#lk#srilanka#newstube

දූෂණ විරෝධී පනත සංශෝධනය කිරීමට රජය පියවර ගෙන ඇත්තේ එහි අරමුණු දියාරු කිරීමට නොව, පනත ක්‍රියාත්මක කිරීමේදී හඳුනාගත් ප්‍රායෝගික, ආයතනික සහ මානව සම්පත් ගැටලු විසඳමින් දූෂණ විරෝධී ක්‍රියාවලිය තවදුරටත් ශක්තිමත් කිරීම සඳහා බව අග්‍රාමාත්‍ය අචාර්ය හරිනි අමරසූරිය පාර්ලිමේන්තුවේදී අවධාරණය කළාය.

ප්‍රජාතන්ත්‍රවාදය දුර්වල කරන සහ ජනතා විශ්වාසය බිඳ දමන දූෂණයට එරෙහිව, පුද්ගල පසුබිම හෝ සමාජ තත්ත්වය නොසලකා කිසිදු බියක් හෝ පක්ෂග්‍රාහීත්වයකින් තොරව නීතිය ක්‍රියාත්මක කිරීමට රජය අඛණ්ඩව කටයුතු කරන බව විදේශ කටයුතු, විදේශ රැකියා සහ සංචාරක අමාත්‍ය විජිත හේරත් මහතා පැවසීය.

ඉන්දීය දෙමළ චිත්‍රපටයක් වන “නල්ලපඩම්” චිත්‍රපටයේ සංගීත එළිදැක්වීමේ උත්සවය එළඹෙන අගෝස්තු 22වන දා කොළඹ පෝට් සිටිහි දී පැවැත්වෙන “World of Raavan” සංගීත උළෙලේ දැවැන්ත වේදිකාවේදී  පැවැත්වීමට නියමිත ය.

ඔක්තෝබර් 06 වන දින ගැසට් කර, ඊයේ (20) පාර්ලිමේන්තුවේ සභාගත කරන ලද "සංවිධානාත්මක අපරාධ වැළැක්වීමේ පනත් කෙටුම්පත" යනු සංවිධානාත්මක අපරාධ මැඩලීමේ මුවාවෙන් ජනතාවගේ සංවිධානාත්මක ක්‍රියාකාරීත්වයන් මැඬලීම සඳහා ගෙන එන පනතක් බව පෙරටුගාමී සමාජවාදී පක්ෂය පවසයි.

පඳුරේ තියෙන ගින්න ලැව්ගින්නක් බවට පත්කරගන්න එපාය කියලා අපි ජනාධිපතිතුමාට අනතුරු ඇඟවීමක් කරනවා යැයි පිවිතුරු හෙළ උරුමයේ නායක උදය ගම්මන්පිල පැවසීය.

සංවිධානාත්මක අපරාධ කල්ලි සාමාජිකයෙකු වන හපුන්ත්‍රිගේ දොන් පියුම් හස්තික නොහොත් "පියුමා" නැමැත්තා ලබන 28 වන දින දක්වා තවදුරටත් රක්ෂිත බන්ධනාගාරගත කරන ලෙස කොටුව මහේස්ත්‍රාත් පසන් අමරසේන නියෝග කර තිබේ.

බන්ධනාගාර ගතව සිටින දැඩි මානසික රෝගී ඇති ධාමාරිකයින් 30ක් පාලනයට සිටින්නේ එක් නිලධාරියෙක් පමණක් බව බදුල්ල දිස්ත්‍රික් පාර්ලිමේන්තු මන්ත්‍රී චාමර සම්පත් දසනායක පාර්ලිමේන්තුවේදී අද (22) පැවසීය.

මෙය භික්ෂූන් වහන්සේලාගේ සටනක් බවත් එය ඉදිරියට ගෙන යාම පිළිබඳව තීරණය කරන්නේ උන්වහන්සේලා බවත්, බෞද්ධ දායකයෙක් ලෙස ස්වාමීන් වහන්සේලාගේ සටනට හැකි සෑම අයුරකින්ම දායකත්වය ලබා දීමට කටයුතු කරන බව පිවිතුරු හෙළ උරුමයේ නායක උදය ගම්මන්පිල පැවසීය.

හිටපු ජනාධිපති රණසිංහ ප්‍රේමදාස බුද්ධශාසන අමාත්‍යාංශය සහ බුද්ධශාසන අරමුදල ආරම්භ කර ක්‍රියාත්මක කරමින් සම්බුද්ධ ශාසනයට සුවිශේෂ තැනක් ලබා දුන් බව විපක්ෂ නායක සජිත් ප්‍රේමදාස පැවසීය.

විනිසුරුවරුන් විශ්‍රාම ගැන්වීමේ වයස් සීමාව දීර්ඝ කිරීම සම්බන්ධයෙන් වූ 22 වන ව්‍යවස්ථා සංශෝධනය නිසා තම ධූරය අවදානමට ලක් වන්නේ නම් එය භාර ගැනීමට සූදානම් බවත්, අවදානමකින් තොරව වෙනසක් සිදු වෙතැයි තමා විශ්වාස නොකරන බවත් ජනාධිපති අනුර කුමාර දිසානායක පවසයි.

පසුගිය දින කිහිපය තුළ මේ රටේ මහා සංඝරත්නය, සිවුරේ අනන්‍යතාව වෙනුවෙන් ඉතාම අහිංසාවාදී ක්‍රියාදාමයක් දියත් කරමින් ජනාධිපතිවරයාගෙන් ඉල්ලීමක් කළ බවත්, ඊට ජනාධිපතිවරයාගේ ප්‍රතිචාරය වූයේ පොලීසිය, තමන්ගේ විමර්ශන අංශ සහ පක්ෂ කාඩර්වල බලය භාවිතා කරමින් එම අවිහිංසාවාදී උද්ඝෝෂණ හා සත්‍යග්‍රහයන් විසුරුවා හැරීමට උත්සාහ දැරීම බවත් එක්සත් ජනරජ පෙරමුණේ නායක පාඨලී චම්පික රණවක පවසයි.

එමෙන්ම, කොළඹ නගරාධිපතිනිය යොදාගෙන අවසානයේ පොදු පහසුකම් වන වැසිකිළි පවා වසා දමන තරමේ අමානුෂික මට්ටමකට රජය පත් වූ බව ද ඔහු සඳහන් කළේය.

ජාතික ව්‍යසනයක් බවට පත්ව ඇති විෂ මත්ද්‍රව්‍ය උවදුර මෙරටින් තුරන් කිරීම ‍වෙනුවෙන් ගොඩනගන ලද “රටම එකට ජාතික මෙහෙයුම් සභාවේ” තෙවන සැසිවාරය සඳහා අද (06) පෙරවරුවේ ජනාධිපති කාර්යාලයේ දී පැවැත්විණ.

විෂ මත්ද්‍රව්‍ය උවදුර මේ වන විට හුදු පුද්ගල සබඳතාවලින් ඔබ්බට යමින් සමස්ත ආර්ථික සහ සමාජ දේහයම බරපතළ තර්ජනයකට ලක් කර තිබීමත්, ඉන් නොනැවතී එම තත්ත්වය වර්ධනය වෙමින් තිබීමත් පිළිබඳව අවධානය යොමු කරමින් මත්ද්‍රව්‍ය සම්බන්ධ අපරාධ සඳහා මරණ දඬුවම ලබා දීම කෙරෙහි “රටම එකට” ජාතික මෙහෙයුම් සභාවේ දී අවධානය යොමු කළේ ය.

IMFහත්වැනි සමාලෝචනය සඳහා ශ්‍රී ලංකාවට පැමිණි නියෝජිත කණ්ඩායම කාර්ය මණ්ඩල මට්ටමේ එකඟතාවකින්(Staff-Level Agreement) තොරව සංචාරය අවසන් කර තිබීම සහ IMFනියෝජිතයින් සහ විපක්ෂ නායක සජිත් ප්‍රේමදාස ඇතුළු සමගි ජනබලවේගයේ ආර්ථික කමිටුව අතර පැවැත්වූ සාකච්ජාව පිළිබඳ පේරාදෙණිය විශ්වවිද්‍යාලයේ ආර්ථික විද්‍යාව පිළිබඳ මහාචාර්ය ප්‍රසන්න පෙරේරා අද (01) කරුණු පැහැදිලි කළා.

පසුගිය(17) සෙනසුරාදා මුළු දිවයිනේම සිදුවූ විදුලිය බිඳ වැටීමත්, ඒ සමඟම නොරොච්චෝලේ බලාගාරය අක්‍රීය කිරීමත් ආණ්ඩුවේ විදුලි මාෆියාවේම කොටසක් විය හැකි බව සමගි ජනබලවේගයේ ජාතික සංවිධායක තිස්ස අත්තනායක පවසයි.

“ෂී ජින්පිං - චීන පාලන තන්ත්‍රය” ග්‍රන්ථයේ 5වන වෙළුම එළි දැක්වීමේ උත්සවයක් අද කොළඹ දී පැවැත්වුණා. ශ්‍රී ලංකාව සහ චීනය, නවීකරණ ක්‍රියාමාර්ගයේ අත්වැල් බැදගෙන ගමන් කිරීම වෙනුවෙන් අත්දැකීම් හුවමාරු කර ගැනීම එම උත්සවයේ තේමාවයි.

සෑම ආගමකටම, ධර්මයකටම, සංස්කෘතියකටම, ජාතියකටම, සෑම තරාතිරමකටම එක හා සමානව සලකන සංවේදී රාජ්‍ය නායකත්වයක් රටට අවශ්‍ය බව විපක්ෂ නායක සජිත් ප්‍රේමදාස පවසයි.

කළු රාජ්‍යයට සුදු අන්දන බව කියමින්, තවත් චිකාගෝ පන්නයේ මාෆියාවක් ක්‍රියාත්මක වෙමින් ඇතැයි සමගි ජනබලවේගයේ නියෝජ්‍ය නීති ලේකම් රජිත ලක්මාල් මහතා පවසනවා.

සේවක අර්ථසාධක අරමුදලේ (EPF) සහ සේවක භාරකාර අරමුදලේ (ETF) පාලනය හාම්පුතුන් අතරට රැගෙන යෑමට ආණ්ඩුව සූදානම් වන්නේ යැයි. කම්කරු අරගල මධ්‍යස්ථානයේ සංවිධායක ලේකම් දුමින්ද නාගමුව පැවසී ය.

පහුගිය දවස්වල ඕගොල්ලට මතක ද ලංකාවේ දෙමළ භාෂාවෙන් දේශපාලනය කරන පක්ෂ හයක් එකතු වෙලා වෙනම සන්ධානයක් හැදුවා. ඔය වෙලාවෙ සමහර සිංහල බෞද්ධ කණ්ඩායම් නම් ඕක දිහා බැලුවේ වපරැහින්. අර මොකද දෙමළ භාෂාවෙන් කතාබහ කරන අයට වෙනම පක්ෂයක් කිව්වා ම සමහරුන්ට අවුල්...