විදෙස්

අද (03) කැලිෆෝර්නියාවේ ලොස් ඇන්ජලීස් ප්‍රාන්තයේ එල් සෙගුන්ඩෝ (El Segundo) තෙල් පිරිපහදුවේ ගින්නක් හටගෙන ඇතැයි වාර්තා වේ.

ගින්නෙන්, අසල පිහිටි ලොස් ඇන්ජලීස් ජාත්‍යන්තර ගුවන් තොටුපොළ මෙහෙයුම් වලට බාධාවක් නැතැයි, නාගරික ගිනි නිවීමේ දෙපාර්තමේන්තුව පවසයි.

ගින්නට හේතුව මෙතෙක් අනාවරණය වී නැත.

පිරිපහදුවේ හදිසි පිපිරීමක් වාර්තා වීමත් සමග ගිනි නිවීම් සහ අනෙකුත් සේවා වහා ඒ වෙත පිටත් කර යවා තිබේ. පුද්ගල අනතුරු පිලිබඳ තොරතුරක් නැතැයි පොලිසිය කියයි.

එල් සෙගුන්ඩෝ පිරිපහදුවේ දෛනික ධාරිතාව ඉන්දන බැරල 290,000 කි. පෙට්‍රල්, ගුවන් යානා ඉන්දන සහ ඩීසල් එහි ප්‍රධාන නිෂ්පාදන අතර වේ. ටැංකි 150කින් පමණ යුත් පිරිපහදුවේ සමස්ත ගබඩා ධාරිතාව බැරල මිලියන 12.5කි.


(සටහන | Reuters ඇසුරින්; හර්ෂ උදයකාන්ත පීරිස්)
(This email address is being protected from spambots. You need JavaScript enabled to view it.)
10/3/2025

Fire breaks out at Chevron's El Segundo refinery in Los Angeles

ශ්‍රී ලංකාව ඇතුළු කලාපීය රටවල් සමග සිදුකරන වෙළෙඳ ගනුදෙනුවල දී ඉන්දීය රුපියල් භාවිත කිරීමට ඉන්දීය මහ බැංකුව තීරණය කර තිබේ.

ශ්‍රී ලංකාව, නේපාලය සහ භූතානය රටවල් සමග සිදුකරන වෙළෙඳ ගනුදෙනුවලදී මෙලෙස ඉන්දීය රුපියල් භාවිත කිරීමට තීරණය කර ඇති බව ඉන්දීය මාධ්‍ය වාර්තා කළේය.

ඊට අමතරව අදාළ රටවල් සඳහා ලබාදෙන ණය මුදල් ද ඉන්දියානු රුපියල් මඟින් ලබාදීමට තීරණය කර ඇති බව සඳහන්ය.

කලාපයීය වෙළෙඳාමේදී අමෙරිකානු ඩොලරය මත යැපීම අවම කිරීමේ අරමුණන් මෙම පියවර ගෙන ඇති බව ඉන්දීය මහ බැංකුව ප්‍රකාශ කර ඇත.

සිය ප්‍රමුඛ වෙළෙඳ හවුල්කරුවන් සඳහා නිල විනිමය අනුපාතයක් හඳුන්වාදීමට ද ඉන්දීය මහ බැංකුව තීරණය කර ඇති බව වාර්තා වේ.

(adaderana)

පිලිපීනයට බලපෑ භූ කම්පනයෙන් මියගිය ගණන 69ක් දක්වා ඉහළ ගොස් ඇති බව එරට බලධාරීන් තහවුරු කර ඇත.

මධ්‍යම පිලිපීනයේ සෙබු නගරයේ වෙරළට ආසන්නයෙන් එරට වේලාවෙන් ඊයේ (30) රාත්‍රී 10ට පමණ මෙය ඇති වූ අතර, එය රික්ටර් මාපකයේ 6.9ක් ලෙස සටහන් විය.

භූ කම්පනය ඇතිවීමෙන් පසු සෙබු නගරයේ විදුලිය ඇනහිටීම් සිදු වූ අතර, ගොඩනැගිලි රැසකටද දැඩි හානි සිදුවිය.

මේ වනවිට තැන් තැන්වල මාර්ග ඉරිතලා ඇති අතර, පාලම් සහ මාර්ගවලටද දැඩි අලාභහානි සිදුව ඇත.

එරට බලධාරීන් විදුලිය යථා තත්ත්වයට පත් කිරීම් මෙන්ම සුන්බුන් අතර සිරවී සිටින පුද්ගලයන් බේරාගැනීමේ කටයුතු තවමත් සිදුකරමින් සිටී.

භූ කම්පනයේ බලපෑම් එල්ල වූ සෙබු නගරය තුළ මිලියනයකට ආසන්න ජනගහනයක් ජීවත්වන බව සඳහන්.

පිලිපීනය භූ කම්පන මෙන්ම ස්වාභාවික විපත්වලට නිරන්තරයෙන් ගොදුරුවන රටක් වන අතර, වසරේ විවිධ කාලවලදී ඒ සඳහා එරට ජනතාවට මුහුණදීමට සිදුවේ.

අවසන්වරට 2023 එරට මින්ඩනාඕ හි නැගෙනහිර වෙරළ තීරයට රිච්ටර් මාපකයේ 7.6ක භූමිකම්පාවක් ඇති වූ අතර, ඉන් ගැබිනි කාන්තාවක් ඇතුළුව තිදෙනෙක් ජීවිතක්ෂයට පත්විය.

2022 වසරේ වයඹදිග ලුසොන් හි කිලෝමීටර් 15ක් අභ්‍යන්තරයෙන් රිච්ටර් මාපකයේ 7.0 ක භූමිකම්පාවක් ඇති වූ අතර, එමගින්ද පුද්ගලයින් 11කට දිවි අහිමිවිය.

2019 වසරේ මින්ඩනාඕ රිච්ටර් මාපකයේ 6.5ක භූමිකම්පාවක් ඇති වූ අතර, එවර 13 දෙනෙකු ජීවිතක්ෂයට පත්විය.

2013 වසරේ බොහොල් දූපත අසල රිච්ටර් මාපකයේ 7.2ක භූමිකම්පාවක් ඇති වූ අතර, එවර 200කට වැඩි පිරිසක් මියගොස් 1,000කට ආසන්න පිරිසක් තුවාල ලැබූහ.

පිලිපීනය මෑත ඉතිහාසයේ බිහිසුණුම භූමිකම්පාවට 1976 වරේ දී මුහුණ දී ඇති අතර, මොරෝ ගල්ෆ් හි සිදුව ඇති රික්ටර් මාපකයේ 8.0ක ප්‍රබලත්වයෙන් යුත් භූමිකම්පාවකින් අවම වශයෙන් පුද්ගලයින් 5,000ක් ජීවිතක්ෂයට පත්ව ඇත.


මුලාශ්‍රය :

State of calamity in Philippines province as earthquake kills 69



Powerful Philippines earthquake leaves at least 69 people dead

මැඩගස්කර ජනරජයේ ජනාධිපති ඇන්ඩ්‍රි රාජොලීනා (Andry Rajoelina) විසින් තම රජය විසුරුවා හරින බව ප්‍රකාශ කර ඇත.

තරුණයින් විසින් මෙහෙයවන ලද මාරාන්තික විරෝධතා මීට හේතුවී තිබේ.

මෙය, දිගුකාලීන ජල හා විදුලි කප්පාදුවලට එරෙහිව තරුණ කණ්ඩායම් විසින් දින ගණනාවක් තිස්සේ මෙහෙයවූ විරෝධතා හේතුවෙන් ගත් තීරණයක් බව විදෙස් මාධ්‍ය සඳහන් කරයි.

රූපවාහිනිය ඔස්සේ ජාතිය අමතමින් රාජොලීනා කියා සිටියේ, "රජයේ සාමාජිකයින්ට පවරන ලද කාර්යයන් ඉටු කිරීමට නොහැකි වූයේ නම්, අපි එය පිළිගෙන සමාව අයදිනවා" යනුවෙනි.

විවධ සටන් පාඨය යටතේ, "Gen Z" විරෝධතාකරුවන් පසුගිය බ්‍රහස්පතින්දා සිට මැඩගස්කරයේ නගර පුරා වීදි බැස සිටිති.

එක්සත් ජාතීන්ගේ මානව හිමිකම් ප්‍රධානියා, නොසන්සුන්තාව මැඩපැවැත්වීම සඳහා ආරක්ෂක අංශ විසින් භාවිතා කළ "අනවශ්‍ය බලය" හෙළා දකිමින් කියා සිටියේ, අවම වශයෙන් පුද්ගලයන් 22 දෙනෙකු මියගොස්, 100 දෙනෙකුට වැඩි පිරිසක් තුවාල ලබා ඇති බවයි.

කෙසේ වෙතත්, මැඩගස්කරයේ විදේශ අමාත්‍යාංශය එක්සත් ජාතීන්ගේ සංවිධානයේ මෙම සංඛ්‍යා ප්‍රතික්ෂේප කරමින්, දත්ත "කටකතා හෝ වැරදි තොරතුරු මත පදනම් වූ" ඒවා බවට චෝදනා කර ඇත.

අගනුවර වන ඇන්ටනානාරිවෝ (Antananarivo) හි මුලින් ආරම්භ වූ විරෝධතා, මේ වන විට රට පුරා නගර අටක් දක්වා ව්‍යාප්ත වී තිබේ.

ප්‍රචණ්ඩත්වය සහ කොල්ලකෑම් පිළිබඳ වාර්තා වීමත් සමග ඇන්ටනානාරිවෝ හි සන්ධ්‍යාවේ සිට අලුයම දක්වා ඇඳිරි නීතිය පනවන ලද අතර, පොලීසිය රබර් උණ්ඩ සහ කඳුළු ගෑස් ප්‍රහාර එල්ල කරමින් පිරිස් විසුරුවා හැර තිබිණ.

Madagascar president dissolves government after youth-led deadly protests

ලුෆ්තන්සා (Lufthansa) ගුවන් සේවයට අයත් ගුවන් නියමුවෝ වෘත්තීය සමිති තීරණයකට අනුව, වැඩ වර්ජනයක් ආරම්භ කිරීමට සැරසෙති.

විශ්‍රාම වැටුප් සම්බන්ධ ආරවුලක් හේතුවෙන් එම තීරණය ගෙන තිබේ.

ඒ සම්බන්ධ මත විමසුමකදී බහුතර ගුවන් නියමු පිරිසක් ඊට පක්ෂව ඡන්දය ලබා දුන්හ. ඒ අනුව, නුදුරේදී එය ක්‍රියාත්මක කරන බව එම වෘත්තීය සමිතිය දන්වා සිටී.

වියදම් කප්පාදුව මගින් ආදායම ඉහළ නැංවීමට තීරණය කිරීම හේතුවෙන් පසුගිය වසර කිහිපය තුළ එම ගුවන් සමාගම ශ්‍රමික අභියෝග රැසකට මැදිව සිටී.

ආදායම ඉහළ නැංවීමේ අරමුණින් 2030 වන විට, සිය පරිපාලනයට අයත් රැකියා 4000ක් පමණ කප්පාදු කිරීමට සමාගම ඊයේ (29) තීරණය කළේය.

(සටහන | Reuters ඇසුරින්; හර්ෂ උදයකාන්ත පීරිස්)
(This email address is being protected from spambots. You need JavaScript enabled to view it.)
9/30/2025


Lufthansa faces strike after pilots vote for industrial action

එක්සත් ජනපදය, ඉරාන ජාතිකයින් 100 දෙනකු පිටුවහල් කළ බව නිව් යෝර්ක් ටයිම්ස් (New York Times) පුවත්පත අද (30) නිවේදනය කළේය.

ඒ පිලිබඳ ඉරාන බලධාරීන් හා සිදු කළ සාකච්ඡාවකින් අනතුරුව එක්සත් ජනපදය විසින් එම පියවර ගෙන තිබේ.

විශේෂ ගුවන් යානයක් මගින් ඔවුන් ඊයේ (29) ලුසියානා (Louisiana) ගුවන් තොටුපොලින් පිටුවහල් කෙරිණි. කටාර් රාජ්‍යය හරහා ඔවුන් අද දින ඉරානය වෙත ලඟා වීමට නියමිතය.

එම ඉරාන ජාතිකයින්ගේ අනන්‍යතා සහ ඔවුන් එක්සත් ජනපදයට පැමිණීමට හේතු වූ නිශ්චිත කරුණු අනාවරණය කරගැනීමට අපහසු වීම හේතුවෙන් එම තීරණය ගෙන ඇතැයි වාර්තා වේ.

(සටහන | Reuters ඇසුරින්; හර්ෂ උදයකාන්ත පීරිස්)
(This email address is being protected from spambots. You need JavaScript enabled to view it.)
9/30/2025


US deports 100 Iranians after deal with Tehran, NYT says

අද (30) ඇෆ්ගනිස්ථානය පුරා අන්තර්ජාල සහ ජංගම දුරකථන සේවා මුළුමනින්ම බිඳ වැටී ඇතැයි වාර්තා වේ.

තලිබාන් පරිපාලනය ඒ පිලිබඳ මෙතෙක් කිසිදු පැහැදිලි තොරතුරක් ලබා දී නැතැයි රොයිටර්ස් පුවත් සේවය පවසයි.

මීට පෙර මාර්ග ගත කාමුක දර්ශන හුවමාරුව පිලිබඳ එම සංවිධානය විසින් අනතුරු අඟවා තිබිණි. ඒ හේතුවෙන්, ඇතැම් ප්‍රදේශවල අන්තර්ජාල සබඳතා විසන්ධි කිරීමට ද පියවර ගැනිණි.

අදියරෙන් අදියර එරට අන්තර්ජාල සේවා විසන්ධි කෙරෙමින් ඇතැයි, ජාත්‍යන්තර නිරීක්ෂකයෝ පෙන්වා දෙති.


(සටහන | Reuters ඇසුරින්; හර්ෂ උදයකාන්ත පීරිස්)
(This email address is being protected from spambots. You need JavaScript enabled to view it.)
9/30/2025


Afghanistan's cellphone, internet services down, monitoring shows

එක්සත් ජනපදයේ, මිචිගන් (Michigan) හි කිතුණු දේවස්ථානයකට මෝටර් රථයකින් කඩා වැදුණු පුද්ගලයකු සිදු කළ වෙඩි තැබීමකින් සහ දේවස්ථානයට ගිනි තැබීමෙන් අවම වශයෙන් පුද්ගලයින් සිව් දෙනකු ඝාතනය වී ඇතැයි වාර්තා වේ.

වෙඩි වැදීමෙන් අට දෙනකුවත් තුවාල ලබා ඇතැයි පොලිස් ආරංචි මාර්ග පවසයි.

වෙඩි තැබීමෙන් අනතුරුව දේවස්ථානය ගිනි තැබූ සාහසිකයා, එහිදී ඇති වූ පොලිස් වෙඩි හුවමාරුවකදී ඝාතනය විය.

වෙඩි තැබීම සිදු කළ තැනැත්තා 40 හැවිරිදි, හිටපු ඇමෙරිකානු නාවුක සෙබළකු වන තෝමස් ජාකොබ් සන්ෆෝර්ඩ් ( Thomas Jacob Sanford) නම් අයකු බව හඳුනාගෙන තිබේ.

වෙඩි වැදීමෙන් පුද්ගලයින් දෙදෙනකු මිය ගිය අතර ගිනි තැබූ දේවස්ථානය තුළ තිබී දැවී ගිය තවත් මළ සිරුරු දෙකක් හමු වූ බව පොලිසිය සඳහන් කරයි.

සාහසිකයා දේවස්ථානයට කඩා වදින විට සියයකට අධික පිරිසක් ඒ තුළ රැස්ව සිටි බව වාර්තා වේ. වෙඩි තැබීමට හේතුව සොයා ඔහු සතු නිවස සහ ජංගම දුරකථනය ද පරික්ෂා කරන බව පොලිසිය කියයි.

ඔහු, 2004-2008 කාලයේ ඇමෙරිකානු නාවුක කොමාන්ඩෝ භටයකු මෙන්ම ඉරාක යුද්ධයේ දස්කම් පෑ ප්‍රවීණයකු බව ද වාර්තා වේ.


(සටහන | Reuters ඇසුරින්; හර්ෂ උදයකාන්ත පීරිස්)
(This email address is being protected from spambots. You need JavaScript enabled to view it.)
9/29/2025



Shooter kills at least four, wounds eight at Michigan church

දකුණු කොරියාවේ දත්ත මධ්‍යස්ථානයක හටගත් ගින්නකින් එරට මාර්ගගත සේවා රැසක් අඩාල වේ. අද (29) දවස තුළ යථාවත් කිරීමට හැකි වූයේ, ඉන් දහයෙන් එකකටත් අඩු සංඛ්‍යාවක් පමණක් බව රජය පවසයි.

දකුණු කොරියාව ලොව අධිකතර රැහැන් ගත රටවල් අතුරින් ප්‍රධාන තැනක් ගනී. මාධ්‍ය සාකච්ඡා ඇතුළු එරට බොහෝ රාජ්‍ය සේවා මාර්ග ගතව ක්‍රියාත්මක කෙරේ. ගින්න හේතුවෙන්, එරට පොලිස් සේවය, ගිනි නිවීම් සහ රේගු අධිකාරි ඇතුළු සේවා රැසක් අඩාල වී ඇතැයි වාර්තා වේ.

එරට ජාතික තොරතුරු සම්පත් සේවයේ දත්ත මධ්‍යස්ථානයක දෛනික නඩත්තු කටයුත්තක් අතරවාරයේ හට ගත ගින්නකින් අත්‍යවශ්‍ය මාර්ග ගත සේවා 647ක් මුළුමනින්ම අකර්මණ්‍ය විය. මේ වන විට යථා තත්ත්වයට පත් කර ඇත්තේ ඉන් 62ක් පමණක් බව බලධාරීහු පවසති.

මාර්ග ගත සේවා අඩාල වීම සම්බන්ධයෙන් එරට ජනපති ලී ජේ ම්යුඞ් (Lee Jae Myung) ජාතියෙන් සමාව ඉල්ලා සිටියේය. 2023 වසරේ ද, එරට මාර්ග ගත සේවා බිඳ වැටීමේ සිදුවීමක් වාර්තා විය.

බදු ගෙවීම් ඇතුළු කටයුතු රැසක් සම්බන්ධයෙන් නිකුත් කර ඇති අවසන් දින නියමයන් දීර්ඝ කර ඇති බවත්, ගාස්තු අය කිරීමකින් තොරව අත්‍යවශ්‍ය මහජන ලේඛන නිකුත් කිරීම් සිදු කරන බවත් මහජන ආරක්ෂක උප අමාත්‍ය, කිම් මින්-ජේ (Kim Min-jae) පැවසීය. ගින්නෙන් මුළුමනින්ම විනශයට පත් මාර්ග ගත සේවා 96ක් යථාවත් කිරීමට අවම වශයෙන් සති හතරක්වත් ගත වනු ඇතැයි ද ඔහු සඳහන් කළේය.


(සටහන | Reuters ඇසුරින්; හර්ෂ උදයකාන්ත පීරිස්)
(This email address is being protected from spambots. You need JavaScript enabled to view it.)
9/29/2025


South Korea scrambles to restore digital services after server fire

වියට්නාමය  ඊයේ  (28) එරට සියලු ගුවන්තොටුපොළ වසා දැමීමට පියවර ගත්තේය. ළඟ එන 'බූලොයි' (Bualoi) සුළි කුණාටුව හේතුවෙන් එම පියවර ගෙන තිබේ.

ඊට මැදි වෙතැයි අපේක්ෂිත කලාපවල දහස් සංඛ්‍යාත පිරිස් ආරක්‍ෂිත ස්ථාන කරා ඉවත් කිරීමට ද රජය විසින් කටයුතු යොදා ඇත.

කුණාටුව හේතුවෙන් ෆිලිපීනයේ ද ගංවතුර තත්ත්වයක් හටගෙන ගැනිණි.

අද (29) උදෑසන වන විට සුළි කුණාටුව පැයට කි.මී.133කට අධික සුළං ප්‍රවාහ සමගින්, මධ්‍යම වියට්නාමයට පතිත වීමට නියමිතය. කුණාටුව වෙරළ තීරයට ලඟා වීමත් සමග සුළඟේ වේගය අඩාල වනු ඇතැයි කාළගුණ විද්‍යාඥයෝ අනාවැකි පළ කරති.

සුළි කුණාටුව පැමිණීමත් සමග ඇති විය හැකි දැඩි සුළං ප්‍රවාහ, තද වර්ෂාපතනය, සාමාන්‍ය සහ හදිසි ගංවතුර තත්ත්වයන්, නාය යාම් සහ වෙරළ ඛාදනය වැනි විපත් පිලිබඳ අනතුරු ඇඟවීම් දැනටමත් නිකුත් කර තිබේ.

ලබන මස 01 දින පසු වන තෙක් උතුරු සහ මධ්‍යම වියට්නාමයේ මි.මී.600 ඉක්ම වූ වර්ෂාපතනයක් අපේක්ෂා කෙරේ. නදී ජල මට්ටම මීටර 9 තෙක් ඉහළ නැගීමෙන්, ගංවතුර සහ නාය යාම් විපත් සිදු විය හැකි බවට ද අනතුරු අඟවා ඇත.

මධ්‍යම වියට්නාමයේ, හා-ටින් (Ha Tinh) පළාතේ පූර්ව විපත් කළමනාකරණ ආරම්භ ව පවතින අතර, පුද්ගලියන් 15,000කට අධික පිරිසක් ආරක්‍ෂිත ස්ථාන කරා යොමු කිරීමට දැනටමත් පියවර ගෙන තිබේ. හමුදා භටයින් දහස් ගණනක්, විපත් කළමනාකරණ සහ මුදා ගැනීමේ මෙහෙයුම් පිණිස සූදානම්ව සිටිති.

මේ වසරේ හටගත් කජිකි (Kajiki) සුළි කුණාටුව ද වියට්නාමයට විපත් රැසක් ගෙන දුන්නේය. හෙට සිට එරට පාසල් රැසක් ද යළි දැනුම් දෙන තෙක් වසා තැබේ.


(සටහන | Reuters ඇසුරින්; හර්ෂ උදයකාන්ත පීරිස්)
(This email address is being protected from spambots. You need JavaScript enabled to view it.)
9/28/2025

මුලාශ්‍රය :

Vietnam evacuates thousands, shuts airports as Typhoon Bualoi nears

විශාල කඳු දෙකක් යා කරමින් චීනයේ ඉදිකර තිබෙන ලොව උසම පාලම වන Huajiang පාලමෙහි ගමනාගමන කටයුතු ආරම්භ කරමින් රථවාහන ධාවනය සඳහා අද (28) එය විවෘත කෙරිණ.

චීනයේ Guizhou පළාතේ පිහිටා ඇති මෙම ප්‍රධාන පාලම, පළලින් මීටර් 1,420 ක් වන අතර, ලොව දිගින් සහ උසින් ද වැඩිම පාලම වේ.

පාලම සහ ඊට පහළින් ගලා යන ගංගාවේ ජලය මතුපිට අතර උසෙහි පරතරය මීටර් 625ක් වන අතර, ලොව එවැනි වැඩිම පරතරයක් සහිත ස්ථානය වන්නේ ද මෙයයි.

පාලම අද දින මෙලෙස ගමනාගමනය සඳහා විවෘත කිරීමත් සමඟ, මීට පෙර ඒ අතර ගමනාගමනයට ගත වූ පැය 2ක කාලය දැන් මිනිත්තු 2ක් දක්වා අඩු වී ඇත.

මෙහි ඉදිකිරීම් සඳහා වසර තුනක් ගත වූ අතර, එහි සැලසුම ආරම්භයේ සිටම ඒ අවට සංචාරක සම්පත් සමඟ ඒකාබද්ධ කිරීම කෙරෙහි විශේෂ අවධානය යොමු කරන ලදී.

පහළින් ගලා බසිනා දිගු ගංගාවකට ඉහළින්, එය හරහා ඇති විශාල කඳු දෙකක් යා කරමින් ඉදිකර තිබෙන මෙම පාලම අනාගතයේ දී ප්‍රධාන ප්‍රවාහන මාර්ගයක් පමණක් නොව, එම කඳු දෙපස සිටින ජනතාවගේ ජීවිත නඟා සිටුවීමට ද හැකි නව සාධකයක් බවට පත්වනු ඇත.

Ada derana.lk

ඉන්දුනීසියාවේ දහසකට අධික පාසල් සිසුන් සංඛ්‍යාවක් ආහාර විෂ වීමෙන් රෝහල් ගත කෙරේ.

පසුගිය දින කිහිපය පුරා එරට බටහිර ජාවා හි, නොමිලේ ලබා දෙන පාසල් දිවා ආහාරය විෂ වීමෙන් හටගත් රෝගී තත්ත්වයන් හේතුවෙන් සෞඛ්‍ය ගැටළු රැසක් පැන නැගී ඇතැයි, අධ්‍යාපන බලධාරීහු පවසති.

ඩොලර් මිලියනන ගණනක් වැය කර එරට ජනපති ගේ ප්‍රධානත්වයෙන්, ඉන්දුනීසියාව පුරා නොමිලේ පාසල් දිවා අහාර වැඩසටහනක් දියත් කර තිබේ.

බටහිර ජාවා හි ප්‍රදේශ හතරකින්, පාසල් දිවා අහාර විෂ වීම් වාර්තා වේ. එම සෞඛ්‍ය හේතූන් උපුටා දක්වමින්, පාසල් දිවා ආහාර වැඩසටහන වහා නතර කරන ලෙස රාජ්‍ය නොවන සංවිධාන කිහිපයක් රජයට බල කර සිටිති.

ඉකුත් සතියේ බටහිර ජාවා සහ මධ්‍යම සුලවෙසි (Sulawesi) පලාත්වල පාසල් දිවා ආහාරය විෂ වීමෙන් සිසුන් 800ක් රෝහල් ගත කෙරිණි.

පාසල් දිවා ආහාර අර්බුදය හේතුවෙන්, ඉන්දුනීසියානු ජනපති ප්‍රබෝවෝ සුබියන්තෝ (Prabowo Subianto) ගේ "නොමිලේ පෝෂ්‍යදායී ආහාර" වැඩසටහන දේශපාලනික වශයෙන්ද විවේචනයට ලක්ව තිබේ.

එරට මිලියන 280 ක ජනගහනය අතුරින් මිලයන 83ක් වෙත වසර අවසන් වීමට ප්‍රථම පෝෂ්‍යදායී ආහාර වේලක් සම්පාදනය කිරීමේ අරමුණින් එම ව්‍යාපෘතිය දියත් කර ඇත. මේ වන විටත්, මිලියන 20ක ජනතාව ඉලක්ක කර,වැඩසටහන ක්‍රියාත්මකය. ඇමෙරිකානු ඩොලර් බිලියන 10.22ක එහි ඇස්තමේන්තු ගත වියදම, එන වසරේ දෙගුණ කිරීමට ද නියමිතය.

දිවා ආහාරය විෂ වීමෙන් පසු ගිය සඳුදා (22), බටහිර බැන්ඩුන් (Bandung ) හි පාසල් සිසුන් 470ක් ප්‍රතිකාර සඳහා යොමු කෙරිණි. බදාදා (24) වන විට, සුකබූමි (Sukabumi) හි තවත් පාසල් ළමුන් 580 ක් රෝහල් ගත කිරීමට පියවර ගැනිණි. එම තත්ත්වයන් වාර්තා වූ ප්‍රදේශවල පාසල් දිවා ආහාර සකසන මුළුතැන් පරිශ්‍ර මුද්‍රා තැබීමට කටයුතු කළ බව සෞඛ්‍ය බලධාරීහු පවසති.

රෝගී සිසුන්ට ප්‍රතිකාර පිණිස තාවකාලික ප්‍රතිකාර මධ්‍යස්ථාන ද ඉදි කර තිබේ.

(සටහන | Reuters ඇසුරින්; හර්ෂ උදයකාන්ත පීරිස්)
(This email address is being protected from spambots. You need JavaScript enabled to view it.)
9/25/2025


Over 1,000 Indonesians sick from school meals in more food poisoning outbreaks

තායිලන්තයේ බැංකොක් නුවර ප්‍රධාන මාර්ගයක කොටසක් හදිසියේ ගිලා බසී. ඒ හේතුවෙන්, එහි දැඩි හදිසි තත්ත්වයක් හට ගෙන ඇතැයි වාර්තා වේ.

මධ්‍යම බැංකොක් හි වජිර රෝහල (Vajira Hospital) අසල මාර්ගයක කොටසක් මෙසේ ගිලා බැසීමට ලක් වී තිබේ. ගිලා බැසීමෙන් මාර්ගයේ වර්ග කිලෝමීටර 900 ක ප්‍රදේශයක මීටර 50ක පමණ ගැඹුරින් යුත් ආවාටයක් හට ගෙන ඇත.

යළි දැනුම් තෙක්, එම රෝහළට රෝගීන් ඇතුළු කර නොගන්නා බව දැනුම් දී තිබේ.

භූගත දුම්රිය ආශ්‍රිත ඉදිකිරීමක් හේතුවෙන් අභ්‍යන්තර නාය යාමක් සිදු වී ඇතැයි ද වාර්තා වේ. සිද්ධියෙන් මාර්ග අභ්‍යන්තරයේ එලා තිබූ ජල නල පධතියක් පුපුරා ගිය අතර, විදුලියද විසන්ධි විය.

අනතුරින් කිසිවකු තුවාළ ලබා නැතැයි, තායිලන්ත අග්‍රාමාත්‍ය අනුටින් චාන්වර්කුල් (Anutin Charnvirakul) කියා සිටී. අවට පිරිස් ඉන් ඉවත් කිරීමේ කටයුතු කඩිනම් කර තිබේ.

අනතුර සිදු වූ ස්ථානය සමීප නිරීක්ෂණයේ තබා කටයුතු කෙරෙන බව බලධාරීහු ප්‍රකාශ කරති.


(සටහන | Reuters ඇසුරින්; හර්ෂ උදයකාන්ත පීරිස්)
(This email address is being protected from spambots. You need JavaScript enabled to view it.)
9/24/2025


මුලාශ්‍රය :

Thailand works to tackle massive sinkhole in capital

ඉන්දියාවේ කොල්කටා (Kolkata ) නගරය සහ තදාසාන්න පෙදෙස් වෙත දින  ෙදකක (23) සිට ඇද හැලෙන ධාරානිපාත වර්ෂාවෙන් සිදු වූ අනතුරු වලින් අවම වශයෙන්, පුද්ගලයින් 12 දෙනකු මිය ගොස් ඇතැයි වාර්තා වේ.

ගංවතුර තත්ත්වය හේතුවෙන් නගරයේ වීදි ජලයෙන් යටවී පවතින අතර, ගමනාගමනය ද ඇණ හිට තිබේ.

ඊයේ දිනයේ පමණක් ප්‍රදේශයට මි.මී.251.6 ක වර්ෂාපතනයක් ඇද හැලුණු බව කොල්කටා කාලගුණ දෙපාර්තමේන්තුව පවසයි. එය 1988න් පසු ඒ වෙත මෙතෙක් ලද වැඩිම වර්ෂාපතනය වේ.

වැඩි පිරිසක් මරණයට පත්ව ඇත්තේ විදුලි සැර වැදීමෙන් බව පොලිස් ආරංචි මාර්ග පවසයි.

බටහිර බෙංගාල ප්‍රාන්ත වැසියන් එහි විශාලතම වාර්ෂික සංස්කෘතික උළෙල වන දුර්ගා පූජාවට සැරසෙමින් සිටින අවස්ථාවක මෙම හදිසි තත්ත්වය උද්ගතව තිබේ. ඒ වෙනුවෙන් ඉදි කළ තොරණ, වෙනත් තාවකාලික ඉදි කිරීම් ඇතුළු සැරසිලි විනාශව පවතී.

උත්සවය පිණිස නගරය පුරා මැටියෙන් ඉදි කළ ප්‍රතිමා සහ දේව රූප සියල්ල ද විනාශ වී තිබේ.

ගංවතුර තත්ත්වයෙන් නගර වැසියන් දැඩි පීඩාවකට පත්ව සිටී.

පවතින අයහපත් කාළගුණික තත්ත්වය හේතුවෙන් බස් රථ, දුම්රිය සහ ගුවන් සේවා ඇතුළු ප්‍රවාහන සේවා සියල්ල අඩාලව තිබේ. නගරය සහ ඒ අවට පැය ගණනක විදුලි විසන්ධි වීම් පවතින බව ද වාර්තා වේ.

(සටහන | Reuters ඇසුරින්; හර්ෂ උදයකාන්ත පීරිස්)
(This email address is being protected from spambots. You need JavaScript enabled to view it.)
9/24/2025


මුලාශ්‍රය :

At least 12 dead as record rain floods India's Kolkata

තායිවානයට බලපෑ රගාසා (Ragasa) සුපිරි සුළි කුණාටුවෙන් එරට ජනප්‍රිය සංචාරක කලාපයක් වන නැගෙනහිර හොලියන් ( Hualien) හිදී පුද්ගලයින් 14 දෙනකු ජීවිතක්ෂයට පත් වී ඇතැයි, රොයිටර්ස් පුවත් සේවය සඳහන් කරයි.

124 දෙනෙක් අතුරුදන්ව සිටිති.

කුණාටුව අතරතුර කඳුකර ජලාශයක් පිටාර ගැලීමෙන් එම අනතුර සිදු වී තිබේ.

ඉකුත් සඳුදා (22) සිට තායිවානය ඔස්සේ හමා යන සුළි කුණාටුව මේ වන විට චීනයේ දකුණු වෙරළ තීරයට සහ හොං කොං වෙත බලපා තිබේ. ෆිලිපීනය ද එහි බලපෑමට නතු විය.



(සටහන | Reuters ඇසුරින්; හර්ෂ උදයකාන්ත පීරිස්)
(This email address is being protected from spambots. You need JavaScript enabled to view it.)
9/24/2025


මුලාශ්‍රය :

Super Typhoon Ragasa kills 14 in eastern Taiwan, with 124 missing

අමෙරිකා එක්සත් ජනපදයේ ඔක්ලහෝමා හි සත්ව සංරක්ෂණ උද්‍යානයක පැවති ප්‍රසංගයක් අතරතුර කොටියෙකු සිය පුහුණුකරුට පහරදී මරා දැමීමේ ඛේදනීය පුවතක් විදෙස් මාධ්‍ය වාර්තා කරයි.

කොටියාගේ ප්‍රහාරයට ලක්වූ 37 හැවිරිදි රයන් ඊස්ලි එම ස්ථානයේ දීම ජීවිතක්ෂයට පත්ව තිබුණි.

ටෙක්සාස් දේශසීමාව අසල ගිනිකොනදිග ඔක්ලහෝමා හි හියුගෝ හි ග්‍රෝලර් පයින්ස් ටයිගර් රක්ෂිතයේදී පසුගිය සෙනසුරාදා සවස 2ට පමණ මෙය බියකරු සිදුවීම සිදුව ඇත.

ඊස්ලි සහ කොටියා ප්‍රේක්ෂකයින් වෙනුවෙන් රංගනයක් ඉදිරිපත් කරමින් සිටියදී මෙම පහරදීම සිදුව තිබුණි.

සපා කෑ කොටියා කුඩා කාලයේ සිටම ඊස්ලි විසින් ඇති දැඩි කර ඇති අතර, කොටියා ඊස්ලිගේ බෙල්ල සහ උරහිස හපා කන මොහොතේ එම ස්ථානයේ ඊස්ලිගේ බිරිඳ සහ කුඩා දියණිය ඇතුළු ප්‍රේක්ෂකයින් රැසක් බලා සිටි බවත් විදෙස් මාධ්‍ය වාර්තා කරයි.

අනතුර සිදුවීමෙන් අනතුරුව ඊස්ලිගේ බිරිඳ දිවගොස් කොටියාව වෙනත් කූඩුවකට ඉවත් කළ බව ද වාර්තා වේ.

මරණ පරීක්ෂණය සඳහා ඊස්ලිගේ දේහය ඔක්ලහෝමා හි ටුල්සා හි පිහිටි රාජ්‍ය වෛද්‍ය පරීක්ෂක කාර්යාලයට ගෙන ගොස් තිබුණි.


Okahoma tiger handler killed in front of family during show: Everything we know so far

ඇෆ්ග­නි­ස්තා­නයේ කාබුල් අග­නු­වර සිට ඉන්දි­යාවේ නව­දිල්ලි අග­නු­වර දක්වා පියා­සර කළ ගුවන් යාන­යක ගොඩ­බැ­ස්වීමේ ගියර සහිත කුටියේ සැඟවී මාරා­න්තික ගම­නක් ගිය 13 හැවි­රිදි ඇෆ්ග­නි­ස්තාන ජාතික පිරිමි දරු­වකු නිරු­ප­ද්‍රි­තව සිය ගම­නා­න්ත­යට ළඟා වීමේ විස්ම­ය­ජ­නක පුව­තක් විදෙස් මාධ්‍ය වාර්තා කරයි.

උතුරු ඇෆ්ග­නි­ස්තා­නයේ කුන්ඩූස් නග­රයේ සිට පැමිණි බව කියන එම දරුවා ‘කැම් එයාර්‘ ගුවන් සේව­යට අයත් එම යානය නව­දිල්ලි ගුව­න්තො­ටු­පො­ළට ගොඩ බැස්වී­මෙන් පසු ධාවන පථයේ ඇවිද යමින් සිටි­යදී ගුව­න්තො­ටු­පොළ ආර­ක්ෂක නිල­ධා­රීන් විසින් අත්අඩංගුවට ගත් බව විදෙස් මාධ්‍ය වැඩි­දු­ර­ටත් වාර්තා කරයි.

කාබුල් නුවර ගුව­න්තො­ටු­පො­ළට රහ­සින් ඇතුළු වී මගීන් පිරි­සක් සමඟ බස් රථ­ය­කින් යානය වෙත ගොස් එහිදී කිසි­ව­කුගේ ඇස නොගැටී යානය පසු­ප­සට ගොස් ගොඩ­බැ­ස්වීමේ ගියර සහිත කුටි­යට ඇතුළු වූ බව ඔහු ආර­ක්ෂක නිල­ධා­රීන්ට ප්‍රකාශ කර ඇති අතර, ඔහුගේ අව­ශ්‍ය­තාව වී ඇත්තේ ඉන්දි­යා­වට නොව ඉරා­න­යට යෑමට බවද සඳ­හන් කර තිබේ.

ඉහළ උප­දෙස් මත ඔහු පැය කිහි­ප­යක් රඳවා තබා ප්‍රශ්න කිරී­මෙන් පසු නැවත එම ගුවන් යාන­යෙන්ම කාබුල් නුව­රට පිටු­ව­හල් කිරී­මට ගුව­න්තො­ටු­පොළ බල­ධා­රීන් පිය­වර ගත් බව වාර්තා වේ.

සිය දරුවන් දෙදෙනා ඝාතනය කළ දකුණු කොරියාවේ උපන් නවසීලන්ත කාන්තාවක වරදකාරිය ලෙස නම් කරමින්, අද (23) එරට අධිකරණයක් තීන්දුව ප්‍රකාශ කළේය.

ඇය සිය දරුවන් දෙදෙනා ඝාතනය කර 'සූට්-කේසවල' බහා, අත්හැර දැමූ ලොකරයක සඟවා තිබියදී සොයා ගැනිණි.

හැක්යුන් ලී (Hakyung Lee) නම් එම කාන්තාව විසින් ඝාතනය කර ඇත්තේ, වයස අවුරුදු 8 සහ 6 වයස් හි පසුවූ දරුවන් දෙදෙනෙකි. සිය මන්ද මානසික තත්ත්වය හේතුවෙන් එම ඝාතනයන්ට වරදකාරිය නොවන බව ඇය අධිකරණයේදී පවසා සිටියාය.

2018 වර්ෂයේදී වෛද්‍ය නිර්දේශිත ඖෂධ අධි මාත්‍රාවක් ලබා දීමෙන් ඇය විසින් එම මරණ සිදු කර තිබේ. අනතුරුව දරුවන් දෙදෙනාගේ මළ සිරුරු ප්ලාස්ටික් ඇසුරුම්වල බහා 'සූට්-කේස' තුළ අසුරා ලොකරයක සඟවා ඇත.

එම දරුවන්ගේ පියා 2018 වසරේ දී, පිළිකාවක් හේතුවෙන් මරණයට පත්ව තිබේ.

2022 වසරේ, මාර්ග-ගත වෙන්දේසියකින් එම ලෝකරය මිලදී ගත නවසීලන්ත පවුලක්, එහි ලාච්චු පිරික්සීමේදී දරුවන්ගේ මළ සිරුරු සහිත 'සූට්-කේස' හමු වී ඇත.

ඒ අනුව, ඝාතන පිලිබඳ විමර්ශන ආරම්භ කළ එරට පොලිසිය, 2018 වසරේ යළි දකුණු කොරියාව බලා ගොස් සිටි දෙදරු මව, ආපසු ගෙන්වා ගැනීමට පියවර ගත්තේය.

නවසීලන්ත අධිකරණයේ පෙනී සිටීමට 2022 වසරේ ඇයව දකුණු කොරියාවෙන් පිටුවහල් කෙරිණි.

(සටහන | Reuters ඇසුරින්; හර්ෂ උදයකාන්ත පීරිස්)
(This email address is being protected from spambots. You need JavaScript enabled to view it.)
9/23/2025


New Zealand woman convicted of murdering her two children and hiding bodies in suitcases