#newstube

අඩු තරමින් ඕලෙවල් සහතිකයවත් නැති තමාට අද තියෙන්නේ උප්පැන්න සහතිකය ජාතික හැඳුනුම්පත සහ  රියදුරු බලපත්‍රය පමණක් බවත් වැඩ කිරීමට තමාට  අධ්‍යාපන සහතික කිසි දිනක අවශ්‍ය නොවූ බවත් කෘෂිකර්ම පශු සම්පත් ඉඩම් වාරිමාර්ග සහ මහවැලි අමාත්‍ය කේඩී ලාල් කාන්ත  පැවසීය.

අධ්‍යාපන සහතික නැතත් සාමාන්‍ය මනුස්සයෙකු අවුරුදු පන්සීයකින් කරන දේ තමා දැනටමත් අවසන් කර ඇතැයිද ඔහු ප්‍රකාශ කළේය.

අමාත්‍යවරයා මෙසේ පැවසූවේ මහනුවර පැවැති වැඩසටහනකදීය.

කේඩී ලාල්කාන්ත අමාත්‍යවරයා මෙසේද පැවසීය

''මට තියෙන සහතික ටික මම කියන්නම්. උප්පැන්න සහතිකය තියෙනවා. ජාතික හැඳුනුම්පත තියෙනවා. පාස්පෝට් එක තියෙනවා. තවත් එකක් තියෙනවා. ඒ
රියදුරු බලපත්‍රය. එච්චරමයි. ඕලෙවල් සහතිකයවත් මගේ ළඟ නැහැ. තව මම ගන්න බලාපොරොත්තු වෙන්නේ එක සහතිකයයි. හැබැයි ඒක මට හම්බවෙන්නේ නෑ.   ඒ මරණ සහතිකය.

වැඩ කරන්න මගේ ජීවිතේට කවදාවත් අධ්‍යාපන  සහතික අවශ්‍ය වුණේ නැහැ. දැන් මම කෘෂිකර්ම පශු  සම්පත් ඉඩම් වාරිමාර්ග මහවැලි ඇමැති. ඌට තියෙන්නේ උප්පැන්නේ සහතිකයයි අර කියපු සහතික ටිකයි විතරමයි. වෙන මොකුත් නෑ. හැබැයි සාමාන්‍ය මනුස්සයෙක් අවුරුදු පන්සියයකින්  කරන දේ මම කරලා ඉවරයි . ඒකයි මම කිව්වේ තරුණයන්ට අභියෝග කරනවා කියලා.

සමහරුන් උපාධි ලබනවා. සහතික ලබනවා. ඒවා  ගෙදර සාලයේ  ගහනවා .  ඒකට මගේ විරෝධයක් නැහැ. ඉගෙන ගන්න ඕන ප්‍රදර්ශනයට නොවෙයි. ලෝකෙට පෙන්වන්න නෙවෙයි.  රජය කියන්නේ රැකියා දෙන ආයතනයක් නොවේ. රැකියා නිෂ්පාදනය කිරීමේ වපසරිය නිර්මාණය කරන ආයතනය.''

(lankadeepa | සුජිත් හේවාජුලිගේ)

ශ්‍රී ලංකාවේ ප්‍රමුඛතම තේ සන්නාමයක් වන වටවල තේ (Watawala Tea) සමාගම, නිකුත් කළ ‘Him, Her and Them’ (ඔහු, ඇය සහ ඔවුන්) කෙටි චිත්‍රපටය පිළිබඳ මහජන ප්‍රතිචාර සහ විවේචන මතුවීමෙන් පසු, එම චිත්‍රපටය සියලුම ඩිජිටල් වේදිකාවලින් ඉවත් කිරීමට තීරණය කර ඇත.

වටවල තේ සමාගම නිකුත් කළ නිල ප්‍රකාශයක සඳහන් වූයේ, සමාගම ශ්‍රී ලාංකේය පවුල්වල උණුසුම සහ එකමුතුකම ගරු කරන බවත්, පාරිභෝගිකයන්ගේ අදහස්වලට ගෞරව දක්වමින් මෙම පියවර ගත් බවත් ය.

“ශ්‍රී ලංකාවේ වඩාත් ආදරණීය තේ සන්නාමයක් ලෙස, වටවල තේ සැමවිටම ජනතාව එක්තැන් කිරීම විශ්වාස කරන අතර, අපගේ කතාන්දර තුළින් ශ්‍රී ලාංකේය පවුල්වල උණුසුම හා ශක්තිය දිගු කලක් සමරා ඇත.

අපගේ මෑත කෙටි චිත්‍රපටය වන ‘Him, Her and Them’ නිර්මාණය කළේ ද එම උදාර අරමුණ පෙරදැරිවය. එය පවුල් ජීවිතයේ එදිනෙදා හැඟීම් මෙන්ම, සෑම දරුවෙකුම තමන්ගේම ආකාරයෙන් ඉගෙන ගන්නා ශක්තිය හා සංවේදීතාව අතර සමබරතාවය පිළිබිඹු කිරීමට අදහස් කරන ලදී.
කෙසේ වෙතත්, මෙම චිත්‍රපටය අප කිසිසේත් අපේක්ෂා නොකළ ආකාරයෙන් අර්ථකථනය වී ඇති බවත්, අපගේ වටිනා පාරිභෝගිකයන් කිහිප දෙනෙකු අතර එය අපහසුතාවයක් හෝ කනස්සල්ලක් ඇති කර ඇති බවත් අපි තේරුම් ගනිමු.

ඒ ගැන අපගේ කණගාටුව පළ කරමු.

සන්නාමයක් ලෙස, අපි ඔබ සැමගේ අදහස්වලට සවන් දෙන අතර, පරම්පරා ගණනාවක් පුරා ශ්‍රී ලාංකේය පවුල් එක්සත් කරන පොදු වටිනාකම් කෙරෙහි ගරු කරමින්, මෙම චිත්‍රපටය අපගේ වේදිකාවලින් ඉවත් කිරීමට තීරණය කර ඇත්තෙමු.

අපගේ පාරිභෝගිකයන්, සේවකයන් සහ සුභ පතන්නන් මෙන්ම, අපේක්ෂිත පණිවිඩයට සහයෝගය දැක්වීමට ඉදිරිපත් වූ සහ අර්ථවත් ප්‍රතිචාර අප සමඟ බෙදා ගත් සියලු දෙනාට අපගේ හෘදයාංගම කෘතඥතාව පළ කරමු.

අප තවදුරටත් ජනතාව එකට එක් කරන, අප බෙදා ගන්නා සෑම තේ කෝප්පයකම ඇති සුවපහසුව, කරුණාව සහ සම්බන්ධතාවය සමරන කතාන්දර ඉදිරිපත් කරන්නෙමු”

මෙම කෙටි චිත්‍රපටය සමාජ මාධ්‍ය හරහා දැඩි ලෙස විවේචනයට ලක් වූ අතර, මෙම කෙටි චිත්‍රපටය පවුල් අගයන් හා සාරධර්මයන් සම්බන්ධයෙන් විවෘත සංවාදයක් ගෙන ආ බවත්, එය විවිධ අදහස් හා විවේචන මතුවීමට හේතු වූ බවත් වාර්තා වේ.

"මහින්ද සුළඟ සමග නාමල් සුවඳ" ළඟදීම දියත් කෙරෙන බව ශ්‍රී ලංකා පොදු ජන පෙරමුණේ ආරංචි මාර්ග සඳහන් කරන අතර ඒ ශ්‍රී ලංකා පොදු ජන පෙරමුණේ නවතම දේශපාලන ව්‍යාපෘතිය ලෙසයි.

මෙයට පෙර ''මහින්ද සුළඟ'' ආරම්භ කළා සේ මෙම නව දේශපාලන ව්‍යාපෘතියද දියත් කෙරෙන බව ශ්‍රී ලංකා පොදු ජන පෙරමුණේ ජ්‍යෙෂ්ට ප්‍රකාශකයෙක් සඳහන් කළේය.

හිටපු ජනාධිපති මහින්ද රාජපක්ෂ තංගල්ලේ රැඳී සිටිමින් පාක්ෂික හමුවීම් ඇතුළු දේශපාලන කටයුතු පසුගියදා ආරම්භ කළේය.

ජනලේඛන හා සංඛ්‍යාලේඛන දෙපාර්තමේන්තුව මෙම වසරේ දෙවන කාර්තුවට අදාළව නිකුත්කළ නවතම දත්ත වාර්තාව අනුව මෙරට ධීවර අංශය, එළවළු බෝග වගාව සහ රබර් වගාකිරීම අස්ථාවර මාවතක ගමන් කරන බව අනාවරණය කර ඇත.

කෙසේ නමුත් 2025 වසරේ දෙවන කාර්තුව වන අප්‍රේල් 01 සිට ජුනි 30 දක්වා වූ කාලසීමාවට අදාළව සිදුකර ඇති මෙම කාර්තුවේ කෘෂිකාර්මික, කර්මාන්ත හා සේවා ආර්ථික කටයුතුවල ධන අගයක් වාර්තා කර තිබේ.

අදාළ ජාතික ගිණුම් ඇස්තමේන්තු දත්ත අනුව එළවළු වගාව, රබර් වගාව සහ මෙරට ධීවර නිෂ්පාදනය සෘණ අගයන් වාර්තා කර ඇත.

එළවළු වගාව 3.6%ක සෘණ අගයක්ද, කරදිය මත්ස්‍ය නිෂ්පාදනය 5.2%ක සෘණ වර්ධනයක් ද, මිරිදිය මත්ස්‍ය නිෂ්පාදනය 34.8%ක දැවැන්ත සෘණ අගයක් ද වාර්තා කර තිබේ.

අපනයන සඳහා සැලකිය යුතු දායකත්වයක් ලබා දෙන මෙරට රබර් වගා කිරීම 10.8%ක සෘණ අගයකින් පසුබැස ඇති බවද ජනලේඛන හා සංඛ්‍යාලේඛන දෙපාර්තමේන්තුව පෙන්වා දේ.

රබර් සංවර්ධන දෙපාර්තමේන්තුවට අනුව දෙවන කාර්තුවේ නිෂ්පාදන පහත වැටීමට හේතු වී ඇත්තේ මාර්තු - අප්‍රේල් කාලය රබර් වගාවේ දළු දමන කාලය වීම සහ මැයි - ජූනි කාලයේ ඇදහැලුණු අධික වර්ෂාවය.

මෙම ගණනය කිරීම අනුව මෙම කාර්තුවේ කෘෂිකාර්මික ආර්ථික කටයුතු 2%කින්, කර්මාන්ත ආර්ථික කටයුතු 5.8%කින්, සේවා ආර්ථික කටයුතු 3.9%කින් ලෙස ධන අගයන් වාර්තා කර තිබේ.

නිෂ්පාදන ප්‍රවේශය යටතේ එළිදක්වා ඇති දත්ත අනුව වී, ධාන්‍ය, උක්, පළතුරු, කුළුබඩු වගාකිරීම ආදී ක්ෂේත්‍ර සැලකිය යුතු අයුරින් ධන වර්ධනයක් පෙන්නුම් කර ඇත.

ශ්‍රී ලංකාවට විදේශ විනිමය ලබාදෙන ප්‍රධානම මූලාශ්‍රයක් වන තේ වගා කිරීම ද දෙවන කාර්තුවේදී 6%ක වර්ධනයක් වාර්තා කර තිබේ.

මස් පිණිස සතුන් ඇති කිරීම, 'කිරි නිෂ්පාදනය සහ බිත්තර නිෂ්පාදනය' යන උප කාණ්ඩ කිහිපයකින් සමන්විත සත්ව නිෂ්පාදනය මෙම වසරේ දී දෙවන කාර්තුවේදී කැපීපෙපන වර්ධනයක් පෙන්නුම් කර ඇති බවද අදාළ වාර්තාවේ සඳහන්.

එය 2024 දෙවන කාර්තුවට සාපේක්ෂව 13.9%ක සැලකිය යුතු වර්ධනයක්ය.

ඒ අනුව මස් පිණිස කුකුළන් ඇති කිරීම 10.9%කින්, බිත්තර නිෂ්පාදනය 35.3%කින්, කිරි නිෂ්පාදනය 2.5%කින් වර්ධනය වී ඇත.

ජනලේඛන හා සංඛ්‍යාලේඛන දෙපාර්තමේන්තුව වැඩිදුරටත් පෙන්වා දෙන්නේ මේ වනවිට බිත්තරයක නිෂ්පාදන මිල සැළකිය යුතු ලෙස අඩුවී ඇති බවය.

Ada derana.lk

මෙම වසරේ පළමු මාස 7 තුළ පමණක් දරුවන් කෘරත්වටයට පත් කිරීම් සම්බන්ධයෙන් වන පැමිණිලි 1,000 කට අධික ප්‍රමාණයක් ලැබී ඇති බව කාන්තා හා ළමා කටයුතු අමාත්‍ය සරෝජා සාවිත්‍රි  පෝල්රාජ්  පවසයි.

දණ්ඩ නීති සංග්‍රහය, සං‍ශෝධන පනත් කෙටුම්පත ඊයේ (24) පාර්ලිමේන්තුවේ දෙවනවර කියවීමේ විවාදයට එක්වෙමින් අමාත්‍යවරිය මේ බව පැවසුවාය.

නිවාස, පාසල්, රැඳවුම් නිවාස, මහාමාර්ගය ආදී ස්ථානවලදී දරුවන් කෘරත්වයට පත් වන බවද ඇය සඳහන් කළාය.

ඒ අනුව පසුගිය වසරේදී දරුවන් 1,350 දෙනෙකු කෘරත්වයට පත්ව ඇති බවද කාන්තා හා ළමා කටයුතු අමාත්‍ය සරෝජා සාවිත්‍ර පෝල්රාජ්  පැවසුවාය.

දරුවන් කායික වශයෙන් හෝ මානසික වශයෙන් දඩුවමට ලක්කිරීමෙන් ඉහළ ශිෂ්‍ය සාධනයක් අපේක්ෂා කළ නොහැකි බව පැවසු කාන්තා සහ ළමා කටයුතු ඇමැතිනී සරෝජා සාවිත්‍රී පෝල්රාජ්, එහිදී වැඩිදුරටත් මෙසේ සඳහන් කළාය.

"දණ්ඩ නීති සංග්‍රහය සංශෝධනය අවශ්‍ය වී තිබෙනවා. දරුවන්ගේ හිංසන සම්බන්ධයෙන් දඩුවම් කිරීමේ දී ශාරීරික හිංසන සම්බන්ධයෙන් අවධානය යොමුව තිබෙනවා. ළමුන් හා යෞවනයන් පූර්ණ සංවර්ධනයට පත්වන බවට වග බලාගත යුතු වෙනවා.

ඔවුන්ගේ සුබ සිද්ධිය රජය විසින් සිදුකළ යුතු වෙනවා. ගෝලීය වශයේන අපි නීති හා පතිපත්ති සමඟ එක්ව තිබෙනවා. එක්සත් ජාතීන්ගේ ළමා සම්මුතිය සමඟ අත්සන් කර තිබෙනවා.

ඒ අනුව ළමා අයිතිවාසිකම් සම්බන්ධයෙන් ප්‍රඥප්තියක් හදුන්වා දී තිබෙනවා. ළමුන් ප්‍රචණ්ඩත්වයට පත්වන අවස්ථා සම්බන්ධයෙන් සොයා බැලීමේ දී අද ඉදිරිපත් වන වගන්තිය සංශෝධනය කළයුතු වෙනවා.

පසුගිය කාලයේ ළමුන්ට සිදුවන කෘරත්වය 2011 වසරේ දී 1156 වශයෙන් සිදුව තිබෙනවා. 2020 වනවිට 2237 ක් ද 2022 දී 2096, 2024 වසරේ දී 1950 ක් සහ මේ වසරේ මේ වනවිට 1126 ක් අපරාධ වාර්තා වී තිබෙනවා. මේ ගැන කතා කිරීමේ දී කරුණු රැසක් තිබෙනවා.

ළමුන් කෘරත්වයට පත්වන අවස්ථා තිබෙනවා. නිවෙසේදී, ළමා නිවෙසේදී, පාසලේදී, බස් රියේ දී එවැනි දේ සිදුවෙනවා.

පසුගිය කාලයේ අපි විවිධ දේ දැක තිබෙනවා. ළමුන් විවිධාකාරයෙන් කෘරත්වයට පත්ව තිබෙනවා.

මව විදේශ ගතවීමේ දී ළමුන් ඇතැම් විට කෘරත්වයට පත්වෙනවා. ළමුන් විකල්ප රැකවරණ භාරයට දී ගියත් දරුවන් කායික, මානසික හිංසනයට ලක්වෙනවා. පසුගිය කාලයේ ඕනෑ තරම් අත්දැකීම් අපිට තිබෙනවා.

ඒ අනුව ළමා අයිතිවාසිකම් පිළිබඳ ප්‍රඥප්තියට අත්සන් කර තිබෙන රටක් ලෙස 1991 වසරේ දී අපි අපරානුමත කර තිබෙනවා. යම්කිදසි දරුවෙක් රැකවරණයේ දී හිංසනයට ලක්වෙනවා නම් ඒක වරදක් වෙනවා.

අද ගේන පනතින් අපි අපේක්ෂා කරන්නේ සියලුම දරුවන් හිංසනයෙන් මුදා ගැනීමයි. ලංකාව අත්සන් කළ ප්‍රධාන වගකීම්වලින් එකක් වෙනවා.

ඒ වෙනුවෙන් නීතිමය සහ ව්‍යවස්ථාමය ක්‍රියාමාර්ග ගන්න පූර්ණ එකඟත්වය පළකළ රාජ්‍යයක්. ඒ අනුව දරුවන් කායික හෝ මානසික හිංසනයට ලක්කරන්න බැහැ. ඒ අනුව දරුවෙක් අයිති වන්නේ ප්‍රදේශයේ දිසා අධිකරණයටයි.

ඒ නිසා අපි ගේන සංශෝධන තුළින් දරුවන්ට වඩා හොඳ හෙට දිනක් නිර්මාණය කිරීම අපේක්ෂා කරනවා.

පාසල් තුළ ශාරීරික දණ්ඩනය ද වරදක් වෙනවා. 2016 අංක 12 දරණ චක්‍රලේඛයෙන් පාසලේ විනය ගැන සඳහන් කර තිබෙනවා.''

2027 වසරේ සිට දිවයින පුරා සියලු ම පෙරපාසල් සඳහා එක ම විෂය මාලාවක් ක්‍රියාත්මක කරන බව අධ්‍යාපන, උසස් අධ්‍යාපන සහ වෘත්තීය අධ්‍යාපන අමාත්‍ය, අග්‍රාමාත්‍ය ආචාර්ය හරිනි අමරසූරිය පවසයි.

• කළිඳු ප්‍රශ්න කරද්දී දිගින් දිගටම බාධා කරයි! අහන්න එපා කියයි!
• බාධා මැද්දේ කළිඳු ප්‍රශ්නය ඇහුවාම ''ඒ ගැන සෑහීමකට පත්වෙන්න බැරි නම් පැමිණිල්ලක් දාලා පරීක්ෂණයක් ඉල්ලන්න'' කියයි
• මේවා ප්‍රසිද්ධ කරලා තියෙන්නේ දකින දකින කෙනාට පාරෙදි හම්බුනාම අහන්න නෙවෙයි, වත්කම් ගැන අහන්න එපා මං උත්තර දෙන්නෑ- හදුන්නෙත්තිට මල පනී

තමන් විසින් භාරදී ඇති තම වත්කම් බැරකම් ප්‍රකාශය පිළිබඳව තමන්ගෙන් ප්‍රශ්න නොවිසුමන ලෙස දෙරණ 360 නාලිකාවේදී අමාත්‍ය සුනිල් හඳුන්නෙත්ති  මාධ්‍යවේදී කවිඳු කරුණාරත්නට ඊයේ දැනුම් දුන්නේය.

එසේම අඳාළ වත්කම් බැරකම් ප්‍රකාශ සම්බන්ධයෙන් ප්‍රශ්නයක් පවතී නම් අල්ලස් කොමිසමට පැමිණිල්ලක් කරන ලෙසද ඔහු එහිදී ඉල්ලා සිටියේය.

එමෙන්ම ඔහු තමන්ගේ වත්කම් සම්බන්ධයෙන් විභාගයක් පැවැත්වීමට මාධ්‍යයට අවස්ථාව ලබාදිය නොහැකි බව ද ප්‍රකාශ කර සිටියේය.

ඒ අනුව අමාත්‍යවරයා සඳහන් කළේ තව වත්කම් බැරකම් ප්‍රකාශ කර ඇත්තේ දකින කෙනාට පාරෙදි හම්බවුණාම හම්බ වූ අවස්ථාවල ප්‍රශ්න කිරීමට නොවන බවය.

කෙසේ වෙතත් උණුසුම් සංවාදයකින් අනතුරුව මාධ්‍යවේදියා තම ප්‍රශ්නය ඇසීමේ අයිතිය ලබා ගත්තද එහිදී විමසන ලද ප්‍රශ්නවලට පිළිතුරු දීම ඇමතිවරයා ප්‍රතික්ෂේප කළේය.

'' අපි දෙන්නා මෙතන විභාගයක් කරන එක සාධාරණ නැහැ. මේක ක්‍රමය නෙවෙයි. මම ඕකට උත්තර දෙන්න බැඳිලා නැහැ. අල්ලස් හෝ දූෂණ කොමිෂම මේවා ප්‍රසිද්ධ කරල තියෙන්නෙ දකින දකින කෙනාට පාරදි හම්බුනාම අහල ප්‍රශ්න කරන්න නෙමෙයි. හරිද?. පරීක්ෂණ ක්‍රියාවලියක් ඇතුළෙ ඕන කෙනෙකුට පුළුවන් අදාල වත්කම් බැරකම් පිළිබඳ ප්‍රශ්නයක් තියෙනවා නම් ඒක ලිඛිතව අල්ලස් හෝ දුෂණ කොමිෂන් සභාවට ඉදිරිපත් කරලා පරීක්ෂණයක් ඉල්ලන්න"

එහිදී විමසන ලද ප්‍රශ්ණ වෙනුවෙන් උත්තර දැක්වීද ඇමතිවරයා ප්‍රතික්‍ෂෙප කලේය.

එක්සත් ජාතික පක්ෂයේ 79 වැනි සංවත්තර උත්සවය බත්තරමුල්ල මොනාක් ඉම්පීරියල් හෝටල් පරිශ්‍රයේදී අද (20) පෙරවරු 9ට පැවැත්වේ.

"ඔබේ මතය දරන්න'' - ''ව්‍යවස්ථාපිත ඒකාධිපතිවාදය පරදවන්න එකට සිටගමු" යන තේමාව මුල් කර ගනිමින් එක්සත් ජාතික පක්ෂය මෙවර සංවත්සරය සමරනු ලබයි.

එක්සත් ජාතික පක්ෂ නියෝජ්‍ය නායක රුවන් විජයවර්ධන පැවසූයේ ප්‍රජාතන්ත්‍රවාදය ආරක්ෂා කර සියලු බලමුළු එකට එක්වන තෝතැන්නක් ලෙස මෙවර එජාප සංවත්සර සැමරුම හඳුන්වා දිය හැකි බවත් ජාති ආගම් කිසිදු භේදයක් නොසලකා සියලු දෙනා එක් කරන පක්ෂයක් ලෙස එදා මහාමාන්‍ය ඩී.එස්. සේනානායක ඇරැඹූ එක්සත් ජාතික පක්ෂය අදත් සියලු පාර්ශව එක් කරන " මහ ගෙදරක්" බවට පත්වීම සුවිශේෂී කාරණයක් වන්නේ යැයිද රුවන් විජයවර්ධන කීය.

පක්ෂ නායක හිටපු ජනාධිපති රනිල් වික්‍රමසිංහ ගේ ප්‍රධානත්වයෙන් පැවැත්වෙන මෙම සංවත්සර උත්සවයට සමගි ජන බලවේගය, ශ්‍රී ලංකා පොදු ජන පෙරමුණ ඇතුළු විපක්ෂයේ සියලුම පක්ෂ වලට ආරාධනා කර තිබෙන බව එජාප සභාපති වජිර අබේවර්ධන පැවසීය.

කෙසේවෙතත්, එක්සත් ජාතික පක්ෂයේ සම්මේලනයට විපක්ෂ නායක සමගි ජන බලවේගයේ නායක සජිත් ප්‍රේමදාස සහභාගී නොවන බව එම පක්ෂ ආරංචි මාර්ග සඳහන් කළේය.

නමුත්, එම පක්ෂය වෙනුවෙන් සමගි ජන බලවේගයේ මහලේකම් රංජිත් මද්දුම බණ්ඩාර සහ තවත් මන්ත්‍රීවරුන් කිහිපදෙනෙකු එම අවස්තාවට සහභාගී වීමට නියමිතය.

මෙම සංවත්සර රැස්වීමට ශ්‍රී ලංකා පොදු ජන පෙරමුණේ ජාතික සංවිධායක නීතිඥ නාමල් රාජපක්ෂ මහතා ඇතුළු විපක්ෂයේ සෙසු දේශපාලන නායකයන් පිරිසක් සහභාගි වීමට නියමිත බවද වාර්තාවේ. 

බ්‍රිතාන්‍ය බී බී සී (BBC ) රූපවාහිනිය මගින් විකාශය කළ, ගාසා තීරයේ ළමුන් පිලිබඳ වැඩසටහනක්, විකාශ නීති උල්ලංඝනය කර ඇති බවට චෝදනා එල්ල වේ. එම වැඩසටහනේ පෙනී සිටි 13 හැවිරිදි පිරිමි දරුවකු, හමාස් රජයේ කෘෂිකර්ම නියෝජ්‍ය අමාත්‍යවරයාගේ පුත්‍රයා බව වැඩසටහන තුළ අනාවරණය නොකිරීම ප්‍රේක්ෂකයින් නොමග යැවීමක් බව, බ්‍රිතාන්‍ය මාධ්‍ය නියාමන කාර්යාලය නිවේදනය කළේය.

එය, ජනමාධ්‍ය ක්ෂේත්‍රයේ   ප්‍රාමාණික වංචන ක්‍රියාවක් බව එම කාර්යාලය පවසයි.

(සටහන | Reuters ඇසුරින්; හර්ෂ උදයකාන්ත පීරිස්)

UK regulator says BBC's Gaza documentary broke broadcasting rules

ජනාධිපති අනුර කුමාර දිසානායකට සමගි ජන බලවේගයේ කුරුණෑගල දිස්ත්‍රික් පාර්ලිමේන්තු මන්ත්‍රී ජේ.සී. අලවතුවල හමුවුණා.

එළඹෙන ඔක්තෝබර් 17 සහ 18 යන දිනවල නව දිල්ලියේදී පැවැත්වීමට නියමිත NDTV ලෝක සමුළුව 2025, සුවිශේෂී ගෝලීය සංවාදයක් සඳහා වේදිකාව සූදානම් කරමින් සිටී.

ඉන්දීය අග්‍රාමාත්‍ය නරේන්ද්‍ර මෝදි, ශ්‍රී ලංකා අග්‍රාමාත්‍ය ආචාර්ය හරිනි අමරසූරිය, හිටපු එක්සත් රාජධානි අගමැති රිෂී සුනක් සහ හිටපු ඕස්ට්‍රේලියානු අගමැති ටෝනි ඇබට් ඇතුළු ලොව බලගතු නායකයින් රැසක් මේ සඳහා සහභාගී වීමට නියමිතය.

සේවයේ නියුතු අග්‍රාමාත්‍යවරුන් දෙදෙනෙකු සහ හිටපු අග්‍රාමාත්‍යවරුන් දෙදෙනෙකු එකම වේදිකාවකට ගොඩවීම ඉතා දුර්ලභ මෙන්ම බලගතු අවස්ථාවක් ලෙස සැලකෙන අතර, එය අපේ කාලයේ වඩාත්ම හදිසි සහ වැදගත් සංවාද හැඩගැස්වීමේ සමුළුවේ ඇති වැදගත්කම මනාව පිළිබිඹු කරයි. සංවිධායකයින් මෙම හමුව "අතිශය තීරණාත්මක ප්‍රතිවිපාක ගෙන දෙන ගෝලීය සංවාදයක්" ලෙස හඳුන්වයි.

කෙසේ වෙතත්, ජාත්‍යන්තර ප්‍රජාව මෙම ඉහළ පෙළේ සාකච්ඡා පිළිබඳව අපේක්ෂාවෙන් සිටින අතරතුර, ශ්‍රී ලංකා අග්‍රාමාත්‍ය හරිනි අමරසූරියගේ සහභාගීත්වය තහවුරු කිරීමත් සමඟ කොළඹ දේශපාලන ක්ෂේත්‍රය තුළ යම් කැලඹීමක් ඇතිවී ඇති බවට වාර්තා වේ.

විශ්වාසදායක ආරංචි මාර්ගවලට අනුව, ජනතා විමුක්ති පෙරමුණේ ප්‍රධාන තීරණ ගන්නා නායකයින් අතර අගමැතිනියගේ මෙම සහභාගීත්වය සම්බන්ධයෙන් නොසන්සුන්කාරී තත්ත්වයක් මතුව තිබේ. විවිධ දේශපාලන මත දරන ලෝක නායකයින් සමඟ එකම වේදිකාවක් බෙදා ගැනීමට ගත් තීරණය, පක්ෂයේ අභ්‍යන්තර කතාබහට ලක්වූ කරුණක් බව පැවසේ.

මෙම තත්ත්වය තවදුරටත් කුතුහලය දනවන කරුණක් බවට පත් කරමින්, ජනාධිපති කාර්යාලයට සමීප ආරංචි මාර්ග අනාවරණය කර ඇත්තේ අග්‍රාමාත්‍යවරියගේ නව දිල්ලි සංචාරය පිළිබඳ තහවුරු කිරීම අනපේක්ෂිත සිදුවීමක් වූ බවයි. නම සඳහන් නොකළ අභ්‍යන්තර ආරංචි මාර්ගයක් සඳහන් කළේ, මෙම නිවේදනය ජනාධිපති ලේකම් කාර්යාලය "විමතියට පත් කළ" බවයි.

එමගින් මෙම ඉහළ පෙළේ රාජ්‍ය තාන්ත්‍රික කටයුත්ත සම්බන්ධයෙන් රජයේ ඉහළම මට්ටම් අතර සන්නිවේදනයේ යම් බිඳවැටීමක් සිදුවී ඇති බවට ඉඟි පළ වේ.

වත්මන් සහ හිටපු නායකයින්ගේ මෙම බලගතු හමුවට නව දිල්ලිය සූදානම් වන විට, සමුළුවේ න්‍යාය පත්‍රයේ ඇති ගෝලීය ගැටළු දෙස බලන තරම්ම උනන්දුවෙන්, අග්‍රාමාත්‍ය අමරසූරියගේ සහභාගීත්වය වටා ගොඩනැගෙන දේශපාලන ගතිකත්වය දෙසද බොහෝ දෙනාගේ අවධානය යොමු වනු ඇත.

කිසිඳු ඇපයකින් තොරව ක්ෂණිකව ණය ලබා දෙන බවට අන්තර්ජාලය සහ ජංගම දුරකථන යෙදවුම් ඔස්සේ ප්‍රචාරය වන ආකර්ෂණීය දැන්වීම් සම්බන්ධයෙන් සැලකිලිමත් වන ලෙස පොලිස් මූලස්ථානය මහජනතාවට දැනුම් දෙයි. මෙවැනි ආයතන විශාල සංඛ්‍යාවක් ක්‍රියාත්මක වන ආකාරය ශ්‍රී ලංකා පොලිසිය විසින් නිරීක්ෂණය කර ඇති අතර, ඇතැම් විට දුරකථන ඇමතුම් ලබා දෙමින් පවා, ණය ලබා ගැනීමට පුද්ගලයින් පොළඹවන බවට තොරතුරු අනාවරණය වී තිබේ.



මෙම ණය යෝජනා ක්‍රමවලට හසුවන බොහෝ දෙනෙකු, ණය ලබා ගැනීමේදී අදාළ පොලී අනුපාතයන් හෝ ණය ආපසු ගෙවීමේ කාලසීමාවන් පිළිබඳව නිසි අවබෝධයක් ලබා නොගැනීම නිසා දැඩි ගැටලුකාරී තත්ත්වයන්ට මුහුණ පා ඇති බවට පොලිසියට පැමිණිලි ලැබී ඇත. ණය මුදල ලබා ගැනීමෙන් අනතුරුව, අනපේක්ෂිත ලෙස ඉහළ පොලී මුදලක් ගෙවීමට සිදුවීමෙන් ණය ගැතියන් දැඩි අපහසුතාවට පත්වන අවස්ථා බහුලව වාර්තා වේ.

එමෙන්ම, ණය මුදල් නැවත අය කර ගැනීමේදී මෙම ආයතන විසින් ණය ලබා ගත් පුද්ගලයින් පීඩාවට පත් කරමින් නිරන්තරයෙන් දුරකථන ඇමතුම් ලබා දෙන බවටත්, ඔවුන්ව අපහාසයට ලක් කරමින් සමාජ මාධ්‍ය ජාලා ඔස්සේ විවිධ ප්‍රචාරයන් ගෙන යන බවටත් ශ්‍රී ලංකා පොලිසිය වෙත දිනපතා පැමිණිලි ගලා එමින් පවතී.

මේ සම්බන්ධයෙන් ශ්‍රී ලංකා පොලිසිය විසින් ශ්‍රී ලංකා මහ බැංකුවේ බැංකු නොවන මූල්‍ය ආයතන අධීක්ෂණ දෙපාර්තමේන්තුවෙන් සිදුකළ විමසීමකදී තහවුරු වී ඇත්තේ, මෙලෙස ක්‍රියාත්මක වන බොහෝ ආයතන මහ බැංකුවේ නියාමනයට ලක් නොවූ ආයතන බවයි. එමෙන්ම, මෙවැනි ණය දෙන ආයතන නියාමනය කිරීම සඳහා අවශ්‍ය ඉදිරි පියවර ගනිමින් සිටින බවද මහ බැංකුව වැඩිදුරටත් පොලිසිය වෙත දැනුම් දී ඇත.

ඒ අනුව, මහජනතාව තම මූල්‍ය අවශ්‍යතා සපුරා ගැනීමේදී සෑම විටම ශ්‍රී ලංකා මහ බැංකුවේ නියාමනය යටතේ පවතින පිළිගත් මූල්‍ය ආයතන සමඟ පමණක් ගනුදෙනු කරන ලෙස ශ්‍රී ලංකා පොලිසිය විශේෂයෙන් ඉල්ලා සිටියි.

සිතේ ඇතිවන දරාගත නොහැකි අනියත බියක් හේතුවෙන් හටගන්නා මානසික ව්‍යාකූලතාව හෙවත්

මොටර් රථ ප්‍රවාහන දෙපාර්තමේන්තුව (RMV ) විශාල වංචා හා දුෂණ සහිත කැලයක් බවත් ඒවා ක්‍රමානුකූලව නිරවුල් කරගෙන ඉදිරියට යාමට පියවර ගන්නා බවත් ප්‍රවාහන, මහාමාර්ග, වරාය සහ සිවිල් ගුවන් සේවා අමාත්‍ය බිමල් රත්නායක පැවැසීය.

ඔහු මෙසේ පැවැසුවේ අනුරධපුර දිස්ත්‍රික් ලේකම් කාර්යාල ශ්‍රවණාගාරයේ අනුරාධපුර දිස්ත්‍රික් විශේෂ සම්බන්ධීකරණ කමිටු රැස්වීමේදීය.

අනුරාධපුර දිස්ත්‍රික්කයේ පවතින ප්‍රවාහන කේෂත්‍රයේ ගැටලු සහ ඉදිරියේදී සංවර්ධනය විය යුතු කටයුතු පිළිබදව මෙහි දී සාකච්ජාවට ලක්විය.

ප්‍රවාහන හා මාර්ග කටයුතු සම්බන්ධයෙන් සංවර්ධන කටයුතු පහසු කිරීම හා නිසියාකාර කිරීම උදෙසා වන දිස්ත්‍රික් කමිටුවක් පිහිටුවීම ද මෙහිදී සිදු කෙරිණි. එහි සභාපතිවරයා ලෙස ජාතික ජනබල වේගය අනුරාධපුර දිස්ත්‍රික් පාර්ලිමේන්තු මන්ත්‍රී සුසන්ත කුමාර නවරත්න පත් කෙරිණි.

මෙහිදී මාධ්‍යයට අදහස් දක්වමින් අමාත්‍යවරයා මෙසේ ද පැවැසීය.

''කැබිනට් මණ්ඩලයේ එකගතාවක් මත ප්‍රාදේශීය වශයෙන් ජන ජීවිතයට බලපාන අමාත්‍යාංශවල දිස්ත්‍රික් මට්ටමෙන් කමිටු පැවැත්වීමට තීරණය කර තිබෙනවා. ඒ අනුව අප අමාත්‍යාංශයේ අනුරාධපුර දිස්ත්‍රික් කමිටු රැස්වීම අද දින පැවැත්වුණා. අනුරාධපුර මල්වතු ඔය පාලම පටුයි. එම නිසා අද එම පාලම වැඩි දියුණු කිරීමටත් මාර්ගය අලුත්වැඩියා කිරීමටත් මුදල් ලබාදීමත් කළා. ඒ වගේම ග්‍රාමීය මාර්ග වැඩි දියුණු කිරීමටත් රුපියල් මිලියන 250ක් වෙන් කළා.''

(lankadeepa | දයාරත්න ඇඹෝගම)

ඔක්තෝම්බර් 01 දින සිට SVAT (සරල කරන ලද එකතුකළ අගය මත බදු) ක්‍රමය අහෝසි කිරීමට එරෙහිව සහ ක්‍රමවත් ස්වයංක්‍රීය VAT ආපසු ගෙවීමේ යාන්ත්‍රණයක් ස්ථාපිත නොකිරීමට එරෙහිව වානිජ මණ්ඩල 3ක් රිට් පෙත්සමක් ගොනුකර තිබේ.

නිදහස් වෙළෙඳ කලාප නිෂ්පාදකයන්ගේ සංගමය, ශ්‍රී ලංකා ජාතික වානිජ මන්ඩලය සහ සුළු හා මධ්‍ය පරිමාණ කර්මාන්තකරුවන්ගේ වානිජ මන්ඩලය යන ආයතන මෙලෙස අභියාචනාධිකරණය හමුවේ රිට් පෙත්සම ගොනුකර ඇත.

ආයෙත් Mohan Raj Madawalaගෙ Toxic කෘතිය ගැන පාඨකයන් අතර කතාබහක් ඇතිවෙලා තියන නිසා සහ ඒවයෙ පාඨකයන් පළකළ අදහස් කියවල බැලුවම මට toxic කෘතිය ගැන පෙර කියවන්නෙක් ලෙස මම පළකළ අදහස්වලට වැඩිදුර අදහස් කිහිපයක් එකතු කරන්න ඕන කියල හිතුවා.

එක්සත් ජාතීන්ගේ මානව හිමිකම් කවුන්සිලයේදී ශ්‍රී ලංකා නියෝජිත කණ්ඩායම මෙරට විදේශ ප්‍රතිපත්තිය විනාශකාරී අන්දමින් ක්‍රියාත්මක කළ ආකාරය සම්බන්ධව තමන් දැඩි කම්පාවට පත්වන බව සර්ව ජනබලයේ නායක පාර්ලිමේන්තු මන්ත්‍රී දිලිත් ජයවීර පවසයි.

එක්සත් ජාතීන්ගේ මානව හිමිකම් කවුන්සිලය විසින් ශ්‍රී ලංකාව සම්බන්ධයෙන් කළ යෝජනා සම්මතය පිළිබඳ දිලිත් ජයවීර සිය X අවකාශයේ සටහනක් තබමින් මේ බව සඳහන් කර තිබේ.

මානව හිමිකම් මණ්ඩලයේදී ශ්‍රී ලංකාව නියෝජනය කිරීමට බැඳී සිටින ඔවුන් මිලියන 22ක් වූ ජනතාවට ඒ පිළිබඳ වහා සැපයිය යුතු අතර ශ්‍රී ලංකාව සම්බන්ධයෙන් තහවුරු නොකළ චෝදනා මත පදනම් වූ යෝජනාවට පක්ෂව මිතුරු රටවල් පවා අදහස් දැක්වීම කම්පනයට පත්වන පාවාදීමක් බව ද ඔහු සිය X ගිණුමේ සටහන් කර තිබේ.

ජාත්‍යන්තර ප්‍රජාව ඉදිරියේ අපේ ජාතියේ ප්‍රමුඛතාවන් හෑල්ලුවට ලක්වීම වත්මන් රජයේ දුර්වලතාව හා අසමත්භාවය ප්‍රදර්ශනය කිරීමක් බවත් සිය සටහන මගින් වැඩිදුරටත් පෙන්වා දී ඇත.



දිලිත්ගේ X සටහන

අධ්‍යනය පොදු සහතික පත්‍ර සාමාන්‍ය පෙළ විභාගය සඳහා අයැදුම්පත්‍ර කැඳවීම ආරම්භ කර තිබේ.

‍මාර්ග ගත ක්‍රමය ඔස්සේ ලබන මස 09 වැනිදා දක්වා අයැදුම්පත්‍ර යොමු කළ හැකි බව විභාග දෙපාර්තමේන්තුව නිවේදනය කළේය.

පාසල් අයැදුම්කරුවන් විදුහල්පති මගින් අයැදුම්පත්‍ර යොමු කළ යුතු ය.

විභාග දෙපාර්තමේන්තුවේ නිල වෙබ් අඩවිය වන www.doenets.lk හෝ www.onlineexams.gov.lk. වෙත පිවිස අයදුම්පත්‍ර යොමු කළ යුතුයි

අධ්‍යනය පොදු සහතික පත්‍ර සාමාන්‍ය පෙළ විභාගය ලබන පෙබරවාරි මාසයේ පැවැත්වේ.

හිටපු අමාත්‍ය ටිරාන් අලස් විසින් කරනු ලැබ ඇති අක්වෙරළ අයෝජන දෙකක් පිළිබඳව ''ජන අරගල සන්ධානය'' අල්ලස් හෝ දූෂණ චෝදනා විමර්ශන කොමිෂන් සභාව වෙත පැමිණිල්ලක් ඉදිරිපත් කර තිබේ.

විනිමය පනත උල්ලංඝනය කරමින් හිටපු අමාත්‍යවරයා බ්‍රිටිෂ් වර්ජින් අයිලන්ඩ් දූපතේ Bahama Ventures Limited සහ Bromption Propertiesහි පිළිවෙළින් බ්‍රිතාන්‍යය පවුම් 1,550,000ක් සහ 1,400,100ක අයෝජන සිදු කර ඇතැයි ඔක්තෝබර් 14 වන දා ජන අරගල සන්ධානය කළ පැමිණිල්ලේ සඳහන් වේ.

ජාත්‍යන්තර ගවේෂණාත්මක මාධ්‍යවේදීන්ගේ සංසදය (ICIJ) මගින් 'පැන්ඩෝරා පත්‍රිකා' හරහා ද මෙම අයෝජන පිළිබඳ හෙළි කර ඇති බව ද එම පැමිණිල්ලේ දැක්වේ.

පැමිණිලි දාලා මගහරිනවා ..


''ජන අරගල සන්ධානයේ'' පැමිණිල්ල සම්බන්ධයෙන් බීබීසී සිංහල සේවය කල විමසීමකදී හිටපු අමාත්‍ය ටිරාන් අලස් පවසන්නේ, අදාළ චෝදනා සම්බන්ධ ඕනෑ ම විමර්ශනයකට මුහුණ දීමට තමන් සූදානම් බවයි..

දුමින්ද නාගමුව මීට ඉහතදී තමන් සහ ජනාධිපති අනුර කුමාර දිසානායක මෝල්ටාවේ අයෝජන කර ඇති බව පැවසූ බවත් ඔහු ඊට එරෙහිව කරන ලද පැමිණිල්ල ද මගහරින බවත් හිටපු ඇමතිවරයා බීබීසී සිංහල සේවය වෙත පවසා ඇත.

"එක පාරක් ඔය දුමින්ද නාගමුවමනේ ප්‍රෙස් කොන්ෆරන්ස් තියලා කිව්වේ ජනාධිපති අනුර දිසානායකයි, මායි එකතු වෙලා මෝලාටාවේ සල්ලි දැම්මා කියලා. ඒකට CID එකට මම කම්ප්ලේන් කෙරුවා. CID එකෙන් එන්න කිව්වා ම පැත්ත පළාතේ ආවේ නෑ. අන්තිමට CID එක උසාවියට ෆැක්ට්ස් රිපෝර්ට් කෙරුවා මෙයා එන්නේ නැහැ කියලා. ඒ වගේ කතා තමයි ඔය, ඕවා මම ගණන් ගන්නේ නැහැ. ඕවට මම උත්තර දෙන්නෙත් නැහැ," යැයි ද හිටපු අමාත්‍ය ටිරාන් අලස් බීබීසී සිංහල වෙත පවසා තිබේ.

මීට පෙර අවස්ථාවක ජනතා විමුක්ති පෙරමුණ සහ හිටපු මහජන ආරක්ෂක අමාත්‍ය ටිරාන් අලස් එක්ව යුරෝපයේ දූපතක මුදල් ආයෝජනය කර ව්‍යාපාරයක් පවත්වා ගෙන යන බව 2023 අගෝස්තු මාසයේ පැවති මාධ්‍ය හමුවකදී පෙරටුගාමී සමාජවාදී පක්ෂයේ ප්‍රචාරක ලේකම් දුමින්ද නාගමුව පැවසීය.