#newstube

හෙළයේ මහා ගත්කරු "මාර්ටින් වික්‍රමසිංහ" ගැන සහ සැළලිහිණි සංදේශයේ කවියක් සම්බන්ධයෙන් ටියුෂන් ගුරුවරයෙක් සිදු කරපු ප්‍රකාශයක් සම්බන්ධ කතිකාවතක් මතු වී තියෙනවා.

රජය විකිරණ විද්‍යා තාක්ෂණවේදීන් ගේ සංගමය ඊයේ උදෑසන 8ට ආරම්භ කළ වර්ජන ක්‍රියාමාර්ගය අද උදෑසන 8 සිට දින 7කට තාවකාලිකව  අත්හිටුවා ඇත.

මේවන විටත් පුරප්පාඩු වී තිබෙන විගණකාධිපති තනතුරෙහි පුරප්පාඩුව පිරවීම සඳහා ජනාධිපති අනුර කුමාර දිසානායක විසින් ඕ.ආර්. රාජසිංහ ගේ නාමයෝජනාව ආණ්ඩුක්‍රම ව්‍යවස්ථා සභාවේ අනුමැතිය සඳහා යොමු කර තිබේ.

විගණකාධිපතිවරයකු පත් නොකිරීම හේතුවෙන් රාජ්‍ය ආයතන වලට අදාල විගණන වාර්තා 60ක් සහ පාර්ලිමේන්තුවට ඉදිරිපත් කළ යුතු විගණන වාර්තා 70ක් පමණ ඉදිරිපත් කිරීම ප්‍රමාද වී ඇතැයි වාර්තාවේ.

හිටපු අමාත්‍යවරයකු වන ජනාධිපති නීතිඥ විජයදාස රාජපක්ෂ ශ්‍රී ලංකා නිදහස් පක්ෂයේ ජ්‍යෙෂ්ඨ උප සභාපති ධූරයකට ඇතුළු තනතුරු හතරකට පත්කළ බව එම පක්‍ෂය ඊයේ (12) නිවේදනය කළේය.

විදේශ කටයුතු අමාත්‍ය විජිත  මහතා සහ ඉන්දීය විදේශ අමාත්‍ය එස්. ජයිශංකර් අතර හමුවක් අමෙරිකා එක්සත් ජනපදයේදී සිදුවී තිබේ.

ඒ, එරටදී පැවැත්වෙන එක්සත් ජාතීන්ගේ මහා මණ්ඩල සැසිවාරයට සමගාමීව ය.

අමාත්‍ය විජිත හේරත්  ඒ පිළිබඳව සිය X ගිණුමේ සටහනක් තමබින් පෙන්වා දෙන්නේ ශ්‍රී ලංකාව සහ ඉන්දියාව අතර ශක්තිමත් මිත්‍රත්වය සහ සමීප සහයෝගීතාවය නැවත තහවුරු කිරීම සඳහා ඉන්දියාවේ විදේශ කටයුතු අමාත්‍යවරයා හමුවූ බවය.






එක්සත් ජාතීන්ගේ මහා මණ්ඩල සැසිවාරයට සහභාගී වීම සඳහා ජනාධිපති අනුර කුමාර දිසානායක  සමග අමාත්‍ය විජිත හේරත්  ද එක්වී සිටී.

ඒ අනුව අද (24) එරට වේලාවෙන් පස්වරු 3.15ට ජනාධිපතිවරයා එක්සත් ජාතීන්ගේ මහා මණ්ඩලය ඇමතීමට නියමිතය.

මෙම සංචාරය අතුරතුරදී ජනාධිපතිවරයා එක්සත් ජාතීන්ගේ සංවිධානයේ මහ ලේකම්වරයා සහ ලෝක රාජ්‍ය නායකයින් කිහිපදෙනෙකු සමඟ ද්විපාර්ශ්වික සාකච්ඡා පැවැත්වීමට නියමිත බවද ජනාධිපති මාධ්‍ය අංශය සඳහන් කළේය.

තවමත් නිල පූර්ව ප්‍රචාරක පටය පවා නිකුත් වී නොමැති පසුබිමක, තලපති විජේගේ දේශපාලන ක්‍රියාදාම චිත්‍රපටය වන ‘ජන නායගන්’ ලොව පුරා ප්‍රවේශ පත්‍ර අලෙවියෙන් අතිවිශාල ප්‍රතිචාරයක් ලබා ගනිමින් සිටින බව විදෙස් මාධ්‍ය පවසති.

විභාග වෙමින් පැවැති නඩුවක විත්තිකරු විසින් ඇල්බේනියාවේ අභියාචනාධිකරණ විනිසුරු මඬුල්ලේ සභාපති විනිසුරුට වෙඩි තබා ඝාතනය කොට ඇත.

මෙසේ ඝාතනය වී ඇත්තේ, ඇස්ට්‍රිට් කලාජා නම් වන අභියාචනාධිකරණ විනිසුරුවරයායි.

තිස් හැවිරිදි වියේ පසුවන සැකකරු එම ස්ථානයෙන් පළා ගිය නමුත් පසුව පොලිස් අත්අඩංගුවට පත්ව ඇත.

ඔහු භාවිත කළ බවට විශ්වාස කෙරෙන රිවෝල්වරය ද සොයා ගත් බව පොලිසිය පවසයි.

මෙම සැකකරු නඩු විභාගයට සහභාගී වූ පියෙකුට සහ පුතෙකුට ද වෙඩි තබා ඇත. ඔවුන් දෙදෙනා ද රෝහල වෙත ගෙන යන ලද අතර ඔවුන්ට සිදුවූ තුවාලවලින් ජීවිත තර්ජනයක් නොමැති බව සඳහන් වෙයි.

අදාළ නඩුව දේපළ ආරවුලක් සම්බන්ධව පැවති නඩුවක් බව ඇල්බේනියානු පුවත්පත් කියයි.

ඇල්බේනියාවේ අගමැති එඩි රාමා විනිසුරු කලාජාගේ පවුලට සිය ශෝකය පළ කරමින් “විනිසුරුවරයාට එරෙහිව සිදුකළ සාපරාධී අපරාධයට උපරිම දඬුවම් හිමි වනු ඇතැයි” ප්‍රකාශ කර ඇත.

එසේ ම, මෙම ඝාතනය අධිකරණ අභ්‍යන්තර ආරක්ෂක පද්ධතිය පිළිබඳ අවධානය යොමු කරවන බව ද පැවසීය.

ඇල්බේනියානු ජනාධිපති බජ්රාම් බෙගාජ් මෙම ඝාතනය “සමස්ත අධිකරණ පද්ධතියට එරෙහි දරුණු ප්‍රහාරයක්” ලෙස හෙළා දැක ඇත.

( mawbima)

Albanian judge shot dead in court by man during trial

බලශක්ති අමාත්‍යවරයා සහ එම අමාත්‍යාංශයේ ලේකම්වරයා අතර පැවැති සීතල යුද්ධය නිමා කරමින් විදුලිබල ක්ෂේත්‍ර ප්‍රතිසංස්කරණ ලේකම් කාර්යාලයේ අධ්‍යක්ෂ ජනරාල් ධූරයට නැවත වතාවක් පුබුදු නිරෝෂන් පත්කර තිබේ.

2015 වසරේ පොහොර සංස්ථාවේ සේවය කරමින් සිටියදී අරමුදල් අවභාවිත කිරීම සම්බන්ධයෙන් ලැබුණු දූෂණ පැමිණිල්ලක් අනුව බලශක්ති අමාත්‍ය කුමාර ජයකොඩිට එරෙහිව නඩු පැවරීමට අල්ලස් හෝ දූෂණ චෝදනා විමර්ශන කොමිසම ගත් තීරණය ක්‍රියාත්මක වෙමින් පවතින බව වාර්තා වෙයි.

ලැබී ඇති අනුපිළිවෙල අනුව ගොනුව සැකසීමට පියවර ගනිමින් සිටින බව අභ්‍යන්තර ආරංචි මාර්ග පවසයි.

අමාත්‍යවරයාට එරෙහිව නඩු පැවරීමට ගත් තීරණයෙන් පසු, ගොනුව අල්ලස් හෝ දූෂණ චෝදනා විමර්ශන කොමිසමේ අධ්‍යක්ෂ ජනරාල් රංග දිසානායක වෙත යවා ඇති බවත්, ඔහු එය අවශ්‍ය පියවර සඳහා නීති අංශයට යොමු කර ඇති බවත් දැනගන්නට තිබේ.

මේ වන විට කොමිසම නීති අංශයට යවා ඇති නඩු 69ක් සම්බන්ධයෙන් නඩු පැවරීමට නියෝග කර ඇත.

අමාත්‍ය ජයකොඩිගේ ගොනුව අංක 49 ලෙස ලැයිස්තුගත කර ඇති අතර නඩු 25කට අදාළ අධිචෝදනා දැනටමත් අවසන් කර ඇත.

රුපියල් මිලියන 8ක් අයථා පරිහරණය කිරීමේ චෝදනා මත අමාත්‍යවරයාට සහ තවත් දෙදෙනෙකුට එරෙහිව මහාධිකරණයේ නඩු පැවරීමට නියමිතය.

පරීක්ෂාවට ලක් වූ විශේෂිත ටෙන්ඩරයක් ප්‍රදානය කළ ටෙන්ඩර් මණ්ඩලයේ ප්‍රධානියා ලෙස අමාත්‍ය ජයකොඩි මහතා එවක කටයුතු කර ඇත.

ගෙවීම් ක්‍රියාපටිපාටි සහ බැඳුම්කර ස්ථානගත කිරීම පිළිබඳ ගැටළු මතුවීමෙන් පසුව ටෙන්ඩරය පිළිබඳ පරීක්ෂණ ආරම්භ විය.

අයකිරීම පිළිබඳ පෙර විමර්ශන සළකා බලමින් අල්ලස් කොමිසම පරීක්ෂණ නැවත ආරම්භ කර තිබිණි.

( divaina)

රාජ්‍ය සේවය ශක්තිමත් කරමින් රාජ්‍ය සේවකයන් ආරක්ෂා කරනවා යැයි කියූ බැවින් රාජ්‍ය සේවකයන් බහුතරයක් වත්මන් මාලිමා ආණ්ඩුවට ඡන්දය දුන්න ද අද වන විට විදුලි බල මණ්ඩලයේ 23000කගේ රැකියා අනාරක්ෂිත වී ඇතැයි විපක්ෂ නායක සජිත් ප්‍රේමදාස පැවසී ය.

ඔහු මෙම අදහස් පළ කළේ ගමින් ගමට දෙරින් දොරට විපක්ෂ නායක ජංගම සේවය වැඩසටහන යටතේ මිහින්තලේ ආසනයේ පැවැති ජන හමුවක් අමතමිනි.

එම අවස්ථාවේ දී වැඩි දුරටත් අදහස් දැක්වූ විපක්ෂ නායකවරයා...

ආණ්ඩුව මරාගෙන මැරෙන්න සූදානම්ලු

මොවුන්ගේ රැකියා ගැන රජය වගකීමක් ගන්නෙ නැහැ. බලධාරීන්ට අනුව මොවුන් ස්වේච්ඡාවෙන් විශ්‍රාම යා හැකි යැයි පවසනවා. විදුලි බල මණ්ඩලය වෙනුවෙන් එදා මහපාරට බැස්ස, මහපාරට බස්සපු නායකයන්ට වගකීමක් ගන්න බැරි බව පවසනවා. ආණ්ඩුව වට්ටවන්න දෙන්න නැතැයි කියමින් ආණ්ඩුව වෙනුවෙන් මරන්නත් මැරෙන්නත් සූදානම් යැයි පවසනවා.

බලය නැති දා මේ වෘත්තීය සමිති නායකයෝ මැරෙන්න ලෑස්තු වුණේ විදුලි බල මණ්ඩලයේ 23000කගේ රැකියා ආරක්ෂා කරන්න වුවත් අද බලය ඇති විට මැරෙන්න ලෑස්ති වෙන්නේ බොරු කියා බලයට පැමිණි රජය ආරක්ෂා කරන්න මිස විදුලි බල මණ්ඩලයේ සේවකයන්ගේ අයිතිවාසිකම් ආරක්ෂා කරන්න නෙවෙයි. එදා කයිවාරු ගහපු වෘත්තීය සමිති නායකයන් අද රජ පුටුවලට පැමිණි පසු මේ සියල්ල අමතක කර, මරාගෙන මැරෙන සටනක් සිදු කර ආණ්ඩුව රැක ගන්න කටයුතු කරනවා. ආණ්ඩු බිහි වන්නේත්, නැති වන්නේත්, මරාගෙන මැරෙන සටනකින් නොව ඡන්ද ක්‍රමය හරහා බවට මොවුන් අමතක කරලා. මැතිවරණ ක්‍රමය තුළ භීෂණය නොමැති වුවත් ආණ්ඩුව අද බලය ගෙන පොදු ජනතාවට තර්ජනය කරමින් සිටිනවා.

ආණ්ඩුව: ගොවියාත්, ව්‍යවසායකයාත්, රාජ්‍ය සේවකයාත් අමතක කරලා

අද ආණ්ඩුව: ගොවියා, ව්‍යවසායකයා, රාජ්‍ය සේවකයා, මධ්‍යම පන්තිය ඇතුළු සියලු දෙනා අමතක කර ආණ්ඩුව රැක ගන්න මරන්නත් මැරෙන්නත් සූදානම් යැයි කියමින් තර්ජනය කරමින් යනවා. ප්‍රජාතන්ත්‍රවාදයට එල්ල කරන මේ මරු පහරවල් ඉදිරියේ නිවටයෝ ලෙස බලන් සිටිනවා ද, මහපාරට බැස ගොවියා රකින්න, පොදු ජනතාව රකින්න, රාජ්‍ය සේවකයා රකින්න, කටයුතු කරනවා ද කියා ජනතාව සිතිය යුතු යි. එවන් ප්‍රජාතන්ත්‍රවාදී අරගලයකට නායකත්වය ලබා දෙන්න අපි සූදානම්. ජනතාවට ගුණාත්මක පොහොර මෙන්ම පොහොර සහනාධාරයද හරියට ලැබෙන්නෙ නෑ. වල් නාශකවල පවා ගුණාත්මකභාවයක් නෑ. ඉහළ ප්‍රභේදයෙන් යුත් බීජ නොමැතිව, ගොවි උපකරණවල මිල ඉහළ ගිහින්. උපකරණ කුලියට ගැනීමට ද විශාල මුදලක් වැය වන මොහොතක වන අලි ඇතුළු සතුන්ගෙන් වගා හානි පවා සිදුවෙනවා. මේ වගා හානිවලට රක්ෂණ වන්දි ක්‍රමවේදයක් නැහැ. ගොවිතැනේ නියැළී සිටින ජනතාව ගත කරන්නෙ අති දුෂ්කර ජීවිතයක් බැවින් මේ ජනතාව වෙනුවෙන් කළ හැකි උපරිම සටන සිදු කර අයිතිය ලබා දෙනවා.

ජනතාව අන්දවා අද රජය සැප පුටුවල

මෙවැනි ගැටලු මැද වගා කටයුතු කළත් අස්වැන්නට ස්ථාවර මිලක් නෑ. එම නිසා අස්වැන්න තුට්ටු දෙකට විකිණිමට සිදුව ඇති මොහොතක රජය නිහඩ පිළිවෙතක් අනුගමනය කරනවා. අද රජයට කට උත්තර නෑ. ජනතාවට: බොරු කියා, රවටා, අන්දවා, මංමුළා කර, ජන ජීවිත නැත්තට නැති කර මේ අය රජ පුටුවල සුරසැප විඳිමින් සිටිනවා. රටේ පොදු මහත් ජනතාව පීඩාකාරී ජීවිතයක් ගත කරමින් අන්ත අසරණ වෙලා.''
  

The leader.lk

මේ වසරේ (2025) පළමු මාස හයේදී C විදුලිය අලෙවියෙන් උපයාගත් ආදායම සියයට 38.8කින් සැලකිය යුතු ලෙස පහළ ගොස් ඇත.

ලංකා විදුලිබල මණ්ඩලය (CEB) විසින් 2025 දෙසැම්බර් 31 දිනෙන් අවසන් වූ කාර්තුව සඳහා රුපියල් බිලියන 29.15 ක සැලකිය යුතු මූල්‍ය පාඩුවක් වාර්තා කර ඇති බව එහි නවතම මූල්‍ය ප්‍රකාශනවලින් හෙළි වී ඇත.

රජය, විදුලි බිල 11.57%ක විදුලි බිල වැඩි කිරීමක් යෝජනා කර තිබිය දී රජයේ මේ යෝජනාව අද මහජන උපයෝගීතා කොමිසම ප්‍රතික්ෂේප කිරිම සම්බන්ධයෙන් මහජන උපයෝගීතා කොමිසමට ස්තූතිවන්ත වන්නේ යැයි විපක්ෂ නායක සජිත් ප්‍රේමදාස පැවසී ය.

විදුලිබල ක්ෂේත්‍රය ප්‍රතිව්‍යුහගත කිරීම පිළිබඳ පුරවැසි මෙහෙයුම සමඟ රයිට්ස් නව් සංවිධානය විසින් සංවිධානය කරනු ලබන විදුලිබල ක්ෂේත්‍රය ප්‍රතිසංස්කරණය පිළිබඳ පුරවැසි මෙහෙයුමේ වාර්තාව එළි දැක්වීම සහ මාධ්‍ය හමුව 2026 පෙබරවාරි 19වන දා පෙරවරු 11.00 ට කොළඹ 02, නිපොන් හෝටලයේ ශ්‍රවණාගාරයේ දී පැවැත් වේ.

වායු දුෂණය අවම කිරීමේ සහ පුනර්ජනනීය බලශක්තිය ප්‍රවර්ධනය කිරීමේ ප්‍රධාන පියවරක් ලෙස විද්‍යුත් වාහන ප්‍රවර්ධනය කිරීම රජය තීරණය කර තිබුණත් විද්‍යුත් වාහන සඳහා මහජනතාවගේ තිබෙන උනන්දුව අඩුවෙමින් පවතින බව විද්‍යුත් වාහන හිමියන්ගේ සංගමය පවසයි.

එයට හේතුව රේගුව බී.වයි.ඩී. වාහන 1000 කට වැඩි ප්‍රමාණයක් රඳවා ගැනීමට ගත් තීරණය බවත් එමගින් ඉන් දැනටමත් විද්‍යුත් වාහන සඳහා ආයෝජනය කර ඇති පාරිභෝගිකයන් අධෛර්යමත් වී වෙළෙඳපොළ අවිනිශ්චිතතාවක් මතුවී තිබෙන බවත් එම සංගමය ප්‍රකාශ කළේය.

පසුගිය ජූලි මාසයේදී බී.වයි. ඩී. වාහන තොග දෙකක් රඳවා ගැනීමට රේගුව තීරණය කළ නමුත් ශ්‍රේෂ්ඨාධිකරණයේ රිට් පෙත්සමක් ගොනු කිරීමෙන් අනතුරුව පසුගිය අගෝස්තු 7 වැනිදා රඳවා ගෙන සිටි වාහන 991 ක් සහ තවත් වාහන 506 ක් බැංකු ඇපතරයක් මත මුදා හැරීමට රේගුව කටයුතු කළේය.

කෙසේ නමුත් තවත් බී.වයි.ඩී. වාහන 1000 රේගුව රඳවා ගෙන සිටින අතර එය ඉක්මනින් මුදා හැරීමේ අවශ්‍යතාව ජෝන් කීල්ස් සී.ජී. ඔටෝ සමාගම පසුගියදා පෙන්වා දුන්නේය.

ජෝන් කිල්ස් සී.ජී. ඔටෝ සමාගම ප්‍රකාශයට පත්කළ මෝටර් ධාරිතාවේ ගැටළුවක් තිබෙන බවට චෝදනා කරමින් එම වාහන සියල්ල රඳවා ගැනීමට ශ්‍රී ලංකා රේගුව තීරණය කළේය.

දැනටමත් විද්‍යුත් වාහන මිලදීගෙන ඇති සහ මිලදී ගැනීමට අත්තිකාරම් බැඳ ඇති පාරිභෝගිකයන්ට රේගුවේ මෙම ක්‍රියාව බලපාන බව විද්‍යුත් වාහන හිමියන්ගේ සංගමය ප්‍රකාශ කළේය. පසුගිය මාස හයේදී අවම වශයෙන් පාරිභෝගිකයින් 10,000 ක් විදුලි වාහන සහ ප්ලග්-ඉන් දෙමුහුන් වාහන මිලදී ගෙන ඇති බවද එම  සංගමය පැවැසුවේය.

ඒ හේතුවෙන් රජයට විද්‍යුත් වාහන ආනයනය කිරීමේ ක්‍රියාවලියට මැදිහත් වී එය විධිමත් කරන ලෙස විද්‍යුත් වාහන හිමියන්ගේ සංගමයේ කැඳවුම්කරු දීලක පිටගම්පොල රජයෙන් ඉල්ලා සිටියේය.

නිෂ්පාදක සහතික පිළිගැනීම රේගුව ප්‍රතික්ෂේප කිරීම සහ මෝටර් ධාරිතාව තහවුරු කර ගැනීම සඳහා ජාත්‍යන්තරව පිළිගත් පරීක්ෂණාගරයක් නොමැතිකම ව්‍යාකූල තත්වයක් ඇති කරන බවත් ඉන් පාරිභෝගික විශ්වාසය අවතක්සේරුවට ලක් කරන බවත් ඔහු පැවැසුවේය.

මෝටර් ධාරිතාව තහවුරු කළ හැක්කේ නවීන තාක්ෂණය සහිත පරීක්ෂණාගාරයකදී පමණක් බවද ඔහු පෙන්වා දුන්නේය. එවැනි පහසුකමක් නොමැතිව දේශීයව මෝටර් ධාරිතාව තහවුරු කර ගැනීමට යෑමේදී ඉන් සියලු පාර්ශ්වයන්ට සෑහීමකට පත්විය හැකි පිළිතුරක් නොලැබෙනු ඇති බවත් ඉන් තත්වය තවත් දරුණු අතට හැරෙනු ඇති බවත් හෙතෙම ප්‍රකාශ කළේය.

ශ්‍රී ලංකාවේ විශ්ව විද්‍යාල විශේෂඥයින් සතුව දැනුම තිබුණද, නිවැරදි පරීක්ෂණයක් කිරීම සඳහා අවශ්‍ය යටිතල පහසුකම් දැනට ඔවුන් සතුව නොමැති බව පිටගම් පොල පැහැදිලි කළේය. නිසි ආකාරයෙන් තහවුරු කිරීමකින් තොරව රේගුව විසින් පත් කරන ලද කමිටුව නිකුත් කරන ඕනෑම වාර්තාවක් අර්බුදය තවදුරටත් සංකීර්ණ කළ හැකි බවත් ඉන් විද්‍යුත් වාහන පාරිභෝගිකයින්ට හානියක් විය හැකි බවත් ඔහු අනතුරු ඇඟවීය.

(උපුටා ගැනීම -lankacnews)



මුලාශ්‍රය :

පසුගිය දිනක විදුලි බල අමාත්‍යවරයාගේ ප්‍රධානත්වයෙන් ඒකාබද්ධ ජාතික නිදහස් සේවක සංගමයේ වෘත්තීය සමිති සාමාජිකයන් සමඟ සාකච්ඡාවක් සිදු වූ බවත් එහි දී එම සංගමයේ ලේකම් වන සමින්ද ගමගේට ප්‍රහාරයක් එල්ල කර ඇති බවත් ඊට අමතරව එම සේවක සංගමයේ සභාපති ලෙස කටයුතු කරන ප්‍රියන්ත මධුකුමාර කාමරයක දමා හිරකර ඔහුගේ දුරකථනයේ තිබූ දත්ත මකා ඇති බවත් විපක්ෂ නායක සජිත් ප්‍රේමදාස පැවසී ය.

අද (20) විදුලිබල මණ්ඩල මූලස්ථානයේදී විදුලි වෘත්තීය සමිති හා විදුලිබල මණ්ඩලයේ ප්‍රධානීන් අතර සාකච්ඡාවක් පැවැත්වුණි.

මෙම සාකච්ඡාව අතරතුරදී විදුලි වෘත්තීය සමිති සමාජිකයින් විරෝධය පලකරමින් ඉන් පිටව ගිය බව වාර්තා වෙයි.

සාකච්ඡාව සඳහා ලංකා විදුලිබල මණ්ඩලය ප්‍රතිව්‍යුහගත කිරීමේ අධ්‍යක්ෂවරයාද සභාගිවී සිටි බවත් ඔහුට විරෝධය පළකරමින් විදුලි වෘත්තීය සමිති සමාජිකයින් මෙලෙස ඉවත් වී තිබේ.

මෙම සාකච්ඡාව සඳහා අමාත්‍යාංශ ලේකම්වරු 25 දෙනෙකු සහ වෘත්තීය සමති නියෝජිතයින් තිදෙනෙකු සහභාගීවී සිටි බව සඳහන් වන අතර අකුරට වැඩකිරීමේ වෘත්තීය ක්‍රියාමාර්ගය එළැඹෙන 21 වනදා දක්වා ක්‍රියාත්මක කිරීමට තීරණය කර තිබේ.

කෙසේවෙතත් විදුලි වෘත්තීය සමිති සඳහන් කරන්නේ, ඉදිරි වෘත්තීය ක්‍රියාමාර්ගය සම්බන්ධයෙන් 24 වනදා තීරණයක් ගැනීමට නියමිත බවය.

සිය ඉල්ලීම් ඉටු නොකර ලංකා විදුලි බල මණ්ඩලය ඈවර කිරීමේ දිනය ගැසට් මගින් ප්‍රකාශයට පත්කළහොත් දැනුම් දීමකින් තොරව වෘත්තීය සමිති ක්‍රියාමාර්ගයක නිරත වන බව විදුලි බල වෘත්තීය සමිති පවසයි.

වැඩවර්ජනයකට එළැඹීමේ තීරණය තාවකාලිකව අත්හිටවූ බව අකුරට වැඩ කිරිමේ වෘත්තීය ක්‍රියාමාර්ගයක නිරතව සිටින විදුලි වෘත්තිය සමිති පවසයි.

ලංකා විදුලි බල මණ්ඩලයේ තක්ෂණික ශිල්පීන්ගේ සංගමයේ සභාපති කෝසල අබේසිංහ  සඳහන් කළේ, ඊයේ (24) පැවති සාකච්ඡාවකදි එම තීරණය ගත් බවයි.

කෙසේ වෙතත්, අකුරට වැඩකිරීමේ වෘත්තීය ක්‍රියාමාර්ගය තවදුරටත් එලෙසින් ම ක්‍රියාත්මක කරන බව වෘත්ති සමිති නායකයා ප්‍රකාශ කළේ ය.

ඔහු තවදුරටත් පැවසුවේ, ජාත්‍යන්තර කම්කරු සංවිධානය මෙම ගැටලුවට මැදිහත්වීමක් සිදු කර ඇති බවත් ඒ අනුව අද (සැප්. 25) එම සංවිධානයේ නියෝජිතයන් හා කම්කරු කොමසාරිස්වරයා සමග වෘත්තීය සමිති නියෝජිතයන් සාකච්ඡාවක් පවත්වන බවත් ය.

ඒ අනුව, මෙම සාකච්ඡාවෙන් පසුව ඉදිරියට ගන්නා ක්‍රියාමාර්ගය තීරණය කරන බව වෘත්ති සමිති නායකයා කෝසල අබේසිංහ වැඩිදුරටත් පැවසීය.

විදුලි බල මණ්ඩලය ප්‍රතිව්‍යුහගතකරණය කරමින් පෞද්ගලීකරණය කිරීමට එරෙහිව විදුලි වෘත්තිය සමිති ආරම්භ කළ අකුරට වැඩ කිරිමේ වෘත්තිය ක්‍රියාමාර්ගයට අදට දින 21ක් වේ.