පුවත්

ගාල්ල මහ නගර සභාවේ නාගරික ලේකම්වරිය ඇතුළු රජයේ නිලධාරීන්ට සාපරාධී බලහත්කාරිය පෑම හා රාජකාරියට බාධා කිරීමේ චෝදනා මත අත්අඩංගුවට ගෙන අධිකරණයට ඉදිරිපත් කළ එම නගර සභාවේ විපක්ෂයේ නාගරික මන්ත්‍රීවරිය ඇතුළු පස්දෙනා රුපියල් ලක්ෂ 5 බැගින් වු ශරීර ඇප මත මුදා හැරීමට ගාල්ල මහෙස්ත්‍රාත් මහේස්ත්‍රාත් සමීර දොඩන්ගොඩ අද (31) නියෝග කළේය.

අසත්‍ය පුවත් විකාශනය කරන ලදැයි චෝදනා එල්ල වී ඇති විද්‍යුත් මාධ්‍ය ආයතන කිහිපයක විකාශන බලපත්‍ර ආපසු කැඳවීමට ආණ්ඩුව කටයුතු කරමින් සිටින බවට හෝ එසේ කළ යුතු බවට සමාජය තුළ ගොඩනැගී ඇති කතිකාව සම්බන්ධයෙන් නිදහස් මාධ්‍ය ව්‍යාපාරයේ මෙන්ම එහි වෘත්තීය සමිතියේද දැඩි අවධානය යොමුව ඇතැයි එම ව්‍යාපාරයේ වෘත්තීය සමිතිය සඳහන් කරයි.

හෙට සිට බල පැවැත්වෙන පරිදි ශ්‍රී ලංකා මහ බැංකුවේ රාජ්‍ය ණය දෙපාර්තමේන්තුවේ මෙහෙයුම් අවසන් කිරීම සහ රාජ්‍ය ණය දෙපාර්තමේන්තුවේ ලංකාසෙක්‍යු අංශය, ගෙවීම් සහ පියවීම් දෙපාර්තමේන්තුව වෙත පැවරීම සිදු කරන බව ද මහ බැංකුව කියයි.

ශ්‍රී ලංකාවේ වෛද්‍ය ක්ෂේත්‍රයේ මෙන් ම රෝහල් පද්ධතිය තුළ පවත්නා ගැටලු පිලිබඳව රජය සමග කළ සාකච්ඡාවල දීතම පාර්ශ්වයෙන් ඉදිරිපත් කළ යෝජනා සහ සෞඛ්‍ය අමාත්‍යවරයාගේ පාර්ශවයෙන් එකඟත්වයකට පැමිණි කාරණා හැකි ඉක්මනින් ක්‍රියාවට නැගිය යුතු බව රජයට අවධාරණය කරන බව රජයේ වෛද්‍ය නිලධාරීන්ගේ සංගමයේ (GMOA) කමිටු සාමාජික වෛද්‍ය ප්‍රසාද් කොළඹගේ පැවසී ය.

අධ්‍යාපන ප්‍රතිසංස්කරණ සිදුකිරීමේ දී 6 වසර මොඩියුලේ සඳහන් නොවිය යුතු කරුණක් සම්බන්ධයෙන් අධ්‍යාපන අමාත්‍යංශ ලේකම් නාලක කළුවැව අපරාධ පරීක්ෂණ දෙපාර්තමේන්තුවට පැමිණිල්ලක් ඉදිරිපත් කර ඇත.

වර්තමාන රජය බලයට පත්වීමෙන් අනතුරුව මේ වන තෙක් එක ඩොලරයක් හෝ සෘජු විදේශ ආයෝජන පැමිණ නැති බවත්, ඉදිරි වසරේ දී ද ඒවැන්නක් දැකිය හැකි තත්ත්වයක් නොමැති බවත් පාර්ලිමේන්තු මන්ත්‍රී එස්.එම්.මරික්කාර් පැවසී ය.

මතුගම ප්‍රාදේශීය සභාවේ ලේකම්වරියට පහරදීමේ සිද්ධිය සම්බන්ධයෙන් චෝදනා එල්ල වූ අදාළ ප්‍රාදේශීය සභාවේ සභාපති කසුන් මුණසිංහ පොලීසියට භාර වී ඇත.

ව්‍යවස්ථා සභාවේ ස්වාධීන නියෝජිතයින් තිදෙනා ගේ සේවාව තව දුරටත් ලබා ගැනීමට නම් විපක්ෂ නායක කළ යුත්තේ අගමැතිනිය ගේ යෝජනාවලට එකඟතාවය පළ නොකර සිටීම යැයි පිවිතුරු හෙළ උරුමය පක්ෂ නායක උදය ගම්මන්පිල පැවසී ය.

තම බැංකුව සහ සේවකයින් මේ වන විට මුහුණ දී ඇති අර්බුදකාරී තත්ත්වය හමුවේ ඔවුන් ගේ අයිතිවාසිකම්, හිමිකම් වෙනුවෙන් සහ බැංකුව රැකගැනීමට වෘත්තීය ක්‍රියා මාර්ග රැසක් ගන්නා බව ලංකා බැංකු සේවක සංගමය ප්‍රාදේශීය සංවර්ධන බැංකු ශාඛාවේ වෘත්තීය සමිති නායකයෝ පවසති.

මාලිමා ආණ්ඩුව බිය වී සිටින්නේ ත්‍රස්තවාදීන්ට නොව ජනතාවට යැයි පෙරටුගාමි සමාජවාදි පක්ෂයේ අධ්‍යාපන ලේකම් පුබුදු ජයගොඩ පැවසී ය.

පීඩාකාරී "දිට්වා" සුළි කුණාටුවට ප්‍රතිචාර වශයෙන් ශ්‍රී ලංකාවේ ජනතාව වෙත, එක්සත් ජනපද රජය විසින් සපයන ලද ත්‍යාගශීලී මානුෂීය සහාය වෙනුවෙන් ස්තුතිවන්ත වෙමින් නිදහස ජන සභාව නායක ඩලස් අලහප්පෙරුම ඇමරිකානු ජනාධිපතිවරයා වෙත ස්තුති ලිපියක් නිකුත් කර ඇත.

ජාතික අධ්‍යාපන ආයතනය මගින් 2025 වසරේ ප්‍රකාශිත English Language First Term Modules Grade 6හි අඩංගු කරුණු සහ ක්‍රියාකාරකම් දණ්ඩනීති සංග්‍රහයේ වගන්ති, අපරාධ විධි විධාන සංග්‍රහය, අසභ්‍ය ප්‍රකාශන පනත සහ ජාතික ළමා ආරක්ෂක පනතේ විධි විධාන උල්ලංඝනය වන බව Free Lawyers  සංවිධානය සඳහන් කරයි කරයි. 

''බණ්ඩාරනායක ලේඛකත්ව සම්මාන 2025'' සමස්ත ලංකා සාහිත්‍ය නිර්මාණ තරගාවලිය සඳහා නිර්මාණ බාර ගැනීමේ කාල සීමාව දීර්ඝ කර ඇත.

ඊයේ (30) ගාල්ල මහ නගර සභාවේ විශේෂ මහා සභා රැස්වීම පැවති අවස්ථාවේ විපක්ෂ මන්ත්‍රීවරු, නාගරික ලේකම්වරිය ඇතුළු නිලධාරීන්ට විරෝධය පළ කිරීමත් සමග සභාවේ උණුසුම් තත්ත්වයක් මතුවිය.

ජාතික ජන බලවේගයට බලය හිමි වූ කොළඹ මහ නගර සභාවේ 2026 අයවැය දෙවන වර කියවීම වැඩි ඡන්ද දෙකකින් ජයග්‍රහණය කර තිබේ.

මේ වන විට මාස අටක්  තිස්සේ ශ්‍රී ලංකාවේ විගණකාධිපති  ධූරය පුරප්පාඩුව පවතී. ජනාධිපතිවරයා ඒ තනතුරට තමුන්ගේ හිතවතකු පත් කරගන්නට දරන ලද  උත්සාහය ආණ්ඩුක්‍රම ව්‍යවස්ථා සභාව විසින් වැලක්වීම නිසා ඇතැම් ඇමතිවරුන් ව්‍යවස්ථා සභාව සම්බන්ධව විවේචන ඉදිරිපත් කරන්නටද පටන් ගෙන ඇති  බව මන්ත්‍රී නාමල් රාජපක්ෂ සදහන් කළේය.

සතොසට අයත් ලොරි රථයක් අවභාවිත කරමින් රජයට මූල්‍ය පාඩුවක් සිදුකළ බව කියන සිද්ධියට අදාළව හිටපු අමාත්‍ය ජොන්ස්ටන් ප්‍රනාන්දු අත්අඩංගුවට ගැනීමට විමර්ශන ආරම්භ කර තිබේ.

හෙළයේ ගීත කෝකිලාවිය වූ කලාසූරී ලතා වල්පොලගේ දේහය පිළිබඳ අවසන් කටයුතු අද (31) පූර්ණ රාජ්‍ය අනුග්‍රහය සහිතව කොළඹ නිදහස් චතුරස්‍රය පරිශ්‍රයේදී සිදුකර බොරැල්ල පොදු සුසාන භූමියේදී භූමදාන කිරීමට සැලසුම් කර තිබේ.