#newstube

රත්මලාන වෘත්තිය තාක්ෂණ විශ්වවිද්‍යාලයේ (UNIVOTEC) අධ්‍යයන පාඨමාලා නැවත සමාලෝචනය කිරිම සහ ජාතික මෙන් ම ජාත්‍යන්තර මට්ටමට ගැළපෙන ලෙස ඒවායෙහි ගුණාත්මකභාවය ඉහළ නැංවීම සඳහා අධ්‍යාපන, උසස් අධ්‍යාපන හා වෘත්තිය අධ්‍යාපන අමාත්‍යවරිය වෙත නිර්දේශ හා යෝජනා ලබා දීමට සාමාජිකයන් හය දෙනෙකුගෙන් (6) යුත් විශේෂඥ කමිටුවක් පත් කර ඇත.

ඊට අදාළ පත් කිරීම් අමාත්‍යාංශ ලේකම් නාලක කලුවැව විසින් සිදු කරනු ලැබූ අතර එම කමිටු සාමාජිකයන්ගේ නම් පහත පරිදි වේ.
 
1- ආචාර්ය ජානක ජයලත් - සභාපති (අධ්‍යාපන, උසස් අධ්‍යාපන සහ වෘත්තිය අධ්‍යාපන අමාත්‍යාංශයේ උපදේශන මණ්ඩල සභික)
 

2-  මහාචාර්ය තුෂාර චාමින්ද - සමාජික (ඉංජිනේරු පීඨය, රුහුණ විශ්වවිද්‍යාලය)
 

3- මහාචාර්ය ජේ.සී. එන් රාජේන්ද්‍ර - සාමාජික( වෘත්තීය තාක්ෂණික විශ්වවිද්‍යාලයේ කවුන්සිල සාමාජික)
 

4- ආචාර්ය කේ.ඒ. ලලිතධීර - සමාජික (අධ්‍යක්ෂ ජනරාල්, තෘතීයික හා වෘත්තිය අධ්‍යාපන කොමිෂන් සභාව)
 

5- ඉංජිනේරු එස්.බී. අනුර දේශප්‍රිය සේමසිංහ - සාමාජික (ප්‍රධාන විධායක නිලධාරි, මධ්‍යයම ඉංජිනේරු සේවා (පුද්ගලික) සමාගම, ශ්‍රී ලංකා/ අබුඩාබි
 

6- හිමාලි ඩබ්. කේ අතාවුදගේ - කැඳවුම්කරු (අතිරේක ලේකම්, වෘත්තීය අධ්‍යාපන අංශය, අධ්‍යාපන උසස් අධ්‍යාපන හා වෘත්තීය අධ්‍යාපන අමාත්‍යාංශය)
 

නාදුනන වෙඩික්කරුවෙකුගේ වෙඩි පහරට ලක්ව බරපතල තුවාල ලබා රෝහල්ගත කළ වැලිගම ප්‍රාදේශීය සභාවේ සභාපතිවරයා මීට සුළු මොහොතකට පෙර මියගිය බව පොලිසිය පවසයි.

රජයේ වෛද්‍ය නිලධාරීන්ගේ සංගමයේ හදිසි විධායක කමිටු රැස්වීමක් අද (07) දිනයේ පැවැත්වීමට නියමිතව තිබේ.

එම සංගමයේ සහකාර ලේකම් වෛද්‍ය හංසමාල් වීරසූරිය සඳහන් කළේ, අම්පාර දිස්ත්‍රික්කයේ වෛද්‍ය ස්ථානමාරුවීම් සම්බන්ධයෙන් මතුව ඇති ගැටලුව පිළිබඳව සාකච්ඡා කිරීම මෙහි අරමුණ බවය.

අම්පාර දිස්ත්‍රික්කයේ සෞඛ්‍ය පරිපාලනය විසින් අත්තනෝමතික ලෙස වෛද්‍ය මාරුවීම් සිදුකිරීමට විරෝධය පළකරමින් මේවන විට රජයේ වෛද්‍ය නිලධාරීන්ගේ සංගමය එම දිස්ත්‍රික්කය තුළ වෘත්තීය සමිති ක්‍රියාමාර්ගයක් ආරම්භ කර තිබේ.

මෙතෙක් අදාළ ගැටලුව සඳහා රජයේ අවධානය යොමුවී නොමැති බැවින් සිය වෘත්තීය සමිති ක්‍රියාමාර්ගය සම්බන්ධයෙන් ගනු ලබන ඉදිරි ක්‍රියාමාර්ග පිළිබඳව අද දිනයේ තීරණය කරන බව රජයේ වෛද්‍ය නිලධාරීන්ගේ සංගමයේ සහකාර ලේකම් වෛද්‍ය හංසමාල් වීරසූරිය  සඳහන් කළේය.





වෛද්‍ය වෘත්තීය සමිතියේ ත්‍රස්ත හැසිරීමට ආණ්ඩුව යටත් විය යුතු නැත...


මේ අතර ආණ්ඩුවට පක්ෂපාති ඇතැම් සමාජ මාධ්‍ය වාර්තා කර ඇත්තේ, වසර 18ක් එකම රෝහලක රැඳී සිටි වෛද්‍යවරයෙක් ස්ථාන මාරු කිරීම නිසා අම්පාර දිස්ත්‍රික්කයේ රජයේ වෛද්‍ය නිලධාරීන්ගේ සංගමයේ (GMOA) වෛද්‍යවරු වැඩවර්ජනයක් ආරම්භ කර ඇති බවත් වෛද්‍ය වෘත්තීය සමිතියේ ත්‍රස්ථ හැසිරීමට ආණ්ඩුව යටත් විය යුතු නැති බවත් ය.

එම පුවත් වාර්තා වලට අනුව,

2007 වසරේ පශ්චාත් සීමාවාසික වෛද්‍ය පත්වීමක් මත දෙහිඅත්තකණ්ඩිය මුලික රෝහලේ සේවයට පැමිණි වෛද්‍යවරයෙක් පුරා වසර 10 ක් එම රෝහලේ රැඳී සිටි අතර ඉන් පසුව 2017 දී පොළොන්නරුව, ලිහිණියාගම රෝහලට ස්ථාන මාරුවක් ලබා පිටත්ව ගොස් එක් දිනක් ඇතුළත නැවතත් තාවකාලික ස්ථාන මාරුවක් මත දෙහිඅත්තකණ්ඩිය මූලික රෝහල වෙතම පැමිණ තිබේ.

එසේ පැමිණි එම වෛද්‍යවරයා තවත් වසර 08කට පසු මෙයට දින කිහිපයකට පෙර එම රෝහලෙන් නැවතත් පොළොන්නරුව, ලිහිණියාගම රෝහල වෙත අම්පාර දිස්ත්‍රික් ප්‍රාදේශීය සෞඛ්‍ය සේවා අධ්‍යක්ෂ විසින් නිදහස් කර යවන්නේ එලෙස දීර්ඝ කාලයක් තාවකාලික පදනමින් දෙහිඅත්තකණ්ඩිය මූලික රෝහලේ රැඳී සිටිමින් වැටුප් හා අතිකාල ලබා ගැනීම ප්‍රශ්න කරමින් නිකුත් වූ විගණන වාර්තාවකට අනුවය.

සාමාන්‍යයෙන් වෛද්‍යවරයෙන් සෑම වසර 04කට වරක්ම ස්ථාන මාරුවීම් ලැබිය යුතු වුවද අදාළ වෛද්‍යවරයා වසර 18 ක් පුරා සිය වෘත්තීය සමිතියේ බලය අවභාවිත කරමින් එකම රෝහලක රැඳී සිට ඇත. එම වෛද්‍යවරයා දෙහිඅත්තකණ්ඩිය මූලික රෝහලේ සේවය කර ඇත්තේ වැඩබලන වෛද්‍ය අධිකාරි තනතුරේය.

2025.05.24 දින එම රෝහලේ වෛද්‍ය අධිකාරි තනතුරට නව වෛද්‍යවරයෙක් මහඔය මූලික රෝහලේ සිට ස්ථාන මාරු ලබා පැමිණ ඇත. මෙලෙස නව පත්වීමක් ලබා දෙහිඅත්තකණ්ඩිය මූලික රෝහලට පැමිණි වෛද්‍යවරයාට එරෙහිව මෙම වෛද්‍යවරයා සහ එම රෝහලේම සේවය කරන අදාළ සංගමයටම අයත් තවත් දූෂණ චෝදනා ඇති වෛද්‍යවරුන් කීපදෙනෙක් එක්ව ඔහුගේ රාජකාරියට දිගින් දිගටම බාධා කිරීමත්, තනතුරෙන් ඉවත්වන ලෙස බලපෑම් කිරීමත් නිසා එම වෛද්‍යවරයා අවසානයේ දී රාජ්‍ය සේවයෙන් ඉල්ලා අස්වී ඇත.

දෙහිඅත්තකණ්ඩිය මූලික රෝහලේ සිදුවු මෙම සිදූවිම් මාලාව සම්බන්ධයෙන් සෞඛ්‍ය හා ජනමාධ්‍ය අමාත්‍යාංශය විනය පරීක්ෂණයක් අරඹා ඇති අතර වසර 18ක් අනීතිකව රැඳී සිටි වෛද්‍යවරයා මාරු කිරීමට එරෙහිව රජයේ වෛද්‍ය නිලධාරීන්ගේ සංගමයේ (GMOA) වෛද්‍යවරුන් මේ වනවිට අම්පාර දිස්ත්‍රික්කයේ වැඩවර්ජනයක් කැඳවා ඇත.

මෙම වෛද්‍ය වැඩවර්ජනය සම්බන්ධව ප්‍රදේශයේ ජනතාවගේ අදහස නම්, කිසිදු සාධාරණ පදනමක් නැති, නීති විරෝධි ඉල්ලීම් වෙනුවෙන් සිදුකරන වැඩ වර්ජණවලට ආණ්ඩුව යටවිය යුතු නැති බවත් වර්ජකයින්ට එරෙහිව ආණ්ඩුව ක්‍රියාමාර්ග ගත යුතු බවත්ය. මෙම සංගමයේ බලපෑම් නිසා බොහොමයක් වෛද්‍යවරුන්ගේ වාර්ෂික ස්ථාන මාරු ක්‍රියාත්මක නොවී නතර වී ඇති අතර පසුගිය කාලයේ ස්ථාන මාරු ක්‍රියාත්මක කර ගැනීමට ඇතැම් වෛද්‍යවරුන්ට මානව හිමිකම් කොමිෂන් සභාව වෙත පවා යාමට සිදුවිය.

එසේම මෙම සංගමයේ ප්‍රාදේශීය නායකයින් දීර්ඝ කාලයක් පුරා ස්ථාන මාරුවීම් නොලබා එකම සේවා ස්ථානවල රැඳි සිටින්නේ එම ප්‍රදේශවලට ලැබීමට නියමිත නව වෛද්‍ය පත්වීම් සීමා කිරීමට සෞඛ්‍ය අමාත්‍යාංශයට බලපෑම් කරමින්ය.

එසේම අනුරාධපුර රෝහලේ සිට ඉවත් කළ වැඩ බලන අධ්‍යක්ෂවරයාද, කොළඹ අක්ෂි රෝහලේ සහ බදුල්ල ශික්ෂණ රෝහලේ සේවය කරන මෙම සංගමයේ ප්‍රධානීන් ලෙස මාධ්‍ය ඉදිරියට එන වෛදවරුන් දෙදෙනාද වසර 10කට වැඩි කාලයක් ස්ථානමාරුවීම් නියෝග නොතකා, විවිධ දුෂණ ක්‍රියාවන්වලට සම්බන්ධ වෙමින් බලහත්කාරයෙන් රැඳී සිටි සහ සිටින වෛද්‍යවරුන්ය.

රෝගී සත්කාර සේවා අඩාල කරන මෙම වෛද්‍ය වෘත්තීය සමිතියේ ත්‍රස්ථ හැසිරීමට ආණ්ඩුව යටත් විය යුතු නැත. රටේ පැවතිය යුත්තේ එක ආණ්ඩුවකි, එක නීතියකි. සෞඛ්‍ය සේවාව තුළ මෙය තහවුරු කිරීම සෞඛ්‍ය අමාත්‍යතුමා ඇතුළු අමාත්‍යාංශ බලධාරීන්ගේ වගකීමක් බවද ජනතාව සඳහන් කරති.

අල්ලස් කොමිසම විසින් පොදු දේපළ පනත යටතේ රක්ෂිත බන්ධනාගාර ගත කර සිටින තමන්ව ඇප මත මුදාහරිණ ලෙස ඉල්ලා හිටපු රාජ්‍ය අමාත්‍ය ශෂින්ද්‍ර රාජපක්ෂ විසින් ඉදිරිපත් කළ ප්‍රතිශෝධන පෙත්සම ඉල්ලා අස්කර ගැනීමෙන් අනතුරුව එය නිෂ්ප්‍රභ කරන ලෙස කොළඹ මහාධිකරණය නියම කළේය.

මෙම පෙත්සම අද (02) කොළඹ මහාධිකරණ විනිසුරු මංජුල තිලකරත්න ඉදිරියේ කැඳවනු ලැබීය.

එහිදී පෙත්සම්කරු වෙනුවෙන් පෙනී සිටි ජනාධිපති නීතීඥ සම්පත් මෙන්ඩිස්  අධිකරණය හමුවේ කරුණු දක්වමින් මෙම පෙත්සම ඉල්ලා අස්කර ගන්නා ලෙස තම සේවාදායකයා තමන්ට උපදෙස් ලබා දී ඇති බවයි.

ඒ අනුව අදාළ පෙත්සම ඉල්ලා අස්කර ගැනීමට අවසර දෙන ලෙස ජනාධිපති නීතිඥවරයා අධිකරණයෙන් ඉල්ලා තිබේ.

එම ඉල්ලීම පිළිගත් කොළඹ මහාධිකරණ විනිසුරුවරයා අදාළ ප්‍රතිශෝධන පෙත්සම ඉල්ලා අස්කර ගැනීමට අවසර දෙමින් එය නිෂ්ප්‍රභ කිරීමට තීන්දු කර ඇත.

ශ්‍රී ලංකා මහවැලි අධිකාරියට අයත් සෙවණගල, කිරිඉබ්බන්වැව ප්‍රදේශයේ පිහිටි ඉඩමක අනවසරයෙන් ඉදිකර ඇති ගොඩනැගිල්ලක් ඇතුළු දේපළ 2022 වසරේ මැයි මස 09 වන දා ඇති වූ අරගලයේදී හානියට පත්වීමෙන් පසු එකී දේපළ සඳහා වන්දි ගෙවීම ප්‍රතික්ෂේප කර තිබියදී ඊට පටහැනිව හානිපූර්ණය සඳහා වන කාර්යාලයට අනුයුක්තව කටයුතු කළ ඇතැම් රජයේ නිලධාරින්ට තම නිල බලය භාවිත කරමින් බලපෑම් සිදු කර රුපියල් 8850000ක් වන්දි ලබා ගැනීම තුළින් "දූෂණය" නමැති වරද සිදුකිරීම සහ මහවැලි අධිකාරිය සතු දේපළක් සාපරාධී සාවද්‍ය පරිහරණය තුළින් පොදු දේපළ පනත යටතේ වරදක් කළ චෝදනා කරමින් අල්ලස් කොමිසම විසින් ශෂීන්ද්‍ර රාජපක්ෂ රක්ෂිත බන්ධනාගාරගත කිරීමට කොළඹ මහේස්ත්‍රාත් අධිකරණය නියම කර තිබේ.

මහනුවර ශ්‍රී දළදා මාළිගාවේ දියවඩන නිලමේ තේරීමේ නිලවරණය නොවැම්බර් මස 7 වනදා හෝ ඒ ආසන්න දිනයක පවත්වන බව බෞද්ධ කටයුතු කොමසාරිස් ජනරාල් ගාමිණී සේනාරත්න පවසයි.

වත්මන් දියවඩන නිලමේවරයාගේ ධුර කාලය මෙම වසරේ සැප්තැම්බර් මස 7 වන දින අවසන් වු අතර  වත්මන් දියවඩන නිලමේවරයා  2005 වසරේ දී එම ධුරයට පත් වු අතර අවස්ථා 02 කදී ඔහු දියවඩන නිලමේවරයා ලෙස ජන්දයෙන් තේරී පත් වී ඇත.

නව දියවඩන නිලමේවරයෙකු තෝරා පත් කරගැනීමේ ජන්ද විමසීම මෙම වසරේ නොවැම්බර් මස 7 වනදා හෝ ඒ ආසන්න දිනයක පැවැත්වීමට කටයුතු සංවිධානය කර ඇත.

දියවඩන නිලමේවරයෙකුගේ ධුර කාලය අවුරුදු 10කි.

කාන්තා එක්දින ලෝක කුසලාන ක්‍රිකට් තරගාවලියේ ශ්‍රී ලංකාව සහ දකුණු අප්‍රිකාව අතර තරගය අද (17 වැනිදා) කොළඹ ආර්. ප්‍රේමදාස ක්‍රීඩාංගණයේදී පැවැත්වීමට නියමිතය.

මේ වන විට ප්‍රසාද ලකුණු 2ක් පමණක් හිමිකරගෙන ලකුණු සටහනෙහි 7වැනි ස්ථානයේ පසුවන ශ්‍රී ලංකා කණ්ඩායමට අවසන් පූර්ව වටය සඳහා යම් බලාපොරොත්තුවක් හෝ තබා ගැනීමට නම් අද තරගය මෙන්ම ඉතිරි තරග යුගලය ද ජය ගැනීම අනිවාර්ය වේ.

අද තරගය යම් හෙයකින් පරාජය වුවහොත් ශ්‍රී ලංකා කණ්ඩායමට ස්ථීර වශයෙන්ම අවසන් පූර්ව වටයට පිවිසීමේ අවස්ථාව අහිමි වනු ඇත.

අද තරගය ජය ගනිමින් තරගාවලියේ සිය පළමු ජය වාර්තා කර ජයග්‍රාහී මානසිකත්වයක් ලබා ගැනීමට අද අවස්ථාව උදා වී ඇති නමුත් ඒ සඳහා කාලගුණයෙන් ද යම් බලපෑමක් එල්ල වී තිබේ.

ශ්‍රී ලංකා කණ්ඩායමට ජයග්‍රහණය සඳහා වැඩි ඉඩක් තිබූ නවසීලන්තය සමග තරගය ද වර්ෂාව හේතුවෙන් පසුගියදා අත් හැරීමට සිදු වූ අතර අද දිනයේද ක්‍රීඩාංගණය සහ ඒ අවට ප්‍රදේශයට වැසි ඇද හැලීමේ ඉඩක් ඇති බව කාලගුණ වාර්තා සඳහන් කරයි.

ශ්‍රී ලංකා කණ්ඩායම අද තරගය සහ ඉතිරි තරග 2ක ජයග්‍රහණය කළහොත් ප්‍රසාද ලකුණු ගණන 8ක් දක්වා ඉහළ යන අතර ඒ ඔසසේ ලකුණු සටහනෙහි සිව්වැනි ස්ථානය හිමිකර ගැනීම සඳහා යම් අවස්ථාවක් පවතී.

මේ වන විටත් ප්‍රසාද ලකුණු 9ක් හිමි ඔස්ට්‍රේලියාව සහ ප්‍රසාද ලකුණු 7ක් හිමි එංගලන්තය පළමු සහ දෙවැනි ස්ථානවල රැඳී සිටින අතර ප්‍රසාද ලකුණු 6ක් හිමි දකුණු අප්‍රිකාවට තෙවැනි ස්ථානයත්, ප්‍රසාද ලකුණු 4ක් හිමි ඉන්දියාවට සිව්වැනි ස්ථානයත් හිමි වී තිබේ.

ශ්‍රී ලංකා කණ්ඩායම අද තරගය මෙන්ම බංග්ලාදේශය සහ පාකිස්තානය සමග යෙදී ඇති අනෙක් තරග ද්විත්වය ජයගත්තද දකුණු අප්‍රිකාව, ඉන්දියාව මෙන්ම ප්‍රසාද ලකුණු 3ක් හිමි නවසීලන්තය යන කණ්ඩායම්වල ඉදිරි තරග ප්‍රතිඵල මත ශ්‍රී ලංකාවේ අවසන් පූර්ව බලාපොරොත්තුව රැඳී පවතී.

නවසීලන්ත තරගයේදී ශ්‍රී ලංකා කණ්ඩායමේ ආරම්භක පිතිකාරිණිය ලෙස නැවත පැමිණි විශ්මි ගුණරත්න සමගින් නායිකා චමරි අතපත්තු කණ්ඩායමට සාර්ථක ආරම්භයක් ලබා දීමට සමත් වූහ. එමෙන්ම පැවැති මැද පෙළ අස්ථාවරත්වයට පිළිතුරු සැපයීමට හසිනි පෙරේරා සහ හර්ෂිතා සමරවික්‍රම සමත් වීම මෙන්ම ශ්‍රී ලංකා වාර්තා අලුත් කරමින් ප්‍රවේගකාරී පිතිහරඹයක නිරත වූ නිලක්ෂිකා සිල්වා ශ්‍රී ලංකා පිතිකරණ අංශය ශක්තිමත් කිරීමට සමත්ව තිබේ.

කෙසේ නමුත් නවසීලන්ත කණ්ඩායමේ පැවැති දුර්වල පන්දු රැකීම දකුණු අප්‍රිකා කණ්ඩායමෙන් බලාපොරොත්තු විය නොහැකි අතර සිය අවසන් තරග 3ම හඹා ගොස් ජයග්‍රහණය කර සිටින දකුණු අප්‍රිකානු ක්‍රීඩිකාවන් පරාජය කිරීමට නම් තරගකාරී ලකුණු පුවරුවක් ගොඩ නැගීමට සිදුවනු ඇත.

(aruna)

2025 එක්දින කාන්තා ලෝක කුසලාන ක්‍රිකට් තරඟාවලියේ ශ්‍රී ලංකා කාන්තා කණ්ඩායම සමග පැවති තරඟය කඩුලු 10කින් ජය ගැනීමට දකුණු අප්‍රිකානු කාන්තා ක්‍රිකට් කණ්ඩායම සමත් වුණා.

තරඟයේ ප්‍රථමයෙන් පන්දුවට පහර දීම සඳහා පිටියට පිවිසි ශ්‍රී ලංකා කාන්තා ක්‍රිකට් කණ්ඩායම පන්දුවාර 12කට මුහුණ දී සිටියදී තරඟයට වර්ෂාවෙන් බාධා එල්ල වුණා.

ඒ අනුව තරඟය පන්දුවාර 20කට සීමා කිරීමට තරඟ තීරකවරයා තීරණය කළා.

නියමිත පන්දුවාර 20 අවසානයේ ශ්‍රී ලංකා කාන්තා ක්‍රිකට් කණ්ඩායම කඩුලු 07ක් බිඳවැටී රැස්කළ ලකුණු සංඛ්‍යාව 105ක්.

විශ්මි ගුණරත්න ලකුණු 34යි. නිලක්‍ෂිකා සිල්වා ලකුණු 18ක් සහ නායිකා චමරි අතපත්තු ලකුණු 11ක් රැස් කර සිටියදී දැවී ගියා.

ඒ අනුව තරඟය ජය ගැනීමට දකුණු අප්‍රිකානු කාන්තා ක්‍රිකට් කණ්ඩායමට පන්දුවාර විස්ස තුළ හිමි වූ ඉලක්කය ලකුණු 121ක්.

පන්දුවාර 14යි පන්දු 5ක් අවසානයේ කිසිවෙකු නොදැවී ලකුණු 125ක් රැස් කරමින් තරඟය ජය ගැනීමට දකුණු අප්‍රිකානු කාන්තා ක්‍රිකට් කණ්ඩායම සමත් වුණා.

ආසියානු කුසලාන පාපන්දු: ශ්‍රී ලංකාව ගෝල් 1-0කින් ටර්ක්මෙනිස්තානය පරදවයි

ශ්‍රී ලංකා පාපන්දු පිල වසර 10කට පසු ලෝක පාපන්දු ශ්‍රේණි­ගත කිරීමේ 191 වැනි ස්ථාන­යට පත් වෙයි.

කොළඹ තුරඟ තරග පිටි­යේදී නිමාව දුටු ආසි­යානු කුස­ලාන සුදු­සු­කම් ලැබීමේ තර­ග­යේදී තුර්කි­මෙ­නි­ස්තා­නය ගෝල් 1-0කින් පරා­ජය කිරී­මත් සමඟ ශ්‍රී ලංකා පිල මෙලෙස ලෝක පාපන්දු කණ්ඩා­යම් අතර වේග­වත් ප්‍රග­ති­යක් ලබා ගත්තේය.

ෆිෆා ලෝක පාපන්දු ශ්‍රේණි­ගත කිරීම් අනුව 138 වැනි ස්ථානයේ සිටි තුර්කි­මෙ­නි­ස්තා­නය, 197 වැනි ස්ථානයේ පසුවූ ශ්‍රී ලංකා පිල වෙතින් ලද පරා­ජය හේතු­වෙන් ශ්‍රී ලංකා පාපන්දු පිලට පිය­වර 6ක් ඉදි­රි­යට පැමි­ණීමේ අව­ස්ථාව උදා වුණි.

ශ්‍රී ලංකා පාපන්දු ප්‍රධානී ජස්වර් උමර් ලෝක පාපන්දු සම්මේ­ලන ප්‍රධානී ගියානී ඉන්ෆැ­ටිනෝ සමඟ අව­සන් වරට වසර 2015 මාර්තු මාස‍යේදී ශ්‍රී ලංකා පාපන්දු පිල ලෝක පාපන්දු ශ්‍රේණි­ගත කිරීමේ 191 වැනි ස්ථානයේ සිටි අතර, වසර 2023 ජූනි මාසය වෙද්දී ලොව පාපන්දු ක්‍රීඩා කරන රට­වල් 210කින් 207 වැනි ස්ථානය දක්වා පහ­ළට ඇද වැටිණි. ඒ වෙද්දී දකුණු ආසි­යාවේ සියලු රට­වල් ශ්‍රී ලංකා­වට වඩා පාපන්දු ක්‍රීඩාවේ ඉහළ ප්‍රග­ති­යක් ලබා තිබිණි.

එහෙත් ශ්‍රී ලංකා පාපන්දු පිලේ වර්ත­මාන තත්ත්වය අනුව දකුණු ආසි­යාවේ පාකි­ස්තා­නය පසු­කොට ඉදි­රි­යට පැමි­ණී­මට සමත්ව ඇති අතර, භූතා­න­යට වඩා පිය­වර 5කින් පසු­ප­සින් සිටී. බංග්ලා­දේ­ශය පසු කිරී­මට තවත් පිය­වර 7ක අඩු­වක් තිබේ.



ශ්‍රී ලංකා පාපන්දු ප්‍රධානී ජස්වර් උමාර් FIFA මූලික පදනම හා ආධුනික පාපන්දුවේ කමිටුවට




මේ අතර, ශ්‍රී ලංකා පාපන්දු ප්‍රධානී ජස්වර් උමර් ලෝක පාපන්දු සම්මේ­ල­නය විසින් බිම් මට්ටමේ සහ ආධු­නික පාපන්දු සංව­ර්ධන කමි­ටුවේ සාමා­ජි­ක­ත්වය පිරි­නමා ඇත.

එම තන­තු­රට පත් ආසි­යාවේ එකම පාපන්දු ප්‍රධා­නියා උමර්  වන අතර, ශ්‍රී ලංකා පාපන්දු ක්‍රීඩාව වේග­වත් වර්ධ­න­යක් අත්වි­ඳි­මින් සිටින අව­ස්ථා­වක එය පිරි­නැ­මීම විශේ­ෂ­ත්ව­යකි. ඔහුගේ උපා­ය­මා­ර්ගික සහ නිර්භීත ප්‍රවේ­ශය ශ්‍රී ලංකා පාපන්දු ක්‍රීඩාවේ වෘත්තී­ය­භා­ව­යට හා කාර්ය සාධ­න­යට ඉව­හල්ව ඇතැයි විශ්වාස කෙරේ. ශ්‍රී ලංකා පාපන්දු කණ්ඩා­යම සැල­කිය යුතු දියු­ණු­වක් පෙන්නුම් කර ඇති අතර ආසි­යානු කුස­ලාන සුදු­සු­කම් ලැබීමේ ‘ඩී’ කාණ්ඩයේ තුර්කි­මෙ­නි­ස්තා­නය, තායි­ල­න්තය හා චීන තායිපේ යන කණ්ඩා­යම් අතු­රින් පෙර­මු­ණට පැමි­ණී­මට සමත්ව සිටී.

කෙසේ වුවද ශ්‍රී ලංකාව හා තුර්කි­මෙ­නි­ස්තා­නය අතර හෙට ශ්‍රී ලංකා වේලා‍වෙන් පස්වරු 6.15ට තුර්කි­මෙ­නි­ස්තාන ආකා­ඩෑග් ක්‍රීඩාං­ග­ණ­යේදී ආර­ම්භ­ වන තර­ගය කෙරෙහි විශාල අව­ධා­න­යක් යොමුව පවතී. තුර්කි­මෙ­නි­ස්තා­නය මේ කාණ්ඩයේ ශ්‍රී ලංකා­වට හමු­වන අව­සන් අව­ස්ථාව මෙය වන හෙයින් මෙය තීර­ණා­ත්මක තර­ග­යක් බවට පත්ව තිබේ.

ආසි­යානු කුස­ලාන සුදු­සු­කම් ලැබීමේ ‘ඩී’ කාණ්ඩයේ තරග වට­යේදී ශ්‍රී ලංකා පාපන්දු පිලට හෙට තුර්කි­මෙ­නි­ස්තාන තර­ග­යට අම­ත­රව නොවැ­ම්බර් 18 වැනිදා කොළ­ඹදී තායි­ල­න්තය හමු­වන අතර, ලබන වසරේ මාර්තු 31 වැනිදා චීන තායිපේ කණ්ඩා­යම සමඟ තර­ග­යට පිවිසේ. අව­සා­න­යේදී මේ රට­වල් අතු­රින් පළමු ස්ථානයේ පසු­වන කණ්ඩා­යම 2027දී සවුදි අරා­බි­යේදී පැවැ­ත්වෙන ආසි­යානු කුස­ලාන පාපන්දු තර­ගා­ව­ලි­යට සුදු­සු­කම් ලබනු ඇත.

වත්මන් පොලිස්පති නීතිඥ ප්‍රියන්ත වීරසූරිය මහතා යටතේ ශ්‍රී ලංකා පොලිස් දෙපාර්තමේන්තුව 'ජනතා විමුක්ති පෙරමුණේ (ජේ.වී.පී.) පොලිස් දෙපාර්තමේන්තුව' බවට පරිවර්තනය වෙමින් ඇතැයි ජාතික නිදහස් පෙරමුණේ නායක විමල් වීරවංශ මහතා ඊයේ (11) බත්තරමුල්ලේදී පැවැති මාධ්‍ය හමුවකදී බරපතළ චෝදනාවක් එල්ල කළේය.

මත්ද්‍රව්‍ය අපරාධයක් සම්බන්ධයෙන් ශ්‍රී ලංකා පොලීසිය සිදුකරමින් සිටි පරීක්ෂණයකට අදාළව තමන්ගෙන් ලබාගත් ප්‍රකාශයක්, ඉතිහාසයේ ප්‍රථම වතාවට පොලිස් මාධ්‍ය ඒකකය විසින් මාධ්‍ය වෙත නිකුත් කර "ප්‍රසිද්ධ කර ඇතැයි" වීරවංශ මහතා මෙහිදී ප්‍රකාශ කළේය.

"පුවක්දණ්ඩාවේ සනා" නැමැති පුද්ගලයෙකු සම්බන්ධයෙන් මීට පෙර තමන් පළකළ තොරතුරු කීපයක් ගැන පසුගිය 9 වැනිදා තංගල්ල පොලීසියේ අපරාධ විමර්ශන ඒකකය වෙත ගොස් ලබා දුන් කට උත්තරය විකෘති කර වෙනස් කර මාධ්‍යවලට ලබා දී ඇතැයිද ඔහු චෝදනා කළේය.

"යම්කිසි පරීක්ෂණයක් අවසන් වන තුරා, පුද්ගලයෙකුගෙන් ගනු ලබන ප්‍රකාශයක් රහස්‍යභාවයකින් යුතුව තබා ගත යුතුයි. අපරාධ නඩුවිධාන සංග්‍රහයේ 110/3 වගන්තියෙන් මෙය මනාව තහවුරු වෙනවා. එසේ තිබියදී, පොලිසිය විසින්ම ප්‍රකාශයක් විකෘති කර හෝ නොකර ප්‍රසිද්ධියට පත් කළ පළමු අවස්ථාව මෙයයි" යැයි ඔහු අවධාරණය කළේය.

පොලිස් මාධ්‍ය ඒකකයේ මෙම ක්‍රියාව පොලිස්පතිවරයාගේ අනුදැනුම මත සිදුවූවක් බවට විමල් වීරවංශ මහතා සැක පහළ කළේය.

තංගල්ල පොලීසියට ලබා දුන් ප්‍රකාශයක් විකෘති කර මාධ්‍ය වෙත නිකුත් කිරීම සම්බන්ධයෙන් පොලිස් මාධ්‍ය ඒකකයට චෝදනා කළ වීරවංශ මහතා, පඹයකුට අන්දන්න බැරිනම් ඔය නිල ඇඳුම පොලිස්පතිවරයා කොස්තාපල්වරයෙකුට අන්දවා රාජකාරිය ඉටුකරන ලෙසටද අභියෝග කළේය.", ඔබට වඩා සුදුසු කොස්තාපල් කෙනෙකුට ඔය නිල ඇඳුම දෙන්න. ඔහු ඔබට වඩා හොඳින් පොලිස් දෙපාර්තමේන්තුවේ ගෞරවය රකීවි" යැයි පැවසීය.


 

තවදුරටත් අදහස් දැක්වූ ඔහු, පොලිස් දෙපාර්තමේන්තුව දැන් "අපරාධ පරීක්ෂණ දෙපාර්තමේන්තුව" නොවී "'අපහාස පරීක්ෂණ' දෙපාර්තමේන්තුව" බවට පත්ව ඇතැයිද කීවේය.

මෙම ක්‍රියාව සම්බන්ධයෙන් පොලිස් කොමිෂන් සභාවට පැමිණිලි කිරීමට බලාපොරොත්තු වන බවත්, හෙට (12) දින නීති උපදෙස් ලබාගෙන අධිකරණ ක්‍රියාමාර්ගයක් ගැනීමට සූදානම් බවත් වීරවංශ මහතා සඳහන් කළේය.

"මගේ ප්‍රකාශයෙන් අවමානයක්, අපහාසයක් හෝ කීර්ති නාමයට හානියක් වූයේ යැයි කියන කෙනෙක් අධිකරණයේ පිහිට පතන්න. පොලිස් දෙපාර්තමේන්තුවට මාව උසාවි ගෙනියන්න බෑ" යැයිද ඔහු අභියෝග කළේය.

රෝහල්වල බෙහෙත් නොමැතිකම වැනි රටේ දැවෙන ප්‍රශ්න තිබියදී ආණ්ඩුවත්, පොලීසියත් මේවාට උත්තර නොදී "නිල් පාට බස් එකෙන් ගොඩයන්නට" සිතා සිටින බවට විමල් වීරවංශ මහතා චෝදනා කළේය.

"නිල් පාට බස් එකෙන් ඕනවට වඩා ගොඩ යන්න කල්පනා කරන හැමෝටම වෙලා තියෙන්නේ, ඕගොල්ලන්ගේ රතු පාට බස් එක මහා විශාල ප්‍රපාතයකට ඇද වැටෙන එක විතරයි" යැයි පවසමින් වත්මන් ආණ්ඩුවට සහ ජනතා විමුක්ති පෙරමුණටද ඔහු අනතුරු ඇඟවීය.

ශ්‍රී ලංකා මහ බැංකුවට නව නියෝජ්‍ය අධිපතිවරු දෙදෙනකු  පත්කොට තිබේ.

සටහන -
රධිකා රත්නායක



ශ්‍රී ලංකාවේ පාර්ලිමේන්තුව තුළ අද ආණ්ඩුවට අතිවිශාල බලයක් තිබේ. ආසනවලින් වැඩිම ප්‍රමාණයක් ඔවුන් සතුය. ජනාධිපතිවරයාට ප්‍රබල විධායක බලයක් ඇත. මේ අතර, සම්ප්‍රදායික විපක්ෂ දේශපාලන පක්ෂ, සංඛ්‍යාත්මකව පමණක් නොව ජනතා විශ්වාසය අතින් ද ඉතාම දුර්වල තැනකට වැටී ඇත.

දශක ගණනාවක් පුරා, මෙම පැරණි පක්ෂ ඉටු නොකළ පොරොන්දු ලබා දුන්නේය. දූෂණ වංචා චෝදනා නිරන්තරයෙන් ඔවුන් පසුපස පැමිණියේය. සැබෑ ජනතා ප්‍රශ්න විසඳීම වෙනුවට ඔවුන් දේශපාලන ක්‍රීඩාවල නිරත වන අයුරු ජනතාව බලා සිටියහ. ටිකෙන් ටික, ජනතාව ඔවුන්ව විශ්වාස කිරීම නැවැත්වීය. අද ඔවුන් කතා කරන විට සවන් දෙන්නේ ස්වල්ප දෙනෙකි.

ඔවුන් උද්ඝෝෂණ සංවිධානය කරන විට සහභාගී වන්නේ කිහිප දෙනෙකි.

බැලූ බැල්මට මෙය ප්‍රජාතන්ත්‍රවාදයට නරක තත්ත්වයක් ලෙස පෙනී යයි. සැබෑ විපක්ෂයක් ඉතිරි වී නැති බවක් හැඟේ. ආණ්ඩුවෙන් ප්‍රශ්න කිරීමට කිසිවෙකු නැත. බලය වගකීමට ලක් කිරීමට කිසිවෙකු නැත. විපක්ෂයක් තිබිය යුතු තැන විශාල හිස් අවකාශයක් නිර්මාණය වී ඇති සෙයකි.

නමුත් සැබෑ කතාව එය නොවේ.

ශ්‍රී ලංකාව තුළ නව දෙයක් හැඩගැසෙමින් පවතී. එය මෙරට මින් පෙර කිසිදා දැක නොතිබූ ආකාරයේ විපක්ෂයකි. එයට දේශපාලන පක්ෂයක් නැත. නිල නායකයෙකු නැත. කාර්යාල ගොඩනැගිල්ලක් හෝ පක්ෂ මූලස්ථානයක් නැත. ඒ වෙනුවට, එය නිර්මාණය වී ඇත්තේ මයික්‍රෆෝන, යතුරුපුවරු සහ කැමරා අතට ගත් සාමාන්‍ය මිනිසුන්ගෙනි. නිවසේ සිට වැඩ කරන පොඩ්කාස්ට් ශිල්පීන්ගෙනි. අන්තර්ජාලය හරහා තම අදහස් බෙදාගන්නා ලේඛකයින්ගෙනි. තම පරිගණක තිරය මත ප්‍රබල රූප නිර්මාණය කරන කලාකරුවන්ගෙනි. තම අනන්‍යතාවය හෙළි නොකර සත්‍යය කතා කරන නිර්භීත හඬවල්ගෙනි.

මෙය, මහජන විපක්ෂයයි. එය මේ වන විට සියල්ල වෙනස් කරමින් සිටී.

 
මෙම ව්‍යාපාරයේ කේන්ද්‍රයේ සිටින්නේ තම වේදිකාවන් භාවිතා කරමින් වගවීම ඉල්ලා සිටින නිර්මාණකරුවන්ය. ඇතැම් අය රජයේ ප්‍රතිපත්ති හැමෝටම තේරෙන ලෙස සරලව විග්‍රහ කරන අතර, තවත් සමහරුන් ලියන ලිපි සමාජ මාධ්‍ය තුළ දහස් ගණන් වාරයක් බෙදා ගැනේ. තවත් අය සංකීර්ණ ආර්ථික දත්ත සාමාන්‍ය මිනිසුන්ට තේරෙන ලෙස පැහැදිලි කරන අතර, තවත් පිරිසක් කරුණු සහ හාස්‍යය මුසු කරමින් සැබෑ තත්ත්වය හෙළිදරව් කරති.

මේ අය මීළඟ මැතිවරණය එනතුරු බලා සිටින දේශපාලනඥයන් නොවේ. ඔවුන් සමාජ කතිකාවතට මාතෘකා සපයයි. ඔවුන් ඉතා වේගයෙන් ක්‍රියාත්මක වන අතර, බොහෝ විට උදෑසන පුවත්පත් මුද්‍රණය වීමටත් පෙර තොරතුරු ජනතාව වෙත ගෙන යයි. ඔවුන්ගේ චිත්‍රාගාර කුඩා විය හැකි වුවත්, ඔවුන්ට සවන් දෙන මිලියන ගණනක ජනතාවක් සිටිති. එක් පොඩ්කාස්ට් වැඩසටහනකට, පාර්ලිමේන්තුවේ සතියක විවාදයකට වඩා සැබෑ කතිකාවක් නිර්මාණය කළ හැකිය.

පැරණි මාධ්‍ය ආයතන තම අයිතිකරුවන්, වෙළඳ දැන්වීම්කරුවන් සහ දේශපාලන සම්බන්ධතා ගැන කනස්සලු වන විට, නව ඩිජිටල් ප්‍රවෘත්ති නාලිකා බිහි වී තිබේ. මෙම නාලිකා කුඩා සහ වේගවත්ය. සම්ප්‍රදායික මාධ්‍ය පසුබට කරවන පීඩනයන් ඔවුන්ට නැත. ඔවුන් අන් අය වාර්තා නොකරන පුවත් වාර්තා කරයි. බලවතුන් අපහසුතාවයට පත් කරන දැඩි ප්‍රශ්න අසයි. ඔවුන්ගේ පක්ෂපාතීත්වය ධනවත් අයිතිකරුවන්ට හෝ දේශපාලන මිතුරන්ට නොව, සත්‍යයට පමණි.

මෙම ව්‍යාපාරයේ තවත් සිත්ගන්නා සුළු කොටසක් නම් එහි නිර්මාණශීලී බලකායයි. සංකීර්ණ දේශපාලන ගැටලු ගෙන, ඒවා කවුරුත් තේරුම් ගන්නා අන්තර්ගතයන් බවට පත් කරන කලාකරුවන් සහ සන්නිවේදකයන් මෙහි සිටී. තරුණ ග්‍රැෆික් නිර්මාණ ශිල්පීන් දූෂණ වංචා සරල රූප සටහන් මගින් පැහැදිලි කරන නිර්මාණ බිහි කරයි. පැය කිහිපයක් ඇතුළත, මෙම රූප සමාජ මාධ්‍ය පුරා පැතිර යමින්, දීර්ඝ විමර්ශන වාර්තාවක් කිසිදා නොකියවන දහස් ගණනකට කාරණය පහදා දෙයි.

සෑම ජනප්‍රිය සටහනක් සහ වැදගත් පණිවිඩයක් පිටුපසම නිහඬව වැඩ කරන චින්තකයෝ සිටිති. මෙම පර්යේෂකයන් සහ විශ්ලේෂකයෝ ව්‍යාපාරය ශක්තිමත් කරන කරුණු සහ තර්ක සපයති. ඔවුන්ට කීර්තියක් අවශ්‍ය නැත. ඔවුන් කරුණු තහවුරු කරන්නේ යමක් ප්‍රසිද්ධියට පත් වීමට පෙරය. ඔවුන් කෝපය, තර්කයක් බවටත්; හැඟීම්, සාක්ෂි බවටත් පත් කරයි.

මෙම ව්‍යාපාරයේ ඇති විශේෂත්වය වන්නේ එය ක්‍රියාත්මක වන ආකාරයයි - එනම්, සාමාන්‍ය සංවිධානයකින් තොරව ක්‍රියාත්මක වීමයි. වසා දැමීමට ප්‍රධාන කාර්යාලයක් නැත. බිය ගැන්වීමට තනි නායකයෙක් නැත. අත්හිටුවීමට බැංකු ගිණුමක් නැත. මෙම ව්‍යාපාරය පවතින්නේ බොහෝ ස්වාධීන පුද්ගලයන් සහ කුඩා කණ්ඩායම් ලෙසය. ඔවුන් සියල්ලෝම එකම දිශාවකට ගමන් කරති. මෙම විකේන්ද්‍රගත ව්‍යුහය එහි දුර්වලකමක් නොව ශක්තියකි. එක් හඬක් නිහඬ කිරීමට උත්සාහ කරන විට, තවත් හඬවල් දහයක් නැගී සිටියි.

මෙම ව්‍යාපාරයේ සුන්දරත්වය නම්, කිසිදු විධිමත් එකඟතාවයකින් තොරව, මිනිසුන් ස්වභාවිකවම එකට වැඩ කිරීමයි. පොඩ්කාස්ට් ශිල්පියෙක් සැකකටයුතු රාජ්‍ය වියදමක් ගැන හෙළිදරව්වක් ප්‍රකාශයට පත් කරයි. පැය කිහිපයක් ඇතුළත, ග්‍රැෆික් නිර්මාණ ශිල්පීන් එම සංඛ්‍යා ලේඛන පෙන්වන රූප නිර්මාණය කර අවසන්ය. එදින සවස් වන විට, අනෙකුත් නිර්මාණකරුවන් තම නාලිකාවල ඒ ගැන සාකච්ඡා කරමින්, තමන්ගේම අදහස් එකතු කරති. ඔවුන් ඊර්ෂ්‍යාවකින් තොරව එකිනෙකාගේ නිර්මාණ බෙදා හදා ගනී. එහි ප්‍රතිඵලය වන්නේ, කුඩා ගරිල්ලා බලකායක් මෙන් වේගයෙන් ගමන් කරන නමුත්, මහා ව්‍යාපාරයක් මෙන් ජනතාව වෙත ළඟා වන එක්සත් විපක්ෂයකි.

මෙම ව්‍යාපාරය හුදෙක් දේවල් විනාශ කිරීමට හෝ අවුල් ඇති කිරීමට උත්සාහ කරන බවට ඇතැමුන් චෝදනා කරයි. නමුත් එය සම්පූර්ණයෙන්ම වැරදි අදහසකි. ඔවුන්ගේ අරමුණ ආණ්ඩුව අසාර්ථක කිරීම නොව, ආණ්ඩුව අවංක තැනකට ගෙන ඒමයි. මෙම වෙනස ඉතා වැදගත්ය. ඇමතිවරුන් ජනතාවට කැපකිරීම් කරන්නැයි කියමින්, තමන් මිල අධික රාජ්‍ය සුඛෝපභෝගී සැප සම්පත් භුක්ති විඳින විට, මොවුන් එම කුහකකම හෙළිදරව් කරයි. රාජ්‍ය නිලධාරීන් පැහැදිලි බොරු කියන විට, ඔවුන් සත්‍ය කරුණු ඉදිරිපත් කරයි. මහජන මුදල් පැහැදිලි කිරීමකින් තොරව අතුරුදහන් වූ විට, එයට සිදු වූයේ කුමක්දැයි ඔවුන් ප්‍රශ්න කරයි.

මෙම මිනිසුන් මෙතරම් නිර්භීත ඇයි? බලවත් දේශපාලනඥයන්ට ඔවුන් බිය නොවන්නේ ඇයි? පිළිතුර සරලය: ඔවුන් දන්නවා ජනතාව ඔවුන් සමඟ සිටින බව. ඔවුන් කතා කරන්නේ තමන්ගේ පෞද්ගලික මතය නොව, මිලියන සංඛ්‍යාත සාමාන්‍ය පුරවැසියන් සිතන නමුත් ප්‍රසිද්ධියේ කිව නොහැකි දේය. ඔවුන් හඬක් නගන්නේ, බොරුවලින් හෙම්බත් වී සිටින සාමාන්‍ය මිනිසුන්ගේ හිතේ තියෙන කලකිරීමට, කෝපයට සහ බලාපොරොත්තුවලටයි. මෙම මහජන සහයෝගය ඔවුන්ගේ පලිහයි.

ඔබ බහුතරය වෙනුවෙන් කතා කරන විට, බහුතරය ඔබව ආරක්ෂා කරයි.

ශ්‍රී ලංකාව අද ඓතිහාසික දෙයක් අත්විඳිමින් සිටී. රට පැරණි, පක්ෂ මත පදනම් වූ විපක්ෂයක සිට, ජනතාව කේන්ද්‍ර කරගත්, ඩිජිටල් යුගයෙන් උපන් නව විපක්ෂයකට මාරු වී ඇත. මෙම මාරුව, ප්‍රජාතන්ත්‍රවාදය ක්‍රියාත්මක වන ආකාරයේ වැදගත් පරිණාමයක් සනිටුහන් කරයි. සම්ප්‍රදායික දේශපාලන පක්ෂ ජනතා අවශ්‍යතා නියෝජනය කිරීම නැවැත්වූ විට, ජනතාව තම හඬ ඇසීමට සැලැස්වීමට නව ක්‍රම සොයා ගන්නා බවට මෙය කදිම උදාහරණයකි. මෙය තාවකාලික දෙයක් නොවේ. මෙය පුරවැසියන් දේශපාලනය සමඟ ගනුදෙනු කරන නව ආකෘතියයි.

එය ප්‍රජාතන්ත්‍රවාදය පිළිබඳ මූලික සත්‍යයක් ඔප්පු කරයි: අවසානයේදී, සැබෑ විපක්ෂය යනු දේශපාලන පක්ෂයක් නොව, ජනතාවගේ හෘද සාක්ෂියයි.

අද ශ්‍රී ලංකාවේ, ඒ හෘද සාක්ෂිය අවදියෙන්, එකිනෙකා හා සම්බන්ධ වෙමින්, කිසිසේත් නොසලකා හැරිය නොහැකි බලවේගයක් බවට පත්ව තිබේ.

සටහන -
රධිකා රත්නායක 

අදියර දෙකකින් සමන්විත ආසියානු සත් සාමාජික රග්බි තරගාවලියේ ශ්‍රී ලංකාව සත්කාරකත්වය දරන දෙවැනි අදියර සඳහා ශ්‍රී ලංකා පිරිමි සහ කාන්තා අවසන් සංචිත නම්කර ඇති අතර පළමු අදියරේ නයකත්වය දැරූ කවිඳු පෙරේරා සහ රන්දිකා කුමුදුමලී විසින් මෙම අදියර සඳහා ද නායකත්වය දරනු ලැබේ.

 නවසීලන්ත ජාතික පුහුණුකරු රොඩ්නි ගිබ්ස් ශ්‍රී ලංකාවේ ප්‍රධාන පුහුණුකරු ලෙසත්, ශම්ලි නවාස් සහාය පුහුණුකරු ලෙසත් කටයුතු කරයි.

තරගාවලියේ පළමු අදියර ඉකුත් සැප්තැම්බර් මස චීනයේදී පැවැති අතර ඒ සඳහා ක්‍රීඩා කළ ශ්‍රී ලංකා සංචිතයේ වෙනස්කම් කිහිපයක් මේ වන විට සිදුව ඇත. අත්දැකීම් බහුල ක්‍රීඩක ශ්‍රීනාත් සූරියබණ්ඩාර මෙවර කණ්ඩායම සමගින් එක්වී තිබීම ශ්‍රී ලංකා කණ්ඩායමට ප්‍රබල ශක්තියක් වන අතර ඊට අමතරව හේෂාන් ජැන්සන්, දිලුක්ෂ දංගේ, ක්‍රිස් දාබරේ සහ චමෝද් මුතුනායකට සංචිතයේ අවස්ථාව හිමිවී ඇත.

පළමු අදියරේදී අතිරේක ක්‍රීඩකයන් වූ යෙහාන් බුලත්සිංහල සහ කලණ චමුදිතට ද සංචිතයේ අවස්ථාව හිමිවී ඇත. පළමු අදියර සඳහා ක්‍රීඩා කළ ශාහිඩ් සුම්රි හට ආබාධයක් හේතුවෙන් තරගාවලිය මගහැරෙන අතර ජනිත් මාරසිංහ, ආරොන් කොරෙයා, ජයතු රාජරත්න සහ නාලන් දේශප්‍රිය හට ද සංචිතයේ අවස්ථාව අහිමිවී තිබේ.

තරගාවලිය සඳහා රටවල් 15ක් නියෝජනය කරමින් පිරිමි කණ්ඩායම් 12ක් සහ කාන්තා කණ්ඩායම් 12ක් සහභාගි වන අතර ශ්‍රී ලංකා පිරිමි කණ්ඩායම 'සී' කාණ්ඩයෙන් ද කාන්තා කණ්ඩායම 'එෆ්' කාණ්ඩයෙන් ද තරග කිරීමට නියමිතය. මූලික වටයේදී ශ්‍රී ලංකා කණ්ඩායම 'සී' කාණ්ඩයේ සෙසු කණ්ඩායම් වන චීනය, උස්බෙකිස්තානය සහ සිංගප්පූරුව සමගින් තරගය බැගින් ක්‍රීඩා කිරීමට නියමිතව ඇත. කාන්තා කණ්ඩායම සිය මූලික වටයේදී තායිලන්තය, හොංකොං සහ සිංගප්පූරුව සමගින් තරග කිරීමට නියමිතය.

තරගාවලියේ මූලික වටයේදී කාණ්ඩ 3හි පළමු ස්ථාන 3 දිනාගන්නා කණ්ඩායම් අවසන් පූර්ව වටයට සුදුසුකම් ලබන අතර අනතුරුව දෙවැනි ස්ථාන දිනා ගන්නා කණ්ඩායම් අතරින් හොඳම කණ්ඩායම ද අවසන් පූරුව වටයට තෝරා ගනු ඇත.

තරගාවලිය එළැබෙන 18 සහ 19 දිනවල කොළඹ තුරඟ තරග පිටියේදී පැවැත්වීමට සැලසුම් කර ඇත. හැන්ග්සොව් හිදී පැවැති පළමු අදිරයේදී නවක ක්‍රීඩකයන් වැඩි ප්‍රමාණයකින් සමන්විත වූ ශ්‍රී ලංකා පිරිමි කණ්ඩායම සිව්වැනි ස්ථානය දිනා ගැනීමට සමත් වූ අතර කාන්තා කණ්ඩායමට 9වැනි ස්ථානය හිමි විණි.


ශ්‍රී ලංකා පිරිමි සංචිතය

කවිඳු පෙරේරා (නායක), ශ්‍රීනාත් සූරියබණ්ඩාර, ගයාන් පෙරේරා, ජනිඳු දිල්ෂාන්, දිනාල් ඒකනායක, හේෂාන් ජැන්සන්, දිලුක්ෂ දංගේ, ආකාෂ් මදුශංක, මොහොමඩ් රිෆාන්, සුරංග තෙන්නකෝන්, චතුර සොයිසා, යෙහාන් බුලත්සිංහල, කලණ චමුදිත, ක්‍රිස් දාබරේ, චමෝද් මුතුනායක


ශ්‍රී ලංකා කාන්තා සංචිතය

රන්දිකා කුමුදුමලී (නායිකා) සංජු විජේතිලක, ජයන්ති කුමාරි, සංදිකා හේමකුමාරි, ශානිකා මදුමාලි, දිල්කි සත්සරණි, දිලිනි කාංචනා, චරනි ලියනගේ, සරනි නයනතාරා, කාංචනා මහේන්ද්‍රන්, ලියාරා ජයසිංහ, නිරායා ජයසිංහ, හෙකාශිනී ක්‍රිශ්නකුමාරි

| aruna

2025 මිස් යූනිවර්ස් ශ්‍රී ලංකා ලෙස කිරුළු පැළඳි ලිහාෂා ලින්ඩ්සේ-වයිට් ඉකුත් ඔක්තෝබර් 19 වැනිදා තායිලන්තයේ බැංකොක් නුවර කුලී රථයකින් ගමන් කරමින් සිටියදී අස්ථානගත වූ ඇගේ කිරුළ යළි හමුවී ඇතැයි වාර්තා වේ.

ශ්‍රී ලංකා රේගුව විසින් මෙම වසරේදී එකතු කරන ලද බදු ආදායම ඊයේ දින (30) සවස වනවිට රුපියල් ට්‍රිලියන දෙකේ කඩඉම ඉක්මවා ගියේය.

ශ්‍රී ලංකාභිමාන්‍ය ලෙස්ටර් ජේම්ස් පීරිස් (උපත 1919 අප්‍රේල් 5) ජාත්‍යන්තර ගෞරවයට පාත්‍ර වූ ශ්‍රී ලාංකික චිත්‍රපට අධ්‍යක්ෂකවරයෙකු, තිර රචකයකු සහ චිත්‍රපට නිෂ්පාදකවරයෙකි. 1949 සිට ඔහු චිත්‍රපට 28කට වඩා නිෂ්පාදනය කර ඇත.

(සටහන - සිරිමලී ලියනගම)
Sirimali Liyanagama
This email address is being protected from spambots. You need JavaScript enabled to view it.


ශ්‍රී ලංකාව අද වන විට කලාපීය සහ ගෝලීය බලවතුන්ගේ උපායමාර්ගික මර්මස්ථානයක් බවට පත්ව ඇත. බංකොලොත් වූ ආර්ථිකය හේතුවෙන් ජාත්‍යන්තර මූල්‍ය අරමුදල (IMF) වෙත යොමුවීමත්, චීන ණය සහන ලබා ගැනීමට ඇති අවශ්‍යතාවත්, ඉන්දු-පැසිෆික් කලාපයේ බලතුලනය පවත්වා ගැනීමේදී ඉන්දියාව සහ ඇමෙරිකාව ප්‍රමුඛ සන්ධානය ඉටු කරන භූමිකාවත් නිසා අපගේ ජාතික ස්වාධීනත්වය දැඩි පරීක්ෂාවකට ලක්ව ඇත.

භූ-දේශපාලන කඹ ඇදිල්ල:

චීන ණය, ඉන්දු-ජපන් ආරක්ෂක ව්‍යාපෘති සහ
උපායමාර්ගික ස්වාධීනත්වයේ දැවෙන ප්‍රශ්නය


කොළඹ වරායේ නැගෙනහිර ජැටිය (ECT) සම්බන්ධයෙන් 2019-2020 කාලයේ ඉන්දියාව සහ ජපානය කළ ආයෝජන උත්සාහය, ජනතා විමුක්ති පෙරමුණ (JVP) මූලික කරගත් සේවක විරෝධතා හේතුවෙන් අසාර්ථක විය. නමුත් ඉන් පසු ඉන්දියාව, අදානි සමූහය හරහා කොළඹ බටහිර ජැටිය (WCT) ලබා ගැනීමෙන් සහ ජපානයේ ප්‍රධාන කොටස්කරුවා වූ කොළඹ ඩොක්යාඩ් සමාගමේ පාලන අයිතිය පවා ඇමෙරිකානු ඩොලර් මිලියන 52.96කට හිමිකර ගැනීමෙන්, කලාපීය බලවතුන් ශ්‍රී ලංකාවේ ස්ථිර ලෙස ස්ථානගත වී ඇති බව සනාථ කරයි.

චීනය හම්බන්තොට දෙසටත්, ඉන්දියාව ත්‍රිකුණාමලය දෙසටත් තම මර්මස්ථාන කේන්ද්‍ර කරන පසුබිමක, ශ්‍රී ලංකාවට සිය උපාය මාර්ගික ස්වාධීනත්වය ආරක්ෂා කරගත හැකි හොඳම ක්‍රමය වන්නේ සමබර සහ තීක්ෂණ විදේශ ප්‍රතිපත්තියක් අනුගමනය කිරීමයි.


ජපානයේ OSA වැඩසටහනේ භූ-දේශපාලන අර්ථය


2025 සැප්තැම්බර් 29 වන දින ටෝකියෝ නුවරදී ශ්‍රී ලංකාව සහ ජපානය අතර අත්සන් කරන ලද 'නිල ආරක්ෂක සහය' [Official Security Assistance (OSA)] ගිවිසුම මෙම භූ-දේශපාලන අරගලයේ නවතම සහ වැදගත්ම සන්ධිස්ථානයයි. රුපියල් බිලියනයක (යෙන් මිලියන 500) මෙම ව්‍යාපෘතිය යටතේ ශ්‍රී ලංකා නාවික හමුදාවට ලැබීමට නියමිත නවීන නියමුවන් රහිත ගුවන් යානා (UAVs), හුදෙක් ආධාරයක් නොව, ජපානයේ නව ජාතික ආරක්ෂක උපාය මාර්ගය මත පදනම් වූ දේශපාලන ක්‍රියාවලියකි.

ශ්‍රී ලංකාව සහ ජපානය අතර අත්සන් කරන ලද 'නිල ආරක්ෂක සහය' [Official Security Assistance (OSA)] ගිවිසුම

විදෙස් මාධ්‍ය වාර්තා කරන්නේ,

*ඉන්දු-පැසිෆික් උපාය මාර්ගය (FOIP): ජපාන විදේශ අමාත්‍යාංශය නිකුත් කළ නිල නිවේදනවලට අනුව, මෙම OSA ව්‍යාපෘතිය අරමුණු කරන්නේ ඉන්දු-පැසිෆික් කලාපයේ සාමය සහ ස්ථාවරත්වය පවත්වා ගැනීම සහ ශ්‍රී ලංකාවේ ආරක්ෂක සහ විකර්ෂණ හැකියාවන් වැඩි දියුණු කිරීමයි. මෙය, "නිදහස් හා විවෘත ඉන්දු-පැසිෆික්" (Free and Open Indo-Pacific - FOIP) සංකල්පය යටතේ ජපානය, ඇමෙරිකාව සහ QUAD සන්ධානය චීනයේ වර්ධනය වන බලපෑමට එරෙහිව කලාපීය ආරක්ෂක විධිවිධාන ශක්තිමත් කිරීමේ පැහැදිලි උත්සාහයකි.


*ODA සිට OSA දක්වා වෙනස: ජපානය මීට පෙර ශ්‍රී ලංකාවට ලබා දුන්නේ නිල සංවර්ධන ආධාර (ODA) වුවද, OSA වැඩසටහන ආරම්භ කිරීමෙන් පෙන්වා දෙන්නේ ජපාන විදේශ ආධාර ප්‍රතිපත්තියේ ආරක්ෂාව සහ ආර්ථික ආරක්ෂාව පිළිබඳ අවධාරණය ඉහළ ගොස් ඇති බවයි. මෙය ශ්‍රී ලංකාව ඇමෙරිකානු යුද යාන්ත්‍රණයේ ක්‍රියාකාරී සාමාජිකයකු වන ජපානය සමඟ නව ආරක්ෂක සහයෝගීතා අවධියකට පිවිසීමක් ලෙස සැලකිය හැකිය.


*⁠නව රජයේ දිශානතිය: අනුර කුමාර දිසානායක ජනාධිපතිවරයාගේ නායකත්වයෙන් යුත් නව රජය, 2025 අප්‍රේල් මාසයේදී ඉන්දියාව සමඟ අවබෝධතා ගිවිසුම් හතකට අත්සන් කිරීමෙන් (එහි ආරක්ෂක ගිවිසුමක් ද ඇතුළත් විය) සහ ඉන්පසු ජපානය සමඟ මෙම OSA ගිවිසුමට අත්සන් කිරීමෙන්, ප්‍රතිපත්තිමය වශයෙන් බටහිර කණ්ඩායම සමඟ සමීප සබඳතාවක් ගොඩනඟා ගැනීමට පියවර ගනිමින් සිටින බව පැහැදිලිය.


ඉන්දීය විදේශ ප්‍රතිපත්තියේ 'ගාසා හි තත්වය' සහ ශ්‍රී ලංකාවට ඇති බලපෑම


කලාපීය බලවේග අතර විරසකයන් ශ්‍රී ලංකාවේ ස්වාධීනත්වයට අවස්ථාවක් සපයයි. විශේෂයෙන්ම, ඉන්දියාව සහ ඇමෙරිකාව අතර රුසියාව, චීනය සහ පාකිස්තානය සම්බන්ධයෙන් යම් මතභේද පවතින බව රහසක් නොවේ.


*මෝදිගේ 'යුදෙව්-පලස්තීන' සමතුලිතය: මෑතකදී ඉන්දීය අගමැති නරේන්ද්‍ර මෝදි ඇමෙරිකානු ජනාධිපති ඩොනල්ඩ් ට්‍රම්ප්ගේ ගාසා සාම වැඩපිළිවෙල වහාම පිළිගැනීම, ඉන්දියාවේ සාම්ප්‍රදායික පලස්තීන හිතකාමී ප්‍රතිපත්තියෙන් වෙනස්වීමක් ලෙස විදේශීය විශ්ලේෂකයෝ සලකති. මෝදි සිය සහාය ඉංග්‍රීසි, අරාබි, හීබෲ ඇතුළු භාෂා හතකින් ප්‍රකාශ කිරීම, නවදිල්ලිය දැන් ඇමෙරිකාව සහ ඊශ්‍රායලය සමඟ ඇති ආරක්ෂක සහ තාක්ෂණික බැඳීම් ශක්තිමත් කරමින්, ගෝලීය රාමුව තුළ මැදිහත් වීමට ඇති කැමැත්ත පෙන්වයි.

*ශ්‍රී ලංකාවේ අවකාශය: මෙම තත්ත්වය ශ්‍රී ලංකාවට වැදගත් වන්නේ, ඉන්දියාව සහ ඇමෙරිකාව QUAD කණ්ඩායම තුළ සිටියත්, ඔවුන්ගේ උපායමාර්ගික අවශ්‍යතා සියල්ලේදී සම්පූර්ණයෙන්ම එකඟ නොවන බැවිනි. ඉන්දියාවේ මෙම 'බහු-පාර්ශ්වික සමතුලිතය' (Israel-Palestine-USA-Russia) හරහා ශ්‍රී ලංකාවට, ඉන්දීය සාගරයේ තමන්ගේ අවශ්‍යතා ඉස්මතු කරමින්, දෙපාර්ශ්වයම සමතුලිතව කළමනාකරණය කර ගැනීමට ඇති රාජ්‍යතාන්ත්‍රික අවකාශය පුළුල් වේ.


උපායමාර්ගික ස්වාධීනත්වයේ මාර්ගය


ශ්‍රී ලංකාව වැනි කුඩා රටකට මෙම ගෝලීය බල අරගලයෙන් මිදීමට ඇති එකම සාර්ථක මාර්ගය වන්නේ පූර්ණ ස්වාධීනත්වයක් නොව, උපායමාර්ගික ස්වාධීනත්වය (Strategic Autonomy) ය.


1.⁠ ⁠සමබරතාව සහ විනිවිදභාවය: චීන සහ ඉන්දීය-බටහිර කඳවුරු දෙකම අත්‍යවශ්‍ය හවුල්කරුවන් ලෙස සලකමින්, කිසිවෙකුට වරාය හෝ ආරක්ෂක කටයුතුවල ඒකාධිකාරයක් ලබා නොදී, සියලු ගිවිසුම් පාර්ලිමේන්තුවේ අධීක්ෂණයට යටත් කිරීම. (ඉන්දියාව සමඟ අත්සන් කළ ගිවිසුම් පාර්ලිමේන්තුවට ඉදිරිපත් නොකිරීම වැනි කාරණා වහා නිවැරදි කිරීම අත්‍යවශ්‍ය වේ).

2.⁠ ⁠ආර්ථික ස්වයංපෝෂිතභාවය: ණය සහ විදේශ ආධාර මත යැපීම අවම කරමින්, කඩිනම් ආර්ථික ප්‍රතිසංස්කරණ තුළින් මූල්‍යමය ස්වාධීනත්වය තහවුරු කර ගැනීම. (මෙය නොමැතිව කිසිදු උපායමාර්ගික ස්වාධීනත්වයක් පවත්වා ගත නොහැක.)

3.⁠ ⁠ජාතික අවශ්‍යතාවට මුල් තැන: ඕනෑම බලවතෙකුගේ මිත්‍රත්වයකට ප්‍රතිචාර දැක්විය යුත්තේ, එමගින් ශ්‍රී ලංකාවේ දිගුකාලීන ජාතික ආරක්ෂාව, ස්වෛරීත්වය සහ ආර්ථික දියුණුව තහවුරු කරන්නේ නම් පමණි.


මෙම අතිශය තීරණාත්මක භූ-දේශපාලන මොහොතේ, ශ්‍රී ලංකාව ජපානයෙන් OSA ලබා ගනිමින් සහ ඉන්දියාවට වරාය ව්‍යාපෘති ලබා දෙමින්, බටහිර සන්ධානය සමඟ සමීප වෙමින් සිටින බව පෙනේ. මෙම ගමන් මඟේදී චීනයේ ප්‍රතිචාරය සහ දේශීය වශයෙන් ඇතිවන බලපෑම් කළමනාකරණය කර ගැනීම නව රජයට ඇති දැවැන්ත අභියෝගය වනු ඇත.


මීළඟ කොටසින් -

ශ්‍රී ලංකාවේ විදේශ ආයෝජන ප්‍රතිපත්ති ක්‍රියාත්මක කිරීමේදී නොගැළපෙන ස්වභාවයක් දක්නට ලැබෙන බව අමෙරිකානු රාජ්‍ය දෙපාර්තමේන්තුව පවසයි.

2025 වසරට අදාළව ශ්‍රී ලංකාවේ ආයෝජන පසුබිම පිළිබඳව වාර්තාවක් නිකුත් කරමින් එම දෙපාර්තමේන්තුව පෙන්වා දෙන්නේ, ජාතික ජන බලවේග ආණ්ඩුවේ ජ්‍යෙෂ්ඨ රාජ්‍ය නිලධාරීන් නිතිපතා පුද්ගලික අංශය ප්‍රමුඛ ආර්ථික වර්ධනය විවේචනය කරන බවයි.

එහිදී ජාතික ජන බලවේග ආණ්ඩුව ජාත්‍යන්තර මූල්‍ය අරමුදල සමග සහයෝගයෙන් කටයුතු කරමින් ආයෝජකයින්ට සහතිකයක් ලබාදුන්න ද, ආණ්ඩුවේ අතීතයේ සිට පැවත එන බටහිර විරෝධී, මාක්ස්වාදී බලපෑම් සහිත මතවාද හේතුවෙන් ආයෝජකයින් බොහෝ දෙනෙක් ශ්‍රී ලංකාවේ ආයෝජනය කිරීම සම්බන්ධයෙන් සැකයෙන් පසුවන බවද එම වාර්තාවේ දැක්වේ.

එමෙන්ම, ශ්‍රී ලංකාවේ විදේශ ආයෝජන ප්‍රතිපත්ති ක්‍රියාත්මක කිරීමේදී නොගැළපෙන ස්වභාවයක් දක්නට ලැබෙන බව ප්‍රකාශ කරන ඇමෙරිකානු දෙපාර්තමේන්තුව, පෙන්වා දෙන්නේ ශ්‍රී ලංකා ආයෝජන මණ්ඩලය ප්‍රධාන ආයෝජන ප්‍රවර්ධන නියෝජිතායතනය වුවද, ඔවුන් සමග ස්ථාවර සහ විවෘත සංවාදයක් පවත්වා ගැනීම අභියෝගයක් වී ඇති බවයි.


වරප්‍රසාද ලත් කණ්ඩායම් විසින් ආරක්ෂා කරන ලද අංශ තුළ ආයතනික දූෂණය දිගටම...


ශ්‍රී ලංකාවේ ආයෝජනය කිරීමට පවතින සෙසු ගැටලු‍ ලෙස අනවශ්‍ය නියාමනයන්, නෛතික අවිනිශ්චිතතාවය, සහ දුර්වල ලෙස නිලධාරින් ප්‍රතිචාර දැක්වීම ද එහි දක්වා ඇත.

එමෙන්ම ඉන්දීය සමාගමක් වන අදානි හරිත බලශක්තිය ශ්‍රී ලංකාවේ උතුරු පළාතේ ඩොලර් මිලියන 400 ක පුනර්ජනනීය බලශක්ති ව්‍යාපෘතියකින් ඉවත් වූ බවත් එයට ඔවුන් හේතුව ලෙස දක්වා ඇත්තේ කලින් ප්‍රදානය කළ කොන්ත්‍රාත්තුවක් නැවත සාකච්ඡා කිරීමට ශ්‍රී ලංකා රජය දැරූ උත්සාහයන් බවටත් අදාළ වාර්තාවේ සඳහන්.

ජනාධිපතිවරයා දූෂණය තුරන් කිරීමට සහ රාජ්‍ය විනිවිදභාවය වැඩි දියුණු කිරීමට ප්‍රසිද්ධියේ ප්‍රතිඥා දී ඇති බවත් නව පරිපාලනය යටතේ ඉහළ මට්ටමේ දේශපාලන අල්ලස් ඉල්ලීම් අඩුවී ඇති බවත් නිරීක්ෂණය වී තිබුණද, විශේෂයෙන් තහවුරු වූ වරප්‍රසාද ලත් කණ්ඩායම් විසින් ආරක්ෂා කරන ලද අංශ තුළ ආයතනික දූෂණය දිගටම සිදු කරගෙන යන බව ද අදාළ වාර්තාවේ සඳහන් වේ.


Exclusive: US Labels Sri Lanka Unfit for Foreign Investment

ශ්‍රී ලංකාව, ජාතික දේශසීමාවට ඔබ්බෙන් පිහිටි ප්‍රදේශවල සමුද්‍ර ජෛව විවිධත්ව සංරක්ෂණය සහ තිරසාර භාවිතය සම්බන්ධයෙන් වන සාගර නීතිය පිළිබඳ එක්සත් ජාතීන්ගේ සම්මුතියේ රාජ්‍ය පාර්ශ්වකරුවෙකු බවට පත් වෙමින් ඒ පිළිබඳ අපරානුමත ලේඛනය ඊයේ (16) එක්සත් ජාතීන්ගේ සංවිධානය වෙත ඉදිරිපත් කළ බව විදේශ කටයුතු, විදේශ රැකියා සහ සංචාරක අමාත්‍යාංශය දැනුම් දෙයි.

ජාතික දේශසීමාවට ඔබ්බෙන් පිහිටි ප්‍රදේශවල සමුද්‍ර ජෛව විවිධත්ව සංරක්ෂණය සහ තිරසාර භාවිතය පිළිබඳ ගිවිසුම අපරානුමත කිරීම, සමුද්‍රීය පාලනය සම්බන්ධයෙන් ශ්‍රී ලංකාවේ අඛණ්ඩ නායකත්වයේ තවත් සන්ධිස්ථානයක් සනිටුහන් කරන බව නිවේදනයක් නිකුත් කරමින් අමාත්‍යාංශය දැනුම් දී තිබේ.

එමෙන්ම 1982 වසරේදී සාගර නීතිය පිළිබඳ එක්සත් ජාතීන්ගේ සම්මුතිය (UNCLOS) වැඩි දියුණු කිරීමේ සඳහා ලබා දුන් නායකත්වය ඇතුළුව ශ්‍රී ලංකාව ජාත්‍යන්තර සමුද්‍රීය පාලනයේ වැදගත් කාර්යභාරයක් ඉටු කර ඇති බවද එහි සඳහන් වේ.

ආරම්භයේ සිටම ජාතික දේශසීමාවට ඔබ්බෙන් පිහිටි ප්‍රදේශවල සමුද්‍ර ජෛව විවිධත්ව සංරක්ෂණය සහ තිරසාර භාවිතය පිළිබඳ ගිවිසුම් සාකච්ඡාවල ශ්‍රී ලංකාව ක්‍රියාකාරීව නිරත වී ඇති බව පැවසේ.

සංවර්ධනය වෙමින් පවතින රටක් ලෙස, මානව වර්ගයාගේ යහපත උදෙසා සමුද්‍රීය සම්පත් සඳහා සාධාරණ ප්‍රවේශයක් ලබා දීම සහ ආරක්ෂාව සැපයීම සම්බන්ධයෙන් වන ජාත්‍යන්තරව හඳුනා ගැනීමේ මෙම ඓතිහාසික ගමන් මඟෙහි පාර්ශ්වකරුවෙකු වීම සම්බන්ධයෙන් ශ්‍රී ලංකාව අභිමානයට පත් වේ.

ශ්‍රී ලංකාව, අනෙකුත් සංවර්ධනය වෙමින් පවතින රටවල් සමඟ, ගිවිසුම ක්‍රියාත්මක කිරීම, ජාතික දේශසීමාවට ඔබ්බෙන් පිහිටි ප්‍රදේශවල සමුද්‍ර ජෛව විවිධත්ව සංරක්ෂණය සහ තිරසාර භාවිතය වැඩි දියුණු කිරීමේ මාධ්‍යයක් ලෙස සලකයි.

ජාතික දේශසීමාවට ඔබ්බෙන් පිහිටි ප්‍රදේශවල සමුද්‍ර ජෛව විවිධත්ව සංරක්ෂණය සහ තිරසාර භාවිතය පිළිබඳ ගිවිසුම අනුමත කිරීමෙන්, ජාතික දේශසීමාවට ඔබ්බෙන් පිහිටි ප්‍රදේශවල සමුද්‍ර ජාන සම්පත් (MGRs) සහ ඩිජිටල් අනුක්‍රමික තොරතුරු (DSI) වැනි සම්පත් සාධාරණ හා සමාන ලෙස බෙදා ගැනීම තුලින් ප්‍රතිලාභ ලබා ගැනීමට ශ්‍රී ලංකාවට අවස්ථාව සැලසෙනු ඇත.

මෙම ගිවිසුම මගින් ශාක්‍යතා සංවර්ධනය සහ සමුද්‍රීය තාක්ෂණ හුවමාරු කිරීම් සඳහා ප්‍රමුඛත්වය ලබා දෙන අතර, සමුද්‍ර ජෛව විවිධත්ව සංරක්ෂණය හා තිරසාර භාවිතය සඳහා ශ්‍රී ලංකාව වැනි සංවර්ධනය වෙමින් පවතින රටවලට තම හැකියාවන් වැඩි දියුණු කරගැනීමට අවස්ථාවන් සපයයි.

එපමණක් නොව, ජෛව විවිධත්වය ආරක්ෂා කිරීම, දේශගුණික විපර්යාසවලට මුහුණ දීමේ හැකියාව වර්ධනය කිරීම සහ තිරසාර සංවර්ධන ඉලක්ක සාක්ෂාත් කර ගැනීම සඳහා ශ්‍රී ලංකාවට අනෙකුත් ජාතීන් සමඟ සාමූහිකව කටයුතු කිරීමට ද මෙමඟින් හැකියාව සැලසෙන බව එම නිවේදනයේ වැඩිදුරටත් සඳහන් වේ.

Ada derana.lk

පසුගියදා එක්සත් රාජධානියේ පැවති GB Ultras විසින් සංවිධාන කල Snowdon Ultra 50 mile 2025 Trail Running ඉසව්ව පැවති අතර. මෙම තරගය UK වේල්ස් වල උසම කන්ද වන මුහුදු මට්ටමේ සිට මීටර් 1085m ක උසින් ඇති Yr Wyddfa (Snowdon) කන්ද සහ තවත් කදු දෙකක් හරහා පැවිති අතර සමස්ත උස වැඩිවීම (Elevation gain) 3,610m+ විය.

එම තරගය සදහා තරග කරුවන් 386 සහබාගී වු අතර. එහිදී වයස 20-24 කාණ්ඩයේ පිරිමි අංශයේ අට වැනි ස්තානය දිනාගැනීමට ධනුෂ්ක සමත්විය. එම තරගාවලියේ විෂේශත්වය වනුයේ තරගය පලමුව අවසන් කල දෙසීය දෙනා සදහා රන්පදක්කම් (Gold Finisher medal) ලබා දීමක් සිදුවේ. මෙම තරගය සදහා ධනුෂ්කට කිලෝමීටර් 76 දුරක් සදහා පැය 14 විනාඩ් 30 තත්ත්පර 57 කලයක් ගත කල අතර මෙම තරගාවලියේ සමස්ථ වයස් කාණ්ඩයේ 143 වැනියා ලෙස තරගය අවසන් කිරීමද විෂේශත්වයකි.

මෙම තරගාවලියෙන් පසු නොවැම්බර් මස ඉතාලියේ Puglia නගරයේ ඇති යුරෝපයේ ඇති දිගම සානුව හරහා පැවත්වෙන Puglia by UTMB තරගය කිලෝමීටර් 144 තරග ඉසව්වට ද ධනුෂ්ක සහබාගී වීමට නියමිතව ඇත.

| සමීර මදුසංක හේවා ගමගේ ✍️

ශ්‍රී ලංකාවේ විදේශ ගමන් බලපත්‍රය ගෝලීය ශ්‍රේණිගත කිරීම්වලට අනුව 2025 වර්ෂයේ දී එක් ස්ථානයකින් පහත වැටී තිබේ.

2025 වර්ෂය සඳහා හෙන්ලි විදේශ ගමන් බලපත්‍ර දර්ශකය සැප්තැම්බර් මස 11 වන දින නිකුත් කළ අතර ශ්‍රී ලංකාවට 97 වන ස්ථානය හිමිව ඇති බව සඳහන් වේ.

පුර්ව වීසා බලපත්‍රයක් නොමැතිව ඇතුළු විය හැකි ගමනාන්ත පදනම් කරගනිමින් හෙන්ලි විදේශ ගමන් බලපත්‍ර දර්ශකය ලොව පුරා විදෙස් ගමන් බලපත්‍ර ඇගයීමට ලක් කෙරේ.

මෙම දර්ශකයට අනුව ලොව බලවත්ම විදෙස් ගමන් බලපත්‍රය ලෙස සිංගප්පූරුව පත්ව ඇති අතර දෙවන ස්ථානය දකුණු කොරියාවත් තෙවන ස්ථානය ජපානයත් ලබා ගෙන ඇත.

ඇෆ්ගනිස්ථානය අවසන් ස්ථානයෙහි පසු වේ.

ශ්‍රී ලංකාව සමග ඉරානය ද මෙම දර්ශකයේ 97 වන ස්ථානයේ රැඳී සිටිම විශේෂයකි.