#newstube

තිඹිරිගස්යාය ප්‍රාද්ශිය සංවර්ධන කමිටු රැස්වීමේ දී රාජ්‍ය ආයතනයකින් ලබා ගත් නඩු තීන්දුවක් සම්බන්ධයෙන් ප්‍රසිද්ධියේ විවේචනය කළ පාර්ලිමේන්තු මන්ත්‍රීනි නීතිඥ ලක්මාලි හේමචන්ද්‍ර, එම නඩු තීන්දුව නොසලකා හැර කටයුතු කරන ලෙසට උපදෙස් ලබා දී ඇති බවත්, එය පරිපාලනමය කටයුත්තක් ලෙස සලකා සාධාරණීකරණය කිරීමට මාලිමා ආණ්ඩුව උත්සහා කරන්නේ යැයි සීතාවක ප්‍රාදේශීය සභා මන්ත්‍රී නාලක බණ්ඩාර පැවසී ය.

සටහන - රාධිකා රත්නායක

අධිකරණ අමාත්‍යවරයා ලෙස, හර්ෂණ නානායක්කාර යනු ජාතියේ නීති පද්ධතියේ භාරකරුය. එහෙත් රූපවාහිනිය ඔස්සේ ඔහු ඉටු කළේ වෙනත් භූමිකාවකි.  ඒ අධිකරණයට අපහාස කිරීම සම්බන්ධයෙන් චෝදනා ලැබූ දේශපාලන සගයෙකු ආරක්ෂා කිරීමය.

වත්මන් රජය සහ පාලනාධිකාරිය විසින් ලංකා පොස්පේට් සමාගමෙහි යටිතල පහසුකම් සංවර්ධනය කර, එය ඩිජිටල්කරණයට ලක් කර, නවොත්පාදන බිහි කර රටෙහි සංවර්ධනයට එය වඩාත් ඵලදායි ලෙස එක් කර ගැනීම සඳහා සැලසුම් සකස් කර ඇත.

ජනතා ආධාර මුදල් අවභාවිත කළාද?

ශ්‍රී ලංකාවේ බෞද්ධ ජනතාවගේ ඉමහත් ගෞරවයට පාත්‍ර වූ, සුප්‍රකට ධර්ම දේශකයකු වන ගලිගමුවේ ඥානදීප හිමියන්ට එරෙහිව බරපතළ දූෂණ සහ වංචා චෝදනා රැසක් මතුව තිබෙනවා.

ඉන්දීය එක්දින උපනායක ශ්‍රෙයාස් අයියර් ඉන්දියාව සහ ඕස්ට්‍රේලියාව අතර පැවැති තෙවැනි සහ අවසන් එක්දින තරගයේ පන්දු රැකීමේදී ඇති වූ ආබාධ තත්ත්වයක් හේතුවෙන් පසුගියදා රෝහල් ගත කළ අතර ඔහු ඊයේ (27 වැනිදා) දැඩි සත්කාර ඒකකයේ ප්‍රතිකාරවලින් ඉවත් කළ බව විදෙස් මාධ්‍ය වාර්තා කළේය.

76 වසරක සාපය කිය කියා බලයට පැමිණි මාලිමා රජයේ දෙබිඩි නිරුවත දැන් හෙළිදරව් වෙමින් තිබෙන බව විපක්ෂ නායක සජිත් ප්‍රේමදාස පවසයි.

පොරොන්දු, ප්‍රතිපත්ති ප්‍රකාශ ඉදිරිපත් කරමින් වත්මන් ආණ්ඩුව බලයට පත් වූයේ 76 වසරක රාජ්‍ය පාලනය තුළ ගොවියාට ලබා දුන් සැලකිල්ලට වඩා වැඩි සේවාවක් ගොවියා වෙනුවෙන් ඉටු කරන්න බවත් එදා සමගි ජන බලවේගය සහ තමා විසින් පොහොර මිටිය රු.5000ට දෙනවායැයි පවසන විට වී වගාවට හෙට්ටයාරයට රු. 25000ක් ලැබුනොත් හොදයි යැයි සිතා මාලිමාවට ඡන්දය දුන්නත් අද වන විට සහන මිලට බීජ නොමැති වීම, පොහොර සහනාධාරය වෙලාවට නොමැති වීම, පොහොරවල මෙන්ම තෙල් පොහොරවලද ගුණාත්මකභාවය ගැන ගැටලු පැවතීම, උපකරණ මිල ඉහළ යාම, වන අලි මිනිස් ගැටුම ආදිය ඇතුළු ගැටලු රැසක් මත වගා කටයුතු කළත් අවසානයේ අස්වැන්න වෙළෙදපොළට දෙන විට නියමිත මිලක් නොමැතිව කුණු කොල්ලයට අස්වැන්න මිලදී ගෙන ඇති බවත් විපක්ෂ නායකවරයා පැවසීය.

විපක්ෂයේ සිටින විට කුඹුරට බැස ගොයම් කකා වීවල සහතික මිල රු. 150ක් බවට අනපනත් හරහා පත් කරනවා කිව්වත් අද වන විට තෙත් වී රු. 90ට බවත් සමහර වී ගබඩා විවෘත කරවත් නොමැති බවත් මේ රජය බොරු කර කර රවටා බලය ගත් පසු වෙනත් කතාවක් කියන බවත් එදා බී ලූණු ගොවියාට පවා සහතික මිලක් ලබා දීම රජයේ වගකීමක් යැයි පවසා අද බී ලූණු ආනයනය හොද යැයි අද පවසන බවත් ගොවියාත් ජනතාවත් මංමුලා කර රැවටීම නිසා අද වන විට ගොවි ජනතාව අනතුරේ බවත් විපක්ෂ නායක සජිත් ප්‍රේමදාස පැවසීය.

විපක්ෂ නායක සජිත් ප්‍රේමදාස මේ බව කියා සිටියේ, පොළොන්නරුව හිගුරක්ගොඩ ප්‍රදේශයේ පැවැති ගමින් ගමට දොරින් දොරට විපක්ෂ නායක ජංගම සේවා වැඩසටහන සහ සමගි ජන බලවේගයේ සාමාජික ප්‍රවර්ධන වැඩසටහනක් සදහා එක්වෙමිනි.


''අගනුවර සිටින නව ලිබරල්වාදී පඹයන්ට අනුව නම් කෘෂිකර්මාන්තයෙන් රට දියුණු කරන්න බැහැ''


අලි මිනිස් ගැටුම මෙන්ම රිලා මිනිස් ගැටුමක් ද රටේ පවතින බවත් අනෙකුත් වන සතුන් අතර ද ගැටුමක් පවතින බවත් පසුගිය දිනවල අනෙකුත් සතුන් ගැන සංගණනයක් කරනවා කියා රටේ ඉන්න සතුන් ප්‍රමාණය හෙළිදරව් කළ බවත් ජනතාව මේවාට විසදුම් අපේක්ෂාවෙන් සිටින බවත් නෙදර්ලන්තය වැනි රටවල් කෘෂිකාර්මික ක්ෂේත්‍රය හරහා පොහොසත් වී ඇති මොහොතක අප රටේ සමහර අයට අනුව කෘෂිකර්මාන්තයෙන් අප රට දියුණු කරන්න බැරි බවත් අගනුවර සිටින නව ලිබරල්වාදී පඹයන් එසේ කිව්වත් නෙදර්ලන්තය කෘෂි අපනයනවලින් ඩොලර් බිලියන ගණන් ආධාර ලබන බවත් විපක්ෂ නායකවරයා කියා සිටියේය.

කෘෂිකර්මාන්තයට ද කෘතීම බුද්ධිය උපයෝගී කර ගත හැකි වුවත් මේ රජයට තාක්ෂණයෙන් සවිබල ගැන්වූ සුහුරු ගොවියා බිහි කරන්න නොහැකි බවත් සමගි ජන බලවේගයේ සංකල්පය වන්නේ සුහුරු ගොවියා බවත් අඩු වියදමින් වැඩි පළදාවක් ලබන ගුණාත්මකභාවයෙන් ඉහළ ප්‍රභේද නිර්මාණය කර දේශීය අවශ්‍යතාවට පමණක් නොව ලෝකයේ අවශ්‍යතාවලටද සැපයුමක් දිය හැකි අපනයන කෘෂිකර්මාන්තයක් බිහි කිරීමට කටයුතු කරන බවත් විපක්ෂ නායකවරයා වැඩිදුරටත් පැවසීය.

දිවයින පුරා ග්‍රාම සේවා වසම් 14,021ක් කුඩා ගම්මාන 50,964ක් ඇතුළු සමස්ත රටම ආවරණය කරමින් සමගි ජන බලවේගයේ සාමාජික ප්‍රවර්ධන වැඩසටහන විපක්ෂ නායක සජිත් ප්‍රේමදාස ගේ ප්‍රධානත්වයෙන් පසුගිය දා මොරටුමුල්ලෙන් ආරම්භ විය.

තමන් ධූරය දැරූ කාලය තුළ නැවතත් කිසිවෙකුට කතරගම දේවාලයේ මුදල් වංචා කළ නොහැකි ලෙස ක්‍රමවේදය වෙනස් කළ බව රුහුණු මහා කතරගම දේවාලයේ හිටපු බස්නායක නිලමේ ඩිෂාන් ගුණසේකර පවසයි.

ඒ අනුව මේ වන විට දෛනිකව දේවාලයේ ආදායම දේවාලයේ වෙබ් අඩවියේ යාවත්කාලීන වන අතර එය ඕනෑම අයකුට දැක බලා ගත හැකි බව ඩිෂාන් ගුණසේකර පවසා සිටියේය.

එම විනිවිදභාවය රටේ සෙසු ආයතනවලත් ස්ථාපිත කළ හැකි නම් එය ඉතා වටිනා බව ද ඔහු වැඩිදුරටත් සඳහන් කළේය.

තමන් භාරගන්නා විට දේවාලයේ ආදායම මිලියන 50 ක්ව පැවැති බවත්, මේ වසර වන විට එය අට ගුණයකින් වැඩි වී මිලියන 400ක් බවට පරිවර්තනය වී ඇති බවත් ඔහු වැඩිදුරටත් සඳහන් කළේය.

ඒ අනුව තමන් හට විශාල පින්කම් රැසක් පසුගිය කාලය පුරාවටම සිදු කර ගැනීමට හැකියාවක් සැලසුණු බව ඔහු වැඩිදුරටත් සිහිපත් කරසිටියේය.

ඓතිහාසික රුහුණු මහා කතරගම දේවාලයේ බස්නායක නිලමේ ලෙස කටයුතු කළ ඩිෂාන් ගුණසේකර ගේ ධූරයේ නිල කාලය සැප්තැම්බර් 23 දින අවසන් වූ අතර ඒ අනුව, බෞද්ධ කටයුතු කොමසාරිස්වරයා විසින් වැඩබලන බස්නායක නිළමේ ලෙස දෙවිනුවර මහා විෂ්ණු දේවාලයේ බස්නායක නිලමේ තිළිණ මධුසංක අබේරත්න පත් කර තිබේ. තිළිණ මධුසංක අබේරත්න ජනාධිපති අනුර කුමාර දිසානායකගේ සමීපතම හිතවතකු ලෙස සැලකේ.

*පාස්කු ප්‍රහාරයට බබා හුකුම් පාට් දාපු ජනාධිපතිතුමා තාජුඩීන් ඝාතනයටත් බබා හුකුම් පාට් දානවා!

*B වාර්තාව වැරදි විදිහට ලියපු අයට මේ ආණ්ඩුව තනතුරු දීලා!

*සිද්ධිය වුණු වෙලාවේ දුරකතන සංවාද වාර්තාව හංගපු අය මේ ආණ්ඩුවේ උපදේශකවරු වෙලා!

*රාජපක්ෂලා එක්ක හිටපු විශාල පිරිසක් මේ ආණ්ඩුව ඇතුළේ ඉන්නවා!

තාජුඩීන්ගේ බී වාර්තාව වැරදියට ලියපු අය පවා මේ ආණ්ඩුවේ සිටින බව සමගි ජන බලවේගයේ කොළඹ දිස්ත්‍රික් පාර්ලිමේන්තු මන්ත්‍රී මුජිබර් රහුමාන් පවසයි.

හෙතෙම මෙසේ පැවසුවේ කොළඹදී ඊයේ (01) පැවති ප්‍රවෘත්ති සාකච්ඡාවකදීය.

තාජුදීන්ගේ ඝාතනය සිදු වූ දින අරලියගහ මන්දිරය සහ නාරාහෙන්පිට පොලිසිය අතර කෙරුණු දුරකථන සංවාද හතළිහකට අදාල වාර්තාව දුරකතන සමාගමක   ප්‍රධානීන් හැංගූ බව කී මුජිබර් මන්ත්‍රීවරයා, එදා පාලකයන්ට හිතවත්ව සිටි ඒ දුරකථන සමාගම් ලොක්කන් දැන් ජනාධිපතිවරයාට සමීපව සිටින බව ද ප්‍රකාශ කළේය.

පාස්කු ඉරුදින ප්‍රහාරයට අදාළව විශ්වාසභංග යෝජනාවක්වත් ගේන්නවත් මේ ආණ්ඩුව ඉඩ නොදෙන බව රහුමාන් කියා සිටියේය.


ඔහු තවදුරටත් මෙසේද පැවසිය.

'' රගර් ක්‍රීඩක වසීම් තාජුඩීන්ගේ ඝාතන සිද්ධිය ආණ්ඩුව අලුත් තැනකට ගෙනැවිත් තිබෙනවා. වසීම් තාජුඩීන් මියගොස් සිටි රථයට පිටුපසින් ගමන්ගත් සැකකටයුතු රථයක, පසුගියදා මිද්දෙණියේදී ඝාතනයට ලක්වූ අරුණ විදානගමගේ හෙවත් කජ්ජා සිට ඇතැයි ඔහුගේ බිරිඳ අනාවරණ කළ බව පොලිසිය ප්‍රකාශ කර තිබෙනවා.

 ඒ වගේම වසීම් තාජුඩීන්ගේ ඝාතනය සම්බන්ධයෙන් බී වාර්තාව වැරදි ආකාරයට ලියපු පිරිස් ආණ්ඩුවේ සිටිනවා. වසීම් තාජුඩීන්ගේ ඝාතනය සිදුවුණ දිනයේ අරලියගහ මන්දිරය සහ නාරාහෙන්පිට පොලිසිය අතර සිදුවුණ දුරකථන සංවාද 40 කට වැඩි ප්‍රමාණයක් තිබෙනවා. ඒ වාර්තා අදාල දුරකතන සමාගමේ ප්‍රධානින් සඟවා තිබෙනවා.

එම දුරකථන සමාගම වසීම් තාජුඩීන්ගේ ඝාතන සිද්ධිය සිදුවන විට පාලනයේ සිටි පාලකයන්ගේ හිතවත් පිරිසක්. ඔවුන් අද අනුර දිසානායක ජනාධිපතිවරයාගේ උපදේශකවරු ලෙස පත්වී සිටිනවා.

වසීම් තාජුඩීන්
කෙසේ නමුත් මේ ආකාරයට වසීම් තාජුඩීන්ගේ ඝාතනය සම්බන්ධයෙන් නිවැරදි තොරතුරු සෙවීම් ප්‍රශ්නයක්.

ඒ වගේම රාජපක්ෂවරුගේ පාලන කාලය තුළ සිටි විශාල පිරිසක් වර්තමාන ආණ්ඩුව තුළ සිටිනවා. ඔවුන්ගේ බලපෑම්වලට ආණ්ඩුව යටත්ව සිටිනවාදැයි ද සැකයක් මතුවෙනවා.''








තාජුඩීන් ඝාතනයේ අඳුරු සෙවණැලිවලට පිළිතුරු දිය යුතුයි


ජනාධිපති අනුර කුමාර දිසානායක විසින් ආචාර්ය හාන්ස් විජයසූරිය ඩිජිටල් ආර්ථිකය පිළිබඳ ප්‍රධාන උපදේශක තනතුරට පත් කිරීමට කටයුතු කරද්දී ඊට එරෙහිව විපක්ශය විරෝධතා ප්‍රකාශ කලත්, එහිදී ආණ්ඩුවේ බලධාරීන් ඔහුගේ වෘත්තීමය පලපුරුද්ද සහ දක්ෂතා ඉහලින්ම අවධාරණය කළේය. මේවනවිට ඔහු ජනාධිපති අනුර කුමාර දිසානායකගේ විස්වාසවන්තම සගයකුව සිටියි.  

2024 දෙසැම්බර් 4 වන දින පාර්ලිමේන්තුව අමතමින් සමගි ජන බලවේගයේ මන්ත්‍රී මුජිබර් රහුමාන්, ජනාධිපතිවරයා ඉටු කරන බවට පොරොන්දු වූ යුක්තිය පසිඳලීමේ ක්‍රියාවලියටම බාධා කළ බවට චෝදනා ලබන පුද්ගලයෙකු ජනාධිපති උපදේශකවරයෙකු ලෙස කටයුතු කරන්නේ කෙසේදැයි ප්‍රශ්න කරමින්, නීතියේ ආධිපත්‍යය සම්බන්ධයෙන් ආණ්ඩුවේ විශ්වසනීයත්වය දැඩි ලෙස ප්‍රශ්න කළේය.

ඝාතනය සහ යට ගැසූ සත්‍යය


2012 මැයි 17 වන දින අලුයම 1:00 ට පමණ, හැව්ලොක් ක්‍රීඩා සමාජයේ 28 හැවිරිදි රගර් නායක වසීම් තාජුඩීන්, කොළඹ නාරාහේන්පිට, පාක් පාරේ ශාලිකා ක්‍රීඩාංගණය අසල ගිනිගෙන දැවෙන මෝටර් රථයක තිබී මියගොස් සිටියදී සොයා ගන්නා ලදී.

පොලිසිය ක්ෂණිකව මෙය රිය අනතුරක් ලෙස වර්ගීකරණය කළේය . බීමතින් රිය පැදවීම නිසා ඇති වූ අනතුරකින් මෝටර් රථය ගිනිගෙන ඇති බව ඔවුන්ගේ නිගමනය විය.

එවකට අධිකරණ වෛද්‍ය නිලධාරී මහාචාර්ය ආනන්ද සමරසේකරද මෙම කතාව තහවුරු කළේය.

එහෙත්, 2015 දී ඔහුගේ සිරුර ගොඩ ගැනීමත් සමඟ මෙම නිල කතාව බිඳ වැටෙන්නට විය. රිය අනතුරකින් සිදු නොවන, පහරදීමකින් සිදු වූ බරපතල තුවාල පිළිබඳ සාක්ෂි එහිදී හෙළි විය. හිටපු ජ්‍යෙෂ්ඨ නියෝජ්‍ය පොලිස්පති අනුර සේනානායකට 2019 ජුනි මාසයේදී, දණ්ඩ නීති සංග්‍රහයේ 198 වැනි වගන්තිය යටතේ සාක්ෂි වසන් කිරීම සහ ගෙතීම සම්බන්ධයෙන් චෝදනා ගොනු කරමින්, මෙම ඝාතනය සම්බන්ධයෙන් නඩු විභාගයකට මුහුණ දුන් පළමු විත්තිකරු බවට පත් විය. ආචාර්ය ආනන්ද සමරසේකරට ද මරණ පරීක්ෂණයේදී සාක්ෂි විකෘති කිරීමේ චෝදනාව එල්ල විය.

 

 

ඉහත කී දෙදෙනාම දැන් ජීවතුන් අතර නැත.

අතුරුදන් වූ දුරකථන වාර්තා


පරීක්ෂණවල ප්‍රගතිය රඳා පැවතියේ ප්‍රධාන සැකකරුවන්ගේ දුරකථන වාර්තා ලබා ගැනීම මතය. පාර්ලිමේන්තු මන්ත්‍රී රහුමාන්ගේ ප්‍රකාශයට අනුව, හිටපු ජ්‍යෙෂ්ඨ පොලිස් නිලධාරී අනුර සේනානායක සහ තවත් අය විසින් ලබාගත් දුරකථන ඇමතුම් පිළිබඳ දත්ත ලබා දීම ඩයලොග් සමාගම ප්‍රතික්ෂේප කිරීම නිසා යහපාලන ආණ්ඩුව සමයේ සිදු කළ පරීක්ෂණ ඇනහිටියේය.

එවකට ආචාර්ය හාන්ස් විජයසූරියගේ නායකත්වය යටතේ පැවති ඩයලොග් ආසියාටා සමාගම මෙම මතභේදයේ කේන්ද්‍රස්ථානය බවට පත් විය. ඩයලොග් ආසියාටා සමාගම අධිකරණයට දිවුරුම් ප්‍රකාශයක් ගොනු කරමින් කියා සිටියේ, තාක්ෂණික සහ ප්‍රායෝගික දුෂ්කරතා හේතුවෙන් දුරකථන වාර්තා ලබා දීමට නොහැකි බවත්, සාමාන්‍යයෙන් තම සමාගම දුරකථන ඇමතුම් වාර්තා තබා ගන්නේ මාස තුනක කාලයක් පමණක් බවත්ය.


පාර්ලිමේන්තු සංවාදයේ ගැටුම

දෙසැම්බර් 4 වන දින පාර්ලිමේන්තුව අමතමින් මුජිබර් රහුමාන් කියා සිටියේ, විජයසූරිය මහතා ඩයලොග් සමාගමේ ප්‍රධාන විධායක නිලධාරියා ලෙස කටයුතු කරමින්, හිටපු ජ්‍යෙෂ්ඨ නියෝජ්‍ය පොලිස්පති අනුර සේනානායක සහ දිවංගත ප්‍රධාන අධිකරණ වෛද්‍ය නිලධාරී මහාචාර්ය ආනන්ද සමරසේකර වැනි අයට අදාළ වැදගත් දුරකථන වාර්තා ලබා නොදෙමින් ඝාතන පරීක්ෂණයේ ප්‍රධාන සාක්ෂි යටපත් කිරීමට සම්බන්ධ වූ බවයි.

එහිදී ආණ්ඩුවේ ප්‍රතිචාරය වූයේ ආරක්ෂාකාරී පිළිතුරකි. කැබිනට් ප්‍රකාශක, අමාත්‍ය ආචාර්ය නලින්ද ජයතිස්ස පැහැදිලි කළේ, මෙම ප්‍රමාදය තාක්ෂණික දෝෂයක් නිසා සිදු වූවක් බවත්, "අවශ්‍ය සියලු තොරතුරු දැන් ලැබී ඇති අතර, පරීක්ෂණ නිසි පරිදි ඉදිරියට යනු ඇති" බවත්ය.

රහුමාන් මෙම පැහැදිලි කිරීම එකහෙළා ප්‍රතික්ෂේප කළේය. ඔහු පාර්ලිමේන්තුවට මතක් කර දුන්නේ, එවකට ජනාධිපති මෛත්‍රීපාල සිරිසේන, අමාත්‍යවරුන් වූ මංගල සමරවීර සහ රාජිත සේනාරත්න යන මහත්වරුන්ට අදාළ සමාගමේ නිලධාරීන් කැඳවා, තොරතුරු නිකුත් කිරීමට එකඟ නොවන්නේ නම් සමාගමේ බලපත්‍රය අවලංගු කරන බවට තර්ජනය කිරීමට සිදු වූ බවයි.


ආචාර්ය විජයසූරිය මේවාට පිලිතුරුදිය යුතුයි !


ආචාර්ය විජයසූරිය ජනාධිපති ජ්‍යෙෂ්ඨ උපදේශකයෙකු ලෙස දරන තනතුර, ඔහුගේ නිහඬතාවය තවදුරටත් පිළිගත නොහැකි තත්ත්වයට පත්කර ඇත. පහත සඳහන් ප්‍රශ්න සඳහා වහාම පැහැදිලි කිරීමක් අවශ්‍ය වේ:

* ප්‍රමාදය තාක්ෂණිකද, නැතහොත් සිතාමතා කළ දෙයක්ද?

"තාක්ෂණික දුෂ්කරතා" පිළිබඳ ඩයලොග් සමාගමේ ප්‍රකාශය, වාර්තා නිකුත් කිරීමට පෙර රජය විසින් බලපත්‍ර අවලංගු කිරීමේ තර්ජනය කිරීමේ ලේඛනගත සිදුවීම සමඟ පරස්පර වේ. තාක්ෂණික ගැටලු නිරාකරණය කිරීමට සාමාන්‍යයෙන් ආණ්ඩුවේ අවසන් නිවේදන අවශ්‍ය නොවේ.


* යටපත් කිරීමේ නියෝගය දුන්නේ කවුද? රාජපක්ෂ පාලන සමයේ බලවත් දේශපාලන චරිතවල පීඩනය යටතේ ආචාර්ය විජයසූරිය  ක්‍රියා කළේ නම් , විරුද්ධ මත ම්ලේච්ඡ ලෙස මර්දනය කළ ආණ්ඩුවක් යටතේ, එවැනි නියෝග ලබා දුන් අයව ඔහු හඳුනාගත යුතුය. ඝාතන පරීක්ෂණයකට බාධා කිරීමට උත්සාහ කළ නිලධාරීන් කවුදැයි දැන ගැනීමට මහජනතාවට අයිතියක් ඇත.


* සමාගමේ වගකීම කුමක්ද? සාක්ෂි වසන් කිරීමට ඩයලොග් සමාගම ගත් තීරණය, සමාගමේ ප්‍රතිපත්තියක්ද, ජ්‍යෙෂ්ඨ කළමනාකාරිත්වයේ තනි තීරණයක්ද, නැතහොත් බාහිර දේශපාලන පීඩනයක්ද? වගවීම සඳහා මෙම වෙනස ඉතා වැදගත් වේ.

ආචාර්ය විජයසූරිය  සම්පූර්ණ දිවුරුම් ප්‍රකාශයක් ලබා දෙයිද? ඔහුගේ පෙර අධිකරණ දිවුරුම් ප්‍රකාශ මගින් ලේඛනගත වාර්තාවක් නිර්මාණය කර ඇත. එම ප්‍රකාශවලට පටහැනි ඕනෑම නව සාක්ෂියක්, බොරු සාක්ෂි දීමේ චෝදනාවලට ඔහුව නිරාවරණය කළ හැකිය. එසේ වුවද, යුක්තිය ඉටු කිරීමට නම්, සාක්ෂි යටපත් කිරීමට සම්බන්ධ සියලු පාර්ශ්වයන් පිළිගන්නා සම්පූර්ණ සහ සත්‍යවාදී වාර්තාවක් අවශ්‍ය වේ.

මෙය හුදෙක් එක් පත්වීමක් පිළිබඳ ප්‍රශ්නයක් නොවේ...


ජනාධිපති අනුර කුමාර දිසානායක සිය මැතිවරණ ව්‍යාපාරය ගොඩනැගුවේ වගවීම සහ නීතියේ ආධිපත්‍යය යන පදනම මතය. සිය සමාරම්භක දේශනයේදී, ඔහු තාජුඩීන් සිද්ධිය ඇතුළුව, විසඳිය යුතු මතභේදාත්මක ඝාතන සිද්ධි පහක් විශේෂයෙන් ඉස්මතු කළේය. මෙම පරීක්ෂණවලින් එකකට බාධා කළ බවට චෝදනා ලැබූ උපදේශකයෙකු පත් කිරීම, එම පොරොන්දුව අඩපණ කරයි.

මෙය හුදෙක් එක් පත්වීමක් පිළිබඳ ප්‍රශ්නයක් නොවේ. මෙය නව පරිපාලනයේ කැපවීම් හරයාත්මකද නැතහොත් වාචාලද යන්න පිළිබඳ පරීක්ෂණයකි. විශ්වසනීය සැකයන්ට ලක්වූවන් බලගතු තනතුරුවල තබා ගනිමින්, යුක්තිය පිළිබඳ සදාචාරාත්මක අධිකාරියකට ආණ්ඩුවකට හිමිකම් කිව හැකිද?

වසීම් තාජුඩීන්ගේ පවුල වසර දොළහකට වැඩි කාලයක් ප්‍රමාදයන්, විනාශ වූ සාක්ෂි සහ අඩාල වූ පරීක්ෂණ විඳ දරාගෙන ඇත. ප්‍රධාන සැකකරුවන් නඩු විභාගයට පෙර මිය ගොස් ඇත. සාක්ෂිකරුවන් පීඩනය යටතේ සාක්ෂි වෙනස් කර ඇත.

හිටපු JMO ආනන්ද සමරසේකරට, ඝාතනයේ වැදගත් සාක්ෂි ඉවත් කර සැඟවීමේ චෝදනාව එල්ල විය. හිටපු ජ්‍යෙෂ්ඨ DIG අනුර සේනානායක, එවකට පොලිස්පති එන්.කේ. ඉලංගකෝන් මහතාගේ අනුමැතිය ඇතිව මෙම සිද්ධිය රිය අනතුරක් ලෙස වසා දැමූ බවට පරීක්ෂකයන් ප්‍රකාශ කිරීමත් සමඟ, මෙම සිද්ධිය යට ගැසීමට සම්බන්ධ බවට චෝදනා ලැබීය.

දැන් ඔවුන්ට අසන්නට ලැබෙන්නේ, එම තීරණාත්මක මුල් වසරවලදී යටපත් කරන ලද තොරතුරු හුදෙක් "තාක්ෂණික දෝෂයක්" බවයි.



ආචාර්ය විජයසූරියට විකල්ප තුනක් තිබේ...


1- එක්කෝ නිහඬව සිට, සැකය ඔහුගේ කීර්ති නාමයට සහ ජනාධිපති පරිපාලනයට ස්ථිරවම කැළලක් වීමට ඉඩ හැරීම;

2- දෙවනුව, කිසිවෙකු තෘප්තිමත් නොවන තවත් අසම්පූර්ණ ආයතනික පැහැදිලි කිරීමක් ලබා දීම;

3- තෙවනුව, සිදු වූ දේ, නියෝග ලබා දුන්නේ කවුරුන්ද සහ ප්‍රමාදයට ඔහුගේම භූමිකාව කුමක්ද යන්න පිළිබඳ සම්පූර්ණ, සත්‍යවාදී වාර්තාවක් සමඟ ඉදිරියට ඒම.



පළමු විකල්ප දෙක යුක්තියට හෝ ඔහුගේම යහපතට සේවය නොකරයි. තුන්වන විකල්පය, ඔහු මුහුණ දුන් පීඩනය පිළිගනිමින්, යටපත් කිරීමට නියෝග කළ අය හඳුනා ගනිමින් සහ ඔහුගේ භූමිකාව පිළිබඳ වගකීම භාර ගනිමින් කරන සම්පූර්ණ පාපොච්චාරණයක්, මහජන යහපතට සේවය කරන එකම මාර්ගයයි.

ජනාධිපති දිසානායකද සිය උපදේශකයාගේ නිහඬතාවය පිළිගත හැකිද යන්න තීරණය කළ යුතුය. විනිවිදභාවය පොරොන්දු වූ ආණ්ඩුවකට, යුක්තියට බාධා කළ බවට චෝදනා ලැබූවන් වගවීමෙන් ආරක්ෂා කිරීමට හැකියාවක් නැත.

වසීම් තාජුඩීන් ඝාතනය කරනු ලැබුවේ 2012 මැයි 17 වන දිනයි. දැන් 2025 ඔක්තෝබර් මාසයයි. ඔහුගේ ඝාතකයන් තවමත් නිදැල්ලේය. ඔහුගේ පවුලට තවමත් යුක්තිය ඉටු වී නැත. එම යුක්තිය ප්‍රමාද කිරීමට උදව් කළ බවට චෝදනා ලැබූ එක් අයෙක්, මෙම නඩුව විසඳන බවට පොරොන්දු වූ ජනාධිපතිවරයාගේ ජ්‍යෙෂ්ඨ උපදේශකයෙකු ලෙස අද කටයුතු කරයි.

තාක්ෂණික පැහැදිලි කිරීම් සහ ආයතනික මගහැරීම් දැන්වත් අවසන් විය යුතුය. ආචාර්ය හාන්ස් විජයසූරිය, සාක්ෂි වසන් කිරීමේදී ඩයලොග් සමාගමේ භූමිකාව, ඔහු මුහුණ දුන් පීඩනය සහ එම යටපත් කිරීමට නියෝග දුන් පුද්ගලයින් පිළිබඳ සම්පූර්ණ සත්‍යය සමඟ ඉදිරියට පැමිණිය යුතුය.

ප්‍රමාද වූ යුක්තිය, පැහැර හැරි යුක්තියකි. එහෙත්, යටපත් කළ යුක්තිය, ඝාතනයට හවුල් වීමකි.

මහාචාර්ය ඒ.වී. සුරවීරගේ ස්වයං ලිඛිත චරිතාපදානය මෑතක දී මා කියවූ රසවත් ම පොතයි. තව පිටු කිහිපයක් ඉතිරිව තිබියදීත් මේ සටහන ලියන්නෙ එහි රසය අප්‍රමාණ නිසා.

පේරාදෙණිය විශ්වවිද්‍යාලය පේරාදෙණියේ පිහිටවූ පසු මුල්ම ශිෂ්‍ය කණ්ඩායමේ සිටි සුරවීර එම පරිසරය ගැන, ශාස්ත්‍රීය කටයුතු ගැන, නේවාසිකාගාර ගැන ලියා තිබෙන දේ හරි ම අපූරුයි.

සරච්චන්ද්‍ර, හෙට්ටිආරච්චි, ධීරසේකර, පරණවිතාන වැනි දැවැන්තයන් ගැන සමීප අත්දැකීම් ඔහු කතාන්දරයක් සේ විස්තර කරනව.

ඇමරිකාවේ අයෝවා සරසවියේ සාහිත්‍ය නිර්මාණ පාඨමාලාව හදාරන්නට තමා, බිරිඳ සහ දරුවන් සමග එහි ගිය ආකාරයත්, ඉන් පසු ලැබුණු අවසරයෙන් එක්සත් ජනපදයේ බොහෝ විශ්වවිද්‍යාලවල ඇවිද සොයාගත් දැනුමින් විද්‍යෝදය විශ්වවිද්‍යාලයේ අද පවත්නා "ලේඛකත්ව සහ සන්නිවේදන පාඨමාලාවට" මූලාරම්භය ගත් සැටිත් මහාචාර්ය සුරවීර ලියා ඇති සැටි අපූරුයි.

මෙය කියවූ පසු නූතනයේ තරුණ ලේඛක - ලේඛිකාවන් අරබයා නිර්මාණාත්මක ලේඛනය ගැන වැඩමුළුවක් පවත්වන බව උපුල් සාන්ත සන්නස්ගල ලියූ සටහන සිහි වුණා. එය සැබැවින් ම අත්‍යවශ්‍ය සහ හොඳ කටයුත්තක්; කළ යුත්තක්.

මහාචාර්ය සුචරිත ගම්ලත් ජීවත්ව සිටියදී, තවත් බොහෝ අයගේ උපකාර ඇතිව ඇරඹූ "බෘහස්පති භාෂා, සාහිත්‍ය කලා සරසවිය" විශ්වවිද්‍යාලයවලටත් එහා ගිය දැවැන්ත පියවරක්. අවාසනාවකට ගම්ලතුන්ගේ මරණයෙන් එයට වැදුණේ මරු පහරක්. ඉන් ද නොනැවතී මහින්ද සෙනරත් ගමගේ, හරිශ් වල්පොළ ඇතුළු පිරිස් එය රැකගන්නට ගත් උත්සහාය ගෞරවපූර්වකව සඳහන් නොකළොත් එය මෙහිලා කරන අඩුවක් වෙනවා.

කැලණි සරසවියේ සිංහල අධ්‍යයනාංශයට අනුබද්ධව පවතින සාහිත්‍ය විචාර පාඨමාලාව තව දියුණු කළහොත් වටිනා පාඨමාලාවක් වේවි. ඒක මගෙ සිතුවිල්ලක්. ඔවුන් එය වඩා සංවිධානාත්මකව සහා ගුණාත්මකව එළියට විවෘත කරනව නම් මේ මොහොතේ අතිශය වැදගත් යමක් වේවි.

සුරවීරයන් නියෝජ්‍ය අමාත්‍යවරයෙකුව සිටියදී කළ කී දෑ, අත්දැකීම් ද මේ ස්වයං ලිඛිත චරිතාපදානයට එක් කර තිබෙනව. මා ඉතා ආදරය කරන මහාචාර්ය සුනිල් සෙනෙවිටත් දවසක මෙවනි චරිතාපදානයක් ලිවිය හැකියි නේද කියා සිතුණා. ඔහු අද දරන්නේ ඒ.වී. සුරවීර දැරුවාටත් වඩා බරපතල දේශපාලන තනතුරක්...!

චරිතාපදාන කියවීම හැම සාහිත්‍ය ශානරයකට ම වඩා රසවත් කියවීමක්. මා මෙතෙක් කියවා ඇති රසවත් ම චරිතාපදානය චාලි චැප්ලින්ගේ "මගේ දිවිසැරිය" යි. එය චූලානන්ද සමරනායක සිංහලට පරිවර්තනය කර තිබෙනවා. එම්.ඩී. මහින්දපාල පරිවර්තනය කළ මාලන් බ්‍රැන්ඩෝගේ චරිතාපදානයත් ඊට දෙවැනි නැහැ. "අම්මා මට කියා දුන් ගී" එහි පරිවර්තිත නාමයයි. මේව අමා මහ රස ගෙනෙන පොත්...!

සුරවීරයන්ගේ පොත ද එවැනි ම රස ගුලාවක්...!

 
උපුටා ගැනීම KD Darshana Face bok පිටු

පිවිතුරු හෙළ උරුමයේ නායක උදය ගම්මන්පිල අද (29) පෙරවරුවේ අල්ලස් කොමිසම වෙත පැමිණිල්ලක් ගොනු කර තිබේ.

ඒ ආණ්ඩුවේ මන්ත්‍රීවරුන් විසින් ලබා ගන්නා ලද මාසික වැටුප පක්ෂ අරමුදලට යොමු කිරීමෙන් දේශපාලන කටයුතු සිදු කිරීම සම්බන්ධවය.

අල්ලස් කොමිසම වෙත පැමිණිල්ලක් ගොනු කිරීමෙන් අනතුරුව මාධ්‍ය වෙත අදහස් දක්වමින් උදය ගම්මන්පිල මහතා පැවසුවේ, පාර්ලිමේන්තු මන්ත්‍රීවරුන් වෙත ලබා දෙන මාසික දීමනාව තමන්ට අවැසි ආකාරයට වියදම් කළ නොහැකි බවය.

ඒ අනුව මාසිකව කෝටි 3කට වඩා වැඩි මුදලක් ආණ්ඩුවේ මන්ත්‍රීවරු 159 දෙනා විසින් ලබා ගනිමින් එය පක්ෂ අරමුදල වෙත බැර කර දේශපාලන කටයුතු වෙනුවෙන් යොදා ගැනීම මහජන මුදල් අවභාවිත කිරීමක් වන බවත් ඒ අනුව මේ සම්බන්ධව විමර්ශනය කරන ලෙස ඉල්ලා තමන් අල්ලස් කොමිසම වෙත පැමිණිල්ලක් ගොනු කළ බවත් ඔහු පැවසීය.

එහිදී වැඩිදුරටත් අදහස් දැක්වූ උදය ගම්මන්පිල,

"මේ මුදල් දුරකතන බිල් ගෙවන්න, ඉන්ධන, සහ කාර්යාල නඩත්තු කරන්න යොදන මුදල් පක්ෂ අරමුදලට යවලා දේශපාලන කටයුතුවලට යොදා ගැනීම මහජන මුදල් අවභාවිතා කිරීමක්. මාසෙකට කෝටි 3කට වඩා වැඩි මුදලක් සියලුම මන්ත්‍රීවරු 159 දෙනාගෙත් ජනාධිපතිවරයා ඇතුළු 160 දෙනාගේත් මහජන මුදල් අවභාවිතා කිරීමේ දූෂණය සිද්ධ කරලා තියෙනවා. ඒ නිසා මේ 160 දෙනාටම නීතිය ක්‍රියාත්මක කරන්න කියලායි අපි අද අල්ලස් කොමිසමට ආවේ."

මතු පළ වන්නේ පිවිතුරු හෙළ උරුමය පක්ෂ නායක උදය ගම්මන්පිල විසින් අල්ලස් හෝ දූෂණ චෝදනා විමර්ශන කොමිෂන් සභාවේ අධ්‍යක්ෂ ජනරාල්වරයා වෙත යවන ලද සම්පූර්ණ ලිපිය යි.

රජයේ ඇතැම් ක්‍රියාමාර්ග සහ යෝජනා මෙරට සංස්කෘතියට හා ආගමික ඉගැන්වීම්වලට හානිකර යැයි පවසමින් අගරදගුරු මැල්කම් රංජිත් කාදිනල් හිමි විසින් රජයේ බලධාරීන්ව දැඩි ලෙස විවේචනයට ලක් කරයි.

අගරදගුරු මැල්කම් රංජිත් කාදිනල් හිමිපාණන් වහන්සේ එම විවේචනයන් සිදුකර ඇත්තේ, පසුගියදා දිව්‍ය පූජාවකට සහභාගි වෙමිනි.

විශේෂයෙන්ම පාසල් දරුවන්ට කොන්ඩම් බෙදීමට යෝජනා කිරීම සහ සමලිංගික සංචාරකයින් සංවිධානාත්මකව මෙරටට ගෙන ඒමේ වැඩපිළිවෙළ උන්වහන්සේගේ දැඩි දෝෂදර්ශනයට ලක් විය.

මෙම වැඩපිළිවෙලවල් “අපේ රටේ සංස්කෘතිය විනාශ කරන වැඩ පිළිවෙලවල්” බව පවසන උන්වහන්සේ, “වනාචාරී යුගයකට අපේ රට ගෙනියන්න දෙන්න බෑ” යයි අවධාරණය කර සිටියහ.

ලිංගික අධ්‍යාපනය සඳහා පාසල්වල දරුවන්ට කොන්ඩම් බෙදා දිය යුතු බවට වන යෝජනාව සම්බන්ධයෙන් උන්වහන්සේ දැඩිව ප්‍රශ්න කළහ.

“කවුද මේ පිස්සු කතා මේ පිස්සු වැඩ යෝජනා කරන්නේ. මේ අපේ රට මේ ලංකාවද ඇමෙරිකාවද එංගලන්තෙද ඕස්ට්‍රේලියාවද” යනුවෙන් උන්වහන්සේ ප්‍රකාශ කළහ.

මෙම තීරණ රටේ ඉහළම තනතුරු දරන පුද්ගලයා ජනාධිපති දන්නවාදැයි තමන් නොදන්නා බවත්, ඔහු නොදන්නේ යැයි තමන් විශ්වාස කරන බවත් උන්වහන්සේ සඳහන් කළහ.

එසේනම් “කරුණා කරලා ඕවා නවත්තන්න” ලෙස උන්වහන්සේ ඉල්ලා සිටියහ.



සමලිංගික සම්භවයක් දරන සංචාරකයින් ගෙන් ඒමේ සැලසුම් ..


ශ්‍රී ලංකා සංචාරක අධිකාරිය විසින් මෙරට තුළට නිදහසේ සමලිංගික සම්භවයක් දරන සංචාරකයින් සංවිධානාත්මක ලෙස ගෙන ඒමට ඉඩ දිය යුතු බවට ලිපියක් යවා ඇති බවද කාදිනල් හිමිපාණෝ කියා සිටියහ.

උන්වහන්සේ මේ සම්බන්ධයෙන් දැක්වූයේ, ආදරය, ප්‍රේමය, කරුණාව වැනි උතුම් ගුණාංග සහ ආගමික ඉගැන්වීම් පසෙකට දමා ලිංගිකත්වය උඩින්ම තියාගෙන මේ රට තුළට මෙවැනි දේවල් ඉදිරිපත් කිරීමට “මොනම රජයකටවත් අපිට ඉඩ දෙන්න බැහැ” යනුවෙනි.

විදේශ විනිමය සංචිතය ඉහළට දැමීම වැදගත් බව පිළිගන්නා නමුත්, ඒ සඳහා අපේ සමාජය විකෘති මානසිකත්වයක් වෙත යොමු කිරීම වැරදි බව කාදිනල් හිමිපාණන්ගේ අදහස විය.

“අපේ ඇඟ විකුණලා අපිට රට කන්න බොන්නඩ හොයාගන්න ඕන කමක් නෑ” යයි උන්වහන්සේ අවධාරණය කළහ.

සමහර ක්‍රිස්තියානි යැයි කියාගන්නා රටවල් වල සංස්කෘතිය මේ වන විට විනාශ වී ඇති බවත්, කාන්තාවන් දෙදෙනෙකු කසාද බැඳීම, හෝමෝන ගෙන රැවුලක් හදාගෙන කසාද බැඳීම වැනි ක්‍රියා කසාද ජීවිතයක් ලෙස ගත කළ හැකිද යන්න ප්‍රශ්න කරමින් මේවා “විහිළුවක්” ලෙස උන්වහන්සේ හැඳින්වූහ.

රටේ සංස්කෘතිය පිරිහීමට ලක් කරන මෙම ක්‍රියාකාරකම් කරන රජයේ නිලධාරීන් වහාම “අයින් කරලා දාන්න” ලෙස කාදිනල් හිමිපාණෝ රජයෙන් ඉල්ලා සිටියහ. ඔවුන් එම පුටුවල තබා අපේ සමාජය පිරිහීමට ලක් කිරීමට ඉඩ දිය නොහැකි බව උන්වහන්සේගේ ස්ථාවරය විය.

විශේෂයෙන්ම බුද්ධාගමයේ සිද්ධාන්ත අනුව අවුරුදු දහස් ගණනක් තිස්සේ හැදුණු සංස්කෘතියක් අප රට සතු වන අතර, එම සංස්කෘතිය ආරක්ෂා කරගෙන රට ඉදිරියට ගෙනියන්නට අවශ්‍ය බව උන්වහන්සේ පෙන්වා දුන්හ.

“දූෂිත මග ගමන් කරන්නට තෝරා නොගන්න ලෙස” ජනාධිපතිතුමන් ඇතුළු මේ රජයෙන් කරුණාවෙන් හා ඕනෑකමින් ඉල්ලා සිටින්නේ “අපේ දරුවන්ගේ අනාගතය වෙනුවෙන්” බව උන්වහන්සේ සඳහන් කළහ.

රට පෙරට ආ යුත්තේ අඩු පාඩු නිවැරදි කර මෙතනින් ඔබ්බට රට ගෙන යාමට අලුත් නායකයින් හදන වැඩ පිළිවෙලකින් බව පිරිපුන් සංවිධානයේ සභාපති ඉංජිනේරු ආනන්ද දේවසිංහ ප්‍රකාශ කරයි.

“වෙනස් කල තැනින් ඔබ්බට පිරිපුන් දේශයක් කරා” නැමැති වැඩපිළිවෙළ හඳුන්වාදෙමින් ඔහු මේ බව කියා සිටියේය.

ඒ සම්බන්ධයෙන් වැඩිදුරටත් අදහස් දැක්වූ පිරිපුන් සංවිධානයේ ඉංජිනේරු ආනන්ද දේවසිංහ,

සමාජයක් ලෙස මැතිවරණයකදී දෙන පණිවිඩය හා ඒ අනුව රටේ ජනතාවගේ ඒ මොහොතේ අභිලාශය තේරුම ගැනීමට අසමත් වුනොත් ඉදිරි තීන්දු තීර්ණ ගැනීමේදී නායකයින් තම ගමන තමන් විසින්ම විනාශ කර ගනු ලබනවා.

පිරිපුන් සංවිධානය කියන්නෙ ම වැඩ පිළිවෙලක් මත ක්‍රියා කරන හා ඕනෑම ප්‍රශ්නයක් දෙස වෘත්තීය මට්ටමෙන් තීන්දු තිරණ ගෙන සමාජය වෙත නිවැරදි දේ අවබෝධ කර දීමට උත්සහ කරන කණ්ඩායමක්. ඒ අනුව මේ වෙන විට රට තුළ උද්ගතවෙමින් පවතින යම් යම් සිද්ධීන් හා පිරිපුන් සංවිධානයේ අතීත , වර්තමාන හා අනාගත වැඩ පිළිවෙල පිළිබදව යම් විග්‍රහයක් ජනතාව වෙත ඉදිරිපත් කරන්නෙ එය රටේ ජනතාවෙගේ බුද්ධිය අවදි කිරීමට පිටුවහලක් වනු ඇතැයි විශ්වාස කරන බැවිණි.

මොකද රටේ ජනතාවගේ බදු මුදලින් ඉගෙන ගත් වෘත්තිකයින්ගේ වගකීම විය යුත්තේ තමන් ඔලුව වර්ධනය කර ගත් තරමටම තම බුද්ධිය වර්ධනය කර ගැනීමට අපොහසත් වූ සාමන්‍ය ජනතාවට තේරෙන භාෂාවෙන් හරි වැරැද්ද? කියල දී හා ඒ තුළ ඔවුන් නිවැරදී තීර්ණ ගැනීමට පෙළඹවීමයි, මොකද? ඔවුන් තීන්දු තීරන ගන්නේ ඔවුන්ට තේරෙන ප්‍රමාණයේ සිටයි.


''වෙනස් කළ යුත්තේම මිලියන 22ක් වූ රටේ ජනතාවයි''


අද වෙන විට රූපවාහිනි හා වෙනත් මාධ්‍ය ක්ෂේත්‍රය තුළ නිතර ඇසෙන සමීක්ෂණ වාර්ථා අනුව සම්මාන ප්‍රධානය කරන අවස්ථාවන් හොදම උදාහරණයකි. මේ රටේ ජනතාවගේ තේරුම් ගැනීමේ සීමාව අවබෝධ කර ගැනිමට, සමහර සම්මාන ලාභීන් දෙස බැලූ විට අපි කොතනද? ඉන්නෙ කියල හිතා ගන්නවත් බෑ, නමුත් රටේ ජනතාව ඉල්ලන දේ ඒක තමයි.

මැතිවරණයත් එසේමයි, කුමන දේ කුමන ආකාරයට කිව්වත් මිනිස්සු ඒ වෙලාවට තේරුන දේ අනුව තීරණය දෙනවා. එබැවින් අපි අවබෝධකර ගත යුත්තේ මේ රට වෙනස් කිරීමට නම් මේ පාලකයෝ වෙනස් කර වැඩක නෑ, වෙනස් කළ යුත්තේම මිලියන 22ක් වූ රටේ ජනතාවයි.

ඒ අය පුද්ගලයා දෙස නොබලා සිද්ධිය දෙස බලා එය විග්‍රහ කර තීර්ණ ගැනීමට පුරුදු කළොත් මේ රටේ හරි තීරණ ක්‍රියාත්මක වෙන තැනට පරිවර්ථනය වේවි.



'නායකයා' කියන සුපුරුදු සටන් පාඨය වෙනුවට “රට හදන දීර්ඝ කාලින උපාය මාර්ගික සැලසුමක්”


පිරිපුන් සංවිධානය 2019 සිට රට ගොඩ නැගීම වෙනුවෙන් වෘත්තිකයින් එකතු වී ස්වේච්ඡාවෙන් වසර 15ක් සදහා වූ ( 2025-2045 කල සීමාවා සදහා) රට සංවර්ධනය කිරීම සදහා වෘත්තීය මට්ටමේ උපාය මාර්ගික සැලසුමක් ගොඩ නගන ලදී. ඒ තුළ කිසිදු දේශපාලනික බලපෑමකින් තොරව නියම විද්‍යාත්මක ක්‍රමවේද හරහා රට ගොඩ නැගිය යුතු ආකාරය KPI සහිතව ( උපාය මාර්ගික ඉලක්ක සහිතව) ඉදිරිපත් කර, 2023 වසරේදී ප්‍රසිද්ධ මාධ්‍ය හරහා සහා එම වැඩ පිළිවෙල පිලිබඳව මාස 6ක් තිස්සේ රටේ විශාල දේශපාලනික පක්ෂ, සිවිල් සංවිධාන, වෘ ත්තීය වේදීන් වෙන වෙනම ඔවුන්ගේ දෙපා මුලට ගොස් දැනුවත් කිරීම කර ඇත.

අපි සියලු දේශපාලන නායකයින්ට යෝජනා කෙළේ " නායකයා” කියන සුපුරුදු සටන් පාඨය වෙනුවට “ රට හදන දීර්ඝ කාලින උපාය මාර්ගික සැලසුම” ඉදිරියට ගෙන මේ රට වසර 15 සියලු දෙනා එකතුවී රට ගොඩ නැගීමට එකතු වෙන ලෙසය. එසේම අපගේ වැඩ පිළිවෙල තුළ පෞද්ගලික යෝජනා කළේය .

කෙසේ වෙතත් ඉන් ඔබ්බට අප ජන වරම තුළ අවබෝධ කරගත් දෙයක් තිබුණි, එනම් ජනතාව ඒ මොහොතේ මෙවන් වෘත්තීමය වැඩ පිළිවෙලවල් පිළිබඳව ලොකු කැමැත්තක් හෝ දීර්ගකාලීන වැඩ පිළිවෙලක අවශ්‍යතාවයක් ඔවුන්ට නොතිබුනු බවයි. ඒ වෙනුවට ජනතාව ඒ මොහොතේ තීරණය කළේ රට විනාශ වුනේ ,එහෙම නැත්තම් අපි දුක් විදින්නෙ මෙතෙක් පාලනය කරපු පාලකයින්ගේ දූෂණ ක්‍රියාවළිය නිසාවෙනි, ඒ නිසා ඔවුන්ගෙන් පලිගත යුතුයි පළමුව කියන මතයේ සිට උගත්/නූගත්, ග්‍රාමීය/නාගරික, දෙස්/විදෙස් ගත සියලු කණ්ඩායම් මැතිවරණයේදී ඡන්දය පාවිච්චි කර ඇත කියන විග්‍රහය අපි තුළ තිබේ.


''උපාය මාර්ගික සැලසුම ක්‍රියාත්මක කළ හැකි පාලකයින් පිරිසකගෙන් යුත් නව කණ්ඩායමක් ''


කෙසේ වෙතත් අද වන විට රට තුළ සැලකිය යුතු ප්‍රමාණයකින් එම දූෂණ වංචා පාලනයක් වෙමින් තියෙන තත්ත්වය තුළ පිරිපුන් සංවිධානය ලෙස අපි දකින්නෙ මෙම තත්ත්වය අසීරු දෙයක් වන අතර එම ක්‍රියාවලිය ඉදිරියට ගෙනයා, ඉන් ඔබ්බට දැන් සිදුවෙන වැරදිත් නිවැරදි කර ගෙන යායුතු බවයි. එසේ නොමැතිව තව දුරටත් පැරණි කන්ඩායම ( මොනම ආකාරයෙන් හරි පැරිණි දේශපලනය තුළ දූෂණයට වංචාවට නියමින් හෝ අනියමින් උදව් උපකාර කළ ) නැවත එකතු වී මෙම හොද වැඩ පිළිවෙලෙහි අඩු පාඩු පෙන්වමින් නැවත දූෂණ රාජ්‍යක් ඇති කිරීමට උත්සහ කරන්නේනම් එය පිරිපුන් සංවිධානය ලෙස කිසිසේත් අනුමත නොකරන අතර එවන් කණ්ඩායම සමග දේශපාලනයට සම්බන්ධ වීම කිසි සේත් ඉදිරියේදී කිරීමට බලාපොරොත්තුවක් නැත.

වරක් අනුර කුමාර ජනාධිපතිවරයා විසින් ම ප්‍රකාශ කළ පරිදි මේ රටට අපි ගොඩ නැගිය යුත්තේ පවතින රජයට වඩා හොඳ පාලනයක් විනා ගෙනා තැනින් ආපස්සට ගෙන යන පාලනයක් නොවේ.

එබැවින් පිරිපුන් සංවිධානය ලෙස මේ වෙන විට උත්සහ කරමින් සිටිනුයේ අප යෝජනා කරන උපාය මාර්ගික සැලසුම ක්‍රියාත්මක කළ හැකි පාලකයින් පිරිසකගෙන් යුත් නව කණ්ඩායමකි.


මෙතනින් ඔබ්බට රට ගෙන යාමට අලුත් නායකයින් හදන වැඩ පිළිවෙලක්...


අපි අලුත් අයට මේක කරන්න බෑ” කියන මතය තරයේ ප්‍රතික්ශේප කරන්ම අතර දේශපලනයටත්, පාලනයටත් නව නායකයින් ගෙන ආ යුතු අතර ඔවුන් කළමනාකරණය පිළිබඳව අධ්‍යාපනය මෙන්ම ප්‍රායෝගිකව අත්දැකීම සහිත පුද්ගලයින් යොදා ගත යුතු බව විශ්වාස කරනවා. එහෙම නැතුව පැරණි දේශපාලකයින් එකතු කරගෙන තමන්ගේ ගොඩ පෙන්නමින් ඉදිරියට යන්න උත්සහ කරන සාම්ප්‍රදායික දේශපාලනය තුළ රට ඉදිරියට නොයනු ඇත.

අපි මේ මොහොතේ මේ රටේ නව පාලනය තුළ දකින ප්‍රධානම අඩුපාඩුව නම්, මොවුනුත් පැරණිරජයන් මෙන්ම අඳුරේ අතපත ගාමින් අඹ ගසට පොලු ගසන න්‍යායෙන් ජනතාව තාවකලිකව සතුටු කරමින් චන්ද ගොඩ ගැසීමේ ක්‍රියාවලියක යෙදෙන අතර රට ගොඩ නගන දිර්ග කාලින සැලසුමකට අනුව ක්‍රියාත්මක කරන බවක් දක්නට නොමැති අතර අනිත් ප්‍රධානම අඩුපාඩුව නම් ඉතාමත් දරුණු දේශපාලන පත්වීම මත රාජ්‍ය යාන්ත්‍රය හැසිරවීම විනා සුදුසු තැනට සුදුසු පුද්ගලයින් පත්කර රට ගොඩ නැගීම සදහා රටේ සම්පත් දායකත්වය ලබා නොගන්නා බවයි.

එබැවින් අපි පෙරට ආයුත්තේ මෙම අඩු පාඩු නිවැරදි කර මෙතනින් ඔබ්බට රට ගෙන යාමට අලුත් නායකයින් හදන වැඩ පිළිවෙලක බව පිරිපුන් සංවිධානයේ මතය වේ.

(සටහන | ජේ.මුණසිංහ)

ශ්‍රී ලංකා ප්‍රජා විශේෂඥ වෛද්‍යවරුන්ගේ සංගමය (College of Community Physicians of Sri Lanka – CCPSL) විසින් “යහපැවැත්ම සදහා සම්බන්ධතා පවත්වාගන්න” (“Be Connected. Stay Well.”) නමින් ජීවිතයේ සියලු අදියරවල පුර්ණ යහපැවැත්ම ප්‍රවර්ධනය කිරීම සඳහා වන ජාතික ව්‍යාපාරයක් පෙරේදා   (17) සෞඛ්‍ය හා ජනමාධ්‍ය  අමාත්‍ය වෛද්‍ය  නලින්ද ජයතිස්ස ගේ ප්‍රධානත්වයෙන් කොළඹ ගලධාරී හෝටලයේ පැවැත්වූ උත්සවයක දී ආරම්භ කළේ ය.


වැඩසටහනෙහි ප්‍රමුඛ අරමුණ

මෙය ළදරුවන් සිට වයස්ගත වැඩිහිටියන් දක්වා භෞතික, මානසික, සමාජීය සහ ආධ්‍යාත්මික යහ පැවැත්ම උදෙසා ක්‍රියාත්මකවන වැඩසටහනකි. මෙම ව්‍යාපාරය මගින් ජනතාව සෞඛ්‍ය සපිරුණු ජීවිත රටාවන් පිළිබඳව උනන්දු කරමින්, තමන්, තම පවුල, තම මිතුරන්, ප්‍රජාව සහ පරිසරය සමග සබඳතාව වර්ධනය කිරීමට උනන්දුවක්  කිරීමක් සිදු කරනු ලබයි. ඒමෙන් ම තමන්, තම පවුල, මිතුරන්, ප්‍රජාව සහ පරිසරය සමග යහපත් සම්බන්දතාවයක් පවත්වාගැනීම තුළින් යහ පැවැත්ම  ප්‍රවර්ධනය  කිරීම මෙම ජාතික වැඩසටහනේ  මූලික අංගයයි. ජනතාව අතර ඒ පිළිබධව අවබෝධයක් ඇතිකිරීම සහ ඔවුන්ව ඒ වෙනුවෙන් ක්‍රියාකාරීව සහභාගී කිරීම සඳහා විශේෂ වැඩසටහනක් ද  මෙයට ඇතුළත් වේ.


31 වන සභාපතිනිය වෛද්‍ය වින්ධ්‍යා කුමාරපේලි

මෙම වැඩසටහන දියත් කිරීමේ උත්සවයේ දී ශ්‍රී ලංකා ප්‍රජා විශේෂඥ වෛද්‍යවරුන්ගේ විද්‍යාලයේ (College of Community Physicians of Sri Lanka – CCPSL) විසින් එම සංගමයේ 31 වැනි සභාපතිවරිය ලෙස විශේෂඥ වෛද්‍ය වින්ධ්‍යා කුමාරපේලි තෝරා පත්කර ගැනීම ද සිදු කෙරිණි.

ශ්‍රී ලංකා ප්‍රජා වෛද්‍ය විද්‍යාලයේ 31 වන සභාපතිනිය ලෙස පත් වු වෛද්‍ය වින්ධ්‍යා කුමාරපේලිට සුබ පැතුම් එක් කළ සෞඛ්‍ය හා ජනමාධ්‍ය අමාත්‍යවරයා  ඇයගේ නායකත්වය යටතේ, විද්‍යාලය අඛණ්ඩව වර්ධනය වී මෙරට මහජන සෞඛ්‍යයට කල් පවතින දායකත්වයක් ලබා දෙනු ඇතැයි විශ්වාසය තබන බව මෙහි දී පැවැසී ය. ඉදිරි සෞඛ්‍ය අභියෝග ජයගැනීමට ශ්‍රී ලංකා ප්‍රජා විශේෂඥ වෛද්‍යවරුන්ගේ විද්‍යාලය වැදගත් කාර්යභාර්යක් ඉටුකරනු ඇති බව ද අමාත්‍යවරයා වැඩිදුරටත් පැවසීය.


මෙරට මහජන සෞඛ්‍ය කාර්ය මණ්ඩලය ලොවට ම ආදර්ශයක්

මෙරට සෞඛ්‍ය ප්‍රතිඵල වැඩිදියුණු කිරීම සඳහා ශ්‍රී ලංකා ප්‍රජා විශේෂඥ වෛද්‍යවරුන්ගේ විද්‍යාලයේ සියලු ම සාමාජිකයින් කැප වෙමින් සහ ලොව පුරා ගෞරවයට පාත්‍ර වෙමින් මාතෘ සහ ළමා සෞඛ්‍යය, ප්‍රතිශක්තිකරණය සහ රෝග පාලනය යනාදි ක්ෂේත්‍රවල කැපී පෙනෙන ප්‍රගතියක් අත්කරදීමට ඉහළ දායකත්වයක් ලබාදෙන බව ද මෙහි දී පෙන්වා දුන් අමාත්‍යවරයා, මෙරට මහජන සෞඛ්‍ය කාර්ය මණ්ඩලය ලොවටම ආදර්ශයක් ලබාදී ඇති බවත්, නව්‍යකරණය, කණ්ඩායම් ක්‍රියාකාරිත්වය සහ ප්‍රජා අවශ්‍යතා පිළිබඳ ගැඹුරු අවබෝධයක් සමඟින් ප්‍රජාවට සේවය කළ හැකි බව පෙන්වා දී ඇති බව ද  පැවැසී ය.

අපගේ ජාතික සංවර්ධන ඉලක්ක සෞඛ්‍ය ක්ෂේත්‍රය කේන්ද්‍රීයව පවතින බවත්, එය සේවාවක් ලෙස පමණක් නොව සමාජීය හා ආර්ථික ප්‍රගතිය සඳහා පදනමක් බව ද අවධාරණය කළ අමාත්‍යවරයා, සෞඛ්‍ය අංශ හරහා රෝග වැළැක්වීමේ සත්කාර ශක්තිමත් කිරීමට සහ සෞඛ්‍ය සම්පන්න ප්‍රජාවන් ගොඩනැගීමට සෞඛ්‍ය වෘත්තිකයින් කැපවී සිටින බව ද පැවැසී ය.


සෞඛ්‍ය අභියෝග ජයගැනීම සඳහා පුළුල් අවබෝධයක්

ප්‍රජා වෛද්‍යවරුන්ගේ විද්‍යාලය එම වැඩපිළිවෙළේ දී  වැදගත් කාර්යභාරයක් ඉටු කරන බවත්, ජනතාවගේ සෞඛ්‍ය තත්ත්ව වැඩිදියුණු කිරීමේ වැඩපිළිවෙළේ දී නායකත්වය, විශේෂඥතාව සහ ක්ෂේත්‍ර මට්ටමේ දැනුම අත්‍යවශ්‍ය වන  බවත් එම කටයුතු ප්‍රජා වෛද්‍යවරුන්ගේ විද්‍යාලය මගින් සපුරාලන බව ද අමාත්‍යවරයා මෙහි දී අවධාරණය කළේ ය. ඉදිරි සෞඛ්‍ය අභියෝග ජයගැනීම සඳහා උපාය මාර්ග සහ යහපැවැත්ම පිළිබඳ පුළුල් අවබෝධයක් අවශ්‍ය බවත්, එහි දී  ප්‍රජා වෛද්‍යවරුන්ගේ විද්‍යාලය වැදගත් කාර්යභාරයක් ඉටු කරන බවත්, රෝග වැළැක්වීමේ සත්කාර, ප්‍රජා සහභාගීත්වය සහ සාක්ෂි මත පදනම් වූ පුහුණුව පිළිබඳ වූ විශේෂඥතාව එහිදී මූලික වන බව ද ඇමතිවරයා වැඩිදුරටත් පැවසීය.

මෙම අවස්ථාවට විද්‍යා හා තාක්ෂණ අමාත්‍ය මහාචාර්ය ක්‍රිෂාන්ත අබේසේන, හිටපු ප්‍රධාන වසංගත රෝග විද්‍යාඥ සහ පාර්ලිමේන්තු මන්ත්‍රී  වෛද්‍ය නිහාල් අබේසිංහ, හිටපු අමාත්‍ය වෛද්‍ය  සුදර්ශණී පුනාන්දුපුල්ලේ, ශ්‍රී ලංකා ප්‍රජා වෛද්‍යවරුන්ගේ විද්‍යාලයේ හිටපු සභාපති වෛද්‍ය කපිල ජයරත්න, ලේකම් වෛද්‍ය ඒ.එස්. සන්තුෂ්‍ය ප්‍රනාන්දු යන අය ඇතුළු ශ්‍රී ලංකා ප්‍රජා විශේෂඥ වෛද්‍යවරුන්ගේ සංගමය නියෝජනය කරමින් එහි සාමාජිකයින් මෙන්ම සෞඛ්‍ය හා ජනමාධ්‍ය අමාත්‍යාංශයේ නිලධාරීන් ද එක්ව සිටියහ.

 (දීප්ති විජේතුංග) 

මැඩගස්කර ජනරජයේ ජනාධිපති ඇන්ඩ්‍රි රාජොලීනා (Andry Rajoelina) විසින් තම රජය විසුරුවා හරින බව ප්‍රකාශ කර ඇත.

තරුණයින් විසින් මෙහෙයවන ලද මාරාන්තික විරෝධතා මීට හේතුවී තිබේ.

මෙය, දිගුකාලීන ජල හා විදුලි කප්පාදුවලට එරෙහිව තරුණ කණ්ඩායම් විසින් දින ගණනාවක් තිස්සේ මෙහෙයවූ විරෝධතා හේතුවෙන් ගත් තීරණයක් බව විදෙස් මාධ්‍ය සඳහන් කරයි.

රූපවාහිනිය ඔස්සේ ජාතිය අමතමින් රාජොලීනා කියා සිටියේ, "රජයේ සාමාජිකයින්ට පවරන ලද කාර්යයන් ඉටු කිරීමට නොහැකි වූයේ නම්, අපි එය පිළිගෙන සමාව අයදිනවා" යනුවෙනි.

විවධ සටන් පාඨය යටතේ, "Gen Z" විරෝධතාකරුවන් පසුගිය බ්‍රහස්පතින්දා සිට මැඩගස්කරයේ නගර පුරා වීදි බැස සිටිති.

එක්සත් ජාතීන්ගේ මානව හිමිකම් ප්‍රධානියා, නොසන්සුන්තාව මැඩපැවැත්වීම සඳහා ආරක්ෂක අංශ විසින් භාවිතා කළ "අනවශ්‍ය බලය" හෙළා දකිමින් කියා සිටියේ, අවම වශයෙන් පුද්ගලයන් 22 දෙනෙකු මියගොස්, 100 දෙනෙකුට වැඩි පිරිසක් තුවාල ලබා ඇති බවයි.

කෙසේ වෙතත්, මැඩගස්කරයේ විදේශ අමාත්‍යාංශය එක්සත් ජාතීන්ගේ සංවිධානයේ මෙම සංඛ්‍යා ප්‍රතික්ෂේප කරමින්, දත්ත "කටකතා හෝ වැරදි තොරතුරු මත පදනම් වූ" ඒවා බවට චෝදනා කර ඇත.

අගනුවර වන ඇන්ටනානාරිවෝ (Antananarivo) හි මුලින් ආරම්භ වූ විරෝධතා, මේ වන විට රට පුරා නගර අටක් දක්වා ව්‍යාප්ත වී තිබේ.

ප්‍රචණ්ඩත්වය සහ කොල්ලකෑම් පිළිබඳ වාර්තා වීමත් සමග ඇන්ටනානාරිවෝ හි සන්ධ්‍යාවේ සිට අලුයම දක්වා ඇඳිරි නීතිය පනවන ලද අතර, පොලීසිය රබර් උණ්ඩ සහ කඳුළු ගෑස් ප්‍රහාර එල්ල කරමින් පිරිස් විසුරුවා හැර තිබිණ.

Madagascar president dissolves government after youth-led deadly protests

ජාතික කඩදාසි සමාගම නව මුහුණුවරකින් නව්‍යකරණය වී ඇති අතර නව කඩදාසියක් ද හඳුන්වා දෙන්නේ යැයි ජාතික කඩදාසි සමාගමෙහි නව සභාපති උපාලි රත්නායක පවසයි.

ඔහු මෙම අදහස් පළ කළේ ජාතික කඩදාසි සමාගම ප්‍රතිසංස්කරණය කිරීමෙන් අනතුරුව නව නිෂ්පාදන හඳුන්වා දීම පිළිබඳ මාධ්‍යයට අදහස් දක්වමිනි.

එම මාධ්‍ය හමුවේ දී ඔහු විශේෂයෙන් ම වධානය යොමු කළේ පාසල් ශිෂ්‍ය ශිෂ්‍යාවන් භාවිත කරන කොපි පොත් සඳහා විශේෂයෙන් හඳුන්වා දෙන කඩදාසි වර්ගයකින් නිෂ්පාදිත කොපි පොත් පිළිබඳව ය.

මදින ලද ඔපදැමූ කඩදාසියෙන් නිපද වූ කොපිපොත්වල කාබන් පෑනෙන් ලිවීමේ දී අකුරු අවලස්සන වන බැවින් ඔප නොදැමූ කඩදාසිවල අකුරු ලිවීමට පාසල් ශිෂ්‍ය ශිෂ්‍යාවන් පොලඹවන බවත්, එහි මූලික තේමාව වන්නේ ''අකුරු හැඩට ලියමු'' යන්න බවත් ඔහු විශේෂයෙන් අවධාරණය කළේ ය.

අධිකරණ තීන්දුවක් ක්‍රියාත්මක නොකරන ලෙස තමන් දැනුම් දුන් බව ජාතික ජන බලවේග පාර්ලිමේන්තු මන්ත්‍රීනි ලක්මාලි හේමචන්ද්‍ර  සඳහන් කරයි.

නරාහේන්පිට ප්‍රදේශයේ අනවසර පදිංචිකරුවන් පිරිසක් ඉවත් කිරීම සම්බන්ධයෙන් ප්‍රාදේශීය සම්බන්ධීකරණ කමිටුව රැස්වීමකට පැවති සංවාදයකදී ඇය මේ බව පවසා ඇත.

තමන් මේ සම්බන්ධයෙන් පොලිසියට උපදෙස් දුන් බවද පවසන ඇය, ඒ සම්බන්ධයෙන් එකඟතාවයකටද පැමිණි බව කියා සිටියි.

කෙසේ වෙතත් එම අවස්ථාවේ ඊට මැදිහත් වූ නියෝජ්‍ය අමාත්‍ය සුනිල් වටගල කියා ඇත්තේ, අධිකරණ ක්‍රියාවලියක් ක්‍රියාත්මක කිරීමේදී ඊට ආණ්ඩුව මැදිහත් නොවන බවයි.

ජනාධිපති අනුර කුමාර දිසානායක මෙවර ජපානයට ගියේ ඩඩ්ලිලාගේ අනුග්‍රහයෙන් බවත්, ඒ ගියෙත් ඉල්ලා අස්වෙච්ච අගමැති කෙනෙක් හමුවීමට බවත්, ඉන් රටට කිසිඳු වාසියක් අත්නොවූ බවත් ජාතික නිදහස් පෙරමුණේ නායක, හිටපු පාර්ලිමේන්තු මන්ත්‍රී විමල් වීරවංශ ප්‍රකාශ කළේ ය.

ආන්දෝලනාත්මක ලන්ඩන් සංචාරයෙදී මහජන මුදල් අවභාවිතවක් සම්බන්ධයෙන් හිටපු ජනාධිපති රනිල් වික්‍රමසිංහ ට එල්ලකළ චෝදනාවම අනාගතයේදී අනුර කුමාර දිසානායකට එල්ලවෙන බවද ඔහු කියා සිටියි.

විමල් වීරවංශ එබව කියා සිටියේ, ඊයේ ''සලකුණ'' දේශපාලන වැඩසටහනේදී අදහස් දක්වමිනි.

'' එදා සිරිමාවෝ යද්දි කොහොමද පිටරට පිළිගැනීම? අද කෝ ඒවා!‍ අනුරව පිළිගන්න ඇමැති කෙනෙක්වත් ගුවන්තොටුපොළට ආවද? '' විමල් තවදුරටත් පැවසිය.

එහිදී විමල් වීරවංශ අවධාරණය කර සිටියේ, මෙම සංචාරයෙන් රටට වාසියක් නැති බවත්, හිටපු අගමැතිවරයකු හමුවීම සදහා ජනාධිපතිවරයා ගොස් ඇති බවත්ය.

විමල් විරවංශ එම වැඩසටහනේදී කල ප්‍රකාශය සහිත වීඩියෝවක් මතු පළවේ.

කසුන් පුස්සෙවෙල විසින් රචිත 'අපරාධ රාජ්‍යයක් - අසංක්ෂිප්ත පරිච්ඡේදයක්' කෘතිය එළිදැක්වීම සහ සාකච්ඡාවක් ජාත්‍යන්තර තොරතුරු ප්‍රවේශ දිනයට සමගාමීව සැප්තැම්බර් 28වන ඉරිදා, සවස 3.00ට, BMICH Cinema Lounge ශාලාවේ දී පැවැත්වේ.

'පීඩකයාගේ නොව, පීඩිතයාගේ තැන හිටගන්න – ජීවමාන සාක්ෂිකරුවෙකු වන්න.' එදින ඔබගේ සහභාගීත්වය අපට ගෞරවයක් වනු ඇත.

මෙම අවස්ථාවේ දී විශේෂ දේශනය පවත්වනු ලබන්නේ ජනාධිපති නීතිඥ සාලිය පීරිස් (ශ්‍රී ලංකා නීතිඥ සංගමයේ හිටපු සභාපති) විසිනි.

ලාල් වික්‍රමතුංග (ලසන්ත වික්‍රමතුංගගේ සහෝදරයා), නීතිඥ අචලා සෙනෙවිරත්න (නාවික කප්පම් නඩුවේ වින්දිත පාර්ශවය වෙනුවෙන්), ජෙනිෆර් වීරසිංහ (කප්පම් සඳහා පැහැරගෙන ගොස් අතුරුදහන් කෙරුණු ඩිලන්ගේ මව), මයුරි ද සිල්වා ( සුදු වෑන් රථයකින් පැහැරගෙන ගොස් අතුරුදහන් කෙරුණු හරිෂ් මධුෂ්කද සිල්වාගේ බිරිඳ) සහ ෆයාස් ලතීෆ් (ඝාතනය වූ වසීම් තජුඩීන්ගේ මාමා) විශේෂ අදහස් දැක්වීට නියමිත ය.

සභාව මෙහෙය වීම සහ අදහස් දැක්වීම පීටර් ඩී අල්මේදා විසිනි.

මෙම අවස්ථාව සඳහා සහභාගි වන්නැයි කර්තෘ කසුන් පුස්සෙවෙල ආරාධනා කරයි...!

රටේ පවතින පොලිස් අපරාධ වෙනුවෙන් තම සංවිධානය විශේෂ තීරණ කිහිපයක් ගත් බව 'අරගලය ජාතික ව්‍යාපාරය'සංවිධානයේ ලේකම් කැළුම් අමරසිංහ පැවසී ය.

ඔහු මෙලෙස පැවසුවේ ඊයේ (08) බොරැල්ල, ඇන්. ඇම්. පෙරේරා මධ්‍යස්ථානයේ පැවති මාධ්‍ය සාකච්ඡාවක දී ය.


සාධනීය ප්‍රතිචාරයක්

ප්‍රින්ස් සේනාධීර විසින් රචිත 'ඒ ලස්සන තුවාල කැළල' කෙටිකතා සංග්‍රහය මෙම මස 24වන දින සවස 02.30ට ජාතක ලේඛනාරක්ෂක දෙපාර්තමේන්තු ශ්‍රවණාගාරයේ දී ජනගත කෙරේ.