#lk#srilanka#newstube

හැඳින්වීම: ආයතනයේ මතවාදී දිළිඳුකම

සෞන්දර්ය කලා විශ්වවිද්‍යාලයේ (UVPA) මූලික කලා ආයතනය වන හේවුඩ් කෞතුකාගාරය (Heywood Museum) වර්තමානයේ මුහුණ දී සිටින බරපතළ ම අර්බුදය, භෞතික ඉඩකඩ පිළිබඳ ගැටලුවක් හෝ ද්‍රව්‍යමය හිඟකමක් නොවේ. එය මූලික වශයෙන් ම සමකාලීන කෞතුකාගාර ප්‍රායෝගිකත්ව (Contemporary Museological Practices) පිළිබඳ පවතින මතවාදී සහ ඥානවිභාගාත්මක දිළිඳුකමකි.

ලොව ඉහළ ධනවතුන් පාරිභෝජනයට ගන්නා රුපියල් දසදහසකට අධික මිලක් වන පෝෂ්‍යදායි කලු සහල් (Black Rice) මෙරට ගොවි ජනතාවට හඳුන්වා දීම කළ යුතු බව පරිසර හිතකාමි පොහොර නිෂ්පාදකයින්ගේ සංගමයේ ලේකම් ආචාර්ය චමින්ද හෙට්ටිකංකානම්ගේ කියයි.

පසුගියදා කසකස්තානයේ පැවති WC50 AKTAU KPMG KPMG OPEN Wheelchair para tennis තරගාවලියේ විවෘත අංශයේ අනුශුරතාවය දිනා ගැනීමට සුරේෂ් ධර්මසේන සමත් විය. අවසන් තරගය සදහා මැලේසියානු ක්‍රීඩක Mohomad Yusoff ක්‍රීඩකයා සමග තියුණු තරගයකින් පසුව පලමු වටය 6 - 3 සහ දෙවැනි වටය 6 - 4 ලෙස සුරේෂ් ධර්මසේන අනුශුරතාවය දිනා ගනී.

ත්‍රිකුණාමලය ප්‍රදේශයේ ඇති වූ බුදු පිළිමයක් සම්බන්ධ සිද්ධියකට අදාළව පූජ්‍ය බලංගොඩ කස්සප හිමි ඇතුළු ස්වාමීන්වහන්සේ සිව් නමක් සහ පුද්ගලයින් 05 දෙනකු රක්ෂිත බන්ධනාගාරගත කර ඇත.

කසාගල සමූහ ව්‍යාපාරය සහ චීන සමාගමක් වන Anluod (shenzhen) Internationa Trading Company Ltd සමග එකට එක්ව ආනයන අපනයන වෙළෙඳාමට අත තබයි.

"සොබා දහමට නොවන අවනත ලොවේ කිසිවෙක් නෑ" කියලා පල්ලේගම හේමරතන හාමුදුරුවෝ 'අතීතය සිහිනයක් පමණය' කියන සිංදුවේ ලියලා තියෙනවා. ඇත්තටම සොබා දහමට අවනත නොවන කවුරුත් නෑ වගේම තමයි නීතියට ඉහළිනුත් කවුරුත් ඉන්න බෑ. නීතිය හැමෝට ම සර්ව සාධාරණ වෙන්න ඔ්නා. හැබැයි අද අනුරාධපුර මහේස්ත්‍රාත් අධිකරණයේ දී ළමා ආරක්ෂක අධිකාරිය අධිකරණයට කරුණු දැක්වුවේ අටමස්ථානාධිපති පල්ගේගම හේමරතන හිමියන් ළමා අපයෝජනයක් ගැන අත්අඩංගුවට ගන්න සාක්කි තියෙද්දිත් පොලිසිය නීතිය ක්‍රියාත්මක කිරීම පමා කරනවා කියලයි.

ලාංකීය දේශපාලන ක්ෂේත්‍රය තුළ රාජ්‍ය තාන්ත්‍රිකයින් සිටියේ ඉතා අතළොස්සක් බවත්, ඒ අතුරින් මෑත ඉතිහාසයේ බිහි වූ රාජ්‍ය තාන්ත්‍රකයකු ලෙස මංගල සමරවීර හැඳිනිවිය හැකි බවත් තාරක නානායක්කාර පැවසී ය.

බාල ගල් අඟුර් පිළිබඳව තමා ආංශික අධීක්ෂණ කාරක සභාවේ දී ප්‍රශ්න කරන විට ඒවාට උත්තර දීමට නොහැකි වූ බවත්, රටට ශක්තිය දෙනවා කියූ, ක්‍රමයේ වෙනසක් ඇති කරනවා කියු රජය කටයුතු කර ඇත්තේ මේ ආකාරයෙන් යැයි විපක්ෂ නායක සජිත් ප්‍රේමදාස පැවසී ය.

ක්‍රිෂ් ගනුදෙනුව සම්බන්ධයෙන් සිදුකරන විමර්ශනවලට අදාළව පොලීසිය භාරයට ගෙන තිබෙන සිය පරිගණක, ජංගම දුරකථන ඇතුලු ඉලෙක්ට්‍රෝනික උපාංග මුදාහරින ලෙස නියෝගයක් නිකුත් කරන ලෙස ඉල්ලා ඩිල්ෂාන් එල්මෝ ඇලෝසියස් ද සිල්වා නමැත්තකු විසින් ඉදිරිපත් කර ඇති ඉල්ලීමක් සම්බන්ධයෙන් හෙට (03) කරුණු දක්වන ලෙස දන්වා කොළඹ මහේස්ත්‍රාත් අධිකරණය විසින් අපරාධ පරීක්‍ෂණ දෙපාර්තමේන්තුවේ මූල්‍ය අපරාධ විමර්ශන කොට්ඨාසයේ ස්ථානාධිපතිවරයාට නොතීසි නිකුත් කරනු ලැබීය.

ශ්‍රී  ලංකා පරිපාලන සේවයේ  විශේෂ  ශ්‍රේණියේ නිලධාරියෙකු වන වජිර ගුණවර්ධන ක්‍රීඩා සංවර්ධන දෙපාර්තමේන්තුවේ නව අතිරේක අධ්‍යක්ෂ ජනරාල්වරයා ලෙස පසුගියදා වැඩභාර ගත්තේ ය.

පසුගිය දා පාර්ලිමේන්තුවේ දී වත්මන් රජය අප රටේ ක්ෂුද්‍ර කුඩා හා මධ්‍ය පරිමාණ ව්‍යාපාරිකයන් වෙනුවෙන් සහන පොලී වැඩසටහනක් පිළිබඳව විපක්ෂය දැනුවත් කළ බවත් එය බැලු බැල්මට හොඳ වැඩසටහනක් වුව ද මේ වන විට අප රටේ ක්ෂුද්‍ර කුඩා හා මධ්‍ය පරිමාණ ව්‍යාපාරිකයන් අසාදු ලේඛන ගත වී ඇති බැවින් මේ අය වෙනුවෙන් ලබා දෙන ණය සහනය විපතට පත් ක්ෂුද්‍ර කුඩා හා මධ්‍ය පරිමාණ ව්‍යාපාරිකයන්ගෙන් 50%කට ලබා ගත නොහැකි යැයි විපක්ෂ නායක සජිත් ප්‍රේමදාස පැවසීය.

අපරාධ පරීක්ෂණ දෙපාර්තමේන්තුව විසින් තමන් අත්අඩංගුවට ගෙන රඳවා ගැනීමට එරෙහිව රාජ්‍ය බුද්ධි සේවයේ හිටපු අධ්‍යක්‍ෂ සුරේෂ් සලේ ඉදිරිපත් කළ පෙත්සමට මැදිහත් වී කරුණු දක්වීමට අවසර දෙන ලෙස ඉල්ලා ගොනුකර තිබෙන අතරමැදි පෙත්සම් සලකා බැලීම සඳහා අගෝස්තු මස 4 වනදා කැඳවන ලෙස අභියාචනාධිකරණය නියම කළා.

ශ්‍රී ලංකා කාන්තා ක්‍රිකට් ජාතික කණ්ඩායමේ ප්‍රධාන පුහුණුකරු ලෙස ඔස්ට්‍රේලියානු හිටපු ක්‍රිකට් ක්‍රීඩක ජේමි සිඩ්න්ස් පත්කර තිබේ.

කාන්තාවන් ගේ අයිතිවාසිකම් සුරක්ෂා කරන බවට ජාතික ජනබලවේග ආණ්ඩුව ජනතාවට පොරොන්දුවක් ලබා දුන් බවත්, කාන්තාවන් පිළිබඳ ජාතික කොමිෂන් සභාව පිහිටුවීම එම පොරොන්දුවේ එක් අංගයක් වුව ද කාන්තාවන් පිළිබඳ ජාතික කොමිෂන් සභාව මාස හතරක කාලයක සිට අක්‍රීය වී ඇතැයි පාර්ලිමේන්තු මන්ත්‍රිණී චමින්ද්‍රානි කිරිඇල්ල පැවසුවා ය.

වෙරිටේ රිසර්ච් (VeritéResearch) ආයතනයට අයත් වෙරිටේ මාධ්‍ය සහ දේශපාලන අංශය, ශ්‍රී ලංකාවේ කාන්තාවන් සහ ගැහැණු දරුවන් පිළිබඳව වෘත්තීමය මෙන්ම ගෞරවනීය ලෙස වාර්තා කිරීම ශක්තිමත් කිරීම අරමුණු කරගත් මූලික පියවර දෙකක් ඉදිරිපත් කිරීම සඳහා පසුගිය බ්‍රහස්පතින්දා (16) ජනමාධ්‍ය නියෝජ්‍ය අමාත්‍ය ආචාර්ය කෞශල්‍යා ආරියරත්න හමු විය.

දකුණු ඉන්දියාවේ කර්ණාටක ප්‍රාන්තය, විධිමත් රැකියාවල නියුතු වැඩකරන සියලු කාන්තාවන්ට වැටුප් සහිත ඔසප් නිවාඩු ලබා දීමට තීරණය කර තිබේ.

2026 වසර සඳහා ශ්‍රී ලංකා කායික රෝග විශේෂඥ වෛද්‍යවරුන්ගේ විද්‍යායතනයේ (Ceylon College of Physicians) 50 වන සභාපතිවරයා ලෙස මහාචාර්ය නාමල් විජේසිංහ  තේරී පත්වී තිබේ.

තද වැසි පිළිබඳ අනතුරු ඇඟවීමේ රතු නිවේදනයක් කාලගුණවිද්‍යා දෙපාර්තමේන්තුව විසින් නිකුත් කර තිබේ.

බස්නාහිර, සබරගමුව සහ වයඹ පළාත්වලත්, මහනුවර, නුවරඑළිය, ගාල්ල සහ මාතර දිස්ත්‍රික්කවලත් ඇතැම් ස්ථානවලට මිලිමීටර් 150ට වැඩි ඉතා තද වැසි ඇතිවිය හැකි බවට කාලගුණ විද්‍යා දෙපාර්තමේන්තුව විසින් රතු නිවේදනයක් නිකුත් කර තිබේ.

කොළඹ රාජකිය විද්‍යාලයේ ලියෝ සමාජය , තරුණ දැක්ම සංවිධානය සහ කොළඹ නගර මධ්‍ය සිංහ සමාජය (Lions Club Of Colombo Mid City) එක්ව මෙම ප්‍රජා සත්කාරක සේවය සිදුකර තිබේ.