පුවත්

ශ්‍රී ලංකාව සහ රුසියාව අතර 11වන ද්විපාර්ශ්විග දේශපාලන උපදේශන වටය කොළඹ විදේශ කටයුතු, විදේශ රැකියා සහ සංචාරක අමාත්‍යාංශයේදී, 2026 අප්‍රේල් දෙවන දා පැවැත්විණි. දෙපාර්ශ්වය ම දෙරට අතර සබඳතා පුළුල් ලෙස සමාලෝචනය කළ අතර, සම්බන්ධතාවේ විෂය පථය සහ වැදගත්කම වැඩි දියුණු කිරීම සඳහා වන ඉදිරි පියවර සම්බන්ධයෙන් සාකච්ඡා කළහ.

ප්‍රමිතියෙන් තොර ගල් අඟුරු ගෙනැවිත් විශාල පාඩුවක් කළා සේ ම සහල් ආනයනය හරහා ද රටට විශාල පාඩුවක් අත් කර දෙන්නට ආණ්ඩුව උත්සහ දරමින් සිටින්නේ යැයි පාර්ලිමේන්තු මන්ත්‍රී සජබ මහ ලේකම් රංජිත් මද්දුම බණ්ඩාර පැවසී ය.

පවතින කාලගුණික සහ දේශගුණික වෙනස්කම්, ඉදිරියේ දී ඇති විය හැකි එල්නිනෝ තත්ත්වය සහ යල කන්නයේ වී වගාව ආරම්භ වීමත් සමග සිදු කළ යුතු ජල කළමනාකරණය පිළිබඳ සාකච්ඡාවක් ඊයේ (02) ජනාධිපති කාර්යාලයේ දී සිදු කෙරිණ.

වසරක් පාසා පැවැත්වෙන නුවරඑළිය වසන්ත සැනකෙළිය වෙත පැමිනෙන්නැයි ජාතික රූපවාහිනය ආරාධනා කර සිටියි.

දෙමළ ප්‍රගතිශීලී සන්ධානයේ නායක පාර්ලිමේන්තු මන්ත්‍රී මනෝ ගනේෂන් ඇතුළු එම පක්ෂයේ සාමාජිකයන් පිරිසක් ජනාධිපති කාර්යාලයේ දී අද (02) ජනාධිපති අනුර කුමාර දිසානායක හමුවූහ.

බලශක්ති අර්බුදය හමුවේ රාජ්‍ය වියදම් සීමා කිරීමට රජයෙන් දැඩි පියවර ගෙන ඇති අතර ඉන්ධන දීමනා ද මාර්තු 1 මිලට ස්ථාවර කරමින් භාණ්ඩාගාර ලේකම් ආචාර්ය හර්ෂණ සූරියප්පෙරුම ගේ අත්සනින් යුතුව අද (02) නවතම උපදෙස් මාලාවක් නිකුත් කර ඇත.

දැනට බදු ගෙවන පිරිස මත පවතින පීඩනය අවම කිරීමටත්, බදු අනුපාත පහළ දැමීම කෙරෙහි අවධානය යොමු කිරීමටත් රජය බලාපොරොත්තු වන්නේ යැයි මුදල් අමාත්‍යාංශයේ ලේකම් ආචාර්ය හර්ෂණ සූරියප්පෙරුම පැවසී ය.

නැගෙනහිර විශ්වවිද්‍යාලයේ හිටපු උපකුලපති මහාචාර්ය සිවසුබ්‍රමනියම් රවින්ද්‍රනාත් පැහැරගෙන ගොස් අතුරුදන් කිරීමේ සිද්ධිය සම්බන්ධයෙන් අත්අඩංගුවට ගත් තමිල් මක්කල් විඩුතලෙයි පුලිකල් (TMVP) පක්ෂයේ නායක ශිවනේෂතුරෙයි චන්ද්‍රකාන්තන් හෙවත් පිල්ලෙයාන්, අප්‍රේල් 02 ගල්කිස්ස මහේස්ත්‍රාත් අධිකරණයට ඉදිරිපත් කරනු ලැබීය

ජාත්‍යන්තර මූල්‍ය අරමුදලේ විස්තීර්ණ ණය පහසුකම වැඩසටහනේ පස්වන සහ සයවන සමාලෝචනයන්හි වත්මන් ප්‍රගතිය පිළිබඳ සොයා බැලීම සඳහා ජාත්‍යන්තර මූල්‍ය අරමුදලේ ශ්‍රී ලංකාවේ මෙහෙයුම් ප්‍රධානී Evan Papageorgiou ගේ නායකත්වයෙන් යුත් නියෝජිත කණ්ඩායම සමග ජනාධිපති අනුර කුමාර දිසානායක අද (02) ජනාධිපති කාර්යාලයේ දී සාකච්ඡාවකට එක්වීය.

බදු ගෙවිය යුතු සියලු දෙනා නිසි ලෙස බදු දැලට ඇතුළත් කර ගනිමින් බදු පදනම (Tax Base) පුළුල් කිරීම රජයේ මූලික උපායමාර්ගය යැයි ආර්ථික සංවර්ධන නියෝජ්‍ය අමාත්‍ය නිශාන්ත ජයවීර පැවසී ය.

ජනාධිපතිවරයා ගල් අඟුරු වංචාව කරපු අයව ආරක්ෂා කිරීම වෙනුවෙන් කටයුතු කරනවා නම්, ගල් අඟුරු වංචාව වංචාවක් ලෙස නොදකින්නේ නම්, ජනාධිපතිවරයා මෙම ගල් අඟුරු වංචාවට  සම්බන්ධ යැයි ශ්‍රී ලංකා පොදුජන පෙරමුණේ ජාතික සංවිධායක නාමල් රාජපක්ෂ පැවසී ය.

ඔබ කිසිවකු Plantation වල ආයෝජනය කිරිමට අදහස් කරන්නේ නම්  Advocata Plus ඉදිරිපත් කරණ මෙම වීඩියෝව නරඹන්න; විට ඔබට මේ වන විට ලංකාවේ  Plantation ආයෝජනය කළ යුත්තේ කුමන වර්ගයේ වගාවක් සඳහා ද යන්න අවබෝධයක් ලබාගත හැකි ය. 

හෝමාගම, දොළහේන ආරච්චිගොඩ ප්‍රදේශයේ රුපියල් ලක්ෂයක මාසික කුලියට ලබාගත් ඉඩමක ඉතා සූක්ෂම ලෙස පවත්වාගෙන ගිය මහා පරිමාණ කැට සූදු පොළක් වැටලීමට හෝමාගම කොට්ඨාස අපරාධ විමර්ශන කාර්යාංශය සමත්ව ඇත.

දිගින් දිගට ම නුවරඑළිය මහ නගර සභාවේ වැරදි මාධ්‍ය අරහා පෙන්වා දෙන බැවින් මෙවර වසන්ත උත්සවය සමාරම්භක උත්සවයට මාධ්‍යවේදීන්ට ආරාධනා නොකිරීම පිළිබඳව නුවරඑළිය ක්‍රියාකාරී ප්‍රාදේශීය මාධ්‍යවේදීන් සිය අප්‍රසාදය ප්‍රකාශ කරයි.

ලයනල් බෝපගේ විසින් රචිත ''විමුක්ති ගී'' කෘතිය අප්‍රේල් 05වන දා නිකුත් වීමට නියමිත ය.

පවතින දැඩි වියළි කාලගුණය හේතුවෙන් කොළඹ සහ තදාසන්න ප්‍රදේශවලට ප්‍රධාන වශයෙන් ජලය සපයන කලටුවාව ජල පවිත්‍රාගාරයේ ජලය ඉතිරිව පවතින්නේ තවත් දින 20ක කාලයකට පමණක් බව ජාතික ජල සම්පාදන හා ජලාපවහන මණ්ඩලය නිවේදනය කරයි.

දේශපාලනය යනු තමන්ට ව්‍යාපාරයක් බවත්, එම ව්‍යාපාරයේ දී තමන් මිනිස්සු අන්දන බවත්, ඇන්දීම නැතිව දේශපාලනය නමැති ව්‍යාපාරය කළ නොහැකි බවත් පොදු ජන පෙරමුණ පක්ෂයේ ප්‍රධාන සංවිධායක නාමල් රාජපක්ෂ පැවසී ය.

ජාතික වශයෙන් සහ ජාත්‍යන්තර වශයෙන් පවත්නා තත්ත්වය අනුව යුද්ධය නොනැවතුන හොත් අනාගතයේ දී මීට වඩා ආර්ථික ප්‍රශ්නවලට මුහුණ පෑමට සිදුවනු ඇතැයි හිටපු ජනාධිපති මෛත්‍රීපාල සිරිසේන පැවසී ය.