විදෙස්

III Mswati රජුගේ 50 වන උපන්දිනය සහ ස්වාසිලන්තයේ නිදහස් සැමරුමට සමගාමීව එරට නම වෙනස් කිරීමට කටයුතු කර ඇති බව වාර්තා වෙයි.

ඒ අනුව මෙතෙක් පැවති ස්වාසිලන්තය නම වෙනුවට "the Kingdom of eSwatini" එස්වාටීනි රාජධානිය යන නම ඉදිරියේදී යොදා ගැනීමට නියමිතය.

මෙසේ රටේ නම වෙනස් කිරීමේ තීන්දුව ගෙන තිබෙන්නේ එරට රජු විසින් වන අතර පසුගිය පාලන සමයේදී මෙරට සමඟ එම රජු ඉතා කිට්ටු සම්බන්ධයක් පවත්වාගෙන ගියේය.

ඇමරිකානු භාණ්ඩ 128ක් සඳහා 25%ක බව බද්දක් පැනවීමට චීනය කටයුතු කර ඇති අතර ඒ මත දෙරටේ වෙළඳ යුද්ධයක් ඇතිවීමේ අවධානමක් තිබෙන බව විදෙස් මාධ්‍ය වාර්තා සඳහන් කරයි.

ගණනය කර තිබෙන ආකාරයට මෙම නව බදු පැණවීමේ සමස්ථ වටිනාකම ඇමරිකානු ඩොලර් බිලියන 03ක් වන බවද විදෙස් මාධ්‍ය සඳහන් කා සිටියි.

එසේම විදෙස් මාධ්‍ය අනාවරණය කරන ආකාරයට මෙම නව බදු පැණවීම සිදුකිරීමට චීනය කටයුතු කර තිබෙන්නේ චීනයෙන් ආනයනය කරන භාණ්ඩ සඳහා සමස්ථ අගය ඩොලර් බිලියන 50 ඉක්මවූ බද්දක් පැණවීමට ට්‍රම්ප් පාලනය ගනුලැබූ තීරණයට එකට එක කිරීමක් වශයෙන්ය.

නයිජීරියානු පාර්ලිමේන්තුවට කඩා වැදුණු ආයුධ සන්නද්ධ පිරිසක් සෙංකෝලය රැගෙන පළා ගොස් ඇති බව වාර්තා වෙයි.

 විදෙස් මාධ්‍ය සඳහන් කරන ආකාරයට මන්ත්‍රී ධුරය අත්හිටවූ පාර්ලිමේන්තු මන්ත්‍රීවරයෙකු  Ovie Omo-Agege එම පිරිස මෙහෙයවා ඇත. 

 පාර්ලිමේන්තුවට කඩා වැදුණු හිටපු මන්ත්‍රීවරයා සෙංකෝලය රැගෙන පළා යාමත් සමඟ සභාවේ උණුසුම් තත්ත්වයක් හටගෙන ඇති අතර පාර්ලිමේන්තු සම්ප්‍රදායට අනුව වලංගු සභාවාරයක් සඳහා සෙංකෝලය පැවතීම අනිවාර්යයක් බැවින් සභාවේ කටයුතු මේ හේතුවෙන් අඩපණව ඇති බවද විදෙස් මාධ්‍ය සඳහන් කරයි.

 කෙසේ වුවත් අමතර සෙංකෝලයක් සභාවට රැගෙ ඒමෙන් පසු එදිනට නියමිත  නියමිත සභා වාරය අවසන් කර ඇත. 

 නයිජීරියාවේ සභික Bukola Saraki  මෙම ක්‍රියාව හඳුන්වා ඇත්තේ එය "ප්‍රජාතන්ත්‍රවාදයට එරෙහි ප්‍රහාරයක්" ලෙසය.

 සෙංකෝලය රැගෙන ගිය හිටපු මන්ත්‍රීවරයා ඇතුළු පිරිස අත්අඩංගුවට ගැනීම සඳහා නයිජීරියානු පොලීසිය විශේෂ මෙහෙයුමක් ආරම්භ කර ඇතැයි මාධ්‍ය වාර්තා කර ඇතත් Ovie Omo-Agege සඳහන් කර සිටින්නේ තමන් අත්අඩංගුවට ගැනීමක් සිදු නොවූ බවය.

 ඔහු විසින් ට්වීටර් සටහනක් තබමින් ඒ බව අනාවරණය කර ඇත.

 Ovie Omo-Agege ගේ ට්වීටර් සටහන 

ඇමෙරිකානු තානාපති නිලධාරීන් හැටක් (60) රටින් නෙරපා හැරීමටත් පීටර්ස්බර්ග්' නගරයේ පිහිටි එක්සත් ජනපද 'කොන්සල්' කාර්යාලය වසා දැමීමටත් රුසියාව නියෝග කර ඇති බව විදෙස් මාධ්‍ය වාර්තා සඳහන් කරයි.

එම මාධ්‍ය වාර්තා අනුව රුසියාව මෙම තීන්දුව ගෙන තිබෙන්නේ ඇමෙරිකා එක්සත් ජනපදය විසින් රුසියාවේ තානාපති නිලධාරීන් කණ්ඩායමක් එරටින් නෙරපා හරිනු ලැබීම සම්බන්ධයෙන් එකට එක කිරීමක් වශයෙනි.

ඇමරිකා එක්සත් ජනපදයේ ධවල මන්දිර ප්‍රකාශකයකු රුසියාවේ මෙම තීරණය සම්බන්ධව ප්‍රතිචාර දක්වමින් සඳහන් කර තිබෙන්නේ රුසියාවේ ප්‍රතික්‍රියාව තමන් අපේක්ෂා කළ එකක් බවත් මේ හේතුවෙන් රුසියානු ඇමරිකා සම්බන්ධතා තවදුරටත් පළුදු වනු ඇති බවයි.

මේ ආකාරයට රුසියාව පසුගිය සාමය තුළ එක්සත් රාජධානිය, ඇමෙරිකා එක්සත් ජනපදය සහ යුරෝපා හවුලට අයත් රටවල් රැසක් මෙන්ම ඔස්ට්‍රේලියාව වැනි රටවල් කිහිපයක්ම සමඟ රාජතාන්ත්‍රික සම්බන්ධතා අර්බුදයට යවා ගනිමින් සිටින අතර ඊට මුල්වී ඇති හේතුව වන්නේ කේජීබී රහස් ඔත්තු අංශයේ හිටපු නිලධාරියකු වූ සෙර්ගේයි ස්ක්‍රිපාල් සහ ඔහුගේ දියණිය 'යූල්යා' එක්සත් රාජධානියේ 'සැලිස්බරි නගරයේ දී ගොදුරු වූ විස රසායන ප්‍රහාරය සම්බන්ධයෙන් රුසියාවට ඇඟිල්ල දිගුවීමය.

මේ සමඟ ඇතිවූ රාජතාන්ත්‍රික අර්බුදය මත රුසියාවේ තානාපති නිලධාරීන් විවිධ සංඛ්‍යා මට්ටමින් එම රටවලින් නෙරපා හැරීමට කටයුතු යෙදුන අතර ඊට ප්‍රතිචාර දැක්වමින් රුසියාවද අදාළ රටවල තානාපති නිලධාරීන් නෙරපන්නට කටයුතු කරනු ලැබිණ.

හිටපු අමෙරිකානු ජනපති (කානිෂ්ට) ජෝර්ජ් ඩබ්ලිව්. බුෂ්ගේ මව මෙන්ම 1989 - 1993 අමෙරිකාවේ ජනපති ලෙස කටයුතු කළ ජෝර්ජ් එච්.ඩබ්ලිව්. බුෂ්ගේ බිරිද වූ බාබරා බුෂ් අභාවප්‍රාප්ත වී ඇති බව වාර්තා වෙයි.

1925 ජුනි 08 වනදා උපත ලබා ඇති ඇය මිය යන විට 92 හැවිරිදි වියේ පසු වූවා ය.

කලක් රෝගාතුරව සිට රෝහල් ගතකර සිටි ඇය පසුගියදා රෝහලේ නේවාසිකව ප්‍රතිකාර ගැනීම ප්‍රතික්ෂේප කළ බවද විදෙස් මාධ්‍ය වාර්තා කර ඇත. එහිදී ඇය වෛද්‍ය ප්‍රතිකාර වෙනුවට පවුලේ ආදරණීයන් සමඟ ප්‍රවේසමෙන් ජීවත්ව සිට අවසන් ගමන් යාම වැදගත් බව සඳහන් කර රෝහලෙන් පිටවී නිවසට පැමිණ ඇත.

බාබරා බුෂ් 1989 සිට 19993 දක්වා කාලයේදී එරට ප්‍රථම කාන්තාව ලෙස සිටි අතර එරට 41 වැනි ජනාධිපති ජෝර්ජ් එච්.ඩබ්. බුෂ් ඇගේ ස්වාමිපුරුෂයා වේ.එසේම 46 වැනි ජනාධිපති ජෝර්ජ් ඩබ්. බුෂ් ඇගේ පුත්‍රයා විය.සැමියා හා පුත්‍රයා යන දෙදෙනාම ජනාධිපති පදවියක් දැරීමේ භාග්‍යය හිමි වීමද ඇගේ ජීවිතයේ වන සුවිශේෂීම කරුණක් ලෙස සහටහන්ව ඇත.

ඒ අනුව බාබරා බුෂ් ස්වාමිපුරුෂයා සහ පුත්‍රයා යන දෙදෙනාම ජනාධිපති බවට පත්වූ එරට කාන්තාවන් දෙදෙනාගෙන් එක් අයෙකු වන අතර ඇයට පෙර එම අවස්ථාව ලබා ඇත්තේ ඇමරිකා එක්සත් ජනපදයේ එරට දෙවන ජනාධිපති ජෝන් ඇඩම්ස් ගේ බිරිඳ සහ එරට හයවැනි ජනාධිපති ජෝන් ක්වින්සි ඇඩම්ස් ගේ මවද වූ ඇබිගාලි ඇඩම්ස් ය.

බාබරාට, බුෂ් මුණගැසී ඇත්තේ ඇය 16 වියේදී වන අතර ඒ නත්තල් නිවාඩු සමයකදීය. අනතුරුව ඔවුන් 1945 ජනවාරි 06 විවාහවී ඇති අතර බුෂ් යුවලගේ 73 වැනි විවාහ සංවත්සරය පසුගිය ජනවාරි 6 වැනි දින ට යෙදී තිබිණ.

වැඩිහිටියන්ගේ සාක්‍ෂරතාව නගා සිටුවීම වෙනුවෙන් ක්‍රියා කළ ඇය සමාජ ක්‍රියාකාරිනියක ලෙස විවිධ වැඩසටහන් සිදුකර ඇති නමුත් ප්‍රසිද්ධියට වඩා සිය පවුලේ කටයුතු සොයා බැලීම වෙනුවෙන් දැඩිව කැපවූ ජනාධිපති ආර්යාවක් වූ බවද විදෙස් මාධ්‍ය සඳහන් කර ඇත.

උතුරු කොරියානු නායක කිම් ජොන් උන් චීනයේ බේජිං නගරයට ගොස් තිබෙන බව චීනයේ 'ෂින්හුආ' (Xinhua)රාජ්‍ය පුවත් සේවය තහවුරු කර තිබෙන බව විදෙස් මාධ්‍ය සඳහන් කරයි.

එහිදී උතුරු කොරියානු නායකයා චීන ජනාධිපතිවරයා හමුවී ඇමෙරිකා එක්සත් ජනපදයත් සමඟ සාකච්ඡා කිරීම සඳහා කිම් ජොන් උන් සිය සූදානම තහවුරු කළ බවත් එසේම උතුරු කොරියානු අර්ධද්වීපය න්‍යෂ්ටික විරහිත කලාපයක් බවට පත් කරනු ලැබීම සඳහා ඔහුගේ කැපවීම ප්‍රකාශයට පත් කර තිබෙන බවත් එම වාර්තා අනාවරණය කර සිටියි.

ඒ අනුව අප්‍රකාශිත මට්ටමින් චීන ජනාධිපතිවරයා හමු වූ බව මේ වනවිට තහවුරු කරනු ලැබ තිබෙන අතර .උතුරු කොරියාවේ නායකයා චීනයේ සංචාරය කළ බවට තිබු අවිනිශ්චිතාවද විසඳී ඇති බව විදෙස් වාර්තා වල වැඩිදුරටත් දැක්වේ.

මෙම සංචාරයේ ඇති තවත් විශේෂත්වයක් වන්නේ වසර හතකට පෙර උතුරු කොරියාවේ පාලනය පැවරුණ කිම් ජොන් උන් ඉන් අනතුරුව සිදු කරන ලද පළමු විදේශ සංචාරය මෙය වීමය.

එසේම මෙම සංචාරය උතුරු කොරියානු නායකයා සහ ජනාධිපති ඩොනල්ඩ් ට්‍රම්ප් අතර සාකච්ඡාවක් ආරම්භ වීමට පෙර සිදුවීම ගැනත් ජාත්‍යන්තරයේ අවධානය යොමුව ඇත.

සිරියානු ජනාධිපති බෂාර් අල් අසාද්ගේ රජය තවදුරටත් රසායනික අවි භාවිතා කළ හොත් නැවත නැවතත් ප්‍රහාරවලට මුහුණදීමට සුදානම් වියයුතු බව එක්සත් ජාතීන්ගේ සංවිධානයේ ඇමෙරිකා එක්සත් ජනපද තානාපතිනි නිකී හේලි සඳහන් කර ඇත.

ඇය මේ බව සඳහන් කර සිටියේ ඇමෙරිකාව ප්‍රමුඛ හමුදා සිරියාවේ ඩැමැස්කස් නුවර රසායනික අවි ඇතැයි සැක කෙරෙන ඉලක්ක වෙත මිසයිල සහ ගුවන් ප්‍රහාර එල්ල කිරීමත් සමඟ හදිසි ආරක්ෂක කවුන්සිල රැස්වීමක් කැඳවන්නැයි රුසියාව කළ ඉල්ලීම අනුව කැඳවූ එක්සත් ජාතීන්ගේ ආරක්ෂක කවුන්සිලය 14 වනදා රැස්වූ අවස්ථාවේය.

එසේම තම ඒකාබද්ධ ප්‍රහාර හරහා සිරියාවේ රසායනික අවි වැඩසටහන දුර්වල කළ බව විශ්වාස කරන බව පැවසූ ඇය තවද "සිරියානු පාලනය අපේ හැකියාව ශක්තිය සහ ධෛර්ය පරීක්ෂා කිරීමට තරම් මෝඩ වුවහොත් අපි දැනට වඩා පීඩනයක් එල්ල කරනවා. සිරියානු රෙජීමය නැවත වරක් විස වායු යොදාගත්තොත් ඇමෙරිකා එක්සත් ජනපදය එසැණින් ප්‍රහාර එල්ල කරනවා.” යනුවෙන් තවදුරටත් අනතුරු ඇඟවූ බවද විදෙස් මාධ්‍ය අනාවරණය කරයි.

කෙසේ වුවත් රුසියාව සඳහන් කර සිටින්නේ එරට ආරක්ෂාව තහවුරු කර ගැනීම වෙනුවෙන් එස් - 300 මිසයිල ආරක්ෂණ පද්ධතියක් ලබාදීම කෙරෙහි අවධානය යොමු කරන බවය.

ජපන් රජයට අයිති ඉඩමක් සිය බිරිඳගේ හිතවතෙකුට විශාල වට්ටමක් සහිතව ලබාදීම සම්බන්ධව එල්ලවන චෝදනාව වෙනුවෙන් ජපාන අග්‍රාමාත්‍ය ෂින්සෝ අබේ ජනතාවගෙන් සමාව ඉල්ලා සිටියි.

ජපානයේ පාසල් ක්ෂේත්‍රයේ කටයුතු කරන්නෙකු හට මෙසේ සහන වට්ටමක් සහිත ඉඩම ලබාදී ඇත.

මේ සම්බන්ධව අද පැවති (25) එරට කම්කරු ප්‍රජාතන්ත්‍රවාදී පක්ෂයේ වාර්ෂික සම්මේලනයට එක්වෙමින් සමාව ඉල්ලීම සිදුකළේය.

එහෙත් ඒ ආසන්නයට පැමිණ සිටි විරෝධතා කරුවන් සඳහන් කර සිටියේ අදාළ චෝදනාව මත ෂින්සෝ අබේ අග්‍රාමාත්‍යධූරයෙන් ඉල්ලා අස්විය යුතු බවය. එසේම එම විරෝධතා කරුවන් පාලනය කිරීම සඳහා කැරළි මර්දන පොලීසිය ද කැඳවා තිබුණි.

ජනතාවගෙන් සමාව ඉල්ලමින් අදාළ ප්‍රශ්නය හේතුවෙන් පාලනය පිළිබඳ ජනතා විශ්වාසය හීනවී ඇති බව පිළිගන්නා බවත් ආණ්ඩුවේ ප්‍රධානියා ලෙස තමන්ට එහි වගකීම දැනෙන බවත් සඳහන් කර ඇත.

එසේම අදාළ ප්‍රශ්නය සම්බන්ධව කරුණු පැහැදිළි කිරීමක් සිදුකරන්නට සහ නැවත එවැනි සිදුවීමක් සිදුනොවීමට වගබලා ගන්නා බවට ජපාන අග්‍රාමාත්‍යවරයා පොරොන්දුවී ඇත. එහෙත් විරෝධතා කරුවන් සඳහන් කරන ඉල්ලා අස්වීම සම්බන්ධව කිසිවක් අග්‍රාමාත්‍යවරයා පවසා නැත.

විදෙස් වාර්තා පවසන්නේ අග්‍රාමාත්‍යවරයාගේ ජනප්‍රියත්වය මේ වනවිට ශීඝ්‍රයන් පහත වැටී ඇති බව ය.

ඇමරිකා එක්සත් ජනපදයේ පාසල් සිසුන් එරට තුවක්කු පාලන නීති දැඩි කරන ලෙස ඉල්ලා වීදිබැස ඇත.

March for Our Lives නමින් ඔවුන් සංවිධානය වී සිටින අතර එහි ප්‍රධාන ඉල්ලීම වී ඇත්තේ තුවක්කු ප්‍රශ්නය විසදීම සඳහා ඵලදායී පනතක් සම්මත කිරීමට කොංග්‍රසය කටයුතු කල යුතු බවය.

එසේම නීති විරෝධී ආයුධ තහනම් කිරීම, උණ්ඩ ලබාගැනීම සඳහා ප්‍රවේශ සීමා කිරීම, පසුබිම් පරීක්ෂණ ක්‍රියාවලිය ශක්තිමත් කිරීම, ප්‍රචණ්ඩත්වය පතුරවන සඟරා විකිණීම අත්හිටුවීම ඇතුළු ඉල්ලීම් කිහිපයක් සම්බන්ධව නීති සම්පාදකයින්ගේ අවධානය යොමු කරවීමද ඔවුන්ගේ අපේක්ෂාව වී ඇත.

Marjory Stoneman Douglas High School හී සිසුන් පෙරමුණේ

දහස් ගණනක් පාසල් සිසුන්, ගුරුවරුන් සහ ඔවුන්ට සහය දක්වන පිරිස් මේ සඳහා එකතුව සිටින අතර ඊට මුලිකත්වය ගෙන කටයුතු කරන්නේ ෆ්ලොරීඩාවේ Marjory Stoneman Douglas High School හී ශිෂ්‍ය ශිෂ්‍යාවන් විසින්ය. පසුගිය මාසයේ වෙඩි ප්‍රහාරයක් හේතුවෙන් සිසු සිසුවියන් 17ක් මියගියේද එම පාසලේය.

පා ගමන සංවිධානය කරන සිසුන් සඳහන් කර සිටින්නේ ඔවුන්ට එම කටයුත්ත හමුවේ කිසිඳු දේශපාලන හෝ විශේෂ අපේක්ෂා නොමැති බවත් තම එකම අපේක්ෂාව නීති විරෝධී අවි බහුලවීම හමුවේ තර්ජනයට ලක්ව ඇති පාසල් සිසු සිසුවියන්ගේ ජීවිත ආරක්ෂා කර ගැනීම පමණක් වන බවය.

මෙම සිසු පාගමන සඳහා එක්සත් ජනපදය පුරා විසිර සිටින පාසල් සිසු සිසුවියන් සහය පළකර වීදි බැස ඇත.

සිසුන් වොෂින්ටනයට රැස්වෙයි !

#NeverAgain බැනරය යටතේ සිසුන් වොෂින්ටන් අගනුවරට අද (24) රැස්ව මේ ඉල්ලීම ඉදිරිපත් කරන්නට යෙදින. මේ අතර එක්සත් ජනපදයේ, සෑම වසරකම වයස අවුරුදු 17ට අඩු ළමුන් 1300ක් පමණ වෙඩි වැදී මිය යන බව එරට රජය විසින් කරන ලද අධ්‍යයනයකින් අනාවරණය කර ඇත.

එක්සත් ජනපදයේ රෝග පාලනය සහ වළක්වාගැනීම සඳහා පිහිටුවා ඇති මධ්‍යස්ථානය මෙම අධ්‍යයනය සිදුකර ඇති අතර වසරකට එක්සත් ජනපදයේ ළමුන් 5800ක් පමණ ගිනි අවියකින් බරපතළ ලෙස තුවාල ලබන බව ද එම අධ්‍යයනය පෙන්වා දෙයි.

එසේම වෙඩි වැදීමකින් මිය යන ළමුන්ගෙන් 82%ක් පිරිමි ළමුන් වන අතර කළු ජාතික සම්භවයක් සහිත ළමුන් ඊට ගොදුරුවීම වෙනත් ළමුන්ට වඩා දස ගුණයකින් වැඩි බව ද මෙම අධ්‍යයනයෙන් අනාවරණය කර ඇත.

අපි කළු ජාතිකයන් ගැන කතා කරන්න ඕනෑ

එසේම තමන් ශිෂ්‍යයන් ලෙස සිය සහෝදර කළු ජාතික සිසුන් සම්බන්ධවද අවධානය යොමුකළ යුතු බවත් ඔවුන් බහුතරයක් සිය ජීවිතය ගෙවන්නේ ප්‍රචණ්ඩත්වය හමුවේ බවද එම සිසුන් සඳහන් කර ඇත.

එක්සත් ජනපදය තුල තුවක්කු මිනීමැරුම්වල විෂමතාව පිළිබඳ පර්යේෂණ මගින් පෙන්නුම් කෙරෙන්නේ කළු ළමුන්ට ප්‍රචණ්ඩත්වය විශාල වශයෙන් බලපාන බවය. එහෙයින් සිය සහෝදර කළු ශිෂ්‍යන්ට ආරක්‍ෂිත වටපිටාවක් නිර්මාණය කිරීමද අවශ්‍ය බව සිසුන් සඳහන් කරයි.

එසේම තරුණයන්ට සුරක්ෂිත සමාජ වටපිටාවක් නිර්මාණය කල යුතු බවත් වීදි වලට සහ බන්ධනාගාර වෙත යොමුවන තාරුණ්‍ය යහපත් ජීවිතයක් වෙත යොමුකරවන වැඩපිළිවෙලක් අවශ්‍ය බවද March for Our Lives හී ශිෂ්‍ය ක්‍රියාකාරිකයකු සඳහන් කර ඇත.

ඔවුන් වීදි වලින් බැහැරව හා බන්ධනාගාරයෙන් ඉවත් කළ හැකි රැකියාවන්හි තබා ඇත. මෙම තරුණ තරුණියන් පවසන්නේ යහපත් ජීවන වැටුපක් වීදි ජීවිතයෙන් පිට වී නීතිමය ආර්ථිකයට පිවිසීමට අවශ්ය බවයි. එහෙත් ඔවුන්ටත් ජීවිත පුහුණුකරුවන්, නිවාස, කණ්ඩායම් උපදේශනය සහ බොහෝ අය තරුණ පැටවුන්, දෙමව්පියන්ගේ සහාය ඇත.

ඇමරිකානු තරුණයාට තුවක්කු ප්‍රචණ්ඩත්වයට බිය නොවී ජීවත්වීමේ වටපිටාවක් අවශ්‍යයි

මේ සම්බන්ධව වැඩිදුරටත් අදහස් දක්වමින් ශිෂ්‍ය ක්‍රියාකාරිකයකු සඳහන් කර සිටින්නේ, ඇමරිකාවේ සෑම තරුණයකුටම තුවක්කු ප්‍රචණ්ඩත්වයට බිය නොවී ජීවත්වීමට අවශ්‍ය වටපිටාවක් නිර්මාණය කල යුතු බවය. එසේම දරුවන්ට ලෝහ ආවරණ සහිතව පාසල් යාමට හෝ තම සිසුන් රැකගැනීමට ගුරුවරුන්ට අවි දරන්න සිදුවන වටපිටාවක් තමන්ට අනවශ්‍ය බවද ඔහු සඳහන් කර ඇත.

සමාජයේ තරුණ ප්‍රචණ්ඩත්වය හටගැනීමේ මූලයන් පාලනය කිරීමට ජාතියක් ලෙස ඇමරිකාව අසමත්වී ඇති බවත් ඊට සමස්ථ ජාතිය කණගාටු වියයුතු බවද ඔහු සඳහන් කරයි.

දරුවන්ගේ ආරක්ෂාව වෙනුවෙන් ජාතියක් ලෙස කැපවන්නේ කෙසේද යන්න සම්බන්ධව නැවත හැරී බැලීමක් අවශ්‍ය බවත් එහිදී ආහාර, නිවාස, ඇඳුම් පැළඳුම් මෙන්ම මානසික සෞඛ්‍ය රැකවරණ කටයුතු, මුලික අධ්‍යාපන වැඩසටහන්, සමාජීය සහ චිත්තවේග වර්ධනය කිරීම වෙනුවෙන් උපකාර, ගැටළු සහිත පවුල් වල දරුවන් ප්‍රචණ්ඩත්වයට යොමුවීම වළක්වාලන උපදේශන වැඩපිළිවෙලක් අවශ්‍යව තිබෙන බවද සිසුන් සඳහන් කර සිටියි.

බ්‍රිතාන්‍යයේ සහ ප්‍රංශයේ සහයෙන් සිරියාවේ රසායනික අවි පරිශ්‍ර වෙත ප්‍රහාර එල්ල කිරීමට අනුමැතිය දුන් බව අමරිකානු ජනාධිපති ඩොනල්ඩ් ට්‍රම්ප් ජාතිය අමතමින් සඳහන් කළ බව විදෙස් මාධ්‍ය වාර්තා සඳහන් කරයි.

සිරියානු රජය, ඩූමා නගරයේ සිවිල් වැසියන් ඉලක්ක කර රසායනික ප්‍රහාර එල්ල කළ බවට වන සාක්ෂි තමා සතුව තිබෙන අතර එම තොරතුරු ඉදිරියේදී හෙළි කිරීමට සූදානම් යනුවෙන් ප්‍රංශ ජනාධිපති එම්මෑනුවෙල් මැක්‍රෝන් පසුගියදා නිවේදනය කළ බව සහ සිරියාව සම්බන්ධයෙන් අමෙරිකාව ගෙන යන මෙහෙයුම් වලට සහය ලබා දීමට පසුගියදා අග්‍රාමාත්‍ය තෙරේසා මේ ගේ ප්‍රධානත්වයෙන් රැස්වූ බ්‍රිතාන්‍ය කැබිනට් මණ්ඩලය ද තීරණය කර තිබෙන බවද විදෙස් මාධ්‍ය අනාවරණය කර සිටියි.

අමෙරිකානු ජනාධිපති ඩොනල්ඩ් ට්‍රම්ප්, සිරියාවේ රසායනික අවි පරිශ්‍ර වෙත ප්‍රහාර එල්ල කිරීමට අනුමැතිය දුන්නේ මෙවැනි පසුබිමක් තුළය.

ඒ අනුව මේ වන විට සිරියාවේ ඩමස්කස අගනුවර මේ වන විට පිපිරීම් කිහිපයක් සිදුව ඇති බවත් ඒ ඇමරිකාව විසින් එල්ල කරන මිසයිල ප්‍රහාර බවද විදෙස් මාධ්‍ය සඳහන් කර සිටියි.

එසේම ලොව පුරා සීතල යුද්ධයක් ප්‍රතිනිර්මාණය වෙමින් පවතින බවට එක්සත් ජාතින්ගේ මහ ලේකම් අන්තෝනියෝ ගුටියරෙස් ද අනතුරු ඇඟවීමක්ද නිකුත් කර ඇත.

පේරු ජනපති, පේඩ්‍රෝ පැබ්ලෝ කුසෙන්ස්කිට එරෙහිව දුෂණ චෝදනා එල්ල කරමින් දෝෂාභියෝගයක් බාරදීමත් සමඟ ඔහු ධුරයෙන් ඉල්ලා අස්වී ඇති බව වාර්තා වෙයි.

පේරු කොංග්‍රස් මණ්ඩලයට ඉදිරිපත් කෙරුණු මෙම දෝෂාභියෝගය පසුගිය 21 වනදා ලබාදී ඇති අතර ඊට අදාළ චෝදනාව වන්නේ පේරු ජනාධිපතිවරයා උදේබ්‍රෙෂ් නම් බ්‍ර‍සීල ඉදිකිරීම් සමාගමකින්, අමෙරිකානු ඩොලර් මිලියන 4 ක අල්ලසක් ලබා ගෙන තිබෙන බවය.

79 හැවිරිදි පේඩ්‍රෝ පැබ්ලෝ කුසෙන්ස්කි පේරු රාජ්‍යයේ ජනාධිපති ධූරයට පත්වූයේ 2016 වසරේ ජූලි 28 ව නදා වන අතර සිය ඉල්ලා අස්වීම දැනුම් දෙමින් ඔහු සඳහන් කර ඇත්තේ දෝෂාභියෝගයේ චෝදනා වලට තමන් වරදකරු නොවූවත්, රටේ සාමය හා යහපැවැත්මට තමන් බාධාවක් බැවින් ඉල්ලා අස්වීමට තීරණය කල බවයි.

එසේම තමාට එරෙහිව දේශපාලන කුමන්ත්‍රණයක් දියත්ව තිබෙන බවත් ඒ හමුවේ තමා ඇතුළු පවුලේ සාමාජිකයන්ද අනාරක්ෂිතව ඇති බවද ඔහු සඳහන් කර ඇත.

එසේම මේ වන විට පේඩ්‍රෝ පැබ්ලෝ කුසෙන්ස්කිගේ අධාරකරුවෙකු වන කෙන්ජි ෆූජිමෝරි, කොංග්‍ර‍ස් මණ්ඩලයේ නීති සම්පාදකයින් හමුවන වීඩියෝවක් නිකුත්ව ඇති අතර එහි අල්ලස් ලබාගෙන දෝෂාභියෝගයට විරුද්ධව ඡන්දය ප්‍ර‍කාශ කරන්නැයි ඉල්ලන දසුන් තිබෙන බවද විදෙස් මාධ්‍ය වාර්තා කරයි.

පේරු රාජ්‍යයේ හිටපු ජනපති ඔලන්තෝ හුමාලා සහ ඔහුගේ බිරිඳද මේ වන විටත් සිරදඬුවම් විඳින අතර ඒ උදේබ්‍රෙෂ් සමාගමෙන් අමෙරිකානු ඩොලර් මිලියන 13.5 ක අල්ලසක් ලබා ගත් බවට එල්ලව තිබෙන චෝදනාවක් මතය.

ෆේස්බුක් සමාගමේ ප්‍රධාන විධායක නිලධාරී මාර්ක් සකර්බර්ග් වෙතින් 12 වනදා පැය 10කට ආසන්න කාලයක් අමෙරිකානු සෙනෙට් සභාව ප්‍රශ්නකර තිබෙන බව විදෙස් මාධ්‍ය වාර්තා කරයි.

එහිදී සෙනට් සාමාජිකයන් වැඩි අවධානයක් යොමුකර ඇත්තේ ෆේස්බුක් භාවිත කරන්නන්ගේ දත්ත කොතෙක් දුරට ෆේස්බුක් සමාගම විසින් ලබාගෙන ඇත් ද යන්න සම්බන්ධවය.

දත්තවල ආරක්ෂාව සම්බන්ධ සිය වගකීම ගැන පුළුල් අදහසක් නොතිබීම පිළිබඳ එහිදී ෆේස්බුක් ප්‍රධානියා කණගාටුව පළකර තිබෙන අතර ඊට සමාව අයදින බවද එම ගැටළු විසඳීමට පියවර ගන්නා බවටද ප්‍රතිඥාවක් දීමටද සකර්බර්ග් කටයුතු කර ඇත.

එසේම ෆේස්බුක් සමාජ මාධ්‍ය ජාලය අනිසි ලෙස යොදා ගැනීමට උත්සාහ දරන රුසියාවේ හැකර්ලා සමග නිරන්තර අරගලයක නිරත වෙමින් සිටින බවත් එම ප්‍රශ්න කිරීම් හමුවේ සකර්බර්ග් සඳහන් කර ඇති අතර එය ආයුධ තරඟයකට සමාන බවත් ඔවුන් නිරන්තරයෙන් අලුත් ක්‍රමයක් සොයාගන්නා බවත් ඔහු පවසා ඇත.

දෙවන වරටත් ඇමරිකානු සෙනට් සභාව මේ ආකාරයට ෆේස්බුක් සමාගමේ ප්‍රධානියා කැඳවා ප්‍රශ්න කර සිටියේ ලන්ඩනයේ පිහිටි කෙම්බ්‍රිජ් ඇනලිටිකා නමැති දේශපාලන උපදේශන සමාගම ෆේස්බුක් ගිනුම් හිමිකරුවන්ගෙන් මිලියන 50කගේ පමණ පෞද්ගලික දත්ත අවසරයකින් තොරව භාවිත කිරීම ගැන විමර්ශනය පදනම් කරගෙනය.

එසේම 2016 ඇමෙරිකානු ජනාධිපතිවරණයට රුසියාව බලපෑම් කළේ ද යන්න පිළිබඳ පරීක්ෂා කරන විශේෂ පරීක්ෂක රොබට් මලර් (Robert Mueller) ෆේස්බුක් ආයතනයේ සේවකයන්ගෙන් ද කරුණු විමසූ බවත් එහිදී සකර්බර්ග් අනාවරණය කර ඇත.

මැතිවරණ ප්‍රචාරක කටයුතු සඳහා හිටපු ලිබියානු නායක ගඩාෆිගෙන් මුදල් ආධාර ලබා ගත් බවට චෝදනා ලබා සිටින ප්‍රංශයේ හිටපු ජනාධිපති නිකොලස් සාකෝසි එරට පොලිසිය විසින් අත්අඩංගුවට ගෙන තිබේ.

2007 ජනාධිපතිවරණය වෙනුවෙන් මුදල් වියදම් කිරීමේ දී සිදු වූ අක්‍රමිකතා සම්බන්ධයෙන් සාකෝසි මේ වන විට පොලිස් අත්අඩංගුවේ රඳවා තබාගෙන ප්‍රශ්න කිරීම ආරම්භ කර ඇත.

පොලිසිය මින් පෙර ද හිටපු ජනාධිපති නිකොලස් සාකෝසිගෙන් ඒ පිළිබඳව ප්‍රශ්න කොට තිබේ. ඔහුගේ ආධාරකරුවෙකු වන ඇලෙක්සැන්ඩර් ජූරි පසුගියදා ලන්ඩන් නුවර දී අත්අඩංගුවට පත් විය.

සාකෝසිගේ ආධාරකරුවෙකු වන ඇලෙක්සැන්ඩර් ජූරි පසුගියදා ලන්ඩන් නුවර දී අත්අඩංගුවට පත් විය

2012 ජනාධිපතිවරණයට ඉදිරිපත් වී නැවත බලයට පත් වීමට සාකෝසි දැරූ උත්සාහය අසාර්ථක විය.

නිකොලස් සාකොසිගේ මැතිවරණ ප්‍රචාරක වියදම් සඳහා ගඩාෆිගෙන් මුදල් ලබාගත් බවට එල්ලවන චෝදනා සම්බන්ධයෙන් 2013 වර්ෂයේදී පොලිස් පරීක්ෂණ ආරම්භ විය. ඔහුට එරෙහි සියලු චෝදනා සාකෝසි ප්‍රතික්ෂේප කරයි.

මේ තොරතුරුද කියවන්න:

• සුමාට දූෂණ චෝදනා අට සීයක්
• බංග්ලාදේශ හිටපු අගමැතිනියට සිර දඬුවම්
• ලිබියා ආක්‍රමණය ගැන කැමරන්ට චෝදනා
• ප්‍රංශ කැබිනට්ටුවෙන් අඩක් කාන්තාවන්ට
• ප්‍රංශ සහ ලෙබනන ව්‍යාපාරිකයෙකු වන සියැඩ් ටකීඩීන් (Ziad Takieddine) සහ ගඩාෆි පාලනය යටතේ සිටි නිලධාරීන් සැපයූ තොරතුරු අනුව මෙම මූල්‍ය ගනුදෙනු පිළිබඳ හෙළිදරව් වී තිබේ.

ප්‍රංශ සහ ලෙබනන ව්‍යාපාරිකයෙකු වන සියැඩ් ටකීඩීන් (Ziad Takieddine)

ගඩාෆි විසින් සාකෝසිගේ ජනාධිපතිවරණ ප්‍රචාරක කටයුතු සදහා ඇමරිකානු ඩොලර් මිලියන 6.2 කට ආසන්න මුදල් ප්‍රමාණයක් ලබා දුන් බව ටකීඩීන් පවසා ඇත.

වසර 05ක සිර දඬුවම් නියම වූ බොලිවුඩ් නළු සල්මන් ඛාන් ඇප මත මුදා හැර ඇත.

ජෝද්පූර් දිස්ත්‍රික් අධිකරණයක් විසින් ඇප ලබා දී ඇති අතර, ඉන්දීය රුපියල් 250000ක ඇප මත ඔහු නිදහස් කිරීමට අධිකරණය නියෝග ලබා දී ඇතැයි විදෙස් මාධ්‍ය වාර්තා කරයි.

1998 වසරේ සිනමා පටයක රූගත කිරීම් අතරතුර දුර්ලභ ඝණයේ මුවන් දෙදෙනෙකු මරා දැමීමේ චෝදනාවට වරදකරු වූ සල්මන් ඛාන්ට පසුගිය බ්‍රහස්පතින්දා වසර 5ක සිර දඬුවම් නියම කෙරිණි.

සල්මන් ඛාන් ගේ නඩු දිනය වන අද දිනයේදී ඔහුගේ සොයුරියද පැමිණ ඇති අතර, මෙලෙස ඇප ලැබීමෙන් සතුටට පත් සල්මන් ඛාන්ගේ රසික රසිකාවියන් ඔහුගේ නිවස ඉදිරිපිට ප්‍රීති ඝෝෂා පවත්වන බවද ඉන්දීය මාධ්‍ය වාර්තා කරයි.

රුසියානු ජනාධිපතිවරණයේ ජයග්‍රහණය තහවුරු කර ගැනීමට රුසියානු ජනාධිපති ව්ලැදිමීර් පුතින් නැවත වතාවක් සමත්වී ඇත.

විදෙස් මාධ්‍ය වාර්තා සඳහන් කරන ආකාරයට ප්‍රකාශිත ජන්ද ප්‍රමාණයෙන් 76.6 %ක ප්‍රතිශතයක් ලබා ගැනීමට පුතින් සමත්ව ඇති අතර එය 2012 පැවති ජනාධිපති මැතිරවණයේදී ලද ප‍්‍රතිශතයටත්(64%) වඩා 12% වැඩිවීමකි.

ඔහු සමග තරග කල අනෙක් අපේක්‍ෂකයා ලබා ගෙන ඇත්තේ 11.8%ක් පමණි.

ඒ අනුව රුසියාවේ ජනාධිපති ධුරයට පුතින් පත්වන්නේ සිවුවැනි වතාවට වන අතර මෙම මැතිවරණයට පුතින් මුහුණ දුන්නේ එරට ප්‍රධාන විපක්ෂයේ අපේක්ෂකයාගේ නාම යෝජනාව ප්‍රතික්ෂේප වූ පසුබිමකය.

දැනට ප්‍රකාශිත ජන්ද ප්‍රතිඵලය

ලොව ජනප්‍රිය වෙබ් අඩවියක් වන youtube හී අමෙරිකාවේ, උතුරු කැලිෆෝනියා මුලස්ථාන පරිශ්‍රයේ වෙඩිතැබීමක් සිදුව එක් අයෙකු මරණයට පත්ව ඇති බව විදෙස් මාධ්‍ය වාර්තා කරයි.

මාධ්‍ය වාර්තා සඳහන් කරන ආකාරයට කාන්තාවක විසින් මෙම වෙඩි ප්‍රහාරය එල්ල කර ඇති අතර පසුව ඇය තමාට ද වෙඩි තබාගෙන සියදිවි හානි කර ගෙන ඇත.

කාන්තාව තැබූ වෙඩි ප්‍රහාරයෙන් තවත් තිදෙනෙකු 3 දෙනෙකු තුවාල ලබා ඇති බවත් තුවාල ලබා ඇත්තේ 36 හැවිරිදි පිරිමි පුද්ගලයෙකු, 32 සහ 27 වන වියේ පසුවන කාන්තාවන් දෙදෙනෙක් බවද විදෙස් මාධ්‍ය වාර්තා සඳහන් කරයි.

වෙඩි වැදුණු පිරිමි පුද්ගලයා ප්‍රහාරය එල්ල කළ කාන්තාවගේ පෙම්වතා බව අමෙරිකානු පොලීසිය ප්‍රකාශකර ඇති අතර වෙඩි තැබීමේ හේතුව මෙතෙක් අනාවරණය වී නොමැත.

වෙඩි තැබීම සිදුකළ බවට සැකකරන කාන්තාව

රුසියාවේ ජනාධිපතිවරණය පැවැත්වෙන අතරවාරයේ මැතිවරණ කොමිසමේ තොරතුරු මධ්‍යස්ථානයට සහ රුසියානු මැතිවරණ කොමිසමේ වෙබ් අඩවියට සයිබර් ප්‍රහාරයක් එල්ලවූ බව විදෙස් මාධ්‍ය වාර්තා කරයි.

කෙසේ වුවත් එය යතා තත්ත්වයට පත්ව ඇති බවත් අද (18) රාත්‍රිය වන විට ජනාධිපතිවරණයේ ප්‍රතිඵල නිකුත් කිරීමට හැකි බව එරට මැතිවරණ කොමිසම උපුටා දක්වමින් විදෙස් මාධ්‍ය වාර්තා වැඩිදුරටත් වාර්තාකර සිටියි.

ලොව විශාලතම රාජ්‍ය වන රුසියානු සමූහ ආණ්ඩුවේ 5 වැනි ජනාධිපතිවරණය අද පැවැත්වූ අතර ඒ සඳහා ඡන්දය ප්‍රකාශ කිරීමට සුසුසුකම්ලත් ජන්දදායකයින් සංඛ්‍යාව මිලියන 111කි. රුසියානු මැතිවරණ කොමිසම උපුටා දක්වමින් එරට මාධ්‍ය වාර්තා කර තිබුණේ මොස්කව් වේලාවෙන් සවස 5 පමණ වන විට සමස්ථ ජන්ද ප්‍රමාණයෙන් 50.2 % කට අධික ජන්ද ප්‍රමාණයක් ප්‍රකාශයට පත්ව තිබු බවය.

මෙම ජන්ද විමසුම එරට වේලාවෙන් 18 වනදා පෙරවරු 8 ට ආරම්භව ඇති අතර එය රාත්‍රි 8 ට අවසන් වීමට නියමිත ය. එසේම මෙවර රුසියානු ජනාධිපතිවරණය සඳහා ජනාධිපති විලැද්මීර් පුතින් ඇතුළු අපේක්ෂකයින් 8 දෙනෙකු තරග වදින අතර රුසියානු විපක්ෂ නායක ඇලෙක්සි නවාල්නිට ජනාධිපතිවරණ අපේක්ෂක ධූරය අහිමිව තිබේ. එසේම එරට සිවිල් ආරම්භක පක්ෂය නියෝජනය කරමින් කෙසියා සොර්බක්, කාන්තා අපේක්ෂිකාවක ලෙස ඉදිරිපත්ව සිටී.

රුසියානු ජනාධිපතිවරණයේ කාන්තා අපේක්ෂිකාව කෙසියා සොර්බක්

මේ අතර රුසියානු මාධ්‍ය වාර්තා කර සිටින්නේ මෙවර පැවැත්වෙන ජනාධිපතිවරණයේදී විලැද්මීර් පුතින්ට 60% ඉක්මවූ ඡන්ද ප්‍රතිශතයකින් ජයග්‍රහණය කිරීමට අවස්ථාව ඇති බවය.