V2025

විදෙස්

මැලේසියාවේ හිටපු අගමැති : දූෂණ විරෝධි කොමිසම හමුවට

මැලේසියාවේ හිටපු අගමැති නජීබ් රසාක් අද (22) එරට දූෂණ විරෝධි කොමිසමේ මූලස්ථානයට කැඳවා ඇති බව විදෙස් මාධ්‍ය වාර්තා කරයි.

ඒ සිය පාලන සමයේදී මැලේසියානු රාජ්‍ය අරමුදලක් වෙතින්  ඩොලර් මිලියන 10. 6 මුදලක් තම පෞද්ගලික ගිණුමට බැර කිරීමට නියෝග කිරීම සම්බන්ධයෙන් ප්‍රකාශයක් ලබා දීම සඳහාය.

හිටපු අගමැති නජීබ් රසාක් පාලන සමය අතිශය දුෂිත වූ බවත්  රාජ්‍ය මුදල් එම සමයේ ඩොලර් බිලියන ගණනක් අවභාවිත කර ඇති බවට හිටපු අගමැතිවරයාට චෝදනා එල්ලවී ඇති බවත් විදෙස් මාධ්‍ය වැඩිදුරටත් සඳහන් කර ඇත.
 
 අසාර්ථක රාජ්‍ය පාලනයකින් පසු පසුගිය 9 වන දා පැවති මැතිවරණයෙන් නජිබ් රසාක් පරාජය වීමට ආසන්නතම හේතුව වූයේ ද ඔහුට එරෙහිව එල්ලවූ බරපතල දුෂණ සහ මුල්‍ය අක්‍රමිකතා චෝදනා ය.

Comment (0) Hits: 873

පළමු ඇෆ්ගන් ගුවන් නියමුවරියට ඇමරිකාවේ රැකවරණය

ඇෆ්ගන් ගුවන් හමුදාවේ පළමු ගුවන් නියමුවරිය වූ කපිතාන් නිලුෆර් රහමානිට ඇමරිකාවේ දේශපාලන රැකවරණ පැතීමට සිදුව ඇති බව වාර්තා වෙයි.

ඒ අනුව ඇය ඇමරිකාවට ගොස් ඇති අතර ඇමරිකාවට පැමිණීමෙන් තම ජීවිතය අනවශ්‍ය අවධානමකින් මිදුණු බව ඇය සඳහන් කර ඇති බව විදෙස් මාධ්‍ය සඳහන් කරයි.

මේ වන විට 27 හැවිරිදි වියේ පසුවන නිලුෆර් 2015 වසරේ ගුවන් නියමුවරියක ලෙස ඇමරිකා එක්සත් ජනපදයේ පුහුණුව ලබා ඇති අතර කලක් ඇයට තම පවුලෙන් මෙන්ම ඇතැම් ඇෆ්ගන් නිලධාරීන්ගෙන්ද තර්ජන එල්ලවූ බවද ඇය සඳහන් කර ඇත.

මේ වන විට ඇයගේ ඇමරිකානු ගමනට ඇෆ්ගන් බලධාරීන්ද අනුමැතිය ලබාදී ඇත.

CUYcoxgWoAA3h5i

Comment (0) Hits: 880

මැලේසියාවේ හිටපු අගමැතිගේ නිවසක : මිලියන 2.87 ලංකා මුදල් 

මැලේසියාවේ හිටපු අගමැති නජීබ් රසාක්ට අයත් පෞද්ගලික නිවසක තිබී  ‘ශ්‍රී ලංකා රුපියල්' මිලියන 2.87ක් සොයාගෙන ඇති බව විදෙස් මාධ්‍ය වාර්තා කරයි. බරපතල මුල්‍ය අක්‍රමිකතා සහ දුෂණ  සම්බන්ධව චෝදනා ලබා සිටින  මැලේසියාවේ හිටපු අග්‍රාමාත්‍යවරයාට අයත් නිවසක් සහ එම පවුලට අයත්  ස්ථාන හයක් පසුගිය 16,17 යන  දිනවල පරීක්ෂා කිරීමට එරට ආරක්ෂක අංශ කටයුතු කල අතර එහිදී මෙම මුදල් තොගය සොයාගෙන ඇත. 

මෙම පරීක්ෂාවේ දී  මිල අධික අත්බෑග් සහ ඔරලෝසූ බහාලූ පෙට්ටි 284ක් සහ මුදල් බහාලූ මළු  72ක් ආරක්ෂක අංශ සොයාගෙන ඇත. 

මැලේසියානු පොලිසියේ වාණිජ අපරාධ ඒකකය විසින් මෙම වැටලීම් කර තිබෙන අතර  මැලේසියාවේ මුදල් විශුද්ධිකරණයට එරෙහි පනත, ත්‍රස්තවාදයට මුදල් සැපයීමට එරෙහි සහ නීතිවිරෝධී ක්‍රියාවලට එරෙහි පනත යන පනත් යටතේ මෙම වැටලීම් සිදුකළ කරනු ලැබූ බවද විදෙස් වාර්තා වල වැඩිදුරටත් දැක්වේ. එසේම හිටපු අගමැතිවරයා විසින්ම ආරම්භ කරනු ලැබු ‘1 මැලේසියා ඩිවලොප්මන්ට් බර්හාඩ්’ රාජ්‍ය අරමුදලෙන් ඩොලර් බිලියන ගණනක මුදලක් වංචා කළ බවට චෝදනා එල්ලවී ඇති අතර මේ සම්බන්ධයෙන් ඇමෙරිකා එක්සත් ජනපදය ඇතුළු රටවල් හයක පොලිස් පරීක්ෂණ පැවැත්වෙමින් ඇත.

Comment (0) Hits: 1040

2013 මහ මැතිවරණය නවාස් ෂරීෆ් දිනුව හැටි ඉම්රාන් ඛාන් හෙළිකරයි

2013 මහ මැතිවරණයේදී නවාස් ෂරීෆ් පකිස්ථානයේ අග්‍රාමාත්‍යවරයා ලෙස ජයග්‍රහණය කළේ එරට හමුදාවගේ සහයෙන් බව පීටීඅයි පක්ෂයේ නායක ඉම්රාන් ඛාන් චෝදනා කරයි.

ඉස්ලාමාබාද් නුවරදී මාධ්‍ය වෙත ප්‍රකාශයක් සිදුකරමින් ඔහු මේ බව සඳහන් කළ අතර විශේහයෙන් පන්ජාබ් ප්‍රාන්තයේ නවාස්ගේ ජයග්‍රහණයට හමුදා බ්‍රිගේඩියර්වරයෙකු සෘජුව සහය දැක්වූ බවත් ඔහු සඳහන් කර ඇත.

එසේම මේ වන විට පකිස්තාන අධිකරණය සහ හමුදාව ස්වාධීනව කටයුතු කරන බැවින් නවාස්ගේ එම නීති විරෝධී ක්‍රියා වැලක්වීමට හැකිව ඇති බවද ඉම්රාන් ඛාන් සඳහන් කර ඇත.

Comment (0) Hits: 960

පළමු වරට CIA මුල් පුටුවට කාන්තාවක් !

CIA සංවිධානයේ හිටපු අධ්‍යක්ෂ  Michael Richard Pompeo අමෙරිකානු රාජ්‍ය ලේකම් ලෙස පත්කිරීමත් සමඟ  පුරප්පාඩු වූ එම තනතුර  සඳහා 61 වියේ පසුවන  Gina Haspel පත්කිරීමට ඇමරිකා එක්සත් ජනපද සෙනට් මණ්ඩලයේ අනුමැතිය හිමිව ඇති බව වාර්තා වෙයි. 

අමෙරිකානු සී.අයි.ඒ. රහස් ඔත්තු සේවයේ නව අධ්‍යක්ෂවරිය ලෙස 61 හැවිරිදි Gina Haspel පත් කිරීමට නිර්දේශ කර සිටියේ එරට ජනාධිපති ඩොනල්ඩ් ට්‍රම්ප් විසින් වන අතර ඒ සම්බන්ධව  සෙනට් මණ්ඩලයේ පැවති ජන්ද විමසීමේදී  Gina Haspel ට  54ට 45ක් ලෙස ජන්ද හිමිව ඇත.

Gina Haspel  ගේ මෙම පත්වීම සී.අයි.ඒ.  රහස් ඔත්තු සේවය සදහා  කාන්තාවක් පත්වූ පළමු අවස්ථාව ලෙස ඉතිහාස ගතවන අතර විදෙස් මාධ්‍ය සඳහන් කර සිටින්නේ අමෙරිකානු බුද්ධි අංශය පිළිබඳ මනා දැනුමක් ඇති ඇයව එම තනතුරට පත්කිරීම ට්‍රම්ප් පාලනය ගනුලැබූ වැදගත් තීරණයක් බවය.

Comment (0) Hits: 963

හින්දු DON චෝටා : දිවි ඇතිතෙක් හිරේ

ඉන්දියාවේ සිටි ගවේෂණ මාධ්‍යවේදියකු වූ ජ්‍යොතිර්මෝයි දේයි 2011 වසරේදී ඝාතනය කිරීම සම්බන්ධව වරදකරුවෙකු වූ ඉන්දීය කුප්‍රකට පාතාල නායක චෝටා රාජන් වෙත ජීවිතාන්තය දක්වා සිරදඬුවම් නියම කිරීමට මුම්බායි අධිකරණය කටයුතු කර ඇත.

ජ්‍යොතිර්මෝයි ඝාතනයෙන් පසුව චෝටා ඉන්දුනීසියානු බාලි දිවයිනට පළාගොස් සිට ඇති අතර 2015 දී ඉන්දුනීසියානු බලධාරීන් ඔහුව අත්අඩංගුවට ගෙන ඉන්දියාවට පිටුවහල් කොට ඇත.

ජ්‍යොතිර්මෝයි මාධ්‍යවේදියාගේ ඝාතනය සිදුවන විට ඔහු පාතාල නායකයින් පිළිබඳ ග්‍රන්ථයක් සඳහා තොරතුරු රැස්කරමින් සිට ඇති අතර විමර්ශන වලදී අනාවරණය වී ඇත්තේ චෝටාගේ නියෝග මත යතුරු පැදි දෙකකින් පැමිණි පාතාල සාමාජිකයන් ජ්‍යොතිර්මෝයිව වෙඩි තබා ඝාතනය කර ඇති බවය.

Comment (0) Hits: 874

මැක්ස් තන්ඩර් නිසා කොරියානු සාම කතා අවධානමේ

ඇමරිකාව සහ දකුණු කොරියාව ඒකාබද්ධ යුද අභ්‍යාස පැවත්වීමට කටයුතු කිරීම පිළිබඳව විරෝධය පළකරමින් දකුණු කොරියාව  සමග පැවැත්වීමට නියමිතව තිබූ සියලු සාකච්ඡා නතර කිරීමට උතුරු කොරියාව තීරණය කර ඇති බව විදෙස් මාධ්‍ය වාර්තා කරයි.

මේ බව වාර්තා කරමින් උතුරු කොරියානු මාධ්‍ය සඳහන්  කරන්නේ දකුණු කොරියාව සහ අමෙරිකාව යුද අභ්‍යාසවල නිරත වීම උතුරු කොරියාව ප්‍රකෝප කීරීමක් සහ ආක්‍රමණයක් සඳහා පෙරහුරුවක් ලෙස තම රට හඳුනාගෙන ඇති බවය.

මෙම යුද අභ්‍යාසය මැක්ස් තන්ඩර් නමින් හඳුන්වා ඇති අතර ඒ සඳහා  අමෙරිකානු  ගුවන් යානා 100කට අධික සංඛ්‍යාවක් යොදා ගන්නා අතර  බී 52 වර්ගයේ බෝම්බ හෙළන ගුවන් යානා, ප්‍රහාරක ජෙට් යානා රැසක් මෙන්ම සෙබලුන් 1200කට අධික පිරිසක් ද ඊට සහභාගී කර ඇත.

මේ  සමග ජූනි 12 වන දා උතුරු කොරියානු නායකයා සහ අමෙරිකානු නායක ඩොනල්ඩ් ට්‍රම්ප් අතර සිංගප්පූරුවේදී පැවැත්වීමට යෝජිත සාකච්ඡා පවා අවධානමේ වැටී ඇති බව ද විදෙස් මාධ්‍ය සඳහන් කරයි.

Comment (0) Hits: 899

සංක්‍රමණිකයන් සම්බන්ධ ආන්දෝලනයක් නිසා බ්‍රිතාන්‍ය ඇමතිවරියක් ඉල්ලා අස්වෙයි

නීති විරෝධී සංක්‍රමණිකයන් රටින් පිටුවහල් කිරීමේ ඉලක්ක සම්බන්ධයෙන් "නොදැනුවත්ව" පාර්ලිමේන්තුව "නොමග යැවූ බව" පිළිගනිමින් බ්‍රිතාන්‍යයේ ස්වදේශ කටයුතු භාර ලේකම්වරිය, ඇම්බර් රඩ් (Amber Rudd), පදවියෙන් ඉල්ලා අස්වූවාය.

"වින්ඩ්රශ්" නමින් හැඳින්වෙන, එවක බ්‍රිතාන්‍ය බලධාරීන්ගේ අවශ්‍යතාව මත බ්‍රිතාන්‍යයට ගෙන්වන ලද පොදු රාජ්‍ය මණ්ඩලීය සංක්‍රමණිකයන් දහස් ගණනක් දශක ගණනාවකට පසුව බ්‍රිතාන්‍ය ආණ්ඩුව විසින් "නීති විරෝධී සංක්‍රමණිකයන්" ලෙසින් හැඳින්වීම සම්බන්ධයෙන් පසුගිය සති කිහිපය තුළ බ්‍රිතාන්‍යයේ මහත් ආන්දෝලනයක් ඇතිවිය.

ඒ පිළිබඳව හිටපු ස්වදේශ කටයුතු ලේකම්වරිය කිහිපවරක්ම සමාව ඉල්ලා සිටියාය.

ඇය පදවියෙන් ඉල්ලා අස්වීම ගැන "දැඩිව කණගාටුවන" බව අගමැතිනි තෙරේසා මේ (Theresa May) පවසයි.

මේ අතර ලේබර් පක්ෂ ඡායා කැබිනට් මණ්ඩලයේ ස්වෙදේශ කටයුතු භාර ලේකම්වරිය, ඩයන් ඇබට් (Diane Abbott), පවසන්නේ ඇය "නිවැරදි තීන්දුව ගෙන තිබෙන" බවය.

"මේ අර්බුදය නිර්මාණය කළ" අගමැතිනිය පාර්ලිමේන්තුව ඉදිරියට පැමිණ "පසුගිය සතියේ ඇම්බර් රඩ් පාර්ලිමේන්තුව නොමග යැවූ බව දැන සිටියේ දැයි පැහැදිලි කළ යුතු " බව ද ඩයන් ඇබට් කියා සිටියාය.

ඇම්බර් රඩ් විසින් අගමැතිනි තෙරේසා මේ වෙත යවන ලද "ඉදිරි වසර කිහිපය ඇතුළත" තවත් සංක්‍රමණිකයන් 10%ක් රටින් පිටුවහල් කිරීමේ "ඉටු කළ හැකි" සැලසුමක් ඇතුළත් සම්පූර්ණ ලිපිය ගාඩියන් පුවත්පත් ඉරිදා ප්‍රකාශයට පත් කළේය.

පාර්ලිමේන්තුව හමුවේ සඳුදා විශේෂ ප්‍රකාශයක් කිරීමට නියමිතව සිටි හිටපු ස්වදේශ කටයුතු ලේකම්වරිය ඉරිදා රාත්‍රියේ සිය ඉල්ලා අස්වීම දුරකථනයෙන් අගමැතිවරිය වෙත දැනුම් දී තිබේ.

සංක්‍රමණිකයන් රටින් පිටුවහල් කිරීමේ ඉලක්ක සම්බන්ධයෙන් නොදැන සිටීම පිළිබඳ "සම්පූර්ණ වගකීම භාරගන්නා" බව ඇය සිය ඉල්ලා අස්වීමේ ලිපියේ සඳහන් කොට තිබේ.
ගතව ගිය මාස හය ඇතුළත අගමැතිනි තෙරේසා මේ ගේ කැබිනට් මණ්ඩලයෙන් ඉල්ලා අස් වූ සිව් වෙනි තැනැත්තා ඇය වේ. ශ්‍රීමත් මයිකල් ෆැලන් (Michael Fallon), ප්‍රීති පටෙල් (Priti Patel) සහ ඩේමියන් ග්‍රීන් (Damian Green) මීට ඉහතදී සිය පදවිවලින් ඉල්ලා අස්වූහ.

(බීබීසී)

Comment (0) Hits: 904

මැලේසියාවේ පැරදුණු අගමැතිට රටින් පිටවීම තහනම් වෙයි !

මැලේසියාවේ පසුගියදා පැවති මහ මැතිවරණයෙන් පරාජයට පත්වූ හිටපු අග්‍රාමාත්‍ය නජීබ් රසාක් සහ ඔහුගේ බිරිඳ රොස්මා මන්සූර්ට රටින් පිටවීම තහනම් කර ඇති බව විදෙස් මාධ්‍ය වාර්තා කරයි.

මැලේසියාවේ ආගමන - විගමන දෙපාර්තමේන්තුව උපුටා දක්වමින් විදෙස් මාධ්‍ය සඳහන් කර සිටින්නේ හිටපු අග්‍රාමාත්‍යවරයාට එරෙහිව එල්ලවී තිබෙන මුල්‍ය අක්‍රමිකතා චෝදනා ඊට හේතුවී ඇති බවයි.

වැඩිදුරටත් වාර්තා කර තිබෙන ආකාරයට හිටපු අග්‍රාමාත්‍යවරයා ඇතුළු ඔහුගේ පවුලේ සාමාජිකයන් අද (12) විදෙස් ගතවීමේ අපේක්ෂාවෙන් සිටියත් රජයේ බලධාරීන් එය වලක්වා ඇත.

Comment (0) Hits: 871

කොරියානු නායක හමුව : ලෝක නායකයින්ගේ පැසසුමට

කොරියානු රාජ්‍ය නායක හමුව සම්බන්ධයෙන් ලෝක නායකයින් සුබවාදී ප්‍රතිචාර දක්වන්නට ගෙන ඇත.

මේ පිළිබඳ ප්‍රකාශයක් නිකුත් කරමින් චීන විදේශ අමාත්‍යංශය සඳහන් මේ හරහා  කොරියානු අර්ධද්වීපයේ දිගුකාලීන ස්ථාවරභාවය සම්බන්ධයෙන් සංධිස්ථානයක් සනිටුහන් කෙරෙනු ඇති බවත් අදාළ හමුව වෙනුවෙන් දෙරටේම නායකයන්ගේ ධෛර්යය සහ කැපවීම කැපීපෙනුණු බවය.

ජපානයේ අගමැති ෂින්සෝ අබේ ද මෙම හමුව   “ශුභවාදී පියවරක්” ලෙස හඳුන්වාදී තිබූ අතර නේටෝ සංවිධානයේ මහලේකම් ජෙන්ස් ස්ටොල්ටෙන්බර්ග් ද කොරියානු නායක හමුවේ  තීරණ පසසා තිබිණ.

එසේම ඇමරිකා එක්සත් ජනපද ජනාධිපති ඩොනල්ඩ් ට්‍රම්ප් ට්වීටර් සටහනක් තබමින් සඳහන් කර තිබුණේ යහපත් දෙයක් සිදුවෙමින් පවතින බවත් සියල්ල කාලය විසින් තීරණය කරනු ඇති බවත්ය. එසේම කොරියානු නායක හමුව යතාර්ථයක් කිරීම ගැන චීන ජනාධිපතිවරයාවද සිහිපත් කර තිබිණ.

ට්‍රම්ප් නිකුත් කළ ට්වීටර් පණිවිඩ

කරය

කරය2

තවද මේ වන විට කොරියානු නායකයන් දෙදෙනාගේ ඒකාබද්ධ නිවේදනයේ කරුණු විදෙස් මාධ්‍ය අනාවරණය කර ඇති අතර ඒ අතුරින්,  

කොරියානු රාජ්‍යයන් දෙක අතර එදිරිවාදිකම් අත්හිටුවීම 

එදිරිවාදී ගුවන් විදුලි ප්‍රචාර නවතා දැමීම

 රට බෙදා වෙන් කරන සටන් මුක්ත කලාපය "සාම කලාපයක්" කිරීම 

හමුදා උණුසුම අඩුකිරීම සඳහා  කලාපය තුළ රඳවා තිබෙන ආයුධ අඩු කිරීම

ඇමෙරිකාව සහ චීනය ද ඇතුළත් ත්‍රිපාර්ශ්වික සාකච්ඡා සඳහා ප්‍රයත්න දැරීම 

කොරියානු යුද්ධය නිසා බෙදා වෙන් කෙරුණු පවුල්වල සාමාජිකයන් යළි එකමුතු කිරීමේ වැඩසටහන් ආරම්භ කිරීම

දේශසීමාව ඔස්සේ දිවෙන දුම්රිය සහ මහා මාර්ග ප්‍රතිසංස්කරණය කිරීම සහ භාවිතයට ගැනීම

2018පැවැත්වෙන ආසියානු ක්‍රීඩා උළෙල ඇතුළු ජාත්‍යන්තර ක්‍රීඩා උළෙල සඳහා  ඒකාබද්ධ කොරියානු කණ්ඩායම සහභාගි කරවීම, යන කරනා ප්‍රධාන වෙයි.

Comment (0) Hits: 814

92ක් වයස මහතීර් මලයාසියාව දිනයි

මලයාසියානු මහ මැතිවරණයෙන් හිටපු අග්‍රාමාත්‍ය මහතිර් මොහොමඩ් ප්‍රමුඛ විපක්ෂය ජයග්‍රහණය කර ඇත.

මලයාසියානු මැතිවරණ කොමිසම උපුටා දක්වමින් විදෙස් මාධ්‍ය සඳහන් කරන ආකාරයට විපක්ෂ සන්ධානය පාර්ලිමේන්තු ආසන 220න් 115ක් ජයග්‍රහණය කර ඇත.
මලයාසියාවේ රජයක් පිහිටුවීමට පක්ෂයක් ජය ගත යුතු ආසන සංඛ්‍යාව වන්නේ ආසන 112ක් පමණි.

92 හැවිරිදි මහතිර් මොහොමඩ් ප්‍රමුඛ විපක්ෂ සන්ධානය එලෙස ජයග්‍රහණය කළේ, වසර 60කට අධික කාලයක් පාලක පක්ෂය ලෙස ක්‍රියා කළ බරිසාන් ජාතික සන්ධානය පරදවමින් වන අතර ඒ අනුව මහතිර් මොහොමඩ් අද (10)  දින සිය අග්‍රාමාත්‍ය ධූරයේ දිවුරුම් දීමට නියමිතව ඇත.

රාජ්‍ය අරමුදලකින් අමෙරිකානු ඩොලර් මිලියන 700ක මුදලක් සොරකම් කළ බවට මලයාසියානු අග්‍රාමාත්‍ය නජීබ් රසාක්ට චෝදනා එල්ල වන අතර මෙය පාලක පක්ෂයේ පරාජයට බලපෑ ප්‍රධාන හේතුව වූ බවද විදෙස් මාධ්‍ය වාර්තා වල සඳහන්ව ඇත.

2013 වසරේදී පැවති මැතිවරණයේදී මලයාසියානු විපක්ෂයට විශාල ප්‍රගතියක් අත්කර ගැනීමට හැකි වුවත් රජයක් පිහිටුවීමට ප්‍රමාණවත් ආසන සංඛ්‍යාවක් දිනා ගැනීමට සමත් වුයේ නැත.

Comment (0) Hits: 909

යුරෝපය WhatsApp භාවිතයේ වයස් සීමාව ඉහළ දමයි

යුරෝපා කලාපයේ  WhatsApp අන්තර්ජාල පණිවිඩ සේවය භාවිත කළ හැකි  අවම වයස් සීමාව මේවන විට පවතින්නේ අවුරුදු 13 ක වුවත් එය වෙනස් කිරීමේ තීන්දුවක් ගෙන ඇති බව වාර්තා වෙයි.යුරෝපා කලාපයේ  WhatsApp අන්තර්ජාල පණිවිඩ සේවය භාවිත කළ හැකි  අවම වයස් සීමාව මේවන විට පවතින්නේ අවුරුදු 13 ක වුවත් එය වෙනස් කිරීමේ තීන්දුවක් ගෙන ඇති බව වාර්තා වෙයි.

අදාළ අමගම විසින් මෙම තීරණය ගෙන ඇති අතර ඒ අනුව WhatsApp භාවිත කල හැකි නව වයස් සීමාව වන්නේ අවුරුදු 16 යි.

WhatsApp මේ වන විට ෆේස්බුක් සමාගමට අයත් අතර යුරෝපා සංගමය ඉකුත් මැයි මාසයේදී හඳුන්වාදුන් දත්තවල පෞද්ගලිකත්වය සුරැකීමේ රෙගුලාසි අනුගමනය කරමින් මෙම තීරණය ගත බවද එම සමාගම සඳහන් කර ඇත.

ඒ  අනුව ඉදිරියේදී WhatsApp භාවිතා කිරීමේදී යුරෝපා සංගමයේ රටවල දිවිගෙවන පුද්ගලයින්ට සිය වයස තහවුරු කිරීමට සිදුවනු ඇත.

Comment (0) Hits: 816

මලයාසියානු මහ මැතිවරණයේ ජන්ද විමසීම ඇරඹේ

2013 ට පසුව පැවැත්වෙන මලයාසියානු මහ මැතිවරණයේ ජන්ද විමසීම මේ වන විට ආරම්භවී ඇති බව විදෙස් මාධ්‍ය සඳහන් කරයි.

මෙම මැතිවරණයේ ප්‍රධාන තරගකරුවන් ලෙස සිටින්නේ අග්‍රාමාත්‍ය නජීබ් රසාක් සහ එරට විපක්ෂ නායක මහතීර් මොහොමඩ් ය.

කෙසේ වුවත් විදෙස් මාධ්‍ය අනාවරණය කර සිටින්නේ එරට පවතින දේශපාලන පසුබිම තුළ නිදහස් හා සාමකාමී මැතිවරණයක් පිළිබඳ විශ්වාසයක් තැබීම දුෂ්කරව ඇති බවය.

Comment (0) Hits: 881

ඩ්‍රෝන යානාවක් නිසා සෞදි රජ මාලිගයේ වෙඩි වාරුසාවක්

සෞදි අරාබියේ රියාද් අගනුවර රාජකීය මාළිගාවේ ඇතුළුවීම සීමා කර ඇති කලාපයට ඩ්‍රෝන යානාව පැමිණීමත් සමග ඊට දැඩි ප්‍රහාරයක් එල්ල කිරීමට ආරක්ෂක අංශ කටයුතු කර ඇති බව වාර්තා වෙයි.සෞදි අරාබියේ රියාද් අගනුවර රාජකීය මාළිගාවේ ඇතුළුවීම සීමා කර ඇති කලාපයට ඩ්‍රෝන යානාව පැමිණීමත් සමග ඊට දැඩි ප්‍රහාරයක් එල්ල කිරීමට ආරක්ෂක අංශ කටයුතු කර ඇති බව වාර්තා වෙයි.

විදෙස් මාධ්‍ය වාර්තා අනුව මෙසේ රජ මාලිගයේ ආරක්ෂක කළාපයට ඇතුල්ව තිබෙන්නේ දුරස්ථ පාලකයක් මඟින් ක්‍රියා කරවන විශේෂයෙන් විනෝදය සඳහා යොදා ගැනෙන ඩ්‍රෝන යානාවක් වන අතර ආරක්ෂක හමුදා වෙඩි ප්‍රහාර හේතුවෙන් එය විනාශවී ඇත.

සමාජ ජාල වාර්තා වල සඳහන්ව ඇත්තේ සෞදි රාජකීය මාලිගයේ ආරක්ෂකයින් ඩ්‍රෝන යානාව දැකීමත් සමඟ කම්පනයට පත්ව එක දිගට ඒ වෙත වෙඩි වරුසාවක් එල්ල කල බවත් මිනිත්තු කිහිපයක් පුරා අඛණ්ඩව එය සිදුවූ බවත්ය. 

එහෙත් විදෙස් මාධ්‍ය සඳහන් කරන ආකාරයට සෞදි ආරක්ෂක අංශ මෙය ත්‍රස්ත ක්‍රියාවක් ලෙස සලකා නොමැති අතර  නමුත් මාලිගය අවට ආරක්ෂාව වැඩි කර අදාළ ඩ්‍රෝන යානාව මාලිගය දෙසට යොමුකළ පාර්ශවය සොයා ගැනීම සඳහාද විමර්ශන දියත්කර ඇත. 

වෙඩි ප්‍රහාර එල්ල වන අවස්ථාවේ වීඩියෝ දර්ශන කිහිපයක්ද මේ වනවිට අන්තර්ජාලයට නිකුත් වී ඇති අතර කෙසේ වෙතත් එම වෙඩි ප්‍රහාරවලින් සිදුවූ ජීවිත හානි කිසිවක් වාර්තා වී නොමැති බවද විදෙස් මාධ්‍ය සඳහන් කර සිටියි.

https://www.youtube.com/watch?time_continue=12&v=cJNnpzHgmVA

Comment (0) Hits: 946

පූතින් හෙට දිවුරුම් දෙයි : විරෝධතා කරුවන් 1000ක් දැනටම රිමාන්ඩ්

පසුගිය මාර්තු මාසයේ පැවති රුසියානු ජනාධිපතිවරණය 76% ක වාර්තාගත ජන්ද ප්‍රතිශතයකින් ජයග්‍රහණය කල  ව්ලැදිමීර් පුතින්  යළි රුසියාවේ ජනාධිපතිවරයා ලෙස හෙට (07) දිවුරුම්දීමට නියමිත අතර ඊට එරෙහිව රුසියාව පුරා විරෝධතා මාලාවක් දියත් කරන්නට එරට විපක්ෂ නායක ඇලෙක්සි නවාල්නි කටයුතු කර ඇත.

මෙම විරෝධතාකරුවන් පවසන්නේ පුතින් යළි බලය ලබාගත්තේ සාධාරණ ආකාරයකින් නොවන බවය.

කෙසේ වුවත් විදෙස් මාධ්‍ය වාර්තාකර සිටින්නේ මේ වන විට පුතින් දිවුරුම්දීමේ අවස්ථාවට විරෝධය පෑ ඇලෙක්සි නවාල්නි ඇතුළු 1000 කට අධික විරෝධතාකරුවන් ප්‍රමාණයක් රුසියානු ආරක්ෂක අංශ අත්අඩංගුවට පත්ව ඇති බවයි.

ව්ලැදිමීර් පුතින් වාර 25ක පමණ කාලයක සිට රුසියාව සිය දේශපාලන අණසකට නතුකරගෙන ඇති අතර පසුගිය ජනාධිපතිවරණය සඳහා එරට ප්‍රධාන විපක්ෂනායක ලෙස පෙනී සිටින නවාලිනි වෙත මැතිවරණ අපේක්ෂකත්වයද ප්‍රතික්ෂේපව තිබිණ.

Comment (0) Hits: 948

කියුබාවේ සුක්කානමට කැස්ත්‍රෝලා සමුදෙයි : නව නායකයා මිගුයිල් ඩයාස් කැන්ල්

කියුබාවේ වසර 60 ක කැස්ත්‍රෝ පාලනය අවසන් කරමින් වත්මන් ජනපති රාවුල් කැස්ත්‍රෝ සිය ධුරයෙන් විශ්‍රාම යාමට සූදානම් බව විදෙස් මාධ්‍ය වාර්තා කර ඇත.කියුබාවේ වසර 60 ක කැස්ත්‍රෝ පාලනය අවසන් කරමින් වත්මන් ජනපති රාවුල් කැස්ත්‍රෝ සිය ධුරයෙන් විශ්‍රාම යාමට සූදානම් බව විදෙස් මාධ්‍ය වාර්තා කර ඇත.

ඒ අනුව නව ජනාධිපතිවරයා ලෙස එරට පාර්ලිමේන්තුවේ අනුමැතිය හිමිව ඇත්තේ එරට ප්‍රථම උප ජනපති වන මිගුයිල් ඩයාස් කැන්ල් වෙතය.

86 හැවිරිදි රවුල් කැස්ත්‍රෝ, සිය වැඩිමහල් සහෝදරයා වන ෆිදෙල් කැස්ත්‍රෝගෙන් පසු, වසර 10 ක් කියුබානු ජනපති ලෙස කටයුතු කරනු ලැබූ අතර මේ  අනුව කැස්ත්‍රෝ සහෝදරයින්ට පසුව තරුණ කොමියුනිස්ට් පාක්ෂිකයෙකු කියුබානු ජනපති ධුරයට පත්වීම ඓතිහාසික සිදුවීමක් බවට පත්ව ඇත.

ඩයාස් කැනල් 20 වන වියේදී සිය දේශපාලන ගමන ඇරඹුවේ කියුබානු කොමියුනිස්ට් ලීගයේ තරුණ ක්‍රියාකරුවෙකු ලෙසින් වන අතර ඔහු වයස අවුරුදු 33 දී තරුණ ක්‍රියාකාරීන්ගේ කොමියුනිස්ට් ලීගයේ දෙවැනි ලේකම්වරයා බවට පත්විය.

එසේම ඔහු ඉංන්ජිනේරු තාක්ෂණය පිළිබඳ කථිකාචාර්යවරයෙකු ලෙසද  කටයුතු කර ඇත. 

කෙසේවුවත් ධුරයෙන් විශ්‍රාම ගියත් රාවුල් කැස්ත්‍රෝ කියුබානු රජයේ ජේෂ්ඨ උපදේශකයකු වශයෙන් කටයුතු කිරීමේ සුදානමක් ඇති බවද විදෙස් මාධ්‍ය අනාවරණය කර සිටියි.

880x495 cmsv2 75dfe1ae 9682 55f6 88eb d8f9c6aa4b7e 3133782

Comment (0) Hits: 916

උතුරු -දකුණු කොරියාවේ වේලාව එකක් වෙයි

කොරියානු දෙරටේ නායකයින් අතර පැවති ඓතිහාසික හමුවෙන් පසුව දකුණු කොරියාවට සම වන පරිදි උතුරු කොරියාව සිය වේලාව වෙනස් කර ඇත.

විදෙස් මාධ්‍ය සඳහන් කරන ආකාරයට  දකුණු කොරියානු වේලාවට සමාන වන පරිදි උතුරු කොරියානු වේලාව මිනිත්තු 30 ක් පමණ ඉදිරියට ගෙනවිත් ඇති බව සඳහන් වේ.

මෙය කොරියානු දෙරට ඒකාබද්ධ කිරීමේ පළමු ප්‍රායෝගික පියවර බව විදෙස් මාධ්‍ය වාර්තා වැඩිදුරටත් සඳහන් කර ඇත.

Comment (0) Hits: 878

උතුරු කොරියාව කඩිනමින් න්‍යෂ්ටික - මිසයිල අත්හදා බැලීම් තාවකාලිකව නවතයි !

උතුරු කොරියාව කඩිනමින් න්‍යෂ්ටික සහ මිසයිල අත්හදා බැලීම් තාවකාලිකව නවතා දමන බවත් න්‍යෂ්ටික පරීක්ෂණ සිදු කරන වැඩබිමක් වසා දමන බවත් උතුරු කොරියානු රාජ්‍ය මාධ්‍ය වාර්තා කරන බව විදෙස් මාධ්‍ය සඳහන් කරයි. උතුරු කොරියාව කඩිනමින් න්‍යෂ්ටික සහ මිසයිල අත්හදා බැලීම් තාවකාලිකව නවතා දමන බවත් න්‍යෂ්ටික පරීක්ෂණ සිදු කරන වැඩබිමක් වසා දමන බවත් උතුරු කොරියානු රාජ්‍ය මාධ්‍ය වාර්තා කරන බව විදෙස් මාධ්‍ය සඳහන් කරයි. 

කොරියානු අර්ධද්වීපයට සාමය ගෙන ඒමටත් ආර්ථික වර්ධනය කෙරෙහි යොමු කිරීම අපේක්ෂාවෙන් මෙම තීරණය ගෙන ඇති බවත් න්‍යෂ්ටික අවි නිපදවීමේ ඉලක්කය සපුරා ගෙන ඇති බැවින් රටට තවදුරටත් න්‍යෂ්ටික හෝ අන්තර්මහද්වීපික බැලැස්ටික් මිසයිල නිෂ්පාදනය කිරීමේ අවශ්‍යතාවක් නැතැයි උතුරු කොරියානු නායක කිම් ජොන්ග් උන් පවසා තිබෙන බවද එම වාර්ත වල සඳහන්ව ඇත.

එසේම අසල්වැසි රටවල් සහ ජාත්‍යන්තර ප්‍රජාව සමඟ සමීප, ක්‍රියාශීලි සහ මිත්‍රශීලි සංවාදයක් ඇති කරගන්නා බවත් උතුරු කොරියානු නායකයා සඳහන් කර තිබෙන බවද විදෙස් මාධ්‍ය වාර්තා කර ඇත.
 

උතුරු කොරියානු නායකයා එළඹෙන සතියේදී  සතියේදී දකුණු කොරියානු නායක මූන් ජායි ඉන් සහ මැයි මාසයේදී ඇමෙරිකා එක්සත් ජනාධිපති ඩොනල්ඞ් ට්‍රම්ප් හමුවීමට නියමිතව ඇති බවත් එවැනි මොහොතක ගෙන ඇති මෙම තීරණය ලෝක සාමයට වැදගත් කාරණයක් බවද සඳහන්ය.

Comment (0) Hits: 1007

Page 21 of 27