විනෝදාස්වාද

ප්‍රංශයේ පෝල් රිකාට් ධාවන පථයේ පැවති යුරෝපියානු ජී.ටී.- 4 මෝටර් රථ ධාවන ශූරතා තරගාවලියට සහභාගී වී , එයින් දෙවන ස්ථානය දිනා ගත් ශ්‍රී ලාංකික මෝටර් රථ ධාවන ශූර ඩිලන්ත මාළගමුව  අද(10) දින උදෑසන කටුනායක ගුවන් තොටුපොළ වෙත පැමිණියේය .

මෙම තරගය ඉකුත් 05 , 06, සහ 07 යන දින වල ලෝකයේ රටවල් 40 ක මෝටර් රථ ධාවන ශූරයින් විශාල සංඛ්‍යාවකගේ සහභාගීත්වයෙන් පවත්වා තිබූ අතර ශ්‍රී ලංකාව පමණක් නොව සමස්ථ ආසියාවම නියෝජනය කරමින් ඩිලන්ත මාළගමුව එම තරගයට සහභාගී වී තිබුණි .

ඩිලන්ත මාළගමුව අද උදෑසන 08.20 ට දෝහා සිට කටාර් ගුවන් සේවයේ කිව්.ආර්.- 664 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබූ අතර , ඔහු පිළිගැනීම සදහා මීගමුව ජ්‍යෙෂ්ඨ පොලිස් අධිකාරී එරික් පෙරේරා ඇතුළු පොලිස් නිලධාරීන් පිරිසක් සහ ඩිලන්ත මාළගමුවගේ මිතුරන් පිරිසක් ද කටුනායක ගුවන් තොටුපොළ වෙත පැමිණ සිටියහ .

එහිදී මාධ්‍යවේදීන් හමුවේ අදහස් දැක්වූ ඩිලන්ත මාළගමුව,  මෙම වසරේ තවත් මෝටර් රථ ධාවන තරග 08 ක් යුරෝපයේ සහ තවත් මෝටර් රථ ධාවන තරග 02 ක් සදහා වශයෙන් මෝටර් රථ ධාවන තරග 10 ක් ඉතිරිව ඇති බවත් ඒවාට හොදින් පුහුණ වී තරග කර ලෝක ශූරතාවය දිනා ගැනීමට තමන් අපේක්ෂා කරන බවත් පැවසීය .

ජාතික වශයෙන් මෙන්ම ජාත්‍යන්තරව ද කීර්තියට පත් ප්‍රවීණ කලාකරු විමල් වික්‍රමසුරේන්ද්‍ර මහතා අභාවප්‍රාප්ත විය.

ශ්‍රී ලංකා පාර්ලිමේන්තුවේ සභා ගැබේ පිවිසුම් දොරටුවේ මනස්කාන්ත පිත්තල කැටයම මෙන්ම සභා ගැබ තුළ ඇති සියලුම කැටයම් ඔහුගේ නිර්මාණ වේ.

මෙරට රාජ්‍ය නායකයෙන් රැසක් නිර්මාණකරණයේදී ඔහු සමීපව ඇසුරු කොට ඇති අතර ඉන් කීප දෙනකු ඔහුගේ කළුතර නිවසටද පැමිණ ඇත .

මෙරට පළාත් සභා කීපයකම සෙංකෝල ඔහුගේ නිර්මාණයන්‍ ය. ඒ නිසාම ඔහුගේ නිවස "සෙන්කෝල ගෙදර " ලෙස හැඳින්වීමට කළුතර ජනතාව පුරුදුවී සිටියහ.

මෙරට කලාකරුවන් සඳහා පිදෙන සෑම සම්මානයකින්ම ඔහු පිදුම් ලබා තිබුණි .

විශිෂ්ඨතම කලාකරු විමල් වික්‍රමසුරේන්ද්‍ර මහතාගේ දේහය කළුතර දූව පංසල පාරේ පිහිටි ඒ මහතාගේ නිවසේ තැන්පත් කර ඇති අතර අවසන් කටයුතු හෙට (18) සවස 6.00 ට වස්කඩුව ආදාහනාගාරයේදී සිදු කෙරේ .

වාර්තා රැසක් අලුත් කරමින් බංග්ලාදේශයට එරෙහි පළමු ටෙස්ට් ක්‍රිකට් තරගය ලකුණු 328කින් ජයගැනීමට ශ්‍රී ලංකාව සමත් විය.
සිලෙට්හිදී පැවති තරගයේ පළමුව පන්දුවට පහරදුන් ශ්‍රී ලංකා කණ්ඩායම රැස් කළ ලකුණු 280ට පිළිතුරු ලෙස බංග්ලාදේශයට ලබා ගැනීමට හැකිවුයේ, ලකුණු 188ක් පමණයි.

පළමු ඉනිමේ වැඩි වාසි අතැතිව, දෙවැනි ඉනිම ක්‍රීඩා කළ ශ්‍රී ලංකාව සියලු දෙනා දැවී රැස් කළ ලකුණු සංඛ්‍යාව 418ක් රැස් කළේ ය.

නායක ධනංජය ද සිල්වා ඉනිම දෙකේදීම ශතක රැස් කළ අතර, ඔහු වාර්තා අතරට එක්වුයේ වසර 10කට පසුව ටෙස්ට් ක්‍රිකට් තරගයක ඉනිම දෙකේදීම ශතක රැස් කළ ශ්‍රී ලාංකික පිතිකරුවා ලෙසයි.

වමත් පිතිකරු කමිඳු මෙන්ඩිස් ද නායකයාට උපරිම සහයෝගය ලබා දෙමින්, ඉනිම දෙකේදීම සාර්ථක ශතක දෙකක් රැස් කිරීමට සමත් විය.

එය වාර්තා පොත් අතරට එක් වුණේ ටෙස්ට් තරගයකදී අංක 7 හෝ ඉන් පහළ පිතිකරුවෙක් ඉනිම දෙකේදීම ශතක දෙකක් රැස් කළ ලොව පළමු අවස්ථාව ලෙසයි.

ටෙස්ට් තරගයක ඉනිම දෙකේදීම ශතක රැස් කළ ලොව තුන්වැනි පිතිකරු යුගලය ලෙස ධනංජය හා කමිඳු වාර්තා පොත් අලුත් කළේය.

ඒ අනුව, ලකුණු 511ක ඉලක්කයක් හඹා ගිය බංග්ලාදේශ කණ්ඩායමට සියලු දෙනා දැවී රැස් කිරීමට හැකි වුයේ ලකුණු 182ක් පමණයි.

කසුන් රාජිත කඩුලු 5ක් දවා ගැනීමට සමත් විය.

විශ්ව ප්‍රනාන්දු කඩුලු 3ක් දවාගත් අතර ළහිරු කුමාර කඩුලු 2යි.

තරගයේ වීරයා සම්මානය ශ්‍රී ලංකා නායක ධනංජය ද සිල්වාට හිමිවිය.

මෙම තරග ජයග්‍රහණයත් සමග ශ්‍රී ලංකාව ලෝක ටෙස්ට් ශූරතාවලියේ ලකුණු සටහනේ ස්ථාන දෙකකින් ඉදිරියට පැමිණියේ ය.

ඒ අනුව, ශ්‍රී ලංකාව ලෝක ටෙස්ට් ශූරතාවලියේ ලකුණු සටහනේ රැදී සිටින්නේ 6වැනි ස්ථානයේයි.

71 වන ලෝක රූ රැජින කිරුළ ඉන්දියාවේ මුම්බායිහිදී ඊයේ රාත්‍රී අති උත්කර්ෂවත් අයුරින් පැවැත්වුණි.

2024 වසරේ ලෝක රූ රැජින කිරුළ හිමි කර ගැනීමට චෙක් ජනරජයේ ක්‍රිස්ටිනා පිස්කෝවා විසින් ඊයේ (9) සමත් විය.

තරගාවලියේ අනුශූරිය ලෙස ලෙබනනයේ යෂ්මිනා සයිටූන් තේරී පත් විය.

මෙම තරගාවලිය සඳහා රටවල් 115ක තරගකාරිනියන් සහභාගී වූ බව විදෙස් මාධ්‍ය වාර්තා කරයි.

ඉන්දියාව ලෝක රූ රැජින තරගාවලියක් සඳහා මෙවර සත්කාරකත්වය දැරූවේ වසර 28 කට පසුව වන අතර, ඉන්දියාව නියෝජනය කළ 22 හැවිරිදි සිනී ෂෙට්ටි තරගාවලියේ පළමු 08 දෙනා අතරට තේරී පත් වීම වි‍ශේෂත්වයකි.

ලෝක රූ රැජිණ කිරුළ හිමිකරගත් ක්‍රිස්ටිනා පිස්කෝවා 23 හැවිරිදි වියේ පසුවේ. ඇය නීතිය , ව්‍යාපාර පරිපාලනය පිළිබඳ උපාධිධාරිනියකි.

චෙක් ජන රජය ලෝක රූ රැජිණ කිරුළ අවසන් වරට දිනාගෙන තිබුණේ 2006 වසරේදීය.