#newstube

පසුගිය අගෝස්තු මස 19 වන දා කොළඹ අපරාධ කොට්ඨාශය විසින් කොල්ලුපිටිය ප්‍රදේශයේ දී අත්අඩංගුවට ගෙන තිබු ජාතික ලොතරැයි මණ්ඩලයේ හිටපු අධ්‍යක්ෂවරයෙකු වන තුසිත හල්ලොලුව ඇප මත මුදා හරින ලෙස කොළඹ මහෙස්ත්‍රත් අධිකරණය නියෝග කර තිබේ.

සැකකරු විදේශගත වීම තහනම් කිරීමටද නියම කෙරුණු අතර, සැකකරුගේ විදේශ ගමන් බලපත්‍රය අධිකරණයට භාරදිය යුතු බවටත් නියෝග කළේය.

කොළඹ අතිරේක මහෙස්ත්‍රාත් ළහිරු සිල්වා නියම කර ඇත්තේ ලක්ෂ 50 බැගින් ශරීර ඇප දෙකක් මත මුදා හැරීමටයි.

තුසිත හල්ලොලුව තමා ගමන්ගත් වාහනයට ඉකුත්දා නාරාහේන්පිට ප්‍රදේශයේදී වෙඩි තබා ගැනීමේ සිද්ධිය සම්බන්ධයෙන් මෙලෙස සැකපිට අත්අඩංගුවට ගෙන රක්ෂිත බන්ධනාගාරගත කර සිටියේය.

ඉරාන තෙල් වෙනුවට තේ ගිවිසුම යටතේ ශ්‍රී ලංකාව ඉරානයට ගෙවීමට තිබූ ඇමෙරිකානු ඩොලර් මිලියන 250 ක හිඟ මුදලින් ඩොලර් මිලියන 119.04 ක මුදලක් මෙම වසරේ ජූනි මාසය අවසන් වනවිට ගෙවා තිබෙන බව මුදල් අමාත්‍යාංශය පසුගියදා නිකුත් කළ නවතම වාර්තාවේ සඳහන් විණි.

විදර්ශන ප්‍රකාශන ආයතනය විසින් සංවිධානය කරනු ලබන 'විදර්ශන සාහිත්‍ය ත්‍යාගය' සාහිත්‍යෝත්සවය මෙවර නව මුහුණුවරකින් පවත්වන්නට සුදානම් බව විදර්ශන ප්‍රකාශනාධිපති ජනක ඉනිමංකඩ පවසයි.

ලංකා කම්කරු කොංග්‍රසයේ මහ ලේකම් නුවරඑලිය දිස්ත්‍රික් පා.ම. ජීවන් තොන්ඩමන් සහ සෙම්බිල් තොණ්ඩමන් අතර මත ගැටුමට හේතුවී ඇත්තේ මාලිමාව බව වාර්තා වේ.

වරකාපොළ, තෝලංගමුව ඩඩ්ලි සේනානායක මධ්‍ය විද්‍යාලීය වාර්ෂික ත්‍යාග ප්‍රදානෝත්සවය හෙට (16) පෙරවරු 8.30ට විද්‍යාලීය ප්‍රධාන ශාලාවේදී පැවැත්වේ.

 මෙම අවස්ථාවට ප්‍රධාන ආරාධිතයා ලෙස විද්‍යාලීය කීර්තිමත් ආදී ශිෂ්‍ය ප්‍රාදේශීය සංවර්ධන බැංකුවේ සහකාර සාමාන්‍යාධිකාරි (අභ්‍යන්තර විගණන) රංජිත් කුමාර, කෑගල්ල කලාප අධ්‍යාපන අධ්‍යක්ෂ පී.ජී. ආර්. එස්. මාධවී වෙලගෙදර යන අය සහභාගි වීමට නියමිත අතර, ආදි ශිෂ්‍ය සංගමයේ පූර්ණ අනුග්‍රාහකත්වයෙන් මෙය පැවැත්වේ.

වසර 2023 / 2024 විද්‍යාලයේ පහ වසර ශිෂ්‍යත්ව විභාගය සමත්වූ, විශේෂ අධ්‍යාපන ඒකකය, 06 වසර සිට 11 වසර දක්වා ශ්‍රේණිවල සහ අපොස (සාපෙළ) සහ උසස් පෙළ ශ්‍රේණි වල පළමු, දෙවැනි, තුන්ව ස්ථාන ඇතුලු ඉහළ සාමාර්ථ ලැබූවන් මෙහිදී ඇගයීමට ලක්කෙරේ.

ඊට අමතරව වෘත්තීය ප්‍රවේශය ලබාගත් සිසුන්, විද්‍යා, ගණිත, වානිජ, කලා, තාක්ෂණ අංශවලින් විශ්ව විද්‍යාල වරම් ලැබූ ශිෂ්‍යයින් ඇගයීමද මෙහිදී සිදුකරන බව (වැඩ බලන)  විදුහල්පති ඩබ්. විජේසිංහ ප්‍රකාශ කළේය.

(සටහන | ජේ.මුණසිංහ)

ආදී ශිෂ්‍ය ප්‍රාදේශීය සංවර්ධන බැංකුවේ සහකාර සාමාන්‍යාධිකාරි (අභ්‍යන්තර විගණන) රංජිත් කුමාර

කෑගල්ල කලාප අධ්‍යාපන අධ්‍යක්ෂ පී.ජී. ආර්. එස්. මාධවී වෙලගෙදර

(වැඩ බලන) විදුහල්පති ඩබ්. විජේසිංහ

දක්ෂිණ අධිවේගී මාර්ගයේ කඩුවෙල පිටවීම් ස්ථානය ජලයෙන් යටවී ඇත.

සංචාරක දකුණු අප්‍රිකා කණ්ඩායම සහ ඉන්දීය කණ්ඩායම අතර පළමු විස්ස‍යි 20 තරගය අද ( 09) පැවැත්වේ.

ඉන්දීය කණ්ඩායමට එරෙහි දෙවන විස්සයි20 ක්‍රිකට් තරගයෙන් ලකුණු 51ක පහසු ජයක් ලැබීමට දකුණු අප්‍රිකානු කණ්ඩායම සමත් විය.

ඉන්දියාවේ රංචිහිදී ඊයේ (26) නිමාවට පත් වූ දකුණු ආසියානු ජ්‍යෙෂ්ඨ මලල ක්‍රීඩා ශූරතාවලියේ අනුශූරතාව හිමිකර ගැනීමට ශ්‍රී ලංකාව සමත් විය.

දකුණු කැලිෆෝර්නියාවේ දරුණු වැසි හට ගෙන තිබේ.

දකුණු කොරියාවේ දත්ත මධ්‍යස්ථානයක හටගත් ගින්නකින් එරට මාර්ගගත සේවා රැසක් අඩාල වේ. අද (29) දවස තුළ යථාවත් කිරීමට හැකි වූයේ, ඉන් දහයෙන් එකකටත් අඩු සංඛ්‍යාවක් පමණක් බව රජය පවසයි.

දකුණු කොරියාව ලොව අධිකතර රැහැන් ගත රටවල් අතුරින් ප්‍රධාන තැනක් ගනී. මාධ්‍ය සාකච්ඡා ඇතුළු එරට බොහෝ රාජ්‍ය සේවා මාර්ග ගතව ක්‍රියාත්මක කෙරේ. ගින්න හේතුවෙන්, එරට පොලිස් සේවය, ගිනි නිවීම් සහ රේගු අධිකාරි ඇතුළු සේවා රැසක් අඩාල වී ඇතැයි වාර්තා වේ.

එරට ජාතික තොරතුරු සම්පත් සේවයේ දත්ත මධ්‍යස්ථානයක දෛනික නඩත්තු කටයුත්තක් අතරවාරයේ හට ගත ගින්නකින් අත්‍යවශ්‍ය මාර්ග ගත සේවා 647ක් මුළුමනින්ම අකර්මණ්‍ය විය. මේ වන විට යථා තත්ත්වයට පත් කර ඇත්තේ ඉන් 62ක් පමණක් බව බලධාරීහු පවසති.

මාර්ග ගත සේවා අඩාල වීම සම්බන්ධයෙන් එරට ජනපති ලී ජේ ම්යුඞ් (Lee Jae Myung) ජාතියෙන් සමාව ඉල්ලා සිටියේය. 2023 වසරේ ද, එරට මාර්ග ගත සේවා බිඳ වැටීමේ සිදුවීමක් වාර්තා විය.

බදු ගෙවීම් ඇතුළු කටයුතු රැසක් සම්බන්ධයෙන් නිකුත් කර ඇති අවසන් දින නියමයන් දීර්ඝ කර ඇති බවත්, ගාස්තු අය කිරීමකින් තොරව අත්‍යවශ්‍ය මහජන ලේඛන නිකුත් කිරීම් සිදු කරන බවත් මහජන ආරක්ෂක උප අමාත්‍ය, කිම් මින්-ජේ (Kim Min-jae) පැවසීය. ගින්නෙන් මුළුමනින්ම විනශයට පත් මාර්ග ගත සේවා 96ක් යථාවත් කිරීමට අවම වශයෙන් සති හතරක්වත් ගත වනු ඇතැයි ද ඔහු සඳහන් කළේය.


(සටහන | Reuters ඇසුරින්; හර්ෂ උදයකාන්ත පීරිස්)
(This email address is being protected from spambots. You need JavaScript enabled to view it.)
9/29/2025


South Korea scrambles to restore digital services after server fire

දකුණු කොරියානු රජය අනුබද්ධ සෙමවුල් උන්ඩොං සංවිධානය ශ්‍රී ලංකාවේ ග්‍රාමීය සංවර්ධන ව්‍යාපෘති සඳහා මූල්‍ය ආධාර ලබාදීම නැවත ආරම්භ කිරීමට එකඟතාව පළ කර ඇත.

එමෙන්ම ශ්‍රි ලංකාව සමඟ නැවත ජාත්‍යන්තර සහකාරත්වය තුළ මූලික මට්ටමේ ප්‍රගතින් අත්පත් කර ගැනිමට ඔවුන්ගේ කැපවීම තහවුරු කර තිබේ.

මෙම නිවේදනය සිදු කරන ලද්දේ පසුගිය දා (19) දකුණු කොරියාවේ දී පැවැති සෙමවුල් උන්ඩොං සමුළුවේදී ය.

මෙම සමුළුව ග්‍රාමීය සංවර්ධනය පිළිබඳව ලෝක රාජ්‍ය නායකයින්, අමාත්‍යවරු, නිලධාරීන් හා නියෝජිතයින් එක් කෙරෙන ජාත්‍යන්තර වේදිකාවක් වු අතර මෙවර ඒ සඳහා ලෝකයේ රටවල් 46 ක නියෝජිතයින් සහභාගී වී සිටියහ.

ශ්‍රී ලංකාව නියෝජනය කරමින් සම්මන්ත්‍රණයට සහභාගී වූයේ රාජ්‍ය පරිපාලන, පළාත් සභා හා පළාත් පාලන අමාත්‍ය ආචාර්ය චන්දන අබයරත්න සහ අමාත්‍යාංශ ලේකම් එස්. අලෝකබණ්ඩාරය යන අයයි.

දකුණු කොරියාවේ 1970 දශකයේ ආරම්භ වූ සැමුවෙල් උන්ඩොං (saemual Undong) මගින් දකුණු කොරියාව දරිද්‍රතාවයෙන් මුදවා ගෙන සංවර්ධනය කරා ගෙන ගිය ආකාරය පිළිබඳව වෙනත් රටවල් සමඟ අදහස් හා අත්දැකීම් හුවමාරු කර ගැනීමට පිහිටුවා තිබේ.

2025 සමුළුව ඇමතූ අමාත්‍ය චන්දන අබේරත්න  විසින් ශ්‍රී ලංකාවේ ග්‍රාමීය සංවර්ධන අවශ්‍යතා සහ වර්තමාන රජයේ අනාගත දර්ශනය පිළිබඳව පෙන්වා දුන් අතර කොරියානු සැමුවෙල් උන්ඩොං ආයතනය සමඟ සහ විවිධ රටවල අමාත්‍යවරු හා නියෝජිතයින් සමඟ ශ්‍රී ලංකාවේ අත්දැකීම් හා නව අදහස් හුවමාරු කර ගැනීමේ අවස්ථා කීපයකට ද සහභාගී විය.

මෙම සමුළුවේදී ශ්‍රීලංකාව වෙනුවෙන් මූල්‍ය සහාය ලබාදීමට එකඟ වූ මූල්‍ය ප්‍රදානය ග්‍රාමීය සංවර්ධන ව්‍යාපෘති සඳහා යෙදවීමටත් පළාත් මට්ටමේ කුඩා ග්‍රාමීය සංවර්ධන වැඩසටහන් සඳහා වෙන් කළ හැකි බවටත් සඳහන් කෙරුණි.

මෙම මූල්‍ය සහාය ලබාදීම සමඟ දැනට නතර වී ඇති කොරියානු මූල්‍ය සහාය නැවත ආරම්භ වීමක් ලෙස සැලකිය හැකි වෙයි.

මෙවර සමුළුවේදී විශේෂ අවධානයක් යොමු වූ ක්ෂේත්‍ර වූයේ ග්‍රාමීය පද්ධති නවීකරණය, ජනතා සහභාගිත්වය මත පදනම් වූ සංවර්ධන ක්‍රමවේද, තරුණ හා කාන්තා ප්‍රජාව සවිබල ගැන්වීම, ආර්ථික හා සංස්කෘතික ග්‍රාමීය සංවර්ධන ව්‍යාපෘති සමඟ තිරසර සංවර්ධනයයි.

(ජේ . මුණසිංහ)

මහනුවර ශ්‍රී දළදා මාලිගාවේ නව දියවඩන නිලමේ තෝරාපත් කර ගැනීමේ නිලවරණය හෙට පැවැත්වීමට නියමිතව ඇත.

මුන්නේෂ්වරම් කෝවිලට ගොස් පැමිනි පිරිසක් දැදුරු ඔයේ දිය නැමට ගොස් දියේ ගිලී තිබෙනවා.

'දිට්වා' සුළි කුණාටුව සමග ඇතිවූ ගංවතුර හා නායයෑම්වලින් හානිවූ ජල යෝජනා ක්‍රම 156 කින් 120ක් යථා තත්ත්වයට පත් කළ බව ජාතික ජල සම්පාදන හා ජලාපවහන මණ්ඩලය පවසයි.

දිගු කාලයක් තිස්සේ සැලසුම් කර තිබූ ප්‍රධාන ගොඩබිම් ප්‍රහාරයක් ඊශ්‍රායලය ගාසා නගරයට දියත් කර ඇත.

හමුදා ප්‍රහාරවලට අමතරව ඊයේ (16) රාත්‍රියේ දැඩි ගුවන් ප්‍රහාර එල්ල වූ බව විදෙස් වාර්තා සඳහන් කළේය.

හමාස් සංවිධානය පවසන්නේ ගෙවුණු පැය 24 තුළ පුද්ගලයින් 59 දෙනෙකු මියගොස් අවම වශයෙන් 386 දෙනෙකු තුවාල ලබා ඇති බවයි.

ඊශ්‍රායල ආරක්ෂක හමුදා ඇස්තමේන්තුවට අනුව ගසා තීරයේ ජනතාව 3,050,000 ක් පමණ මේ වන විටත් ප්‍රදේශයෙන් ඉවත්ව ගොස් ඇති බව සඳහන්.

ඊශ්‍රායලය ගාසා තීරයේ ජන සංහාරයක් සිදුකරන බව එක්සත් ජාතීන්ගේ විමර්ශන කොමිසම ප්‍රකාශ කිරීමත් සමඟ මෙම ප්‍රහාරය සිදුව ඇති බව විදෙස් වාර්තා සඳහන් කළේය.

ඊශ්‍රායල අගමැති බෙන්ජමින් නෙතන්යාහු පවසා සිටියේ බ්‍රිතාන්‍යයේ සහ අනෙකුත් රටවල විවේචන හමුවේ හමාස් සංවිධානයේ අවසාන ප්‍රධාන බලකොටුවට එරෙහිව මෙහෙයුමක් දියත් කර ඇති බවයි.

නොවැම්බර් මස අග භාගයේදී ශ්‍රී ලංකාවට කඩාවැදුණු 'දිට්වා' සුළි කුණාටුව හේතුවෙන් ඇති වූ ගංවතුර සහ නාය යෑම් නිසා මෙරට රැකියා නියුක්තිකයන් 374,000කට පමණ සිය ජීවනෝපාය අහිමි වී හෝ දැඩි බලපෑමකට ලක්ව ඇති බව ජාත්‍යන්තර කම්කරු සංවිධානය (ILO) පවසයි.

‘දිට්වා’ සුළි කුණාටුවේ බලපෑම හේතුවෙන් ඇති වූ ආපදා හේතුවෙන් සිදුවූ පුද්ගල මරණ සංඛ්‍යාව 465ක් දක්වා ඉහළගොස් තිබේ.

ජනාධිපති අනුර කුමාර දිසානායක විසින් ජාතික ගුරු සමුළුව අමතමින් අධ්‍යාපන ප්‍රතිංස්කරණ පිළිබඳව සිදු කළ ප්‍රකාශයක් සම්බන්ධයෙන් සර්වජන බලයේ නායක ව්‍යවසායක දිලිත් ජයවීර මහතා සිය x ගිණුමෙහි සටහනක් තබා තිබේ.

එහිදී ඔහු සඳහන් කර ඇත්තේ මෙරට ප්‍රාථමික හා ද්විතීක අධ්‍යාපනයේ වර්ධනයට ආපසු හැරවිය නොහැකි ලෙස හානි කළ හැකි ප්‍රතිපත්තිමය පියවරක් පිළිබඳව සිදු කරන නිරන්තර විවේචනයන්ට, ජනාධිපතිවරයා සවන් දීම පිළිබඳව සිය කෘතඥතාවය පළ කරන බවය.

එමෙන්ම දණ්ඩ නීති සංග්‍රහයේ (සංශෝධන) පනත් කෙටුම්පතේ බොහෝ විධිවිධාන මෙරට ස්වාධීනත්වයට සහ වටිනාකම් පද්ධතියට බටහිරයන්ගෙන් සිදුවන බලපෑම පිළිබඳව හෙළි කරන බවද එහි සඳහන් වේ.

ලාංකීය අනන්‍යතාවය ගොඩනඟන ශිෂ්ටාචාරමය වටිනාකම්, විශේෂයෙන් ගුරුවරුන් විසින් ඉටු කරන පරාර්ථකාමී භූමිකාව, සම්මුතියකට නොගෙන ඉදිරියට යන ආකාරය පිළිබඳව ද අප පැහැදිලි විය යුතු බව එම X සටහනේ වැඩිදුරටත් සඳහන් වෙයි.