පුවත්

ලොව පුරා ඉස්ලාම් භක්තිකයින් මහත් බැතියෙන් සමරන ඊදුල් අල්හා හජ් උත්සවය අදට යෙදී තිබේ. ඉස්ලාම් බැතිමතුන් ගේ විශ්වාසයට අනුව අල්ලාහ් දෙවියන් කෙරෙහි ඊබ්‍රාහිම් නබිතුමන් ගේ භක්තිය සහ අසමසම පරිත්‍යාගය සංකේතවත් කරන හජ් සැමරුම සුවිශේෂ වන්නේ ඉස්ලාම් දහමේ පංච මහා වගකීම්වලින් පස්වැන්න ලෙස සැලකෙන මක්කම වන්දනාව හේතුවෙනි.

2026 වෙසක් පුණ්‍ය මහෝත්සවය නිමිත්තෙන් 2026 මැයි 30 සහ 31 යන දෙදින සියලු ම මත්පැන්හල් වසා තැබිය යුතු බව සුරාබදු කොමසාරිස් ජනරාල් එම්. බී. එන්. ඒ. පේමරත්න නිවේදනයක් නිකුත් කරමින් දන්වා සිටි.

ජනතා විමුක්ති පෙරමුණේ ප්‍රධාන ලේකම් ටිල්වින් සිල්වා සහ ශ්‍රී ලංකාවේ වියට්නාම තානාපතිනි ත්‍රින් තී ටැම් සහ උප තානාපති ලී වැන් හොන්ග් අතර හමුවක් ඊයේ (26) පැලවත්ත ජවිපෙ ප්‍රධාන කාර්යාලයේ දී සිදුකෙරිණි.

මාර්ටින් වික්‍රමසිංහ ගේ 136වන ජන්ම සංවස්තරය නිමිති කර ගනිමින් මාර්ටින් වික්‍රමසිංහය භාරකාර මණ්ඩලය සහ ජාතික පුස්කතකාලය එක්ව සංවිධානය කරන, මහාචාර්ය ජයදේව උයන්ගොඩ විසින් රචිත ''නවකතාවක් පමණක් නොවන නවකතාවක්'' කෘතිය මැයි 29වන දා සවස 02.30ට ජාතික පුස්තකාල හා ප්‍රලේඛන මණ්ඩල ශ්‍රවණාගාරයේ දී පැවැත්වේ.

2022 වසරේ ජූලි මස 14වන දා ජනාධිපති ලේකම් කාර්යාලයට අයුතු ඇතුළු වීමක් සිදු කළ සිද්ධිය සම්බන්ධයෙන් නඩුව කැඳවූ අවස්ථාවේ දී අධිකරණයේ පෙනී නොසිටි කාශ්‍යප හිමි ඇතුළු සැකකරුවන් හය දෙනෙක් අත්අඩංගුවට ගෙන අධිකරණයට ඉදිරිපත් කරන කොටුව මහේස්ත්‍රාත් පසන් අමරසේන කොළඹ අපරාධ කොට්ඨාසයට අද (27) නියෝග කළා.

ජනාධිපති ලේකම් කාර්යාලයෙන් ජාතික නිදහස් පෙරමුණට ලබා දුන් වාහන අවභාවිතා කළ බව කියන සිද්ධියට අදාළව ඇප මත මුදා හැර ඇති හිටපු ජාතික නිදහස් පෙරමුණ පාර්ලිමේන්තු මන්ත්‍රී ජයන්ත සමරවීර යන අය අත්අඩංගුවට ගෙන අධිකරණයට ඉදිරිපත් කරන ලෙස කොළඹ කොටුව මහේස්ත්‍රාත් පසන් අමරසේන අද (27) නියෝග කළේය.

ජනතාවට එදිනෙදා ජීවිතයට බෙහෙවින් වැදගත් වන කාර්යභාරයන් රාශියක් පළාත් සභාවලට පැවරිලා තිබෙන බව ශ්‍රී ලංකා ශ්‍රේෂ්ඨාධිකරණය පවා ප්‍රකාශ කර තිබුණ ද අද එකම පළාත් සභාවක හෝ මහජන ඡන්දයෙන් පත් වූ මන්ත්‍රීවරයෙක් නැතැයි මහාචාර්ය ජී. එල්. පීරිස් පැවසී ය.

පන්සල් ලෙස පෙනුණ ද ඒ කිසිවක් පන්සල් නොව බූදල් බවත්, මේ සියල්ල 1931 අංක 19 දරන විහාර දේවාලගම් පනත යටතේ පුද්ගලික දේපළ බවත්, විහාරාධිපති කෙනෙක් සිටිනවා නම්, ඒ විහාරාධිපතිට ඒ දේපල හිමි බවත් මාධ්‍යවේදී නන්දන වීරරත්න පැවසී ය.

වසර ගණනාවක් පුරා ආදිවාසී ජනතාව විසින් පරිහරණය කරන ලද වන ඉඩම් සහ කැලෑ ප්‍රදේශ නැවත ඔවුන් ගේ භාවිතය සඳහා ලබාදීමට මහවැලි අධිකාරිය තීරණය කර ඇත.

වැදි ජනයාගේ නායක ඌරුවරිගේ වන්නිලැත්තෝ සහ පරිසර යුක්ති කේන්ද්‍රය විසින් ගොනු කරන ලද CA Writ 70/21 නඩුවේ දී මෙම තීරණය අභියාචනාධිකරණයට දැනුම් දී ඇත. මෙම නඩුව ගොනු කර තිබුණේ ආදිවාසී ජනතාව පරම්පරා ගණනාවක් පුරා භාවිත කළ පොල්ලෙබැද්ද සහ ඒ ආශ්‍රිත “ගල්වලයාය” රක්ෂිතයේ ඉඩම් විවිධ සමාගම් වෙත ලබාදීම හේතුවෙන් ඔවුන් ගේ අයිතිවාසිකම් උල්ලංඝනය වූ බව පෙන්වා දෙමිනි.2021 සිට ආරම්භ වූ මෙම නීතිමය සහ සමාජීය අරගලය 2026 වන විට වැදගත් ප්‍රතිඵලයක් ලබාගෙන ඇත.

ස්වභාවධර්මය සමග එකී ජීවන රටාව ආරක්ෂා කරමින් ආදිවාසී ජනතාවට නැවත ඔවුන්ගේ භූමිය භුක්ති විඳීමට අවස්ථාව උදා වී තිබේ.
පරිසර යුක්ති කේන්ද්‍රය සහ ආදිවාසී ජනතාව තවදුරටත් ඉල්ලා සිටින්නේ:

• වගකිවයුතු පාර්ශවවලට එරෙහිව නීතිමය ක්‍රියාමාර්ග ගැනීම,
• විනාශ වූ වන වගා නැවත ප්‍රතිස්ථාපනය කිරීම,
• ආදිවාසී ජනතාව ගේ අයිතිවාසිකම් ස්ථිරව ආරක්ෂා කිරීම යන කරුණු කෙරෙහි අවධානය යොමු කරන ලෙසයි.

මෙය පරිසරය, සංස්කෘතිය සහ මානව අයිතිවාසිකම් එකට රැකගැනීමේ වැදගත් පියවරකි.

අල්ලස් කොමිසම විසින් දූෂණ චෝදනාවක් සම්බන්ධයෙන් අත්අඩංගුවට ගෙන අධිකරණයට ඉදිරිපත් කිරීමෙන් අනතුරුව ඇප මත මුදා හැර සිටින හිටපු අමාත්‍ය මනුෂ නානායක්කාර වෙත පනවා තිබෙන විදේශ ගමන් තහනම තාවකාලිකව ලිහිල් කරන ලෙස කර තිබෙන ඉල්ලීම පිළිබඳව

මහ බැංකුවට විවෘත ආරාධනයක්. කටුවෙන් එළියට ඇවිත් උත්තර දෙන්න.

පොළොන්නරුව චීන - ශ්‍රී ලංකා මිත්‍රත්ව ජාතික වෘක්කවේද විශේෂිත රෝහලේ දී (National Nephrology Specialized Hospital) වයස අවුරුදු 16 ක පිරිමි ළමා රෝගියෙක් සඳහා වකුගඩු බද්ධ කිරීම මැයි 07 දින සාර්ථකව සිදු විය.

පල්ලේගම හේමරතන හාමුදුරුවන් යනු සමස්ත බුද්ධ ශාසනයම නොවන්නේ යැයි පූජ්‍ය බලංගොඩ කස්සප හිමි පැවසී ය.  එම හිමි මෙම අදහස් ප්‍රකාශ කලේ අද පැවති මාධ්‍ය හමුවක දී ය.

ශ්‍රී ලංකා මහ බැංකුව සහ වාණිජ්‍ය බැංකු නිවේදනය කර ඇති නාමික විනිමය අනුපාතය කුමක් වුවත්, ශ්‍රී ලංකා රේගුව 2026 මැයි 25 සිට මැයි 29 දක්වා ඩොලරයකට රු. 351.17 ක විනිමය හුවමාරු අගයක් මත සියලු ගණුදෙනු කරන බව ගැසට් මගින් ප්‍රකාශයට පත් කර ඇත.

ඇප මත මුදාහැර සිටින හිටපු ධීවර අමාත්‍ය රාජිත සේනාරත්න වෙත පනවා තිබූ විදේශ ගමන් තහනම තාවකාලිකව ලිහිල් කරන්නැයි කොළඹ මහේස්ත්‍රාත් අධිකරණය නියෝග කර ඇත.

පැටවුම් වරාය වාර්තාව අනුව 2026 අප්‍රේල් 28 සහ 29 දෙදින දකුණු අප්‍රිකාවේ  Richards Bay Coal Terminal වරායෙන් පටවා ඇති ගල් අඟුරු මෙ.ටො. 59, ගල් අඟුරු ලෙස ලේබල් කර ඇති නමුත් මෙහි අළු ප්‍රතිශතය ඒකක 16.8 ක් බවත්,

2022 වසරේ ගාලු මුවදොර ‘ගෝඨාගෝගම’ අරගලයට පහරදීමේ සිද්ධිය සම්බන්ධයෙන් සිදු කරන විමර්ශනවලට අදාළව, හිටපු පොලිස්පති දේශබන්දු තෙන්නකෝන්ට එරෙහිව මාසයක් ඇතුළත අධිචෝදනා ගොනු කිරීමට අපේක්ෂා කරන බව නීතිපතිවරයා ඊයේ (25) ශ්‍රේෂ්ඨාධිකරණයට දැනුම් දී ඇත.

ජාතික කලාභවනේ තිබූ සිතුවම් 42 ක් අතුරුදන්වීමේ සිද්ධිය සම්බන්ධයෙන් තවදුරටත් විමර්ශන සිදුකළ නොහැකි තත්ත්වයක් මතුවී ඇතැයි කුරුඳුවත්ත පොලිසිය ප්‍රකාශ කරයි.