#newstube

2025 ජනවාරි සිට සැප්තැම්බර් දක්වා ශ්‍රී ලංකාව තුළ ලියාපදිංචි වූ වාහන පිළිබද සියලු ම විස්තර සහ මිලගණන් මෙන් ම ඉදිරියට වාහන වෙළදපළ තුළ ඇතිවිය හැකි ප්‍රවණතා පිළිබඳ සවිස්තරාත්ම දත්ත විශ්ලේෂණයක් දැන ගැනීමට අවශ්‍ය නම් ඉක්මනින් ම Advocata Insider කෙනකු ලෙස ඒකතු වන්නැයි Advocata ආයතනය ආරාධනා කරයි.

මේ වන විට වැටෙමින් පවතින ලංකා ආර්ථිකය යළි ගොඩ නගන ආණ්ඩුව බිහිවන්නේ එක්සත් ජාතික පක්ෂ සහ සමගි ජන බලවේග එකතුවකින් බව එක්සත් ජාතික පක්ෂ සභාපති වජිර අබේවර්ධන පැවසීය.

එක්සත් ජාතික පක්ෂය සහ සමගි ජන බලවේගය ඒකාබද්ධව ක්‍රියා කර රටේ ආර්ථිකයත්, සමාජ ප්‍රශ්නත් විසඳීම සඳහා ක්‍රියා කරන බව අබේවර්ධන කීය.

එක්සත් ජාතික පක්ෂ සභාපති වජිර අබේවර්ධන මේ බව කීවේ එක්සත් ජාතික පක්ෂයේ සහ සමගි ජන බලවේගයේ එකතුව සම්බන්ධයෙන් මාධ්‍යයට ප්‍රකාශයක් කරමිනි.

එක්සත් ජාතික පක්ෂයත් සමගි ජන බලවේගයත් එකට ක්‍රියා කිරීමට කිසිදු බාධාවක් නොමැති බව කී එජාප සභාපතිවරයා, එකම මතයක් දරන කණ්ඩායම් පක්ෂ දෙක නියෝජනය කරන නිසා එකතුව ඉදිරියට ගෙනයාමට කිසිඳු බාධාවක් කිසි විටෙකත් මතුනොවන බව ස්ථිර යැයි කීය.

ශ්‍රී ලංකා පාර්ලිමේන්තුවේ කාර්ය මණ්ඩල ප්‍රධානී සහ නියෝජ්‍ය මහ ලේකම් ලෙස සේවය කළ, වැඩ තහනමට ලක් ව සිටින නීතීඥ චමින්ද කුලරත්න 2026 පෙබරවාරි මස 18 වන දින ශ්‍රී ලංකා අභියාචනාධිකරණය හමුවේ CA (Writ) 109/2026 අංක දරන රිට් පෙත්සමක් ගොනු කර ඇත.

වැඩබලන අගවිනිසුරු ලෙස ශ්‍රේෂ්ඨාධිකරණ විනිසුරු එස්. තුරෙයිරාජා අද (07) පෙරවරුවේ ජනාධිපති කාර්යාලයේදී ජනාධිපති අනුර කුමාර දිසානායක ඉදිරියේ දිවුරුම් දුන්නේය.

ආපදා අවස්ථාවේ වැඩි මිලට බඩු විකුණා අයුතු ලාභ ගන්නා වෙළෙඳුන්ට එරෙහිව දැඩිව නීතිය ක්‍රියාත්මක කරන බව අත්‍යවශ්‍ය සේවා කොමසාරිස් ජනරාල් බී.කේ. ප්‍රභාත් චන්ද්‍ර කීර්ති නිවේදනයක් නිකුත් කරමින් පවසයි.

හදිසි නීතිය තවදුරටත්  දීර්ඝ කිරීම සඳහා වන විවාදය ලබන  6 වැනිදා පාර්ලිමේන්තුවෙිදි පැවැත්වීමට පක්ෂ නායක හමුවේදී තීන්දු කරනු ලැබීය.

තම සංසදය විසින් කරන ලද ගණනයන්ට අනුව මේ වන විට නිවාස අහිමි සුනඛ ගහණය මිලියන විසි එක පමණ දක්වා අඩු වී ඇත.

වැඩිහිටියන් බලා ගැනීම දරුවන් ගේ වගකීමක් ලෙස අප සමජයේ තවමත් සලකයි.

අයහපත් කාලගුණයෙන් පීඩාවට පත් කොළඹ ජනතාවට වැලිකඩ බන්ධනාගාරයේ රැඳවියන් අද දින තම දිවා ආහාරය පරිත්‍යාග කර තිබේ.

වැලිගම ප්‍රාදේශීය සභාවේ සභාපති ලසන්ත වික්‍රමසේකර හෙවත් මිදිගම ලසා නැමැත්තාට වෙඩි ප්‍රහාරයක් එල්ල වී තිබේ.

මීට සුළු මොහෙතකට පෙර වැලිගම ප්‍රාදේශිය සභාවේ සභාපති ලසන්ත වික්‍රමසේකරට සභාව තුළ මහජන දිනය පවත්වන අවස්ථාවේ වෙඩි තබා ඇති බවත්, ඔහුගේ රාජකාරිය ඉටු කරන විට සිදු කරන ලද මේ වෙඩි තැබීම නිසා ඔහු බරපතල ලෙස තුවාල ලබා මේ වන විට ජීවිතක්ෂයට පත්ව ඇති බවට වාර්තා වන්නේ යැයි විපක්ෂ නායක සජිත් ප්‍රේමදාස පැවසී ය.

*වෙඩික්කරු කොටුවුණේ ඩුබායි උපදෙස් අනුව දුරකතනයක් ගන්න ගිහින්

*සැකකරුවන් FCID භාරයට

*ඝාතකයා හඳුනා ගත්තේ බස් රියක යමින් සිටි බුද්ධි නිලධාරියෙක්

ඝාතනයට ලක් වූ වැලිගම ප්‍රාදේශීය සභාවේ සභාපති අපරාධකරුවෙක් යැයි ප්‍රචලිත කළේ මාලිමා ආණ්ඩුවේ මාධ්‍ය මෙහෙයුම් කණ්ඩායම යැයි පසන් කස්තුරි පැවසී ය.

වැලිමඩ, කැප්පෙටිපොළ පොලීසිය අසල විශාල නායයෑමක් සිදුව ඇති අතර, මේ හේතුවෙන් වැලිමඩ - නුවරඑළිය මාර්ගය අවහිර වී තිබේ.

වැව් මායිම් ගල් දැමීමට බාධා කරන පිරිස්වලට එරෙහිව නීතිය ක්‍රියාත්මක කරන ලෙස ජනාධිපති අනුර කුමාර දිසානායක නිලධාරීන්ට මන්නාරමේදී පැවසීය.

උතුරු මැද පළාතේ හිටපු ආණ්ඩුකාර මහීපාල හේරත්  සිය බලතල නීති විරෝධී ආකාරයට භාවිත කරමින් සිය බිරිය නමට පෙරමියන්කුලම වැව් රක්ෂිතයේ පර්චස් 60ක භුමි භාගයක අනවසරයෙන් ඉදි කර පවත්වාගනෙ ගිය හෝටල් ගොඩනැගිලි කඩා ඉවත් කරගෙන ඇතැයි මධ්‍යම නුවරගම් පළාත් ප්‍රාදේශීය ලේකම් සුදර්ශන දිසානායක පවසයි.

පෙරමියන්කුලම වැව් රක්ෂිතයේ ඉදිකර ඇති ගොඩනැගිලි මසක දී කඩා ඉවත් කර ගන්නා ලෙසට මධ්‍යම නුවරගම් පළාත් ප්‍රාදේශීය ලේකම් සුදර්ශන දිසානායක හිටපු ආණ්ඩුකාර බිරිය වන අජන්තා රෑපසාරි හේරත් පසුගිය සැප්තැම්බර් 18 වැනිදා ලිපියකින් දැනුම් දී ඇත.

ඊට ප්‍රතිචාර දක්වමින් හිටපු ආණ්ඩුකා මහීපාල හේරත් හොර රහසේම සේවකයන් පිරිසක් යොදවා එම ඉදි කිරීම් කඩා ඉවත් කර ගැනීමට කටයුතු කර තිබේ.

රජයේ ප්‍රතිපත්තිමය තීරණයක් පරිදි අනුරාධපුර දිස්ත්‍රික්කයේ වැව් රක්ෂිත මායිම් කිරීම වාරිමාර්ග දෙපාර්තමේන්තුව ඇතුළු රාජ්‍ය ආයතන එක්ව ආරම්භ කර ඇත.

පෙරමියන්කුලම වැව් රක්ෂිතයේ මායිම් ගල් දැමිම සදහා රජයේ මිනුම්දෝරු දෙපාර්තමේන්තුව පසුගිය දා කටයුතු කර තිබූ අතර හිටපු ආණ්ඩුකාර බිරිය වැව් රක්ෂිතය තුළ මෙම ගොඩනැගිලි ඉදි කර තිබූ බව තහවුරු වී ඇත්තේ එහිදීය.

වැව් රක්ෂිතයේ ඉදිකර තිබූ මෙම අනවසර ගොඩනැගිලි සදහා විදුලි බල මණ්ඩලය විදුලියද ලබා දී තිබී ඇත.

මේ වනවිට පෙරමියන්කුලම වැව් රක්ෂිතයේ සියලු මැනුම් කටයුතු අවසන් කර මායිම් ගල්ද දමා අවසන් කර තිබේ.

පෙරමියන්කුලම වැව් රක්ෂිතයේ රජයේ නිල නිවාස, හෝටල් හා ආගමික ස්ථානයක්ද ඉදිකර තිබෙන බව මායිම් සලකුණු කිරීමේදී හදුනාගත් බවත් ඒවා සම්බන්ධයෙන් කමිටුවට කරුණු ඉදිරිපත් කර පසුව තීරණයක් ගන්නා බවත් මධ්‍යම නුවරගම් පළාත් ප්‍රාදේශීය ලේකම් සුදර්ශන දිසානායක පවසයි.

නොකඩවා ඇදහැලෙන අධික වර්ෂාව හේතුවෙන් කොළඹ බොහෝ ප්‍රදේශ ජලයෙන් යටවී ඇති අතර, මේ වනවිට කොළඹ මාර්ග කිහිපයක දැඩි රථවාහන තදබදයක් ඇතිව තිබේ.

ව්‍යාපාරික කටයුතු සහ දෛනික ජන ජීවිතයට දැඩි බාධා එල්ල වී තිබේ. 

මෙම තත්ත්වය තුල, කොළඹ මහ නගර සභාව (CMC) සහ එහි නායකත්වය, පාලන තන්ත්‍රයේ අසමත්කම සහ කාලෝචිත ක්‍රියාමාර්ග නොගැනීම පිලිබදව නගරවාසීගෙන් සහ සමාජ මාධ්‍ය තුලින් දැඩි චෝදනා එල්ලවේ.

නගරයේ ආර්ථිකය සැලකිය යුතු ලෙස මන්දගාමී වී ඇත. බොහෝ ව්‍යාපාර වලට බධා වී ඇති අතර, දෛනික වැටුප් ලබන්නන් ආදායම් අහිමිවීමේ තත්ත්වයකට මුහුණ දී සිටී.

 විශේෂයෙන්ම, කුලී රථ රියදුරන්, ගමන් කළ නොහැකි මාර්ග සහ ගමනාගමනය අඩු වීම හේතුවෙන් දැඩි ලෙස පීඩාවට පත්ව ඇති අතර, ඔවුන්ගේ දෛනික ආදායම් වලට දැඩි බලපෑම් ඇතිවී ඇත.

මහජන විවේචන බොහොමයක් නගරාධිපතිනි රායි කැලී බල්තසාර් වෙත යොමු වී ඇත්තේ ප්‍රමාණවත් ප්‍රතිචාරයක් නොදැක්වීමක් ලෙස පෙනී යන තත්ත්වය හේතුවෙනි.

කාලගුණ අනාවැකි මගින් සති කිහිපයකට පෙර අධික වර්ෂාපතනයක් පිළිබඳව පුරෝකථනය කර තිබූ බව වාර්තා වන නමුත්, විවේචකයින් පෙන්වා දෙන්නේ ප්‍රමාණවත් වැළැක්වීමේ පියවර ගෙන නොමැති බවයි.

විපක්ෂයේ නාගරික මන්ත්‍රීවරුන් ද පරිපාලනයේ තීරණ විවේචනය කර ඇති අතර, පැහැදිලි අනතුරු ඇඟවීම් තිබියදීත් කලින් ක්‍රියාත්මක විය යුතුව තිබූ බව පෙන්වා දෙමින්, මෙම තත්ත්වය දුර්වල සැලසුම්කරණයේ සහ නායකත්වයේ ප්‍රතිඵලයක් බවට යෝජනා කර තිබේ.

කෙසේ වෙතත්, කොළඹ මහ නගර සභාවේ අභ්‍යන්තර ආරංචි මාර්ග පෙන්වා දෙන්නේ මීට වඩා සංකීර්ණ, පද්ධතිමය ගැටලු පවතින බවයි. අනාගතයේදී විනය ක්‍රියාමාර්ග වලට ලක්වේ යැයි පවතින පුළුල් බියක් හේතුවෙන්, ඇතැම් රාජ්‍ය නිලධාරීන් තීරණ ගැනීමට මැලි වන බව වාර්තා වේ.

පසුව ප්‍රශ්න කළ හැකි තීරණාත්මක පියවරක් ගැනීමට වඩා අක්‍රියව සිටීම ආරක්ෂිත යැයි සැලකෙන සංස්කෘතියක් මේ හේතුවෙන් නිර්මාණය වී ඇති බවත්, එය පරිපාලනමය ප්‍රමාදයන්ට හේතු වී ඇති බවත් පැවසේ.

රාවය පුවත්පතේ සමාරම්භක කර්තෘ  ජ්‍යේෂ්ඨ මාධ්‍යවේදී  වික්ටර් අයිවන් අභාවප්‍රාප්ත වී වසරක් ගතවීම නිමිති කරගෙන “මහජන බුද්ධිමතෙකුගේ පටිසෝතගාමී අභිචාරිකාව” යන තේමාව යටතේ  ඔහුගේ මාධ්‍ය, දේශපාලන හා සමාජ මැදිහත්වීම අවලෝකනය කිරීමේ විශේෂ වැඩසටහනක් සංවිධානය කර ඇත.

රාවය පුවත්පතෙහි සමාරම්භක කර්තෘ වික්ටර් අයිවන් අභාවප්‍රාප්ත වී වසරක් පිරීම නිමිති කරගෙන ඔහුගේ: මාධ්‍ය, දේශපාලන සහ සමාජ මැදිහත්වීම් අවලෝකනය කිරීමේ විශේෂ වැඩසටහනක් පෙරවාරි 26වන දින පස්වරු 02.30ට කොළඹ 07, නිදහස් චතුරශ්‍රයෙහි පිහිටි පදනම් ආයතනයේ දී පැවැත්වේ.

වික්ටර් අයිවන් නොහොත් ‘පොඩි අතුල’ ඔහුගේ මාධ්‍යවේදී භාවිතාව තුළ මෙරට ප්‍රජාතන්ත්‍රවාදී ප්‍රතිසංස්කරණ, විශේෂයෙන් ම මාධ්‍ය නිදහස සම්බන්ධ ප්‍රතිසංස්කරණ ඇති කිරීම සඳහා මූලිකත්ව ගණනාවක් දියත් කළ පුරෝගාමී චරිතයකි.