ උපරිම කිරීම පමණක් බවත් මහාචාර්ය සුමනසිරි ලියනගේ පැවසුවේ ය.

රුපියල් මිලියන 99ක් වැය කර සම්පූර්ණයෙන් ම ප්‍රතිසංස්කරණය කරන ලද "ස්නායු රෝග විද්‍යා ආයතනය" (Institute of Neurology) ශ්‍රී ලංකා ජාතික රෝහලේ (NHSL) දී ජුනි 01 සඳුදා ජනතා අයිතියට පත් කිරීමට නියමිත ය.