V2025

විනෝදාස්වාද

රංගන ශිල්පී රොබින් ප්‍රනාන්දු අභාවප්‍රාප්ත වෙයි

ප්‍රවීණ රංගන ශිල්පී රොබින් ප්‍රනාන්දු අභාවප්‍රාප්ත වී තිබේ.

මිය යන විට ඒ මහතා 84 වැනි වියේ පසුවිය.

අවසන් කටයුතු පිළිබද පසුව දැනුම් දෙනු ඇත.

බර ඉසිලූ ලෝක ශූරයෝ දිවයිනට

උස්බෙකිස්තානයේ ටස්කන්ට් නුවර පොදු රාජ්‍ය මණ්ඩලීය ක්‍රීඩා තරගාවලියට සමාන්තරව පැවති ලෝක බර ඉසිලීමේ ශූරතා ශ්‍රී ලංකා කණ්ඩායම අද (19) අලුයම දිවයිනට පැමිණ තිබේ.

ඔවුන් දිනාගත් මුලු පදක්කම් ගණන 07 කි.

ඒ අතරින් ශ්‍රී ලංකා බර ඉසිලීමේ කාන්තා කණ්ඩායම නියෝජනය කළ ශ්‍රී ජයවර්ධනපුර විශ්වවිද්‍යාලයේ ශ්‍රීමාලී සමරකෝන් රන් පදක්කමක්, පොළොන්නරුව බර ඉසිලීමේ ක්‍රීඩා සමාජය නියෝජනය කළ තිමාලි හපුතැන්න රිදී පදක්කමක් සහ ශ්‍රී ලංකා ගුවන් හමුදාවේ නදීශානි රාජපක්ෂ ලෝකඩ පදක්කමක් දිනා ගැනීමට සමත් විය.

ශ්‍රී ලංකා පිරිමි බර ඉසිලීමේ කණ්ඩායම නියෝජනය කරමින් තරගාවලියට සහභාගී වූ ශ්‍රී ලංකා නාවික හමුදාවේ චින්තන විදානගේ සහ ඉන්දික දිසානායකත්, ශ්‍රී ලංකා ගුවන් හමුදාවේ ඒ.යූ.එම්.එම්.විජේසිංහ සහ පොළොන්නරුව බර ඉසිලීමේ ක්‍රීඩා සමාජයේ තිලංග පළගසිංහත් ලෝකඩ පදක්කම් දිනා ගෙන තිබුණි.

එහිදී මෙරට පිරිමි කණ්ඩායම ලෝක ශූරතා තරගාවලියේ තුන් වන ස්ථානය දිනාගැනීමට සමත් විය.

කෙසේ වෙතත් ඔවුන් පිළිගැනීමට ක්‍රීඩා අමාත්‍යංශය කිසිදු නිලධාරියෙකු කටුනායක ගුවන් තොටුපොළ වෙත පැමිණ නොමැති බවද වාර්තා වේ.

 

LPL කුසලානය දෙවැනිවරටත් ජැෆ්නා කිංග්ස්ට

ජැෆ්නා කිංග්ස් පිල ලංකා ප්‍රීමියර් ලීග් (එල්.පී.එල්) ක්‍රිකට් තරගාවලියේ (2021) ශූරතාව දිනාගැනීමට ඊයේ (23) සමත් විය.

ගෝල් ග්ලැඩියේටර්ස් පිලට අනුශූරතාව හිමිවිය.

ජැෆ්නා කිංග්ස් පිල පිට පිටම දෙවැනි වරටත් ශූරතාව දිනාගැනීම මෙහිදී කැපී පෙනුණි.

ගෝල් ග්ලැඩියේටර්ස් පිලට පිට පිටම දෙවැනි වරටත් අනුශූරතාවයෙන් සෑහීමට පත්වීමට සිදුවිය.

LPL 2021 3සූරියවැව මහින්ද රාජපක්‍ෂ ක්‍රීඩාංගණයේදී ඊයේ (23) රාත්‍රී පැවැති අවසන් මහ තරගයේදී තිසර පෙරේරා මෙහෙයවන ජැෆ්නා කිංග්ස් පිල ලකුණු 23 කින් භානුක රාජපක්‍ෂගේ නායකත්වයෙන් යුත් ගෝල් ග්ලැඩියේටර්ස් පිල පරාජය කිරීමට සමත් විය.

ජැෆ්නා කිංග්ස් කණ්ඩායම මූලික වටයේ තරග 8 න් තරග 6 ක් ජයග්‍රහණය කර තරග 2 ක් පරාජ වී තිබු අතර ගෝල් ග්ලැඩියේටර්ස් කණ්ඩායම මූලික වටයේ තරග 8 න් 4 ක් ජයග්‍රහණය කර තරග 4 ක් පරාජ වි තිබිණ.

අවසන් මහ තරගයේ කාසියේ වාසිය දිනාගැනීමට ජැෆ්නා කිංග්ස් කණ්ඩායමේ නායක තිසර පෙරේරා සමත් වූ අතර එහිදී ඔහු තීරණය කළේ පළමුව පන්දුවට පහරදීමටය.

ඒ අනුව පිටියට පිවිසි ජැෆ්නා කිංග්ස් නියමිත පන්දුවාර 20 අවාසනයේ කඩුලු 3ක් දැවි රැස්කළ ලකුණු සංඛ්‍යාව 201කි.

එහිදී ජැෆ්නා කිංග්ස් කණ්ඩායම වෙනුවෙන් අවිශ්ක ප්‍රනාන්දු ලකුණු 63ක් රැස්කළ අතර ටොම් කෝලර්-කැඩ්මෝර් නොදැවී ලකුණු 57ක් රැස් කළේය.

පන්දු යැවිමේදී ගෝල් ග්ලැඩියේටර්ස් කණ්ඩායම වෙනුවෙන් මොහොමඩ් අමීර්, නුවන් තුෂාර සහ සමිත් පටෙල් එක් කඩුල්ල බැගින් දවාගත්හ.

ලකුණු 202ක ජයග්‍රාහි ඉලක්කයක් හඹා යෑමට පිටියට පිවිසි ගෝල් ග්ලැඩියේටර්ස් කණ්ඩායමට නියමිත පන්දුවාර 20 තුළ කඩුලු 9ක් දැවී රැස්කර ගැනීමට හැකිවූයේ ලකුණු 178ක් පමණි.

එහිදී ගෝල් ග්ලැඩියේටර්ස් කණ්ඩායම වෙනුවෙන් ධනුෂ්ක ගුණතිලක ලකුණු 54ක් රැස්කළ අතර කුසල් මෙන්ඩිස් ලකුණු 39ක් රැස්කළේය.

පන්දු යැවිමේදී ජැෆ්නා කිංග්ස් කණ්ඩායම වෙනුවෙන් වනිඳු හසරංග සහ චතුරංග ද සිල්වා කඩුලු 2ක බැගින් දවාගත්හ.

ප්‍රවීණ චිත්‍රපට අධ්‍යක්ෂ සුනිල් සෝම පීරිස් දිවි ගමන නිම කරයි

ප්‍රවීණ චිත්‍රපට අධ්‍යක්ෂ සුනිල් සෝම පීරිස්  අභාවප්‍රාප්ත වී ඇත.

සුනිල් සෝම පීරිස්  අභාවප්‍රාප්ත වන විට (73) වැනි වියේ පසුවිය.

තිර රචකයෙක්, නළුවෙක්, සංස්කාරක වරයෙක් සහ චිත්‍රපට නිෂ්පාදකයෙක් ලෙස ඔහු කටයුතු කර තිබේ. ඔහු විවිධ මාදිලියේ වාණිජ චිත්‍රපට හතළිස් පහක් සමඟින් ශ්‍රී ලාංකේය සිනමාවේ වැඩිම චිත්‍රපට සංඛ්‍යාවක් අධ්‍යක්ෂණය කළ අධ්‍යක්ෂවරයෙකි.

පට්ටියගේ සුනිල් සෝම පීරිස් 1949 අප්‍රේල් 13 උපත ලැබුවේය. සහෝදර සහෝදරියන් අට දෙනෙකුගෙන් යුත් පවුලේ දෙවන දරුවා ලෙස ඉපදුණ ඔහුගේ පියා ව්‍යාපාරිකයෙකු වූ අතර මව ගෘහණියකි. ඔහු මහරගම බුවනෙකබා මහා විද්‍යාලයෙන් අධ්‍යාපනය සම්පූර්ණ කළේය. ඔහුගේ පාසල් සමකාලීනයන් වන්නේ නුවන් ගුණවර්ධන, අමරසිරි පීරිස් සහ කඳුපොල කුමාරතුංග ආදීන්ය. 1971 දී ඔහු තම දිගුකාලීන සහකාරිය වූ මාලනී අයේෂා පෙරේරා සමඟ විවාහ විය. මෙම යුවළට පුතුන් දෙදෙනෙක් හා දියණියක් සිටිති: රෝහණ ප්‍රේම කුමාර, සුදේශ් වසන්ත පුත්න් වන අතර එකම දියණිය, වසන්තිකා පියංගා කුමුදුනීය.

ඔහුගේ පුත් සුදේශ් වසන්ත පීරිස් ද චිත්‍රපට නිෂ්පාදකයෙකි,වසන්තිකාගේ පුත් කේෂාන් ප්‍රසන්න ජනප්‍රිය සංගීතවේදියෙකි.

=සුනිල්සෝම සිංහල සිනමාවට පිවිසියේ හෙන්රි චන්ද්‍රවංශගේ වනගත කෙල්ල චිත්‍රපටයේ සුළු අපකීර්තිමත් චරිතයකිනි. පසුව ලක්ෂ්‍ය කෝඩිය සහ වහල් දූව චිත්‍රපටවල කණ්ඩායම් චරිත කළේය. 1973 වසරේ තිරගත වූ තුෂාරා චිත්‍රපටයේ රඟපාමින් සිටියදී ඔහු චිත්‍රපට නිෂ්පාදකයකු වීමේ ආශාව අධ්‍යක්ෂක යසපාලිත නානායක්කාරට දැනුම් දුන්නේය. එම නිසා අවසානයේ ඔහු චිත්‍රපටයේ දෙවන සහය අධ්‍යක්ෂවරයා ලෙස තේරී පත් විය. චිත්‍රපටයෙන් පසුව යසපාලිත නානායක්කාරගේ ප්‍රථම සහය අධ්‍යක්ෂවරයා බවට පත් වූ සුනිල් සෝම ඔහු හා එක්ව චිත්‍රපට 18ක් සම්පූර්ණ කළේය.

1985 දී ඔබට දිවුරා කියන්නම් චිත්‍රපටයෙන් ඔහු සිය මංගල සිනමා අධ්‍යක්ෂණය කළේය.

ඊට පසු අවුරුදු 25ක් ඇතුළත චිත්‍රපට හතළිස් පහක් නිම කළේය. ඔහු නිර්මාණය කළ චිත්‍රපට හතළිස් පහෙන් අටක්ම ඔහුගේ පුත් සුදේශ් වසන්ත සමඟ එක්ව අධ්‍යක්ෂණය කළ ඒවාය. 1986 දී ඔහු ආනන්ද වික්‍රමසිංහ සමඟ දිනුම චිත්‍රපටය අධ්‍යක්ෂණය කළේය. සුනිල් සෝම විසින් අධ්‍යක්ෂණය කරන ලද මුල්ම චිත්‍රපට හත එනම් ඔබ දිවුරා කියන්නම්, ජය අපටයි, මමයි රජ, රජ වඩකරායෝ, යුක්තියට වැඳ, දිනුම සහ ඔබයි ප්‍රිය ආදරය) දින 10කට වඩා වැඩි වාර ගණනක් සිංහල සිනමාවේ තිරගත විය. එසේම ඔහුගේ මමයි රාජා චිත්‍රපටය දින 200කට වැඩි කාලයක් තිරගත වීම සිංහල චිත්‍රපට ඉතිහාසයේ වාර්තාවකි. 1993 දී ඔහු ෂර්මිලාවින් ඉතයා රාගම් යන දෙමළ චිත්‍රපටය අධ්‍යක්ෂණය කළේය. මේ අතර, ඔහුගේ චිත්‍රපට තිස් අටක් නිෂ්පාදනය කරන ලද්දේ සුනිල් ටී ප්‍රනාන්දු විසිනි, එය එකම අධ්‍යක්ෂක-නිෂ්පාදක සහයෝගීතාවයෙන් වැඩිම චිත්‍රපට සංඛ්‍යාවක් සඳහා සිංහල සිනමාවේ තවත් වාර්තාවකි. එමෙන්ම සුනිල් සෝම නම් දෙකකින් චිත්‍රපට අධ්‍යක්ෂණය කළ දෙවන ශ්‍රී ලාංකේය සිනමාකරුවා වේ. සමහර චිත්‍රපටවල ඔහු P. S. S. Pieris යන නමද භාවිත කළේය.

1997 දී ක්‍රියාකාරී දේශපාලනයට පිවිසි සුනිල්සෝම මහරගම නගර සභාවේ මන්ත්‍රීවරයෙකු ලෙසද කටයුතු කර තිබේ.

Page 5 of 17