#newstube

නොකඩවා ඇදහැලෙන අධික වර්ෂාව හේතුවෙන් කොළඹ බොහෝ ප්‍රදේශ ජලයෙන් යටවී ඇති අතර, මේ වනවිට කොළඹ මාර්ග කිහිපයක දැඩි රථවාහන තදබදයක් ඇතිව තිබේ.

ව්‍යාපාරික කටයුතු සහ දෛනික ජන ජීවිතයට දැඩි බාධා එල්ල වී තිබේ. 

මෙම තත්ත්වය තුල, කොළඹ මහ නගර සභාව (CMC) සහ එහි නායකත්වය, පාලන තන්ත්‍රයේ අසමත්කම සහ කාලෝචිත ක්‍රියාමාර්ග නොගැනීම පිලිබදව නගරවාසීගෙන් සහ සමාජ මාධ්‍ය තුලින් දැඩි චෝදනා එල්ලවේ.

නගරයේ ආර්ථිකය සැලකිය යුතු ලෙස මන්දගාමී වී ඇත. බොහෝ ව්‍යාපාර වලට බධා වී ඇති අතර, දෛනික වැටුප් ලබන්නන් ආදායම් අහිමිවීමේ තත්ත්වයකට මුහුණ දී සිටී.

 විශේෂයෙන්ම, කුලී රථ රියදුරන්, ගමන් කළ නොහැකි මාර්ග සහ ගමනාගමනය අඩු වීම හේතුවෙන් දැඩි ලෙස පීඩාවට පත්ව ඇති අතර, ඔවුන්ගේ දෛනික ආදායම් වලට දැඩි බලපෑම් ඇතිවී ඇත.

මහජන විවේචන බොහොමයක් නගරාධිපතිනි රායි කැලී බල්තසාර් වෙත යොමු වී ඇත්තේ ප්‍රමාණවත් ප්‍රතිචාරයක් නොදැක්වීමක් ලෙස පෙනී යන තත්ත්වය හේතුවෙනි.

කාලගුණ අනාවැකි මගින් සති කිහිපයකට පෙර අධික වර්ෂාපතනයක් පිළිබඳව පුරෝකථනය කර තිබූ බව වාර්තා වන නමුත්, විවේචකයින් පෙන්වා දෙන්නේ ප්‍රමාණවත් වැළැක්වීමේ පියවර ගෙන නොමැති බවයි.

විපක්ෂයේ නාගරික මන්ත්‍රීවරුන් ද පරිපාලනයේ තීරණ විවේචනය කර ඇති අතර, පැහැදිලි අනතුරු ඇඟවීම් තිබියදීත් කලින් ක්‍රියාත්මක විය යුතුව තිබූ බව පෙන්වා දෙමින්, මෙම තත්ත්වය දුර්වල සැලසුම්කරණයේ සහ නායකත්වයේ ප්‍රතිඵලයක් බවට යෝජනා කර තිබේ.

කෙසේ වෙතත්, කොළඹ මහ නගර සභාවේ අභ්‍යන්තර ආරංචි මාර්ග පෙන්වා දෙන්නේ මීට වඩා සංකීර්ණ, පද්ධතිමය ගැටලු පවතින බවයි. අනාගතයේදී විනය ක්‍රියාමාර්ග වලට ලක්වේ යැයි පවතින පුළුල් බියක් හේතුවෙන්, ඇතැම් රාජ්‍ය නිලධාරීන් තීරණ ගැනීමට මැලි වන බව වාර්තා වේ.

පසුව ප්‍රශ්න කළ හැකි තීරණාත්මක පියවරක් ගැනීමට වඩා අක්‍රියව සිටීම ආරක්ෂිත යැයි සැලකෙන සංස්කෘතියක් මේ හේතුවෙන් නිර්මාණය වී ඇති බවත්, එය පරිපාලනමය ප්‍රමාදයන්ට හේතු වී ඇති බවත් පැවසේ.

විදේශ කටයුතු අමාත්‍ය විජිත  මහතා සහ ඉන්දීය විදේශ අමාත්‍ය එස්. ජයිශංකර් අතර හමුවක් අමෙරිකා එක්සත් ජනපදයේදී සිදුවී තිබේ.

ඒ, එරටදී පැවැත්වෙන එක්සත් ජාතීන්ගේ මහා මණ්ඩල සැසිවාරයට සමගාමීව ය.

අමාත්‍ය විජිත හේරත්  ඒ පිළිබඳව සිය X ගිණුමේ සටහනක් තමබින් පෙන්වා දෙන්නේ ශ්‍රී ලංකාව සහ ඉන්දියාව අතර ශක්තිමත් මිත්‍රත්වය සහ සමීප සහයෝගීතාවය නැවත තහවුරු කිරීම සඳහා ඉන්දියාවේ විදේශ කටයුතු අමාත්‍යවරයා හමුවූ බවය.






එක්සත් ජාතීන්ගේ මහා මණ්ඩල සැසිවාරයට සහභාගී වීම සඳහා ජනාධිපති අනුර කුමාර දිසානායක  සමග අමාත්‍ය විජිත හේරත්  ද එක්වී සිටී.

ඒ අනුව අද (24) එරට වේලාවෙන් පස්වරු 3.15ට ජනාධිපතිවරයා එක්සත් ජාතීන්ගේ මහා මණ්ඩලය ඇමතීමට නියමිතය.

මෙම සංචාරය අතුරතුරදී ජනාධිපතිවරයා එක්සත් ජාතීන්ගේ සංවිධානයේ මහ ලේකම්වරයා සහ ලෝක රාජ්‍ය නායකයින් කිහිපදෙනෙකු සමඟ ද්විපාර්ශ්වික සාකච්ඡා පැවැත්වීමට නියමිත බවද ජනාධිපති මාධ්‍ය අංශය සඳහන් කළේය.

විභාග වෙමින් පැවැති නඩුවක විත්තිකරු විසින් ඇල්බේනියාවේ අභියාචනාධිකරණ විනිසුරු මඬුල්ලේ සභාපති විනිසුරුට වෙඩි තබා ඝාතනය කොට ඇත.

මෙසේ ඝාතනය වී ඇත්තේ, ඇස්ට්‍රිට් කලාජා නම් වන අභියාචනාධිකරණ විනිසුරුවරයායි.

තිස් හැවිරිදි වියේ පසුවන සැකකරු එම ස්ථානයෙන් පළා ගිය නමුත් පසුව පොලිස් අත්අඩංගුවට පත්ව ඇත.

ඔහු භාවිත කළ බවට විශ්වාස කෙරෙන රිවෝල්වරය ද සොයා ගත් බව පොලිසිය පවසයි.

මෙම සැකකරු නඩු විභාගයට සහභාගී වූ පියෙකුට සහ පුතෙකුට ද වෙඩි තබා ඇත. ඔවුන් දෙදෙනා ද රෝහල වෙත ගෙන යන ලද අතර ඔවුන්ට සිදුවූ තුවාලවලින් ජීවිත තර්ජනයක් නොමැති බව සඳහන් වෙයි.

අදාළ නඩුව දේපළ ආරවුලක් සම්බන්ධව පැවති නඩුවක් බව ඇල්බේනියානු පුවත්පත් කියයි.

ඇල්බේනියාවේ අගමැති එඩි රාමා විනිසුරු කලාජාගේ පවුලට සිය ශෝකය පළ කරමින් “විනිසුරුවරයාට එරෙහිව සිදුකළ සාපරාධී අපරාධයට උපරිම දඬුවම් හිමි වනු ඇතැයි” ප්‍රකාශ කර ඇත.

එසේ ම, මෙම ඝාතනය අධිකරණ අභ්‍යන්තර ආරක්ෂක පද්ධතිය පිළිබඳ අවධානය යොමු කරවන බව ද පැවසීය.

ඇල්බේනියානු ජනාධිපති බජ්රාම් බෙගාජ් මෙම ඝාතනය “සමස්ත අධිකරණ පද්ධතියට එරෙහි දරුණු ප්‍රහාරයක්” ලෙස හෙළා දැක ඇත.

( mawbima)

Albanian judge shot dead in court by man during trial

බලශක්ති අමාත්‍යවරයා සහ එම අමාත්‍යාංශයේ ලේකම්වරයා අතර පැවැති සීතල යුද්ධය නිමා කරමින් විදුලිබල ක්ෂේත්‍ර ප්‍රතිසංස්කරණ ලේකම් කාර්යාලයේ අධ්‍යක්ෂ ජනරාල් ධූරයට නැවත වතාවක් පුබුදු නිරෝෂන් පත්කර තිබේ.

2015 වසරේ පොහොර සංස්ථාවේ සේවය කරමින් සිටියදී අරමුදල් අවභාවිත කිරීම සම්බන්ධයෙන් ලැබුණු දූෂණ පැමිණිල්ලක් අනුව බලශක්ති අමාත්‍ය කුමාර ජයකොඩිට එරෙහිව නඩු පැවරීමට අල්ලස් හෝ දූෂණ චෝදනා විමර්ශන කොමිසම ගත් තීරණය ක්‍රියාත්මක වෙමින් පවතින බව වාර්තා වෙයි.

ලැබී ඇති අනුපිළිවෙල අනුව ගොනුව සැකසීමට පියවර ගනිමින් සිටින බව අභ්‍යන්තර ආරංචි මාර්ග පවසයි.

අමාත්‍යවරයාට එරෙහිව නඩු පැවරීමට ගත් තීරණයෙන් පසු, ගොනුව අල්ලස් හෝ දූෂණ චෝදනා විමර්ශන කොමිසමේ අධ්‍යක්ෂ ජනරාල් රංග දිසානායක වෙත යවා ඇති බවත්, ඔහු එය අවශ්‍ය පියවර සඳහා නීති අංශයට යොමු කර ඇති බවත් දැනගන්නට තිබේ.

මේ වන විට කොමිසම නීති අංශයට යවා ඇති නඩු 69ක් සම්බන්ධයෙන් නඩු පැවරීමට නියෝග කර ඇත.

අමාත්‍ය ජයකොඩිගේ ගොනුව අංක 49 ලෙස ලැයිස්තුගත කර ඇති අතර නඩු 25කට අදාළ අධිචෝදනා දැනටමත් අවසන් කර ඇත.

රුපියල් මිලියන 8ක් අයථා පරිහරණය කිරීමේ චෝදනා මත අමාත්‍යවරයාට සහ තවත් දෙදෙනෙකුට එරෙහිව මහාධිකරණයේ නඩු පැවරීමට නියමිතය.

පරීක්ෂාවට ලක් වූ විශේෂිත ටෙන්ඩරයක් ප්‍රදානය කළ ටෙන්ඩර් මණ්ඩලයේ ප්‍රධානියා ලෙස අමාත්‍ය ජයකොඩි මහතා එවක කටයුතු කර ඇත.

ගෙවීම් ක්‍රියාපටිපාටි සහ බැඳුම්කර ස්ථානගත කිරීම පිළිබඳ ගැටළු මතුවීමෙන් පසුව ටෙන්ඩරය පිළිබඳ පරීක්ෂණ ආරම්භ විය.

අයකිරීම පිළිබඳ පෙර විමර්ශන සළකා බලමින් අල්ලස් කොමිසම පරීක්ෂණ නැවත ආරම්භ කර තිබිණි.

( divaina)

රාජ්‍ය සේවය ශක්තිමත් කරමින් රාජ්‍ය සේවකයන් ආරක්ෂා කරනවා යැයි කියූ බැවින් රාජ්‍ය සේවකයන් බහුතරයක් වත්මන් මාලිමා ආණ්ඩුවට ඡන්දය දුන්න ද අද වන විට විදුලි බල මණ්ඩලයේ 23000කගේ රැකියා අනාරක්ෂිත වී ඇතැයි විපක්ෂ නායක සජිත් ප්‍රේමදාස පැවසී ය.

ඔහු මෙම අදහස් පළ කළේ ගමින් ගමට දෙරින් දොරට විපක්ෂ නායක ජංගම සේවය වැඩසටහන යටතේ මිහින්තලේ ආසනයේ පැවැති ජන හමුවක් අමතමිනි.

එම අවස්ථාවේ දී වැඩි දුරටත් අදහස් දැක්වූ විපක්ෂ නායකවරයා...

ආණ්ඩුව මරාගෙන මැරෙන්න සූදානම්ලු

මොවුන්ගේ රැකියා ගැන රජය වගකීමක් ගන්නෙ නැහැ. බලධාරීන්ට අනුව මොවුන් ස්වේච්ඡාවෙන් විශ්‍රාම යා හැකි යැයි පවසනවා. විදුලි බල මණ්ඩලය වෙනුවෙන් එදා මහපාරට බැස්ස, මහපාරට බස්සපු නායකයන්ට වගකීමක් ගන්න බැරි බව පවසනවා. ආණ්ඩුව වට්ටවන්න දෙන්න නැතැයි කියමින් ආණ්ඩුව වෙනුවෙන් මරන්නත් මැරෙන්නත් සූදානම් යැයි පවසනවා.

බලය නැති දා මේ වෘත්තීය සමිති නායකයෝ මැරෙන්න ලෑස්තු වුණේ විදුලි බල මණ්ඩලයේ 23000කගේ රැකියා ආරක්ෂා කරන්න වුවත් අද බලය ඇති විට මැරෙන්න ලෑස්ති වෙන්නේ බොරු කියා බලයට පැමිණි රජය ආරක්ෂා කරන්න මිස විදුලි බල මණ්ඩලයේ සේවකයන්ගේ අයිතිවාසිකම් ආරක්ෂා කරන්න නෙවෙයි. එදා කයිවාරු ගහපු වෘත්තීය සමිති නායකයන් අද රජ පුටුවලට පැමිණි පසු මේ සියල්ල අමතක කර, මරාගෙන මැරෙන සටනක් සිදු කර ආණ්ඩුව රැක ගන්න කටයුතු කරනවා. ආණ්ඩු බිහි වන්නේත්, නැති වන්නේත්, මරාගෙන මැරෙන සටනකින් නොව ඡන්ද ක්‍රමය හරහා බවට මොවුන් අමතක කරලා. මැතිවරණ ක්‍රමය තුළ භීෂණය නොමැති වුවත් ආණ්ඩුව අද බලය ගෙන පොදු ජනතාවට තර්ජනය කරමින් සිටිනවා.

ආණ්ඩුව: ගොවියාත්, ව්‍යවසායකයාත්, රාජ්‍ය සේවකයාත් අමතක කරලා

අද ආණ්ඩුව: ගොවියා, ව්‍යවසායකයා, රාජ්‍ය සේවකයා, මධ්‍යම පන්තිය ඇතුළු සියලු දෙනා අමතක කර ආණ්ඩුව රැක ගන්න මරන්නත් මැරෙන්නත් සූදානම් යැයි කියමින් තර්ජනය කරමින් යනවා. ප්‍රජාතන්ත්‍රවාදයට එල්ල කරන මේ මරු පහරවල් ඉදිරියේ නිවටයෝ ලෙස බලන් සිටිනවා ද, මහපාරට බැස ගොවියා රකින්න, පොදු ජනතාව රකින්න, රාජ්‍ය සේවකයා රකින්න, කටයුතු කරනවා ද කියා ජනතාව සිතිය යුතු යි. එවන් ප්‍රජාතන්ත්‍රවාදී අරගලයකට නායකත්වය ලබා දෙන්න අපි සූදානම්. ජනතාවට ගුණාත්මක පොහොර මෙන්ම පොහොර සහනාධාරයද හරියට ලැබෙන්නෙ නෑ. වල් නාශකවල පවා ගුණාත්මකභාවයක් නෑ. ඉහළ ප්‍රභේදයෙන් යුත් බීජ නොමැතිව, ගොවි උපකරණවල මිල ඉහළ ගිහින්. උපකරණ කුලියට ගැනීමට ද විශාල මුදලක් වැය වන මොහොතක වන අලි ඇතුළු සතුන්ගෙන් වගා හානි පවා සිදුවෙනවා. මේ වගා හානිවලට රක්ෂණ වන්දි ක්‍රමවේදයක් නැහැ. ගොවිතැනේ නියැළී සිටින ජනතාව ගත කරන්නෙ අති දුෂ්කර ජීවිතයක් බැවින් මේ ජනතාව වෙනුවෙන් කළ හැකි උපරිම සටන සිදු කර අයිතිය ලබා දෙනවා.

ජනතාව අන්දවා අද රජය සැප පුටුවල

මෙවැනි ගැටලු මැද වගා කටයුතු කළත් අස්වැන්නට ස්ථාවර මිලක් නෑ. එම නිසා අස්වැන්න තුට්ටු දෙකට විකිණිමට සිදුව ඇති මොහොතක රජය නිහඩ පිළිවෙතක් අනුගමනය කරනවා. අද රජයට කට උත්තර නෑ. ජනතාවට: බොරු කියා, රවටා, අන්දවා, මංමුළා කර, ජන ජීවිත නැත්තට නැති කර මේ අය රජ පුටුවල සුරසැප විඳිමින් සිටිනවා. රටේ පොදු මහත් ජනතාව පීඩාකාරී ජීවිතයක් ගත කරමින් අන්ත අසරණ වෙලා.''
  

The leader.lk

වායු දුෂණය අවම කිරීමේ සහ පුනර්ජනනීය බලශක්තිය ප්‍රවර්ධනය කිරීමේ ප්‍රධාන පියවරක් ලෙස විද්‍යුත් වාහන ප්‍රවර්ධනය කිරීම රජය තීරණය කර තිබුණත් විද්‍යුත් වාහන සඳහා මහජනතාවගේ තිබෙන උනන්දුව අඩුවෙමින් පවතින බව විද්‍යුත් වාහන හිමියන්ගේ සංගමය පවසයි.

එයට හේතුව රේගුව බී.වයි.ඩී. වාහන 1000 කට වැඩි ප්‍රමාණයක් රඳවා ගැනීමට ගත් තීරණය බවත් එමගින් ඉන් දැනටමත් විද්‍යුත් වාහන සඳහා ආයෝජනය කර ඇති පාරිභෝගිකයන් අධෛර්යමත් වී වෙළෙඳපොළ අවිනිශ්චිතතාවක් මතුවී තිබෙන බවත් එම සංගමය ප්‍රකාශ කළේය.

පසුගිය ජූලි මාසයේදී බී.වයි. ඩී. වාහන තොග දෙකක් රඳවා ගැනීමට රේගුව තීරණය කළ නමුත් ශ්‍රේෂ්ඨාධිකරණයේ රිට් පෙත්සමක් ගොනු කිරීමෙන් අනතුරුව පසුගිය අගෝස්තු 7 වැනිදා රඳවා ගෙන සිටි වාහන 991 ක් සහ තවත් වාහන 506 ක් බැංකු ඇපතරයක් මත මුදා හැරීමට රේගුව කටයුතු කළේය.

කෙසේ නමුත් තවත් බී.වයි.ඩී. වාහන 1000 රේගුව රඳවා ගෙන සිටින අතර එය ඉක්මනින් මුදා හැරීමේ අවශ්‍යතාව ජෝන් කීල්ස් සී.ජී. ඔටෝ සමාගම පසුගියදා පෙන්වා දුන්නේය.

ජෝන් කිල්ස් සී.ජී. ඔටෝ සමාගම ප්‍රකාශයට පත්කළ මෝටර් ධාරිතාවේ ගැටළුවක් තිබෙන බවට චෝදනා කරමින් එම වාහන සියල්ල රඳවා ගැනීමට ශ්‍රී ලංකා රේගුව තීරණය කළේය.

දැනටමත් විද්‍යුත් වාහන මිලදීගෙන ඇති සහ මිලදී ගැනීමට අත්තිකාරම් බැඳ ඇති පාරිභෝගිකයන්ට රේගුවේ මෙම ක්‍රියාව බලපාන බව විද්‍යුත් වාහන හිමියන්ගේ සංගමය ප්‍රකාශ කළේය. පසුගිය මාස හයේදී අවම වශයෙන් පාරිභෝගිකයින් 10,000 ක් විදුලි වාහන සහ ප්ලග්-ඉන් දෙමුහුන් වාහන මිලදී ගෙන ඇති බවද එම  සංගමය පැවැසුවේය.

ඒ හේතුවෙන් රජයට විද්‍යුත් වාහන ආනයනය කිරීමේ ක්‍රියාවලියට මැදිහත් වී එය විධිමත් කරන ලෙස විද්‍යුත් වාහන හිමියන්ගේ සංගමයේ කැඳවුම්කරු දීලක පිටගම්පොල රජයෙන් ඉල්ලා සිටියේය.

නිෂ්පාදක සහතික පිළිගැනීම රේගුව ප්‍රතික්ෂේප කිරීම සහ මෝටර් ධාරිතාව තහවුරු කර ගැනීම සඳහා ජාත්‍යන්තරව පිළිගත් පරීක්ෂණාගරයක් නොමැතිකම ව්‍යාකූල තත්වයක් ඇති කරන බවත් ඉන් පාරිභෝගික විශ්වාසය අවතක්සේරුවට ලක් කරන බවත් ඔහු පැවැසුවේය.

මෝටර් ධාරිතාව තහවුරු කළ හැක්කේ නවීන තාක්ෂණය සහිත පරීක්ෂණාගාරයකදී පමණක් බවද ඔහු පෙන්වා දුන්නේය. එවැනි පහසුකමක් නොමැතිව දේශීයව මෝටර් ධාරිතාව තහවුරු කර ගැනීමට යෑමේදී ඉන් සියලු පාර්ශ්වයන්ට සෑහීමකට පත්විය හැකි පිළිතුරක් නොලැබෙනු ඇති බවත් ඉන් තත්වය තවත් දරුණු අතට හැරෙනු ඇති බවත් හෙතෙම ප්‍රකාශ කළේය.

ශ්‍රී ලංකාවේ විශ්ව විද්‍යාල විශේෂඥයින් සතුව දැනුම තිබුණද, නිවැරදි පරීක්ෂණයක් කිරීම සඳහා අවශ්‍ය යටිතල පහසුකම් දැනට ඔවුන් සතුව නොමැති බව පිටගම් පොල පැහැදිලි කළේය. නිසි ආකාරයෙන් තහවුරු කිරීමකින් තොරව රේගුව විසින් පත් කරන ලද කමිටුව නිකුත් කරන ඕනෑම වාර්තාවක් අර්බුදය තවදුරටත් සංකීර්ණ කළ හැකි බවත් ඉන් විද්‍යුත් වාහන පාරිභෝගිකයින්ට හානියක් විය හැකි බවත් ඔහු අනතුරු ඇඟවීය.

(උපුටා ගැනීම -lankacnews)



මුලාශ්‍රය :

පසුගිය දිනක විදුලි බල අමාත්‍යවරයාගේ ප්‍රධානත්වයෙන් ඒකාබද්ධ ජාතික නිදහස් සේවක සංගමයේ වෘත්තීය සමිති සාමාජිකයන් සමඟ සාකච්ඡාවක් සිදු වූ බවත් එහි දී එම සංගමයේ ලේකම් වන සමින්ද ගමගේට ප්‍රහාරයක් එල්ල කර ඇති බවත් ඊට අමතරව එම සේවක සංගමයේ සභාපති ලෙස කටයුතු කරන ප්‍රියන්ත මධුකුමාර කාමරයක දමා හිරකර ඔහුගේ දුරකථනයේ තිබූ දත්ත මකා ඇති බවත් විපක්ෂ නායක සජිත් ප්‍රේමදාස පැවසී ය.

අද (20) විදුලිබල මණ්ඩල මූලස්ථානයේදී විදුලි වෘත්තීය සමිති හා විදුලිබල මණ්ඩලයේ ප්‍රධානීන් අතර සාකච්ඡාවක් පැවැත්වුණි.

මෙම සාකච්ඡාව අතරතුරදී විදුලි වෘත්තීය සමිති සමාජිකයින් විරෝධය පලකරමින් ඉන් පිටව ගිය බව වාර්තා වෙයි.

සාකච්ඡාව සඳහා ලංකා විදුලිබල මණ්ඩලය ප්‍රතිව්‍යුහගත කිරීමේ අධ්‍යක්ෂවරයාද සභාගිවී සිටි බවත් ඔහුට විරෝධය පළකරමින් විදුලි වෘත්තීය සමිති සමාජිකයින් මෙලෙස ඉවත් වී තිබේ.

මෙම සාකච්ඡාව සඳහා අමාත්‍යාංශ ලේකම්වරු 25 දෙනෙකු සහ වෘත්තීය සමති නියෝජිතයින් තිදෙනෙකු සහභාගීවී සිටි බව සඳහන් වන අතර අකුරට වැඩකිරීමේ වෘත්තීය ක්‍රියාමාර්ගය එළැඹෙන 21 වනදා දක්වා ක්‍රියාත්මක කිරීමට තීරණය කර තිබේ.

කෙසේවෙතත් විදුලි වෘත්තීය සමිති සඳහන් කරන්නේ, ඉදිරි වෘත්තීය ක්‍රියාමාර්ගය සම්බන්ධයෙන් 24 වනදා තීරණයක් ගැනීමට නියමිත බවය.

වැඩවර්ජනයකට එළැඹීමේ තීරණය තාවකාලිකව අත්හිටවූ බව අකුරට වැඩ කිරිමේ වෘත්තීය ක්‍රියාමාර්ගයක නිරතව සිටින විදුලි වෘත්තිය සමිති පවසයි.

ලංකා විදුලි බල මණ්ඩලයේ තක්ෂණික ශිල්පීන්ගේ සංගමයේ සභාපති කෝසල අබේසිංහ  සඳහන් කළේ, ඊයේ (24) පැවති සාකච්ඡාවකදි එම තීරණය ගත් බවයි.

කෙසේ වෙතත්, අකුරට වැඩකිරීමේ වෘත්තීය ක්‍රියාමාර්ගය තවදුරටත් එලෙසින් ම ක්‍රියාත්මක කරන බව වෘත්ති සමිති නායකයා ප්‍රකාශ කළේ ය.

ඔහු තවදුරටත් පැවසුවේ, ජාත්‍යන්තර කම්කරු සංවිධානය මෙම ගැටලුවට මැදිහත්වීමක් සිදු කර ඇති බවත් ඒ අනුව අද (සැප්. 25) එම සංවිධානයේ නියෝජිතයන් හා කම්කරු කොමසාරිස්වරයා සමග වෘත්තීය සමිති නියෝජිතයන් සාකච්ඡාවක් පවත්වන බවත් ය.

ඒ අනුව, මෙම සාකච්ඡාවෙන් පසුව ඉදිරියට ගන්නා ක්‍රියාමාර්ගය තීරණය කරන බව වෘත්ති සමිති නායකයා කෝසල අබේසිංහ වැඩිදුරටත් පැවසීය.

විදුලි බල මණ්ඩලය ප්‍රතිව්‍යුහගතකරණය කරමින් පෞද්ගලීකරණය කිරීමට එරෙහිව විදුලි වෘත්තිය සමිති ආරම්භ කළ අකුරට වැඩ කිරිමේ වෘත්තිය ක්‍රියාමාර්ගයට අදට දින 21ක් වේ.

විදුලිබල ප්‍රතිව්‍යුහගතකරණ වැඩපිළිවෙළට අදාළව වෘත්තීය සමිති නියෝජිතයින් සහ බලශක්ති අමාත්‍ය ඉංජිනේරු කුමාර ජයකොඩි අතර සාකච්ඡාවක් ඊයේ (13) සවස දින බලශක්ති අමාත්‍යංශයේ දී පැවැත්විණි.

එහි දී අදහස් දැක්වූ අමාත්‍යවරයා...


මගේ ප්‍රතිපත්තිය මෘදු ලෙස ප්‍රතිචාර දැක්වීම යි

''වැඩකරන ජනතාවගේ අවශ්‍යතාවයන් හොඳින් හඳුනාගත් රජයක් ලෙස මේ ප්‍රතිව්‍යුහගතකරණ වැඩපිළිවෙල පුරා සේවක වරප්‍රසාද සහ අයිතිවාසිකම් සුරැකීම කෙරෙහි අවධානය යොමු කළා. වෘත්තීය සමිති නියෝජිතයින් හා විටින් විට සාකච්ඡා කරමින් විශේෂ අවධානයක් යොමු කරමින් කටයුතු කළා. ඒ අනුව, වෘත්තීය සමිතිවල ඉල්ලීම් ඉටු කිරීමට උපරිමව ක්‍රියා කළා. වෘත්තීය සමිති ක්‍රියාමාර්ග කෙරෙහි වුවත් අමාත්‍යවරයා වශයෙන් මෘදු ලෙස ප්‍රතිචාර දැක්වීම මගේ ප්‍රතිපත්තිය යි. සාකච්ඡා ක්‍රියාමාර්ග ඔස්සේ ගැටලු විසඳා ගැනීමේ ක්‍රමවේදයට මුල් තැනක් දී ඉදිරියටත් ක්‍රියාකරනවා.''

මෙහි දී අදහස් දැක්වූ වෘත්තීය සමිති නියෝජිතයෝ තම ඉල්ලීම් වැඩි ප්‍රමාණයක් ඉටු කිරීමට ක්‍රියා කිරීමත්, ඉතිරි ඉල්ලීම් ක්‍රියාත්මක කිරීම සම්බන්ධයෙන් සලකා බැලීම සඳහා එකඟවීමත් පිළිබඳව බලශක්ති අමාත්‍යවරයාට සහ රජයට ස්තූතිවන්ත වන බවත්, සිදුකරගත් එකඟතා අනුව, විශේෂයෙන් ම දැනට ක්‍රියාත්මක වෘත්තීය සමිති ක්‍රියාමාර්ගය සමග සම්බන්ධවී සිටින වෘත්තිය සමිති හෙට දින රැස්වී එකී ක්‍රියාමාර්ගය පිළිබදව මෙන්ම ඉදිරි කටයුතු පිළිබදව සාකච්ඡා කර වැඩි විස්තර රටට හෙළිකරන බවත් ප්‍රකාශ කළහ.

විදුලිබල ක්ෂේත්‍රයට අයත් වෘත්තීය සමිති වැඩි ප්‍රමාණයක නියෝජිතයින් මෙන්ම පනත අනුව විදුලිබල ක්ෂේත්‍රය වෙනුවෙන් අලුතින් පිහිටවූ සමාගම් හතරෙහි අධ්‍යක්ෂවරු ද මෙම අවස්ථාවට එක්ව සිටියහ.

(ශාන් මොහොමඩ්)

ජනපති නියමයෙන් අති විශේෂ ගැසට් නිවේදනයක් නිකුත්කර ඇත.

ඒ විදුලිබල සැපයීම සම්බන්ධ සියලු සේවා අත්‍යාවශ්‍ය සේවාවන් බවට ප්‍රකාශයට පත්කරමින්.

1979 අංක 61 දරන අත්‍යාවශ්‍ය මහජන සේවා පනතේ 2වන වගන්තිය ප්‍රකාරව ජනාධිපතිවරයාට පැවරී ඇති බලතල අනුව ජනාධිපති අනුර කුමාර දිසානායක අද (21) මේ සඳහා අත්සන් තබා ඇත.

සාමාන්‍ය ජනජීවිතය පවත්වාගෙන යාම සඳහා අත්‍යාවශ්‍ය වන බව සහ එකී සේවාවන්ට අවහිරයක් හෝ බාධාවක් විය හැකි බව සැලකිල්ලට ගනිමින් මෙම ගැසට් පත්‍රය නිකුත්කර තිබේ.

ඊට අදාළ ගැසට් පත්‍රය මතු පළවේ.

රාජ්‍ය සම්මාන 2025 - සම්මාන සහ නිර්දේශ කටයුතු කෙතරම් අගති රහිත ලෙස‍, ගුණාත්මක ලෙස සිදු කරන්නට සංවිධායකයින් ලෙස අප කටයුතු කළේ දැයි මාධ්‍ය සහ විවිධ ප්‍රකාශන හරහා අප ජනතාව දැනුවත් කොට තිබුණා. වාර්ෂිකව සිදුවන විවේචන පවා මෙවර දකින්නට නොලැබුණේ ඒ දැරූ වෙහෙස නිසා. (තමන්ට සම්මාන නොලැබීම නිසා ඇති වන සිත් රිදවා ගැනීම් නම් ලෝකාවසානය දක්වා පවතින්නට නියමිත බැවින් ඊට කළ හැකි යමක් නම් නෑ. )

මහාධිකරණ විනිසුරුවරයකු, දිසා විනිසුරුවරයකු හා මහෙස්ත්‍රාත්වරුන් ඇතුළු විසි දෙනකු විෂමාචාර සම්බන්ධයෙන් අධිකරණ සේවා කොමිසම විසින් සේවයෙන් පහ කර හෝ වැඩ තහනම් කර ඇත.

ශ්‍රී ලංකාවේ වත්මන් දේශපාලන භූ දර්ශනය තුළ වඩාත්ම කැපී පෙනෙන ලක්ෂණය වන්නේ ආණ්ඩුවේ ශක්තිය නොව, ශක්තිමත් විපක්ෂයක් තිබිය යුතු තැන පවතින ගැඹුරු රික්තකයයි.

සමගි ජන බලවේගය (SJB) සහ එක්සත් ජාතික පක්ෂය (UNP) ප්‍රමුඛ විරුද්ධ පාර්ශ්වය, ආණ්ඩුවට අභියෝග කිරීමේ තම මූලික කාර්යභාරය ඉටුකිරීමට අපොහොසත් වී ඇති බව පොදු නිරීක්ෂණයකි.

මෙය හුදෙක් දේශපාලන දුර්වලතාවයක් පමණක් නොව, රටේ ප්‍රජාතන්ත්‍රවාදී ව්‍යුහයේ සමබරතාවයටද බලපාන තත්ත්වයකි.

ප්‍රධාන විපක්ෂයේ ක්‍රියාකලාපය දෙස බලන විට, පැහැදිලි උපායමාර්ගික සැලැස්මක අඩුවක් පෙනෙන්නට තිබේ. සජිත් ප්‍රේමදාස සහ රනිල් වික්‍රමසිංහ යන නායකයින්ගේ දේශපාලන ප්‍රවේශයන්, තමන්ගේම ඡන්ද පදනම ශක්තිමත් කරනවා වෙනුවට එය තවදුරටත් ඛාදනය වීමට හේතු වී ඇති බවක් පෙනේ.

ජාතික වශයෙන් වැදගත් වන කරුණු සම්බන්ධයෙන් දැඩි ස්ථාවරයක් ගැනීමට හෝ අඛණ්ඩ පීඩනයක් එල්ල කිරීමට ඔවුන් දක්වන මැලිකම, ඔවුන්ගේ අරමුණු පිළිබඳව ජනතාව තුළ සැක සංකා මතුකරවයි. මෙම ක්‍රියාකලාපය, දේශපාලනමය වශයෙන් ස්වයං-විනාශකාරී ගමනක යෙදෙන බවට හැඟීමක් ඇතිකරවයි.

මෙම අකර්මණ්‍යතාවයට ගැඹුරු හේතුවක් ලෙස ජනතා විශ්වාසය බිඳ වැටීම පෙන්වා දිය හැකිය. ප්‍රධාන විපක්ෂයේ නායකත්වය, මහජන අපේක්ෂා ඉටු කිරීමට අපොහොසත් වූ පෙර ආණ්ඩු සමග සෘජුවම සම්බන්ධ වීම, ඔවුන්ට ඇති ප්‍රධානතම බාධකයකි. එම නිසා, වත්මන් ආණ්ඩුව දූෂණය හෝ ආර්ථික කළමනාකරණය සම්බන්ධයෙන් විවේචනය කරන විට, ජනතාව ඔවුන් දෙස බලන්නේ ද එම දේශපාලන ක්‍රමයේම කොටස්කරුවන් ලෙසය.

මෙය ඔවුන්ගේ විවේචනවලට ඇති විශ්වසනීයත්වය දැඩි ලෙස හීන කරන අතර, ඔවුන්ට නැවුම් විකල්පයක් ලෙස පෙනී සිටීමට ඇති ඉඩකඩ අහුරා දමයි.


අරගලයෙන් පසු නිර්මාණය වූ දේශපාලන අවකාශය..

විශේෂයෙන්ම 2022 මහජන අරගලයෙන් පසු නිර්මාණය වූ දේශපාලන අවකාශය ප්‍රයෝජනයට ගැනීමට විපක්ෂය අපොහොසත් වීමද මෙහිදී කැපී පෙනේ. පද්ධතිමය වෙනසක් ඉල්ලා සිටි ජනතා රැල්ලට සැබෑ නායකත්වයක් හෝ නව දැක්මක් ලබා දීමට ඔවුන්ට නොහැකි විය.

එම ඓතිහාසික මොහොතේදී, ජනතා බලය මෙහෙයවනවා වෙනුවට, ඔවුන් පසෙකට වී බලා සිටින පිළිවෙතක් අනුගමනය කළ බවට විවේචනයක් පවතී. මෙය, නව දේශපාලන සංස්කෘතියක් අපේක්ෂා කළ තරුණ පරපුර ඇතුළු විශාල පිරිසක් ඔවුන්ගෙන් තවදුරටත් දුරස් කිරීමට හේතු විය.

මෙම අකර්මණ්‍යතාවය ප්‍රධාන පක්ෂවලට පමණක් සීමා වී නොමැත. විපක්ෂයේ අනෙකුත් පාර්ශ්වයන්ද විවිධ ආකාරයේ අකාර්යක්ෂමතාවන් ප්‍රදර්ශනය කරයි. නාමල් රාජපක්ෂගේ නායකත්වය යටතේ නැවත සංවිධානය වීමට උත්සාහ දරන පොදුජන පෙරමුණ, නව දැක්මක් ඉදිරිපත් කරනවා වෙනුවට තම පැරණි ඡන්ද පදනම නැවත එක්කර ගැනීමට උත්සාහ කරන බවක් නිරීක්ෂණය කළ හැකිය.

දෙමළ ජාතික සන්ධානය තුළ, ශානකියන් රාසමාණික්කම් වැනි කිහිප දෙනෙකුගේ හඬ හැරුණු විට, සමස්තයක් ලෙස පක්ෂයේ ක්‍රියාකාරීත්වය අපේක්ෂිත මට්ටමක නොමැත. ඒ අතර, කඳුකරයේ සහ මුස්ලිම් ප්‍රජාවන් නියෝජනය කරන පක්ෂවල නායකයින්, ජාතික ප්‍රශ්නවලට වඩා පටු දේශපාලන අරමුණු වලට මුල්තැන දෙන බවට විවේචන පවතී.

මෙම විපක්ෂ රික්තකය, ජාතික ජන බලවේගය වැනි විකල්ප දේශපාලන බලවේගයන්ට වර්ධනය වීමට සෘජු අවස්ථාවක් සලසා දී ඇත. ආණ්ඩුව සහ සාම්ප්‍රදායික විපක්ෂය යන දෙපාර්ශ්වය පිළිබඳවම කලකිරී සිටින ඡන්දදායකයින්, වෙනත් විකල්ප වෙත යොමු වීම ස්වභාවිකය.

එබැවින්, එම පක්ෂවල ජනප්‍රියතාවය වර්ධනය වීමට ඔවුන්ගේම ප්‍රතිපත්ති මෙන්ම, ප්‍රධාන විපක්ෂයේ අකාර්යක්ෂමතාවය සහ අසාර්ථකත්වයද ප්‍රබල ලෙස ඉවහල් වී ඇති බව පැහැදිලිය.


සම්ප්‍රදායික විපක්ෂය වෙනුවට ඩිජිටල් සමාජ මාධ්‍ය

මේ අතර, ශ්‍රී ලංකාවේ දේශපාලන කතිකාව පාර්ලිමේන්තුවෙන් පිටතට, එනම් සමාජ මාධ්‍ය වැනි ඩිජිටල් අවකාශයන්ට සංක්‍රමණය වීමද සුවිශේෂී ප්‍රවණතාවයකි. ආණ්ඩුව පවා විපක්ෂයේ විධිමත් විවේචනවලට වඩා සමාජ මාධ්‍ය තුළ මතුවන මහජන මතයට වැඩි ප්‍රතිචාරයක් දක්වන බවක් පෙනී යයි. මෙයින් ගම්‍ය වන්නේ, සාම්ප්‍රදායික විපක්ෂය විසින් නිර්මාණය කළ යුතු දේශපාලන පීඩනය, දැන් අවිධිමත් ලෙස ජනතාව විසින්ම නිර්මාණය කරමින් සිටින බවයි.

ශ්‍රී ලංකාවේ දේශපාලන ක්ෂේත්‍රය නිර්වචනය වන්නේ මෙම විපක්ෂ රික්තකය මගිනි. ශක්තිමත් සහ සංවිධානාත්මක අභියෝගයක් නොමැති වීම ආණ්ඩුවට පැහැදිලි වාසියක් සලසා දෙයි. ප්‍රජාතන්ත්‍රවාදී ක්‍රමයක නිරෝගී පැවැත්ම සඳහා, ආණ්ඩුවේ බලය තුලනය කිරීමට සහ වගකීමට ලක් කිරීමට හැකි ශක්තිමත් විපක්ෂයක් අත්‍යවශ්‍ය වේ. වත්මන් තත්ත්වය, එම ප්‍රජාතන්ත්‍රවාදී මූලධර්මයේ අනාගතය පිළිබඳව බරපතල ප්‍රශ්න මතුකරයි.

(රාධිකා රත්නායක)

යළි වැඩ ආරම්භ කළ කඩවත – මීරිගම කිලෝමීටර 37ක අධිවේගී මාර්ග කොටස සෑදීමට බොරු කතා ගොතා එදා ප්‍රමාද කළ අයට අද එදාට වඩා හත් අට ගුණයක් වැඩියෙන් මහජන මුදල් වැය කර මිලියන ගණනක වන්දියක් ද සමගින් එම මාර්ගයේ වැඩ කටයුතු පටන් ගන්නට සිදුව ඇති බව ජාතික නිදහස් පෙරමුණේ නායක විමල් වීරවංශ ඊයේ (සැප්. 17) කොළඹදී පැවති මාධ්‍ය හමුවකදී අදහස් දක්වමින් ඔහු මේ බව පැවසීය.

මේ අය එදා පඬුකරඳගහ ඇතුළු විවිධ කතා කියලා මිථ්‍යා මත පතුරලා මේ වැඩ කටයුතු ප්‍රමාද කළා. මේ අය එදා සහයෝගය දී කටයුතු කළා නම් මේ හා මහා විශාල මුදලක් වැය නොකර එදා මේ මාර්ගය සකස් කර ගත යුතුව තිබුණු බවත් ඒ තුළින් විශාල මුදලක් රටට ඉතිරි කර ගත හැකිව තිබුණු බවත් නමුත් එහෙම කටයුතු නොකොට එදා බොරු කියා මිථ්‍යා මත කියා මෙය නතර කරන තැනට කටයුතු කළා. එදා ජාතික ජන බලවේගයේ හිටිය මහත්වරු අද ඒ මුදලටත් වැඩි වැඩිපුර මුදල් විශාල ප්‍රමාණයක් වැය කර වියදම් කර මේ අධිවේගී මාවත සකස් කරන්නට කටයුතු කරන බවද විමල් විරවංශ පැවසීය.

ඔහු සඳහන් කළේ, එදා මේ මාර්ගයේ කිලෝමීටර් 37ක ගමන් මාර්ගය සකස් කරන්න ඉඩ දුන්නා නම් මෙතරම් මුදල් විනාශයක් සිදු වන්නේ නෑ. එහෙම කළා නම් මේවගේ හත් අට ගුණයක් වගේ ප්‍රමාණයක් සකස් කරන්න හැකියාවක් තිබුණ බව ය.

විකුණාගෙන කෑම, හිඟා කෑම, උලා කමින් රට පෙරට ගමන් කරවීමේ ආර්ථික ප්‍රතිපත්තියක ජාතික ජන බලවේග ආණ්ඩුව ගමන් කරන බවත් ජනතාවගේ ඡන්ද අයිතිය අමු අමුවේ උල්ලංඝනය කරමින් ජනතාව නැති බංග කරන්නට කටයුතු කරමින් රට විනාශයට පත් කර විදෙස් රටවලට රටේ සම්පත් ගෙඩි පිටින්ම බිලි දෙන්නට කටයුතු කරන බවද විමල් විරවංශ පැවසීය.

ඉදිකිරීමේ කටයුතු ප්‍රමාද වීම හේතුවෙන් රජයට රුපියල් බිලියන 34-35ත් අතර මුදලක් ගෙවීමට සිදුවෙලා යැයි ඇමති බිමල් ප්‍රකාශ කලේය.

මධ්‍යම අධිවේගී මාර්ග ව්‍යාපෘතියේ කඩවත සිට මීරිගම දක්වා වූ කොටසේ ඉදිකිරීම් යළි ආරම්භ කිරීමේ සමාරම්භක උත්සවය ජනාධිපති අනුර කුමාර දිසානායකගේ ප්‍රධානත්වයෙන් ඊයේ (සැප්තැම්බර් 17) පැවැත්විණි.

ඉදිකිරීම් නැවත ආරම්භ කිරීම සඳහා චීනයේ අපනයන-ආනයන බැංකුවෙන් ඇමෙරිකානු ඩොලර් මිලියන 500කට සමාන යුවාන් ණය මුදලක් අනුමත වී තිබේ.

මධ්‍යම අධිවේගී මාර්ගයේ කඩවත සහ මීරිගම අතර කොටසේ දුර කිලෝමීටර් 37ක් වන අතර ආර්ථික අර්බුදය හේතුවෙන් මෙම මාර්ගය සඳහා වෙන්කර තිබූ ණය පහසුකම් අත්හිටුවීම නිසා මෙම කොටසේ ඉදිකිරීම් 2022 මැද භාගයේදී අත්හිටුවා තිබිණි.

ඉදිකිරීමේ කටයුතු නැවත ආරම්භ කිරීමේ සමාරම්භක උත්සවයට එක්වෙමින් ප්‍රවාහන, මහාමාර්ග, වරාය සහ සිවිල් ගුවන් සේවා අමාත්‍ය බිමල් රත්නායක සඳහන් කලේ, ඉදිකිරීමේ කටයුතු ප්‍රමාද වීම හේතුවෙන් රජයට රුපියල් බිලියන 34-35ත් අතර මුදලක් ගෙවීමට සිදුව ඇති බවය.

වියට්නාමය  ඊයේ  (28) එරට සියලු ගුවන්තොටුපොළ වසා දැමීමට පියවර ගත්තේය. ළඟ එන 'බූලොයි' (Bualoi) සුළි කුණාටුව හේතුවෙන් එම පියවර ගෙන තිබේ.

ඊට මැදි වෙතැයි අපේක්ෂිත කලාපවල දහස් සංඛ්‍යාත පිරිස් ආරක්‍ෂිත ස්ථාන කරා ඉවත් කිරීමට ද රජය විසින් කටයුතු යොදා ඇත.

කුණාටුව හේතුවෙන් ෆිලිපීනයේ ද ගංවතුර තත්ත්වයක් හටගෙන ගැනිණි.

අද (29) උදෑසන වන විට සුළි කුණාටුව පැයට කි.මී.133කට අධික සුළං ප්‍රවාහ සමගින්, මධ්‍යම වියට්නාමයට පතිත වීමට නියමිතය. කුණාටුව වෙරළ තීරයට ලඟා වීමත් සමග සුළඟේ වේගය අඩාල වනු ඇතැයි කාළගුණ විද්‍යාඥයෝ අනාවැකි පළ කරති.

සුළි කුණාටුව පැමිණීමත් සමග ඇති විය හැකි දැඩි සුළං ප්‍රවාහ, තද වර්ෂාපතනය, සාමාන්‍ය සහ හදිසි ගංවතුර තත්ත්වයන්, නාය යාම් සහ වෙරළ ඛාදනය වැනි විපත් පිලිබඳ අනතුරු ඇඟවීම් දැනටමත් නිකුත් කර තිබේ.

ලබන මස 01 දින පසු වන තෙක් උතුරු සහ මධ්‍යම වියට්නාමයේ මි.මී.600 ඉක්ම වූ වර්ෂාපතනයක් අපේක්ෂා කෙරේ. නදී ජල මට්ටම මීටර 9 තෙක් ඉහළ නැගීමෙන්, ගංවතුර සහ නාය යාම් විපත් සිදු විය හැකි බවට ද අනතුරු අඟවා ඇත.

මධ්‍යම වියට්නාමයේ, හා-ටින් (Ha Tinh) පළාතේ පූර්ව විපත් කළමනාකරණ ආරම්භ ව පවතින අතර, පුද්ගලියන් 15,000කට අධික පිරිසක් ආරක්‍ෂිත ස්ථාන කරා යොමු කිරීමට දැනටමත් පියවර ගෙන තිබේ. හමුදා භටයින් දහස් ගණනක්, විපත් කළමනාකරණ සහ මුදා ගැනීමේ මෙහෙයුම් පිණිස සූදානම්ව සිටිති.

මේ වසරේ හටගත් කජිකි (Kajiki) සුළි කුණාටුව ද වියට්නාමයට විපත් රැසක් ගෙන දුන්නේය. හෙට සිට එරට පාසල් රැසක් ද යළි දැනුම් දෙන තෙක් වසා තැබේ.


(සටහන | Reuters ඇසුරින්; හර්ෂ උදයකාන්ත පීරිස්)
(This email address is being protected from spambots. You need JavaScript enabled to view it.)
9/28/2025

මුලාශ්‍රය :

Vietnam evacuates thousands, shuts airports as Typhoon Bualoi nears

මධ්‍යම වියට්නාමයේ ඉකුත් දින කිහිපයේ පැවති තද වැසි හේතුවෙන් හටගත් ජල ගැලීම් හේතුවෙන් පුද්ගලයින් 13 දෙනකු ජීවිතක්ෂයට පත්ව ඇතැයි වාර්තා වේ. පුද්ගලයින් 11 දෙනෙක් තවමත් අතුරුදන්ව සිටිති.

උතුරු පළාතේ නැවත පදිංචි කිරීම සම්බන්ධයෙන් නාගානන්ද කොඩිතුවක්කු සහ මලින්ද සෙනෙවිරත්න මහත්වරු විසින් 2018 දී ගොනු කරන ලද රිට් පෙත්සම, අභියාචනාධිකරණය විසින් (15) ප්‍රතික්ෂේප කළේය.

උතුරු පළාතේ නැවත පදිංචි කිරීම සම්බන්ධයෙන් වසර හතකට ආසන්න කාලයක් තිස්සේ විභාග වෙමින් පැවති මෙම නඩුව, අධිකරණයේ නියෝග කිහිපයක් නොතකා, අවසන් කිරීම ප්‍රමාද වී තිබිණ.

පාර්ලිමේන්තු මන්ත්‍රී රිෂාඩ් බදියුදීන් වෙනුවෙන් අභියාචනාධිකරණයේ කරුණු දැක්වූ නීතිඥ හෙජාස් හිස්බුල්ලා  කියා සිටියේ නඩුව පවත්වාගෙන යෑමට නෛතික පසුබිමක් නොමැති බවත්, මාධ්‍ය ප්‍රචාරයක් ලබා ගැනීම සඳහා පෙත්සම්කරුවන් මෙම නඩුව පවත්වාගෙන යෑමට උත්සාහ කරන බවයි.

පෙත්සම්කාර පාර්ශ්වය නඩුව ඉදිරියට පවත්වාගෙන යෑමට අපොහොසත් වීම හේතුවෙන්, අදාළ පෙත්සම නිශ්ප්‍රභ කරන ලෙස අධිකරණයෙන් ඉල්ලා සිටියේය.

ඉදිරිපත් වූ කරුණු සලකා බැලූ අභියාචනාධිකරණය අදාළ රිට් පෙත්සම ප්‍රතික්ෂේප කළේය.

පෙත්සම්කාර පාර්ශ්වය වෙනුවෙන් නීතීඥ සුගන්තිකා මහත්මිය පෙනී සිටියාය. 1 සිට 3 දක්වා වගඋත්තරකරුවන් වෙනුවෙන් නියෝජ්‍ය සොලිසිටර් ජෙනරාල් මනෝහර ජයසිංහ පෙනී සිටියේය.

නීතීඥ ෂිෆාන් මහරුෆ් සමඟ නීතිඥ හිජාස් හිස්බුල්ලා, පාර්ලිමේන්තු මන්ත්‍රී රිෂාඩ් බදියුදීන් වෙනුවෙන් පෙනී සිටි අතර, හිටපු අමාත්‍ය බැසිල් රාජපක්ෂ වෙනුවෙන් නීතීඥ රුවන්ත කුරේ  පෙනී සිටියේය