පුවත්

අපිට අවශ්‍ය වන්නේ බිංදුවට ම වැටුණ මිනිස්සු කෙසේ හෝ නගා සිටුවීම යැයි සර්ව ජනබල නායක, පාර්ලිමේන්තු මන්ත්‍රී දිලිත් ජයවීර පැවසී ය.

මේවන විටත් පුරප්පාඩු වී තිබෙන විගණකාධිපති තනතුරෙහි පුරප්පාඩුව පිරවීම සඳහා ජනාධිපති අනුර කුමාර දිසානායක විසින් ඕ.ආර්. රාජසිංහ ගේ නාමයෝජනාව ආණ්ඩුක්‍රම ව්‍යවස්ථා සභාවේ අනුමැතිය සඳහා යොමු කර තිබේ.

ආපදාවෙන් හානියට පත් පාසල් ප්‍රතිසංස්කරණය කිරීමේ වැඩපිළිවෙලක් ප්‍රතිෂ්ඨා නමින් ආරම්භ කර ඇති බව අධ්‍යාපන අමාත්‍යංශය සඳහන් කරයි.

ජනාධිපතිගේ සිට ජවිපෙ නායකයන් බහුතරයක් භාවිත කරන්නේ V8 වාහන බවත් ජනතා විමුක්ති පෙරමුණ ආණ්ඩුව තමන් නියෝජනය කරනු ඇතැයි විශ්වාස කරන පාක්ෂිකයන් ඒවා නොදන්නා බවත් යාපනය දිස්ත්‍රික් පාර්ලිමේන්තු මන්ත්‍රි රාමනාදන් අර්චුනා පවසයි.

බූස්ස බන්ධනාගාරය තුළදී තම විවාහය ලියාපදිංචිය ජයටම ගැනීමට ඉඩ නොදුන් බව කියන සිද්ධියක් මුල්කරගෙන එම බන්ධනාගාරයේ අධිකාරිවරයාට අමානුෂික ලෙස පහරදුන් සංවිධානාත්මක අපරාධ කල්ලි ප්‍රභලයෙකු වන පියුම් හස්තික හෙවත් පියුමා සහ තවත් අයෙකු අඟුණකොළපැලැස්ස බන්ධනාගාරය වෙත මාරුකර යවා ඇත.

ආපදා හේතුවෙන් පීඩාවට පත් වුණ ජනතාවට හිමිවෙන විදෙස් ආධාර නිසි සම්බන්ධීකරණයකින් අදාළ පිරිස වෙත ලබාදීමට ජාතික මට්ටමේ කමිටුවක් ජනාධිපතිවරයා විසින් පත්කර තිබේ.

ලෝක බැංකුවේ ජාත්‍යන්තර සංවර්ධන සංගමයේ (IDA) අරමුදල්වලින් ඇමරිකානු ඩොලර් මිලියන 150ක් දැවැන්ත වාහන මිලදී ගැනීමේ වැඩසටහනක් වෙත යොමු කිරීමට ශ්‍රී ලංකාව ගත් තීරණය හරහා, සෞඛ්‍ය ක්ෂේත්‍රය තුළ දීර්ඝ කාලයක් තිස්සේ රහසක්ව පැවති සත්‍යයක් අනාවරණය වී තිබේ.

ශ්‍රී ලංකාවේ උග්‍ර වන දේශගුණික විපත් රටේ පූර්ව අනතුරු ඇඟවීමේ පද්ධතියේ ඇති තීරණාත්මක දුර්වලතාවයක් හෙළි කර ඇත: එනම්, නිවැරදි තත්‍ය කාලීන (real-time) කාලගුණ අනාවැකි සඳහා ගෝලීය වශයෙන් අත්‍යවශ්‍ය මෙවලමක් ලෙස සැලකෙන ක්‍රියාකාරී ඩොප්ලර් රේඩාර් පද්ධතියක් නොමැති වීමයි.

පුළුල් ලෙස ලබා දී ඇති බදු නිදහස් කිරීම් හේතුවෙන් ශ්‍රී ලංකාව අඛණ්ඩව සැලකිය යුතු ආදායම් අහිමිවීම්වලට මුහුණ දෙමින් සිටින අතර, මෙය රාජ්‍ය මූල්‍ය ස්ථායිතාව සහ පුළුල් ආර්ථික පුනර්ජීවනය පිළිබඳ ගැටළු මතු කරයි.

ඕනෑම දරුණු ආපදාවක් ඇති වන අවස්ථාවක දී, එනම් ආපදා කළමණාකරණයේ දී ඉතා වැදගත් වන්නේ ආරක්ෂක මාණ්ඩලික ප්‍රධානී තනතුර වන අතර විශාල ආපදාවල දී ත්‍රිවිධ හමුදාවත්, පොලීසියත් ඒ අංශ පාර්ශ්වයෙන් නායකත්වය දිය යුතුව ඇතැයි එක්සත් ජාතික පක්ෂ සභාපති වජිර අබේවර්ධන පැවසී ය.

ගංවතුරින් සහ නායයාමෙන් විපතට පත්වු පවුල් වල දරු දැරියන්ට පොත් පත් සහ පාසල් උපකරණ සැපයීම සඳහා පාර්ලිමේන්තු මන්ත්‍රී නාමල් රාජපක්ෂ විසින්  අරඹන ලද "ආදරය" වැඩසටහන යටතේ දිවයිනේ දකුණ, වයඹ, මධ්‍යම,ඌව,උතුර සහ නැගෙනහිර, බස්නාහිර සහ සබරගමුව පළාත් වල විපතට පත් පවුල්වල දරු දැරියන් 50000 කට අවශ්‍ය කරන  පාසල් උපකරණ සහ පොත්පත් පෑන් පැන්සල් ආදිය  සැපයීම දැන් ආරම්භ කර තිබේ.

හානියට පත් යටිතල පහසුකම් කඩිනමින් ගොඩ නැගීම සඳහා එවැනි යටිතල පහසුකම් විෂය පථයන්ට අදාළව විදේශ අරමුදල් යටතේ දැනට ක්‍රියාත්මක වන ව්‍යාපෘතිවල හදිසි ප්‍රතිචාර සංරචකයන් සක්‍රීය කිරීම සඳහා කැබිනට් අනුමැතිය හිමිව තිබේ.

පළාත් සභා ඡන්දය කුමන මැතිවරණ ක්‍රමයක් යටතේ පැවැත්විය යුතුද යන්න සොයා බලා වාර්තා කිරීමට සහ ඒ පිළිබඳව සිය යෝජනා සහ නිර්දේශ ඉදිරිපත් කිරීමට පාර්ලිමේන්තු විශේෂ කාරක සභාවක් පත් කිරීම සම්බන්ධයෙන් වූ යෝජනාවක් පාර්ලිමේන්තුවේදී ඉදිරියේදී සම්මත කිරීමට නියමිතය.

2025.12.12වන දින පැවැත්වීමට නියමිත ශ්‍රී ලංකා නිදහස් පක්ෂ සමස්ත ලංකා කාන්තා පෙරමුණ ශ්‍රී ලංකා ව්‍යවස්ථාවේ දක්වා තිබෙන නීත්‍යනුකුල පදනමකින් තොරව පැවැත්වෙන්නක් යැයි ශ්‍රී ලංකා නිදහස් පක්ෂයේ ප්‍රධාන ලේකම් දයාසිරි ජයසේකර සඳහන් කරයි.

රටේ විදුලි පද්ධතිය ස්ථාපනය කළ දා සිට මේ වන තුරු ස්වභාවික ආපදා තත්ත්ව හේතුවෙන් විදුලි යටිතල පහසුම්වලට සිදුවූ බරපතළ ම බිඳ වැටීම දිත්වා සුළි කුණාටුව නිසා සිදුවූ බවත්, එහෙත් බිඳ වැටුණු සියලු ම යටිතල පහසුකම් පෙර පැවති තත්ත්වයටත් වඩා ඉහළින් සහ ශක්තිමත්ව යළි ගොඩනැගීමට කටයුතු කරන බවත් බලශක්ති අමාත්‍යවරයා පැවසී ය.

සර්වජන බලය නායක පා.ම ව්‍යවසායක දිලිත් ජයවීර පොරොන්දු වූ පරිදි ආපදාවට පත්ව විනාශ වී ගිය ලංකාවේ සියලු ම ආගමික ස්ථාන ප්‍රතිසංස්කරණය කිරීමේ කටයුතු සර්වජන හිතාය භික්ෂු එකමුතුව මූලිකත්වය ගනිමින් ඊයේ  මහනුවර ගැටඹේ රජෝපවනාරාමයෙන් ආරම්භ කළේ ය.

දේශපාලනඥයන් ඇතුළු විවිධ තරාතිරම්වල ප්‍රභූවරුන් මහවැලි ගඟ දෙපස (මහනුවර ප්‍රදේශයේ) නිසි අනවසරයෙන් තොරව පවත්වාගෙන යන හෝටල් සහ සංචාරක අවන්හල් දෙසීයකට වැඩි සංඛ්‍යාවක් පිළිබඳව පරිසර අංශවල විශේෂ අවධානය යොමුව ඇත.

මුදල් විශුද්ධිකරණය සම්බන්ධයෙන් සිදු කරන විමර්ශනයකට අදාළව ගොනුකර ඇති පැමිණිල්ලක සැකකරුවන් වශයෙන් නම්කර සිටින හිටපු මහ බැංකු අධිපති අර්ජුන් මහේන්ද්‍රන් ඇතුළු සැකකරුවන් දෙදෙනෙකු අත්අඩංගුවට ගෙන අධිකරණයට ඉදිරිපත් කරන ලෙස දන්වා යළි විවෘත වරෙන්තු නිකුත් කරන්නැයි කොළඹ මහේස්ත්‍රාත් අධිකරණය ඊයේ (11) අපරාධ පරීක්ෂණ දෙපාර්තමේන්තුවට නියෝග කර තිබේ.