සමගි ජන බලවේගයේ පාර්ලිමේන්තු මන්ත්‍රී ඉරාන් වික්‍රමරත්න පොදු ව්‍යාපාර පිළිබඳ කාරක සභාවෙන් (COPE) ඉල්ලා අස් වී තිබේ.
ඔහු මේ බව අද (මාර්තු 18) කතානායකවරයාට ලිපියක් මගින් මේ සම්බන්ධයෙන් දැනුම් දී ඇත.
මේ දක්වා කෝප් කමිටුව හෙළිදරව් කළ වංචා දූෂණ චෝදනා සම්බන්ධයෙන් රජය කිසිදු පියවරක් ගෙන නොමැති බවත් කෝප් කමිටුවේ අකාර්යක්ෂමතාව පිළිබඳව ජනතාව කලකිරීමට පත් වී ඇති බවත් ඔහු එම ලිපියේ සඳහන් කර ඇත.
කෝප් කමිටුවට පත් කර ඇති සාමාජිකයන්ට විනය චෝදනා පවතින බව ද ඔහු එම ලිපියේ වැඩිදුරටත් සඳහන් කර තිබේ.
