#newstube

වහාම මෙම මර්දන නීති අහෝසි කරන ලෙසත් පොලිසිය ඇතුළු රාජ්‍ය ආයතනවලින් පවත්වා ගෙන යන මර්දන යාන්ත්‍රණ වහා අහෝසි කරන ලෙසත්, වව්නියාවේ සිදුවීමට අදාළ නිලධාරින්ට එරෙහිව නීතිමය කටයුතු කරන ලෙසත්, නැවත මෙවැනි මානව හිමිකම් කඩකිරීම් සිදු නොකරන බවට සහතික වන ක්‍රියාවලියක් ආරම්භ කරන ලෙසත් ආණ්ඩුවට බලකරන්නේ යැයි පෙරටුගාමි සමාජවාදී පක්ෂයේ ක්‍රියාකාරි චන්දන සිරිමල්වත්ත පැවසී ය.

දරුවන් ශික්ෂණය කිරීම සම්බන්ධයෙන් නූතන විද්‍යාත්මක ක්‍රියාමාර්ග දියත් කිරීමට එරෙහිව මහා පරිමාණයෙන් මඩ අවලාද ප්‍රචාර ගෙන යන අතර, ජේෂ්ඨ මනෝ වෛද්‍ය උපදේශක, මනෝ චිකිත්සක වෛද්‍ය චමින්ද සිරිවර්ධන සරළ සහ පුළුල් විග්‍රහයක් ඉදිරිපත් කර තිබේ.

සිරස රූපවාහිනිය විකාශනය කළ ජාතික මෙහෙවරට වැඩ සටහනට එක් වෙමින් මනෝ වෛද්‍යවරයා අවධාරණය කළේ, මානසික රෝගී තත්වයන්ගෙන් පෙළුණු මැති ඇමතිවරුන් පිළිබඳව පසුගිය ආණ්ඩු කාලවල දී දැක ගත හැකි වූ බවයි.

දරුවෙකුට හිංසාකාරී දඬුවම් කිරීමෙන් මනස තුළ හට ගන්නා රසායනික ප්‍රතික්‍රියා සම්බන්ධයෙන් ද පොදුවේ සියළු දෙනාට තේරුම් ගත හැකි සරළ ආකාරයෙන් විග්‍රහ කරනු ලැබීය.

පහත දැක්වෙන වීඩියෝව අවසන් වෙන තුරු නරඹා වෛද්‍යවරයා ඉදිරිපත් කරන විද්‍යාත්මක කරුණු හොඳින් අධ්‍යයනය කිරීම කාලීන අවශ්‍යතාවයක් වී පවතී.

(lankatruth)

මාලිමා ආණ්ඩුව බිය වී සිටින්නේ ත්‍රස්තවාදීන්ට නොව ජනතාවට යැයි පෙරටුගාමි සමාජවාදි පක්ෂයේ අධ්‍යාපන ලේකම් පුබුදු ජයගොඩ පැවසී ය.

මාලිමා ආණ්ඩුව දැවැන්ත දේශපාලන පරාජයක් ලබමින්, දේශපාලන පසුබැසීමක පවතින්නේ යැයි නව ජනතා පෙරමුණ පක්ෂ නායක සුගීෂ්වර බණ්ඩාර පැවසී ය.

වර්තමාන රජය බලයට පත්වීමෙන් අනතුරුව මේ වන තෙක් එක ඩොලරයක් හෝ සෘජු විදේශ ආයෝජන පැමිණ නැති බවත්, ඉදිරි වසරේ දී ද ඒවැන්නක් දැකිය හැකි තත්ත්වයක් නොමැති බවත් පාර්ලිමේන්තු මන්ත්‍රී එස්.එම්.මරික්කාර් පැවසී ය.

මාලිමා ආණ්ඩුවේ කෘෂිකර්ම හා පශු සම්පත් නියෝජ්‍ය අමාත්‍ය නාමල් කරුණාරත්න ගේ සහ සමන්ත විද්‍යාරත්න ගේ වත්කම් සහ බැරකම් ප්‍රකාශවල ඔවුන්ගේ බිරින්දෑවරුන්ගේ නමින් වත්කම් සඟවා තබා ගෙන සිටින බවට කරුණු හෙළි කරමින් නව ජනතා පෙරමුණ බොරැල්ල ආසන සංවිධායක කුෂාන් මදනායක සහ මධ්‍යම කාරක සභික භාණ්ඩාගාරික මොහොමඩ් රෂ්දාන් රහුමාන් සහ නැගෙනහිර කොළඹ ආසනයේ රුක්මන් ද සිල්වා අල්ලස් හා දුෂණ විමර්ශන කොමිසම් සභාවේ අධ්‍යක්ෂ වෙත ලිපියක් බාර දී ඇත.

එම අවස්ථාවේ දී බොරැල්ල ආසන සංවිධායක කුෂාන් මදනායක පැවසුවේ කෘෂිකර්ම හා පශු සම්පත් නියෝජ්‍ය අමාත්‍ය නාමල් කරුණාරත්න සහ වැවිලි හා ප්‍රජා යටිතල පහසුකම් අමාත්‍ය සමන්ත විද්‍යාරත්න 2023 අංක 09 දරණ දූෂණ විරෝධි පනත යටතේ අල්ලස් හා දූෂණ චෝදනා විමර්ශන කොමිෂන් සභාවට සම්පූර්ණ කර බාර දෙන ලද 2025 වත්කම් බැරකම් ප්‍රකාශවල සටහන් කර ඇති පරිදි ඔහුගේ බිරින්දෑවරු නමින් විශාල මුල්‍ය වත්කම් ප්‍රමාණයක් සටහන් කර ඇති බව ය.

වැඩි දුරටත් අදහස් පළ කළ කුෂාන් මදනායක...

මිලියන හයක් ඉතිරි කළේ කොහොම ද...?

''නාමල් කරුණාරත්න ගේ බිරිඳ වන ආර්.ඩී ස්වර්ණලතා මාලනී වෘත්තියෙන් ගුරු සේවයේ නියුතු මකුල්පොත මහා විද්‍යාලයේ ඉගැන්වීම් කටයුතු සිදු කරන මාසික ආදායම රු 66,000 ක් පමණ ලබන අයෙකි. පසුගිය කාලවලදී නමල් කරුණාරත්න පූර්ණ කාලීනව අපි දුටුවා කුඹුරේ අමුඩ ගසා ගෙන බජරි කමින් ඉන්නවා. ඒ නිසා අපිට සාධාරණ සැකයක් තියෙනවා එතුමා ජීවත් වන්න ඇත්තේ එතුමාගේ බිරිඳ විසින් උපයන ලද ගුරු වැටුපෙන් කියලා. එලෙස ගුරු වැටුපෙන් ජීවත් වූ පවුලක් කොහොම ද මෙච්චර මුදලක් ඉතුරු කළේ කියලා අපිට ගැටලුවක් පවතිනවා.

සාමාන්‍යයෙන් ආරම්භක ගුරු වැටුප රු 66,000 ක් පමණ වෙනවා. ජ්‍යෙෂ්ඨත්වය අනුව වැටුප වැඩි වෙනවා. ඒ නිසා එතුමියට රු 100,000 ක පමණ මුදලක් ලැබේ යැයි අපි උපකල්පනය කළත් මෙවැනි මිලියන 06 කට ආසන්න මුදලක් ඉතුරු කිරීමට කිසිසේත්ම බැරි බව අපට පැහැදිලි වෙනවා. මේ පිළිබඳව රටේ සමස්ත ගුරුවරු බලා සිටිනවා කොහොමද මෙතරම් විශාල මුදලක් ගුරු වැටුපෙන් එතුමිය ඉතුරු කළේ කියලා.

ඒනිසා අපට පැහැදිලි වන්නේ මෙම මුදල් එතුමියගේ නොවන බවත් ඒ සියල්ල නාමල් කරුණාරත්න මහත්මයාගේ බවත් ය. එම නිසා එතුමිය අල්ලස් හා දූෂණ විමර්ශන කොමිෂන් සභාවට කැඳවලා මේ මුල්‍ය වත්කම සම්බන්ධව වහාම පරීක්ෂණයක් කරන්න කියලා අපි ප්‍රකාශ කර සිටිනවා.


එක් පුද්ගලයෙක් සතුව බැංකු ගිණුම් 15ක්...?

එලෙසම වෘත්තියෙන් ගුරු සේවයේ නියුතු සමන්ත විද්‍යාරත්නගේ බිරිද වන බදුල්ල විහාරමහාදේවි උසස් බාලිකා විද්‍යාලයේ ඉගැන්වීම් කටයුතු සිදු කරන තිලකා මහත්මිය නමින් ද බැංකු ගිණුම් 15 යටතේ වත්කම් බැරකම් ප්‍රකාශයේ ගිණුම් ශේෂ සටහන් කර ඇත. ශ්‍රී ලංකා මහ බැංකුවේ ලියාපදිංචි බැංකු ප්‍රමාණය වනුයේ ද 24 කි. සමන්ත විද්‍යාරත්න ගේ බිරිඳගේ නමින් මෙලෙස බැංකු ගිණුම් 15 ක් විවෘත කිරීම කුමන අරමුණක් යටතේ සිදු කර ඇත්දැයි අපට පැහැදිලි සැකයක් පවති. රාජ්‍ය සේවයේ නියුතු නිලධාරියකුට මෙතරම් ගිණුම් පවත්වා ගෙන යා හැකිද? මෙම ගිණුම්වල අවසාන ශේෂය නොව වැදගත් වනුයේ මෙම ගිණුම් ආරම්භයේ සිට කොතරම් මුදලක් සංසරණය වුවා ද යන්නය. මේ පිළිබඳව පැහැදිලි තොරතුරු රටට හෙළිකල යුතුවේ.

ඒ වගේම දවසේ විහිළුව තමා එතුමිය රු 240,000 ක බැංකු ණයක් ලබා ගන්නවා. නමුත් එම මුදල වැනි අට ගුණයක් එතුමියගේ බැංකු ගිණුම්වල තියෙනවා. මෙය කොළය වහලා ගහන ලද ක්‍රියාවක්. 2003 අංක 09 දරණ දූෂණ විරෝධි පනත රනිල් වික්‍රමසිංහ ජනාධිපතිතුමා සම්මත කරලා නීතියක් බවට පත් නොකරන්න මේ රටේ ජනතාව සිතා ගෙන ඉන්නේ ජනතා විමුක්ති පෙරමුණ කියන්නේ සුචරිත දේශපාලන පක්ෂයක් කියලයි.


පැහැදිලි පුළුල් විමර්ශනයක් සිදු කළ යුතුයි


කතානායක ජගත් වික්‍රමරත්න නම් තම වත්කම් බැරකම් ප්‍රකාශය තුළ තමන්ගේ මුදල් තමන් නමින්ම සටහන් කර තිබිම ඉතා වැදගත් වේ. නමුත් අපි දන්නේ නෑ එතුමගේත් මුදල් වෙන වෙන අයගේ නමින් තැන්පත් කරලා තියෙනවද කියලා. නමුත් නාමල් කරුණාරත්න හා සමන්ත විද්‍යාරත්න මහතා ලැජ්ජ විය යුතුයි තම වත්කම් බිරින්දෑවරුන්ගේ නමින් තැන්පත් කර රටේ ජනතාව මුලා කිරීම සම්බන්ධව.

මෙලෙස වත්කම් බැරකම් ප්‍රකාශවල අමාත්‍ය නාමල් කරුණාරත්න ගේ හා අමාත්‍ය සමන්ත විද්‍යාරත්න ගේ බිරින්දෑවරු නමින් තැන්පත් කර ඇති මුල්‍ය වත්කම් උපයා ගැනීම කුමන ආකාරයෙන් සිදු කර ඇත්ද යන්න ඔවුන්ගේ බිරින්දෑවරු අල්ලස් හා දූෂණ විමර්ශන කොමිෂන් සභාවට කැඳවා පැහැදිලි පුළුල් විමර්ශනයක් සිදු කර රටට සත්‍ය තොරතුරු හෙළි කරන ලෙස ඔබතුමාගෙන් ඉල්ලා සිටිනවා.''

සූරියවැව ප්‍රදේශයේ පාසලක විදුහල්පතිවරයෙකුගේ පහරකෑමට ලක්වූ පාසල් සිසුවෙකු මේ වන විට දින කිහිපයක් පුරා රෝහල්ගතව ප්‍රතිකාර ලබමින් සිටින බව වාර්තා වේ.

ජාතික ජනබලවේග පාර්ලිමේන්තු මන්ත්‍රී ශාන්ත පද්මකුමාර ඇතුළු පිරිසක් විසින් පොලිස් නිලධාරියෙකුට කළ බව කියන පහරදීමක් සම්බන්ධව වාර්තා වන කරුණුවලට අදාළව පොලීසිය විසින් නිවේදනයක් නිකුත් කර තිබේ.

ජාතික ජනබලවේගයේ රත්නපුර දිස්ත්‍රික් පාර්ලිමේන්තු මන්ත්‍රී ශාන්ත පද්ම කුමාර සමඟ ඇති කරගත් ගැටුවකින් පසුව වැඩ තහනමකට ලක්වූ සූරියකන්ද පොලිස් ස්ථානයේ පොලිස් කොස්තාපල්වරයා ඊයේ  (26) මානව හිමිකම් කොමිසමට පැමිණ පැමිණිල්ලක් සිදු කර ඇත.

ආපදාව භාවිත කරමින් ආණ්ඩුව වැට්ටවීම සඳහා වර්තමාන විපක්ෂය ඉතාම පහත් දේශපාලනයක නිරත වන බව ජාතික ජන බලවේග පාර්ලිමේන්තු මන්ත්‍රී අසිත නිරෝෂණ පවසයි.

*රත්නපුර මාලිමා මන්ත්‍රී හිටපු විදුහල්පති ශාන්ත පද්මකුමාරගේ ඉඩමකින් පොලිසියට ‘මල්’ පැල හමුවෙලා!

මාලිමාව නම් දේශපාලන ව්‍යාපාරය තුළ දූෂිතයින් සිටිනවා පමණක් නොව එය දූෂිතයන් සඳහා ම නිර්මාණය කළ ව්‍යාපාරයක් බවත්, එමගින් සියලුම ජාවාරම්කරුවන්ගේ මුදල් විශුද්ධිකරණය වන බව තමා වගකීමෙන් පවසන්නේ යැයි සර්වජන බලය නායක පාර්ලිමේන්තු මන්ත්‍රි දිලිත් ජයවීර පැවසී ය.

ඔහු මෙම අදහස් පළ කළේ කළේ යාපහුව ආසනයේ මාඑළිය කොට්ඨාසයේ සර්වජන සභාව පිහිටුවීමේ අවස්ථාවට එක්වෙමිනි.

එම අවස්ථාවේ දී වැඩි දුරටත් අදහස් දැක්වූ දිලිත් ජයවීර...

පොල්ගෙඩි ටික කඩලා දාලා තියෙන්නෙ හොඳ කෝටිපතියකුගෙ කැබ් එකට

"රටට කියන්න මෙන්න අරමුදල, මෙච්චර තියෙනවා, මෙහෙමයි ලැබුණේ, ඒකට මෙච්චර බදු ගෙව්වා කියලා. දැන් අපේ පක්ෂයේ අපිටත් සහෝදරවරු නැති වුණාට අපේ මිත්‍රය උදව් කරනවා. හැබැයි අපි ඒවා අපේ ගිණුමට අරගෙන බදු ගෙවනවා. මොකද බදු ගෙවන්නේ නැතිව පක්ෂ අරමුදල් තියෙන්න බෑ. දැන් අපි විගණනයට ලක්කරලා, වරලත් ගණකාධිකාරීවරයකුගේ අත්සනින් යුතුව ඒක යොමුකරලා තියෙනවා මැතිවරණ කොමිසමට.

හැබැයි එහෙම නැතිව අඳුරේ තියෙන්න බෑ අරමුදල්. මේක ඔබ පිළිගත්තේ නැතිවුණාට ඊයෙ පෙරේදා අර වත්කම් ප්‍රකාශ ටික එළියට ආවාම ඔක්කොම බැලුවාම අපි මේ පොල්ගෙඩි ටික කඩලා දාලා තියෙන්නෙ හොඳ කෝටිපතියකුගෙ කැබ් එකටනේ කියලා හිතුණා. ස්ථීර තැන්පතු මටත් නෑ. ස්ථාවර තැන්පතුවල දාන්න කොහෙන්ද සල්ලි? අපි මේ දේශපාලන වැඩවලට වියදම් කරනවා. හැබැයි මේ ගම් මට්ටමේ මිනිස්සු ඔය දේශපාලන යාන්ත්‍රණය නඩත්තු කළේ අනේ අපේ නායකයො මොන තරම් කැපකිරීමක් කරලා තියෙනවාද කියලා. මමත් හිතුවේ නෑ අරමුදල හරහා වංචා සිද්ධවෙන බව යථාර්ථයක් වුණත් මේ අපි දන්න හඳුනන පුද්ගලයෝ මිලියන 400 – 500 වත්කම් තියෙන අය කියලා.

ලක්ෂ හතළිහක පර්ච් එකක් ලක්ෂ තුනයි කියනවා

ඔය වත්කම් කිව්වාම මමත් ඉන්නේ කෝට්ටේ ප්‍රදේශයේ. මම පොඩි ඉඩම් කෑල්ලක් කෝවිඩ් කාලෙ ගත්තා මගෙ ඉඩමට යාබදව. ඒකෙ පර්ච් එකක් මිලියන 4ක් වුණා. දැන් ඒ කිට්ටුවම ඉන්න ඇමැතිවරයෙක් කියලා තියෙනවා එයාගෙ ඉඩමේ වටිනාමක පර්ච් එක ලක්ෂ තුනයි කියලා වත්කම් ප්‍රකාශයේ. අන්න හිරේ යන ප්‍රකාශ. ඇයි? දිවුරුමක් මත අත්සන් කරලා දීලා තියෙනවා මේ මං කියන්නෙ ඇත්ත කියලා. දැන් ඔය ඇත්තද? නෑ … අන්න ඒකයි මම මේ කියන්නේ මේක ව්‍යාජයක්. මේක බොරුවක්. මේ රටට අවශ්‍යයි ඇත්තටම දූෂණයට විරුද්ධව කටයුතු කරන්න පුළුවන් දේශපාලන ව්‍යාපාරයක්. ඒ දේශපාලන ව්‍යාපාරය තමයි සර්වජන බලය."

ජාතික ජන බලවේගයට බලය හිමි පදියතලාව ප්‍රාදේශිය සභාවේ අයවැය අද (14) වැඩි ඡන්ද හතරකින් පරාජයට පත්වුණි.

මම අද ලියන්නේ මාලිමාවට ඡන්දය ලබා නොදුන් මිනිස්සුන්ට නෙවෙයි. මම අද ලියන්නේ ජනාධිපතිවරණයේත්, මහමැතිවරණයේත්, පුංචි ඡන්දයේත් එක් වරක් හෝ මාලිමාවට ඡන්දය දුන් මිතුරන්ට.

සහෘදයනි...,

මාලිමාව බලයට ගෙන ඒමෙන් ඔබ බලාපොරොත්තු වුණේ වෙනස්, දියුණු සංස්කෘතියක්.

නමුත් එය කිසිදා ඉටුනොවන සිහිනයක් බවත්, අවසානයේ සිදුවන්නේ පුරා වසර 76 ක් තිස්සේ ගොඩනැගුණු යහපත් දෑ පවා අවසන් වීම බවත් අප දැන සිටියා. නමුත් ඔබ මාලිමාව විශ්වාස කළා. එදා මාලිමාවට එරෙහිව වචනයක් කතා කළ මිනිසුන් පවා ඔබට, රට විනාශ කිරීමට පැමිණි සතුරන් ලෙස පෙනුණා.

ඔබ සාධාරණයි.

ඔවුන් වචනයෙන්, පොරොන්දුවලින්, හීනවලින් මිනිස්සු රවට්ටන්න දක්ෂයි. දැන් ඔබගේ ඡන්දයෙන් අලුත් ජනාධිපතිවරයෙක්, අලුත් ආණ්ඩුවක් පත් වෙලා අවුරුද්දයි. ඔවුන්ට ලබා දුන් කාලයෙන් පහෙන් එකක්ම අවසන්.

ඔබ අවංකව උත්තර දෙන්න.

මේ පසුගිය අවුරුද්දට මාලිමාවට ඔබගේ සිහින, බලාපොරොත්තු වලින් දශමයක් හෝ ඉටු කරන්න හැකි වුණාද ?

ඔව්!

ඔවුන් ආර්ථිකය හැසිරවීමට දක්ෂයන් නෙවෙයි. ඔවුන්ට රටේ ආර්ථිකය ගොඩනැගීමට තබා, තිබුණු ස්ථානයේ පවත්වාගෙන යාමට පවා බැහැ. දිනෙන් දින ආර්ථික වර්ධන වේගය හැකිලෙනවා. 2027 දී අප යළිත් දරුණු අර්බුධයක් කරා පියනගමින් ඉන්නවා.

නමුත් ආර්ථිකය අමතක කරන්න.

බලාපොරොත්තු නොවූ බලාපොරොත්තු

අවම වශයෙන් ඔබ බලාපොරොත්තු වූ දියුණු, උසස්, නව දේශපාලන සංස්කෘතිය හෝ ඉටු කිරීමට ඔවුන්ට හැකි වුණාද? ඔබගේ ඡන්දයෙන් මාලිමාවට ලැබුණු ජාතික ලයිස්තු මන්ත්‍රීධූරයකට ලක්මාලි හේමචන්ද්‍ර පත් කළා. ඇගේ උද්ධච්ඡ, මාන්නක්කාර හැසිරීම ඔබ බලාපොරොත්තු වුණා ද? රාජ්‍ය නිළධාරීන්ට අධිකරණ නියෝග පවා ඉටු නොකරන ලෙසට අණ දීමට තරම් නරක සහ අනීතික ක්‍රියා ඔබ බලාපොරොත්තු වුණා ද?

මාලිමාවේ ඇමතිලාගේ කෝටි ගණනක වත්කම් ඔබ බලාපොරොත්තු වුණා ද? රටේ ඉහළම පුටුවේ සිට ඇමතිවරුන් දක්වාම සියලූ ම දෙනා ඔබගේ මහජන බදු මුදලින් සිය අනියම් ප්‍රේම සම්බන්ධතා නඩත්තු කිරීම ඔබ බලාපොරොත්තු වුණා ද? ඇමැතිවරුන්ගේ අනියම් බිරින්දෑවරුන්ට ඔබගේ බදු මුදලින් විදෙස් සංචාර හිමි වීම ඔබ බලාපොරොත්තු වුණා ද? ඇමතිවරුන්ගේ අනියම් බිරින්දෑවරුන් සහ ඔවුන්ගේ දියණියන් රටේ වැදගත්ම අමාත්‍යංශ පාලනය කිරීම ඔබ බලාපොරොත්තු වුණා ද? ගල් අගුරු ටෙන්ඩරයේ සිට හාල් ටෙන්ඩර දක්වාම රජයේ ප්‍රසම්පාදන වලින් සිදුවන මගඩි ඔබ බලාපොරොත්තු වුණා ද?

විදුලි සේවකයන් ඇතුලුව ලක්ෂයක් හෝ නිහඬ කර බලය පවත්වා ගන්නා බව කියන රංජන් ජයලාල්ගේ කතා ඔබ බලාපොරොත්තු වුණා ද? ඔබ පත් කර යැවූ 'උගතුන්' මන්ත්‍රී කටු දරද්දී, පැලවත්තේ කල්ලිය විසින් රට පාලනය කිරීම ඔබ බලාපොරොත්තු වුණා ද? ඔබ විසින්ම උත්කර්ෂයට නැගූ ටිල්වින් සිල්වාට රාජයේ තීරක බලය හිමිවීම ඔබ බලාපොරොත්තු වුණාද? බොරු අධ්‍යාපන සුදුසුකම් පෙන්වා ඔබව රැවටීම ඔබ බලාපොරොත්තු වුණා ද? රාජ්‍ය සේවය දේශපාලනීකරණය කරමින්, රාජ්‍ය සේවය පැලවත්තේ බූදලයක් වීම ඔබ බලාපොරොත්තු වුණා ද?

සෑම මගඩියක්ම හෙළිවීමෙන් පසුව උද්ධච්ඡ ස්වරයෙන් පැමිණිල්ලක් දමන්න යයි කියා, දමනා පැමිණිලි යට ගසනා පොලීසියක්, අල්ලස් කොමිසමක් ඔබ බලාපොරොත්තු වුණා ද? මින්පෙර ඔබ ඡන්දය දුන් දේශපාලන බලවේග විසින්ම මහා සටනකින් ඇතිකළ ස්වාධීන කොමිසම් සභා තුට්ටුවකට මායිම් නොකරමින්, සියලූම බලයන් දේශපාලන අධිකාරියට යටත් කිරීම ඔබ බලාපොරොත්තු වුණා ද? තවමත් වසන්තට, කුමාර ජයකොඩිට තබා ලක්මාලි හේමචන්ද්‍රටවත් නීතිය ක්‍රියාත්මක නොවන රටක් ඔබ බලාපොරොත්තු වුණාද ?

(Sachin Rathwatte)

උපුටා ගැනීම Bai Thaksalawa - බයි තක්සලාව Face book පිටුවෙන්

අනුන්ට නින්දා  අපහාස කරමින්,  බොරුවෙන් රටක් පාලනය කළ නොහැකි බවත්, අනුන්ට කපන වළවල්වල මාලිමාව ම වැටී  දැන් මාලිමාවට උතුර දකුණ මාරු වී ඇතැයි සර්වජන බලය ජාතික මෙහෙයුම් ප්‍රධානී මධුර විතානගේ පැවසී ය.

කෑගල්ල දිස්ත්‍රික්කයේ මාවනැල්ල කෝවිල් කන්ද ප්‍රදේශයේ නායයෑමක් සිදුව තිබේ.

මාවනැල්ල, අලුත්නුවර, මාණික්කාව ප්‍රදේශයේ ඉඩමක බැම්මක් කපමින් සිටී කම්කරුවන් පිරිසක් මතට අද (29) පෙරවරුවේ පස් කන්දක් කඩා වැටී තිබුණි.

එසේ පස් කන්දට යටවී මියගිය සේවකයන් තිදෙනාගේ සිරුරු ගොඩ ගත් බවත්, මේ වන විට ඔවුන් තිදෙනාගේ ම සිරුරු මාවනැල්ලේ රෝහල වෙත රැගෙන ගොස් ඇති බවත් පොලිසිය සඳහන් කළේ ය.

එම ස්ථානයේ සිවු දෙනකු සේවය කර ඇති අතර එක් අයකු යට නොවී බේරි ඇත.

මාවිල්ආරු වැව් බැම්ම බිඳී යාමෙන් සිර වූ  ජනතාව බේරා ගැනීමේ මෙහෙයුම ජනාධිපති අනුර කුමාර දිසානායකගේ සෘජු අධීක්ෂණය යටතේ ක්‍රියාත්මක කෙරුණු අතර, එහි ප්‍රතිඵලයක් ලෙස ගුවන් මෙහෙයුම් මගින්  මේ වන විට පුද්ගලයන් 309 දෙනෙකු නාවික හමුදාව විසින් මුදාගෙන තිබේ.

ක්‍රීඩා ඇමැති සුනිල් කුමාර ගමගේ මුණ ගැසීමට වේලාවක් ලබා ගැනීමට ශ්‍රී ලංකා කායවර්ධන හා ශාරීරික යෝග්‍යතා සම්මේලනය දරන උත්සාහය මාස හතරක් තිස්සේ අසාර්ථක වී ඇතැයි එහි සභාපති රන්දීර් රුද්‍රිගු පවසයි.