මෙරට ඉංජිනේරුවරුන්ගේ තාක්ෂණික දායකත්වයෙන් නිර්මාණය කෙරූ තෙවැනි නැනෝ චන්ද්‍රිකාව හෙට (19) දින කක්ෂගත කිරීමට නියමිත බව මොරටුව ආතර් සී ක්ලාක් ආයතනය පවසයි.
එම චන්ද්‍රිකාව නම්කර ඇත්තේ බර්ඩ්ස් - එක්ස් ඩ්‍රැගන්ෆලයි ලෙසයි.
පසුගිය අගෝස්තු 24 වනදා නාසා ආයතනය විසින් දියත් කළ එස්.පී.එක්ස් - 33 රොකට් මෙහෙයුම මගින් ජාත්‍යන්තර අභ්‍යවකාශ ආයතනය වෙත එම චන්ද්‍රිකාව රැගෙන ගොස් ඇත.
2019 වසරේදී මෙරට පළමු නැනෝ චන්ද්‍රිකාව වන “රාවණ - 1“ චන්ද්‍රිකාව කක්ෂගත කර තිබු අතර පාර්ශවයන් 5ක සහභාගීත්වයෙන් යුතු තාක්ෂණික සහයෝගීතා ව්‍යාපෘතියක් තුළින් නිර්මාණය වූ “කිට්සුනේ“ චන්ද්‍රිකාවත් මීට පෙර කක්ෂගත කර තිබුණි.
හෙට පස්වරු 2.15ට බර්ඩ්ස් - එක්ස් ඩ්‍රැගන්ෆලයි නැනෝ චන්ද්‍රිකාව ජාත්‍යන්තර අභ්‍යවකාශ මධ්‍යස්ථානයේ සිට එහි කක්ෂය වෙත මුදා හැරීමට නියමිතය.