පුවත්

එක්සත් ජාතීන්ගේ මානව හිමිකම් කවුන්සිලයේදී ශ්‍රී ලංකා නියෝජිත කණ්ඩායම මෙරට විදේශ ප්‍රතිපත්තිය විනාශකාරී අන්දමින් ක්‍රියාත්මක කළ ආකාරය සම්බන්ධව තමන් දැඩි කම්පාවට පත්වන බව සර්ව ජනබලයේ නායක පාර්ලිමේන්තු මන්ත්‍රී දිලිත් ජයවීර පවසයි.

එක්සත් ජාතීන්ගේ මානව හිමිකම් කවුන්සිලය විසින් ශ්‍රී ලංකාව සම්බන්ධයෙන් කළ යෝජනා සම්මතය පිළිබඳ දිලිත් ජයවීර සිය X අවකාශයේ සටහනක් තබමින් මේ බව සඳහන් කර තිබේ.

මානව හිමිකම් මණ්ඩලයේදී ශ්‍රී ලංකාව නියෝජනය කිරීමට බැඳී සිටින ඔවුන් මිලියන 22ක් වූ ජනතාවට ඒ පිළිබඳ වහා සැපයිය යුතු අතර ශ්‍රී ලංකාව සම්බන්ධයෙන් තහවුරු නොකළ චෝදනා මත පදනම් වූ යෝජනාවට පක්ෂව මිතුරු රටවල් පවා අදහස් දැක්වීම කම්පනයට පත්වන පාවාදීමක් බව ද ඔහු සිය X ගිණුමේ සටහන් කර තිබේ.

ජාත්‍යන්තර ප්‍රජාව ඉදිරියේ අපේ ජාතියේ ප්‍රමුඛතාවන් හෑල්ලුවට ලක්වීම වත්මන් රජයේ දුර්වලතාව හා අසමත්භාවය ප්‍රදර්ශනය කිරීමක් බවත් සිය සටහන මගින් වැඩිදුරටත් පෙන්වා දී ඇත.



දිලිත්ගේ X සටහන