පුවත්

ජූලි 3වන දා ශ්‍රී ලංකාවේ එක්සත් ජනපද තානාපති කාර්යාලය, එක්සත් ජනපදයේ 250 වන සංවත්සරය නිමිත්තෙන් සංවිධානය කරන Freedom 250 බේස්බෝල් තරගාවලියේ කොටසක් ලෙස, ශ්‍රී ලංකාවේ බේස්බෝල් ක්‍රීඩාවට හිමි දිගුකාලීන ඇමරිකානු උරුමය සමරමින් ප්‍රවීණ පුහුණුකරු ජිම් ඩිමික් අනුස්මරණ බේස්බෝල් ක්ලැසික් තරගාවලිය දියත් කළේ ය.

2022 වසරේ Viii වැනි විධායක ජනාධිපති රනිල් වික්‍රමසිංහ ආරම්භ කළ ආර්ථිකය ප්‍රකෘතිමත් කිරීමේ සහ ආර්ථික වර්ධනයේ උපායමාර්ගික සැලැස්ම වර්තමාන රජය තවදුරටත් අනුගමනය නොකරන බවත්, ජාතික ජන බලවේග රජය බලයට පත් වූ මුල් අවධියේදී හිටපු ජනාධිපතිවරයා ආරම්භ කළ ආර්ථික ස්ථායීකරණ වැඩපිළිවෙළ ක්‍රියාත්මක කිරීම දිගටම සිදු කළ ද, එය ආර්ථික වර්ධන සැලැස්ම සමග සමගාමීව ක්‍රියාත්මක කිරීමට ඔවුන් අපොහොසත් වී ඇතැයි ඒජාප කෘත්‍යාධිකාරී මණ්ඩල සභික දිනූක් කොළඹගේ සදහන් කරයි.

ආර්ථික විද්වතුන් පවසන ආකාරයට ට මුදලේ මුහුර්ත අගය අඩු වී ඇති බවත්, එබැවින් කලින් රුපියල් ලක්ෂයකින් මිලදී ගත හැකිව තිබූ භාණ්ඩ සඳහා මේ වන විට රුපියල් එක්ලක්ෂ අනූදාහක් පමණ වැය කිරීමට සිදු වී ඇතැයි පෙරටුගාමී සමාජවාදී පක්ෂයේ පාලක ලේකම් රවීන්ද්‍ර මුදලිගේ පැවසී ය.

මීගමුව බන්ධනාගාරයේ අද (06) යළිත් ඇතිවූ නොසන්සුන් තත්වය හේතුවෙන් බන්ධනාගාර නිලධාරීන් ඇතුළු 25 දෙනෙක් ජීවිතක්ෂයට පත්ව ඇති බව පොලිසිය සඳහන් කරයි.

මීගමුව බන්ධනාගාරයේ සිදුව ඇති මාරාන්තික ගැටුම පිළිබඳව 'දිනන දකුණ' බලවත් කනස්සල්ල පළ කරන අතර ම ජීවිත අහිමි වූවන් ගේ පවුල්වලට එම සමූහයේ ශෝකය පළ කර ඇත. ඒමෙන් ම අදාළ සිද්ධිය සම්බන්ධයෙන්: ස්වාධීන, විනිවිදභාවයෙන් යුත් සහ කඩිනම් පරීක්ෂණයක් පැවැත්විය යුතු බව එම සාමූහිකය අවධාරණය කරයි.

බස්නාහිර පළාතේ ඩෙංගු අධි අවදානම් කලාප 22 ක් ආවරණය වන පරිදි අද (05) සිට විශේෂ ඩෙංගු මර්දන මෙහෙයුමක් ආරම්භ කර ඇත.

ශ්‍රී ලංකා රේගු දෙපාර්තමේන්තුව මෙම වසරේ මේ දක්වා වූ කාලය තුළ රුපියල් බිලියන 1373.7ක ආදායමක් උපයා ගැනීමට සමත්ව තිබෙන බව වාර්තා වෙයි.

ශ්‍රී ලංකාව මේ වන විට යම් දුරකට සහලින් ස්වයංපෝෂිත වී ඇතැයි කෘෂිකර්ම අමාත්‍ය කේ.ඩී ලාල්කාන්ත පැවසී ය.

රණවිරුවන් ගේ පදක්කම් යකඩ තහඩු ලෙස හැඳින්වීම ඔවුන් ජීවිත කැප කර ලබාගත් ජයග්‍රහණ හෑල්ලුවට ලක් කිරීමක් යැයි ශ්‍රීලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ පැවසී ය.

තොරතුරු අක්‍රමිකතාව (Information Disorder) විවිධ ආකාරවලින් ඔබට මුණගැසිය හැකි ය. මේ විවිධ ආකාර වෙන්කර හඳුනා ගන්න ලේසි ම ක්‍රමය මොකද්ද? ඒ සඳහා කරුණු දෙකක් බැලිය යුතු ය. ඒ සත්‍යතාව සහ අරමුණ ය.

ශ්‍රී ලංකාවේ ප්‍රජාතන්ත්‍රවාදය ශක්තිමත් කිරීම සඳහා සිවිල් සමාජය සියවසකට අධික කාලයක් පුරා ඉටු කළ සුවිශේෂී සමාජීය සහ දේශපාලනික මෙහෙවර සිහිපත් කරන "ශ්‍රී ලංකාවේ සිවිල් සමාජයේ ගමන් මඟ" යන තේමාව යටතේ සංවිධානය කරන ලද ඓතිහාසික ඡායාරූප ප්‍රදර්ශනය 2026 ජූලි 6 වන සඳුදා පස්වරු 1.00 සිට පස්වරු 7.00 දක්වා කොළඹ 07, Lighthouse Auditorium & Lawns පරිශ්‍රයේ දී පැවැත්වේ.

ශීඝ්‍රයෙන් ව්‍යාප්ත වන ඩෙංගු උවදුර මර්දනයට අවශ්‍යය කටයුතු සම්පාදනය සඳහා සාකච්ඡාවක්  ක්ලීන් ශ්‍රී ලංකා ලේකම් කාර්යාලයේ දී අද (04) පැවැත්විණි.

“ෂී ජින්පිං - චීන පාලන තන්ත්‍රය” ග්‍රන්ථයේ 5වන වෙළුම එළි දැක්වීමේ උත්සවයක් අද කොළඹ දී පැවැත්වුණා. ශ්‍රී ලංකාව සහ චීනය, නවීකරණ ක්‍රියාමාර්ගයේ අත්වැල් බැදගෙන ගමන් කිරීම වෙනුවෙන් අත්දැකීම් හුවමාරු කර ගැනීම එම උත්සවයේ තේමාවයි.

දූෂණ චෝදනාවක් සම්බන්ධයෙන් අල්ලස් කොමිසම විසින් අත්අඩංගුවට ගනු ලැබූ හිටපු නාවික හමුදාපති, අද්මිරාල් ඔෆ් ද ෆ්ලීට් වසන්ත කරන්නාගොඩ  ඇප මත මුදා හරින ලෙස කොළඹ මහේස්ත්‍රාත් අධිකරණය නියම කොට තිබෙනවා.

ශ්‍රී ලංකා ජාතික රෝහලේ සහ මහරගම අපේක්ෂා රෝහලේ ස්ථාපිත පෙට් ස්කෑන් (PET) යන්ත්‍ර ද්විත්වය උපරිම ධාරිතාවයකින් හා කාර්යක්ෂමතාවයකිත් ඉදිරියේ දී දින හතම ප්‍රතිකාර සේවාවන් සඳහා යෙදවීමට ක්‍රියාකරන බව සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස අවධාරණය කළේ ය.

2026 ජූලි 01 දින අධිකරණයේ නඩු විභාගයක් පැවැත්වෙන අතර, සොලිසිටර් ජනරාල් දිලීප පීරිස්, විශ්‍රාමික බලලත් නිලධාරි ශාන්ත ජයතිලක පැලඳ සිටි යුද පදක්කම සම්බන්ධයෙන් "ලෝහ කැබලි" ලෙස අදහස් කළ බව වාර්තා වන ප්‍රකාශය පිළිබඳව රට Next සංවිධානය සිය දැඩි කණගාටුව සහ අප්‍රසාදය පළ කරන බව එම සංවිධානය සඳහන් කරයි.

අද වන විට අප රටේ ළමා හිංසනයට, අපයෝජනයට ලක්වූ 46000ක් නීතිය ක්‍රියාත්මක වී යුක්තිය ඉටුවන තෙක් බලාගෙන සිටින්නේ යැයි විපක්ෂ නායක සජිත් ප්‍රේමදාස පැවසී ය.

එකුන් තිස් වරක දේහපාලන භූමියේත්, ඒ අතරතුර ජනමාධ්‍ය ක්ෂේත්‍රයේත් ලැබුවා වූ අත් දැකීම්, භාවිතා පාදක කර ගනිමින් ඥානසිරි කොත්තිගොඩ විසින් රචිත ''නව සමසමාජ පක්ෂයේ මුල මැද අග සහ මම'' කෘතිය ජූලි 07වන දා 03.00ට කොළඹ 07, නිදහස් මාවතෙහි පිහිටි ජාතික පුස්තකාල හා ප්‍රලේඛන සේවා මණ්ඩල ශ්‍රවණාගාරයේ දී ජනගත කරයි.