#newstube

අයහපත් කාල ගුණ තත්වය වෙනස්වීම නිසා රටේ ජනතාව යම් තරමක පහසුවෙන් හුස්ම ගනිමින් සිටියද, එය දැනුණ පීඩනය අඩු වීමෙන් දැනුණ සතුටට වැඩි යමක් නොවේ.

ආචාර්ය ගුණදාස අමරසේකර ප්‍රත්‍යාලෝකනය 2025 පසු ගිය 13වන දා කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේ දී පැවැත්විණි.

චීන කොමියුනිස්ට් පක්ෂයේ ඉහළ පෙලේ දූත පිරිසක් සහ ජනතා විමුක්ති පෙරමුණේ ප්‍රධාන ලේකම් ටිල්වින් සිල්වා ඇතුළු ජවිපෙ නායකයින් පිරිසක් අතර හමුවක් පසුගිය 24 දා සිදුවූ අතර එහිදී විශේෂ කරුණු කිහිපයක් පිළිබඳව සාකච්ඡා පවත්වා ඇතැයි වාර්තාවේ.

අනුර දිසානායක මහතා ශ්‍රී ලංකාවේ ජනාධිපතිව සිටින තාක්කල් තමන් ශ්‍රී ලංකාවට නොපැමිනෙන බවට සමාජ මාධ්‍යජාලා ඔස්සේ පැතිර යන ප්‍රචාරය සහමුලින්ම පදනම විරහිත අසත්‍ය ප්‍රකාශයක් බව ශ්‍රී ලංකා පොදු ජන පෙරමුණේ නිර්මාතෘ බැසිල් රාජපක්ෂ විශේෂ ප්‍රකාශයක් කරමින් සඳහන් කළේය.

දිට්වා සුළි කුණාටුව සම්බන්ධයෙන් කාලගුණ විද්‍යා දෙපාර්තමේන්තුව නිසි අයුරින් ආණ්ඩුව සහ රට දැනුවත් නොකළ බවට ආණ්ඩුවේ පාර්ශ්වයන්ගෙන් එල්ල වන චෝදනාවන්ට ප්‍රතිචාර දැක්වීමට ශ්‍රී ලංකා කාලගුණ විද්‍යාඥයන්ගේ සංගමය පියවර ගෙන ඇත.

අනේ Please කියා ජන ජීවිත විහිලුවට නොගෙන දැන්වත් සැබෑ යථාර්ථය තේරුම් ගන්නැයි විපක්ෂ නායක සජිත් ප්‍රේමදාස ජනාධිපතිවරයා ගෙන් ඉල්ලා සිටියි.

'ගෝත්‍රික ප්‍රේමය' නම් සිය පළමු කාව්‍ය කෘතියෙන්ම සිය අනන්‍යතාව ගැඹුරු ලෙස සලකුණු කළ කිවිඳියක වන අනෝමා රාජකරුණාගේ දෙවන කවි එකතුව 'හූනා ලැග්ග බාල්කේ' සහෘදගත කිරීම සහ ඒ නිමිත්තෙන් සංවිධානය කළ කවි සැඳෑව දෙසැම්බර් 20 වැනිදා, සෙනසුරාදා සවස 3.00ට ජර්මන් සංස්කෘතික ආයතනයේදී (Goethe - Institut) පැවැත්වේ. වසර 25කට පෙර පළ වූ ඇගේ පළමු කෘතිය වන ගෝත්‍රික ප්‍රේමය දෙවන මුද්‍රණය ද එදින එළිදැක්වීමට නියමිතය.

'ගෝත්‍රික ප්‍රේමය' නම් සිය පළමු කාව්‍ය කෘතියෙන්ම සිය අනන්‍යතාව ගැඹුරු ලෙස සලකුණු කළ ප්‍රකට කිවිඳියක වන අනෝමා රාජකරුණාගේ නවතම කාව්‍ය සංග්‍රහය 'හූනා ලැග්ග බාල්කේ' එළිදැක්වීම සහ ඒ නිමිත්තෙන් සංවිධානය කළ කවි සැඳෑව දෙසැම්බර් 20 වැනිදා, සෙනසුරාදා සවස 3.00ට ජර්මන් සංස්කෘතික ආයතනයේදී (Goethe Institut) පැවැත්වේ.

LTL Holdings යනු මෙරට විදුලි බල ක්ෂේස්ත්‍රයේ සුවිශේෂී සේවාවක් සපයන, නිරන්තරයෙන්ම රටේ ජනතාව අඳුරෙන් ආලෝකයට ගෙන ඒමට දිවා රෑ කැපවෙන සමාගමකි.

ගංවතුර සහන කටයුතු සහ යළි යථා තත්ත්වයට පත් වීම මෙන් ම ප්‍රතිසංස්කරණය සඳහා වන සැලසුම් පිළිබඳව අග්‍රාමාත්‍යවරිය සහ විදේශ අමාත්‍යවරයා රාජ්‍යතාන්ත්‍රික ප්‍රජාව දැනුවත් කළ බව විදේශ කටයුතු, විදේශ රැකියා සහ සංචාරක අමාත්‍යාංශය සඳහන් කරයි.

අය වැය චක්‍රලේඛ අංක 08/2025 (i) යටතේ මුදල්, ක්‍රම සම්පාදන, සහ ආර්ථික සංවර්ධන අමාත්‍යංශය, අපාදාවෙන් බලපෑමට ලක් වූවන් සවිබල ගැන්වීමේ වැඩසටහන සම්බන්ධයෙන් චක්‍රලේඛය නිකුත් කර ඇත.

අනාගතයේ දී සමගි ජනබලවේගය ආණ්ඩුවක් යටතේ අපේ කාන්තාවන් පිට රට වහල් සේවයට නොයවන්නේ යැයි හිටපු අමාත්‍ය ඉරාන් වික්‍රමරත්න පැවසී ය.

නිහඩ චිත්‍රපට ලෝකයේ විකට රජා ලෙස ලෝක චිත්‍රපට ප්‍රේක්ෂකයන් අතර නමක් රැන්දූ චාලි ස්පෙන්සර් චැප්ලින් අන්‍යයන් හිනැස්සීමට උපන් හපන්කම් දැක්වූ විකට නළුවෙක් මෙන්ම අභිරූපන ශිල්පියෙක් ලෙස හදුන්වන්නට පුළුවන්. ඒ ඔහු ලොව ප්‍රසිද්ධ වූ ආකාරයයි.

තමන් යුද අපරාධ කළා යැයි අන්තර් ජාතිකව ම පිළිගත් එක ම රට ශ්‍රී ලංකාව බවත්, එසේ පිළිගැනීම රට පාවා දීමක් ලෙස සැලකිය හැකි බවත් ප්‍රවීණ මාධ්‍යවේදී මොහාන් සමරනායක පැවසී ය.

ඔහු මෙම අදහස් පළ කළේ Lanka Voice youtube නාලිකාව සමග කළ සාකච්ඡාවක දී ය.

එම සාකච්ඡාවේ දී වැඩි දුරටත් අදහස් දක්වමින් මොහාන් සමරනායක පැවසුවේ ජිනීවා මානව හිමිකම් කොමිසමේ නිර්දේශ ක්‍රියාත්මක වුවහොත් අපේ රටෙහි ප්‍රශ්නයක් පිළිබඳ අභ්‍යන්තරව තීරණ ගැනීමට ඇති නිදහස වෙනත් රාජ්‍යයකට, එසේත් නොමැති නම් බාහිර බලවේගයකට පැවරෙන බවයි.

මතු පළ වන්නේ මොහාන් සමරනායක පළ කළ අදහස් අන්තර්ගත සම්පූර්ණ වීඩියෝව යි.

සාකච්ඡාව මෙහෙය වනු ලබන්නේ මාධ්‍යවේදී කුල ශ්‍රී කාරියවසම් විසිනි.

තම ව්‍යාපාරය (දේශ හිතෛෂී ජාතික ව්‍යාපාරය) සමලිංගික හැසිරීම් සහිත අය වෙත නින්දා අපහාස කිරීමට නොපෙලඹෙන බවත්, බුදුන් වහන්සේ පවා විනය පිටකය අටුවාවෙහි මේ සම්බන්ධයෙන් දේශනා කර ඇති බවත් දේශ හිතෛෂී ජාතික ව්‍යාපාරයේ මහ ලේකම් වසන්ත බණ්ඩාර පැවසී ය.

ඉතා ඉහළ පරිමාණයෙන් මෙන් ම ඉතා වේගයෙන් ලංකාවේ අධිකරණ ක්ෂේත්‍රයේ කටයුතු සිදුවෙමින් පවතින්නේ යැයි ප්‍රවාහන, මහාමාර්ග, වරාය සහ සිවිල් ගුවන් සේවා අමාත්‍ය බිමල් රත්නායක පැවසී ය.

ඔහු මෙම අදහස් පළ කළේ ඊයේ (02) පැවති මාධ්‍ය හමුවක දී ය.

එම මාධ්‍ය හමුවේ දී වැඩි දුරටත් අදහස් දක්වමින් අමාත්‍යවරයා පැවසුවේ රට පාලනය කළ පාලකයින් තමන් හෝ තම කණඩායමේ වැරදි වසා දැමුව ද ඉදිරි දිනක දී මේ සියලු දෙනාට ම එරෙහිව නීතිය ක්‍රියාත්මක කෙරෙන බවයි.

අපිට අවශ්‍ය වන්නේ බිංදුවට ම වැටුණ මිනිස්සු කෙසේ හෝ නගා සිටුවීම යැයි සර්ව ජනබල නායක, පාර්ලිමේන්තු මන්ත්‍රී දිලිත් ජයවීර පැවසී ය.

රටේ ආර්ථිකය විශාල අවදානමක පවතින බව ප්‍රකට ව්‍යාපාරික ඩඩ්ලි සිරිසේන පවසයි.

මින් ඉදිරියට කිසිම පක්ෂයට නැවත වරක් බැදෙන්න එපා යැයි ද ඔහු කියා සිටියි.

ඔහු එසේ කියා සිටියේ, උත්සවයක් අමතමිනි.

"අපිට නින්දෙන් ඇහැරුණත් විශාල කාරණයක්. අපේ ආර්ථිකය විශාල අවදානමක තියෙන්නේ. ඇත්ත කථාව. මම මේක කිව්වාම වෙනත් යෝජනාවක් චෝදනාවක් ඒන්න පුළුවන්. එකේ ප්‍රශ්නයක් නෑ. ඇත්ත කථා කරන්න මම කිසිසේත්ම බය ‌වෙන්නේ නෑ. සමාජයේ මින් ඉදිරියට කිසිම දේශපාලන පක්ෂයකට කිසිම කෙනෙක් ආයේ බැදෙන්න ඒපා." යයි ද ඔහු කියා සිටියේය.

| ada.

රාජිත දිසානයකගෙ "අපේ ගෙදර ගිනි තියයිද" බලන්න ඊයෙ ලයනල් වෙන්ඩ්ට් එකට ගියා. රාජිතගෙ කලින් වැඩක් විදිහට මම බලල තිබුණෙ "නැතුව බැරි මිනිහෙක්" විතරයි.

නැතුව බැරි මිහිහෙක් එකේ ස්ක්‍රිප්ට් එක කලින් කියවලා තිබ්බ නිසා සෑහෙන බෝරිං වුණා බලාගෙන ඉන්න එක. ස්ක්‍රිප්ට් එක කියවගෙන යනවා විතරයි. නළු නිළියන්ට මූඩ් එකකුත් නෑ. ඔහේ තැන් තැන්වල ඉඳගෙන දෙබස් කටපාඩමෙන් කියනවා. ඒ නාට්‍යය මට දැනුණෙ ස්ක්‍රිප්ට් එක තැන් තැන්වල ඉඳගෙන කියවලා අන්තිමට ගහන අත්පුඩියට ඇවිත් ඔළුව පාත් කරලා ගියා වගේ. ස්ක්‍රිප්ට් එකෙත් ඉතින් දේශපාලන කතා ඉස්මුරුත්තාවට එනව වගේ කෑලි තැන තැන හලලා තිබුණ මිසක හරි දේශපාලන හෝ සමාජීය විවේචනයක් අරගෙන එන්නවත් උත්සාහ කරල තිබුණෙ නෑ නාට්‍ය ඇතුළෙ.

නැතුව බැරි මිනිහෙක්

දෙබසක බර නොහඳුනන නළු නිළියෝ

රාජිත ගැන හැදිලා තිබුණු ඔය වගේ චිත්‍රයක් එක්ක තමයි මම "අපේ ගෙදර ගිනි තියයිද" බලන්න මම යන්නෙ. රාජිත කියන්නෙ මගහැරගත නොහැකි නාට්‍යකරුවෙක් කියලා කවුදෝ කියලා තියෙනව වගේ මට මතක නිසා "නැතුව බැරි මිනිහෙක්" මුද්‍රණ දෝශයක් කියලා හිතාගෙන මේක බලනව කියල මම හිතාගත්තා.

හැබැයි ඉතින් කියන්න වරදක් නෑ රාජිතගෙ මේ නාට්‍යය පටන් ගත්ත වෙලාවෙ ඉඳලා අර කලින් කිව්ව වගේම දෙබස් කියවගෙන කියවගෙන යන එක ගානට මිම්මට ඒ විදිහට කළා. දෙබස් මූලික නාට්‍ය ලෝකයේ නැති බව හෝ Readers' Theater ලෝකයේ පවතින්න ඕනෙ නෑ කියන එක නෙවෙයි මම අදහස් කරන්නෙ. සාමාන්‍යයෙන් දෙබසක් කියද්දි ඒකට නළු නිළියන් විසින් යම් බරක් එකතු කරනවා. ඒ දෙබස ගැන විශ්වාසයක් අපි තුළ දනවනවා. මියුසික්, ලයිට්ස්, පසුතල මුකුත් ම නැති වුණත් මනුෂ්‍ය සම්බන්ධතා, ඒ මිනිස්සුන්ගෙ ජීවිතවල ඇතුළාන්තය ඒ බරතැබීම එක්ක අපිට විවර වෙනවා.

 

කතාවේ ගලා යෑමට අදාළ නොවන සමාජ සංසිද්ධි

රාජිතගෙ නාට්‍යය ඇතුළෙ සංගීතය, රංගාලෝකය, පසුතල නිර්මාණ වගේ දේවල් ප්‍රධාන වෙන්නෙ නෑ. ඒ ප්‍රධාන නොවීමත් එක්ක නාට්‍යය ගෙනයෑමේ සම්පූර්ණ බර පැටවෙන්නෙ අර කියන නළු නිළියන්ගේ රංගනය සහ චරිතය වෙනුවෙන් කරන බර තැබීමට වගේම ස්ක්‍රිප්ට් එකට සහ ඒකෙ තියෙන චරිත ගොඩනැංවීමට.

රාජිතගේ නාට්‍යයේ ස්ක්‍රිප්ට් එක මට නම් සෑහෙන මදි. ඒ ස්ක්‍රිප්ට් එකේ තියෙන කතාවේ ගලා යෑමට අදාළ නැති: දාර්ශනික, LTTE එක, මහින්ද රාජපක්ෂ, දේශපාලනය වගේ දේවල් අතරින් පතර කිසිම සම්බන්ධයක් නැති උඩින් කතා පාත්වෙන දෙබස් වගේ ඔහේ පනිනවා. ඔය නාට්‍ය ඇතුළෙ දේශපාලනය කරන්න හරි රට හදන්න හරි උත්සාහ කරන්න කලින් අඩුම තමන්ගෙ අවංක ප්‍රකාශනයට තැනක් දෙන්න ඕනෙ. ඒක නොකර දේශපාලනිකව නිවැරදි වෙන්න ගියාම වෙන්නෙ ඒකෙ තියෙන ව්‍යාජය පොළා පනින එක.


ව්‍යාජය අමු අමුවේ ම

උදාහරණකට නාට්‍යයේ එක තැනක අරගෙන එනවා "LTTE එකට පයින් ගහලා පැන්නුවා. පස්සෙ ඒ LTTE එකට පයින් ගහපු මහින්ද රාජපක්ෂවත් පැන්නුවා" වගේ අර්ථයක් එන දෙබස් කොටසක්. මගේ ප්‍රශ්නය රාජිතට මේ දෙකම එකක් වගේ පේන්නෙ කොහොමද කියන එකයි. 

 

මහින්ද රාජපක්ෂ එළවපු එක කේන්ද්‍රීය දේශපාලන මොහොතක් කියලා පෙන්නන්න එතනින් පස්සෙ මිනිස්සුන්ගෙ අදහස්වල වෙනස්වීම හෝ එතනට පත්වෙන්න බලපෑ හේතු කියන දේවල් මේ වගේ කිසිම අදාළත්වයක් නැති මෙළෝ සංසාරෙක ගළපගන්න බැරි දෙබස් හරහා අරගෙන එන එකෙන් රාජිත උත්සාහ කරන්නෙ දේශපාලන විචාරකයෙකු වෙන්න නම් හෝ දේශපාලනිකව බයියෙක් නොවන බව පෙන්නා නිවැරදි වීම නම් ඒකෙ ව්‍යාජය අමු අමුවෙම ප්‍රේක්ෂකයට පේනව කියන එකයි මගේ අදහස නම්.

චරිතවල ගැඹුර නාට්‍යයේ කෝ...?

ස්ක්‍රිප්ට් එකේ චරිතවල සහසම්බන්ධතා ගොඩනගද්දි, අඹු - සැමි, යහළු මිත්‍ර සම්බන්ධකම්වල තියෙන Depth එක රාජිතට අහුවෙලා තිබුණෙ නෑ. ඒ කියන්නෙ යහළුවො දෙන්නක් අතර ඇතිවන සංවාදයක් වේවා අඹු සැමියන් අතර වන සංවාදයක් වේවා ඒවගෙ තියෙන ගැඹුර සහ ඒ සම්බන්ධතාවල තත්ත්වය සම්බන්ධයෙන් අපිට කියවාගන්න පුළුවන් වෙන්නෙ රචකයා චරිත ගොඩනගන විදිහ එක්ක. හැබැයි නාට්‍යය පුරාම අපිට දකින්න ලැබෙන කිසිඳු චරිතයක එහෙම එළැඹුමක් නෑ. ඒ චරිත අතර තියෙන සම්බන්ධතා ඉතා ම ළාමකයි.

 

උදාහරණයක් විදිහට දික්කසාද ගැහැනියක් සහ හිටපු පොලිස් නිලධාරියා අතර ඇතිවන සම්බන්ධය ගත්තොත්, ඇයි එයා ඒ වගේ සම්බන්ධයකට එළැඹෙන්නෙ? මොහොතකින් ඒ තත්ත්වයට පත්වෙන්න එයාට තිබුණ හේතුව මොකක්ද වගේ ප්‍රශ්නවලට එළැඹෙන්න තරම් ඒ චරිතවල ගැඹුර නාට්‍යයේ සටහන් වෙලා නෑ. ප්‍රධාන චරිත දෙකක් වන නිරෝෂිගේ සහ විජිත් ගේ අඹු සැමි සම්බන්ධය පවා ඒ විදිහෙ Odd සම්බන්ධ දෙකක් මිසක් ඒ දෙන්නා අතර තියෙන සම්බන්ධයේ ස්වරූපය හෝ බිඳවැටීම අපිට විශ්වාස කරන්න හේතු සාධක නාට්‍යය ඇතුළෙ නෑ.

චරිත සහ සිදුවීම් අතර විශ්වාසය කෝ...?

සාමාන්‍යයෙන් පතිරාජගෙ "පාරදිගේ" වගේ චිත්‍රපටියක මේ කියන Abstract චරිත සහ සිදුවීම් අපිට දැකගන්න පුළුවන්. හැබැයි චිත්‍රපටයේ කිසිඳු තැනක ඒ චරිත හෝ සිදුවීම් ඇතුළට එළඹෙන්න වචනෙකින්වත් උත්සාහ කරන්නෙත් නෑ. ඒ මුළු චිත්‍රපටය ම අපිට පේන්නෙ තුන්වන ඇසකින් මිසක් ඒ චරිත එක්ක බද්ධ වීමෙන් හෝ ඒවා තේරුම්ගැනීමට උත්සාහ කිරීමෙන් නෙවේ. ඒක චිත්‍රපටය ඇතුළෙ ම අපිට සන්නිවේදනය කරනවා "අපි හරියට එඬරු දඬු වගේ මුල් නෑ හැබැයි දළු දානවා" කියලා. 

 

හැබැයි මෙතන තත්ත්වය ඊට වඩා වෙනස්. මෙතනදි අපිට ඓන්ද්‍රීය ඉඟි සහ තොරතුරු ලබා දෙනවා මේ චරිතවල මුල් විහිදිලා තියෙනව කියලා. උදාහරණයක් විදිහට පළමු ජවනිකාවේ ම යහළුවන් අතර ඇතිවන සංවාදවල දි ඒ සම්බන්ධ සිදුවීම් ප්‍රේක්ෂකයාට අහන්න දකින්න ලැබෙනව. හැබැයි ඒ මුල් මොනව ද? ඒවා මොනතරම් දුරට විහිදිලා ද? කියන එක රාජිත කියන්න උත්සාහ කරන්නෙ නෑ. අපි රාජිත කියන හැමදේම විශ්වාස කරයි කියලා පූර්ව නිගමනයකට රාජිත පත්වෙලා ඉන්න නිසා එයාට ඒ චරිත සහ සිදුවීම් අතර තියෙන විශ්වාසය මගෑරෙනවා කියලයි මට හිතෙන්නෙ.

පෙළ පමණක් කියවීම නාට්‍යය ද...?

ඔය ස්ක්‍රිප්ට් එකේ දි හරියට නොලියැවුණු චරිතවලට නළු නිළියන් ඉතා ම දක්ෂ විදිහට පණ පොවලා ඒ චරිතය ගොඩදාන අවස්ථා තියෙනව. මේ වෙලාවෙ ප්‍රසිද්ධ උදාහරණයක් විදිහට "නෙළුම් කුළුණ" චිත්‍රපටයෙ ප්‍රියන්ත සිරිකුමාර පෙන්වන්න පුළුවන්. ඒ කියන්නෙ ඒ අවශ්‍ය ගැඹුර සහ හැඟීම දනවන්න නළු නිළියන්ට පුළුවන් සහ මෙහෙයවන්නා හෙවත් අධ්‍යක්ෂවරයාට ඒකට මැදිහත් වෙන්න පුළුවන්. හැබැයි "අපේ ගෙදර ගිනි තියයිද" නාට්‍යයේ නළු නිළියොවත්, අධ්‍යක්ෂවරයාවත් අර දෙබස්වලින් ගේන්න හදන දේ ප්‍රේක්ෂකයට දැනවෙන විදිහට රංගනයෙන් විශේෂයෙන් ම ආංගික, සාත්වික අභිනවලින් කියන්න පුළුවන් කියන දේ අමතක කරල ඔහේ ස්ක්‍රිප්ට් එකම කියව කියව හැඟීමක් නැතුව වේදිකාවේ එහෙ මෙහෙ ඇවිද්දා කියල සිතුවිල්ල විතරයි මට ඉතුරු වුණේ.

 

නළු නිළියන්ට සිද්ධ වෙන අසාධාරණය

මම මේ නාට්‍යයේ බලාපොරොත්තුවක් දල්වාගෙන ගියේ තරුෂ සහ ප්‍රදීප්ගේ රඟපෑම් සම්බන්ධයෙන්. තරුෂ කියන්නෙ දෙබස් මූලික නාට්‍යයක් වුණත් රඟපෑමෙන් ගොඩ දාන්න පුළුවන් කියන කාරණය මට තේරුණේ "Run for your wife" නාට්‍යය බලපු දවසෙ. ප්‍රේමයේ කවිනළුව වගේ ඩ්‍රාමා එකක ප්‍රදීප්ගේ Act එක සම්බන්ධයෙන් මට තිබුණ අත්දැකීමත් ප්‍රදීප් සම්බන්ධයෙන් බලාපොරොත්තු සහගතව ඉන්න බලපෑවා. ඒත් ඒ දෙන්නම මේ නාට්‍යයේ රඟපෑව විදිහ සහ පැතලි ස්වභාවය හොඳ මෙහෙයවන්නෙක් නොමැතිකමෙන් නළුවන්ට සිද්ධ වෙන අසාධාරණය සම්බන්ධයෙන් ඉතාම හොඳ නිදර්ශනයක් බවයි මට හිතෙන්නෙ.

වැඩි දෙයක් ඕනෙ නෑ ඔය මම කියපු කරුණු ටික සංසන්දනාත්මකව බලන්න පුළුවන් මේ දවස්වල වේදිකාගත වෙන ඉන්දික ෆර්ඩිනෑන්ඩෝගේ "රහසිගත ලිපිගොනු" බලනවා නම්. අඩු තරමෙ කුතුහලය අවසානය වෙනකන් ම අරගෙන යන්නෙ කොහොම ද කියලවත් ඒක බලලා රාජිතට ඉගෙනගන්න පුළුවන් කියලා මම විශ්වාස කරනවා. 

 

මනුෂ්‍ය සම්බන්ධතා, ඒවායේ කැත යථාව, ඒ සම්බන්ධතා චරිත ගොඩගැනීමත් එක්ක කොහොමද විශ්වාසීය තැනකට අරන් යන්නෙ කියන එක වගේ ම තමාගෙ පෞද්ගලික දේශපාලන සහ සමාජීය කියවීම ඉස්මුරුත්තාවෙ යවාගන්නෙ නැතුව ශානරීය ලක්ෂණ ඇතුළෙ ඉඳගෙන කොහොමද පෙන්නන්නෙ කියන කාරණය රහසිගත ලිපිගොනු පෙන්වලා දෙනවා. අඩු තරමෙ ඒක බලලා මේ නාට්‍යය බලනවා නම් "මේවා නාට්‍ය ද ?" කියලා හිතෙන එක අරුමයක් නෙවෙයි මට අනුව නම්.

 

තමන්ගෙ වැඩේ ගැන අවංක වෙන්න

දේශපාලනික නාට්‍ය කියල කියන්නෙ නාට්‍ය ඇතුළෙ දේශපාලනඥයෝ කරපු ඒවා කිය කිය ඒක නිසා අලුත් දේශපාලන බලවේගෙකට දෙන්න ඕනෙ වගේ කතාවලින් මතුපිට කිණ්ඩි දාලා ප්‍රේක්ෂකාගාරය චූන් කරන එක කියලා මම හිතන්නෙ නෑ.

ඒකට සජීවී උදාහරණයක් කිව්වොත් ඉතින් ආයෙමත් අරන් එන්න වෙන්නෙ රහසිගත ලිපිගොනු ම තමයි. ඒකෙ තියෙනව සමස්ත බල දේශපාලන ව්‍යුහය, ආගම, සංස්කෘතිය සහ ජීවිතය සම්බන්ධ විවේචනාත්මක කියවාගැනීමක්. ඒක මේ වගේ මතුපිටින් හලාගෙන යන "ජෝක් කිණ්ඩි" නෙවේ. ප්‍රේක්ෂකයා හිනස්සන්න අමුණගෙන යන ඒවත් නෙවේ. කැමති කෙනෙක්ට කියවාගන්නත් කැමති කෙනෙක්ට කියවා නොගන්නත් පුළුවන් විදිහට Sub - text එකක් විදිහට නාට්‍යය තුළින් අරන් එන්නක්. 

 

රාජිතලා මේ කරන්නෙ තමන් කියන්න හදන එක තේරෙන්නෙ නැති වෙයි කියලා මතුපිටින් කිණ්ඩියක් දාලා ඒක ප්‍රේක්ෂකයාට ඒ විදිහට බාරගන්න දමලා ගැහීමක්. තමන්ගෙ වැඩේ ගැන අවංක නැති ඕනෙ කෙනෙක්ට ඔය ප්‍රශ්නෙ එන්න පුළුවන් කියලයි මම හිතන්නෙ.

අන්තර්ගතයට නොගැළපෙන ගීත

රාජිත කියන්නෙ හොඳ නාට්‍යකරුවෙක් ද නැද්ද කියන ප්‍රශ්නයකට උත්තර මම දන්නෙ නෑ. හැබැයි මම බලපු නාට්‍ය දෙක අනුව නම් මට තේරෙන්නෙ රාජිතගේ නාට්‍ය Script reading එකකින් වෙනස් වෙන්නෙ සෙට් එකක් දාලා ලයිට් ටිකක් අමුණලා, අදාළ නැති මියුසික් කෑලි ටිකක් අමුණපු එකෙන් විතරයි කියලා.

(මේකෙ සින්දු දෙක තුනක් තියෙනව, ඒවගෙ Lyrics ඇහුවම හිතුණෙ චින්තන ධර්මදාස "ආයු" එකට ලිව්ව සින්දුවට චින්තාට මල් තියල කොන්ද නවල වඳින්න ඕනෙ කියල අඩු තරමෙ Context එක ගැලපෙන ඒක කියවගන්න පුළුවන් සින්දුවක් ලියපන්කො මේවට ලියද්දි.)

(උපුටා ගැනීම Jimuth Indusara Face book පිටුවෙන්)