#newstube

මේ දිනවල ලංකාවේ කතෝලික පල්ලිය මෙන් ම පන්සල ද අවි අමොරාගෙන විදි බැස උද්ඝෝෂණය කරන මාතෘකාවක් විදියට සමරිසිකත්වය නමැති මාතෘකාව හඳුන්වන්න පුළුවන්.

මැතිවරණ වලින් පැනලා යන්න ආණ්ඩුවට කිසිම උවමනාවක් නැති අතර ඉදිරියේ දී පළාත් සභා මැතිවරණය පවත්වන බව අග්‍රාමාත්‍ය ආචාර්ය හරිනි අමරසූරිය පාර්ලිමේන්තුවේදී කීවාය.

"අධ්‍යාපන ක්ෂේත්‍රයේ සියලු වෘත්තකයන්ගේ අයිතීන් රැක දෙන අධ්‍යාපන කවුන්සිලය පිහිටුවීමට අප වැඩ කටයුතු අරඹා තිබෙනවා.අධ්‍යාපනයේ අසමානතා අඩු කිරීමට අප විශාල වශයෙන් මැදිහත් වී තියෙනවා. උසස් අධ්‍යාපනයේ හිරවී තිබූ ව්‍යාපෘති විසි හයක් අවසන් කිරීම සඳහා මුදල් වෙන් කර තිබෙනවා.

වසර පහකින් පමණ රාජ්‍ය සේවයේ පුරප්පාඩු පුරවා තිබුණේ නැහැ. අප රට භාරගත්ත තැන සහ අද තිබෙන තැන ගැන විපක්ෂයේ උදවිය කියන කතා වලට වඩා ජනතාව කියන කතා ගැන ඇහුම්කන් දිය යුතුයි" යනුවෙන්ද අග්‍රාමාත්‍යවරිය සඳහන් කළාය.

යටත් විජිත පාලනයෙන් නිදහස ලබා ගැනීම සඳහා වූ ඉන්දියානු අරගලයේ වැදගත් චරිතයක් වූ ඇය ඉන්දියානු දේශපාලන ක්‍රියාකාරිනියක මෙන්ම කිවිඳියක ලෙසද ප්‍රකටය.

ඉන්දියාවේ කොල්කටා (Kolkata ) නගරය සහ තදාසාන්න පෙදෙස් වෙත දින  ෙදකක (23) සිට ඇද හැලෙන ධාරානිපාත වර්ෂාවෙන් සිදු වූ අනතුරු වලින් අවම වශයෙන්, පුද්ගලයින් 12 දෙනකු මිය ගොස් ඇතැයි වාර්තා වේ.

ගංවතුර තත්ත්වය හේතුවෙන් නගරයේ වීදි ජලයෙන් යටවී පවතින අතර, ගමනාගමනය ද ඇණ හිට තිබේ.

ඊයේ දිනයේ පමණක් ප්‍රදේශයට මි.මී.251.6 ක වර්ෂාපතනයක් ඇද හැලුණු බව කොල්කටා කාලගුණ දෙපාර්තමේන්තුව පවසයි. එය 1988න් පසු ඒ වෙත මෙතෙක් ලද වැඩිම වර්ෂාපතනය වේ.

වැඩි පිරිසක් මරණයට පත්ව ඇත්තේ විදුලි සැර වැදීමෙන් බව පොලිස් ආරංචි මාර්ග පවසයි.

බටහිර බෙංගාල ප්‍රාන්ත වැසියන් එහි විශාලතම වාර්ෂික සංස්කෘතික උළෙල වන දුර්ගා පූජාවට සැරසෙමින් සිටින අවස්ථාවක මෙම හදිසි තත්ත්වය උද්ගතව තිබේ. ඒ වෙනුවෙන් ඉදි කළ තොරණ, වෙනත් තාවකාලික ඉදි කිරීම් ඇතුළු සැරසිලි විනාශව පවතී.

උත්සවය පිණිස නගරය පුරා මැටියෙන් ඉදි කළ ප්‍රතිමා සහ දේව රූප සියල්ල ද විනාශ වී තිබේ.

ගංවතුර තත්ත්වයෙන් නගර වැසියන් දැඩි පීඩාවකට පත්ව සිටී.

පවතින අයහපත් කාළගුණික තත්ත්වය හේතුවෙන් බස් රථ, දුම්රිය සහ ගුවන් සේවා ඇතුළු ප්‍රවාහන සේවා සියල්ල අඩාලව තිබේ. නගරය සහ ඒ අවට පැය ගණනක විදුලි විසන්ධි වීම් පවතින බව ද වාර්තා වේ.

(සටහන | Reuters ඇසුරින්; හර්ෂ උදයකාන්ත පීරිස්)
(This email address is being protected from spambots. You need JavaScript enabled to view it.)
9/24/2025


මුලාශ්‍රය :

At least 12 dead as record rain floods India's Kolkata

ඉන්දියාවේ හිමාචල් ප්‍රදේශ් (Himachal Pradesh) කඳුකර ප්‍රාන්තයේ බස් රථයක් මතට ඊයේ (07), පස් කන්දක් කඩා වැටී සිදු වූ අනතුරකින්  15 දෙනකු ජීවිතක්ෂයට පත් ව ඇතැයි වාර්තා වේ.  

අනතුරින්, කුඩා දරුවන් දෙදෙනකු  තුවාළ  ලබා තවත්  දරුවකු අතුරුදන් ව ඇතැයි, ජාතික විපත් ප්‍රතිචාර බලකායේ  (NDRF) සහකාර අණදෙන නිලධාරී  කරම් සිඞ් (Karam Singh) මාධ්‍යයට පැවසීය.

මියගිය පිරිස අතර, පිරිමි පුද්ගලයින් 9  දෙනෙක්,  කාන්තාවන් සිව්  දෙනෙක් සහ කුඩා දරුවන් දෙදෙනක් වෙති.  

පස් කන්ද නාය යාමෙන් යටවූ බස් රථයේ සුන් බුන්වලට සිරවී  සිටි එහි ගමන් ගත මගීන් 18 දෙනකු සොයා මුදා ගැනීම් කණ්ඩායම් වහා මෙහෙයුම් දියත් කළහ. පසුගිය දින කිහිපය පුරා  ප්‍රදේශයේ පවතින අධික වර්ෂාපතනය හේතුවෙන් මෙම අනතුර සිදුව තිබේ.

ඉන්දීය හිමාල කලාපය වෙත  සතිය පුරා ඇදහැළෙන අධික වර්ෂාපතනයෙන් ප්‍රදේශයේ ජල ගැලීම් රැසක් ද හට ගෙන තිබේ.

එම අයහපත් කාලගුණික තත්ත්වයෙන්  සිදු වූ අනතුරු වලින්, බටහිර බෙන්ගාල ප්‍රාන්තයේ දාර්ජීලින් (Darjeeling) දිස්ත්‍රික්කයේ පමණක් පුද්ගලයින් 23 දෙනකු පමණ ජීවිතක්ෂයට පත්වී ඇතැයි, වාර්තා වේ. එම අනතුරුවලින් අසල්වැසි නේපාලයේ මියගිය  සංඛ්‍යාව 50ක් වන අතර මහාමාර්ග, නිවාස සහ දේපල රැසක් ද ජලයෙන් යටවී විනාශව  තිබේ.


(සටහන | Reuters ඇසුරින්; හර්ෂ උදයකාන්ත පීරිස්)
(This email address is being protected from spambots. You need JavaScript enabled to view it.)
10/8/2025



Death toll climbs to 15 after landslide hits bus in India's Himachal Pradesh

ඉන්දියාවේ පුද්ගලික බස් රථයක් හා යතුරු පැදියක් ගැටී සිදු වූ අනතුරකින් හටගත් ගින්නකින් පුද්ගලයින් 20 දෙනකුවත් ජීවිතක්ෂයට පත්ව ඇතැයි, එරට මාධ්‍ය වාර්තා කරයි.  

ඊශ්‍රායලයට සෙසු රටවල් ආක්‍රමණය කිරීමට කිසිදු අයිතියක් නොමැති බව ඉරාන ජනාධිපති මසූද් පෙෂෙස්කියන් පවසා තිබේ.

අසල්වැසි රාජ්‍යන්ගේ භූමි ප්‍රදේශ ද ඇතුළත් වන පරිදි ක්‍රියාත්මක කිරීමට නියමිත යැයි පැවසෙන ඊශ්‍රායල අගමැති බෙන්ජමින් නෙතන්යාහුගේ 'ග්‍රේට(ර්) ඊශ්‍රායල් ' හෙවත් ‍ශ්‍රේෂ්ඨ ඊශ්‍රායලය නම් සැලසුම හෙළා දකිමින් ඔහු මේ බව පවසා තිබෙන්නේ චීන මාධ්‍ය ආයතනයක් සමඟ සම්මුඛ සාකච්ඡාවකට එක්වෙමිනි.

අමෙරිකාව ඊශ්‍රායලයට සහාය දැක්වීම ද ඉරාන ජනපතිවරයාගේ විවේචනයට ලක්වූ අතර ඊශ්‍රායලයේ මෙම නීතිවිරෝධි, අසාධාරණ සහ අමානුෂික ක්‍රියා සම්බන්ධව සෙසු රටවල් නිහඬව සිටිය යුතු නැති බව ඔහු වැඩිදුරටත් පවසයි.

එමෙන්ම මැද පෙරදිග කලාපය තුළ ඊශ්‍රායලයේ ක්‍රියාකලාපය ද එහිදී ඔහුගේ දැඩි විවේචනයට ලක්ව තිබේ.

එක්සත් ජනපදය, ඉරාන ජාතිකයින් 100 දෙනකු පිටුවහල් කළ බව නිව් යෝර්ක් ටයිම්ස් (New York Times) පුවත්පත අද (30) නිවේදනය කළේය.

ඒ පිලිබඳ ඉරාන බලධාරීන් හා සිදු කළ සාකච්ඡාවකින් අනතුරුව එක්සත් ජනපදය විසින් එම පියවර ගෙන තිබේ.

විශේෂ ගුවන් යානයක් මගින් ඔවුන් ඊයේ (29) ලුසියානා (Louisiana) ගුවන් තොටුපොලින් පිටුවහල් කෙරිණි. කටාර් රාජ්‍යය හරහා ඔවුන් අද දින ඉරානය වෙත ලඟා වීමට නියමිතය.

එම ඉරාන ජාතිකයින්ගේ අනන්‍යතා සහ ඔවුන් එක්සත් ජනපදයට පැමිණීමට හේතු වූ නිශ්චිත කරුණු අනාවරණය කරගැනීමට අපහසු වීම හේතුවෙන් එම තීරණය ගෙන ඇතැයි වාර්තා වේ.

(සටහන | Reuters ඇසුරින්; හර්ෂ උදයකාන්ත පීරිස්)
(This email address is being protected from spambots. You need JavaScript enabled to view it.)
9/30/2025


US deports 100 Iranians after deal with Tehran, NYT says

ඉරාන ද්‍රව පෙට්‍රෝලියම් ගෑස් ශ්‍රී ලංකාවට නැව්ගත කිරීමට පහසුකම් සැලසූ සමාගම් දෙකක් ඇතුළු ඉරානයේ තෙල් හා ඛනිජ රසායනික වෙළෙඳාමට සම්බන්ධ පුද්ගලයන්, ආයතන සහ නැව් 50 කට ආසන්න ප්‍රමාණයක් ඉලක්ක කර ගනිමින් ඇමෙරිකානු රාජ්‍ය දෙපාර්තමේන්තුව පසුගියදා සම්බාධක පැනවූවේය.

ඇමෙරිකානු රාජ්‍ය දෙපාර්තමේන්තුව සම්බාධක පනවා ඇති සමාගම් දෙක වන්නේ ස්ලෝගල් එනර්ජි ඩීඑම්සීසී (Slogal Energy DMCC)
සහ මාර්කන් වයිට් ට්‍රේඩිං (Markan White Trading Crude Oil Abroad Co. L.L.C) යන සමාගම්ය.

එලෙස සම්බාධක පනවමින් ඇමෙරිකානු රාජ්‍ය දෙපාර්තමේන්තුව ප්‍රකාශ කර සිටියේ මෙම පාර්ශව ඉරානයට ඇමෙරිකානු ඩොලර් බිලියන ගණනක් උපයා දීමට වක්‍රාකාරයෙන් දායක වී තිබෙන බවත් ඉරාන තෙල් හා ඛනිජ රසායනික වෙළෙඳාම අඩපණ කිරීම සඳහා ඊට සම්බන්ධ පාර්ශ්වයන්ට සම්බාධක පනවන බවත්ය.

ඇමෙරිකානු රාජ්‍ය දෙපාර්තමේන්තුවට අනුව චීනයට සම්බන්ධකම් ඇති ස්ලෝගල් එනර්ජි ඩීඑම්සීසී සහ මාර්කන් වයිට් ට්‍රේඩිං යන සමාගම් ඉරාන ද්‍රව පෙට්‍රෝලියම් ගෑස් ශ්‍රී ලංකාවට සපයා ඇත.

එම සමාගම් දෙකට සම්බාධක පැනවීම මගින් මෙරට ආනයනකරුවන්ට සිය ඇණවුම් ලබාගැනීමේදී ප්‍රමාදයකට හෝ පිරිවැය ඉහළ යාමකට මුහුණදීමට සිදුවනු ඇති බවත් ඉන් සැපයුම්දාමයට බාධා එල්ල වනු ඇති බවත් ඇමෙරිකානු රාජ්‍ය දෙපාර්තමේන්තුව පෙන්වා දී තිබේ.

රාජ්‍ය දෙපර්තමේන්තු වාර්තාවට අනුව පසුගිය වසරේදී මාර්කන් වයිට් ට්‍රේඩිං සමාගම ස්ලෝගල් එනර්ජි ඩීඑම්සීසී හරහා ඩොලර් මිලියන ගණනක ඉරාන ද්‍රව පෙට්‍රෝලියම් ගෑස් මෙරට අලෙවි කිරීමට හා නැවුගත කිරීමට පහසුකම් සපයා ඇත.

පසුගිය වසරේදී සහ මෙම වසරේදී ශ්‍රී ලංකාව සහ බංග්ලාදේශය වෙනුවෙන් ස්ලෝගල් එනර්ජි සමාගම ඩොලර් මිලියන ගණනක ඉරාන ද්‍රව පෙට්‍රෝලියම් ගෑස් මිලදී ගෙන ඇති බවත් ඒවා ශ්‍රී ලංකාව සහ බංග්ලාදේශය වෙත ළඟාවී ඇති බවත් එම වාර්තාවේ දැක්වේ.

ස්ලෝගල් එනර්ජි ඩීඑම්සීසී සහ මාර්කන් වයිට් ට්‍රේඩිං වෙත ඇමෙරිකානු රාජ්‍ය දෙපාර්තමේන්තුව සම්බාධක පැනවූ සිවුවැනි අවස්ථාව මෙය වෙයි.


( විමුක්ති එස් රුද්‍රිගු - lankadeepa )

සංවිධානාත්මක අපරාධ කල්ලි සාමාජිකයෙකු බව පැවසෙන සංජීව කුමාර සමරරත්න හෙවත් 'ගණේමුල්ල සංජීව' ඝාතනයේ ප්‍රධාන සැකකාරියක වන ඉෂාරා සෙව්වන්දි ඇතුළු කණ්ඩායම මීට සුළු වේලාවකට පෙර දිවයිනට රැගෙන ආවේය.

ඇය ඇතුළු කණ්ඩායම ශ්‍රී ලන්කන් ගුවන් සේවයට අයත් UL 182 දරන යානයෙන් කත්මණ්ඩු නුවර සිට කටුනායක ගුවන්තොටුපොළ වෙත ළඟා වූහ.

ඒ අනුව ඉදිරි විමර්ශන කටයුතු සඳහා ඉෂාර කොළඹ අපරාධ කොට්ඨාසය වෙත භාරදීමට නියමිතය.

එමෙන්ම සෙසු සැකකරුවන් අපරාධ පරීක්ෂණ දෙපාර්තමේන්තුව, බස්නාහිර දකුණ අපරාධ කොට්ඨාසය ඇතුළු අපරාධ කොට්ඨාසයන් වෙත භාරදීමට නියමිතව ඇත.

• මට හිතුණ කවද හරි ඕලුගල සර් ඇවිත් මාව ඇරස්ට් කරයි කියලා - පාතාලයේ තවත් 5ක් සමග කොටුවුණු සංජීව ඝාතනයේ මහ මොළකාරිය කියයි

• පද්මෙගේ කල්ලියේ ‘ගම්පහ බබා’ ඕලුගලට ලක්ෂ 50ක කප්පමක් දී බේරී යෑමට හදලා

• සමාන රූපයක් ඇති ‘චාවකච්චේරියේ තක්ෂිගේ’ නමින් පාස්පෝට් හදාගෙන ඉෂාරා යුරෝපයට පනින්න ඉඳලා

• බෝට්ටුවකින් නේපාලයට ගෙන ගියේ ජේ.කේ. බායි

• ඒ එස් පී ඕලුගලගේ දින 3ක නේපාල ක්‍රියාන්විතයක්

“මට හිතුණ කවද හරි ඕලුගල සර් ඇවිත් මාව ඇරස්ට් කරයි කියලා. මාස 07ක් තිස්සේ නේපාලෙ හිරවෙලා ඉඳලා මට ඇතිවෙලා හිටියේ. මෙහෙම ඉන්නවට වැඩිය ලංකාවට යන එක සැපයි කියලා හිතුණා. ඒත් ලංකාවට ගියාම පොලිසියට අහුවෙන නිසා මෙහෙට වෙලා හිටියා” යැයි ඉෂාරා සෙව්වන්දි නමැති සැකකාරිය නේපාලයේදී අත්අඩංගුවට ගත් අවස්ථාවේ කියා සිටියාය.

ගණේමුල්ලේ සංජීව නමැති පාතාල නායකයා කොළඹ අලුත්කඩේ අධිකරණ සංකීර්ණයේදී වෙඩි තබා ඝාතනය කිරීමේ සැලසුමේ මහ මොළකාරිය ලෙස සැලකෙන ඉෂාරා සෙව්වන්දි නේපාලයේ බක්තපූර් දිස්ත්‍රික්කයේ තිබ්බස් පාර්ක් ප්‍රදේශයේ සුඛෝපභෝගී නිවසක සැඟවී සිටියදී පෙරේදා (13 වැනිදා) රාත්‍රියේ අත්අඩංගුවට ගන්නා ලදී.

මෙම සැකකාරිය සමග පාතාල සාමාජිකයන් ඇතුළු පුද්ගලයන් සිව්දෙනකු ද පොලිසිය අත්අඩංගුවට ගෙන තිබිණි.

ගම්පහ බබා - නුගේගොඩ බබී - ජැප්‍නා සුරේෂ්

පෑලියගොඩ අපරාධ කොට්ඨාසයේ අධ්‍යක්ෂ සහකාර පොලිස් අධිකාරි රොහාන් ඕලුගල සහ අපරාධ පරීක්ෂණ දෙපාර්තමේන්තුවේ පොලිස් පරීක්ෂක ගිහාන් ද සිල්වා මහත්වරුන් විසින් දින තුනක් තිස්සේ නේපාලයේ කළ වැටලීමකදී මෙම පාතාල කල්ලිය කොටුකර ගැනීමට හැකි විය.

නේපාල පොලිසිය සහ ජාත්‍යන්තර පොලිසියේ සහාය ඇතිව එහි නිලධාරීන් සමග ගිය රොහාන් ඕලුගල මහතා පෙරේදා
     රාත්‍රියේදී මෙම අපරාධකරුවන් අත්අඩංගුවට ගෙන තිබිණි

පෑලියගොඩ අපරාධ කොට්ඨාසයේ අධ්‍යක්ෂ සහකාර පොලිස් අධිකාරි රොහාන් ඕලුගල

පොලිස්පති ප්‍රියන්ත වීරසූරිය, අපරාධ පරීක්ෂණ දෙපාර්තමේන්තුවේ ජ්‍යෙෂ්ඨ නියෝජ්‍ය පොලිස්පති අසංක කරවිට මහත්වරුන්ගේ පූර්ණ අධීක්ෂණය යටතේ පෑලියගොඩ අපරාධ කොට්ඨාසයේ අධ්‍යක්ෂ සහකාර පොලිස් අධිකාරි රොහාන් ඕලුගල සහ පොලිස් පරීක්ෂක ගිහාන් ද සිල්වා මහත්වරුන් විසින් මෙම මෙහෙයුම ක්‍රියාත්මක කරනු ලැබුවේ ඉකුත් සෙනසුරාදා (11 වැනිදා) සිටය.

කෙහෙල්බද්දර පද්මේගෙන් ප්‍රශ්න කිරීමේදී ඉෂාරා සෙව්වන්දි සැඟවී සිටින ස්ථානය හඳුනාගැනීමට පොලිසිය සමත් වී ඇත. මෙම මෙහෙයුම රොහාන් ඕලුගල මහතාගේ මූලිකත්වයෙන් ආරම්භ කළේ ඉන් අනතුරුවය.

    පොලිස් පරීක්ෂක ගිහාන් ද සිල්වා

 නේපාල පොලිසිය සහ ජාත්‍යන්තර පොලිසිය දැනුවත් කිරීමෙන්   අනතුරුව මෙම මෙහෙයුම     සඳහා ඔවුන්ගේ සහාය ලබාගැනීමට  පොලිස්පති   ප්‍රියන්ත වීරසූරිය මහතා විසින් කටයුතු කර   තිබිණි.

 ඒ අනුව රොහාන් ඕලුගල සහ ගිහාන් ද සිල්වා මහත්වරුන් නේපාලයේ කත්මන්දු නගරය       වෙත ගොස් එරට පොලිසිය හමුවී මෙම මෙහෙයුම පිළිබඳව සාකච්ඡා කර ඇත.

 පසුව එරට පොලිසියේ ද සහාය ඇතිව මෙහෙයුම ආරම්භ කළ පොලිස් නිලධාරීන් ඉෂාරා   සෙව්වන්දි සහ සෙසු පාතාල අපරාධකරුවන් සැඟවී සිටින ස්ථාන නිවැරදිව හඳුනාගෙන   තිබේ.

 ඉෂාරා සෙව්වන්දි සැඟවී සිට ඇත්තේ කත්මන්දු නගරයේබක්තපූර් තිබ්බස් පාර්ක් ප්‍රදේශයේ සුපිරි නිවසකය. පැරණි නගරයක් වූ මෙම ප්‍රදේශයේ සුපිරි නිවාස ඉහළ මිල ගණනන් යටතේ කුලියට ලබාදී ඇත. 

රොහාන් ඕලුගල සහ පොලිස් පරීක්ෂක ගිහාන් ද සිල්වා නවාතැන් ගෙන ඇත්තේ ඉෂාරා සෙව්වන්දි සැඟවී සිටි සුපිරි නිවසට යාබද නිවසේය.

එම නිවසේ සිට සිය මෙහෙයුම ආරම්භ කළ රොහාන් ඕලුගල ඉෂාරා සෙව්වන්දිගේ සහායකයා ලෙස කටයුතු කළ කෙනඩි බස්තියන්පිල්ලේ හෙවත් ‘ජේ.කේ. බායි’ නැමැත්තා මුලින්ම අත්අඩංගුවට ගෙන ඇත.

ඉෂාරා සෙව්වන්දි ශ්‍රී ලංකාවේ සිට බෝට්ටුවක් මාර්ගයෙන් ඉන්දියාවට රැගෙන ගොස් පසුව එතැන් සිට නේපාලය දක්වා දුම්රියෙන් රැගෙන ගොස් ඇත්තේ ජේ.කේ. බායි නැමැත්තා විසින් බව පසුව හෙළිවිය.

ජේ.කේ. බායි අත්අඩංගුවට ගෙන ප්‍රශ්න කිරීමෙන් පසු ඉෂාරා සෙව්වන්දි සිටින ස්ථානය නිවැරදිව හඳුනාගත් රොහාන් ඕලුගල මහතා නේපාල පොලිසියේ ද සහාය ඇතිව ඇය අත්අඩංගුවට ගෙන ඇත.

            ‘ජේ.කේ. බායි’  
රොහාන් ඕලුගල මහතා දුටු සැණින් තුෂ්නිම්භූත වූ ඉෂාරා සෙව්වන්දි ‘ඕලුගල සර්!’ යැයි කියමින් දිගු හුස්මක් ගෙන පිටකර ඇත.

එහිදී “ආ… කෙල්ලෙ කොහොමද?” යනුවෙන් පැවසූ රොහාන් ඕලුගල මහතා නේපාල පොලිසියේ කාන්තා නිලධාරිනියකගේ සහාය ඇතිව ඇය අත්අඩංගුවට ගෙන තිබේ.

පසුව ඇයගෙන් ප්‍රශ්න කිරීමේදී කෙහෙල්බද්දර පද්මෙගේ මත්ද්‍රව්‍ය ජාලයට සහ පාතාල කල්ලියට සම්බන්ධ තවත් අපරාධකරුවන් දෙදෙනකු සහ කාන්තාවක පිළිබඳ තොරතුරු අනාවරණය කරගෙන ඇත.

එම අපරාධකරුවන් අත්අඩංගුවට ගැනීමේ මෙහෙයුම් ආරම්භ කර ඇත්තේ ඉන්පසුවය. නේපාලයේ කත්මන්දු නගරයේ වෙනත් ස්ථානයක සැඟවී සිටි අපරාධකරුවන් තිදෙනා අත්අඩංගුවට ගැනීමට පොලිස් නිලධාරීහු සමත් වූහ.

ඔවුන් අත්අඩංගුවට ගත් අවස්ථාවේ එහි සිටි කෙහෙල්බද්දර පද්මේ ගේ කල්ලියේ ප්‍රධානියකු වූ ගම්පහ බබා නමැති පාතාල ප්‍රබලයා රුපියල් ලක්ෂ 50ක අල්ලස් මුදලක් රොහාන් ඕලුගල මහතාට ලබාදී අත්අඩංගුවෙන් බේරී යෑමට උත්සාහ කළේය.

එහෙත් ඒ සියලු යෝජනා ප්‍රතික්ෂේප කළ රොහාන් ඕලුගල මහතා අපරාධකරුවන් තිදෙනා අත්අඩංගුවට ගෙන තිබිණි.

මෙහිදී අත්අඩංගුවට ගත් සැකකරුවන් අතර සිටි කාන්තාව චාවකච්චේරියේ පදිංචි තක්ෂි නැමැත්තිය බව හඳුනාගෙන ඇත. ඇය ඉෂාරා සෙව්වන්දිගේ රූපයට බෙහෙවින් සමාන රූපයක් හිමි කාන්තාවකි.

 ඩුප්ලිකේට් සෙව්වන්දි   

පසුව සැකකරුවන්ගෙන් ප්‍රශ්න කිරීමේදී හෙළි වී ඇත්තේ මෙම දෙමළ කාන්තාවගේ   ඡායාරූප  සහ දත්ත වාර්තා යොදාගෙන ව්‍යාජ විදේශ ගමන් බලපත්‍රයක් සක්ස්කර ඉෂාරා   සෙව්වන්දි ඇගේ නමින් යුරෝපයට පලා යෑමට සැලසුම්කර ගෙන සිටි බවයි.

 ජේ. කේ. බායි නමැති සැකකරු ඒ සඳහා සියලු සහාය ලබාදීමට ඉදිරිපත්ව සිට ඇත්තේ   කෙහෙල්බද්දර පද්මේගේ උපදෙස් මතය.

 කෙහෙල්බද්දර පද්මේ ඇතුළු පාතාල කල්ලිය ඉන්දුනිසියාවේදී අත්අඩංගුවට ගැනීමෙන් පසු   ඉෂාරා සෙව්වන්දිගේ සියලු සැලසුම් ව්‍යාර්ථ වූ බවද මේ වනවිට අනාවරණය වී ඇත.

 මෙහිදී ඉෂාරා සෙව්වන්දිගෙන් දීර්ඝ ලෙස ප්‍රශ්න කිරීමේදී හෙළිවී ඇති තොරතුරු අනුව   ගණේමුල්ලේ සංජීව ඝාතනය කිරීමෙන් පසු ඉෂරා සෙව්වන්දි දින කීපයක් තිස්සේ කොළඹ           අවට ප්‍රදේශ කීපයක කට්ටි පනිමින් සැඟවී සිට ඇත.

පසුව ඇය මතුගම ප්‍රදේශයටත් එතැන් සිට මිද්දෙණිය ප්‍රදේශයටත් ගොස් ආරක්ෂිත ස්ථානවල නවාතැන් ගෙන සිටියාය.

මිද්දෙණිය ප්‍රදේශයට පැමිණි අවස්ථාවේ ජේ. කේ. බායි නැමැත්තා ඇය සමග එක්වී ඇත.

සෙව්වන්දිට මිද්දෙණියේ සම්පත් මනම්පේරි ගේ සහාය ලැබුණේ ද ?

සෙව්වන්දිට මිද්දෙණියේ සැඟවී සිටීමට සම්පත් මනම්පේරි නමැති අපරාධකරුගේ සහාය ලැබුණේ ද යන්න සම්බන්ධයෙන් පොලිසියට සැකයක් මතු වී තිබේ.

පසුව ඉෂාරා සෙව්වන්දි රැගෙන යාපනයට පැමිණි ජේ. කේ. බායි නැමැත්තා බෝට්ටුවක් මාර්ගයෙන් ඇය ඉන්දියාවට රැගෙන යෑමට කටයුතු කර ඇත.

අපරාධකරුවන් නිත්‍යානුකූල නොවන මුහුදු මාර්ග ඔස්සේ වෙනත් රටවල්වලට රැගෙන ගොස් ඇරලවීමේ කාර්ය සිය රැකියාව ලෙස කරගෙන යන ජේ. කේ. බායි නමැත්තා සෙව්වන්දි රටින් පැන්නීම සඳහා ද රුපියල් ලක්ෂ ගණනක මුදලක් පද්මේගෙන් ලබාගෙන තිබේ.

ඉෂාරා සෙව්වන්දි ඉන්දියාවට රැගෙන ගිය ජේ. කේ. බායි සති දෙකකට ආසන්න කාලයක් එහි තබාගෙන පසුව දුම්රිය මාර්ගයෙන් නේපාලය වෙත රැගෙන ගොස් ඇත. දින 06ක දීර්ඝ දුම්රිය ගමනකින් පසුව ඉෂාරා සෙව්වන්දි නේපාල දේශ සීමා හරහා එරටට රැගෙන ගොස් ඇත්තේ තම සබඳතා පාවිච්චි කරගෙනය. පසුව කත්මන්දු නගරයේ නිවසක් කුලී පදනම මත ලබාගෙන ඉෂාරා සෙව්වන්දිට සැඟවී සිටීමට අවශ්‍ය පහසුකම් සලසා දී ඇත්තේ ජේ. කේ. බායි නමැති සැකකරු විසින් ය.

ඉකුත් පෙබරවාරි මස 19 වැනිදා පාතාල කල්ලි නායක ගණේමුල්ලේ සංජීව කොළඹ අලුත්කඩේ අධිකරණ සංකීර්ණය තුළදී වෙඩි තබා ඝාතනය කර තිබුණේ කෙහෙල්බද්දර පද්මේ ලබාදුන් නියෝගයක් මතය.ගනේමුල්ල සංජීව නමැති සංවිධානාත්මක අපරාධකරු ඉකුත් පෙබරවාරි මස 19 වැනිදා කොළඹ මහේස්ත්‍රාත් අධිකරණයේදී වෙඩි තබා ඝාතනය කෙරිණි

පද්මේගේ කල්ලියේ න්‍යායාචාර්යවරයා ලෙස කටයුතු කරන කොමාන්ඩෝ සලින්ත විසින් මෙම ප්‍රහාරය සැලසුම් කර තිබිණි. කොමාන්ඩෝ සලිඳු නමැති හිටපු කොමාන්ඩෝ සෙබළා විසින් ගණේමුල්ලේ සංජීව වෙඩි තබා ඝාතනය කර තිබුණේ නීතිඥවරයකුගේ වෙස් ගෙන අධිකරණ ශාලාවට පැමිණීමෙන් පසුවය.

මෙම ප්‍රහාරයේ මෙරට මෙහෙයුම් කාර්ය ලෙස කටයුතු කර තිබුණේ ඉෂාරා සෙව්වන්දීය. ඇය ද අධිකරණය වෙත පැමිණ සිටියේ නීතිඥවරියකගේ වෙස් ගෙනය.

සති කීපයක් තිස්සේ කොමාන්ඩෝ සලිඳු සමග එකට සිටි ඉෂාරා සෙව්වන්දි ගණේමුල්ලේ සංජීව ඝාතනයේ මෙරට මෙහෙයුම ක්‍රියාත්මක කළ බව පොලිස් විමර්ශනවලදී අනාවරණය විය.

සංජීව ඝාතනය කිරීමෙන් පසු කොමාන්ඩෝ සලිඳු ඉන්දියාවට පලා යෑමේ අරමුණෙන් මන්නාරම ප්‍රදේශයට වෑන් රථයක යමින් සිටියදී පුත්තලම පෑලවිය ප්‍රදේශයේ දී පොලිසියට කොටු විය.

එහෙත් ඉෂාරා සෙව්වන්දි අත්අඩංගුවට ගැනීමට පොලිසිය සමත්ව තිබුණේ නැත. ඉෂාරා සෙව්වන්දි බෝට්ටුවක නැඟී ඉන්දියාවට පලා ගිය බව සංජීව ඝාතනයෙන් දින 17කට පසු ‘දිවයින’ පුවත්පත මගින් හෙළිකර තිබිණි.

ඉෂාරා සෙව්වන්දි නමැති කාන්තාව අවස්ථා කීපයකදීම ගණේමුල්ලේ සංජීව ඝාතනය කිරීමට සැලසුම් කර තිබිණි. සංජීව අත්තනගල්ල සහ ගම්පහ අධිකරණ වෙත රැගෙන එන අවස්ථාවලදී ඔහු ඝාතනය කිරීමේ සැලසුම් සකස් කර තිබුණේ ද ඉෂාරා සෙව්වන්දි විසින් ය.

නේපාලයේදී අත්අඩංගුවට ගත් මෙම සැකකාරිය ඇතුළු පිරිස මේ වනවිට එරට පොලිසිය භාරයේ රඳවා සිටිති.

පොලිස්පති ප්‍රියන්ත වීරසූරිය, අපරාධ පරීක්ෂණ දෙපාර්තමේන්තුවේ ජ්‍යෙෂ්ඨ නියෝජ්‍ය පොලිස්පති අසංක කරවිට මහත්වරුන්ගේ උපදෙස් මත සහකාර පොලිස් අධිකාරි රොහාන් ඕලුගල, පොලිස් පරීක්ෂක ගිහාන් ද සිල්වා මහත්වරුන් විමර්ශන පැවැත්වූහ.

(හේමන්ත රන්දුණු – නෝමන් පලිහවඩන | Divaina) 

සංජීව කුමාර සමරරත්න නොහොත් ගණේමුල්ල සංජීව නැමැත්තාගේ ඝාතනයට සම්බන්ධ ඉෂාරා සෙව්වන්දි නැමති සැකකාරියට සැඟව සිටීමට ආධාර අනුබල දුන් සැකකරුවෙකු හා සැකකාරියක් කොළඹ අපරාධ කොට්ඨාසය විසින් අත්අඩංගුවට ගෙන තිබේ.

සැකකාරිය 2025.10.16 වන දින හා සැකකරු 2025.10.17 වන දින කොළඹ අපරාධ කොට්ඨාසයේ නිලධාරීන් කණ්ඩායමක් මගින් අත්අඩංගුවට ගෙන ඇත.

සැකකරු වයස අවුරුදු 31 ක් වන අතර සැකකාරිය වයස අවුරුදු 52 ක් වන වැලිපැන්න ප්‍රදේශයේ පදිංචිකරුවන් වේ. සැකකරු සැකකාරියගේ බෑණා වේ. කොළඹ අපරාධ කොට්ඨාසය මඟින් සැකකරු හා සැකකාරිය රැඳවුම් නියෝග මත රඳවාගෙන වැඩිදුර විමර්ශන සිදුකරනු ලබයි.

මෙම පුවතට අදාල වැඩිදුරටත් විස්තර :

ඉෂාරාගේ පාපොච්චාරණයෙන් පහක් අල්ලයි

ඊජිප්තුව හෙට (නොවැ. 01) සුවිසල් කෞතුකාගාරයක් විවෘත කරන්නේය. ගීසා පිරමීඩ පෙනෙන මානයේ, වර්ග කි.මී. 500,000 ක පරිශ්‍ර වපසරියක ඉදි කර ඇති එය,   ග්‍රෑන්ඩ් ඊජිප්තු කෞතුකාගාරය  (Grand Egyptian Museum) යනුවෙන් නම් කර  තිබේ.

කාලගුණ විද්‍යා දෙපාර්තමේන්තුව විසින් අවවාදාත්මක නිවේදනයක් නිකුත් කර තිබේ.

ඒ උණුසුම් කාලගුණ තත්ත්වය පිළිබඳවයි.

අද (15) ප.ව. 03.30ට නිකුත් කරන ලද එම නිවේදනය හෙට (16) දිනය දක්වා වලංගු වේ.

උතුරු, උතුරු-මැද, නැගෙනහිර සහ වයඹ පළාත්වලත් කොළඹ, ගම්පහ, හම්බන්තොට සහ මොනරාගල දිස්ත්‍රික්කවලත් “අවධානය යොමු කල යුතු” මට්ටමක උණුසුම් දර්ශකය පැවතිය හැකි බවද එහි සඳහන් වේ.

වර්තමාන ආණ්ඩුවේ අග්‍රාමාත්‍යවරිය වන හරිණි අමරසූරිය එකල අධ්‍යාපනය වෙනුවෙන් 06% ලබා දිය යුතු යැයි ඉල්ලමින් උද්ඝෝෂණය කළ ද ඔවුන්ගේ ආණ්ඩුව මෙවර අයවැයෙන් අධ්‍යාපනයට වෙන් කළ මුදලින් අඩක් කපා හැර ඇතැයි නාමල් රාජපක්ෂ පැවසී ය.

එක්සත් ජනපදය ගෝලීය ඖෂධ මිල පිලිබඳ විශේෂ විමර්ශනයක් ඇරඹීමට සැරසේ. එක්සත් ජනපද ඖෂධ වෙළඳ හවුල් කරුවන් විසින් ඖෂධ මිල තීරණය කෙරෙන ආකාරය එහිදී විමර්ශනයට ලක් කෙරේ. ඒ මත නව බදු පැනවීම එහි අපේක්ෂාවයි.

ශ්‍රී ලංකාවේ ප්‍රජාතන්ත්‍රවාදී බහු පක්ෂ ක්‍රමය ආරක්ෂා කිරීම සඳහා සියලු දේශපාලන පක්ෂ එක වේදිකාවකට ගෙන ඒම එක්සත් ජාතික පක්ෂයේ ස්ථාවරය යැයි එක්සත් ජාතික පක්ෂය නිවේදනයක් නිකුත් කරමින් පවසයි.

එක්සත් ජාතික පක්ෂය නිකුත් කළ නිවේදනය පහත පළවේ.

ශ්‍රී ලංකාවේ ප්‍රජාතන්ත්‍රවාදී බහු පක්ෂ ක්‍රමය ආරක්ෂා කිරීම සඳහා සියලු දේශපාලන පක්ෂ එක වේදිකාවකට ගෙන ඒම එක්සත් ජාතික පක්ෂයේ ස්ථාවරය ය. බහු පක්ෂ ක්‍රමය ආරක්ෂා කිරීමේදී දේශපාලන පක්ෂවල අනන්‍යතාවය සහ ප්‍රතිපත්ති රැකෙන ලෙස කටයුතු කිරීම වැදගත් වෙයි. මේ ස්ථාවරයට පැමිණෙන ලෙස සියලු පක්ෂ වලින් ඉල්ලා සිටිමු.

එලෙසම ඉහත පරමාර්ථය ඉෂ්ඨ කර ගැනීම සඳහා එක්සත් ජාතික පක්ෂය සහ සමගි ජනබලවේගය අතර පවතින දුරස්ථභාවය නැතිකරමින් එකමුතුව ක්‍රියාකිරීම වෙනුවෙන්ද අපි කැප වී සිටින්නෙමු.

විපක්ෂ නායක සජිත් ප්‍රේමදාස මහතාගේ ප්‍රධානත්වයෙන් විපක්ෂ නායක කාර්යාලයේ පැවැත්වෙන කමිටුවේ සාකච්ඡා සඳහා අපි සහභාගී වන්නෙමු. අනෙකුත් දේශපාලන පක්ෂ සමගද අප පක්ෂ සාකච්ඡා කළ යුතුව පවතී.

තවද අප පක්ෂ දෙක අතර සාකච්ඡා කිරීම සඳහා කමිටුවක් පත් කිරීමේ යෝජනාවට ද එකඟත්වය පළ කරන්නෙමු.

සමගි ජනබලවේගය මෑතකදී කළ ප්‍රකාශත්, එක්සත් ජාතික පක්ෂයේ මූලික අරමුණත් සලකා බලා ඉදිරි වැඩසටහන් සකස් කළ හැකිය.
 
 
2025 ඔක්තෝබර් 15

වර්තමානයේ පවතින සහ අනාගතයේදී එළැඹිය හැකි සියලු ව්‍යවස්ථාපිත ඒකාධිපතිවාදී ක්‍රියාකාරකම් පරාජය කිරීම වෙනුවෙන් එකට සිට ගැනීමට කටයුතු කරන බව එක්සත් ජාතික පක්ෂය නිවේදනයක් නිකුත් කරමින් පවසයි.

එම නිවේදනයේ මෙසේද සඳහන් වේ.

එක්සත් ජාතික පක්ෂයේ 79 වැනි සංවත්සර සැමරුම සාර්ථක කර ගැනීමට සහයෝගය දැක්වූ සියලුම පාර්ශව වෙත කෘතඥතාවය පළකර සිටීමට කැමැත්තෙමු. සැමරුම් උත්සවයට සහභාගී වූ මෙරට දේශපාලන පක්ෂ නායකයින්, ඔවුනගේ නියෝජිතයින්, බහුජන සංවිධාන ඇතුළු සියලු කණ්ඩායම්වලටද අපගේ ස්තූතිය පුද කෙරෙයි.

හැත්තෑ නව වැනි සැමරුමට සහභාගී වූ දේශපාලන පක්ෂ නායකයින්, ඔවුන්ගේ නියෝජිතයින් සහ අනිකුත් නායකයින් හැමදෙනෙකුම වාගේ අවධාරණය කළ කරුණ වූයේ පවතින අභියෝග හමුවේ එකට එකතු වී ක්‍රියා කිරීමේ වැදගත්කමය.

මෙරට බහු පක්ෂ දේශපාලන ක්‍රමය ආරක්ෂා කර ගැනීමේ වැදගත්කම සංවත්සර සැමරුමේදී අදහස් දැක්වූ නායකයෝ පෙන්වා දුන්හ. එක්සත් ජාතික පක්ෂයේ ස්ථාවරයද එයම වන්නේය.

එක්සත් ජාතික පක්ෂයේ 79 වැනි සැමරුමේදී එකඟතාවයට පැමිණි ආකාරයට වර්තමානයේ පවතින සහ අනාගතයේදී එළැඹිය හැකි සියලු ව්‍යවස්ථාපිත ඒකාධිපතිවාදී ක්‍රියාකාරකම් පරාජය කිරීම වෙනුවෙන් එකට සිට ගැනීමට කටයුතු කරමු. එජාප සංවත්සර සැමරුමේදී එළැඹි ඒ වැදගත් ස්ථාවරය වෙනුවෙන් සියල්ලන්ම කැපවෙමු.

 

එක්සත් ජාතික පක්ෂය සමග සහයෝගයෙන් වැඩ කිරීම සඳහා සමගි ජන බලවේගයේ කෘත්‍යාධිකාරී මණ්ඩලය එකග වූ බව එහි මහ ලේකම් රංජිත් මද්දුම බණ්ඩාර  පවසයි.

ඊයේ පැවති කෘත්‍යාධිකාරී මණ්ඩලය රැස්වීමෙන් පසුව මාධ්‍ය වෙත අදහස් දක්වමිනි ඔහු ඒ බව සදහන් කළේය.

එසේම විපක්ෂ නායක සජිත් ප්‍රේමදාස ද විශේෂ ප්‍රකාශයක් සිදු කරමින් සඳහන් කළේ සමගි ජන බලවේගය  කෘත්‍යාධිකාරී මණ්ඩල රැස්වීමේ දී සහ ඊට පෙර පැවැති කළමනාකරණ කමිටු රැස්වීම් දෙකකදී ඒකමතික තීන්දුවක් හරහා සමගි ජන බලවේගයේ නායකත්වයෙන් මූලිකත්වයෙන් සහ මෙහෙයවීමෙන් එක්සත් ජාතික පක්ෂය සමඟ පොදු වැඩපිළිවෙළකට ක්‍රියාමාර්ගයකට දේශපාලන වශයෙන් ප්‍රවේශ වීමට තීරණය කළ බවයි.

එක්සත් ජාතික පක්ෂයේ 79 වෙනි සංවත්සර සැමරුම පසුගිය සෙනසුරාදා ශ්‍රී ජයවර්ධනපුර මොනාක් ඉම්පීරියල් හෝටල් පරිශ්‍රයේ දී පැවැත්වුණි. වෙනත් වසරවල්වල මෙන් එම සංවත්සරය එක්සත් ජාතික පක්ෂයට පමණක් සීමා නොවී ශ්‍රී ලංකාවේ දැනට විපක්ෂයේ සිටින සියලු ම දේශපාලන පක්ෂ එකතු කරගෙන පැවැත්වීම විශේෂත්වයක් විය.

ප්‍රමුඛ දේශපාලන පක්ෂ 48ක නායකයින්

මෙහි දී ප්‍රධාන විපක්ෂය නියෝජනය කරන සමගි ජනබලවේගය ඇතුළු, ශ්‍රී ලංකා පොදුජන පෙරමුණ (පොහොට්ටුව), ශ්‍රී ලංකා නිදහස් පක්ෂය ප්‍රමුඛ දේශපාලන පක්ෂ 48ක නායකයින්, නියෝජිතයින් 100 කට අධික පිරිසක් සහ පාක්ෂිකයින්ගේ එකමුතුවෙන් පැවැති මෙම සමුළුවෙහි දේශන පැවැත්වීමට ද කටයුතු කර තිබුණේ විපක්ෂයේ අනෙක් දේශපාලන පක්ෂ නියෝජනය කර කථිකයින්ට ය.

එය සම්පූර්ණයෙන් ම එක්සත් ජාතික පක්ෂ නායක රනිල් වික්‍රමසිංහගේ යෝජනාවකට අනුව සිදුවීම ද කාගෙත් කතා බහට ලක්විය.

කෙසේ වෙතත් මෙවර සංවත්සර සැමරුම සියලු පක්ෂ එකමුතුවෙන් පැවැත්විය යුතු වන බවට යෝජනා වූ පසු මෙම පක්ෂ ඒකරාශී කරගැනීමේ වගකීම නායක රනිල් විසින් පවරන ලද්දේ වජිරට ය. ඒ මෙවැනි කර්තව්‍යයන් වජිර අකුරටම කරන බව නායක රනිල් දන්නා බැවිනි.

සංවත්සරයට පමණක් සීමා නොවූ එකමුතුවක්

කෙසේ වෙතත් රාජකාරිය පැවරු දින සිට ම ඒ සඳහා ක්‍රියාත්මක වූ වජිරගේ අවසන් ප්‍රතිඵලය මනාවට දිස් වූ බව පැමිණි සිටි දේශපාලනඥයින් වජිරගේ මූණට ම පවසා තිබුණි. ඊට අමතරව පැමිණි අනෙකුත් දේශපාලනඥයින් බොහෝමයක් වජිර ළඟට ම විත් වජිරට සුබ පතා තිබුණේ 'ඔබතුමා මේ කාර්යභාරය ඉතා හොඳින් මැනවින් සංවිධානය කර තිබණා' යැයි පවසමිනි.

ඒපමණක් නොව මෙම සැමරුම සඳහා මහා සංඝරත්නයට ද ආරාධනා කර තිබූ බැවින් වජිර ඊටත් පෙර සිට ම සූදානම් වූයේ උන්වහන්සේලාට අවශ්‍ය කරන දානමාන ආදියද නිසි පරිදි සංවිධානය කරමිනි. එම නිසාම කිසිඳු දෙයකින් අඩුපාඩුවක් නොවන ආකාරයෙන් හෝ කිසිම කෙනෙකුට වරදක් නොවෙන ආකාරයෙන් වජිර මෙම කර්තව්‍ය මැනවින් කර තිබු බව ද නායක රනිල් මෙම සංවත්සරයෙන් පසුව වජිරට පවසා තිබිණි.

 

කෙසේ නමුත් නායක රනිල්ගේ අදහස වූයේ ද මෙම එකමුතුව සංවත්සරයට පමණක් සීමා නොවී ඉදිරියටත් දේශපාලනිකව රටේ අභිවෘද්ධිය වෙනුවෙන් සහ වර්තමාන රජයේ ඒකාධිපති පාලනයට එරෙහිව ක්‍රියාත්මකවිය යුතු බවයි. එය ඔහුගේ කතාව අතරතුරදී ම පෙන්වා දී තිබිණි.

ජාජබ මන්ත්‍රීට වජිරගේ ගෞරවය

මේ අතර ජාතික ජනබලවේගයේ, කරන්දෙණිය ප්‍රාදේශීය සභාවේ සභාපති, අභාවප්‍රාප්ත මහිල් මුණසිංහගේ දේහයට අවසන් ගෞරව දැක්වීම සඳහා වජිර එක්වුණේ පසුගිය අඟහරුවාදා උදෑසනයි. කරන්දෙණියේ දේහය තැන්පත් කර ඇති නිවසට වජිර පැමිණියේ කරන්දෙණිය ආසන සංවිධායක නුවන් සොමිරත්න  සමග වන අතර දේහයට අවසන් ගෞරව දැක්වීමෙන් අනතුරුව වජිර මහීල්ගේ මව සහ බිරිඳ සමග ද කතාබහකට එක්විය. ඒ අවස්ථාවේ වජිර නායක රනිල්ගේ ශෝකයද ඒ මහතාගේ පවුලේ අය වෙත පළකර සිටියේ ය. පැය බාගයකට ආසන්න කාලයක් එම නිවසේ රැඳි සිටි වජිර ඉන් අනතුරුව ගාල්ල එක්ස්ත් ජාතික පක්ෂ කාර්යාලය වෙත පිටත්ව ගියේ තවත් වැඩකටයුත්තකට සහභාගී වීම සඳහා ය.

මේ අතර පසුගිය බ්‍රහස්පතින්දා උදෑසන ම වජිර මාතර බලා පිටත් වුණේ ශ්‍රී ලංකා කොමියුනිස්ට් පක්ෂයේ උප සභාපති සහ මාතර දිස්ත්‍රික් හිටපු පාර්ලිමේන්තු මන්ත්‍රී වීරසුමන වීරසිංහගේ මෑණියන් වූ අභාවප්‍රාප්ත කරුණාවතී හපුගොඩ ආරච්චි මහත්මියගේ දේහයට අවසන් ගෞරව දැක්වීම සඳහා ය. කොළඹ වැඩ රාජකාරී කටයුතු බොහෝමයක් තිබුණත් ඒ සඳහා සහභාගී වීම අනිවාර්ය බැවින් වජිර ඒ සියලු කටයුතු පසෙකින් තබා ඇයගේ දේහයට අවසන් ගෞරව දැක්වීමට එක්විය. දේහයට අවසන් ගෞරව දැක්වීමෙන් අනතුරුව වීරසිංහ  සමග සාකච්ඡාවකට එක් වූ අතර වජිර එහිදී තම නායක රනිල් වික්‍රමසිංහව දුරකථනය හරහා සම්බන්ධ කරගත් අතර නායක රනිල් ද ඒ අවස්ථාවේ දී සිය ශෝකය පළ කර සිටියේ ය.