හිටපු නාවික හමුදාපති නිශාන්ත උළුගේතැන්න අපරාධ පරීක්ෂණ දෙපාර්තමේන්තුව අත්අඩංගුවට ගෙන තිබේ.
ඒ පොතුහැර ප්‍රදේශයේ පුද්ගලයෙකු පැහැරගෙන ගොස් ඝාතනය කිරීමේ සිද්ධියක විමර්ශනවලට අදාළවයි.
සැකකාර නිශාන්ත උළුගේතැන්න අදාළ සිද්ධිය සිදුවූ කාලසීමාවේ නාවික හමුදා බුද්ධි අංශ ප්‍රධානියා ලෙස කටයුතු කළ අතර පැහැරගැනීමට ලක්වූ පුද්ගලයා සිරගත කර තිබූ බව කියන නීති විරෝධී රඳවා ගැනීමේ මධ්‍යස්ථානය, ඔහු යටතේ ක්‍රියාත්මක වී ඇතැයි පොලිසිය අනාවරණය කළේ ය.
පොලිසිය පැවසුවේ පැහැරගැනීමට ලක්වූ පුද්ගලයා දින ගණනාවකට පසු රැඳවුම් මධ්‍යස්ථානයේ සිට යොමුකරන ලද ලිපියක් මූලික කරගනිමින් විමර්ශන ක්‍රියාත්මක කළ බවයි.
අදාළ සිද්ධිය සම්බන්ධයෙන් මීට පෙරද සැකකරුවන් කිහිපදෙනෙකු අත්අඩංගුවට ගත්තේ ය.