පුවත්

පැෆ්රල් සංවිධානය සහ මාර්තු 12 ව්‍යාපාරය එකතුව, වර්තමාන රජයේ “පොහොසත් රටක්-ලස්සන ජීවිතයක්” රජයේ ප්‍රතිපත්ති ප්‍රකාශනය ක්‍රියාත්මක වීම අධීක්ෂණය පිළිබඳ සකස් කළ දෙවන අර්ධ-වාර්ෂික වාර්තාව සමාජගත කිරීම, අමාත්‍යවරුන්, පාර්ලිමේන්තු මන්ත්‍රීවරුන්, පක්ෂ නායකයින්, අමාත්‍යංශ ලේකම්වරුන්, රාජ්‍ය නිලධාරීන්, සිවිල් සමාජ සංවිධාන සාමාජිකයින්, ශාස්ත්‍රඥයින් සහ මාධ්‍යවේදීන් ගේ සහභාගිත්වයෙන් යුතුව පැවැත්වීමට කටයුතු සැලසුම් කර ඇත.

වෙනත් රටවල සිටින විදේශ ඇමතිලා සහ ඔවුන්ගේ විදේශ ප්‍රතිපත්ති දෙස බැලූ විට මේ ආණ්ඩුව කරන්නේ මොනවා දැයි සිතෙන්නේ යැයි හිටපු අමාත්‍ය ජී. ඒල්. පීරිස් පැවසී ය.

ආණ්ඩුව මේ ආකාරයට තෙල් මිල වැඩි කළේ IOC, සිනොපෙක් බඳු පෞදගලික සමාගම්වලට අධික ලාභයක් සපයා ගන්නට ඉඩ හැරීම දැයි සැකයක් පවතින බැවින් මෙලෙස තෙල් මිල වැඩි කළේ කුමන හේතුවක් මත දැයි පැහැදිලි කළ යුතු යැයි පෙරටුගාමී සමාජවාදී පක්ෂයේ අධ්‍යාපන ලේකම් පුබුදු ජයගොඩ පැවසී ය.

දවස් තිස් හතකට ප්‍රමාණවත් තෙල් තිබේ යැයි  පැවසූ ආණ්ඩුව, පරණ ඉන්ධනවල මිල වැඩි වැඩිකරේ ඇයි දැයි වෘත්තීය සමිති ඒකාබද්ධ සන්ධානයේ කැඳවුම්කරු රවී කුමුදේශ් විමසී ය.

ආණ්ඩුව තෙල් මිළ වැඩි කළේ ගල් අඟුරු වංචාව හේතුවෙන් සිදු වූ පාඩුව පියවා ගැනීමට යැයි ශ්‍රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ පැවසීය.

මැදපෙරදිග යුද ගැටුම් හේතුවෙන් උද්ගතව ඇති බලශක්ති අර්බුදයට මුහුණදීම සඳහා හැකි පමණින් ඉන්ධන අරපිරිමැස්මකින් යුතුව පරිභෝජනය කරන්නැයි ලංකා ඛනිජ තෙල් නීතිගත සංස්ථාවේ සභාපති ඩී.ජේ රාජකරුණා  ජනතාවගෙන් ඉල්ලීමක් කරයි.

පසුගිය (28) දින සිට මැදපෙරදිග බලා පිටත් වන ගුවන් ගමන් අවලංගු කිරීම හේතුවෙන් මෙරටින් පිටවීමට නොහැකි වූ විදේශිකයින්හට දින 14ක කාලයක් සඳහා ගාස්තු අය කිරීමකින් තොරව වීසා දීර්ඝ කිරීම් ලබා දීමට මහජන ආරක්ෂක සහ පාර්ලිමේන්තු කටයුතු අමාත්‍යවරයා ඉදිරිපත් කළ යෝජනාව අමාත්‍ය මණ්ඩලය අනුමත කර තිබේ.

ලෝකයේ විදේශීය රාජ්‍ය නායකයින්, විදේශ කටයුතු අමාත්‍යවරුන් හෝ තම රට නියෝජනය කරමින් විදේශ රටවලට යන රාජ්‍ය නියෝජිතයින් සියලු දෙනා ම අනිවාර්යයෙන්ම ඉංග්‍රීසි භාෂාවෙන් කතා කළ යුතුය යන නියමයක් නොමැත.

සාමාන්‍ය වහරින් පවසනවා නම් රට ආර්ථික වශයෙන් යම් පසුබෑමකට ලක්වෙන අවස්ථාවක දී පළමුවෙන් ම එය දැනෙන්නේ ගෙදර අම්මාට, බිරිඳට යැයි ශ්‍රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ පැවසී ය.

රටේ පවතින දේශපාලන තත්ත්වය සහ ඉදිරි ක්‍රියාමාර්ග පිළිබඳව සාකච්ඡා කිරීම සඳහා ඒකාබද්ධ විපක්ෂයේ නියෝජිතයින් සහ ශ්‍රී ලංකා නිදහස් පක්ෂයේ ප්‍රධානීන් අතර විශේෂ හමුවක් අද (10) පෙරවරුවේ කොළඹ 10, ඩාර්ලි පාරේ පිහිටි පක්ෂ මූලස්ථානයේදී පැවැත්වුවා.

මහජන හඬ මෙහෙයුම් කමිටුව විසින් සංවිධානය කරන ලද 'මාලිමා ආණ්ඩුවේ ගල් අඟුරු හොරකම' සම්මන්ත්‍රණය ඊයේ (09)කොළඹ පදනම් ආයතනයේ දී පැවැත්වුණා .

සායනික අපද්‍රව්‍ය කළමනාකරණය කිරීමේ දීර්ඝ කාලීන මහා වංචාව පිළිබඳව තොරතුරු ඇතුළත් ලිපි ගොණුවක් පාර්ලිමේන්තුවේ සභාගත කිරීම සඳහා සිවිල් ක්‍රියාකාරී කැළුම් අමරසිංහ විසින් සමගි ජන බලවේග පාලිමේන්තු මන්ත්‍රී වෛද්‍ය කාවින්ද ජයවර්ධන හට භාර දෙන ලදී.

ඊයේ (09) මධ්‍යම රාත්‍රී 12.00 සිට බලපැවැත්වෙන පරිදි ඉන්ධන මිල ගණන් සංශෝධනය කිරීමට ලංකා ඛනිජ තෙල් නීතිගත සංස්ථාව තීරණය කර ඇත.

සමාජ ක්‍රියාධරයකු සහ මානව හිතවාදියකු වූ නීතිඥ එස්.ජී. පුංචිහේවා ගේ දිවිසැරිය අලළා කෘතහස්ත ලේඛක දෙනගම සිරිවර්ධන විසින් රචනා කරන ලද ‘සැබෑ මානවවාදියෙකුගේ කතාවක්’ ග‍්‍රන්ථය ජනගත කිරීම ඔහුගේ 93වන ජන්ම දිනය යෙදෙන 2026.03.12වන දා ප.ව. 3.00ට කොළඹ 07 නිදහස් මාවතෙහි පිහිටි ජාතික පුස්තකාල හා ප්‍රලේඛන සේවා මණ්ඩල ශ්‍රවණාගාරයේ දී පැවැත්වේ.

කොළඹ, ශ්‍රී ලංකා ජාතික රෝහලේ ස්ථාපිත කරන ලද කෘතිම බුද්ධිය (AI) භාවිත කළ හැකි අතිනවීනතම තාක්ෂණයෙන් යුත් MRI යන්ත්‍රය අද (09) සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස ගේ ප්‍රධානත්වයෙන් රෝගී සත්කාර සේවා සදහා එක් කළේ ය.

ශ්‍රී ලංකාවේ බලශක්ති ක්ෂේත්‍රය සහ යටිතල පහසුකම් සංවර්ධනය සඳහා රජය විසින් ගෙන ඇති ප්‍රධාන පියවර හතක සාරාංශය මතු දැක්වේ.

කැලණිය විශ්වවිද්‍යාලයීය ආදි විද්‍යාර්ථීන්ගේ සංගමයේ සමාජ සත්කාරක ක්‍රියාවලියට ආධාර පිණිස, කැලණිය විශ්වවිද්‍යාලයීය ආදි විද්‍යාර්ථීන්ගේ සංගමයේ කොළඹ දිස්ත්‍රික් ශාඛාව මගින් සංවිධානය කරනු ලබන ‘මම නෙවෙයි වෙන කෙනෙක්’ වේදිකා නාට්‍යය මෙම මස 14වෙනි දා පස්වරු 6.00 ට මරදාන එල්ෆින්ස්ටන් රඟහලේ දී වේදිකාගත කිරීමට නියමිත ය.

අප රටේ විදුලිබල ක්ෂේත්‍රය මෑතකදී ගත් දැවැන්තම පරිවර්තනය සනිටුහන් කරමින් ප්‍රතිව්‍යුහගත වැඩපිළිවෙල සම්පූර්ණ කළ බවත්, ඔබ සම්බන්ධ වුණු අලුතින් පිහිටවූ ආයතනවල අධිෂ්ඨානශීලිව සහ කැපවීමෙන් කටයුතු කරමින් “පොහොසත් රටක් ලස්සන ජීවිතයක සිහිනය“ සැබෑ කර ගන්න අත්වැල් බැද ගනිමු යැයි බලශක්ති අමාත්‍යවරයා පැවසී ය.