#newstube

අමාත්‍යවරයකු වශයෙන් කටයුතු කරමින් සිය නිත්‍යානුකූල ආදායම ඉක්මවා දේපළ අත්පත් කර ගැනීමේ චෝදනා එල්ල වී සිටින හිටපු අමාත්‍ය මර්වින් සිල්වාට එරෙහිව අල්ලස් කොමිසම විසින් ගොනු කර තිබෙන නඩුව අද (19) කොළඹ මහාධිකරණය හමුවේ යළි කැඳවනු ලැබීය. 

හිටපු මුදල් රාජ්‍ය අමාත්‍ය සෙහාන් සේම සිංහගේ පියා වූ, උතුරු මැද පළාත් සභාවේ හිටපු අමාත්‍ය H.B. සේමසිංහ,රුපියල් ලක්ෂ 1350 ක,මූල්‍ය අක්‍රමිකතාවයක් සිදුකර ඇත.

මෙම මූල්‍ය අපරාධයට, උතුරු මැද පළාත් සභාවේ හිටපු අමාත්‍යවරුන් වන, K.H. නන්දසේන හා පුංචි බණ්ඩා රත්නායකද හවුල් වී ඇත.

එපමණක් නොව, උතුරු මැද පළාත් සභාවේ ලේකම් ධූරය දැරූ, ආනන්ද කුලරත්න හා පළාත් අමාත්‍යාංශ ප්‍රධාන ලේකම් සාන්ත දිසානායකද, දායකත්වය සපයා ඇත.

ඒ අනුව, උතුරු මැද පළාත් සභාවේ මැති ඇමතිවරුන් ඇතුළු නිලධාරීන් 14 ක් මෙම මූල්‍ය වංචාවට සම්බන්ධ වී ඇති බව කරන ලද පරීක්‍ෂණයකදී කරුණු අනාවරණය වී තිබේ.

ගෝඨාභය රාජපක්ෂ හා රනිල් වික්‍රමසිංහ ජනාධිපති ධූරය දරන විට, එම ආණ්ඩුවේ මුදල් රාජ්‍ය ඇමැති ධූරය දැරූ, ශ්‍රී ලංකා පොදුජන පෙරමුණේ, අනුරාධපුර දිස්ත්‍රික් පාර්ලිමේන්තු මන්ත්‍රී සෙහාන් සේමසිංහගේ, පියා වූ උතුරු මැද පළාත් සභාවේ හිටපු අමාත්‍ය H.B. සේමසිංහ, මෙහි ප්‍රමුඛයා ලෙස කටයුතු කර ඇත.

චන්ද්‍රිකා බණ්ඩාරනායක ජනාධිපති ධූරය දරණ විට,H.B.සේමසිංහ, එම ආණ්ඩුවේ අනුරාධපුර දිස්ත්‍රික්, එක්සත් ජනතා නිදහස් සන්ධානයේ පාර්ලිමේන්තු මන්ත්‍රීවරයකු ලෙස කටයුතු කළේය.

පසුව ඔහු මහින්ද රාජපක්ෂ ජනාධිපති ධූරය දරණ විට උතුරු මැද පළාත් සභාවේ ඇමතිවරයකු වශයෙන් පත්විය.

සෙහාන් සේමසිංහ හා H.B.සේමසිංහ පිය පුතු දෙදෙනා, මාරුවෙන් මාරුවට මහ ආණ්ඩුවේ සහ පළාත් සභාවේ ඇමැතිදූර දරමින්, හම්බන්තොට රාජපක්ෂලාසේ, අනුරාධපුරයේ දේශපාලනය, සේමසිංලාගේ පවුලට උරුම කර ගැනිණි.

උතුරු මැද පළාත යනු, වකුගඩු රෝගයට බහුල වශයෙන් ජනතාව ගොදුරු වී සිටින බල ප්‍රදේශයකි. එම ජනතාවට පිරිසිදු පානීය ජලය ලබාදීමට මුවා වී, පළාත් සභාව සතු රුපියල් 13,41,20,000 ක්, මේ පිරිස අවභාවිතා කර ඇති බව පරීක්ෂණයෙන් හෙළිවී තිබේ.

එනම්, හිටපු අමාත්‍ය දුමින්ද දිසානායකගේ පියා වූ, බර්ටි ප්‍රේමලාල් දිසානායක, උතුරු මැද පළාත් සභාවේ මහ ඇමති ධූරය දැරූ, 2010, 2011 හා 2012 යන වර්ෂ වල මෙම මූල්‍ය වංචාව සිදු වී තිබේ.

උතුරු මැද පළාතේ වකුගඩු රෝගීන්ට අවස්ථා තුනකදී, ජල පෙරන යන්ත්‍ර 5000 ක්, 2500 ක් හා 5000 ක් යනාදී ආකාරයට එම යන්ත්‍ර 12,500 ක්,
සීමාසහිත ජිනසේන සමාගමෙන් මිලදී ගත් බවට ව්‍යාජ වංචනික තොරතුරු පළාත් සභාවේ ලේඛනවලට ඇතුළත් කර මෙම මූල්‍ය අක්‍රමිකතාවය සිදුකර තිබේ.

එම ක්‍රියාවට, සීමාසහිත ජිනසේන සමාගමේ, උතුරු මැද පළාත් සංවර්ධන කළමනාකරු ලෙස සේවය කළ, නලින් ගලේගොඩද හවුල් වී ඇත.

එපමණක් නොව, එවකට ජල සම්පාදන මණ්ඩලයේ වයඹ පළාත් භූගත කළමනාකරු, උපුල් සුසන්ත වික්‍රමරත්න, උතුරු මැද පළාත් සභාවේ ගිණුම් අධ්‍යක්ෂ, ඥානා විජේසිංහ, පළාත් සභාවේ සහකාර සැලසුම් ලේකම්, නන්දලාල් ගමගේ, මෙම ක්‍රියාවට හවුල් වී ඇති බව අදාල ලේඛන වල සඳහන්වේ.

එසේම, එවකට ජාතික ප්‍රජා ජල සැපයුම් දෙපාර්තමේන්තුවේ සංවර්ධන සහ සැලසුම් අධ්‍යක්ෂ සුගත් නයනානන්ද, පළාත් ප්‍රසම්පාදන කමිටුවේ සභාපති ධුරය දැරූ ආරියදාස තලාකොටුවගේ, වෛද්‍ය නිලධාරී විජයරාජ දයානන්ද මෙයට දායකත්වය සපයා ඇත.

ලක්ෂ 1350 ක් පමණ වන මෙම මූල්‍ය අපරාධයට මහනුවර, ධර්මාශෝක පාරේ, අංක 133 දරන ස්ථානයේ පදිංචි, චන්දන කුඩා බණ්ඩාර සෙනෙවිරත්න හා දෙහිවල, කළුබෝවිල, සුනන්දා නන්ද පාර, එඩ්මන්ඩ් පෙදෙස, අංක 3 දරන ස්ථානයේ පදිංචි අසංක වෙනුර රණසිංහ යන පුද්ගලයන් දෙදෙනාද, මෙයට වගකිව යුතු බවට අදාළ පරීක්ෂණයෙන් සනාථ වී තිබේ.

රුපියල් 13,41,20,000ක් යනු සුළුපටු මුදලක් නොවේ. එබැවින් මේ සිද්ධිය පිළිබඳව අල්ලස් හෝ දූෂණ විමර්ශන කොමිෂන් සභාව ඉක්මනින්ම පරීක්‍ෂණයක් පවත්වා වැරදිකරුවන්ට විරුද්ධව නීතිමය පියවර ගත යුතුය.

වකුගඩු රෝගීන් යනු, මොනතරම් අන්ත අසරණ දුක්ඛිත තත්ත්වයට පත් වී සිටින පිරිසක්ද.? ඔවුන්ට එම රෝගය සුව කර ගැනීම සඳහා උපරිම සහාය ලබාදිය යුතුය.
එවන් පසුබිමක් තුළ ඔවුන්ට සහන සැලසීමට මුවාවී, උතුරු මැද පළාත් සභාව සතු, රුපියල් කෝටි 14 කට,ආසන්න මුදලක්, මේ මැති ඇමතිවරු සහ නිලධාරීන් එකතු වී වංචා කිරීම මොනතරම් නින්දිත ක්‍රියාවක්ද.?


(සටහන:- ශ්‍රී ලාල් ප්‍රියන්ත)
ethalayanews.com

1982 වර්ෂයේ දී ශ්‍රී ලංකාවේ මංගල ටෙස්ට් ක්‍රිකට් තරගයට ක්‍රීඩා කළ පාදඟ පන්දු යවන ක්‍රීඩකයෙකු වූ ඩී.එස් ද සිල්වා අභාවප්‍රාප්ත වී තිබේ.

දශක හතකට අධික කාලයක් සිංහල සිනමාවේ පසුබිම් ගායිකාවක ලෙස රැඳී සිටිමින් සිය ජීවන ගමනට සමුදුන් හෙළයේ ගීත කෝකිලාවට හිටපු ජනාධිපති රනිල් වික්‍රමසිංහ අවසන් ගෞරව දැක්වී ය.

හිටපු ජනාධිපති රනිල් වික්‍රමසිංහට අදාළ නඩුවේ සැකකරුවෙකු ලෙස අධිකරණයට ඉදිරිපත් වූ හිටපු ජනාධිපති ලේකම් සමන් ඒකනායක පෙබරවාරි මස 11 වනදා දක්වා රක්ෂිත බන්ධනාගාර ගත කරන ලෙස කොළඹ කොටුව මහේස්ත්‍රාත් අධිකරණය අද (28) නියම කළේය.

2019 පාස්කු ඉරිදා මරාගෙන මැරෙන ත්‍රස්ත ප්‍රහාරය සම්බන්ධයෙන් සිදු කෙරෙන විමර්ශනවලට අදාළව, රාජ්‍ය බුද්ධි සේවයේ (SIS) හිටපු ප්‍රධානී, විශ්‍රාමික මේජර් ජෙනරල් සුරේෂ් සලේ අද (25) අලුයම අත්අඩංගුවට ගෙන තිබේ.

මන්ත්‍රී විශ්‍රාම වැටුප ඉවත් කිරීමේ පනත සම්මත වීමෙන් පසු  එම  විශ්‍රාම වැටුප අහිමි වන පිරිස අතර හිටපු මන්ත්‍රීවරුන්ගේ කලත්‍රයන් (බිරිඳ හෝ සැමියන්)  182ක්ද  සිටින බව වාර්තාවේ.

2015 මහ බැංකු බැඳුම්කර වංචාව සම්බන්ධයෙන් චෝදනා ලැබ, තවමත් සොයමින් සිටින හිටපු මහ බැංකු අධිපති අර්ජුන මහේන්ද්‍රන් සමග වීඩියෝ ඇමතුමක නිරත වන ඡායාරූපයක් මාධ්‍යවේදී උවිඳු කුරුකුලසූරිය සිය ෆේස්බුක් පිටුවේ පළ කොට ඇත.

කුරුකුලසූරිය සිය සමාජ මාධ්‍යයේ එය පළ කරමින් කියා සිටියේ අර්ජුන් මහේන්ද්‍රන් සිය හිතවතකු බවත්, වසර තුනකට ආසන්න කාලයකට පසු තමා හා සම්බන්ධ වූ බවත්ය.

ඔහු කියා සිටියේ මහේන්ද්‍රන් කරුණු කිහිපයක් ගැන කතා කළ බවත් ජනාධිපති අනුර දිසානායකට යම් උපදෙසක් ලබා දෙන ලෙස තමාගෙන් ඉල්ලා සිටි බවත්ය.

තමන් එය ප්‍රතික්ෂේප කළ බවත්, සාකච්ඡාවට “බොහෝ කතා” ඇතුළත් වූ බවත්, වසර 30 කට ආසන්න කාලයක් මහේන්ද්‍රන් හඳුනන බවත් උවිදු සදහන් කොට ඇත.

දැනට සිංගප්පූරුවේ පදිංචිව සිටින මහේන්ද්‍රන්ට රජයට විශාල මූල්‍ය පාඩු සිදු කළ බවට චෝදනා එල්ල වී ඇති මතභේදාත්මක බැඳුම්කර නිකුතුවට සම්බන්ධ බවට චෝදනා එල්ල වී තිබේ.

හිටපු මැති ඇමතිවරුන් මෙන්ම වර්තමාන මන්ත්‍රීවරුන් ඇතුළු දේශපාලඥයන් හතළිහකට ආසන්න පිරිසක් සම්බන්ධයෙන් පරීක්ෂණ පවත්වන අපරාධ පරීක්ෂණ දෙපාර්තමේන්තුවේ වත්කම් විමර්ශන කොට්ඨාසය,  එම දේශපාලනඥයන්ගේ බැංකු වාර්තා සහ වත්කම් බැරකම්  ප්‍රකාශ ඇතුළු විවිධ වාර්තා පරීක්ෂා කිරීම ආරම්භ කර ඇත.

මේ සම්බන්ධයෙන් මහජන ආරක්ෂක සහ පාර්ලිමේන්තු කටයුතු අමාත්‍ය ආනන්ද විජේපාලගෙන් අප කළ විමසුමකදී ඔහු පැවසුවේ බොහෝ ලියැකියවිලි පරීක්ෂා කිරීමට ඇති හෙයින් මෙම විමර්ශන ඉතා සංකීර්ණවී ඇති බවයි.

බැංකු ඇතුළු විවිධ ආයතනවලින් වාර්තා රැසක් ලබාගෙන ඒවා පරීක්ෂා කිරීමට සහ තහවුරු කර ගැනීමට යම් කාලයක් ගතවන බවද හෙතෙම ප්‍රකාශ කළේය.

අයථා  ලෙස වත්කම් ඉපයූ බව පැවසෙන දේශපාලනඥයන් සම්බන්ධයෙන් තවදුරටත් පැමිණිලි ගලා එමින් තිබෙන බවත් ලැබෙන සියලුම පැමිණිලි සම්බන්ධයෙන් විමර්ශන පවත්වන බවත් අමාත්‍යවරයා කීවේය.

මේ අතර විවිධ පාතාල කල්ලි සමඟ සබඳතා පැවැත්වූ බව පැවසෙන හිටපු මැති ඇමති පිරිසක් සම්බන්ධයෙන්ද පොලිසිය පරීක්ෂණ ආරම්භ කර ඇත. ප්‍රසිද්ධ පාතාලකරුවන්ගෙන් ප්‍රශ්න කිරීමේදී මෙම සබඳතා පිළිබඳව තොරතුරු අනාවරණය වී ඇත.

(lankadeepa | සුජිත් හේවාජුලිගේ)

වර්තමාන රජය බලයට පත්වීමෙන් පසුව ශ්‍රී ලංකා වරාය අධිකාරියේ කළමනාකරණ අධ්‍යක්ෂවරයා වශයෙන් කටයුතු කළ තමන්ව එම තනතුරෙන් ඉවත් කිරීමට විෂය භාර අමාත්‍යවරයා ගනු ලැබූ තීරණය බල රහිත කිරීමේ රිට් ආඥාවක් නිකුත් කරන ලෙස ඉල්ලා එම ධූරයේ කටයුතු කළ ප්‍රභාත් මලවීආරච්චි විසින් ඉදිරිපත් කළ රිට් පෙත්සමක් විභාගයට ගැනීමට වග උත්තරකරුවන්ට නොතිසි නිකුත් කරන ලෙස අභියාචනාධිකරණය නියම කළේය.

මහ රෑ තම වාහනයෙන් ආණමඩුව පොලිසියට කඩා වැදි පොලිසියට චණ්ඩි පාට් දමමින් අශෝබන ලෙස හැසිරුණ ආණමඩුව ප්‍රාදේශීය සභාවේ හිටපු සභාපති උදාර මධුශංඛ පෙරේරා ආණමඩුව පොලිසිය මගීන් අද ( 16 ) අලුයම අත්අඩංගුවට ගත් බව කියයි.

මෙලෙස අත් අඩංගුවට ගෙන ඇත්තේ ආණමඩුව ප්‍රාදේශීය සභාවේ හිටපු සභාපතිවරයකු වන (ශ්‍රී ලංකා පෙදුජන පෙරමුණ) පොහොට්ටුව උදාර මධුශංඛ පෙරේරා නැමති අයකු බව කියයි.

හිටපු සභාපතිවරයා මධ්‍යම රාත්‍රියේ තම මෝටර් රථයෙන් ආණමඩුව පොලිස්ථානයට කඩා වැදි එහි දි මෝටර් රථය අධික ශබ්දයෙන් පන ගන්වමින් අශෝබන ලෙස හැසිරි ඇති අතර ඒ සම්බන්ධයෙන් ප්‍රශ්ණ කිරීම සදහා ගිය පොලිස් නිළධාරීයකුටද අශෝබන ආකාරයෙන් බැන වැදි ඇති බව කියයි.

එහිදි අදාල තැනැත්තාගේ ක්‍රියා කලාපයත් අධික ලෙස බිමත්ව සිටිමත් යන කරුණු මත ඔහුව අත්අඩංගුවට ගැනිමට ආණමඩුව පොලිසිය කටයුතු කර තිබු බව කියයි.

අත්අඩංගුවට ගත් හිටපු සභාපතිවරයා මේ වන විටද ශ්‍රී ලංකා පොදුජන පෙරමුණ පක්ෂයේ ආණමඩුව ආසනයේ සංවිධායක ලෙස   ක්‍රියාකාරි දේශපාලන චරිතයකි.

( හිරාන් ප්‍රියංකර ජයසිංහ - lankadeepa)

මනුෂ්‍ය ඉතිහාසයේ දරුණුතම ආඥාදායකයsන් දෙදෙනෙකු වූ හිට්ලර් සහ ස්ටාලින් යන දෙදෙනා ම එක සේ බිය වූ ලොව එකම මිනිසා ගැන ඔබ අසා තිබේද? ඔහු නමින් ගෝර්ජි ජුකොව් ය. ඔහු හුදෙක් නාසි හමුදාව පරාජය කළා පමණක් නොව, ඔවුන් ගේ ආත්ම විශ්වාසය සහ යුද බලය මුළුමනින්ම බිඳ දැමුවේ ය.

ලොව පුරා හින්දු බැතිමතුන් මහත් හරසරින් සමරන දීපාවලී දිනය අදට (20) යෙදී තිබේ.

අයහපත හා අවිද්‍යාව නමැති අන්ධකාරය බැහැර කර ප්‍රඥාවේ පහන් දල්වා තම හදවතත්, නිවසත්, කෝවිලත් ආලෝකවත් කරමින් ලොව පුරා හින්දු බැතිමතුන් දීපාවලී උලෙළ සමරයි.

වසර 35,000ක් පමණ පැරණි දීපාවලී සැමරුම වටා බැඳුණු පුරාවෘත්ත රැසක් පවතියි.

විෂ්ණු දෙවියන්, නරගාසුරන් නමැති අසුරයා පරාජය කිරීම සිහිපත් කරමින් දීපාවලී උත්සවය සමරනු ලබන බව මේ අතරින් වඩාත් ප්‍රකට කතා පුවතයි.

තමන් ආලෝකය ලබා ගත් අයුරින් ලොව සියලු දෙනාටම ආලෝකය දැකීමට ඉඩ සලසන්නැයි පරාජයට පත් නරගාසුරන් අසුරයා විෂ්ණු දෙවිඳුන්ගෙන් ඉල්ලීමක් කර ඇති බව වේද සාහිත්‍යයේ සඳහන් වේ.

මම මේ කතා කරන්න හදන්නෙ පැය දොළහකට වඩා එක දිගට මහන්සි වෙන ජොබ් එකක් ගැන.

දිට්වා සුළි කුණාටුවෙන් අවතැන් වූ කැලණිය වරාගොඩ ප්‍රදේශයේ ජනතාවට සහ විහාරස්ථානවලට අතවශ්‍ය ආහාර ද්‍රව්‍ය ඇතුළු භාණ්ඩ පරිත්‍යාග කිරීම කැලණිය නාරම්මිණිය අශෝකාරාම විහාරස්ථානයේ විහාරාධිපති කුරුඳුවත්තේ ඥානසිරි හිමි ගේ ප්‍රධානත්වයෙන් පසුගියදා සිදු කෙරිණි.

මහනුවර හුන්නස්ගිරිය නගරය ආසන්නයේ සිදු වූ නාය යාමකින් පුද්ගලයකු තුවාල ලබා ඇත.

අත්තනෝමතික ස්ථාන මාරුකිරීම් ක්‍රමවේදයට විරෝධය පළ කරමින් හෙට (31) දිනයේ දීපව්‍යාප්ත වෘත්තීය සමිති ක්‍රියාමාර්ගයක් ආරම්භ කරන බව රජයේ වෛද්‍ය නිලධාරීන්ගේ සංගමය පවසයි.

හෙට (23) උදෑසන 8.00 සිට පැය 48ක කාලයක් දිවයින පුරා රෝහල්වල සංකේත වැඩවර්ජනයක නිරතවන බව රජයේ වෛද්‍ය නිලධාරින්ගේ සංගමය පවසයි. 

මෙරට ඉංජිනේරුවරුන්ගේ තාක්ෂණික දායකත්වයෙන් නිර්මාණය කෙරූ තෙවැනි නැනෝ චන්ද්‍රිකාව හෙට (19) දින කක්ෂගත කිරීමට නියමිත බව මොරටුව ආතර් සී ක්ලාක් ආයතනය පවසයි.

එම චන්ද්‍රිකාව නම්කර ඇත්තේ බර්ඩ්ස් - එක්ස් ඩ්‍රැගන්ෆලයි ලෙසයි.

පසුගිය අගෝස්තු 24 වනදා නාසා ආයතනය විසින් දියත් කළ එස්.පී.එක්ස් - 33 රොකට් මෙහෙයුම මගින් ජාත්‍යන්තර අභ්‍යවකාශ ආයතනය වෙත එම චන්ද්‍රිකාව රැගෙන ගොස් ඇත.

2019 වසරේදී මෙරට පළමු නැනෝ චන්ද්‍රිකාව වන “රාවණ - 1“ චන්ද්‍රිකාව කක්ෂගත කර තිබු අතර පාර්ශවයන් 5ක සහභාගීත්වයෙන් යුතු තාක්ෂණික සහයෝගීතා ව්‍යාපෘතියක් තුළින් නිර්මාණය වූ “කිට්සුනේ“ චන්ද්‍රිකාවත් මීට පෙර කක්ෂගත කර තිබුණි.

හෙට පස්වරු 2.15ට බර්ඩ්ස් - එක්ස් ඩ්‍රැගන්ෆලයි නැනෝ චන්ද්‍රිකාව ජාත්‍යන්තර අභ්‍යවකාශ මධ්‍යස්ථානයේ සිට එහි කක්ෂය වෙත මුදා හැරීමට නියමිතය.

ඌව පළාතේ සහ මාතලේ, නුවරඑලිය, අම්පාර සහ මඩකලපුව දිස්ත්‍රික්කවලත් විටින් විට වැසි ඇති වන බව කාළගුණ විද්‍යා දෙපාර්තමේන්තුව පවසයි.