විනෝදාස්වාද

චීන විද්‍යාඥයින් ලොව ප්‍රථම “ගර්භණී රොබෝව” සඳහා කටයුතු කරමින් සිටින බව විදෙස් මාධ්‍ය පවසයි.

මෙම තාක්ෂණය ජීව විද්‍යාත්මක ගැබ් ගැනීමකට භාජනය නොවීමට කැමති නිසරු යුවල හෝ පුද්ගලයින්ට සහාය විය හැකි බව එම විද්‍යාඥයින් පවසයි.

එමඟින් සජීවී දරුවෙකු බිහි කළ හැකි අතර මෙම තාක්ෂණය පිළිසිඳ ගැනීමේ සිට දරු ප්‍රසූතිය දක්වා ගැබ් ගැනීමක් අනුකරණය කරන බව විශේෂඥයින් ප්‍රකාශ කර ඇත.

කලලරූපය කෘතිම ගර්භාෂයක් තුළ වර්ධනය වී නලයක් හරහා පෝෂ්‍ය පදාර්ථ ලබා දීමට අපේක්ෂා කෙරේ.

කෙසේ වෙතත්, බිත්තරය සහ ශුක්‍රාණු සංසේචනය වන ආකාරය පිළිබඳ නිශ්චිත තොරතුරු විද්‍යාඥයින් හෙළි කර නොමැත.

සිංගප්පූරුවේ නැන්යැං තාක්ෂණික විශ්වවිද්‍යාලයේ විද්‍යාඥයෙකු වන ආචාර්ය ෂැං කිෆෙන්ග් විසින් මෙහෙයවනු ලබන ගුවැන්ෂු හි පිහිටි කයිවා තාක්‍ෂණය විසින් මෙම රොබෝව සංවර්ධනය කරනු ලැබේ.

“මෙම තාක්ෂණය දැනටමත් පරිණත අවධියක පවතිනවා.දැන් එය රොබෝවරයාගේ උදරයේ බද්ධ කළ යුතුයි. එමඟින් සැබෑ පුද්ගලයෙකුට සහ රොබෝවරයාට ගැබ් ගැනීමක් ලබා ගැනීමට අන්තර් ක්‍රියා කළ හැකි වෙනවා. එමඟින් කලලරූපය ඇතුළත වර්ධනය වීමට ඉඩ සලසනවා”ආචාර්ය ෂැං පවසා තිබේ.

2026 FIA Formula 3 තරග වාරය සඳහා සුදුසුකම් ලැබූ පළමු ලාංකිකයා බවට පත්වීමට යෙවාන් ඩේවිඩ් සමත්ව තිබේ.

ඒ, AIX රේසිං කණ්ඩායම සමග ඔහු ලබන වසරේ තරගාවලිය සඳහා අත්සන් කිරීමත් සමඟයි.

ඔහු මේ වනවිට යුරෝෆෝමියුලා විවෘත ශූරතාවලියට තරගවදින අතර, එහිදී මේ දක්වා ජයග්‍රහණ හතරකට හිමිකම් කියනු ලැබේ.

ඔහු අගෝස්තු මස මුලදී GB3 හි හොඳම 10 දෙනා අතරට පැමිණීමට ද සමත් විය.

ඊට පෙර, ඔහු 2024 වසරේදී යුරෝකප්-3, ස්පාඤ්ඤ F4 සහ UAE F4 ශූරතා සඳහා ද තරග කර තිබේ.

F3 අදියරට උසස්වීම පිළිබඳ අදහස් දක්වමින් ඔහු පැවසුවේ, තම රටෙන් ශූරතාවලියට තරග කරන පළමු රියදුරු වීම ගැන ආඩම්බර වන බවත්, අවස්ථාව ලැබීම ගැන කෘතඥ වන බවත්ය.

ජාත්‍යන්තර සංචාරක රූ රැජින ලෙස කිරුළ දිනා ගත් ආදිත්‍යා වැලිවත්ත, අද අලුයම කටුනායක ගුවන් තොටුපොළින් යළි දිවයිනට පැමිණියාය.

ඇය සහභාගී වූ “මිස් ටුවරිසම් යුනිවර්ස් - 2025” තරඟාවලිය පිලිපීනයේ මැනිලා නුවරදී පසුගියදා පැවැත්විණි.

එම තරඟාවලියට රටවල් 17 ක රූ රැජිනියන් එක්ව සිටියහ.

එහිදී ආදිත්‍යා වැලිවත්ත ජාත්‍යන්තර සංචාරක රූ රැජින කිරුළට අමතරව තරගාවලියේ හොඳම ජාතික ඇදුම සහ තවත් සම්මානයක් දිනා ගැනීමටද සමත් විය.

දිවයිනට පැමිණි ඇය පිළිගැනීමට ශ්‍රී ලංකා සංචාරක ප්‍රවර්ධන කාර්යාංශයේ නිලධාරීන්, ඇයගේ පවුලේ සාමාජිකයන් ඇතුළු පිරිසක් කටුනායක ගුවන් තොටුපොළ වෙත පැමිණ සිටියහ.

වයස අවුරුදු 16ට පහළ දරුවන් හට YouTube භාවිත කිරීම සීමා කිරීමට ඔස්ට්‍රේලියානු රජය කටයුතු කර තිබේ.

ඒ අනුව, වයස අවුරුදු 16ට අඩු දරුවන්ට YouTube ගිණුම් පවත්වාගෙන යාමට නොහැකි වන බව අග්‍රාමාත්‍ය ඇන්තනී අල්බනීසි පවසයි.

සමාජ මාධ්‍ය දරුවන්ට අහිතකර ලෙස බලපෑම් එල්ල කිරීම හේතුවෙන් දරුවන්ට සමාජ මාධ්‍ය සීමා කිරීමට ඕස්ට්‍රේලියානු රජය පසුගිය වසරේ තීරණය ක‍ළේ ය.

එහිදී Youtube ඇතුළත්ව නොතිබුණත්, YouTube ද ඇතුළත් කරන බව අද නිවේදනය කර තිබේ.