පුවත්

උගන්ඩාවේ සඟවා ඇතැයි කියු ඩොලර් බිලියන 18ක මුදල මෙරටට ගෙන ඒමට සුදුසුම මොහොත කුණාටුවකට මුහුණපා ශ්‍රී ලංකාව විශාල ආපදාවකට මුහුණ දී ඇති මේ අවස්ථාව බව පාර්ලිමේන්තු මන්ත්‍රී නාමල් රාජපක්ෂ පවසයි.

වත්මන් ආණ්ඩුවට තවත් ආයුෂ ඇත්තේ අවුරුද්දක කාලයක් පමණක් බවත් කොළඹ මහ නගර සභා අයවැය ඡන්දය හරහා ආණ්ඩුව කඩා වැටෙන බවට සංඥාවක් දී ඇති බවත් පාර්ලිමේන්තු මන්ත්‍රී රාමනාදන් අර්චුනා කොළඹදී ඊයේ මාධ්‍ය යොමුකළ ප්‍රශ්නවලට පිළිතුරු දෙමින් පැවැසීය.

පසුගිය 23වන දා විපක්ෂයේ දේශපාලන කණ්ඩායම්වල නියෝජිතයන් උදෑසන 10.00 ට සභා ගර්භයට ඇතුළත් වන වේලාවේ දී අයවැය සම්මත බව ප්‍රකාශ කරමින් සභාපතිවරයා සහ ලේකම්වරිය සභාවෙන් පිටව ගිය බවත්, ඒ අවස්ථාවේ ඔරලෝසුවේ වේලාව උදෑසන 10.05 ලෙස සටහන් වී තිබුණ නමුත් ඒ මෙහෙතේ සෑබැ වේලාව උදෑසන 10.00 යැයි හොරණ ආසන සංවිධායක චරිත් අබේසිංහ පැවසී ය.

ජාතික ජන බලවේගය සහ පොදුජන එක්සත් පෙරමුණ එකව සභාව පිහිටවූ ගාල්ල මහ නගර සභාවේ අයවැය ලේඛනය ඉකුත් 15 වනදා වැඩි ජන්දයෙන් පරාජයට පත්වීමත් සමග අද (24) දෙවන වරටත් අයවැය ඡන්ද විමසීම පැවැත්වුණි.

පවතින ආපදා තත්ත්වය හේතුවෙන් ජල මූලාශ්‍ර වෙනස් වී ඇති බැවින් උත්සව සමය තුළ ජල මූලාශ්‍ර භාවිතා කරන විට සැලකිලිමත් වන ලෙස ප්‍රජා වෛද්‍ය විශේෂඥ සමිත සිරිතුංග මහතා ජනතාවට දැනුම්දෙයි.

ආපදාව හේතුවෙන් පෝෂණ අවදානමට ලක්ව ඇති දරුවන්ගේ පෝෂණය ආරක්ෂා කර ගැනීමට යුනිසෙෆ් ආයතනය මෙරටට අතිරේක සංයුක්ත පෝෂණ ආහාර ප්‍රදානයක් සිදු කිරීම කාලීනව අතිශය වැදගත් යැයි සෞඛ්‍ය හා ජනමාධ්‍ය අමාත්‍යවරයා පැවසී ය.

සිවිල් ක්‍රියාකාරී හා ජනමාධ්‍යවේදී කැලුම් අමරසිංහ විසින් අද අපරාධ පරීක්ෂණ දෙපාර්තමේන්තුව හමුවේ ආන්දෝලනාත්මක පැමිණිල්ලක් ඉදිරිපත් කරන ලදී. ඒ, අස්ගිරි මහා විහාරය මගින් සසුනෙන් නෙරපා හරින ලද හුනුපොළගම වජිර ශ්‍රී නම් චිවරධාරියකුට විරුද්ධවයි.

රටේ පවතින ඩොලර් සංචිත වියදම් කිරීමෙන් රටට ඒවා නැවත ලැබෙන ක්‍රමවේදයක් නොමැති බැවින් අපේ රටේ පවතින අපනයන තත්ත්ව වැඩි වැඩි කළ යුතු යැයි පාර්ලිමේන්තු මන්ත්‍රී රවි කරුණානායක පැවසි ය.

මහජන ආරක්ෂාව පිළිබද නියෝජ්‍ය අමාත්‍ය නීතීඥ සුනිල් වටගල පොදුජන පෙරමුණේ ක්‍රියාකාරිකයකු වන ආචාර්ය මහින්ද පතිරණට එරෙහිව කඩුවෙල දිසා අධිකරණයේ නඩුවක් පවරා ඇත.

තම පක්ෂය ආණ්ඩුවේ නොසලකා හැරීම් 14ක් හඳුනා ගත් බවත්, ඒ සියල්ල අනාගතයේ අපරාධ නඩුවක දී දැකගත හැකි යැයි පිවිතුරු හෙළ උරුමය පක්ෂ නායක උදය ගම්මන්පිල පැවසී ය.

මේ මොහොතේ රටේ පවතින අර්බුදකාරී තත්ත්වය සමනය කර ගැනීම සඳහා විපක්ෂ නායක සජිත් ප්‍රේමදාස ඉදිරිපත් කරන යෝජනා ප්‍රතික්ෂේප කරන ජනාධිපතිවරයා ටික දිනකින් එම යෝජනා ම ක්‍රියාත්මක කරන්නේ යැයි සමගි ජන බලවේගය පක්ෂයේ හොරණ ආසන සංවිධායක චරිත් අබේසිංහ පැවසී ය.

දිනපතා මහ මග දී මුණ ගැසෙන, අපි සැවොම ජීවත් වන නගරය දිනපතා ම පිරිසිදු කරන මිනිසුන් වෙනුවෙන් කිසියම් පරිත්‍යාගයක් කළ යුතු යැයි තමන් අදහස් කළ බවත්, අද මේ ත්‍යාග ලබා දෙන්නේ ඒ වෙනුවෙන් බවත් සර්වජන බලය පක්ෂ නායක පාර්ලිමේන්තු මන්ත්‍රී දිලිත් ජයවීර පැවසී ය.

දිට්වා සුළි කුණාටුව හේතුවෙන් ඇ. ඩොලර් බිලියන 4.1ක හානියක් සිදුව ඇති බවට වාර්තා වුව ද මීටත් වඩා හානි වි ඇති බැවින් මේ IMF ණය කොන්දේසි ලිහිල් කර ගැනීම වෙනුවෙන් රජයට කොන්දක් තිබිය යුතු යැයි විපක්ෂ නායක සජිත් ප්‍රේමදාස පැවසී ය.

දිට්වා සුළි කුණාටුවෙන් අවතැන් වූ කැලණිය වරාගොඩ ප්‍රදේශයේ ජනතාවට සහ විහාරස්ථානවලට අතවශ්‍ය ආහාර ද්‍රව්‍ය ඇතුළු භාණ්ඩ පරිත්‍යාග කිරීම කැලණිය නාරම්මිණිය අශෝකාරාම විහාරස්ථානයේ විහාරාධිපති කුරුඳුවත්තේ ඥානසිරි හිමි ගේ ප්‍රධානත්වයෙන් පසුගියදා සිදු කෙරිණි.

දිට්වා සුළි කුණාටුවෙන් හානියට පත් වූ ක්ෂුද්‍ර, සුළු සහ මධ්‍ය පරිමාණ ව්‍යාපාර යළි නඟා සිටුවීම සඳහා රජයේ මැදිහත්වීම මත ක්‍රියාත්මක කරනු ලබන විශේෂ ණය යෝජනා ක්‍රමයේ පළමු ණය නිදහස් කිරීම මහජන බැංකුව ආරම්භ කරයි.

අගවිනිසුරු ප්‍රීති පද්මන් සූරසේන ප්‍රමුඛ ශ්‍රේෂ්ඨාධිකරණ විනිසුරුවරුන් පසුගියදා ඉන්දියාවේ සාංචි මහා පුදබිමට පැමිණ අග්‍රශ්‍රාවක ධාතූන් වහන්සේලා සහ ධර්මාශෝක අගරජු ඉදිකළ සාංචි චෛත්‍ය සංකීර්ණය වැඳ පුදා ගත් බව සාංචි චේතියගිරි විහාරාධිකාරී  බානගල විමලතිස්ස හිමියෝ පවසති.

මුදල් විශුද්ධිකරණය වැළැක්වීමේ සහ ත්‍රස්තවාදයට මුදල් සැපයීම මැඩපැවැත්වීම යටතේ නිසි ලෙස ගනු දෙනු වාර්තා නොකළ ආයතන හතකින්, ශ්‍රී ලංකා මහ බැංකුවේ මූල්‍ය බුද්ධි ඒකකය විසින් මේ වසරේ (2025) ජූලි මස සිට සැප්තැම්බර් මස දක්වා වූ කාල පරිච්ඡේදය තුළ එකතු කරගන්නා ලද සමස්ත දඩ මුදල රුපියල් මිලියන නවයයි දශම පහක් (රු. 9,500,000.00) ලෙස වාර්තා වේ.

මාලිමා ආණ්ඩුව දැවැන්ත දේශපාලන පරාජයක් ලබමින්, දේශපාලන පසුබැසීමක පවතින්නේ යැයි නව ජනතා පෙරමුණ පක්ෂ නායක සුගීෂ්වර බණ්ඩාර පැවසී ය.