රාජ්‍ය අමාත්‍ය නාලක ගොඩහේවාට පනවා තිබූ විදෙස් ගමන් තහනම අගෝස්තු මස 31 වනදා දක්වා තාවකාලිකව ඉවත්කරන ලෙස කොළඹ මහාධිකරණය නියම කර ඇත.
ඒ ශ්‍රී ලංකා විනිමය හා සුරැකුම්පත් කොමිසමේ සභාපති වශයෙන් කටයුතුකරමින් සිටියදී රුපියල් මිලියන පහක මුදලක් සාවද්‍ය ලෙස පරිහරණයකළේ යැයි චෝදනාකරමින් ගොනුකර තිබූ නඩුවක් අද (13) විභාගයට ගත් අවස්ථාවේදීය.
ඒ අනුව කොළඹ මහාධිකරණ විනිසුරු අමල් රණරාජා සඳහන් කර සිටියේ විදේශ ගමන් තහනම ඉවත්කරමින් නිකුත්කළ නියෝගය සම්බන්ධයෙන් ආගමන හා විගමන පාලකවරයා දැනුවත්කිරීමට පියවරගන්නා ලෙසය.