පුවත්

ඉන්දුනීසියාවේ, සුමාත්‍රාද දූපතේ උතුරින් හටලත් භූ කම්පනය හේතුවෙන් ශ්‍රී ලංකාවට සුනාමි අවධානමක් නොමැති බව ජාතික සුනාමි පූර්ව අනතුරු ඇඟවීමේ මධ්‍යස්ථානය නිවේදනය කරයි.

නිසි පරීක්ෂාවකින් තොරව බහාලුම් 323ක් නිදහස් කිරීම සම්බන්ධයෙන් විමර්ශනය කිරීම සඳහා පාර්ලිමේන්තු තේරීම් කාරක සභාවක් පත් කර ඇති බව කථානායක ආචාර්ය ජගත් වික්‍රමරත්න මහතා පවසයි.

සායින්දමරුදු ප්‍රදේශයේ ගමන් කරමින්  තිබූ මෝටර් රථක් අද (27) මාර්ගයේ ලිස්සා ගොස් පොලමේරියන් ඇළට වැටීමෙන් එහි ගමන්ගත් අඹුසැමි යුවළක් සහ ඔවුන්ගේ හය හැවිරිදි දරුවා මියගොස් ඇතිබව,සායින්දමරුදු පොලිසිය පවසයි.

දිවයිනේ දිස්ත්‍රික්ක 7ක් සඳහා ජනතාවට වහාම ඉවත්වෙන ලෙස දැනුම් දෙමින් නායයෑම් රතු නිවේදනයක් ජාතික ගොඩනැගිලි පර්යේෂණ ආයතනය විසින් නිකුත් කර තිබේ.

මාලිමා ආණ්ඩුවේ ඩිජිටල් අමාත්‍ය එරංග වීරරත්න හට බරපතල චෝදනාවක් එල්ල කරමින් සජබ මන්ත්‍රී ප්‍රසාද් සිරිවර්ධන ඊයේ පාර්ලිමේන්තුවේදී කියා සිටියේ, නියෝජ්‍ය අමාත්‍යවරයාට කොටස් හිමි සමාගමක් විසින් අධිවේගී මාර්ගයේ කොන්ත්‍රාත්තු කිහිපයක් ලබාගෙන ඇති බවයි.

හිටපු පාර්ලිමේන්තු මන්ත්‍රී උදිත ලොකුබණ්ඩාර සතුව තිබූ පිස්තෝලයක් නුගේගොඩ පොලිස් අපරාධ කොට්ඨාශය විසින් සිය භාරයට ගත බව පොලීය පවසයි.

අද (27) සහ හෙට (28) අපොස උසස් පෙළ විභාගය නොපැවැත්වීමට විභාග කොමසාරිස් ජනරාල් ඉන්දිකා ලියනගේ තීරණය කර තිබේ.

උතුරේ ත්‍රස්තවාදින් සහ දකුණේ ත්‍රස්තවාදින් අතර තිබෙන්නේ සහෝදරාත්මක බැඳීමක් බැවින් උතුරේ ත්‍රස්තවාදින් ගෙන් දකුණේ ත්‍රස්තවාදින්ට ලොකු ගෞරවයක් තිබෙනවා යැයි පිවිතුරු හෙළ උරුමය පක්ෂ නායක උදය ගම්මන්පිල පැවසී ය.

මේ වන විට ආන්දෝලනයට තුඩු දී ඇති හඩ පටය සම්බන්ධයෙන් පරීක්ෂණයක් කරන ලෙස ඉල්ලමින් අපරාධ පරීක්ෂණ දෙපාර්තමේන්තුවට පැමිණිල්ලක් කිරීමට අමාත්‍ය සුනිල් හඳුන්නෙත්ති කටයුතු කළේය.

කාන්තාවක් විසින් පැදවූ මෝටර් රථයක ගැටී වීථි සුනඛයෙකු මියයෑමේ සිදුවීමක් සම්බන්ධයෙන් අත්අඩංගුවට ගත් සැකකාර කාන්තාව අධිකරණය වෙත ඉදිරිපත් කිරීමෙන් පසු දෙසැම්බර් මස 09 වන දින දක්වා රක්ෂිත බන්ධනාගාර ගත කරන ලෙස හෝමාගම මහේස්ත්‍රාත් රජින්ද්‍රා ජයසූරිය ඊයේ (25) දින නියෝග කළාය.

මෙම වසර අවසානයේදී මෙරට දළ විදෙස් සංචිතවලට තවත් ඇමෙරිකානු ඩොලර් මිලියන 750 ක මුදලක් එකතු වනු ඇති බවත් ඒ අනුව ආර්ථික අර්බුදයෙන් පසුව වාර්තා කළ ඉහළම දළ විදෙස් සංචිත ප්‍රමාණයට මෙම වසර අවසානය වනවිට ළඟා වීමට ශ්‍රී ලංකාවට හැකියාව ලැබෙනු ඇති බවත් මහ බැංකු අධිපති ආචාර්ය නන්දලාල් වීරසිංහ  අද (26) පැවැති මාධ්‍ය හමුවකදී ප්‍රකාශ කළේය.

එක්සත් ජාතික පක්ෂය සහ සමගි ජන බලවේගය එකතු කිරීමේ වගකීම බාර ගැනීමට විපක්ෂ නායක සජිත් ප්‍රේමදාස මහතා ගත් තීරණය සම්පූර්ණයෙන්ම පිළිගන්නා බව එක්සත් ජාතික පක්ෂය ප්‍රකාශ කරයි .

මාලිමාවේ ප්‍රතිපත්ති ප්‍රකාශයේ 72වන පිටුවට අනුව 35000ක් උපාධිධාරීන් බඳවා ගැනීමේ විග්‍රහයක් ඇති බවත්, ඒ අනුව 20000ක් ගුරු වෘත්තියට, දේශිය ආදායම් දෙපාර්තමේන්තුව රේගුව ආදී ලෙස 35000ක් බඳවා ගන්නා ආකාරය ඇති බැවින් මේ බඳවා ගැනීමේ දී රැකියා විරහිත උපාධිධාරීන්ට වසරක අභ්‍යාසලාභී පුහුණුවක් ලබා දී මේ කාලයේ දීමනාවක් ලබා දී බඳවා ගන්නා ලෙස යෝජනා කරන්නේ යැයි විපක්ෂ නායක සජිත් ප්‍රේමදාස අද පාර්ලිමේන්තුවේ දි පැවසී ය.

සිනමාවේ ප්‍රගමනය රටේ පුරවැසියාගේ අධ්‍යාත්මික සංවර්ධනයට බලපාන බවත් එනයින් දේශීය සිනමා කර්මාන්තය රැක ගනිමින්ම විදෙස් සිනමා නිර්මාණ නැරඹීමේ අවස්ථාව ශ්‍රී ලාංකික ප්‍රේක්ෂකයාට ලබා දිය යුතු බවත් ජනාධිපතිවරයා වැඩිදුරටත් සඳහන් කළේය.

එප්පාවල ඇඳගල ප්‍රදේශයේ දී අත් අඩංගුවට ගෙන රිමාන්ඩ් කර සිටින හිටපු විදුහල්පතිවරයා සහ අනෙක් සැකකරු දෙසැම්බර් මස 10 දින දක්වා යළි රක්ෂිත බන්ධනාගාරගත කරන ලෙස තඔුත්තේගම මහේස්ත්‍රාත් ගයාත්‍රි හෙට්ටිආරචිචි  අද (26) නියෝග කර තිබේ.

අපි සැවොම එකට වාඩි වී මාධ්‍ය හමුවක් තබා ඒයට සහභාගි නොවූ සජබ ඇතුළු අනෙකුත් පක්ෂ වෙත ආරාධනා කිරීම ම ආණ්ඩුව සලිත කරන්නට සමත් වූයේ යැයි පිවිතුරු හෙළ උරුමය පක්ෂ නායක උදය ගම්මන්පිල පැවසී ය.

ජාතික ජන බලවේගය බලය හිමි රත්තොට ප්‍රාදේශීය සභාවේ මංගල අයවැය ලේඛනය සභාවට ඉදිරිපත් කළ අතර එහිදී පක්ෂව ඡන්ද 14ක්ද ලැබුණි.

බැංගලෝර්හි 24 හැවිරිදි ශ්‍රී ලාංකිකයෙකු ඉන්ස්ටග්‍රෑම් මාර්ගගත ලිංගික අපයෝජන ජාවාරමකට ගොදුරු වී තිබේ.