#newstube

රාජ්‍ය අල්ලා ගැනීමේ වැඩපිළිවෙළක් පැළවත්තේ සැලසුම් කරන්නේ යැයි හිටපු අමාත්‍යවරයකු වන පාඨලී චම්පික රණවක පැවසි ය.

අද (15) පෙරවරුවේ ජනාධිපති අනුර කුමාර දිසානායකගේ  ප්‍රධානත්වයෙන් පිටකොටුව මධ්‍යම බස් නැවතුම්පොළේ නවීකරණ කටයුතු ආරම්භ කිරීමට නියමිතව ඇත.

ඒ සඳහා අපේක්ෂිත මුදල මිලියන 424ක් වේ.

වසර 60කට පසු පූර්ණ ප්‍රතිසංස්කරණයකට ලක් වෙන මෙය 1964 දී ඉදි කර ඇත.

මෙහි නවීකරණ කටයුතු ශ්‍රී ලංකා ගුවන් හමුදාව විසින් සිදු කරන අතර බස් නැවතුම්පොළට නව විවේකාගාර, තොරතුරු සන්නිවේදන ස්ථාන, ආරක්ෂක පද්ධති ඇතුළු අංග රැසක් ස්ථාපිත කිරීමට නියමිතව ඇත.

කෙහෙල්බද්දර පද්මේ ඇතුළු අපරාධකරුවන් සමග තමන් සම්බන්ධතා පැවත්වූ බවට සමාජ මාධ්‍යවල ප්‍රචාරය වෙන අපහාසාත්මක තොරතුරු සම්බන්ධයෙන් ප්‍රකාශයක් ලබාදීමට රංගන ශිල්පිනී ශ්‍රීමාලි ෆොන්සේකා ඊයේ (27 වැනිදා) අපරාධ පරීක්ෂණ දෙපාර්තමේන්තුවට පැමිණ සිටියාය.

ඔබම ඔබේ පියයුරු ආරක්ෂාව සලසාගන්න.
ස්වයං පියයුරු පරීක්ෂාව මේ විදිහට කරගන්න

ශ්‍රී ලාංකික නිරූපිකාවක් වන පියුමි හංසමාලි සතු සමාගමක් විසින් නිෂ්පාදනය කර අලෙවි කරන සුදු කිරීමේ ක්‍රීම් වල ආරක්ෂාව තහවුරු කර ගැනීම සඳහා කොළඹ අතිරේක මහේස්ත්‍රාත් අධිකරණය රජයේ රස පරීක්ෂකවරයෙකුට නියෝග කර ඇති බව මාධ්‍ය ආරංචි මාර්ග වාර්තා කරයි.

කොළඹ අතිරේක මහේස්ත්‍රාත් නුවන් කෞෂල්‍ය විසින් ඊයේ (15) නිකුත් කරන ලද නියෝගය අපරාධ පරීක්ෂණ දෙපාර්තමේන්තුවේ නීති විරෝධී වත්කම් සහ බුද්ධිමය දේපළ විමර්ශන අංශයට යවා ඇත. ක්‍රීම් මිනිස් භාවිතය සඳහා ආරක්ෂිතද යන්න තීරණය කිරීම සඳහා අධිකරණය විශ්ලේෂක වාර්තාවක් ඉල්ලා ඇත.

සෞඛ්‍ය ගැටළු සඳහා රූපලාවන්‍ය නිෂ්පාදන විමර්ශනය කරන දෙපාර්තමේන්තුවෙන්ම විධිමත් ඉල්ලීමක් අනුව මෙය සිදු කෙරේ.

වෙනම නමුත් අදාළ පරීක්ෂණයකදී, හංසමාලි ඇගේ ප්‍රකාශිත ආදායම ඉක්මවා ධනය උපයා ගත් බවට චෝදනා මධ්‍යයේ බලධාරීන් ඇගේ වත්කම් පරීක්ෂා කිරීම ආරම්භ කර ඇත. විමර්ශනවලදී,කලින් හිටපු ජනාධිපතිවරයෙකුට අයත් රුපියල් මිලියන 80 ක් වටිනා රේන්ජ් රෝවර් රථයක් - රුපියල් මිලියන 148 ක් වටිනා කොළඹ 7 නිවසක් සහ හංසමාලිට සම්බන්ධ බැංකු ගිණුම් 19 ක් ඇතුළුව ඉහළ වටිනාකමක් ඇති දේපළ කෙරෙහි අවධානය යොමු කරන බව වාර්තා වේ.

සිවිල් සමාජ ක්‍රියාකාරිකයෙකු වන සංජය විසින් කරන ලද පැමිණිල්ලකින් පසුව හංසමාලිගේ මූල්‍ය වත්කම් පිළිබඳ විමර්ශනය ආරම්භ කරන ලදී.

සටහන :
ජාන්වී මූලේ
බීබීසී මරාති



කාන්තා ක්‍රිකට් ක්‍රීඩාව මෑතකදී ආරම්භ වූ බවට බොහෝ දෙනෙකු තුළ වැරදි මතයක් පවතී. බොහෝ දෙනෙකු විශ්වාස කරන්නේ, කාන්තා ක්‍රිකට් ක්‍රීඩාව පිරිමි ක්‍රිකට් ක්‍රීඩාවට වඩා බොහෝ පසුපසින් සිටින බව ය.

එහෙත්, කාන්තාවන් 18 වන සියවසේදී පවා ක්‍රිකට් ක්‍රීඩා කර තිබේ.

පළමු කාන්තා ක්‍රිකට් තරගය 1745 ජූලි මාසයේදී එංගලන්තයේදී පැවැත්විණි. කෙසේ වෙතත්, පළමු නිල ජාත්‍යන්තර කාන්තා ක්‍රිකට් තරගය 1934 දී පවත්වා ඇත.
කාන්තා ක්‍රිකට් ක්‍රීඩාවේ වර්ධනය පිරිමි ක්‍රිකට් ක්‍රීඩාවට වඩා මදක් මන්දගාමීව සිදුව ඇතත්, ක්‍රිකට් ක්‍රීඩාවේ බොහෝ දේ කාන්තා ක්‍රිකට් ක්‍රීඩාවෙන් ආරම්භ වී තිබේ.

විශේෂයෙන් එක්දින ජාත්‍යන්තර තරගවලදී, කාන්තාවන් පිරිමි ක්‍රීඩකයින්ට පෙර වාර්තා රාශියක් පිහිටුවීමට සමත් වී තිබේ.

ඒ අතරින් ප්‍රමුඛ පෙළේ වාර්තා 10ක් පහත දැක්වේ.


1. එක්දින ක්‍රිකට් තරගයක පළමු ද්විත්ව ශතකය

එක්දින ක්‍රිකට් පිටියේ ද්විත්ව ශතක සම්බන්ධයෙන් ගත් කල, බොහෝ දෙනෙක් සචින් තෙන්ඩුල්කාර්, ග්ලෙන් මැක්ස්වෙල්, විරේන්ද්‍ර සෙවාග්, රෝහිත් ෂර්මා යන පිතිකරුවන් ගැන කතා කරති.

එහෙත්, එක්දින තරගයකදී රැස් කළ පළමු ද්විත්ව ශතකය සඳහා වන වාර්තාව ඔස්ට්‍රේලියාවේ බෙලින්ඩා ක්ලාක්ගේ නමින් ලියවී ඇති බව ඔබ දන්නවා ද?


ඔස්ට්‍රේලියාවේ බෙලින්ඩා ක්ලාක් ජාත්‍යන්තර එක්දින තරගයක පළමු ද්විත්ව ශතකය රැස් කළා ය

සචින් තෙන්ඩුල්කාර් 2010 වසරේදී ද්විත්ව ශතකයක් රැස් කළ අතර, ඔහු එම දක්ෂතාව දැක්වීමට වසර 13කට පෙර එනම් 1997දී ඔස්ට්‍රේලියාවේ බෙලින්ඩා ක්ලාක් ජාත්‍යන්තර තරගයකදී ද්විත්ව ශතකයක් රැස් කර තිබිණි.

1997 කාන්තා ලෝක කුසලාන තරගාවලියේදී, බෙලින්ඩා ක්ලාක් දෙසැම්බර් 16 වන දින ඩෙන්මාර්කයට එරෙහිව පන්දු 155කදී ලකුණු 229ක් රැස් කළ අතර, එයට හතරේ පහර 22ක් ඇතුළත් විය. තරගය මුම්බායිහි MIG ක්‍රීඩාංගණයේදී පැවැත්විණි.


2. එක්දින තරගකය ලකුණු 400 සීමාව ඉක්මවා යාම


1997 වසරේදී ඩෙන්මාර්කයට එරෙහිව පැවති තරගයේදී, බෙලින්ඩා ක්ලාක්ගේ ද්විත්ව ශතකයේ ආධාරයෙන්, ඔස්ට්‍රේලියානු කාන්තා කණ්ඩායම පන්දු වාර 50කදී කඩුලු තුනකට ලකුණු 412ක් ලබා ගනිමින් වාර්තාවක් පිහිටුවීමට සමත් විය.

එම කණ්ඩායම පිරිමි හෝ කාන්තා එක්දින ජාත්‍යන්තර ක්‍රිකට් තරගයක ලකුණු 400 ඉක්මවා ගිය පළමු කණ්ඩායම බවට පත්විය.


 ඔස්ට්‍රේලියානු කාන්තා කණ්ඩායම නියමිත පන්දු වාර 50 අවසානයේ කඩුලු 3කට ලකුණු 412 ක් රැස් කර තිබිණි


පිරිමි කණ්ඩායමක් මෙම වාර්තාවට ළඟා වූයේ, ඉන් වසර නවයකට පසුව ය. එනම් 2006 වසරේදී ජොහැන්නස්බර්ග්හි පැවති එක්දින ජාත්‍යන්තර තරගයකදී ඔස්ට්‍රේලියා සහ දකුණු අප්‍රිකා පිරිමි කණ්ඩායම් ලකුණු 400 ඉක්මවා ගිය අවස්ථාවේදී ය.

එහිදී, පළමුවෙන් පන්දුවට පහර දුන් ඔස්ට්‍රේලියා කණ්ඩායම කඩුලු 4ක් දැවී ලකුණු 434ක් රැස් කළ අතර, දකුණු අප්‍රිකා කණ්ඩායම ඊට පිළිතුරු වශයෙන් කඩුලු 9ක් දැවී ලකුණු 438ක් රැස් කරමින් තරගයේ ජය වාර්තා කළේ ය.


3. එක්දින තරගයකදී කඩුලු 5ක් දවා ගැනීම

එක්දින ක්‍රිකට් තරගයකදී පළමු වරට කඩුලු 5ක් දවා ගැනීමේ වාර්තාව ද කාන්තාවකගේ නමින් පවතී.

1973 කාන්තා ලෝක කුසලාන තරගාවලියේදී, ඔස්ට්‍රේලියාවේ ටීනා මැක්පර්සන්, එංගලන්ත කාන්තා කණ්ඩායමට එරෙහිව පන්දු වාර 12කදී ලකුණු 14ක් පමණක් ලබා දෙමින් කඩුලු 5ක් දවා ගත්තා ය.

ටීනාගේ වාර්තාවෙන් වසර දෙකකට පසු, ඔස්ට්‍රේලියාවේ ඩෙනිස් ලිලී 1975 වසරේදී පිරිමි ක්‍රිකට් ලෝක කුසලාන තරගාවලියේදී මෙම දක්ෂතාව දැක්වීය.



 19 වන සියවසේදී පවා එංගලන්තයේ කාන්තාවෝ ක්‍රිකට් ක්‍රීඩා කළහ



4. එක්දින තරගයකදී කඩුලු රකින්නෙකු දවා ගැනීම් 6කට දායක වීම


පිරිමි එක්දින ක්‍රිකට් ක්‍රීඩාවේ එක් තරගයකදී කඩුලු රකින්නෙකු විසින් දවාගැනීම් 6ක් සිදුකිරීමේ වාර්තාව 2000 දී ඔස්ට්‍රේලියාවේ ඇඩම් ගිල්ක්‍රිස්ට් විසින් පිහිටුවන ලදී. ගිල්ක්‍රිස්ට් පිතිකරුවන් හය දෙනෙකු ස්ටම්ප් කිරීමෙන් හෝ උඩ පන්දු රැක ගැනීමෙන් දවා ගත්තේ ය.

කෙසේ වෙතත්, ඊට වසර 7කට පෙර, කාන්තා කඩුලු රකින්නියන් දෙදෙනෙකු මෙම දස්කම දක්වා තිබිණි: ඒ, ඉන්දියාවේ කල්පනා වෙන්කටාචාර් සහ නවසීලන්තයේ සාරා ඉලිංවර්ත් යන දෙදෙනා ය.

ඔවුන් දෙදෙනා කඩුලු රකින්නන් ලෙස හය දෙනෙකු දවා ගැනීමේ වාර්තාව පිහිටුවා තිබිණි.

කල්පනා, ඩෙන්මාර්කයට එරෙහිව ස්ටම්ප් කිරීම් 5ක් සහ එක් උඩපන්දුවක් රැක ගත් අතර, සාරා ඔස්ට්‍රේලියාවට එරෙහිව උඩපන්දු 4ක් සහ ස්ටම්ප් කිරීම් 2ක් වාර්තා කර තිබිණි.


5. ටෙස්ට් තරගයකදී ශතකයක් සහ කඩුලු දහයක්

ඉයන් බොතම් සහ ඇලන් ඩේවිඩ්සන් ටෙස්ට් තරගයකදී ශතකයක් ලබා ගැනීම සහ කඩුලු දහයක් ලබා ගැනීම සම්බන්ධයෙන් ප්‍රසිද්ධියක් උසුලන නමුත් ඔස්ට්‍රේලියාවේ බෙටී විල්සන් 1958 දී මුලින් ම මෙම වාර්තාව පිහිටුවීය.



එංගලන්තයට එරෙහිව පැවති ටෙස්ට් තරගයකදී බෙටී විල්සන් කඩුලු 11ක් දවා ගත්තා ය.



මෙල්බර්න්හි පැවති ටෙස්ට් තරගයේදී එංගලන්තයට එරෙහිව ක්‍රීඩා කරමින්, ඇය පළමු ඉනිමේදී කඩුලු 7ක් සහ දෙවන ඉනිමේදී කඩුලු 4ක් දවා ගත් අතර ශතකයක් ද ලබා ගත්තේ ය.


6. ලකුණු සම තත්ත්වයෙන් අවසන් වූ පළමු එක්දින තරගය

එක්දින ක්‍රිකට් ක්‍රීඩා ඉතිහාසයේ ලකුණු සම තත්ත්වයෙන් අවසන් වූයේ, කාන්තා ක්‍රිකට් තරගයකි.

මෙම තරගය 1982 දී එංගලන්තය සහ නවසීලන්තය අතර පැවති අතර එහිදී කණ්ඩායම් දෙක ම ලකුණු 147ක් රැස් කළහ.



7. ළාබාලතම ජාත්‍යන්තර ක්‍රිකට් ක්‍රීඩකයා/ක්‍රීඩිකාව

සචින් තෙන්ඩුල්කාර් සහ හසන් රාසා බොහෝවිට ජාත්‍යන්තර ක්‍රිකට් පිටියට පිවිසි ළාබාලතම ක්‍රීඩකයින් ලෙස හඳුන්වයි.

නමුත්, මෙම වාර්තාව පකිස්ථානයේ සජිඩා ෂාගේ නමින් ඇති අතර, ඇය 2000 වසරේදී ජාත්‍යන්තර ක්‍රිකට් පිටියට පිවිසියේ, වයස අවුරුදු 13දී ය.



 සජිඩා ෂා



මේ අතර, ජාත්‍යන්තර ක්‍රිකට් ක්‍රීඩාවේ සියලු ම ආකෘතිවලට ක්‍රීඩා කළ ළාබාලතම ක්‍රිකට් ක්‍රීඩිකාව ලෙස ෂෆාලි වර්මා වාර්තාව තබා ඇත.



8. පළමු ලෝක කුසලානය සහ පළමු T20 තරගය


1975 වසරේදී පළමු පිරිමි ක්‍රිකට් ලෝක කුසලානයට වසර දෙකකට පෙර, 1973 වසරේදී පළමු කාන්තා ක්‍රිකට් ලෝක කුසලානය පැවැත්විණි.


පළමු කාන්තා ක්‍රිකට් ලෝක කුසලානය අතරතුර පුහුණුවීම් කරන ක්‍රීඩිකාවක්

ලොව ප්‍රථම ජාත්‍යන්තර T20 ක්‍රිකට් තරගය ද පැවැත්වුණේ කාන්තා කණ්ඩායම් දෙකක් අතර ය. මෙම තරගය 2004 අගෝස්තු 5 වන දින එංගලන්තය සහ නවසීලන්තය අතර පැවැත්විණි.

පිරිමි T20 ජාත්‍යන්තර තරග ආරම්භ වූයේ, 2005 පෙබරවාරි මාසයේදී ය.



9. රෝස පැහැති පන්දුව භාවිත කිරීම

ටෙස්ට් ක්‍රිකට් ක්‍රීඩාව කෙරෙහි ඇති උනන්දුව වැඩි කිරීම සඳහා දිවා-රාත්‍රී ටෙස්ට් තරගවලදී රෝස පැහැති පන්දුව භාවිත කිරීම ආරම්භ කරන ලදී.

කෙසේ වෙතත්, පළමු රෝස පැහැති පන්දුවකින් ක්‍රිකට් තරගයක් ක්‍රීඩා කරන ලද්දේ, පිරිමි ක්‍රීඩකයින් නොව කාන්තා ක්‍රීඩිකාවන් ය.


එංගලන්ත ක්‍රීඩිකා කැත්රින් බ්‍රන්ට්


2008 වසරේදී, ක්වීන්ස්ලන්ඩ් සහ බටහිර ඔස්ට්‍රේලියානු කාන්තා කණ්ඩායම් අතර පැවති T20 ප්‍රදර්ශන තරගයකදී රෝස පැහැති පන්දුවක් පළමු වරට භාවිත කරන ලදී.

2009 දී එංගලන්තය සහ ඔස්ට්‍රේලියාව යන කාන්තා කණ්ඩායම් අතර පැවති තරගයේදී රෝස පැහැති පන්දුව ජාත්‍යන්තරව භාවිත කරන ලදී.

පිරිමි ක්‍රිකට් තරගයකදී පළමු වරට රෝස පැහැති පන්දුව භාවිත කරන ලද්දේ, 2015 වසරේදී ඔස්ට්‍රේලියාව සහ නවසීලන්තය අතර ඇඩිලේඩ්හි පැවති ටෙස්ට් තරගයේදී ය.


10. උරහිසට ඉහළින් පන්දු යොමු කිරීම

උඩින් පන්දු යැවීමේ ක්‍රමය හඳුන්වා දීම සම්බන්ධයෙන් පවා කාන්තාවකට ගෞරවය හිමි වේ. ඇය 19 වන සියවසේ ක්‍රිකට් ක්‍රීඩිකාවක වූ ක්‍රිස්ටියානා විල්ස් ය.

1805 දී, ඇය තම සාය නිසා පන්දු යැවීමේදී ඇති වූ අපහසුතා වළක්වා ගැනීම සඳහා අත උඩින් පන්දු යැවීම ආරම්භ කළ අතර, එය නූතන පන්දු යැවීමේ විලාසයේ වර්ධනයට හේතු විය.

නූතන ක්‍රිකට් ක්‍රීඩාවේ ආරම්භය ලෙස සැලකෙන්නේ, අත් දෙකට ඉහළින් පන්දු යැවීමේ යුගය යි.


(උපුටා ගැනීම - බිබීසී සිංහල )

පිලිපීනයට බලපෑ භූ කම්පනයෙන් මියගිය ගණන 69ක් දක්වා ඉහළ ගොස් ඇති බව එරට බලධාරීන් තහවුරු කර ඇත.

මධ්‍යම පිලිපීනයේ සෙබු නගරයේ වෙරළට ආසන්නයෙන් එරට වේලාවෙන් ඊයේ (30) රාත්‍රී 10ට පමණ මෙය ඇති වූ අතර, එය රික්ටර් මාපකයේ 6.9ක් ලෙස සටහන් විය.

භූ කම්පනය ඇතිවීමෙන් පසු සෙබු නගරයේ විදුලිය ඇනහිටීම් සිදු වූ අතර, ගොඩනැගිලි රැසකටද දැඩි හානි සිදුවිය.

මේ වනවිට තැන් තැන්වල මාර්ග ඉරිතලා ඇති අතර, පාලම් සහ මාර්ගවලටද දැඩි අලාභහානි සිදුව ඇත.

එරට බලධාරීන් විදුලිය යථා තත්ත්වයට පත් කිරීම් මෙන්ම සුන්බුන් අතර සිරවී සිටින පුද්ගලයන් බේරාගැනීමේ කටයුතු තවමත් සිදුකරමින් සිටී.

භූ කම්පනයේ බලපෑම් එල්ල වූ සෙබු නගරය තුළ මිලියනයකට ආසන්න ජනගහනයක් ජීවත්වන බව සඳහන්.

පිලිපීනය භූ කම්පන මෙන්ම ස්වාභාවික විපත්වලට නිරන්තරයෙන් ගොදුරුවන රටක් වන අතර, වසරේ විවිධ කාලවලදී ඒ සඳහා එරට ජනතාවට මුහුණදීමට සිදුවේ.

අවසන්වරට 2023 එරට මින්ඩනාඕ හි නැගෙනහිර වෙරළ තීරයට රිච්ටර් මාපකයේ 7.6ක භූමිකම්පාවක් ඇති වූ අතර, ඉන් ගැබිනි කාන්තාවක් ඇතුළුව තිදෙනෙක් ජීවිතක්ෂයට පත්විය.

2022 වසරේ වයඹදිග ලුසොන් හි කිලෝමීටර් 15ක් අභ්‍යන්තරයෙන් රිච්ටර් මාපකයේ 7.0 ක භූමිකම්පාවක් ඇති වූ අතර, එමගින්ද පුද්ගලයින් 11කට දිවි අහිමිවිය.

2019 වසරේ මින්ඩනාඕ රිච්ටර් මාපකයේ 6.5ක භූමිකම්පාවක් ඇති වූ අතර, එවර 13 දෙනෙකු ජීවිතක්ෂයට පත්විය.

2013 වසරේ බොහොල් දූපත අසල රිච්ටර් මාපකයේ 7.2ක භූමිකම්පාවක් ඇති වූ අතර, එවර 200කට වැඩි පිරිසක් මියගොස් 1,000කට ආසන්න පිරිසක් තුවාල ලැබූහ.

පිලිපීනය මෑත ඉතිහාසයේ බිහිසුණුම භූමිකම්පාවට 1976 වරේ දී මුහුණ දී ඇති අතර, මොරෝ ගල්ෆ් හි සිදුව ඇති රික්ටර් මාපකයේ 8.0ක ප්‍රබලත්වයෙන් යුත් භූමිකම්පාවකින් අවම වශයෙන් පුද්ගලයින් 5,000ක් ජීවිතක්ෂයට පත්ව ඇත.


මුලාශ්‍රය :

State of calamity in Philippines province as earthquake kills 69



Powerful Philippines earthquake leaves at least 69 people dead

පිලිපීනයේ දේශපාලනඥයින්, රාජ්‍ය නිලධාරීන් සහ ව්‍යාපාරිකයින් සම්බන්ධ වූ මහා පරිමාණ දූෂණ වංචාවකට එරෙහිව දහස් සංඛ්‍යාත ජනතාවක් අද (21) මැනිලා අගනුවර කේන්ද්‍ර කරගනිමින් දැවැන්ත උද්ඝෝෂණ ව්‍යාපාරයක නිරතව සිටිති.

විශේෂයෙන්ම ගංවතුර පාලන ව්‍යාපෘතිවලට අදාළව විශාල කොමිස් මුදල් දේශපාලකයින් සහ ඔවුන්ගේ හිතවතුන් සාක්කුවේ දමාගෙන ඇති මහජනතාව චෝදනා එල්ල කරති. මේ අනුව එරට මහජන අරමුදල් අවභාවිත කිරීම සම්බන්ධයෙන් පුළුල් ජනතා විරෝධයක් නිර්මාණය වී තිබේ.

මෙම විරෝධතාවල ප්‍රධාන අරමුණ වී ඇත්තේ වංචාවට සම්බන්ධ වූවන් වගවීමකට ලක්කර ඔවුන්ට එරෙහිව නීතිය ක්‍රියාත්මක කරන ලෙස රජයට බල කිරීමයි. ආපදා අවදානම ඉහළ ප්‍රජාවන්ට වෙන්කළ අරමුදල් දූෂිත ක්‍රියා හේතුවෙන් අහිමි වීම පිළිබඳව උද්ඝෝෂකයෝ සිය බලවත් විරෝධය පළ කරති. මැනිලා නුවර රිසාල් උද්‍යානය එඩ්සා හි පිහිටි ජනතා බල ස්මාරකය උද්ඝෝෂණවල ප්‍රධාන මධ්‍යස්ථාන බවට පත්ව ඇති අතර රට පුරා අනෙකුත් නගරවලද විරෝධතා ක්‍රියාත්මක වේ.

ඕනෑම ප්‍රචණ්ඩකාරී තත්වයක් වැළැක්වීම සඳහා පොලිසිය සහ හමුදාව සීරුවෙන් තබා ඇති බව විදෙස් මාධ්‍ය වාර්තා කරයි.

උද්ඝෝෂණ පැවැත්වෙන ප්‍රදේශ මගහරින ලෙස එක්සත් ජනපදය සහ ඕස්ට්‍රේලියාව සිය පුරවැසියන් සඳහා සංචාරක අවවාද නිකුත් කර තිබේ.

මෙම විරෝධතා දිනය, මීට වසර 53කට පෙර පිලිපීනයේ යුද නීතිය ප්‍රකාශයට පත්කළ දිනයට යෙදී තිබීමද සුවිශේෂී වන අතර එමගින් යුක්තිය සහ පාලනයේ විනිවිදභාවය සඳහා වන ඉල්ලීමට ඓතිහාසික සංකේතයක් එක්කර ඇත.

වංචාවට හවුල් වූ සියලු දෙනාට එරෙහිව නඩු පවරා දඬුවම් ලබා දිය යුතු බවත් අනාගතයේ මෙවැනි මහා පරිමාණ වංචා වැළැක්වීම සඳහා ශක්තිමත් දූෂණ විරෝධී ප්‍රතිසංස්කරණ හඳුන්වා දිය යුතු බවත් විරෝධතාකරුවන්ගේ මූලික ඉල්ලීම් අතර වේ.

ආපදා සහන සහ යටිතල පහසුකම් සඳහා වෙන් කෙරෙන අරමුදල් පරිහරණයේදී රජය පූර්ණ විනිවිදභාවයකින් කටයුතු කළ යුතු බවත් දූෂණය සහ අක්‍රමිකතා හේතුවෙන් පීඩාවට පත් ප්‍රජාවන්ට යුක්තිය ඉටුකළ යුතු බවත් ඔවුහු වැඩිදුරටත් අවධාරණය කරති.

The leader.lk

මුලාශ්‍ර :

Protesters flood streets of Philippines over state corruption

Dozens arrested and hurt in clashes with police near Philippine presidential palace

Police clash with anti-corruption protesters in the Philippines

ඉන්දියානු රංගන ශිල්පිනියක් වන සායි පල්ලවී (Sai Pallavi) ඇගේ සහෝදරිය වන පූජා කන්නන් සමඟ වෙරළ තීරයක නිවාඩුවක් ගත කරමින් සිටියදී ලබාගත් ඡායාරූප සමාජ මාධ්‍යවල පළවීමත් සමඟ එම ඡායාරූප සම්බන්ධයෙන් ඉන්දියානු සමාජ මාධ්‍ය තුළ දැඩි කතාබහක් ඇතිව තිබෙනවා.

මෙම ඡායාරූප අතර සායි පල්ලවීගේ සහෝදරිය වන පූජා, වෙරළේ විවේක ගන්නා ආකාරය, ඔවුන් දෙදෙනාගේ සමීප සෙල්ෆි ඡායාරූප සහ සායි පල්ලවීගේ ඡායාරූප කිහිපයක් ද ඇතුළත්ව තිබුණා.

ඒ අතර සායි පල්ලවී පිහිනුම් ඇඳුමකින් සිටින ඡායාරූප කිහිපයක් පිළිබඳව සමාජ මාධ්‍ය තුළ දැඩි විවේචනයකට ලක්වෙමින් තිබෙනවා.

මෙලෙස විවේචනය කරන පුද්ගලයින් සඳහන් කරන්නේ, සාමාන්‍යයෙන් සාම්ප්‍රදායික ඇඳුමෙන් සැරසී සිටින සායි පල්ලවීගේ ප්‍රතිරූපයට මෙය හානියක් බවයි.

කෙසේවෙතත්, නිතේෂ් තිවාරිගේ රාමායන චිත්‍රපටයේ සීතාගේ චරිතයට රංගනයෙන් දායක වන සායි පල්ලවී, පිහිනුම් ඇඳුම් ඇඳ සමාජ මාධ්‍යවල ඡායාරූප පළ කිරීම පිළිබඳව ඇතැම් පිරිස් දැඩි ලෙස ඇය විවේචනයට ලක් කර තිබෙනවා.

එමෙන්ම බොහෝ රසිකයන් සායි පල්ලවී හට සහය පළ කරමින් පවසන්නේ, වෙරළ තීරයක නිවාඩුවක් ගත කරමින් සිටිනා විට මෙවැනි ඇඳුමක් ඇඳීම වරදක් නොවන බවයි

මේ සම්බන්ධයෙන් සායි පල්ලවී මෙතෙක් කිසිදු අදහසක් පළ කර නැති බවද විදෙස් මාධ්‍ය වාර්තා කළා.

කෙසේවෙතත් මේ වන විට ඇයගේ සහෝදරියගේ ඉන්ස්ට්‍ර්ගෑම් පිටුවෙන් සායි පල්ලවී පිහිනුම් ඇඳුමෙන් සැරසී සිටින අදාළ ඡායාරූප සියල්ල ඉවත් කර තිබෙනවා.

(news19.lk)

Sai Pallavi trolled for wearing swimsuit, because saree girl can't be a beach babe




Actor Sai Pallavi trolled for wearing swimwear at beach, fans defend her




'Ramayana' Actress, Sai Pallavi Dons Swimsuit During Beach Vacation, Fans Defend Her Over Trolling

පොදු පුරවැසියන් එකඟ නොවන නීතියක් කිසිසේත් පාර්ලිමේන්තුවේ සම්මත නොවන බවට සහතික වන බව ජනාධිපති අනුර කුමාර දිසානායක පැවසීය.

පාලකයන්ගේ අවශ්‍යතාවට නීති හදපු සහ ව්‍යවස්ථා වෙනස් කළ යුගය දැන් අවසන් කර තිබෙන බවද ජනාධිපතිවරයා කීය.

ජනාධිපති අනුර කුමාර දිසානායක මේ බව සඳහන් කළේ කොළඹ සුගතදාස ගෘහස්ථ ක්‍රීඩාංගණයේදී ඊයේ (17) පැවති ලංකා ගුරු සේවා සංගමයේ ජාතික සමුළුව අමතමිනි.

‘රට නඟන ගුරු පවුර’ යන තේමාවෙන් මෙම සමුළුව පැවැත්විණි.

ගනු ලබන කිසිදු තීන්දුවක්, සම්මත කරනු ලබන කිසිදු පනතක් හෝ ව්‍යාපෘතියක් තමන්ගේ හෝ ඇමතිවරුන්ගේ පුද්ගලික ප්‍රතිලාභ අපේක්ෂාවෙන් සිදු නොකරන බවද ජනාධිපතිවරයා කීය.

එකම නිර්ණායකය වන්නේ ජනතා ප්‍රතිලාභය පමණක් බව සඳහන් කළ ජනාධිපතිවරයා අවිශ්වාස හෝ සැක සහිත තැන් විමසමින් එම තීරණ වෙනුවෙන් පෙනී සිටින ලෙස ගුරුවරුන්ට ඇරියුම් කළේය.

2015 වසරේ පේරාදෙණිය විශ්වවිද්‍යාලයේ ඉංජිනේරු පීඨයේ දක්ෂතම ශිෂ්‍යයා සඳහා පිරිනමන "මහාචාර්ය ඊ.ඕ.ඊ පෙරෙයිරා" රන් පදක්කම අදාළ විශ්වවිද්‍යාලයේ විද්‍යුත් අංශයේ උපදේශකයකු වන ඒ.එච්. ඒ.ඩී. අබේසේකර වෙත පිරිනැමීමට එම විශ්වවිද්‍යාල පාලනාධිකාරිය ගනු ලැබූ තීරණය ශ්‍රේෂ්ඨාධිකරණය විසින් බලරහිත කරනු ලැබීය.

කීරි සම්බා සහල්වලට ආදේශකයක් ලෙස සලකනු ලබන (GR 11) පොන්නි සම්බා සහල් ආනයනය කිරීමට අදාළව ගැසට් නිවේදනය නිකුත් කර තිබේ.

මුදල්, සැලසුම් සහ ආර්ථික සංවර්ධන අමාත්‍යාවරයා වශයෙන් ජනාධිපති අනුර කුමාර දිසානායක මහතාගේ අත්සනින් යුතුව පසුගිය 15 වැනිදා සිට බලපැවැත්වෙන පරිදී මෙම ගැසට් නිවේදනය නිකුත් කර ඇත.

ඒ අනුව කීරි සම්බාට සමාන ප්‍රභේදයක් වන (GR 11) පොන්නි සම්බා පමණක් ආනයනයට අවසර හිමි වන අතර එක් ආනයනකරුවෙකුට ආනයනය කළ හැකි උපරිම සහල් තොගය වනුයේ සහල් මෙට්‍රික් ටොන් 52කි.

එමෙන්ම එම සහල් තොගය ආනයනය කිරීමෙන් පසු එළැඹෙන නොවැම්බර් 15 වැනි දින හෝ ඊට පෙර ශ්‍රී ලංකා රේගුවෙන් මුදා හැරිය යුතු බවත් මුදල් අමාත්‍යවරයා ලෙස ජනාධිපති අනුර කුමාර දිසානායක මහතා ගැසට් නිවේදනය මගින් සඳහන් කර තිබේ.

කීරි සම්බා සහල්වලට ආදේශකයක් ලෙස සලකනු ලබන මෙම (GR 11) පොන්නි සම්බා සහල් ආනයනය සඳහා රජය සැලසුම් කළ බව පසුගිය 14 වැනිදා පැවැති කැබිනට් තීරණ දැනුම්දීමේ මාධ්‍ය හමුවට එක්වෙමින් අමාත්‍ය නලින්ද ජයතිස්ස මහතා පැවසීය.

ඒ අනුව පොන්නි සම්බා සහල් ආනයනය කිරීම සඳහා ආනයන පාලන බලපත්‍ර ලබාගැනීමේ අවශ්‍යතාවයෙන් නිදහස් කිරීම පිණිස ආහාර ප්‍රතිපත්ති හා සුරක්ෂිතතා කමිටුවේ නිර්දේශ මත පදනම්ව කෘෂිකර්ම, පශු සම්පත්, ඉඩම් සහ වාරිමාර්ග අමාත්‍යවරයා සහ වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්‍යවරයා ඉදිරිපත් කළ ඒකාබද්ධ යෝජනාව සඳහා අමාත්‍ය මණ්ඩල අනුමැතිය හිමිව තිබුණි.

ගල්කිස්ස අධිකරණ භූමියේ ඇති වූ ආන්දෝලනාත්මක සිදුවීමේ දී පොලිස් කොස්තාපල්වරයා වෙනුවෙන් ඇප ලබා ගැනීම සඳහා නඩුවට පෙනී සිටි මාතර නීතිඥ සංගමයේ නීතිඥ හා වැලිගම ප්‍රාදේශීය සභාවේ ජාතික ජනබලවේගයේ මන්ත්‍රී තාරක නානායක්කාර එම සංගමයේ විධායක කමිටුවේ සංස්කාරක ධුරයෙන්  ඉල්ලා අස් වී ඇත.

ගල්කිස්ස අධිකරණ භූමියේ ඇතිවූ සිද්ධියෙන් චෝදනා එල්ල වූ නීතිඥ ගුණරත්න වන්නිනායකට විරුද්ධව පොලිස් කොස්තාපල්වරයාගේ පාර්ශ්වයට පෙනී සිටීම හේතුවෙන් නීතිඥ තාරක නානායක්කාරට පසුගිය දිනවල නීතිඥවරුන් පිරිසක ගෙන් දැඩි විරෝධයක් එල්ල වූ බව පැවැසේ.

ඒ අනුව ඔහුට මාතර නීතිඥ සංගමයේ සාමාජිකත්වයෙන් මෙන්ම එහි විධායක කමිටුවෙන් ද ඉල්ලා අස් වන ලෙසට බලපෑම් එල්ල වූ ආරංචි මාර්ග සඳහන් කරයි.

මේ අතර මාතර නීතිඥ සංගමයේ විශේෂ විධායක කමිටු රැස්වීමක් කැදවා ඇති අතර එහිදී නීතිඥ තාරක නානායක්කාර විධායක කමිටු ධුරයෙන් ඉල්ලා අස්වන බවට වූ සිය ලිපිය බාර දී ඇත.

කෙසේ වෙතත් ඔහු මාතර නීතිඥ සංගමයේ සාමාජිකත්වයෙන් ඉල්ලා අස්වී නොමැති බව දැන ගන්නට ඇත.

මේ පිළිබඳව නීතිඥ තාරක නානායක්කාරගෙන් විමසූ විට ඔහු කියා සිටියේ ගල්කිස්ස උසාවියේ නඩුවට පෙනී සිටියේ කොළඹ නීතිඥ සංගමයේ ලේකම්වරයා ද දැනුවත් කර අදාළ කොස්තාපල්වරයා දන්නා කියන හිතවත් පවුලක අයකු වූ නිසා බවත් මාතර නීතිඥ සංගමයේ විධායක කමිටුවෙන් ඉවත් වූයේ පෞද්ගලික හේතුවක් නිසා බවත් ය.

 (ක්‍රිෂාන් ජීවක ජයරුක් - lankadeepa)

පොලිස් මත්ද්‍රව්‍ය නාශක කාර්යාංශයේ නව අධ්‍යක්ෂවරයා ලෙස ජ්‍යෙෂ්ඨ පොලිස් අධිකාරී එච්.එම්.සී.පී. හේරත්  පත්කර තිබේ.

එච්.එම්.සී.පී. හේරත්  මීට පෙර කොළඹ දකුණ කොට්ඨාසයේ රාජකාරී සිදුකර ඇත.

පොලිස් මත්ද්‍රව්‍ය නාශක කාර්යාංශයේ අධ්‍යක්ෂවශයෙක් කටයුතු කළ ජ්‍යෙෂ්ඨ පොලිස් අධිකාරී හේමාල් ප්‍රශාන්ත පොලිස් ක්ෂේත්‍ර බලකායේ වැඩබලන අණදෙන නිලධාරී තනතුරට මාරු කර යැවීමෙන් අනතුරුව ඇති වූ පුරප්පාඩුව සදහා ජ්‍යෙෂ්ඨ පොලිස් අධිකාරී එච්.එම්.සී.පී. හේරත්  පත්කර ඇත.

දෙපාර්තමේන්තු නියෝගවල විනය සංග්‍රහයේ අංක 01 සහ අංක 05 කඩ කළ පොලිස්පතිවරයා වහා තනතුරෙන් ඉවත් කරන්නැයි නව ජනතා පෙරමුණ ඉල්ලා සිටියි.

පොලිස්පතිවරයාගේ පැමිණිල්ලක් මත වැල්ලවාය මහෙස්ත්‍රාත් මංජුල රත්නායකගේ වැඩ තහනම් කිරීමට අධිකරණ කොමිෂන් සභාව තීන්දු කර ඇත.

පොලිස්පතිවරයා, ආණ්ඩුවේ ප්‍රචාරක යාන්ත්‍රණයේ පාර්ශ්වකරුවකු වී ඇති බවට පාර්ලිමේන්තු මන්ත්‍රි ජගත් විතාන සම්බන්ධයෙන් සිදු කළ අදහස්වලින් පැහැදිලි වන්නේ යැයි විපක්ෂ නායක සජිත් ප්‍රේමදාස පැවසී ය.

පොලිස්පති ප්‍රියන්ත වීරසූරිය ට එරෙහිව තමා පාර්ලිමේන්තුවට වරප්‍රසාද ප්‍රශ්නයක් යොමු කිරීමට තීරණය කර ඇති බව සමගි ජන බලවේගයේ කළුතර දිස්ත්‍රික් පාර්ලිමේන්තු මන්ත්‍රී ජගත් විතාන ප්‍රකාශ කරයි.

පොලිස් දෙපාර්තමේන්තුවේ අතිශය රහසිගත සංවේදී තොරතුරු යූටියුබ් මාධ්‍යකරුවන්ට ලබාදී පොලිස්පතිවරයාගේ සහ දකුණු පළාත භාර ජ්‍යෙෂ්ඨ නියෝජ්‍ය පොලිස්පතිවරයාගේ කීර්ති නාමයට හානි වන ආකාරයේ මඩ ප්‍රවෘත්ති නිර්මාණය කර ප්‍රචාරය කිරීම සඳහා ආධාර අනුබල දුන් බවට එල්ල වී ඇති චෝදනා සම්බන්ධයෙන් පොලිස්පතිවරයාට පහළින් ඉන්නා ජ්‍යෙෂ්ඨත්වයෙන් ඉහළම තැනක සිටින ජ්‍යෙෂ්ඨ නියෝජ්‍ය පොලිස්පතිවරයකුට එරෙහිව අපරාධ පරීක්‍ෂණ දෙපාර්තමේන්තුව විමර්ශන ආරම්භ කර ඇත.

ශුද්ධාසනයේ රාජ්‍යයන් සහ ජාත්‍යන්තර සංවිධාන සමග සබඳතා පිළිබඳ ලේකම් අගරදගුරු පෝල් රිචඩ් ගැලගර් හිමිපාණන් අද (03) දිවයිනට පැමිනීමට නියමිතව තිබේ.