#newstube

අනුර දිසානායක මහතා ශ්‍රී ලංකාවේ ජනාධිපතිව සිටින තාක්කල් තමන් ශ්‍රී ලංකාවට නොපැමිනෙන බවට සමාජ මාධ්‍යජාලා ඔස්සේ පැතිර යන ප්‍රචාරය සහමුලින්ම පදනම විරහිත අසත්‍ය ප්‍රකාශයක් බව ශ්‍රී ලංකා පොදු ජන පෙරමුණේ නිර්මාතෘ බැසිල් රාජපක්ෂ විශේෂ ප්‍රකාශයක් කරමින් සඳහන් කළේය.

තමන් යුද අපරාධ කළා යැයි අන්තර් ජාතිකව ම පිළිගත් එක ම රට ශ්‍රී ලංකාව බවත්, එසේ පිළිගැනීම රට පාවා දීමක් ලෙස සැලකිය හැකි බවත් ප්‍රවීණ මාධ්‍යවේදී මොහාන් සමරනායක පැවසී ය.

ඔහු මෙම අදහස් පළ කළේ Lanka Voice youtube නාලිකාව සමග කළ සාකච්ඡාවක දී ය.

එම සාකච්ඡාවේ දී වැඩි දුරටත් අදහස් දක්වමින් මොහාන් සමරනායක පැවසුවේ ජිනීවා මානව හිමිකම් කොමිසමේ නිර්දේශ ක්‍රියාත්මක වුවහොත් අපේ රටෙහි ප්‍රශ්නයක් පිළිබඳ අභ්‍යන්තරව තීරණ ගැනීමට ඇති නිදහස වෙනත් රාජ්‍යයකට, එසේත් නොමැති නම් බාහිර බලවේගයකට පැවරෙන බවයි.

මතු පළ වන්නේ මොහාන් සමරනායක පළ කළ අදහස් අන්තර්ගත සම්පූර්ණ වීඩියෝව යි.

සාකච්ඡාව මෙහෙය වනු ලබන්නේ මාධ්‍යවේදී කුල ශ්‍රී කාරියවසම් විසිනි.

ඉතා ඉහළ පරිමාණයෙන් මෙන් ම ඉතා වේගයෙන් ලංකාවේ අධිකරණ ක්ෂේත්‍රයේ කටයුතු සිදුවෙමින් පවතින්නේ යැයි ප්‍රවාහන, මහාමාර්ග, වරාය සහ සිවිල් ගුවන් සේවා අමාත්‍ය බිමල් රත්නායක පැවසී ය.

ඔහු මෙම අදහස් පළ කළේ ඊයේ (02) පැවති මාධ්‍ය හමුවක දී ය.

එම මාධ්‍ය හමුවේ දී වැඩි දුරටත් අදහස් දක්වමින් අමාත්‍යවරයා පැවසුවේ රට පාලනය කළ පාලකයින් තමන් හෝ තම කණඩායමේ වැරදි වසා දැමුව ද ඉදිරි දිනක දී මේ සියලු දෙනාට ම එරෙහිව නීතිය ක්‍රියාත්මක කෙරෙන බවයි.

රටේ ආර්ථිකය විශාල අවදානමක පවතින බව ප්‍රකට ව්‍යාපාරික ඩඩ්ලි සිරිසේන පවසයි.

මින් ඉදිරියට කිසිම පක්ෂයට නැවත වරක් බැදෙන්න එපා යැයි ද ඔහු කියා සිටියි.

ඔහු එසේ කියා සිටියේ, උත්සවයක් අමතමිනි.

"අපිට නින්දෙන් ඇහැරුණත් විශාල කාරණයක්. අපේ ආර්ථිකය විශාල අවදානමක තියෙන්නේ. ඇත්ත කථාව. මම මේක කිව්වාම වෙනත් යෝජනාවක් චෝදනාවක් ඒන්න පුළුවන්. එකේ ප්‍රශ්නයක් නෑ. ඇත්ත කථා කරන්න මම කිසිසේත්ම බය ‌වෙන්නේ නෑ. සමාජයේ මින් ඉදිරියට කිසිම දේශපාලන පක්ෂයකට කිසිම කෙනෙක් ආයේ බැදෙන්න ඒපා." යයි ද ඔහු කියා සිටියේය.

| ada.

රාජිත දිසානයකගෙ "අපේ ගෙදර ගිනි තියයිද" බලන්න ඊයෙ ලයනල් වෙන්ඩ්ට් එකට ගියා. රාජිතගෙ කලින් වැඩක් විදිහට මම බලල තිබුණෙ "නැතුව බැරි මිනිහෙක්" විතරයි.

නැතුව බැරි මිහිහෙක් එකේ ස්ක්‍රිප්ට් එක කලින් කියවලා තිබ්බ නිසා සෑහෙන බෝරිං වුණා බලාගෙන ඉන්න එක. ස්ක්‍රිප්ට් එක කියවගෙන යනවා විතරයි. නළු නිළියන්ට මූඩ් එකකුත් නෑ. ඔහේ තැන් තැන්වල ඉඳගෙන දෙබස් කටපාඩමෙන් කියනවා. ඒ නාට්‍යය මට දැනුණෙ ස්ක්‍රිප්ට් එක තැන් තැන්වල ඉඳගෙන කියවලා අන්තිමට ගහන අත්පුඩියට ඇවිත් ඔළුව පාත් කරලා ගියා වගේ. ස්ක්‍රිප්ට් එකෙත් ඉතින් දේශපාලන කතා ඉස්මුරුත්තාවට එනව වගේ කෑලි තැන තැන හලලා තිබුණ මිසක හරි දේශපාලන හෝ සමාජීය විවේචනයක් අරගෙන එන්නවත් උත්සාහ කරල තිබුණෙ නෑ නාට්‍ය ඇතුළෙ.

නැතුව බැරි මිනිහෙක්

දෙබසක බර නොහඳුනන නළු නිළියෝ

රාජිත ගැන හැදිලා තිබුණු ඔය වගේ චිත්‍රයක් එක්ක තමයි මම "අපේ ගෙදර ගිනි තියයිද" බලන්න මම යන්නෙ. රාජිත කියන්නෙ මගහැරගත නොහැකි නාට්‍යකරුවෙක් කියලා කවුදෝ කියලා තියෙනව වගේ මට මතක නිසා "නැතුව බැරි මිනිහෙක්" මුද්‍රණ දෝශයක් කියලා හිතාගෙන මේක බලනව කියල මම හිතාගත්තා.

හැබැයි ඉතින් කියන්න වරදක් නෑ රාජිතගෙ මේ නාට්‍යය පටන් ගත්ත වෙලාවෙ ඉඳලා අර කලින් කිව්ව වගේම දෙබස් කියවගෙන කියවගෙන යන එක ගානට මිම්මට ඒ විදිහට කළා. දෙබස් මූලික නාට්‍ය ලෝකයේ නැති බව හෝ Readers' Theater ලෝකයේ පවතින්න ඕනෙ නෑ කියන එක නෙවෙයි මම අදහස් කරන්නෙ. සාමාන්‍යයෙන් දෙබසක් කියද්දි ඒකට නළු නිළියන් විසින් යම් බරක් එකතු කරනවා. ඒ දෙබස ගැන විශ්වාසයක් අපි තුළ දනවනවා. මියුසික්, ලයිට්ස්, පසුතල මුකුත් ම නැති වුණත් මනුෂ්‍ය සම්බන්ධතා, ඒ මිනිස්සුන්ගෙ ජීවිතවල ඇතුළාන්තය ඒ බරතැබීම එක්ක අපිට විවර වෙනවා.

 

කතාවේ ගලා යෑමට අදාළ නොවන සමාජ සංසිද්ධි

රාජිතගෙ නාට්‍යය ඇතුළෙ සංගීතය, රංගාලෝකය, පසුතල නිර්මාණ වගේ දේවල් ප්‍රධාන වෙන්නෙ නෑ. ඒ ප්‍රධාන නොවීමත් එක්ක නාට්‍යය ගෙනයෑමේ සම්පූර්ණ බර පැටවෙන්නෙ අර කියන නළු නිළියන්ගේ රංගනය සහ චරිතය වෙනුවෙන් කරන බර තැබීමට වගේම ස්ක්‍රිප්ට් එකට සහ ඒකෙ තියෙන චරිත ගොඩනැංවීමට.

රාජිතගේ නාට්‍යයේ ස්ක්‍රිප්ට් එක මට නම් සෑහෙන මදි. ඒ ස්ක්‍රිප්ට් එකේ තියෙන කතාවේ ගලා යෑමට අදාළ නැති: දාර්ශනික, LTTE එක, මහින්ද රාජපක්ෂ, දේශපාලනය වගේ දේවල් අතරින් පතර කිසිම සම්බන්ධයක් නැති උඩින් කතා පාත්වෙන දෙබස් වගේ ඔහේ පනිනවා. ඔය නාට්‍ය ඇතුළෙ දේශපාලනය කරන්න හරි රට හදන්න හරි උත්සාහ කරන්න කලින් අඩුම තමන්ගෙ අවංක ප්‍රකාශනයට තැනක් දෙන්න ඕනෙ. ඒක නොකර දේශපාලනිකව නිවැරදි වෙන්න ගියාම වෙන්නෙ ඒකෙ තියෙන ව්‍යාජය පොළා පනින එක.


ව්‍යාජය අමු අමුවේ ම

උදාහරණකට නාට්‍යයේ එක තැනක අරගෙන එනවා "LTTE එකට පයින් ගහලා පැන්නුවා. පස්සෙ ඒ LTTE එකට පයින් ගහපු මහින්ද රාජපක්ෂවත් පැන්නුවා" වගේ අර්ථයක් එන දෙබස් කොටසක්. මගේ ප්‍රශ්නය රාජිතට මේ දෙකම එකක් වගේ පේන්නෙ කොහොමද කියන එකයි. 

 

මහින්ද රාජපක්ෂ එළවපු එක කේන්ද්‍රීය දේශපාලන මොහොතක් කියලා පෙන්නන්න එතනින් පස්සෙ මිනිස්සුන්ගෙ අදහස්වල වෙනස්වීම හෝ එතනට පත්වෙන්න බලපෑ හේතු කියන දේවල් මේ වගේ කිසිම අදාළත්වයක් නැති මෙළෝ සංසාරෙක ගළපගන්න බැරි දෙබස් හරහා අරගෙන එන එකෙන් රාජිත උත්සාහ කරන්නෙ දේශපාලන විචාරකයෙකු වෙන්න නම් හෝ දේශපාලනිකව බයියෙක් නොවන බව පෙන්නා නිවැරදි වීම නම් ඒකෙ ව්‍යාජය අමු අමුවෙම ප්‍රේක්ෂකයට පේනව කියන එකයි මගේ අදහස නම්.

චරිතවල ගැඹුර නාට්‍යයේ කෝ...?

ස්ක්‍රිප්ට් එකේ චරිතවල සහසම්බන්ධතා ගොඩනගද්දි, අඹු - සැමි, යහළු මිත්‍ර සම්බන්ධකම්වල තියෙන Depth එක රාජිතට අහුවෙලා තිබුණෙ නෑ. ඒ කියන්නෙ යහළුවො දෙන්නක් අතර ඇතිවන සංවාදයක් වේවා අඹු සැමියන් අතර වන සංවාදයක් වේවා ඒවගෙ තියෙන ගැඹුර සහ ඒ සම්බන්ධතාවල තත්ත්වය සම්බන්ධයෙන් අපිට කියවාගන්න පුළුවන් වෙන්නෙ රචකයා චරිත ගොඩනගන විදිහ එක්ක. හැබැයි නාට්‍යය පුරාම අපිට දකින්න ලැබෙන කිසිඳු චරිතයක එහෙම එළැඹුමක් නෑ. ඒ චරිත අතර තියෙන සම්බන්ධතා ඉතා ම ළාමකයි.

 

උදාහරණයක් විදිහට දික්කසාද ගැහැනියක් සහ හිටපු පොලිස් නිලධාරියා අතර ඇතිවන සම්බන්ධය ගත්තොත්, ඇයි එයා ඒ වගේ සම්බන්ධයකට එළැඹෙන්නෙ? මොහොතකින් ඒ තත්ත්වයට පත්වෙන්න එයාට තිබුණ හේතුව මොකක්ද වගේ ප්‍රශ්නවලට එළැඹෙන්න තරම් ඒ චරිතවල ගැඹුර නාට්‍යයේ සටහන් වෙලා නෑ. ප්‍රධාන චරිත දෙකක් වන නිරෝෂිගේ සහ විජිත් ගේ අඹු සැමි සම්බන්ධය පවා ඒ විදිහෙ Odd සම්බන්ධ දෙකක් මිසක් ඒ දෙන්නා අතර තියෙන සම්බන්ධයේ ස්වරූපය හෝ බිඳවැටීම අපිට විශ්වාස කරන්න හේතු සාධක නාට්‍යය ඇතුළෙ නෑ.

චරිත සහ සිදුවීම් අතර විශ්වාසය කෝ...?

සාමාන්‍යයෙන් පතිරාජගෙ "පාරදිගේ" වගේ චිත්‍රපටියක මේ කියන Abstract චරිත සහ සිදුවීම් අපිට දැකගන්න පුළුවන්. හැබැයි චිත්‍රපටයේ කිසිඳු තැනක ඒ චරිත හෝ සිදුවීම් ඇතුළට එළඹෙන්න වචනෙකින්වත් උත්සාහ කරන්නෙත් නෑ. ඒ මුළු චිත්‍රපටය ම අපිට පේන්නෙ තුන්වන ඇසකින් මිසක් ඒ චරිත එක්ක බද්ධ වීමෙන් හෝ ඒවා තේරුම්ගැනීමට උත්සාහ කිරීමෙන් නෙවේ. ඒක චිත්‍රපටය ඇතුළෙ ම අපිට සන්නිවේදනය කරනවා "අපි හරියට එඬරු දඬු වගේ මුල් නෑ හැබැයි දළු දානවා" කියලා. 

 

හැබැයි මෙතන තත්ත්වය ඊට වඩා වෙනස්. මෙතනදි අපිට ඓන්ද්‍රීය ඉඟි සහ තොරතුරු ලබා දෙනවා මේ චරිතවල මුල් විහිදිලා තියෙනව කියලා. උදාහරණයක් විදිහට පළමු ජවනිකාවේ ම යහළුවන් අතර ඇතිවන සංවාදවල දි ඒ සම්බන්ධ සිදුවීම් ප්‍රේක්ෂකයාට අහන්න දකින්න ලැබෙනව. හැබැයි ඒ මුල් මොනව ද? ඒවා මොනතරම් දුරට විහිදිලා ද? කියන එක රාජිත කියන්න උත්සාහ කරන්නෙ නෑ. අපි රාජිත කියන හැමදේම විශ්වාස කරයි කියලා පූර්ව නිගමනයකට රාජිත පත්වෙලා ඉන්න නිසා එයාට ඒ චරිත සහ සිදුවීම් අතර තියෙන විශ්වාසය මගෑරෙනවා කියලයි මට හිතෙන්නෙ.

පෙළ පමණක් කියවීම නාට්‍යය ද...?

ඔය ස්ක්‍රිප්ට් එකේ දි හරියට නොලියැවුණු චරිතවලට නළු නිළියන් ඉතා ම දක්ෂ විදිහට පණ පොවලා ඒ චරිතය ගොඩදාන අවස්ථා තියෙනව. මේ වෙලාවෙ ප්‍රසිද්ධ උදාහරණයක් විදිහට "නෙළුම් කුළුණ" චිත්‍රපටයෙ ප්‍රියන්ත සිරිකුමාර පෙන්වන්න පුළුවන්. ඒ කියන්නෙ ඒ අවශ්‍ය ගැඹුර සහ හැඟීම දනවන්න නළු නිළියන්ට පුළුවන් සහ මෙහෙයවන්නා හෙවත් අධ්‍යක්ෂවරයාට ඒකට මැදිහත් වෙන්න පුළුවන්. හැබැයි "අපේ ගෙදර ගිනි තියයිද" නාට්‍යයේ නළු නිළියොවත්, අධ්‍යක්ෂවරයාවත් අර දෙබස්වලින් ගේන්න හදන දේ ප්‍රේක්ෂකයට දැනවෙන විදිහට රංගනයෙන් විශේෂයෙන් ම ආංගික, සාත්වික අභිනවලින් කියන්න පුළුවන් කියන දේ අමතක කරල ඔහේ ස්ක්‍රිප්ට් එකම කියව කියව හැඟීමක් නැතුව වේදිකාවේ එහෙ මෙහෙ ඇවිද්දා කියල සිතුවිල්ල විතරයි මට ඉතුරු වුණේ.

 

නළු නිළියන්ට සිද්ධ වෙන අසාධාරණය

මම මේ නාට්‍යයේ බලාපොරොත්තුවක් දල්වාගෙන ගියේ තරුෂ සහ ප්‍රදීප්ගේ රඟපෑම් සම්බන්ධයෙන්. තරුෂ කියන්නෙ දෙබස් මූලික නාට්‍යයක් වුණත් රඟපෑමෙන් ගොඩ දාන්න පුළුවන් කියන කාරණය මට තේරුණේ "Run for your wife" නාට්‍යය බලපු දවසෙ. ප්‍රේමයේ කවිනළුව වගේ ඩ්‍රාමා එකක ප්‍රදීප්ගේ Act එක සම්බන්ධයෙන් මට තිබුණ අත්දැකීමත් ප්‍රදීප් සම්බන්ධයෙන් බලාපොරොත්තු සහගතව ඉන්න බලපෑවා. ඒත් ඒ දෙන්නම මේ නාට්‍යයේ රඟපෑව විදිහ සහ පැතලි ස්වභාවය හොඳ මෙහෙයවන්නෙක් නොමැතිකමෙන් නළුවන්ට සිද්ධ වෙන අසාධාරණය සම්බන්ධයෙන් ඉතාම හොඳ නිදර්ශනයක් බවයි මට හිතෙන්නෙ.

වැඩි දෙයක් ඕනෙ නෑ ඔය මම කියපු කරුණු ටික සංසන්දනාත්මකව බලන්න පුළුවන් මේ දවස්වල වේදිකාගත වෙන ඉන්දික ෆර්ඩිනෑන්ඩෝගේ "රහසිගත ලිපිගොනු" බලනවා නම්. අඩු තරමෙ කුතුහලය අවසානය වෙනකන් ම අරගෙන යන්නෙ කොහොම ද කියලවත් ඒක බලලා රාජිතට ඉගෙනගන්න පුළුවන් කියලා මම විශ්වාස කරනවා. 

 

මනුෂ්‍ය සම්බන්ධතා, ඒවායේ කැත යථාව, ඒ සම්බන්ධතා චරිත ගොඩගැනීමත් එක්ක කොහොමද විශ්වාසීය තැනකට අරන් යන්නෙ කියන එක වගේ ම තමාගෙ පෞද්ගලික දේශපාලන සහ සමාජීය කියවීම ඉස්මුරුත්තාවෙ යවාගන්නෙ නැතුව ශානරීය ලක්ෂණ ඇතුළෙ ඉඳගෙන කොහොමද පෙන්නන්නෙ කියන කාරණය රහසිගත ලිපිගොනු පෙන්වලා දෙනවා. අඩු තරමෙ ඒක බලලා මේ නාට්‍යය බලනවා නම් "මේවා නාට්‍ය ද ?" කියලා හිතෙන එක අරුමයක් නෙවෙයි මට අනුව නම්.

 

තමන්ගෙ වැඩේ ගැන අවංක වෙන්න

දේශපාලනික නාට්‍ය කියල කියන්නෙ නාට්‍ය ඇතුළෙ දේශපාලනඥයෝ කරපු ඒවා කිය කිය ඒක නිසා අලුත් දේශපාලන බලවේගෙකට දෙන්න ඕනෙ වගේ කතාවලින් මතුපිට කිණ්ඩි දාලා ප්‍රේක්ෂකාගාරය චූන් කරන එක කියලා මම හිතන්නෙ නෑ.

ඒකට සජීවී උදාහරණයක් කිව්වොත් ඉතින් ආයෙමත් අරන් එන්න වෙන්නෙ රහසිගත ලිපිගොනු ම තමයි. ඒකෙ තියෙනව සමස්ත බල දේශපාලන ව්‍යුහය, ආගම, සංස්කෘතිය සහ ජීවිතය සම්බන්ධ විවේචනාත්මක කියවාගැනීමක්. ඒක මේ වගේ මතුපිටින් හලාගෙන යන "ජෝක් කිණ්ඩි" නෙවේ. ප්‍රේක්ෂකයා හිනස්සන්න අමුණගෙන යන ඒවත් නෙවේ. කැමති කෙනෙක්ට කියවාගන්නත් කැමති කෙනෙක්ට කියවා නොගන්නත් පුළුවන් විදිහට Sub - text එකක් විදිහට නාට්‍යය තුළින් අරන් එන්නක්. 

 

රාජිතලා මේ කරන්නෙ තමන් කියන්න හදන එක තේරෙන්නෙ නැති වෙයි කියලා මතුපිටින් කිණ්ඩියක් දාලා ඒක ප්‍රේක්ෂකයාට ඒ විදිහට බාරගන්න දමලා ගැහීමක්. තමන්ගෙ වැඩේ ගැන අවංක නැති ඕනෙ කෙනෙක්ට ඔය ප්‍රශ්නෙ එන්න පුළුවන් කියලයි මම හිතන්නෙ.

අන්තර්ගතයට නොගැළපෙන ගීත

රාජිත කියන්නෙ හොඳ නාට්‍යකරුවෙක් ද නැද්ද කියන ප්‍රශ්නයකට උත්තර මම දන්නෙ නෑ. හැබැයි මම බලපු නාට්‍ය දෙක අනුව නම් මට තේරෙන්නෙ රාජිතගේ නාට්‍ය Script reading එකකින් වෙනස් වෙන්නෙ සෙට් එකක් දාලා ලයිට් ටිකක් අමුණලා, අදාළ නැති මියුසික් කෑලි ටිකක් අමුණපු එකෙන් විතරයි කියලා.

(මේකෙ සින්දු දෙක තුනක් තියෙනව, ඒවගෙ Lyrics ඇහුවම හිතුණෙ චින්තන ධර්මදාස "ආයු" එකට ලිව්ව සින්දුවට චින්තාට මල් තියල කොන්ද නවල වඳින්න ඕනෙ කියල අඩු තරමෙ Context එක ගැලපෙන ඒක කියවගන්න පුළුවන් සින්දුවක් ලියපන්කො මේවට ලියද්දි.)

(උපුටා ගැනීම Jimuth Indusara Face book පිටුවෙන්)

 

වර්තමාන ආණ්ඩුවේ කැබිනට් අමාත්‍යවරුන් හය දෙනකුගේ වත්කම් පිළිබඳව දේශීය ආදායම් බදු දෙපාර්තමේන්තුවෙන් විමසීමට තීරණය කර ඇති බව සමගි ජන බලවේගයේ කොළඹ දිස්ත්‍රික් පාර්ලිමේන්තු මන්ත්‍රී මුජිබර් රහුමාන් ප්‍රකාශ කරයි.

දැනට මෙම කැබිනට් අමාත්‍යවරුන් හය දෙනාගේ වත්කම් පිළිබඳව තොරතුරු දැනගැනීමේ පනත යටතේ දේශීය ආදායම් බදු දෙපාර්තමේන්තුවෙන් අද හෙටම විමසා සිටින බව ඔහු පැවසිය.

ඊට අමතරව ආණ්ඩුවේ සිටින අනෙකුත් ජනතා නියෝජිතයින්ගේද වත්කම් සම්බන්ධයෙන් තොරතුරු සහ ලිපිගොනු එක්රැස් කරමින් පවතින බවද මන්ත්‍රීවරයා සඳහන් කළේය..

කැබිනට් අමාත්‍යවරුන් හය දෙනෙකුගේ වත්කම් සම්බන්ධයෙන් බරපතල සැක මතුවී ඇති නිසා මේ පිළිබඳව කඩිනමින් දේශීය ආදායම් බදු දෙපාර්තමේන්තුවෙන් තොරතුරු විමසා සිටීමට තීරණය කළ බව මුජබර් රහුමාන් මන්ත්‍රීවරයා කියා සිටියේය..

මෙම අමාත්‍යවරුන් රැකියාවක් සිදු නොකොට, ව්‍යාපාර කටයුතු සිදු නොකර, පූර්ණ කාලීනව දේශපාලනයේ නිරත වෙමින් මෙතරම් වත්කමක් උපයා ගත්තේ කෙසේද යන්න බරපතල සැක සහිත කාරණයක් බව ද මන්ත්‍රීවරයා සඳහන් කළේය.

දේශීය ආදායම් බදු දෙපාර්තමේන්තුවෙන් මෙම තොරතුරු ලබා ගත් පසුව ඉදිරි ක්‍රියා මාර්ග සම්බන්ධයෙන් නීති උපදෙස් ලබා ගනිමින් කටයුතු කරන බවද මුජිබර් රහුමාන් මන්ත්‍රීවරයා වැඩිදුරටත් පැවසිය.

අමෙරිකාව චීනයට එරෙහිව සැලසුම් සහගත ව තීරුබදු පැනවීම සම්බන්ධයෙන් තවදුරටත් අනිසි පියවර ගතහොත් චීනය ඊට නිසි ප්‍රතිචාර දක්වන බව චීන වාණිජ අමාත්‍යාංශය පවසයි.

සිය දුර්ලබ ඛනිජ අපනයන සීමා කිරීම සඳහා ගන්නා පියවර සම්බන්ධයෙන් දැනුම් දීම පසුගිය 09 වැනිදා චීනය සිදු කළ බව චීන වාණිජ අමාත්‍යාංශ ප්‍රකාශකයා ඊයේ (12) පැවසුවේය.

මෙම ක්‍රියාව, චීන රජය නීති-රීතිවලට අනුකූලව සිය අපනයන සීමා කිරීමේ පද්ධතිය වැඩිදියුණු කිරීමට යොදා ගන්නා නිසි ක්‍රියාමාර්ගයක් බව සඳහන් වේ.

ඊට ‍එරෙහිව, අමෙරිකාව 10 වැනිදා ප්‍රකාශ කළේ චීනයට එරෙහිව 100%ක් දක්වා තීරුබදු පනවන බව සහ සිය සියලු ප්‍රධාන මෘදුකාංග අපනයන පාලනය කරනු ඇති බවය.

මේ සම්බන්ධයෙන් චීන වාණිජ අමාත්‍යාංශ ප්‍රකාශකවරයා පැවසුවේ අමෙරිකාවේ මෙම පියවර ව්‍යවසායන්හි යුක්තිගරුක හා නීත්‍යනුකූල අයිතිවාසිකම්වලට මෙන්ම ජාත්‍යන්තර ආර්ථික හා වෙළඳ පටිපාටිය ද හානිකර බවය.

එබැවින් සිය වැරදි නිවැරදි කරන ලෙස චීනය අමෙරිකාවෙන් ඉල්ලා සිටී.

එමෙන්ම ඔවුන්ගේ සැලසුම් සහගත ක්‍රියාවන්ට එරෙහිව දැඩි පියවර ගනිමින් තම පූර්ණ අයිතිවාසිකම් ආරක්ෂා කිරීමට චීනය ක්‍රියා කරන බව ද චීන වාණිජ අමාත්‍යාංශය අවධාරණය කළේය.

(aruna)

ඉකුත් සතියේ මෙක්සිකෝවට ඇද හැලුණු ධාරානිපාත වර්ෂාපතනයෙන්  64දෙනකු ජීවිතක්ෂයට පත්ව තවත් 65 දෙනකු  අතුරුදන්ව සිටින බව එරට රජය ඊයේ (13) නිවේදනය කළේය. නිවර්තන අවපාත තත්ත්වය හේතුවෙන් හටගත් වර්ෂාපතනයත්  සමග ගල්ෆ් වෙරළ තීරයේ ඇතැම් ස්ථානවල සහ මධ්‍යම ප්‍රාන්ත කිහිපයක දරුණු ජල ගැලීම් සහ නාය යෑම් ද වාර්තා වී තිබේ.

සාමාන්‍ය වර්ෂා සමය අවසන පැමිණි එම දැඩි වර්ෂාපතන තත්ත්වය,  මාස කිහිපයක් පුරා අඛණ්ඩව පැවතිණ. ගංගා රැසක් පිටාර ගැලීමෙන්  ජල ගැලුම් හටගත් අතර  පැසිෆික් වෙරළ තීරයේ දරුණු සුළි කුණාටු ද වාර්තා විය.

ඉදිරි වැසි තත්ත්වයක්  පිලිබඳ පූර්වාබෝධයක් පැවතිය ද එය මෙතරම් දැඩි වේ යැයි අපේක්ෂා  නොකළ බව ජනපති ක්ලෝඩියා ෂයින්බවුම්   (Claudia Sheinbaum) පැවසීය.

ධාරානිපාත වර්ෂාපතනය, ජලගැලීම්  හා ආශ්‍රිත විපත් හේතුවෙන් මෙක්සිකෝවේ නිවාස 100,000කට අධික  සංඛ්‍යාවක් හානියට පත්ව ඇතැයි වාර්තා වේ.


(සටහන | Reuters ඇසුරින්; හර්ෂ උදයකාන්ත පීරිස්)
(This email address is being protected from spambots. You need JavaScript enabled to view it.)
10/14/2025


Heavy rains flood Mexico towns, leave nearly 130 dead or missing

අයිස් මත්ද්‍රව්‍ය ජාවා­ර­මක් සම්බ­න්ධ­යෙන් අත්අ­ඩං­ගු­වට ගැනී­මට පොලී­සිය සොය­මින් සිටි සම්පත් මන­ම්පේරි තමන් සතුව තිබූ ජංගම දුර­ක­ත­නය වැල්ල­වත්ත ප්‍රදේ­ශ­යේදී ධාව­නය වන දුම්රි­ය­කට තබා විනාශ කර ඇතැයි විම­ර්ශ­න­ව­ලින් අනා­ව­ර­ණය වී තිබේ.

දුර­ක­ත­නය ඔස්සේ තමා සැඟවී සිටින ස්ථානය සොයා ගැනී­මට පොලී­සි­යට හැකි­යා­වක් ඇති නිසා මෙසේ ජංගම දුර­ක­ත­නය විනාශ කළ බව ඔහු පවසා ඇත.

ඒ වෙනු­වට ඔහු වෙනත් ජංගම දුර­ක­ත­න­යක් භාවිත කර ඇති අතර, එම ජංගම දුර­ක­තනය පොලී­සිය විසින් සොයා­ගෙන තිබේ.


සිම්පතේ රහස් රැසක දත්ත ඇතැයි පොලීසිය කියයි

සම්පත් මන­ම්පේරි කාල­යක් භාවි­ත‍ ­කළ ජංගම දු­රක­තනය විනාශ කළත් එහි අංකය ඔස්සේ මේ වන විටත් විම­ර්ශන පැවැ­ත්වෙන බව උසස් පොලිස් නිල­ධා­රි­යෙක් පැව­සීය.

සති කිහි­ප­යක් සැඟව සිටි සම්පත් මන­ම්පේරි වල­ස්මුල්ල අධි­ක­ර­ණය හමු­වට පැමිණ භාර විය. එහිදී ඔහු පොලිස් මත්ද්‍රව්‍ය කාර්යාං­ශය භාර­යට යොමු කරන්නේ දින 07ක රැඳ­වුම් නියෝ­ග­යක් මතය. එම කාලයේ පොලිස් මත්ද්‍රව්‍ය කාර්යාං­ශය සතුව තබා­ගෙන විම­ර්ශන පැවැ­ත්වු­වත් ඔහු­ගෙන් හෙළිවූ කිසිදු තොර­තු­රක් මාධ්‍ය­යට අනා­ව­ර­ණය නොවීය.

මේ අතර ඔහු­ගෙන් පැය 04ක කාල­යක් ප්‍රශ්න කිරී­මට බස්නා­හිර පළාත් උතුරු දිසා අප­රාධ කොට්ඨා­සය භාර­යට ගෙන දුර­ක­ත­න­යට වූ දේ ගැන තොර­තුරු හෙළි­කර ඇත.


ගිනි අවි සහ පතො­රම් සඟවා ඇති ස්ථාන­යක්

අන­තු­රුව ඔහු විසින් ගිනි අවි සහ පතො­රම් සඟවා ඇති ස්ථාන­යක් ගැන ද තොර­තුරු හෙළි­කර තිබේ. ඒ අනුව ඉකුත් සති­යේදී බස්නා­හිර පළාත් උතුරු දිසා අප­රාධ කොට්ඨා­සයේ නිල­ධා­රීන් මිද්දෙ­ණියේ ගෙව­ත්තක වළ දමා තිබී ටී 56 අවි­ව­ලට යොදන රන් ආලේ­පිත පතො­රම් ගැබක්, ටී 56 අවි­ව­ලට යොදන පතො­රම් 115ක් සහ අත්බෝ­ම්බ­යක් සොයා­ගෙන තිබිණි.

දින 07ක රැඳ­වුම් නියෝ­ගය අව­සන් වීමෙන් අන­තු­රුව සැක­කරු පසු­ගිය බ්‍රහ­ස්ප­තින්දා වල­ස්මුල්ල මහේ­ස්ත්‍රාත් අධි­ක­ර­ණ­යට ඉදි­රි­පත් කිරී­මෙන් පසු රක්ෂිත බන්ධ­නා­ගා­ර­ගත කරනු ලැබීය.


දින 90ක රැඳ­වුම් නියෝ­ගයක්


මෙහිදී බස්නා­හිර පළාත් උතුරු දිසා අප­රාධ කොට්ඨා­සයේ නිල­ධා­රීන් ඔහු දින 90ක් රඳ­වා­ගෙන ප්‍රශ්න කිරී­මට අධි­ක­ර­ණ­යෙන් අව­ස­රය ඉල්ලා සිටි­යේය. ඒ සම්බ­න්ධ­යෙන් විධි­මත් ලෙස ඉල්ලී­මක් සිකු­රාදා දින කරන ලෙස අධි­ක­ර­ණය විසින් පොලී­සි­යට දැනුම් දුන්නේය.

ඒ අනුව වැඩ බලන ආර­ක්ෂක ඇමැ­ති­ව­රයා විසින් අත්සන් තැබූ දින 90ක රැඳ­වුම් නියෝ­ගය පොලී­සිය පසු­ගිය සිකු­රාදා අධි­ක­ර­ණ­යට ඉදි­රි­පත් කරනු ලැබීය. එම නියෝ­ගය සලකා බැලූ අධි­ක­ර­ණය දින 90ක් සම්පත් මන­ම්පේරි රඳවා විම­ර්ශන පැවැ­ත්වී­මට අව­ස­රය දුන්නේය.

ඒ අනුව බස්නා­හිර පළාත් උතුරු දිසා අප­රාධ කොට්ඨාස භාර­යට ගත් සම්පත් මන­ම්පේරි මේ වන විට රඳවා තබා­ගෙන විම­ර්ශන පව­ත්වන්නේ කොළඹ වරාය පොලිස් ස්ථාන­යේය.

එම ප්‍රශ්න කිරීම් හමුවේ ඔහු පවසා ඇත්තේ මිද්දෙ­ණි­යෙන් සොයා ගත් ප්‍රශ්න­ගත කන්ටේ­නර් දෙකේ අයිස් මත්ද්‍රව්‍ය ඇති බවක් තමා නොදන්නා බවයි.

බැකෝ සමන් විදේ­ශ­ග­තව සිටි­යදී වරා­යෙන් නිද­හස් කළ කන්ටේ­නර් දෙකක් ඇති බවත්, එය භාර ගන්නා ලෙස ඉල්ලී­මක් කළ බවත් සම්පත් මන­ම්පේරි පොලිස් ප්‍රශ්න කිරීම් හමුවේ පවසා තිබේ. ඒ අනුව තමා එම කන්ටේ­නර් දෙක මිද්දෙ­ණි­යට රැගෙන ආ බව ද ඔහු පවසා තිබේ.


පාර්ලි­මේන්තු මන්ත්‍රී නඩ­රාජා රවි­රාජ් ඝාත­නය


පාර්ලි­මේන්තු මන්ත්‍රී නඩ­රාජා රවි­රාජ් මහතා ඝාත­නය සම්බ­න්ධ­යෙන් ද සැක­ක­රු­වෙක් ලෙස අප­රාධ පරී­ක්ෂණ දෙපා­ර්ත­මේ­න්තු­වෙන් මොහු අත්අ­ඩං­ගු­වට ගෙන තිබිණි.

මහින්ද රාජ­පක්ෂ මහතා ජනා­ධි­ප­ති­ව­ර­යාව සිටි­යදී ඔහු ජනා­ධි­පති ආර­ක්ෂක අංශයේ ද සේවයේ නිර­තව සිට ඇත. රවි­රාජ් ඝාත­න­යට ඔහු හසු­වන්නේ යහ­පා­ලන ආණ්ඩුව සම­යේ­දීය.

ශ්‍රී ලංකා පොදු පෙර­මුණේ කුරු­ණෑ­ගල දිස්ත්‍රික් ප්‍රබල දේශ­පා­ල­න­ඥ­ය­කුගේ සමී­ප­ත­ම­යෙක් ලෙස ද කට­යුතු කර ඇති මොහු ගංජා ජාවා­ර­මට ද සම්බ­න්ධව සිට ඇතැයි විම­ර්ශ­න­ව­ලින් අනා­ව­ර­ණය වී ඇත.

පසු­ගිය කාලයේ සැඟවී සිටින අත­ර­තුර මන්නා­රමේ කේරළ ගංජා ජාවා­ර­ම්ක­රු­ව­කුගේ සහා­යෙන් බෝට්ටු­වක නැඟී ඉන්දි­යා­වට පලා යෑමට ද මොහු සූදා­නම් වී ඇති බවට සැක කරන තොර­තුරු අනා­ව­ර­ණ­යවී තිබේ. ඒ සඳහා ඔහුට සහාය දීමට ඉදි­රි­පත් වී ඇතැයි පැව­සෙන්නේ විදෙ­ස්ග­තව සිටින දරුන් නමැත්තා විසින් බව ද සඳ­හන්ය.

(ගයාන් කුමාර වීරසිංහ)

නේපාලයේ පැවති විරෝධතා හේතුවෙන් එරට සංචාරක කර්මාන්තයට දැඩි බලපෑමක් එල්ල වී ඇත.

එරට සංචාරක පැමිණීම් සියයට 30කින් පහළ ගොස් ඇති බව විදෙස් මාධ්‍ය වාර්තා කළේය.

කාර්යබහුල සංචාරක මධ්‍යස්ථානයක් වන කත්මණ්ඩු හි තාමෙල් සංචාරක කලාපයේ සාප්පු, අවන්හල් පාළුවට ගොස් ඇති අතර මෙම කාල සීමාව එරට සංචාරකයින් බහුලව පැමිණෙන කාලසීමාවක් වන අතර කදු තරණය සඳහා පැමිණෙන සංචාරකයින් එහිදී කැපී පෙනේ

අමෙරිකානු රාජ්‍ය ලේකම් මාර්කෝ රූබියෝ ඊශ්‍රායලයේ සංචාරයක නිරත වෙයි.

ඔහු ජෙරුසෙලමේ ශුද්ධ වූ බටහිර ප්‍රාකාරය වෙත ගෞරව දක්වා තිබෙන අතර ඊශ්‍රාලය කටාර් රාජ්‍යයේ රැඳී සිටි හමාස් දේශපාලන නායකයින් ඉල්කක කර එල්ල කළ ප්‍රහාරය සම්බන්ධව අමෙරිකාව ද සිය නොසතුට පළකර තිබියදී මෙම කලාපයේ සංචාරය කිරීම කැපී පෙනෙයි.

රූබියෝ මෙලෙස ඊශ්‍රායලය වෙත සංචාරය කරන්නේ ඊශ්‍රායල ප්‍රහාරය සම්බන්ධව සාකච්ඡා කිරීම සඳහා අරාබි - ඉස්ලාම් නායක සමුළුවක් කටාර්හිදී පැවැත්වෙන පසුබිමකයි.

අරුණ ජයසේකර ඇමතිවරයා සම්බන්ධයෙන් පුද්ගලික ගැටලු නොමැති බවත් ඔහු වැඩබලන ආරක්ෂක අමාත්‍යවරයා බවත් ඔහුට විරුද්ධව විශ්වාසභංගයක් ඉදිරිපත් වූ පසු එය ප්‍රතික්ෂේප කිරීමට පදනම් වූ ලේකම් මණ්ඩල වාර්තා සහ නීතිපති වාර්තාව ඇතුළු කරුණු කාරණා සභාගත කරන ලෙස විපක්ෂ නායක සජිත් ප්‍රේමදාස අද පාර්ලිමේන්තුවේ දී පැවසී ය.

එසේම වින්දිතයන් පාස්කු ප්‍රහාරය පිළිබඳ සාධාරණ පරීක්ෂණයක් ඉල්ලා සිටිය ද එය සිදු නොවූ බැවින් ජිනීවාවල දැනට ක්‍රියාත්මක සාකච්ඡාවලට පාස්කු ප්‍රහාරයෙන් වින්දිතයකු වූ පවුලක පියකු සූම් තාක්ෂණය හරහා එක්ව ලංකාවේ ක්‍රියාත්මක පරීක්ෂණ හරහා කිසිදු සාධාරණයක් නොවූ බවට ප්‍රකාශ කර ඇති බවත්, මෙවැනි දේවල් රටට සුදුසු නොමැති නිසා මේ වින්දිතයන්ට සාධාරණයක් ඉටු කළ යුතු යැයි විපක්ෂ නායකවරයා වැඩිදුරටත් පැවසී ය.

ඊශ්‍රායලයට කෘෂිකාර්මික රැකියා සඳහා සේවකයින් යැවීමේදී සිදු වු බව කියන අක්‍රමිකතා සම්බන්ධයෙන් සිදු කරන විමර්ශනයකට අදාළව අල්ලස් කොමිසම විසින් අත්අඩංගුවට ගත් හිටපු කම්කරු හා විදේශ රැකියා අමාත්‍ය මනූෂ නානායක්කාර  ඇප මත මුදා හැරීමට අධිකරණය අද (ඔක්. 15) නියෝග කළේ ය.

සැකකරු අද කොළඹ මහේස්ත්‍රාත් අධිකරණයට ඉදිරිපත් කිරීමෙන් අනතුරුව මිලියන 4 ශරිර ඇප දෙකක් සහ රුපියල් ලක්ෂයක මුදල් ඇපයක් මත මෙලෙස මුදා හැරිණි.

අදාළ සිද්ධිය සම්බන්ධයෙන් ප්‍රකාශයක් ලබා දීම සඳහා අද පෙරවරුවේ හිටපු අමාත්‍යවරයා අල්ලස් කොමිසම හමුවට පැමිණි අවස්ථාවේදී අත්අඩංගුවට ගැනිණි.

 මෙම පුවතට අදාල තවත් විස්තර

අපේක්ෂිත ඇප අහිමි වූ මනුෂ අල්ලස් කොමිසමට එයි

අල්ලස් හෝ දූෂණ විමර්ශන කොමිෂන් සභාවේ වර්තමාන අධ්‍යක්ෂ ජනරාල් රංග දිසානායක, ජනතා විමුක්ති පෙරමුණේ නීතිය අංශයේ සාමාජියෙක් යයි ජනතා විමුක්ති පෙරමුණේ හිටපු පාලක ලේකම් නන්දන ගුණතිලක සදහන් කරයි.

ඔහු එ බව කියා සිටියේ 'හිරු රූපවාහිනීයේ' පැවැති දේශපාලන සංවාදයකට එක්වෙමිනි.

එකල තමන් යටතේ නීති අංශය පැවැති බවත් එහි ලේකම්වරයා ලෙස කටයුතු කලේ සුනිල් වටගල බවත් ඊට අදාළ සියලු සාක්ෂි තමන් සතු බවත් හෙතෙම එහිදී කියා සිටියේය.

ඊට අදාළ අත්සන් ලේඛන පවා තමන් සතුව ඇති බවද හෙතෙම අවධාරණය කළේය.

එහිදී වැඩිදුරටත් අදහස් දැක්වූ නන්දන ගුණතිලක,

“අල්ලස් හෝ දූෂණ චෝදනා විමර්ශන කොමිෂන් සභාව හරහා මේක විසදා ගන්න බෑ. මම කැදවපු නීති කමිටුවේ හිටපු කෙනෙක් තමයි අද අල්ලස් හෝ දූෂණ චෝදනා විමර්ශන කොමිෂන් සභාවේ අධ්‍යක්ෂ ජනරාල්. පක්ෂයේ දේශපාලන මණ්ඩල සභිකයෙක් විදියට මට තමයි නීති අංශය පැවරිලා තිබුණේ. නීති අංශයේ ලේකම් විදියට දැම්මේ වටගල. සාමාජිකයෙක් තමයි රංග දිසානායක.

මම ගෙනියන්න කියන්න ඕනම තැනකට. මම ළග තියෙනවා අත්සන් ලේඛන. පුලුවන්නම් ගෙනියන්න කියන්න. එහෙම මිනිස්සු දාගත්තේ ඇයි? මේවා යට ගහන්න. දැන් මේවා ඇදෙනවානේ. දූෂණ විරෝධී පනත යටතේ මේවා එළියට එනවා කියලා දන්නවානේ. ඒක නිසා රවිලා, ශානිලා රංගලා, කස්ටම් එකට කෙනෙක් දාගත්තානේ. මේ සේරම දාගත්තේ වහගන්න”

ජනතා විමුක්ති පෙරමුණේ හිටපු නායකයකු වන නන්දන ගුණතිලක විසින් පසුගිය දා කළ ඇතැම් ප්‍රකාශයන් සම්බන්ධයෙන් අල්ලස් කොමිසමේ අධ්‍යක්ෂ ජනරාල් රංග දිසානායක අද දින උත්තර බැඳ තිබේ.

අල්ලස් හෝ දූෂණ චෝදනා කොමිෂන් සභාවේ අධ්‍යක්ෂ ජනරාල් රංග දිසානායක ජනතා විමුක්ති පෙරමුණේ සාමාජිකයකු බව නන්දන ගුණතිලක පසුගියදා කල ප්‍රකාශය දේශපාලන ක්ෂේත්‍රයේ ආන්දෝලනයට ලක්ව තිබේ.

කොමිසමට එරෙහි චෝදනා සම්පූර්ණයෙන්ම ප්‍රතික්ෂේප කරන බවත්, මෙම අපහාස කිරීම් වලට එරෙහිව නීතිමය පියවර ගන්නා බවත් අල්ලස් හෝ දූෂණ චෝදනා කොමිෂන් සභාව මාධ්‍ය නිවේදනයක් නිකුත්කරමින් කියා සිටියි.

ඇතැම් පුද්ගලයින් හා ආයතන විසින් අල්ලස් හෝ දුෂණ චෝදනා කොමිෂන් සභාව සම්බන්ධයෙන් පදනම් විරහිත සහ නොමග යවන සුළු ප්‍රකාශ විද්‍යුත් මාධ්‍ය, මුද්‍රිත සහ සමාජ මාධ්‍ය ඇතුළු විවිධ ක්‍රම ඔස්සේ ප්‍රචාරය කිරීමේ යෙදී සිටින බව අල්ලස් හෝ දුෂණ චෝදනා කොමිෂන් සභාව පවසයි.

 අල්ලස් හෝ දූෂණ චෝදනා විමර්ශන කොමිෂන් සභාවේ මාධ්‍ය ඒකකය නිවේදනයක් නිකුත් කරමින් සඳහන් කර ඇත්තේ, මෙවැනි ක්‍රියා තුලින් කොමිෂන් සභාවේ කීර්ති නාමයට හානි පමුණුවන අතර ම, දැනට සිදු කෙරෙමින් පවතින ප්‍රධාන විමර්ශන වෙතින් ජනතා අවධානය වෙනතකට යොමු කිරීම මෙන්ම කොමිෂන් සභාව විසින් සිදු කරන කටයුතු නීත්‍යානුකූල ව කෙරෙන්නේ ද යන්න සම්බන්ධයෙන් විකෘති සහගත මතයක් නිර්මාණය කිරීමට ද හේතු වන බවයි.

 අල්ලස් හෝ දුෂණ චෝදනා කොමිෂන් සභාව අද දින (02) නිකුත් කල නිවේදනය මතු පළවේ.






''අල්ලස් කොමිසමේ අධ්‍යක්ෂ ජනරාල් ජවිපෙ නීති කමිටුවේ හිටපු කෙනෙක්. මං ළඟ තියෙනවා අත්සන් ලේඛන'' - නන්දන


අල්ලස් කොමිසමේ වත්මන් අධ්‍යක්ෂ ජනරාල් රංග දිසානායක මීට දශක දෙකකට පෙර ජනතා විමුක්ති පෙරමුණේ නීති කමිටුවේ සාමාජිකයකු බවත් එම කමිටුව කැඳවූයේ එවකට ජවිපෙ දේශපාලන බලමණ්ඩල සාමාජිකයකු වූ තමන් විසින් බැවින් තමන් මේ පිළිබඳ හොඳින්ම දන්නා බවත් පානදුර හිටපු නගරාධිපති නන්දන ගුණතිලක පවසයි.

“අල්ලස් හෝ දූෂණ කොමිසම හරහා මේක විසඳාගන්න බැහැ. ඒකට දාලා තියෙන්නෙ ඒගොල්ලොන්ගෙ මිනිස්සු. මම කැඳවපු නීති කමිටුවේ ඉඳපු කෙනෙක් තමයි අද අල්ලස් කොමිසමේ අධ්‍යක්ෂ ජනරාල්. මම පක්ෂයේ දේශපාලන බලමණ්ඩල සභිකයෙක් විදියට මට තමයි නීති අංශය පැවරිලා තිබුණේ. නීති අංශයේ ලේකම් හැටියට අපි දැම්මේ වටගලව. ඒකෙ සාමාජිකයෙක් තමයි රංග දිසානායක කියන්නෙ. මාව ගෙනියන්න කියන්න ඕනෙ තැනකට, මං ළඟ තියෙනවා අත්සන් ලේඛන. අත්සන් කරපුවා. ගෙනියන්න කියන්න පුළුවන් නම්. එහෙමයි. එහෙම මිනිස්සුන්ව දාගත්තෙ ඇයි ? මේවා යටගහන්න. දැන් මේවා ඇදෙනවානෙ. අර දුෂණ විරෝධී පනත යටතේ අනිවාර්යයෙන්ම මේවා එළියට එනවා කියලා දන්නවානෙ. ඒ නිසා මේ රවීලා, ශානිලා, රංගලා, දැන් අර රේගුවටත් එක්කෙනෙක් දැම්මානෙ. ඔය ඔක්කොම දාගත්තෙ මේ ටික වහගන්න”

නන්දන ගුණතිලක මේ බව පැවසුවේ පසුගියදා  (සැප්තැම්බර් 25) හිරු රූපවාහිනී නාලිකාවේ විකාශය වූ සජීවී දේශපාලන සංවාදයකදී ය.

රටේ ජනතාව කෙසේ වෙතත් ආණ්ඩුවේ එකසිය පනස් නව දෙනා නම් පොහොසත් වුණු ආකාරය වත්කම් බැරකම් ප්‍රකාශ වලින් හොදින්ම දුටු බව ශ්‍රී ලංකා පොදු ජන පෙරමුණේ හම්බන්තොට දිස්ත්‍රික් මන්ත්‍රී නීතිඥ නාමල් රාජපක්ෂ පාර්ලිමේන්තුවේදී ඊයේ (23) පැවසීය.

හැත්තෑ අවුරුදු ශාපයක් තුළ කෝටිපතියන් වූයේ කෙසේදැයි ප්‍රශ්නයක් බවද ඔහු සඳහන් කළේය.

අවුරුදු 76 දී කෝටිපතියන් නොවුනානම් පහුගිය අවුරුදු කිහිපයේදී කෝටිපතියන් වූයේ කෙසේදැයි තමා ප්‍රශ්න කරන බව පැවසූ මන්ත්‍රීවරයා ඒ ප්‍රශ්නයටත් එක එක අය එක එක විදිහට පිළිතුරු ලබාදී ඇතැයිද ප්‍රකාශ කළේය.

ඔහු මෙසේ පැවසුවේ ජාතික ගොඩනැගිලි පර්යේෂණ ආයතන පනත් කෙටුම්පත පිළිබඳ විවාදයේදීය.

ධීවර කර්මාන්තය රබර් කර්මාන්තය බිඳ වැටී ඇති බවත් විදුලි බල මණ්ඩලයේ සේවකයන්ට අද තියෙන ලොකුම වේදනාව රැවටුණු එක බවත් නාමල් රාජපක්ෂ පැවසීය.

බය කරලා දේශපාලනය කරපු කාලය ඉවරයි යැයිද මන්ත්‍රීවරයා අවධාරණය කළේය.

ධීවර කර්මාන්තය සියයට 34කින් වැටී ඇතැයිද මෙහෙම ගියොත් පිටින් මාළු ගෙනවිත් කන්න සිදුවන්නේ යැයිද ඔහු ප්‍රකාශ කළේය.

n

1943 වසරේ උදෑසනක් විය. ඒ, පෝලන්තයේ පිහිටි නාසි මරණ කඳවුරක් වූ සොබිබෝර් හි සිදුවීම් බොහෝමයක් වගේම අතිශයින්ම අඳුරු, බියජනක උදෑසනකි.

සනත් ගුණතිලක,රංගන ශිල්පිණි සහා ලයිකා production ආයතනයේ උප සභාපතිනි ජානකි විජේරත්න අතර විවාහය සිදුවිය.

ඊයේ (25) දිනයේ මහජන අවධානයට ලක් විය යුතු නියෝගයක් මාලිගාකන්ද මහේස්ත්‍රාත් අධිකරණයෙන් දීලා තිබුණා.

ඒ සොෆ්ට්ලොජික් වැනි මහා ව්‍යාපාරවල අධිපතියෙක් වෙන අශෝක් පතිරගේ ඇතුළු ඔහු අධ්‍යක්ෂ මණ්ඩල සාමාජිකත්වය දරන ආසිරි රෝහල් සමූහයේ අධ්‍යක්ෂවරු පිරිස අත්අඩංගුවට අරන් අධිකරණයට ඉදිරිපත් කරන්න කියලා.

මොන හේතුවකට ද ඒ?

අනුග්‍රාහකත්ව ප්‍රශ්න නිසා ප්‍රධාන ධාරාවේ මාධ්‍යවලින් එළියට නොආපු කතාවක් මේකට සම්බන්ධ බව කියන්නට ඕන.

නෛතික කරුණු විස්තර නැතිව සැකෙවින් මේ ගැන කිව්වොත්, 2023 වසරේ දී නුගේගොඩ පදිංචි මවක් රෝගාතුර වෙනවා, ඇයගේ පුත්‍රයා වන සනත් අතුකෝරල ඇයව නාරාහේන්පිට ආසිරි‌ රෝහලට ඇතුළත් කරනවා. ප්‍රතිකාරවලින් පසු එහි ඖෂධහලෙන් මිලට ගන්නා ඖෂධ මිල පරීක්ෂා කිරීමේදී හෙළි වෙන්නෙ ජාතික ඖෂධ නියාමන අධිකාරි පණත මගින් නියම කරලා තියන මිලට වඩා ඉතා ඉහළ මිලකට ඖෂධ ගණනාවක් නිකුත් කරලා බිල් කරලා කියලා.

උදාහරණයක් විදිහට රුපියල් 200කට ආසන්න මිලකට එවක තිබු සේලයින් බෝතලයකට රුපියල් 1200ක වගෙ මිලක් නියම කර අය කිරීමක්.

මෙහිදී සනත් අතුකෝරල නීතිය ඉදිරියට යන්න තීරණය කරනවා. ඒ වෙලාවෙ වගකිව යුතු කිසිදු ආයතනයකින් හොඳ සහයෝගයක් නොලැබුණත් ඔහු ඒ සටන ගෙනියනවා කියන ස්ථාවරයේ ඉන්නවා. මේ සටන අතරමැද්දෙ තමයි සනත්ව මටත් හමුවෙන්නෙ. රෝහලෙන් සන්තෝසමක් අරන් ඒක අමතක කරලා දාන්න ඔහුට ඕනෑ තරම් ඉඩ තිබුණා. ඔහු ව්‍යාපාරිකයෙක්. කොහොම නමුත් මේ අසාධාරණයට විරුද්ධව ඔහු නොනැවතී සටන් කරන්න තීරණය කරනවා.

මෙහි අතරමැදකදී ජාතික ඖෂධ නියාමන අධිකාරිය සහ නීතිපති දෙපාර්තමේන්තුව ඔහු සමඟ එක් වෙනවා.

මේ නඩු කටයුත්ත කියන්නෙ ඇත්තටම ඇති හැකි සල්ලිකාරයන් සහ නීතිය අතර ද්වන්ද සටනක් කියලා කියන්න පුළුවන් ජාතියෙ පර්යේෂණ විෂයක්.
මෙම නඩුකරය අතර මැද්දෙ හරි හරි දේවල් සිද්ධ වෙනවා.

මාලිගාකන්ද ප්‍රධාන මහේස්ත්‍රාත්වරිය වන ලෝචනී අබේවික්‍රම වීරසිංහ නිවාඩු ලබාගත් අවස්ථාවේ වැඩබලන මහේස්ත්‍රාත්වරියක් කැඳවගෙන, පැමිණිලි පාර්ශ්වයේ කිසිවෙකුත් නැතුව චෝදනා සියල්ලටම වරද පිළිගෙන ආසිරි මෙඩිකල් රෝහලේ අධ්‍යක්ෂ මණ්ඩලය රුපියල් 25000ක දඩයකුත් ගෙවලා නඩුව ඉවර කරගන්නවා.

ඒත් ඒ විදිහට මේක යටපත් වෙන්න ලැබෙන්නෑ. අදාළ වැඩබලන මහේස්ත්‍රාත්වරියට එදිරිව විමර්ශනයක් පවා ඇරඹෙනවා.

ඔබ අප කවුරුත් දැකලා තියනවා, ඖෂධ අලෙවියෙදී යම් වරදක් සිදු වුණාම අදාළ ෆාමසි හිමිකරුවන් ජනතාවගෙන් සමාව ඉල්ලලා භාෂා තුනෙන් පුවත්පත් දැන්වීමක් පළ කරනවා. ඒක මෙවැනි නඩුවක වරදකරුවන්ට අදාළ වැදගත්ම නියෝගයක්. ඒ වගෙම මෙම නඩුවේ චෝදනාවලට අනුව ලක්ෂ ගණනක දඩයක් නියම විය හැකි වුණත් අදාළ ප්‍රශ්නගත තීන්දුවෙ දඩය රුපියල් 25000ක්.

නීතිය පිළිබඳ විශ්වාසය සනත් අතුකෝරල කෙරේ බිඳ නොදමා නඩුව නැවත කැඳවෙනවා. මෙහි තිබෙන විශේෂම දේ තමයි කිසිදු අවස්ථාවක මෙම නඩුවේ චූදිතයන් අධිකරණය හමුවට නොපැමිණීම. අදාළ පුවත්පත් දැන්වීම පළ නොකර සහ අධිකරණය හමුවට නොපැමිණ මෙය අවසන් කරගන්නට ඔවුන්ට බොහෝ වුවමනාවක් තිබුණ බව නිරීක්ෂණය කරන්න පුළුවන්.

ප්‍රකට ව්‍යාපාරිකයන්ගේ කීර්තිය සහ ව්‍යාපාරයේ සන්නාම කීර්තිය පැත්තෙන් සලකලා ඔවුන් මේ වටවංගුව ගහන බව පෙනෙන්නට තිබෙනවා.

කොහොම වුණත්, ඊයේ ලබා දුන් අධිකරණ නියෝගයේ තිබෙන්නේ, ඉතා වැදගත් යමක්. එහිදී පැවසෙන දේ තමයි පෞද්ගලික රෝහල් අධ්‍යක්ෂවරුන් නීතියට ඉහළින් නෑ කියන එක. ඔවුන් පමණක් නොවෙයි, කිසිවෙකුත් නීතියට ඉහළින් සිටිය නොහැකියි.

ව්‍යාපාරිකයන්ගේ ගොඩනැගීමේ මාර ධනාත්මක සහ ඔවුන්ගේ යහපැවැත්ම ගැන පම්පෝරි දෙසන කිසිවෙකු අන්ත අසරණ බවට පැමිණි රෝගීන් මෙලෙස ප්‍රාණ ඇපයට ගෙන අමු අමුවේ මංකොල්ල කෑම ගැන කිසිවක් කියන්නේ නැහැ.

මෙයට පෙරත් මේ ගැන අප දීර්ඝව සඳහන් කළා. තවත් අවස්ථාවක වෙනත් පෞද්ගලික රෝහලක නොපණත්කමක් ගැන එවක අපගේ වෙබ් අඩවියේ පළ කළ විට අපට සන්තෝසම් ලබා දෙන්නට සූදානම් වුණා. (ඒවායේ හඬ පට තිබෙනවා.)

තනි මිනිසෙක් පසු නොබා පොදු යුක්තියක් වෙනුවෙන් කළ සටන වෙනුවෙන් සියලු දෙනා වචනයකින් හෝ දායක වීම අත්‍යාවශ්‍ය දෙයක්!

( සටහන | සඳුන් ප්‍රියංකර විතානගේ)

උපුටා ගැනීම - නීති උපදෙස්Public group ෆේස්බුක් පිටුවෙන් ..

මෙම ලිපියට අදාල වැඩි දුරටත් විස්තර :

වැඩි මිලට බෙහෙත් වික්ක පෞද්ගලික රෝහලක අධ්‍යක්ෂවරුන්ට වරෙන්තු - ( lankadeepa | මනෝප්‍රිය ගුණසේකර)

සැප්තැම්බර් මසට අදාළ අස්වැසුම වැඩිහිටි දීමනාව අද (26) අස්වැසුම ප්‍රතිලාභීන්ගේ බැංකු ගිණුම් වෙත බැර කෙරේ.

මෙලෙස සුබ සාධක ප්‍රතිලාභ මණ්ඩලය සැප්තැම්බර් මසට අදාල අස්වැසුම ප්‍රතිලාභී පවුල්වල වයස අවුරුදු 70ට වැඩි වැඩිහිටියන්ගේ දීමනාව ගෙවීමට කටයුතු කරන අතර ඒ සඳහා රුපියල් කෝටි තුන්දහස් දාහතරක් (3014) ප්‍රතිලාභීන් 602,852 අතරේ බෙදී යන බව එම මණ්ඩලයේ අතිරේක කොමසාරිස් මූල්‍ය තමරා අදිකාරි කියා සිටී.

| ජේ.මුණසිංහ